كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الثاني عشر 12
12
*قص عليه كل ما حدث من خوفه وقلقه عليها ونفخه فى وجهها وإحتضانه لها وشعوره بإنه يعرفها من قبل
راحة قلبه فى وجودها..ضحكته التى خرجت من قلبه بسببها..التخيلات الخاصة بها..
_بس ي سيدي هو ده كل اللي حصل..
=يعني أنا أغيب عنك يوم أرجع آلاقي الحب مولع فى الدرة..
_حب إيه ي عم أنا بقولك شكلي هحبها...
=واد ي أدهم محدش فاهمك زيي..إنت فعلا حبيتها بس بتكابر...
_ديه مشكلة إن يبقى ليك صاحب فاهمك ومعاشرك بقاله فترة..
=يعني كلامي طلع صح أهو..
_طب أقولك حسيت الإحساس الحلو ده أمتي؟
=قول ي سيدي..
_يوم ما جرح كتفها نزف وأغمي عليها جوا حضني كنت خايف عليها أوي بس كنت بحاول أخفي مشاعري لأن ما ينفعش يبقى فى مشاعر فى شغلنا وفى الأول والآخر هي كانت مذنبة بالنسبة ليا بس لما عرفت إن ولاء ضربتها وكمان أبوها ظهرت مشاعري اللي كنت بحاول أخفيها...مبقيتش عايز أبعد عنها..ولما بتتعب وتتألم قلبي بيوجعني عليها..
=إنت سخن ي أدهم؟لا إنت زي القرد أهو..هو اللي إنت بتقوله ده بجد ولا هزار؟
_بجد ي زين ومش بعيد كمان أتجوزها...
=حلاوتك ي أبن ريم..
_المهم سيبك من الموضوع ده دلوقتي..مين البنت اللي بتظهر فى أحلامي إنت وعدتني إنك تعرفني هي مين..
=بص أنا مش هقدر أتكلم ولا أقول أي حاجة غير إنك قربت توصل لها وتعرفها..وبعدين ما إنت معجب بواحدة تانية أهو عايز منها إيه؟
_طب تعرف إني نفسي يطلعوا الإتنين واحد..
=إشمعنا؟
_مش عارف بس حابب كدة...أو يمكن علشان حبيت ديه ومش عايز أكون خاين للتانية حتى لو ما أعرفهاش..
=لأ البت سرها باتع فعلا..المهم عندي ليك خبر حلو..
_إيه هتتجوز؟
=لأ بعد الشر ي عم..أقصد لسه بدري أفرح بيك الأول
_أومال خبر إيه؟
=ريواء كدة أخدت براءة من القضية بس هي شوية إجراءات والموضوع ينتهي فلازم تروح النيابة بكرة
_بس حالتها ما تسمحش بالحركة دلوقتي ي زين..
=طب هحاول أتصرف فى الموضوع ده..هي لما تخرج هتعيش فين؟
_هو إيه اللي هتعيش فين أكيد مع أهلها..
=ريواء والدها إتحبس ووالدتها ماتت والقريب الوحيد ليها هو أبن خالها وللأسف أنا خليته يسافر هو ووالدته علشان هو اللي كان معاه الدليل وعادل لما عرف بعت ناس ضربوه وبالتالي ريواء ملهاش حد..فأنا من رأيي تيجي تعيش فى الشقة بتاعتنا
=وإحنا هنقعد فين؟
_أكيد مش معاها يعني إحنا ممكن نقعد فى أي أوتيل لحد ما الدنيا تتظبط..
=بس باللي إنت بتقوله ده ريواء ما ينفعش تقعد لوحدها لأن عادل هيبقي خطر عليها..وكمان أنا مش هيجيلي قلب إنها تقعد لوحدها..
_ي حنين..طب هنعمل إيه نوقف عسكري يراقب الوضع؟
=لأ ي زين آخر مرة كان العسكري واقف وإنضربت وأنا مش هسمح إن حد يأذيها تاني لازم ناخد بالنا منها كويس ولازم حد فينا يبقى متواجد فى وقت غياب التاني..بقولك إيه هي الشقة اللي فى الدور اللي فوقينا مش كانت فاضية؟
_على حسب ما أتذكر آه..
=خلاص كلم البواب وأجرها منه وأنقل حاجتنا فيها وأنا هسيبك معاها النهاردة وهروح أعمل كام مشوار كدة وهرجع لك تاني بس فى غيابي خلي بالك منها ي زين..
_ما تقلقش عليها..
