رواية حرم الفهد الفصل السابع 7 - بقلم سمية احمد

 رواية حرم الفهد (كاملة جميع الفصول) حصريا عبر دليل الروايات بقلم سمية احمد

رواية حرم الفهد الفصل السابع 7

نور بصت لبنتها بصدمة مكنتش متخيله ان البنت اللي هربت وسابت الكل تخذلها للدرجادي.. كان هاين عليها تنزل فيها ضرب بس قلبها مكنش مطوعها... 

شد فهد غرام ورا ضهره لانها كانت بشعرها.. 

اتكلم فهد بقوة: حماااتي أنا.. 

قربت نور ورزعته قلم وزعقت بعياط: انت تخرس خالص بنتي اللي قولت هتخاف عليها اكتر مني طلعت مقضيها معاها.. 

فهد بهدوء: عيب كده يا حماتي.. 

نور بزعيق: عيب عليك انت... 

فهد بهدوء: مقبولة منك يا حماتي القلم والشتيمه وكل حاجه بس اهدي كده وصلي علي النبي في قلبك... 

ضحك اياد علي صحبه لما سمعه وهو واقف علي السلم طلع لما شاف غرام بشعرها.. 

هدى بخذلان:بقي ابني اللي بشهاده الكل محترم يطلع منه كده.. 

فهد بمرح: اي يا ماما انتي هتعيشي الدور ولا اي... محترم مين.. دانا من برا هلله هلله ومن جوا يعلم الله. 

مسكت غرام في تشيرت فهد بخوف.. 

بصلها فهد واتكلم بمرح: هتوقعي البنطلون يابنت الهبله ده مش التشيرت حتي لو عايزة تعملي مشاهد رومانسي بتتغابي فيه... 

ضربته غرام في ضهره بكسوف... 

زعقت نور: انت اي بدل ما تقول انك غلطان قاعد تهزر... 

فهد بجراءة: والله يا حماتي أنا بحاول ابان ليراكس بعد البوس*ه وحضرتك مصممه تبوظي المود لأهل اللي خلفوني... وأنا واحد بقالي خمس سنين بعافر مع بنتك علشانها... 

برقت هدى وغرام وندا ونور من وقاحه فهد... 

قربت نور من فهد وشددت بنتها.. 

نور: تعالي يا منيله... 

فهد: عيب كده يا حماتي اسمها غرام او غرام الفهد او غرامي... اي حاجه من ريحه الحبايب... 

نور بردح: وريحه الحبايب معفنة وسمعتها قذرة شغال تقفش في بنتي علي السلم يا ابن هدي القرشانه وواخدها علي الشقة وشغال بو*س فيها... 

بصت هدى لنور بصدمه من كلمتها.. 

هدى بعصبية: انا قرشانه يا ام اربعه واربعين.. 

فهد: اوبااااا هنبتدي في شغل العقارب من دلوقتي مش لما بنتك توافق عليا يا حماتي الاول... 

غرام بكسوف: يلا يا ماما بقي... 

فهد وهو بيقلد غرام: يلا يا ماما بقي... اتدلعي اتدلعي لما بتشوفي خلقتي بتقلبي عم عبدو في نفسك... طب.. والغلبان ملوش في الدلع ده انتي حتي ملبن... 

نور بصدمة: نهار ابوك اسود انت جنسك اي يخربيتك.. انت متربتش.. 

ضربت هدى علي صدرها بصدمة من ابنها: العيل اتهبل العيل اللي حلتك يا هدى بقي اهبل... بقولك يا ام غرام جوزي ابني بنتك العيل ربع مخه ضرب... 

فهد بصرامه:في اي انتو خلتوني اهبل وانا في كامل قوايا العلقية.. 

كمل بحب: بس انا قدامها بفقد كل قوايا العقلية بصراحه بسيح قدامها يخربيتك جمال اهلك يا شيخه... هربانه من برطمان عسلل.. عسللل اي برطمان نوتيلا... 

