رواية شمس الصعيد (كاملة جميع الفصول) حصريا عبر دليل الروايات بقلم سهيلة كامل
رواية شمس الصعيد الفصل الثاني عشر 12
جاء الدكتور ووجد شمس بين أحضان جدها
حامد : ها يا دكتور جيه الوقت
الدكتور : هي استاذة شمس وصلت امتي
وهدان : من شوية
الدكتور : احنا هندخل ليه وربنا معانا
شمس وهي مغمضة عيونها : اكيد يا دكتور ربنا واقف معانا
الدكتور : بإذن الله خير
دخل الدكتور وحاول أكثر من مرة افاقة زين ولكن لم يفيق
الدكتور برعب : هنعمل ايه
الممرضة : حضرتك اخرج وعرف عيلته
الدكتور : عوزاني اخرج اقول ليهم اسف ابنكم دخل في غيبوبة عادي كده
الممرضة : اه عادي وانت ذنبك ايه
الدكتور : يبقي انتى متعرفيش مين دول دول كبار الصعيد كلمتهم سيف على رقبه الكل اخت المريض من كام يوم ولعت في الصعيد وخلت اسمها يلمع من ذهب الممرضة بذهول : العيلة اللي برا ديه حضرتك بتهزر صح
الدكتور : هتشوفي حالا
خرج الدكتور وهو مرع*وب منهم لأنه من الصعيد ويعيش في نفس قرية المنشاوية لذلك يعرفهم جيدا
شمس : المدة
الدكتور : مده ايه
شمس : اخويا دخل في غيبوبة قد ايه
الدكتور : محدش يعرف والله الغيبوبة ديه بأيد ربنا
حامد بدموع : ااااااه ابني يا قلبي
شمس بغضب : خلاص مش عوزة اسمع صوت وانت دكتور جهز كل حاجة علشان ننقل اخويا الصعيد وشوف ايه هي الاجهزة المطلوبة علشان يتنقل البيت
وهدان : اذاي بس يا بتي
الدكتور : امرك يا فندم احنا محتجين جهاز قلب و جهاز
شمس بغضب : ااااااه هو انا هفهم في الكلام ده اكتب اسامي الأجهزة وحنا هنجهزها وخلص
الدكتور برعب : امرك بعد اذنك
شمس : استنا عوزة ادخل لاخويا
الدكتور : مينفعش أقصد اتفضلي مع الممرضة خليها تجهزك
تجهزت شمس ودخلت إلى العناية المركزة وجلست بجوار شقيقها و أغلقت الستائر حتى لا يراها أحد ولأول مرة تسمح لنفسها بنزول دموعها بعد وفاة امها فهي طوال عمرها عندما تريد البكاء واخراج ما في صدرها تسرع الى حضن شقيقها الذي يستقبلها بمنتهي الحب و الحنان ويفضل يضمها لصدره حتي تنتهي من وصله بكائها ولا يمل ولا يكل منها فهو يعتبرها ابنته و حبيبته و دلوعته
شمس بدموع : انا خايفة اوي اللي جاي صعب عليا و بعد اللي حصل في البلد الكل منتظر مني ابقي ذي جدو وهدان بس الحقيقة هما عوزيني ذي جدو الكبير عثمان المنشاوي انا محتاجة حضنك و حنانك محتاجة ارتمي في حضنك ذي زمان انا مخنوقة اوي لو فضلت كده ممكن يجرالي حاجة انت ليه مش عاوز تصحي عجبك النوم كده طب انا محتجاك ونبي يا زين اصحي كفاية كده لسه في حاجات كتير عوزين نعملها مع بعض انت وحشتني اوي
جلست فترة وخرجت
الدكتور : اتفضلي دول اسامي الأجهزة المطلوبة
شمس بجدية : هيتنقل امتي الصعيد
الدكتور : اول ما الأجهزة تجهز هننقله
شمس : تمام بكرا بإذن الله الأجهزة هتكون جاهزة
وهدان : اذاي بس يا بنتي
شمس : انا تعبانة وعوزة انام يالا نروح
وهدان : بس
حامد : يالا يا عمي مش هنستفيد حاجة
غادر الجميع المستشفي وتوجهو الى الشقة
شمس : ابقو طمنو تيتة لانها متعرفش انا فين جدي عوزة انام يالا
حامد بضحكة مكتومة : روح يا عمي روح
وهدان : ربنا يكون فى عونا
مر باقي الليل وجاء الصباح وصحيت شمس ودخلت على النت واخذت عنوان شركات للاجهزة الطبية
جهزت شمس نفسها ولبست طقم اسود مكون من بنطلون وبدي وجاكت وتركت لشعرها الحرية
وهدان : انتى راحة فين
شمس : راحة اجيب الأجهزة لزين
حامد : هتجيبي منين