______________________
_مفيش أخبار جديدة عن ريواء؟
=زين لسه مكلمني وقالي إن ريواء طلعت براءة بس فاضل شوية إجراءات بسيطة كدة وكمان عرفني إنه قال لأدهم إن ريواء ملهاش حد وأقترح عليه إنها تقعد فى الشقة بتاعتهم وقالي إن أدهم كان خايف عليها لدرجة إنه رفض يروح أوتيل وقرر إنه يأجر شقة فى نفس العمارة وفى مفاجأة كمان..
_ردت بإبتسامة:حبها صح؟
=لأ فى حاجة غلط كدة إنتي عرفتي منين؟
_مش محتاجة فقاقة وإنت بتحكي قولت إنه خايف عليها..وأدهم مش هيخاف على حد هو مش مهم بالنسبة له..
=بقولك إيه ي استاذة نهى ما تروحي تشتغلي مع أدهم وزين والله هما محتاجين دماغك ديه أوي لأن أدهم زيك كدة بس زين على الله حكايته..
_ههههههههههه..والله زين ده عسل ومن صغره وهو دمه خفيف..
=رد بغيظ:هو مين ده اللي عسل ي ماما؟
_إنت بتغير من زين ي أمجد؟هههههههه ي حبيبي أنا مهما أحب عمري ما هحب حد زيك..إنت أبني وحبيبي وصديقي وسندي وضهري..ربنا يبارك فيك ي حبيبي وأشوفك عريس..
=وأنا مش بحب أكتر منك ي ست الكل..
_هو زين هيعرف ريواء العلاقة اللي بتربطهم؟
=لأ مش راضي خايف ريواء تعك فى الكلام والدنيا تبوظ هو حاليا عايزها تمشي واحدة واحدة..
_على خير ي بني إن شاء الله...
_______________________
_عاملة إيه دلوقتي؟
=الحمد لله أحسن..
_أنا كنت جاي أطمن عليكي وأعرفك إن خلاص طلعتي براءة..
=ردت بفرحة:بجد؟يعني أقدر أرجع لحياتي تاني؟
_أيوة تقدري تعيشي حياتك زي ما إنتي عايزة..
=الحمد لله..وهو إتحبس ومش هيأذيني تاني؟
_ما تقلقيش من النهاردة محدش هيأذيكي تاني إن شاء الله..هتعملي إيه بقي فى موضوع السكن؟هتقعدي فين؟
=هروح بيت خالي الله يرحمه وهقعد مع مراته وأبنه
_بس هما سافروا ي ريواء علشان عادل حاول يأذي أمجد لأنه هو اللي جاب دليل برائتك...
=ردت بقلق:وهو كويس دلوقتي وطنط كويسة؟
_ما تقلقيش هما بخير بس كان لازم يبعدوا عن القاهرة خالص ويروحوا الصعيد..
=ردت بصدمة:الصعيد!!
_إتكلم بخبث:أيوة الصعيد فى أسيوط تحبي أوديكي عندهم؟
=لأ مش هينفع أقعد معاهم لعدة أسباب..
_ممكن أعرفها؟
=مش هينفع أقعد معاهم علشان محدش يأذيهم كفاية اللي حصلهم بسببي وكمان فى سبب تاني بس أعذرني مش هقدر أتكلم فيه..
_وأنا متفهمك جدا..
*زين محدثا نفسه:للأسف مش عايزة تقعدي معاهم لأن ريم مانعاكي من دخول أسيوط وآخر مرة جيتي فى غيابها بهدلت الدنيا...والله ي بنتي إنتي صعبانة عليا والكل جاي عليكي..
_بصي أدهم باشا قرر إنك هتقعدي فى الشقة بتاعتنا عقبال ما الموضوع يهدي وما يبقاش فى خطر عليكي وما تقلقيش محدش فينا هيدايقك بس فى نفس الوقت هنبقي قريبين منك لأننا هناخد شقة فى نفس العمارة..
=ردت بتوتر:بس أنا مش هينفع أقعد فى الشقة..
_ليه؟
=أنا عندي فوبيا ومش بعرف أقعد فى مكان مغلق لوحدي وطبعا مش هينفع نقعد فى مكان واحد أنا وحضراتكم..
_أمممممممم طب لما أدهم يجي هنشوف الموضوع ده..إرتاحي إنتي دلوقتي..
=أنا متشكرة على كل حاجة حضراتكم عملتوها معايا
_إحنا عملنا الصح وإنت إنسانة محترمة ومتربية وتستاهلي كل خير..
=ربنا يخليك..هو أمجد قدم الفيديو اللي كان معاه؟
وهو ده دليل البراءة ولا كان فى حاجة تانية؟
_رد بإستغراب:وهو إنتي كنتي عارفة إنه معاه فيديو يساعدك؟
=أيوة بس رفضت أتكلم خوفا عليه..مكونتش عايزاه يسيبني زي مامي وخالو..حضرتك ما تعرفش بابي زيي..هو كان شيطان متجسد فى شكل أب..أنا كان عندي أتحبس طول حياتي أو أموت ولا إني أسبب لهم أذية..
