رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل العاشر 10
آسفة على التأخير الفترة اللي فاتت انا مكنتش بنزل عشان بكمل الجزء الاول كله خلصته واعرف انزلكم كل يوم كذاا باارت وانتظم
البارت العاشر
رواية قسوة عشق
بقلمى /ملك عبد اللطيف
حياة بغضب كبير: بقولك لأ يعنى لأ ياچانسو مش هفكر انا قررت خلاص
چانسو بغضب هيا الأخرى: حياااااة متهبليش بقااا مش عشان انتى مش طيقاه هتودينا فى داهيه وتفلسى الشركة
حياة بغضب: أنا اللى هفلس الشركه ليه هوا انا اللى وقعت الورق بتاع الشراكة من قبل حتى ماتسئلينى او تشوفى الشريك ده مين
چانسو: هوا صحيح أنا غلطت بس برضو انا عملت كدة عشان مش هنلاقى شريك احسن من ده يبنتى اشهر شركة فى أمريكا جايه تشاركنا وانتى اللى همك انه طلع نفس الشخص اللى كان معاكى فى السجن هوا الشريك
حياة: ايوة بقا هوا ده اللى هممنى منا مش معقول هخلى واحد زى ده يبقا شريك فى شركتى وكمان يحكم معايا فى مصير الشركة لا والانيل انى هشوفه كل يوم وانا مبطيقهوش
نادية من خلفهم وهى تتجه نحوهم: ليها ماله شكله يااحياة ده موز يعنى وشيك كدة ومحترم وراقى كدة وبالزات بقا لما اول ماشافني باس ايدى لاولاعنيه وعضلاته و.........
حياةبمقاطعة وغضب:اييييه اييه ماتروحى تتجوزيه احسن مانتى عمالة توصفيهولنا كدة واساسا لما هوا باس ايدك كان بيحسبك انا
چانسو:يبنتى ده جاتله صدمة حياته لما عرف انك حياة رچدان مكنش مصدق اصلا
حياة:لا ده غير الكلام اللى قلهولى اول ماشفنى وعايزانى بعد كل ده اوافق
ناديه:ليه قالك ايه ياحياة
حياة وهى تتذكر:مش هتصدقه قالى ايه الاهبل ده
،،،،فلاش باااك،،،،
كنان بعد ان رأى حياة والصدمة على وجهه:انتى بتعملى ايه هنا يابت انتى
حياة بغضب وصدمة:انت اللى ازاى تخش مكتبى من غير ماتستأذن وبتعمل ايه هنا
كنان بسخرية وضحك وهو يقترب منها بخطوات هادئة وهى ترجع للوراء حتى اصتدمت فى الحائط ويحاوطها بزراعيه:هههههه مك ايه يختى مكتبك ده اللى هوا ازاى يعنى
حياة بتوتر من القرب الذى بينهما ولكنها غاضبة:ايه متفاجئ كدة ليه هوا انت ساعت مادخلت معرفتش ده مكتب مين
كنان وهو لسة يحاوطها بزراعيه:لا عارف طبعاً بس انتى شكلك متعرفيش انى الشريك الجديد يحلوة
حياة بصدمة:ايه انت الشريك الجديد لتكمل كلامها بغضب جحيمى انتتتتتت ازاااا.........