شمس : المهم هات يا جدو الفيزا
حامد : انا هاجي معاكي
شمس بجدية : انت واثق فيا
حامد : واثق يا بتي بس
شمس بجدية : يبقي تديني كل الصلاحيات واوعدك برحمة امي اني احافظ على نفسي و شرفك فوق راسي ويوم مهحني راسك يكون يوم دفنتي انا شمس المنشاوي كبيرة عيلة المنشاوي وبنت حامد المنشاوي و بنت المرح*ومة نجمة المنشاوي و جدي الكبير وهدان المنشاوي وحفيدة عثمان المنشاوي واوعدك اسمي هيكون ذي اسم جدي الكبير عثمان المنشاوي والكل هيحلف باسم وانا من اللحظة ديه شمس الصعيد فخر عيلة المنشاوي تقبل يا ابوي انت وجدي تدوني الثقة ديه لاخر العمر
غادرت شمس لوجهتها وتركت خلفها أبوها و جدها
🌞🌞🌞🌞🌞🌞🌞🌞🌞🌞🌞
عند قصي
🌞🌞🌞🌞
مي : أخبار الشركة ايه قصي
قصي : الحمد لله ابتد المعدل يرتفع
مراد : الإنتاج رجع يزيد وكله بوقته حلو
صفا : انا مخنوقة وعوزة اسافر
قصي بغضب : انتي ايه مش بتحسي ابوكي مرمي في غيبوبة و الدنيا خربانة ونتفكري في السفر و الخروج
مراد بغضب : قصي انت اتجننت هي ذنبها ايه
قصي بغضب : يبقي تفكر و تحس بينا
مي بصوت عالي : قصي انت خلاص اتجننت ار*حم
بكت صفا و صعدت الى غرفتها تبكي على معاملة قصي لها
اما قصي غادر الفيلا بغضب
يغلون من معاملة قصي للجميع
مراد : انا هطلع اصالح صوفي
مي بحزن : اطلع يا بني هى ذنبها ايه احنا الكبار مش بنعمل حاجة بناكل و بنشرب وعيشين
مراد : اهدي ماما وقولي يا رب
مي : اطلع يا بني صالحها ومتخلهاش تنام معيطة و حزينة قدي اخره الحزن والنوم زعلان
مراد : بعد اذنك يا امي
صعد مراد الى غرفة صفا وجدها تبكي بشدة فأسرع لها وضمها لحضنة وفضل يهديها حتي نامت بين أحضانة
🌞🌞🌞🌞🌞🌞🌞🌞🌞🌞🌞
🌞 توجهت شمس إلى اكثر من شركة واخذت جميع المواصفات واخذت الأفضل وطلبت منهم إرسالها إلى الصعيد واعطت لهم جزء من المبلغ والباقي عندما تصل الاجهزة
🌞 ذهب قصي إلى النيل وجلس حزين بما وصل له وبعد فترة عاد إلى الفيلا وحاول مصالحة صفا ولكن لم تقبل
🌞 اما بدر فكان يسهر مع أصحاب السوء ولا يهتم لاحد
🌞 حضرت عائلة الرائد يوسف من القاهرة و ستقرو في المنزل
🌞 تم عقد المجلس وتم فرض غرامة مالية وعتذار واجب للكبيرة شمس المنشاوي
🌞 تجهزت ملك الى المدرسة
🌞 نقل زين إلى الصعيد مرة اخري
🌞 وصول أشخاص إلى الصعيد تحت معرفة شمس واخذو من موجود في الجهه الغربية وغادرو
🌞 🌞🌞🌞🌞🌞🌞🌞🌞🌞
في الصعيد
🌞🌞🌞🌞🌞
مر يومين وعادت شمس الصغيرة الي الصعيد وجهزت غرفة زين على نفس المستوي المطلوب و ستلمت الاجهزة وتم تجهيز زين وجاء الى القصر
امرت شمس الصغيرة فرح بإحضار مفتاح غرفة زين واغلقت الباب عليه بالمفتاح تحت ذهول الجميع
شمس الكبيرة : انتى ليه قفلتي عليه
شمس الصغيرة بهدوء : هو ولا هياكل ولا هيشرب والمحاليل مش هتخلص اللي بعد ٥ ساعات يبقي اسيب الباب مفتوح ليه
حامد : اللي انتى شيفاه صوح اعمليه
شمس الكبيرة : زين يا بتي كله بوقته حلو
صعدت فرح تجري إلى الأعلي وهى تنهج بشدة
شمس الكبيرة : في ايه يا بت بتجري ليه
فرح بنهجان : سيدي وهدان بيه عاوز الكبيرة و حامد بيه وحضرتك يا ستي الحاجة تحت بسرعة
حامد : انزلي يا فرح وحنا هنيجي وراكي
فرح : حاضر
حامد : يالا يا حاجة و انتي شمسي ننزل
نزل الثلاثة إلى الأسفل ووجدو وهدان يجلس و أمامه مرعي
حامد : في ايه يا عمي
وهدان : رجالة الدهشوري على دخله البلد
حامد : مرعي جهز الرجالة بالسلاح
شمس الصغيرة بهدوء : عم مرعي افتح المندرة ورحب بالرجالة