بصت للارض بكسوف. 

فهد بحماس: اوعااا بقي علي السكوووف لمنا في بيت. واحد يااارب وجمع شملنا.. دانا اتفضحت حتي... 

بصتله نور بغيظ وشدت بنتها ولسه هتخرج بره مسك فهد غرام.. 

فهد بجدية: علي فين يا حماتي.. 

نور بضيق: علي بيتنا يابن هدى.. 

شاور فهد علي غرام وقال: هتنزلي وغرام كده.. 

شد منها غرام ودخل الاوضه بتاعته وقفت نور مكانها بصدمة من تصرفات فهد.. 

فهد لبس غرام جاكت فوق البيجامه لانها كانت ضيقة ولف فوطه فوق دماغها علشان شعرها.. 

فهد بصرامه: شعرايه بس تبان هخليكي تتمني تشوفيه تاني يا غرام.. 

غرام بعصبية: نننني بطل ام تحكماتك.. 

قرب منها فهد بسرعه وخطف ب*وسه جنب شفايفها..

فهد: نتجوز بس وهنتنقل لمرحله تانيه... مرحله ما بعد ال*وس... 

ضربت غرام في صدره وجريت علي برا نزلت غرام ومامتها بيتهم.. 

طلع فهد كانت قاعده هدى مضايقة من ابنها ومن غرام 

فهد: حماتي وليه صعرانه.. وانا اقول غرام طالعه  صعرانه لمين... اتريها طلعت وراثة...

ضحكت ندا وقالت: بس الفهد مطلعش سهل.. 

فهد بغرور: عيب عليكي دانا دنجوان في نفسي... 

ندا: انتي هتقولي... 

فهد بغرور: سمعتي قذره للدرجاي.. 

ندا: واكتر بكتير... 

فهد بغرور: سمعه الانسان نعمه بذات لما تكون سمعه قذره زي بتاعتي... 

***

في صباح اليوم التالي.. 

في بيت غرام مامتها قاعده بتكلمها.

نور: عارفة لو شفتك مع فهد.. 

غرام بملل: ام الاسطوانه اللي خنقوتني بيها دي.. والله يا ماما هو اللي بيجري ورايا.. 

نور بردح: يا قلب امك بت انتي كنتي هتقع من ايده من كتر ما الب*وسه عجبتك.. 

عرام بكسوف:  عيب يا ماما كده. 

نور: انزل يا عيب.. في اي يقلب امك متتعدلي وابعدي عن فهد لما تحبيه وتتجوزيه اعملي ما بدلك. 

غرام بنفاذ صبر: خلصتي يا ماما اتاخرت علي الكيلة علي فكره... 

***

نزلت غرام وهيا نازله لقيت فهد واقف وساند علي باب الاسانسير مستنياها.. 

فهد: شكل امي دعيالي انهارده.... 

غرام: لا داعيه عليك... 

فهد بمشاكشة: مش انتي رسامه.. 

غرام: ايوه.. 

فهد: طب ما ترسميني... 

غرام بسخرية: بتدرب علي اشكال حلوه ارسمها يا فهد مش علي شكلك. 

فهد بصدمة من ردها: بت انتي لمضه وبجحه كده ليه وبلسانين.. 

غرام: بعض ما عندكوا يا عمري... 

فهد: يالهويي علي عمري اللي طلعه منك... 

غرام بعصبية: متبطل قله ادب بقي.. 

فهد بغرور: عيب عليكي لما تقولي لفهد البحيري كده.. احنا عندنا قله الادب وراثة يا بنتي يعني ولادي هيورثوا الكلام ده... 

غرام: ده بقي اكتر سبب مخليني رافضه الجوازه..

فهد بغرور:انتي تطولي اصلاا . 

حطت ايديها في وسطها واتكلمت وهيا بتميل بجسمها: ليه تكونش ابن السفيره عزيزة ولا ابن نجاة العدوية يابن هدي.... 

