رواية موعدي مع الحب الحقيقي كاملة بقلم نشوة عادل عبر مدونة دليل الروايات
رواية موعدي مع الحب الحقيقي الفصل الثامن 8
-قولتله انا مش بتاعت حب وسيبته ومشيت يا سارة كنتى منتظرة منى اقوله ايه يعنى ؟!
سارة: وليه عملتى كده يا اسما مع انى واثقة ومتأكدة ان فيه مشاعر جواكى لسيف
اسماء بوجع: عشان مش هينفع اتوجع تانى وضيع من عمرى سنين وانا ببنى احلام وخيالات مع شخصى المفضل ومع اول محنة اتعرض ليها يسيبنى ويهرب
سارة بتفهم: حاسة بيكى بس يا قلبى سيف مش زى كريم .. كريم كان شخص ضعيف ومهزوز وده بان لما اتخلى عنك اما سيف حبك ع وضعك وموافق بيكى ع اى وضع وده معناه ان حبه صادق
اسماء بانهيار : وانا معنديش استعداد بجد انا خوفى من الخذلان اكبر من قوة حبى ودى الحقيقة اللى اكدب لو انكرتها واساسا انا مش هروح الشغل ده تانى وهو هينسانى
سارة محبتش تضغط عليها اكتر بالكلام خصوصا أنها ممكن تتعب قالت: خلاص يا حبيبتى اعملى اللى يريحك المهم تكونى بخير
اسماء: ماشى انا هدخل اصلى وانام عشان تعبانة
سارة: لا انت هتدخلى تصلى وتيجى تاكلى وتاخدى علاجك الاول يا حب
اسماء بضحك: هو مين فينا الكبير يا بنتى؟!
سارة: علميا انتى عمليا انا وكلامى هيتسمع ماشى يا قطتى
استسلمت اسماء وصلت فرضها وخرجت اكلت واخدت العلاج وبعدين نامت
فى مكان تانى فى ملهى ليلى اللى رامى وشيلته بيتجمعوا فيه جات روناز وقالت : خلاص يا بيبى لقيت حل نجيب بيه ورق الصفقة
رامى ولمعت عيونه بفرحة: بجد ايه هو ؟!
روناز: ما هو بصراحة محتاج منك مغامرة وممكن يعنى تخاف تعمله
رامى بغضب وهو بيمسكها من دراعها جامد: رامى الشناوى ميعرفش الخوف يا رو.ح ام.ك الظاهر انك متعرفنيش كويس لسه
روناز بوجع: خلاص يا رامى بهزر سيب ايدى وجعتنى
سابها رامى وقعد ومسك الكاس يشرب بغيظ سندت عليه بدلع وبا..سته من خده وقالت: انا عارفة يا روحى انك متعرفش الخوف بس كنت بنكشك
رامى: اخلصى ايه الحل؟!
روناز: هندخله من نقطة ضعفه ونمسكه من الايد اللى توجعه
رامى بضحك: حسام! حسام معندوش ايد توجعه عشان نمسكه منها
روناز بثقة: تؤ كان زمان لكن دلوقتى بقى ليه
اخرجت فونها وفتحت صور لحسام وسارة وهما بيضحكوا وبيهزروا وبينهم نظرات حب
رامى بتفاجئ: ايه ده الباشا وقع فى الحب وغرقان يا بنت اللع..يبة عرفتى ازاى؟!
روناز: براقبه من يوم ما قولتلك انى هلاقى الطريقة وعرفت فعلا ان محدش يعرف طريق ورق الصفقة فمكنش فيه حل تانى غير ده
رامى: اللى هو ؟!
روناز: هتخطف البت دى
رامى: انتى اتجننتى رسمى انتى شيفانى قت..ال قت..لة
روناز: اوف هو انا قولتلك اقت. لها انت هتخطفها بس وهتفاوضه يجيبلك الورق مقابل السنيورة
رامى وعجبته الفكرة: عجبتنى والله النص مليون مش خسارة فى دماغك السم
روناز: وعشان اكون جدعة معاك للاخر عندى الرجالة اللى هتخطفها وانت مش هتحتك بيها اصلا ومش هتشوف وشك عشان ميحصلكش مشاكل
رامى: ليه بس ده حتى شكلها جا..مدة واهو اتسلى شويه واكيد مش هتشوف وشى
روناز: معناها مبروك عليك اللوزة المتقشرة
تانى يوم صحيت سارة ع صوت فونها بيرن وكان حسام ابتسمت بحب وقالت بصوت نايم: صباح الخير
حسام: صباح الهنا اتأخرتى فى النوم قولت اصحيكى
اتفاجئت سارة ان المنبه مرنش قفلت فى وش حسام وقامت لبست واطمنت ع اسماء ونزلت تجرى لحد اول شارعهم لكن فجأة جات عربية ونزل منها اثنين حطوها فى العربية ومشيوا…وكان حسام واقف بعربيته مستنيها اصلا لكن هى مكانتش تعرف وشاف الموقف بعيونه واتصدم لكنه مشى وراهم بعربيته بدون ما يحسوا وووووو………..
يتبع….
- يتبع الفصل التالي اضغط على ( رواية موعدي مع الحب الحقيقي ) اسم الرواية