رواية واغواهم الشيطان كاملة بقلم عادل عبد الله عبر مدونة دليل الروايات
رواية واغواهم الشيطان الفصل السابع 7
فهمي مشي وراح قابل ناصر وطلعوا عند ايمن وسهروا زي كل يوم وياسمين قعدت معاهم وهما بيشربوا وبيضحكوا وبعدين قامت تحضرلهم العشا ، قام ناصر وقال لأيمن انه هيدخل الحمام .
ناصر اتأخر اكتر من ربع ساعة ، ولما رجع فهمي شعر انه حصل حاجة مع ياسمين !!! فهمي ناره اشتعلت وقال لأيمن انه عاوز يدخل الحمام !!
فهمي دخل ورا ياسمين المطبخ ومسكها وحاول معها لكن ياسمين منعته وقالتله : انت اتجننت يا فهمي ؟ ايه اللي بتعمله ده ؟!!
: بحبك يا ياسمين .
: بتحبني ايه يا مجنون دا انا مرات صحبك !!
: برضو بحبك اوي .
: شيل اللي في دماغك ده خالص مش هيحصل فوق كده لنفسك انا مرات صحبك .
: يعني حلو مع ناصر ووحش معايا ؟!!
ياسمين (بتعجب) : ماله ناصر ؟
فهمي : انا عارف اللي بيحصل بينك وبينه .
: هو اللي قالك كده ؟
: عرفت وخلاص ملكيش دعوة مين اللي قالي .
: لو هو اللي قالك كده يبقي كداب .
: ولما بنزل انا وجوزك وهو بيفضل قاعد هنا معاكي!! بيكون بيعمل ايه ؟! يعني هكدب نفسي انا كمان ؟؟
: من الاخر ملكش دعوة يلا بقي امشي بدل ما اصوت واقول لأيمن وناصر علي انت بتعمله ده .
: انتي بتخوفيني بناصر وايمن ؟؟ انا مبخفش وعموما خليكي فاكرة ناصر بيضحك عليكي وايمن بيبيع ويشتري فيكي وانا بس اللي بحبك .
: يلا يا فهمي ادخل لاصحابك ، شكل السبجارتين ضيعوا دماغك .
رجع فهمي وقعد معاهم بعد ما حس باهانته منها ،.وايمن تايهه من الشرب وناصر اخد باله من ان فهمي اتأخر وشكله متغير .
ياسمين جهزتلهم العشا وراحت قعدت تتعشي معاهم لكن كلهم كانوا بياكلوا من غير نفس .
فهمي حس بأهانة و انه بينضحك عليه من ناصر ، وناصر حس ان فهمي عاوز يلعب علي ياسمين من وراه ، وايمن ضايع ومش فايق للاكل من كتر الشرب ، وياسمين مش عارفة وصلت لكده ازاي ولا هتكمل بعد كده ازاي !!!
بعد العشا ناصر اخد فهمي ونزلوا علطول ومش كملوا سهرتهم .
ناصر مسك فهمي وقاله : انت خرجت ورا ياسمين ليه ؟
فهمي : اشمعني انت خرجت وراها ؟ دا انت اتأخرت اوي اكيد يعني …!!
ناصر : انت غبي .
فهمي : متغلطش فيا يا ناصر .
ناصر : هغلط فيك وفي اهلك كمان علشان بغبائك انت كده هتضيع كل حاجة وهتطير البت مننا .
فهمي : قصدك ايه ؟ بقلمي / عادل عبد الله
ناصر : قصدي ياسمين كده هتخاف وممكن تقفل علي الموضوع كله ويبقي ولا انا ولا انت .
فهمي : يعني انت عاوز تبسط نفسك و اقعد انا اتحرق وانا قاعد .
ناصر : ما انت لو صبرت اسبوعين تلاته بس هتعمل اللي انت عاوزه .
فهمي : بتتكلم جد ولا بتضحك عليا ؟
ناصر : هو انا ضحكت عليك قبل كده ؟
فهمي : لا .
ناصر : طيب خايف من ايه بقي !!
فهمي : بس انا خايف البت تضيع مننا احنا الاتنين زي ما انت قولت .
ناصر : ماهو كله هيبقي بسببك ، عموما انا هتصرف متشغلش بالك .
*******
لما انا عرفت من فهمي بالوضع اللي وصله ايمن قولت لازم اشوف له اي شغل شريف بدل اللي بيعمله في نفسه وفي مراته ده .
دورت لأيمن علي شغل تاني يوم لحد ما لقيت له شغلانه و اتصلت به وقولتله : عامل ايه يا ايمن علفكرة لقيت لك شغل .
ايمن : شغل ايه وبكام ؟
: مش مهم دلوقتي المهم انك تشتغل بدل قعدتك كده علشان مش تحتاج وتمد ايدك للي يسوي واللي ميسواش .
: ماشي يا محسن هنروح نشوف الشغل ده امتي ؟
: يا عم البس وانزل ونروح نشوفه دلوقتي .
: خلاص ربع ساعه وهكون عندك .
وفعلا نزل ايمن وروحنا واستلم شغله .
وبعد المغرب رجع ناصر وفهمي من شغلهم. اتقابلوا واتصل ناصر بأيمن علشان يطلعوا يسهروا زي كل يوم .
ناصر : ايه يا ايمن انا هجيب العشا ولزوم السهرة وهنطلع لك انا وفهمي .
ايمن : معلش يا ناصر اصل انا استلمت شغل جديد ، اجل السهرة لبكرة ونبقي نحدد معاد جديد نسهر فيه علشان برجع من شغلي بالليل متأخر .