مرعي : هاااااا
شمس الصغيرة بابتسامة : نفذ كلامي يا عم مرعي يالا
مرعي وهو ينظر لوهدان الذي اشار له على الموافقة : امرك يا كبيرة
غادر مرعي حتى ينفذ اوامر شمس الصغيرة
حامد : ليه يا شمس عملتي كده
شمس الصغيرة بهدوء : هما عمرهم مهيعملو حاجة غلط هما فى أرضنا و وسط رجالتنا
وهدان : هو فين جبل
شمس الصغيرة بهدوء : موجود بس لما طلعنا الجبل وقع على رجله والدكتور قاله يستريح
حامد : لا اله الا الله ربنا يشفيه
مرعي : يا كبير الضيوف وصلو ومعاهم شيخ الجامع الكبير و ابونا مينا
وهدان : ابعتي لينا واجب للجماعة يا حاجة
شمس الكبيرة : حاضر يا حاج
قام وهدان و حامد وتوجهو إلى الباب ولكن وقف وهدان ولتفت
وهدان : يالا يا قلب وهدان الناس في انتظارك
حامد : هي شمس هتروح معانا
وهدان : اكيد الناس جاية ليها يالا يا بنتي
شمس الصغيرة : تمام يا وهودي
شمس الكبيرة بعصبية : متقوليش وهودي هو ملكي انا وبس
شمس الصغيرة بدلع : كفاية عليكي كده ورجعي بيت ابوكي بقي هو مش عوزك
حامد : يالا يا شمس قبل منحضر دفتك
جريت شمس إليهم وتوجهو إلى المندرة ووجدو عائلة الدهشوري و شيخ الجامع و القديس مينا
مر الوقت وعتذر حفيد الحاج سالم الدهشوري من شمس و حامد وتم دفع الديه المتفق عليها ولكن قررت شمس انشاء عيادة كبيرة باسم امها وتعود بالنفع على الجميع
🌞🌞🌞🌞🌞🌞🌞🌞🌞🌞
مر شهر سريعا ومازال زين في الغيبوبة وجئت المدارس ولتحقت شمس بالمدرسة الثانوية
فى المدرسة
🌞🌞🌞🌞🌞
كانت البنات يجلسون وهم يتحدثو على شمس لانها أصبحت فخر لجميع بنات البلد و البلاد المجاورة لشدتها و قوتها و صلابتها
بنت : صباح الخير
شمس : صباح النور
البنت : انا ياسمين
شمس : عرفاكي انتي اخت ظابط النقطة
ياسمين : صح بصي انا مليش أصحاب و يوسف قالي بلاش أصاحب حد بس قالى لو انتى وافقتي على الصحوبية يبقي تمام ها قولتي ايه ولا علشان انتى كبيرة والكل بيعملك مليون حساب مش هينفع
شمس بابتسامة : وانا برحب بيكي يا ياسو
ملك : شموسة
شمس : قلبها
ملك : أخبار زين ايه لسه نايم
شمس بحزن : الحمد لله مفيش فى ادينا حاجة نعملها غير الدعاء
ياسمين : هو مين زين ده وليه نايم
شمس : زين بيكون اخويا الكبير و هو تعبان فى غيبوبة بقالو حوالى شهرين و زيادة
ياسمين : ايه سبب الغيبوبة
شمس : انضرب عليه رصاص وجت جمب القلب وتعمله عملية بس دخل في غيبوبة
ياسمين : ربنا يشفيه هو في المستشفى
ملك : لا طبعا شمس نقلته البيت
قطع كلامك صوت تليفون شمس فردت وكان تعابير وشها تتغير مع كلام المتصل وأصبحت غض*بانة بشدة واصبح لون عيونها موه*وج مثل قرص الشمس واغلقت التليفون
الشمس واغلقت التليفون
ملك بخوف : زين كويس
شمس بهدوء مخيف : كويس
ياسمين : مالك طيب وايه اللي غير مودك
شمس بهدوء : متشغليش بالك ملك اتصلي على حاتم
ملك : حاضر
اتصلت ملك على حاتم واخبرته بان شمس تريد التحدث معه
حاتم : شموسة خير يا قمر
شمس : انت في القاهرة صح عوزة خدمة
حاتم : امري وانا انفذ
املت شمس على حاتم بعض المعلومات واخبرته بما تريد واغلقت معه بعدها
ملك : شموسة كنتى عوزة حاتم ليه
شمس : ملكيش دعوة يا رخمة
ياسمين : هو احنا كده بقينا أصحاب
شمس بابتسامة : طبعا ياسو
ملك : اشطا
ياسمين : هو انتم اذاي بتتكلمو مصري
شمس : ليه هو المفروض نتكلم هيروغليفي
ياسمين : لا مقصدش يعني المفروض تتكلم صعيدي
شمس : واااااه شكلك اتجنيتي يا بت اوعي تغلطي فينا في لحظة واحدة نقلب ونخرب الدنيا كلها