ليقاطعها كنان وهو يضع يده على فمها ليسكتها:هششش انتى لسة هتزعقى بصى انا مش متفاجئ لما لقيتك هنا انتى اكيد السكرتيرة بتاعت حياة رچدان ولا لأ السكرتيرة كانت برة انتى ممكن تكونى الفراشة هنا اللى بتمسح وتنضف ولا لأ برضو دى كتير عليكى ايوة لقيتها انتى اكيد البوابة بتاعت الشركة بس والله مبسوط لما شوفتك روحى يلا يابت قولى للهانم بتاعتك حياة رچدان انى وصلت وخليها تيجى ليقول أخر كلمة وهو يزيل يده من على فمها وهى تنظر له بصدمة كبيرة من كلامه وهو تائه فى عيناها الجميلتان التى اول مرة يلاحظهما لأنه كل المرات التى يتحدث فيها معها لا يقترب منها هكذا
حياة وهى تدفعه بيديها بغضب ليبتعد عنها:انت ازاااااااى تقرب منى كدة وتسكتنى ياحيواااااان انت اطلعععع بررررة احسن اجبلك الأمن يطلعوك
كنان وهو يبتعد فيجلس على الكرسى ويضع رجل فوق الأخرى بغرور:طؤ طؤ طؤ طؤ مش كدة يبنتى اعصابك هديها شوية وبلاش صوتك العالى ده يحلوة عشان انا ممكن اطردك من هنا زى الكلبة فتعدلى كدة واصحى واعرفى إنك بتكلمى مديرك
حياة بتفكير وخبث:فعلاً انا بكلم مديرى واللى هيبقى شريك حياة رچدان
كنان:ايوة كدة اتعدلى وروحى نادى لحياة رچدان وقوليلها انى جيت وانا اوعدك لما استلم الشركة مش هطردك ممكن اخليكى سكرتيرتى
حياة بغضب لنفسها:يارب صبرنى على الغبى اللى قصادى ده ماشي انا هوريكى يا چانسو بس اشوفك بس على الورطة اللى حطتينا فيها دى
كنان وهو يشير بيده امامها كى يوقظها:اييييه روحتى فين سرحانة فى حياتك المستقبلية معايا ولا ايه
حياة بخبث:لا بس حياة هانم مستنية حضرتك فى غرفة الاجتماعات هيا مبتجيش لحد لغايت عنده
كنان وهو ينهض:ماشي ياختى قومى قدامى ورينى فين المكتب
حياة وهى تحاول تمالك اعصابها:اتفضل حضرتك اتفضل
ليمشى كنان امامها فيرى أمير وهو يبحث عنه فيوقفه كنان:ايه يبنى كل ده بتركن العربية
أمير:معلش مهما لقيت مكان أمير بعد ان رأى حياة تقف امام كنان:ايه ده مش دى البنت اللى كانت معاك فى السجن
كنان:اه هى تعالى بقا عشان نقابل المديرة ونخلص من الموال ده
أمير وهو يتجه لغرفة الاجتماعات وغير فاهم لأى شئ:يلا
وصل كنان وأمير لغرفة الاجتماعات وكانت كبيرة جدا وبها جميع موظفين الشركة لأن حياة كانت سوف تشرح لهم خطة جديدة للعمل فدخل كنان وأمير وحياة وقفت بالخارج تمشى هنا وهناك بغضب منتظرة چانسو ان تأتى حتى تدخل معها
چانسو وهى تتجه نحو حياة:ايه ياحياة قابلتى الشريك الجديد هوا جوه صح
حياة بغضب:انتى ازاااااااااى تعملى كدددة ياچانسو انا كنت متأكدة ان الموضوع ده وراه حد لان مستحيل حد ييجى يشاركنا بعد مانزلنا الاعلان بنصف ساعة
چانسو بعدم فهم:فيه ايه انا مش فاهمه حاجه ياحياة هوا الشريك مجاش
حياة:انتى عااااارفة من الزفت الشريك اللى قاعد جوه مستنينى
چانسو:مين يعنى واحد وخلاص
حياة بغضب:ماهى دى المصيبة ان اللى جوه نفسه هوا هوا الشخص اللى كان معايا فى السجن اليوم المهبب ده