_تركيبتك غريبة أوووي بس فى نفس الوقت لسه بريئة وجواكي نضيف بالرغم من كل الوحشين اللي حواليكي...
=زين باشا الدنيا مش مستاهلة زعل ولا حقد واللي دايقك وأذاك النهاردة بكرة يجي يوم يطلب فيه منك السماح وإنت ترفض..
_عندك حق..عن إذنك..
__________________
_أهلا بيك ي فندم أقدر أساعد حضرتك فى حاجة؟
=أتكلم بتوتر:أمممممم بصي بصراحة أنا حبيبتي هترجع كمان كام يوم من السفر وقريب هنتجوز فأنا حبيت آجي أشتري ليها هدوم علشان أعملها مفاجآة..
_ربنا يخليكم لبعض ي فندم..طب حضرتك فى حاجة معينة فى دماغك؟
=بصراحة لأ بس ممكن تفرجيني وأنا أختار..
_تمام ي فندم طب حضرتك عايز هدوم بيت بس ولا عايز خروج معاهم ولو عايز خروج هي محجبة ولا لأ وكمان لازم أعرف المقاس..
=إتكلم بإحراج:بصي أنا عايز كل حاجة تخص البنات طبعا إنتي فاهماني..
_إبتسمت وقالت:فاهمة حضرتك ي فندم..
=وبالنسبة للمقاس أنا مش عارف بصراحة بس هي تقريبا فى جسم البنت اللي واقفة هناك كدة بس هي أقصر شوية ومحجبة يعني مش عايز لبس خروج فيه بنطلونات خالص..
_تمام ي فندم إحنا دلوقتي هنختار هدوم الخروج بكل حاجة تخصها حتى الإكسسوري بتاعها وبعدين هنختار هدوم البيت وبعدها أسمحلي حضرتك إني أكمل الباقي..
=تمام مفيش مشكلة وشكرا على مساعدتك ليا..
_آخر سؤال وهنبدأ نختار حضرتك بتفضل الغوامق ولا الفواتح
___________________
_خدي التيشيرت ده حلو أوي وهيبقي أحلى عليكي..
=لأ مش حول خالص وأنا مش بحب أصلا الألوان المغمقة ديه..
_ههههههههههه ألوان إيه؟
=ألوان مغمقة ي دومة زي black و gray.. و brown
أنا بحب ال pink وال red وال white علشان أبقى منورة كدة زي ال sun
_ههههههههههه إسمها ألوان غامقة..ثانيا حاضر هختارلك الألوان اللي تحبيها..
=ي فندم حضرتك معايا؟
_هه؟كنتي بتقولي حاجة؟
=بقول لحضرتك تحب الألوان فاتحة ولا غامقة؟
_لأ فاتحة وي ريت تكون باللون الأحمر والبينك والموف والابيض وممكن كمان أصفر ولو فى ألوان تانية فاتحة..
=تحت أمرك ي فندم..
*جاب لها هدوم كتير أوي..للخروج وللبيت وكان أغلبية لبس الخروج دريسات وكمان جاب لها جزم بكعب لأنه كان فاكر إن طفلته المدللة كانت بتحب تلبسهم وتوقع إن ريواء كمان هتحبهم أينعم هما الإتنين واحد بس هو ما يعرفش...المهم بعد ما أشتري الهدوم دخل محل تاني ليه علاقة بالميك أب والبرفانات وكل حاجة البنت بتحتاجها علشان تعتني بنفسها وبجمالها وبعدين رجع الشقة وشال هدومه وحطها فى شنطة سفر وكمان شال هدوم زين وبعدين حط هدوم ريواء في الدولاب بكل حب وسعادة وكان فخور بالإنجاز اللي عمله ده على الرغم من إنه ما يفهمش فى الحاجات ديه أصلا وده اللي هو فاكره لكن هو اللي كان دايما يروح يشتري لريواء هدومها طول ال 7 سنين اللي كانت عايشاها معاه..وكان ذوقه دايما حلو وريواء كان بيعجبها كل حاجة هو بيختارها ليها..خلص اللي كان بيعمله وبعدين رجع لهم المستشفى وقابل زين اللي عرفه رأي ريواء فى موضوع الشقة..
_أنا مش عارف نحلها إزاي دلوقتي..
=بسيطة ي زين باشا ندور لها على بنت تعمل شغل البيت وفى نفس الوقت تبقى معاها..
_وربنا دماغك ديه فيها ألماظات مجاش فى دماغي الموضوع ده خالص..