ياسمين بضحك : اهدي يا كبيرة انا مقصدش حلو الصعيدي و المصري كلهم خلق ربنا
ملك : يالا يا زفته منك ليها على الحصة
ياسمين بزهق : اوووووف كل شوية دروس و مذاكرة بقت حاجة تارف
شمس بضحكة : معلش يا اختي نصبنا كده
ملك : صحيح سمعتم عن المدرس الجديد حاجة كده موز
شمس : يالا يا بت من هنا ورانا حصة وانتى يا فاشلة قدامي
ياسمين : امرك يا كبيرة
ملك : انا أكبر منكم المفروض تحترموني
نظر لها شمس بطرف عيونها و سحبت يد ياسمين و صعدت الى الفصل
مر باقي اليوم سريعا ونتهي الدوام وخرجت البنات من المدرسة ووجدت ياسمين شقيقها في الخارج وايضا وجدت ملك سائق جدها في انتظارها وفى لحظة واحدة دخلت عربية اقل ما يقال عليها جامده ونزل منها شاب غاية من الوسامة والجمال
الشاب بضحك : كبيرة عيلة المنشاوي منورة
شمس بتكبر : طبعا كبيرة عيلة المنشاوي غصب عن الكل
الشاب بضحكة : يخربيت تواضعك
شمس بتكبر : شكرا شكرا لا داعي
الشاب بابتسامة جميلة : وحشتيني قططي
شمس بابتسامة : ليث حبيبي
ياسمين : مين الموز ده
ملك : ده ليث نجم الدين
يوسف : ايوة يعني مين
ملك : معرفش بس انا عارفة انه من العيلة وبس
ليث : مش هتعرفينا
شمس بغمزة : ديه ملك وديه ياسمين وده الظابط يوسف ظابط النقطة
ليث بجدية : اهلا وسهلا نورت البلد
يوسف : البلد منورة باهلها
ليث : يالا يا قلبي
شمس : هات
ليث : انسي ديه لسه جديدة
شمس : هات والله هقول لجدو
ليث : اتفضلي يا ظالمة
بجوارها ليث بعد أن ودعت البنات وغادرت بالسيارة
يوسف : لا تعليق مسكت سلاح و طلعت الجبل هتيجي على العربية
ياسمين : يالا يا يوسف
يوسف : حاضر جاي
ركب يوسف بجوار اخته ووجدها سرحانة
يوسف : مالك يا ست سعاد حسني
ياسمين : انا خلاص قررت هجوز ليث
يوسف بصدمة ووقف : يخربيتك انتى لحقتي
ياسمين بابتسامة : ده قمر قمر ده شبة طبق البسبوسة المتغرقة شربات و مكسرات وعلى الوش قشطة ولا شبه بطرمان النوتيلا
يوسف بذهول : يخربيتك يا شيخة فوقي وحيات امك مش ناقص
ياسمين : عاوز ايه خليني افكر اذاي نجهز الجهاز تفتكر ممكن يطلبو حاجات كتير يالا فلوس معاش ابوك و انت كمان ونبيع البيت و جهز اجيب طقم صيني الكبير ده و طقم برسلين و ايرو بيركس و شوية فضيات وكام طقم كرستال و كام طقم حلل جرانيت و سراميك و تيفال و صاح و المونيه واه الهدوم لازم ادلع نفسي علشان ميبصش برا
يوسف بصوت عالي : ياسمين
ياسمين بخضة : ايه نسيت حاجة صح
يوسف : الله ي*حرقك يا شيخة خلصتي اصحابي دخلتي على هنا
ياسمين : اطلع بس خلينا نشوف ناقص ايه من الجهاز
يوسف وهو يمشي : ربنا يعوض علينا فيكي طول عمرك متخلفة
🌞🌞🌞🌞🌞🌞🌞🌞🌞🌞🌞
في قصر المنشاوي
🌞🌞🌞🌞🌞🌞🌞
وصلت شمس الي القصر ونزلت وهى تضحك على منظر ليث ودخلو
شمس الصغيرة بصراخ : شهد
شهد : شموسة حبيبتي
ارتمت شمس بين أحضان شهد التى بدورها استقبلتها بكل حب و حنان وبعد فترة بعدو عن بعض
وهدان : مالك يا ليث
ليث : بص يا جدو انا ه*قتل شمس عندك اعتراض
شمس الكبيرة : ولا يهمك اعتبرها فروجه { فرخة }
حامد بضحك : عملتلك ايه يا ليث
ليث : جبرتني تسوق العربية وساقت بسرعة جدا وكنت خايف
وكنت خايف
شمس الصغيرة : علي طبعا
ليث : لا طبعا على العربية
شمس الصغيرة : وحيات ام*ك لوريك
فاروق : انا لو منك أق*تله
شمس الصغيرة بابتسامة : فيري وحشتني
فاروق : اذيك يا شموسة
شهد بغضب : بت متقوليش فيري عندك عمي وهدان حبي فيه