ناصر ( بانزعاج ) : بجد اشتغلت ؟ طيب كويس ده خبر حلو اوي .مبروك يا ايمن .
ايمن : الله يبارك فيك . بقلمي / عادل عبد الله
ناصر : طيب هقفل معاك بقي واسيبك تشوف شغلك .
قفل ناصر مع ايمن وكان واضح عليه الارتباك . فهمي قاله : في ايه يا ناصر ؟ ايمن قالك ايه ؟
ناصر : ايمن استلم شغل وبيقولي نأجل السهرة لحد ما يحدد معاد جديد علشان بيرجع من شغله متأخر .
فهمي : طيب وبعدين ؟ هنعمل ايه يا ناصر ؟
ناصر : مش عارف تعالي نشرب كوبايتين شاي علي القهوة وافكر هنعمل ايه .
قعدوا شربوا الشاي وبعدين ناصر قال لفهمي : انا هروح انام ونأجل الموضوع ده لبكره .
مشي فهمي وناصر عمل نفسه انه مروح بيته وبعدين اتصل علي ياسمين وقالها انه عرف ان ايمن اشتغل وانه هيروحلها البيت علي ما ايمن يرجع من شغله .
وفعلا ناصر راح لياسمين البيت واول لما ياسمين شافته قالتله : ينفع اللي صحبك عمله ده يا ناصر ؟
ناصر : قصدك فهمي ؟
: ايوه الزفت فهمي . شوفت طمعته فيا ازاي ؟؟ ولا تلاقيك بتحكيله علي اللي بيحصل بينا !!
: انتي اتجننتي يا بت ؟؟ احكيله ايه وطمعته ايه !!! ده عيل اهبل ملوش لازمة .
: اهو بقي له لازمة لما عرف سرنا .
: كبري دماغك منه .
: ولما يفضحنا هنعمل ايه ؟
: مفيش الكلام ده ، انا ثبته بكلمتين ، وبعدين فهمي ده بالذات مفاتيحه معايا مفيش منه قلق خالص .
: انت شايف كده ؟
: سيبك بقي من اي حاجة وتعالي علشان انتي وحشاني اوي .
وقعد ناصر معها وقضوا ساعتين في الحرام و قبل ما ينزل اداها هدية وفلوس وقالها ان كده احسن لها ، وانه هيبقي يطلعلها كل يوم بعد رجوعه من شغله وقبل رجوع ايمن البيت .
وياسمين وافقت لأنها هتاخد من ناصر كل الفلوس اللي كان ايمن بياخدها منه وهتستفيد هي بدل ايمن جوزها اللي بيبيع شرفها ويقبض هو !!
في اليوم التالي ايمن اتصل بناصر وقاله : معلش يا ناصر البارح رجعت من الشغل متأخر اوي شكلنا مش هنعرف نسهر مع بعض الا يوم الاجازة .
ناصر : اللي تشوفه يا صحبي المهم تشوف مصلحتك واكل عيشك ، سيبك من السهر ما احنا ياما سهرنا وانبسطنا .
ايمن : اومال انت هتعمل ايه انت وفهمي ؟
ناصر : متشغلش بالك هنسهر في اي مكان ونبقي نسهر مع بعض يوم الاجازة زي ما انت عايز .
بعد رجوع ناصر من شغله قابل فهمي اللي سأله : هنعمل ايه يا ناصر ؟ هنسهر فين ؟
ناصر : مش عارف !! تعرف ياض يا فهمي شغل الواد ايمن ده عمل مصلحة .
فهمي : ليه بقي ؟
ناصر : خلينا نشوف اكل عيشنا يا عم الواحد زهق من السهر والشرب .
فهمي : انت اللي بتقول كده ؟
ناصر : ايوه وفيها ايه !!
فهمي : طيب وياسمين ؟
ناصر : مش عارف ، بس هتوحشني اوي بنت الايه .
فهمي : يعني هتبعد عنها ؟
ناصر : واعمل ايه ؟ ما هو ايمن دلوقتي هيشتغل وهيبقي معاه فلوس ومش هيحتاجني زي الاول .
فهمي : طيب ما تخليك معها من غير ما ايمن يعرف ؟؟
ناصر : مش بقولك انت عبيط !!
فهمي : ليه ؟
ناصر : لما نطلع وايمن موجود هيبقي شكلنا عادي قدام الناس انما علشان اطلع وهو مش موجود هتبقي شبهة و الجيران هيدوروا ورانا بنعمل ايه فوق وهو مش موجود .
فهمي : عندك حق يا ناصر ، طول عمرك ناصح .
ايمن كل يوم يرجع من شغله يلاقي مراته تعبانه ونايمه ولما يطلب حقه الشرعي كانت بترفض !!
حتي يوم اجازته لما طلبها رفضت فسألها : انتي بترفضي ليه ؟
ياسمين : تعبانه ومليش مزاج .
ايمن : لكن انا محتاجلك .
ياسمين : وانا اعملك ايه ؟
ايمن : هو ناصر بييجي هنا وانا مش موجود ؟
ياسمين ؛ انت هتعمل فيها مش عارف تاني ؟
ايمن : يبقي بييجي هنا يا فاجرة .
ياسمين : انا فاجرة بعد ما اتجوزتك علشان اتجوزت واحد بقرنين
يتبع…
- يتبع الفصل التالي اضغط على ( رواية واغواهم الشيطان ) اسم الرواية