چانسو بصدمة وضحك فى نفس الوقت على الصدفة:ههههههههههه احييييه بجد ولا بتهزرى
حياة بغضب:انتى بتضحكى على ايه انتى كمان انا بتكلم جد يا چانسو
چانسو بجدية:طب وفيها ايه ياحياة يمكن يطلع شخص كويس واحنا مصدقنا لقينا حد يشاركنا
حياة:شخص ايه يختى كويس ازاى وكان عاوز يشقطنى من نص الشارع وكمان اتبلى عليا قصاد الضابط ده غير انه يكون جاى هنا عشان ينتقم من القلم اللى ضربتهوله اليوم ده
چانسو:طب هوا شافك على كدة
حياة:اه شافنى بس شكله ميعرفش انى حياة رچدان
چانسو بضحك:ههههههه احيه شكله هيبقا عامل ازاى لما يعرف ده مش بعيد يلغى الشراكة مابينا
حياة بتفكير وخبث:فعلاً ممكن يلغى الشراكة بس لو قولنهاله بطريقة تصدمه مثلاً
چانسو:قصدك ايه
حياة:مش مهم تعرفى قصدى ايه دلوقتى فين نادية
چانسو:فى مكتبها عاوزها ليه
حياة:ناديها بسرعة ياچانسو بسرعة
ذهب احد الموظفين لينادى على نادية فجائت لحياة مهرولة وبسرعة
نادية:نعم ياحياة عاوزانى ليه
حياة بخبث:بصى هقولك ايه بس تسمعينى كويس ماشي
چانسو:انتى ناوية على ايه ياحياة قلقتينى
حياةبخبث:متخافيش ناوية على شر انشاءالله بصى يا نادية انتى دلوقتى تخشى قبليا وانا هخش بعديكى على طول اول ماتخشى هتلاقى شابين هيكلموكى اول مايتكلم واحد منهم معاكى انتى تفصلى ساكته وابدئى علطول بشرح الخطة الجديدة اللى كنت قيلالك عليها ومتعمليش اى اهتمام ليا ولا تقوليلى حياة هانم اساسا ولا كأنى موجوده
نادية بعدم فهم:وليه كل ده ياحياة
چانسو:انتى ليه هتعملى كدة ياحياة
حياة وهى تشير لهم بالدخول:عشان بس يعرف مين هيا حياة رچدان ويتعلم درس عمره ماهينساه خشوه يلا وزى متقولتلك اعملى يانادية
ليدخلا هما الثلاثة تدخل چانسو وبعدها نادية وبجانبها حباة ليقف جميع الموظفين عند دخول حياة لكن كنان اعتقد انهم وقفوا لهذه البنت التى دخلت فلهذا اعتقد انها حياة رچدان فتقدم نحوها بغرور ووقار وسلم عليها وباس ايديها تحت نظرات الجميع المستغربة ان الشريك الجديد يقبل يد السكرتيرة فتصمت نادية ويجلس الجميع فى أماكنهم وتجلس حياة على مقعد عادى مثل اى موظفة وتترك مقعد المديرة لچانسو وتبدأ نادية بشرح الخطة للموظفين
أمير وهو يهمس لكنان:ايه ده هما هيبدأو الاجتماع معانا إمتى عاملين يتكلموا فى شغل عادى ولا كأننا موجودين
كنان بهمس هو الأخر:شكلهم مستنين يخلصوا الاجتماع وبعدين نتفق ونوقع الورق مع حياةرچدان
أمير بأستغراب:هيا فين حياة رچدان انا مش شايفها
كنان:انت عبيط يبنى ماقدامك اهى
أمير وهو يشير على نادية:دى حياة رچدان انت اللى شكلك عبيط دى صغيرة جداً
كنان:ما بابا قالى انها عندها 24يعنى مش كبيرة
أمير:طب ودى شكل واحدة عندها 24ده انا اديلها كتيرها اووى 19سنة يبنى دى مستحيل تكون هيا
كنان:يبنى هيا حتى ملحظتش انها اول مادخلت كله قام وقف
أمير:ده انا كنت لسة هقولك ان كله قام وقف بس لما البت دى دخلت مش دى ليشير بأخر كلامه على حياة