شمس الكبيرة : حبها برص
شمس الصغيرة : ولا يهمني انتى وهي هو فيري وهو وهودي وهو حميدو وهو ليثو انا طالعة الأوضة سلام يا حلوين
صعدت شمس الصغيرة بكل جبروت ولم يستطع أحد أن يتحدث وبعد ان اختفت نظرو لبعضهم ونفجرو في الضحك
مر باقي اليوم وجاء الليل و صعد ليث الي غرفة شمس وخبط ودخل ولم يجدها فعلم بأنها فى مكانها المفضل فتنهد ونزل الي الأسفل
🌞🌞🌞🌞🌞🌞🌞🌞🌞🌞🌞
ليث وتوجه إلى المطبخ ووجد الخدم يجهزون العشاء
فرحة : تأمر بحاجة يا بيه
ليث : من فضلك عاوز اعمل قهوة
فرحة : يا عيب الشوم تعملها بنفسك وحنا رحنا فين
ليث بابتسامة : لا ربنا يديكم الصحة انتم بتعملو الاكل كمان انا بحب اعملها بنفسي ممكن
فرحة : بس يا بيه ستي الحاجة
ليث : فين بس الحاجة
فرحة : حاضر يا بيه هجبلك الحاجة
أحضرت فرحة الأشياء الخاصة بصناعة القهوة ووقف ليث يصنعها وحمل كوبين القهوة وغادر المطبخ وتوجه إلى البحيرة ووجد شمس تجلس و رعد يضع رأسه علي قدمها وهي تلعب بشعره ومغمضة عيونها
ليث وهو يجلس : كنت واثق انك هنا
شمس : لا تعليق
ليث : قهوة
اكتفت شمس بهز رأسها واخذت الكوب منه وهى على وضعها
ليث بحنان : مالك يا روحي
شمس : لا تعليق
ليث : احكي يا شمس وريحي قلبك
شمس : وقت الراحة انتهي وعذ*ابي و وكس"رتي ابتدو
ليث : بعد الشر عليكي من العذاب و الكسرة اوعي تقولي كده انتى قوي من كل حاجة حصلت و هتحصل
شمس : اللي جاي صعب ولو مقوتش هيبقي دمار على الكل
ليث : احكي يا شمس حصل ايه وانتى عارفة ايه ومخبياه علينا
شمس بابتسامة : وجدك وهدان جابك هنا علشان تعرف في ايه وتحكيله
ليث : جدو وهدان وعمي حامد خايفين عليكي اللى انتي عملتية صعب و شديد ومستحيل يعدي بالساهل طلوعك الجبل و كس*ره عيلة الدهشوري قدامك مش سهلة وانك تعملي عزا خالتي نجمة الله يرحمها وتستقبلي الحاج صفوت فى العزا شي مش سهل
شمس : هو ده اللي كام لازم يتعمل لو سلمت لعمك حامد كان قت*ل ناس بريئة وملهاش ذنب وحكاية الجبل و عيلة الدهشوري جت صدفة
ليث : وزين
شمس : مالو زين
ليث : قفلك الأوضة عليه ومحدش بيدخل غيرك وعمي حامد وهو بيدخل لما بتكوني موجودة ليه
شمس : عادي مش بثق فى حد
ليث بغضب : شمس فى ايه حصل وانتى شاكه في مين كل إللى فى القصر من نفس العيلة وطول عمرنا عايشين مع بعض بخير و سلامة
شمس بسخرية : بخير و سلامة يا روحي ابقي سلملي على الباذنجان
ليث بغضب و صوت عالي : شاااااااااامس
شمس بغضب : ليث اوعي تنسي نفسك انا شمس المنشاوي ولسه متخلقش اللي هيقف قدامي ويعلي صوته عليا بلاش نخسر بعض احنا طول عمرنا اخوات و صحاب وحبايب بلاش يجي الوقت اللي نقوي على بعض مفهوم يا اخويا و صاحبي
ليث بهدوء : تمام يا شمسي انا كنت خايف عليكي
شمس بتنفس سريع : خايف عليا تبقي فى ظهري و سندي مش تقف قدامي وتحاسبني
ليث : اسف شمس
شمس بجدية : ليث علشان خاطري بلاش تزعل مني اللي حصل و اللي هيحصل اكبر مني وانا من يوم موت*ه امي وانا كبرت ولازم اكبر اكتر لازم الكل يعرف مين هى شمس المنشاوي
ليث بهدوء : شمس حبيبتي احنا خايفين عليكي طب بصي شركينا معاكي واحنا والله العظيم هنفضل في ظهرك
شمس بابتسامة : وانا عوزة كده عوزة اخويا و حبيبي دايما في ظهري و سندي
ليث بحنان : وانا هفضل دايما في ظهرك و سندك لاخر يوم فى حياتي
شمس بابتسامة : يالا نرجع زمان المحاليل خلصت
ليث : امرك يا موزة
انتظارهم