بصلها فهد من تحت لفوق بجراءة اخدت بالها من نظرته وعدلت نفسها بتوتر..

فهد بخبث: الجميل بيدلع في مكان غلط وكدهزخطر عليا وعلي الجميل... بس وماله نشوف الجميل ماله.. 

غرام بعصبية: اخخخخ يااااارب هتشل هتموتني ناقصه عمرر... انا لو عايزة اجلط نفسي مش هعمل كده.... صبرررني يااارب.. 

زعق فهد: بتصوتي ليه يبنت العبيطة... 

غرام: فهد متعصبنيش... 

فهد: طب اخرسي علشان مسكتكيش بالعافية... 

غرام بنرفزة: هتسكتني ازا... 

سكتها فهد مره واحده بب*وسه شدها فقد بقوة خبطت غرام علي صدره من شده اختناقها... وهو لسه مكمل... 

زقته بقوه سندت غرام علي السلم بضعف.. 

غرام بأنفاس متقطعه من شده احتياجه للهواء: وربنا يا فهد لو مبطلت الزفت ده لهوريك.. 

قر بمنعا فهد بخبث: واي هو الزفت ده... 

غرام بتسرع: الزفت الب*.... 

سكت مره واحده واستوعبت هيا هتقول اي جريت برا العمارة بكسوف... 

زعق فهد: براحه علي الارض يا بطه علشان مش بتاعتنا... 

ضحكت غرام برقة علي هزاره الوقح... 

***

دخل فهد المحل بتاعه لقي اياد قاعد مستنيه. 

اياده بهزار: بقي أنا قالب الدنيا عليك وانت قاعد بتدلع نفسك.. 

لكمه فهد وزعق: اهو بسبب عيونك اتحسدت.. 

اياد بسخرية: اتحسدت انت تتحسد انت لو بتموت هتعمل اللي اتعمل امبارح... 

فهد بصدمه: يخربيت عينك اهلك يلاا انا محدش هيجيب اجلي ويجبني ورا غير عين اهلك... بص يبني لحياتك يخربيتك دانا مش هتجوز بسبب عينك... 

ايام: عيني... روح يشيخ انت بتحوق معاك عيني ده انت عيون بنات الشارع كلها مش جايبة نتيجه معاك... 

ضربه فهد بعصبية: يبني خليك في حالك كفاية بص في ام حياة اللي خفلوني.. 

ايامد بالم: يحرق ايدك يعم بوظلتي وشي... اكمني احلا منك والبنات بتموت فيا... اه ياحقودي يابو صورم...

 

بصله فهد بعصبية ورجع ضربة لحد ما بقي يصوت من الضرب.. 

اياد بالم وصراخ: خلاص يا عم عيل وغلط يخربيتك... دانا محتاج مستشفي سنه مش اسبوع... 

فهد: اسكت علشان هدخلك  العناية... 

ايان بالم: هيا فيها عناية دانا تقريباً حتي لو نويت اتجوز بقيت لا اصلح للجواز اصلاا.... 

فهد بغرور: احسن علشان تعرف نفسك تاني مره بتكلم مين... 

***

بليل رجعت غرام بيتها واتصدمت لما لقت فهد وندا وهدى عندهم... 

غرام بتسال: في حاجه يا ماما... 

نور: لا يا حبيبتي مفيش حاجه... 

بصت غرام لفهد لقيت نظرته صعب تفسرها بس مكنتش مرتاحه... 

نور: روحي هاتي العصير من جوه... 

دخلت غرام وجابت العصير وقدمت وقعدت جنب مامتها... 

قالت نور كلمه خلت غرام تبصلها بصدمة.. 

نور: خطوبتك علي فهد الخميس الجاي...... 

يتبع

 

اتفاعلووو💗

البارت ده نزل علشان التفاعل القمر بتاع بارت امبارح وبارت انهارده ... قولوا رايكوا يا سكاكر.💗

  •تابع الفصل التالي "رواية حرم الفهد" اضغط على اسم الرواية