كنان:مين دى لأ طبعا دى بوابة الشركة هنا بقا دى حياة رچدان انت اتهبلت
أمير:وليه لأ ده كفاية دخلتها وهيبيتها اللى مسمعتهاش غير انها موجودة عند حياة رچدان وكمان لبسها غالى باين عليه حتى الساعة اللى فى أيديها نفس الماركة اللى بتلبسها أمك مش معقول بقا كل ده موجود عند بوابة الشركة
كنان:يمكن سرقاها احنا مش عارفين البت دى من انهى داهية
أمير:يبنى انت مش مقتنع ليه باين عليها انها هيا المديرة وكمان حياةرچدان مش محجبة لكن دى لبسة طرحة
ليقاطع همسهم لبعض صوت تصفيق جميع الموظفين لنادية بعد ان انتهت كلامها فتشير حياة بعينها للموظفين ان يرحلوا معادا نادية وكنان وأمير وچانسو فيرحلوا بسرعة ثم يقترب كنان من نادية ويوجه الحديث لها:اظن وقت انى اعرفك على نفسى ياحياة هانم ولاايه
لتنظر له نادية بصدمة وچانسو هل يظن ان نادية هيا حياة رچدان معقول هذا ماحدثوا به نفسهما جميعاً
ليقطع صوت تفكيرهم حياة وهى تقول:بصراحة اه انا نفسى اعرف انت مين بقا عرفنى عن نفسك
كنان بغضب:اسكتى يا بت انتى لما اسيادك يتكلموا انتى تتكتمى خالص
حياة بأستفزاز:والله انت اللى قولتلى عاوز تعرفنى عن نفسك
كنان وكاد ان يفهم:قصدك ايه
نادية بخوف:يافندم مش انا حياة رچدان حياة هانم واقفة قدامك اهى لتقول آخر جملة وهى تشير على حياة
حياة بأستفزاز:اظن فهمت دلوقتى مين اللى واقفة قدامك دى والزم حدودك انت مع أسيادك
كنان بغضب كبير:الكل يطلع برررررررة سيبوووووونى بقاااااااا اتكلم مع حياةرچدان الحقيقية يلااااااااا
ليهرول الجميع من أمامه چانسو ونادية ويضحك أمير وهو يخرج على صديقه الذى يراه ولاول مرة غاضب هكذا
بالداخل فى المكتب عند حياة وكنان
يقترب كنان منها بخطوات مخيفة وهى ترجع للوراء وتصتدم بالحائط فيمسك يدها ويضغط عليها بغضب وهو ينظر لعيونها بتمعن وهى تنظر له نظرة انتصار عليه وفجأة كنان وهو ينظر فى عينيها يدخل فى نوبة ضحك كبيرة عليها
كنان بضحك وهو ينظر فى عينيها:هههههههههه يامحاسن الصدف هههههههههه بقا انتى حياةرچدان اللى ناس بتحكى وتتحاكى عليها ههههههههه واللهى معاهم حق كلهم يقولوا إنك واحدة مجنونه
حياة بصدمة:هوا انت الصدمة أثرت على مخك ولا اى بتضحك على ايه
كنان وهو يترك يدها ويجلس بغرور:بضحك على إنك انتى اللى طلعتى غبية عشان تعاملى شريكك كدة اللى هوا دلوقتى أسهمه اكتر منك فى الشركة دى
حياة بغضب:متقولش زفت شريكى انا مستحيل اشارك واحد حيوااااان زيك وأسهم اى اللى بتتكلم عليها واحنا موقعناش على حاجه
كنان بأستفزاز:طؤطؤطؤطؤ هوا انتى متعرفيش ان شريكتك چانسو إمبارح وقعت على العقود يعنى انا كدة شريك معاها يعنى ليا حصة فى الشركة زييى زيكم وانتى توقيعك صورى بس مش أكتر
حياة:ايه التخريف ده انا ليا اكتر من النص فى الشركة دى يعنى ايه توقيعى صورى
كنان:انتى ليكى اكتر من النص صح بس الباقى لچانسو وهيا وقعت انها هتشاركنى فيهم يعنى برضوا انا شريك فى الشركة حتى لو انتى موقعتيش