=ما إنت لو بتتعب نفسك وتفكر بيها شوية هتوصل لأفكار حلوة ولوز اللوز إنما إنت مريحها وقريب أوي هتصدي من اللي إنت بتعمله فيها..
_ي عم هو أنا هفكر فى الشغل وبرا الشغل كمان؟
=لأ عندك حق فعلا أنا غلطان ي زين باشا..حقك عليا ظلمتك..
_إتكلم بخبث:أنا مش هعلق على السخرية ديه لكن هعلق على حاجة تانية أدهم باشا ماله..بقي بيهزر ويضحك ويرغي خير ي باشا؟السر فى المزة اللي جوا ديه صح؟
=ههههههههههه تقريبا..
*أنهى كلامه ثم لكمه فى وجهه فسقط على الأرض من شدتها ثم جذبه من ملابسه وقربه إليه..
_حسك عينك تجيب سيرتها تاني على لسانك سواء بالخير أو بالشر وديه كانت قرصة ودن بسيطة خالص فلم نفسك أحسنلك بدل ما أتغابي عليك والناس تتلم ويعرفوا إنك ظابط..أصل عيب فى حقك إنك تتضرب يعني ويتقل منك..
=إنت بتمد إيدك عليا علشانها؟
_حط إيده فى جيبه وقال:أيوة..
=إتكلم بخبث:ليه؟
_علشان هي زي أختي واللي مش هرضاه على تقى مش هرضاه عليها..
=أختك آه..ماشي ي سيدي مقبولة منك البونية اللطيفة ديه بس بصراحة إيدك بقت تقيلة أوي..
_أحسن تستاهل..
=بقولك صحيح ي أدهم إيه رأيك نآخد ريواء للواد حسام صاحبنا أهو كان بيدور على عروسة محترمة وبنت ناس وبصراحة البنت تستاهل كل خير محترمة ومتربية ومهندسة وكمان جميلة ولو على القضية فهي بريئة ومظلومة يعني مفيش فيها أي مشكلة وأظن إنهم هيحسوا ببعض وهيبقوا سند لبعض لأنهم يتامى هما الاتنين..أروح أكلمه؟
_لأ..
=ليه بس البنت ما فيهاش عيب وحسام محترم وإحنا عارفينه وعارفين طبعه وهو مش مرتبط ولا هي مرتبطة..
_وإنت عرفت منين إنها مش مرتبطة؟
=مش محتاجة فقاقة لو كان فى حد فى حياتها كان جه سأل عليها..
_يمكن بتحب ومش قايلة..
=لأ مش حاسس وعلشان كدة هروح أقول لحسام
_وأنا مش موافق على الحوار ده..
=رد بخبث:والله توافق ترفض حاجة ما تخصكش أنا كنت بقترح عليك بس لكن الرأي الأول والأخير لريواء وحسام وعلشان كدة هروح أعرفه وي بخت من وفق كوزين فى الحلال ااا أقصد زوجين فى الحلال..
*إتحرك بس أدهم مسكه من ياقة قميصه وقربه ليه تاني
_إنت ليه مصمم تتهزأ وتجيب لنفسك الكلام ولا البعيد كرامته مش فارقة معاه..لو مش فارقة عيني ي حبيبي أمسحلك بيها البلاط دلوقتي..
=أنا مش عارف إنت متعصب ومدايق ليه الواد بيدور على عروسة والبنت مقطوعة من شجرة وملهاش حد وأنا عايز أساعدها انا مش فاهم حاشر نفسك ليه..إنت مالك ي عم؟
_أنا قولتلك مش موافق وخلص الكلام على كدة وريواء مش هتتجوز حسام ي زين..على جثتي لو حصل اللي إنت عايزه ده..
=مش ناوي تنطق بقي؟
_رد بإستغراب:أنطق أقول إيه؟
=إنك بتحبها ومش عايزها لغيرك بصراحة البت مُزة وتستاهل..
_لأ إنت الكلام مبقاش ينفع معاك..أنا ماشي..
*سابه ودخل أوضتها وزين وقف مكانه وكان مبتسم..
_طب والله بتحبها وموضوع إنها تبقى لغيرك مش جاي معاك خالص..وأنا بقي هخليك تنطق وتعترف إنك بتعشقها كمان مش بس بتحبها..ي أنا ي إنت ي أبن ريم...آآآآه ي أبن الجزمة ي أدهم إيدك ديه ولا مرزبة ي عم..
____________________
*فى الصعيد كانت العيلة كلها متجمعة فى صالون البيت وفجأة وجدوا شخص يقف أمامهم فنظر إليه الجميع بصدمة وعدم تصديق أنه يقف أمامهم الآن..
•تابع الفصل التالي "رواية كيف لا اعشقك وانت عمري" اضغط على اسم الرواية