شمس : لحظة بس هطلع لزين وهنزل
وهدان : ماشي يا قلبي
صعدت شمس إلى الأعلي وقامت بغلق المحاليل ووضعت قبلة على رأسها وخرجت وأغلقت الباب خلفها ونزلت
جلست شمس بجوار ليث و فضلو يهزرون و يخطفون الطعام من بعضهم كالعادة
🌞🌞🌞🌞🌞🌞🌞🌞🌞🌞🌞
في منزل يوسف
🌞🌞🌞🌞🌞🌞
كانت تجلس ياسمين وهى هيمانه فى جمال ليث
امها : هى مالها اختك يوسف
يوسف وهو ياكل : لا ابدا بدور ناقص ايه فى الجهاز
ابوة : جهاز ايه يوسف
يوسف : أبدا اصل الحلوة خلصت على كل اصحابي و شافت قريب صحبتها فقررت ترمي الجبهه عليه
امه : قريب صحبتها مين هى لحقت تصاحب
يوسف : اممممم ديه شمس المنشاوي
ابوة : كويس انها اتعرفت عليها ديه بت جدعة ومليون راجل
امه : اه انا سمعت عنها كتير وبسم الله ما شاء الله عليها جامده كده لما هى لسه صغيرة و عملت كده امال لما تكبر بالسلامة هتعمل ايه
ابوه : مش غريبة انها بنت و يبقي ليها القوة و السلطة ديه كلها
يوسف بابتسامة : هو كده وبس الجامدة قوتها ملهاش مثيل
ياسمين : بقولكم ايه انا عوزة اعرف انت معاك كام يا بابا و انتى يا ماما معاكي كام و طبعا يوسف العسل معروف فلوسه عوزة جهاز يتكلم عليه الناس انتم هتناسبو عيلة المنشاوي تمام بصو انا كتبت شوية حاجات وناقص الباقي نبقي نفكر فيه
ابوة : ربنا يعوض علينا البنت كانت بنص بعقلها دلوقتي بقت من غيره خالص
امه وهى تلتقت الشبشب 👡 : ومالو يا بنتي هاتي كده الورقة
ياسمين : اتفضلي
مسكت امها اديها ونزلت عليها بالشبشب وعلى صراخها وضحك والدها و شقيقها عليها إلى ان فلتت من ايد امها
امها بغضب : خشي ذاكري يا بنت الج*ذمة يا ح*يوانه
ياسمين ببكاء مصطنع : الحق عليا عوزة اتجوز بدل مبور جمبك والناس تشاور عليكي وتعايرك بيا
امها بتعب : ربنا يعوض عليا قدي اخره خلفة البنات
اسمين بضحك : تصدقي صح علشان اعرف اخيط شوية هدوم وهى تنفعنا بردو
أبوها بضحك : يالا يا بت هتم*وتينا
ياسمين بضحك : طيب اخليه يجي امتي علشان نتفق اهم حاجة بلاش تشيلوه كتير
يوسف بضحك : امك لو قامت هتمثل بج*ثتك
ياسمين بضحك : يالا اسبكم بقي ودخل أحب شوية فى الموز بتاعي
فى لحظة واحدة كان فردة الشبش*ب يستقبلها وجهها بكل ترحاب
وقع يوسف على الأرض من شده الضحك على جنان شقيقته
ابو يوسف بضحك : والله البت ديه هي سر فرحة البيت
ام يوسف بضحك : بس مجنونة بس خايفة عليها
يوسف بجدية : هى فعلا بتحب الهزار و الضحك بس بميت راجل ديه تربيتكم
ام يوسف : ربنا يخليكم ليا انتم سر سعادتنا
ياسمين بضحك : يعني احضر الشربات
ام يوسف : الشربات ده هفرقه على قب*رك باذن الله
ياسمين : بس بعد متجوز الموز بتاعي
يوسف : ياسو كفاية بقي ماما هتتعب
ياسمين بابتسامة : تمام انا هدخل اخلص اللي ورايا
ابو يوسف بحب : ماشي حبيبتي
دخلت ياسمين إلى غرفتها وبتدت تذاكر دروسها بجدية
🌞 نفذ حاتم ما طلبته منه شمس بالحرف الواحد
🌞 استطاع قصي بمساعدة امه و مراد وقف الشركة على قدمها
🌞 مازال الاشخاص الذين سافرو الى الخارج فى غيبوبة
🌞 مر أكثر من ٣ شهور ومازال زين في الغيبوبة
🌞 جاء الامتحان منتصف العام وقدت البنات فترة الإمتحانات
🌞🌞🌞🌞🌞🌞🌞🌞🌞🌞🌞
في قصر المنشاوي
🌞🌞🌞🌞🌞🌞🌞
نزلت شمس اخيرا بعد اختفائها يومين فى غرفة زين وجدت جدها و جدتها يجلسون فتوجهت إلى جدها وقبلت خده ونامت على قدمة فاخذ يلعب في شعرها بكل حنان و حب
وهدان : ست البنات اخيرا صحيت
شمس الصغيرة : امممممم صحيت خلاص