حياة بصدمة وهى متناسية الأمر كيف لچانسو ان تفعل ذلك هكذا هيا فى ورطة:اييييييه يعنى ايييييه انت كدة شريك معانا
كنان:الحمدلله البعيدة فهمت بصى وقعى انتى كمان عشان نخلص من الموال ده لأن اساسا معندكيش خل غيره ده إذا بقا عوزتى تفسخى العقد بس هتدفعى الشرط الجزائى
حياة:اللى هوا كام بقا
كنان:10مليون جنيه ده لو معاكى لأنى سمعت انكم مفلسين عشان كدة صعبتوا عليا وقولت اشارككم والارباح تبقا للكل
حياة بغضب ونفاذ صبر:اطلععععععع برررررررة شركتى بقوووووووولك بررررررة لتقول آخر كلمتها وهى ترمى عليه الڤازة الموضوعة بجانب المكتب فيجرى كنان من أمامها وهو يضحك عليها ويخرج وقبل ان يخرج من الباب:متنسيش معادنا بكرة بقا هاجى عشان التوقيع معندكيش حل غيره باااى يا... اه انتى أسمك حياة بااى ياحلوة هههههه
لترمى عليه مرة أخرى قبل ان يخرج كوب ماء وينكسر فيقفل كنان الباب ويخرج بسرعة
اما بالخارج كانت چانسو واقفة خائفة من ردة فعل حياة وأمير ذهب للسيارة وينتظر كنان بها فبعد ان خرج كنان نزل للسيارة وركبها بغضب كبير مع أمير دون أن يقول اى كلمة هوا غاضب وبشدة لأنها ضحكت عليه وأيضاً لأنها نفس البنت التى يريد ان ينتقم منها لأبوه ويخليها تحبه كمان ولكن كيف وأنهم لا يطيقون بعض
،،،،،بااااااك،،،،،
چانسو:ههههههه كل ده قالهولك والنعمة دمه خفيف وشكله كويس
حياة بغضب:دى لسة هتقولى دمه خفيف والتانية تقولى ده مووز صبرنى يارب على العهات اللى معايا دول
چانسو:خلاص بقا ياحياة انا عارفة إنك قبلتيه فى ظروف مش كويسة ومعاكى حق ترفضى بس احنا مجبورين نوافق
حياة:مجبورين نوافق بسببك ياهانم ماانتى لو مكنتيش وقعتى مكنش حصل كل ده
چانسو:يبنتى الموضوع ده فايدة لينا احنا لما نشاركه ارباحنا هتذيد ويستى لما نرجع زى الاول نبقا ندفع الشرط الجزائى ونفسخ الشراكة
حياة بتفكير:اساسا انا معنديش حل غير انى اوافق
چانسو:خلاص اخيرا هروح اكلمه ييجى بكرة ماشي؟
حياة:ماشى بس يارب اعرف استحمله الفترة المنيلة دى انتى السبب ياچانسو كتك القرف ياشيخة
چانسو بضحك وهى تخرج من المكتب:هههههههه ماخلاص بقا زيتنا فى دقيقنا ياسطا
حياة بغضب:اطلعى بررررة ياچانسو بررررررة
لتذهب چانسو وتترك حياة تفكر وتفكر فى كيف ستتحمل هذا الشخص معها وفى شركة واحدة وسيتخذ قرارات أيضاً معهم مثل اى شريك
حياة لنفسها:معقول ده ياخد قرارات معايا فى الشركة ويقول رأيوه مظنش انه بيفهم فى الشغل اساسا لتمسك اوراق الصفقة وتقرأها وترى انه معاه شهادة إدارة اعمال من جامعة كامبريدج وأخذ فيها امتياز كمان
حياة:معقول ده معاه شهادة إدارة أعمال لما نشوف أخرتها معاك ايه ياا...هوا أسمه ايه بقا بالكامل
لتقرأ اسمه وهو كنان اكمان
ـــــــــــــــــــــــــــــــــــــــــــــــــــــــــــــــ
انتهى البارت توقعاتكم بقاااا واوعو تنسوا تعمولولى كومنتات كتير بااااااى
•تابع الفصل التالي "رواية قسوة عشق" اضغط على اسم الرواية