شمس الكبيرة بابتسامة : اخليهم يجهزو اجمل و احسن وكل يا قلب ستك
ليث وهو يدخل : ايه ده الباندا صحيت أخيرا
وهدان : يعني هى اول مرة هى كده شمس على طول حتى زين ربنا يقومه بالسلامه واخدين العادة ديه من نجمة الله ير*حمها
شمس الصغيرة : انا هخرج شوية ولما ارجع يكون الوكل جاهز علشان هسافر
حامد : هتسافري فين
شمس الصغيرة : شغل كنت برتبه من فترة ومصدقت أن الإجازة جت علشان اعمله
ليث : طبعا انا راشق معاكي
شمس الصغيرة بارف : هو انت ليه مسفرتش مع امك
ليث ببرود : اصل البيت هناك مفهوش اكل فقولت أفضل هنا كمان انتى ناسية انى نقلت ورق الجامعة هنا
شمس الصغيرة : انا ماشية ستي ساعة بالكتير وهكون هنا خلي فرحة تجهز شنطة هدومي
شمس الكبيرة : حاضر يا قلبي
غادرت شمس وفى لحظة واحدة كان ليث ينتفض إثر استماع الجميع صوت سيارة تغادر القصر بسرعة
وهدان بضحكة : الله يعوض عليك يا ليث بقي
ليث بغيظ : هقت*لها هقتل*هااااااااا
صفية بخبث : حامد يا خوي انت هتفضل سايب بتك كده كتير
حامد : تقصدي ايه يا خيتي
صفية بخوف مصطنع : انا خايفة عليها هي ذي نرمين و بدر خليها تبعد عن الطريق اللي ماشية فيه ده طريق واعر يا خوي وخلي بدر فى ظهرك و دراعك اليمن وشوف هيعمل ايه ده ولدك دلوقتي شمس بنته وانا خايفة عليها وولاد الح*رام مخلوش حاجة عدله والبت شر*ف و سمعه
شمس الكبيرة بغضب : صفية
صفية بخوف : ايوه يا مرت عم
نزلت ص*فعة على وجه صفية شديدة من يد شمس الكبيرة بغل و غضب ومسك*تها من شعرها
شمس الكبيرة بغضب : عارفة يا صفية لو سمعتك أو اتكلمتي بينك وبين نفسك حتى و جبتي سيرة بنت بتي وكبيرة عيلة المنشاوي هعمل فيكي ايه و ديني و ما اعبد ارم*يكي لكلا*بها ينه*شو عضمك قبل لحمك انا حفيدتي اقوي من اي راجل وفين ولدك ده الخمو*رجي بتاع ال*موالد و الغو*ازي فوقي يا بت حكمت انتى صحيح مرت ولدي الله يرحمه بس شمس بتي و بت ولدي و بتي حافظي على عمرك علشان انا بجيب اخري معاكي غوري على أوضتك مشوفش وشك خالص غورررررررري
صعدت صفية الى الاعلى بسرعة خوفا من حماتها شمس الكبيرة فالكل يعلم من تكون شمس الكبيرةفهي زوجه كبير عائلة المنشاوية وكلمتهم سيف على رقاب الجميع
🌞🌞🌞🌞🌞🌞🌞🌞🌞🌞🌞
🌞🌞🌞🌞
وصلت شمس الي مدرية الأمن وصعدت ولم تسلم من المعاكسات وتوجهت إلى مكتب اللوا شاهين وطلبت مقابلته وبالفعل دخلت بسرعة
اللواء شاهين : يا مليون اهلا وسهلا بكبيرة الصعيد
شمس الصغيرة بجدية : اهلا بيك يا سيادة اللوا
اللوا شاهين : تحت امرك يا كبيرة
شمس الصغيرة بجدية : عوزة ترخيص س*لاح
اللوا شاهين بستغراب : ومن امتي وانتم بتفكرو بالحاجات ديه
شمس الصغيرة بجدية : علشان لما ادخل مطار او كمين محدش يقف قدامي وبلاش تخاف معايا غير مصرح كتير
اللوا شاهين : بس انتى لسه صغيرة على ترخيص الس*لاح
شمس الصغيرة بغضب : قولت عوزة ترخيص س*لاح يبقي يتعمل مفهوم ولاااااااااا
اللواء شاهين بخوف : امرك هاتي الس*لاح اللي عوزه ترخصيه علشان اطلعلك الرخصة
شمس الصغيرة : اتفضل
اخرجت شمس من شنطتها علبة تحتوي على مسدس*ين غاية من الجمال و الروعة مثل بعضهم بالظبط
اللواء شاهين بانبهار : دول روعة
شمس الصغيرة بهدوء : نص ساعة ويكون التصريح جاهز مش كده
اللوا شاهين : اكيد طبعا هبعت لحضرتك عصير عقبال مخلص التصريح
شمس الصغيرة بهدوء : قهوتي مظبوطة
اللوا شاهين : تحت امرك حالا
غادر اللوا شاهين وبعت القهوة لشمس وتوجه إلى مكتب ابنه رائد
شاهين : امسك ال*سلاح ده وطلعلي رخصة ليه
رائد : واااااااااااااو ده تحفة بتاع مين ده
شاهين : بتاع الكبيرة شمس المنشاوي
رائد بدهشة : يا بنت القدره دول مسدسات روعة
شاهين : يالا بسرعة يا زفت مفيش وقت معانا بس نص ساعه والدنيا تقوم ومش هتقعد
رائد : نص ساعة ليه هسلق بيض
شاهين بعصبية : لا وانت الصادق انا اللى هق*تلك علشان استريح
رائد : طب براحة كده وانا هتصرف
شاهين : بسرعة يا زفت
مر الوقت وبعد مرور نصف ساعة دخل شاهين المكتب واعطي لشمس العلبة بالس*لاح و الترخيص
شمس بجدية : كده اقدر امشي بيه في اي مكان صح
شاهين : طبعا يا فندم
شمس بجدية : تمام شكرا يا سيادة اللوا
غادرت شمس وعادت إلى القصر و جدت الجميع على آخرهم فنظرت شمس الصغيرة إليهم ودخلت وجلست بجوار جدها
شمس الصغيرة : في ايه حصل
وهدان : اا
شمس الكبيرة بابتسامة : يالا يا قلب ستك الوكل جاهز علشان تلحقي تسافري قبل الليل
شمس الصغيرة : تمام اه بابي
حامد : قلبه
شمس الصغيرة بابتسامة : الدكتور هيجي كل يوم مرتين يشوف زين وانت بس إللى مسموح ليه الدخول مع الدكتور
حامد : حاضر يا حبيبتى
توجه الجميع إلى السفرة و جلسو ياكلو وبعد فترة اخذت ليث و الشنط وغادرو القصر و توجهو إلى المطار
🌞🌞🌞🌞🌞🌞🌞🌞🌞🌞
في المطار
🌞🌞🌞🌞
وصلت شمس و ليث إلى المطار ودخل ليث فى الاول ودخلت شمس خلفة ولكن اصدر الجهاز صوت عالي
الظابط : من فضلك لو معاكي حاجة معدن خرجيها
ليث : اكيد التليفون بس
الظابط : ممكن تخرجي التليفون
شمس : تمام
أخرجت شمس التليفون و خلعت الشنطة و اخرجت من ظهرها السلاحين ووضعتهم امامه
الظابط : ايه ده حضرتك
شمس بجدية : حضرتك شايف ايه
الظابط بذهول : سل*اح حضرتك شايلة سل*اح
شمس بسخرية : اه س*لاح عادي يعني
ليث بذهول : شمس انتي اتجننتي
شمس بجدية : ده ترخيص الس*لاح حاجة تاني
الظابط : لا يا فندم حضرتك هتتفضلي على الطيارة و فى مطار القاهرة هتستلمي سلا*حك
شمس بجدية : بس انا عوزه الس*لاح يفضل معايا
الظابط : والله يا فندم هو ده النظام المعروف في كل حته
شمس بجدية : تمام اتفضل
شمس بجدية : تمام اتفضل
أخرجت شمس علبة ووضعت الأسلح*ة بداخلهم واغلقتها بالبصمة فاخذها الظابط واعطها للمضيفة حتى تضعها على الطائرة معهم ويتم تسلمهم لشمس في مطار القاهرة عند وصولها
جلس ليث و بجواره شمس وعندما أراد أن يتحدث شورت له شمس بالسكوت فتنهد وسكت
مر الوقت وانتهت شمس و ليث من الإجراءات وأحضر احدي الظباط العلبة الخاصة بشمس فاخذتها منه وشكرته وغادرت المطار ووجدت حاتم يقف في انتظارها
حاتم : حمدلله على السلامة يا شمس
شمس : الله يسلمك يا حاتم ايه الاخبار
حاتم : ذي مطلبتي بالظبط كله تمام والناس فى انتظارك بكرا
شمس : تمام يالا بينا
ليث : لحظة واحدة اذاي بس
شمس : هو ايه اللى اذاي
ليث : ايه اللي جمع الشامي مع المغربي
حاتم بضحك : كلها حلويات يا عم
شمس : خلصتم كلام يالا عوزة انام
ليث : اللي بتعمليه غلط وغلط كبير كمان
شمس بابتسامة : سلمها لربنا انا بمنع بحر د*م
وصل حاتم إلى منزل شمس ونزلو وتم الاتفاق على المقابلة غدا في تمام الساعة العاشرة صباحا
🌞🌞🌞🌞🌞🌞🌞🌞🌞🌞🌞
🌞 حضرت شمس اجتماعين ونجحت فيهم بجدارة
🌞 اكتشفت شمس بوجود اشخاص يراقبوها فمنعت حاتم من الظهور
🌞 توجهت شمس و ليث إلى احدي المولات وبعد فترة خرجو أشخاص آخرين
🌞 فى طريق العودة كان ليث بسوق السيارة الخاصة بيه التى تركها في استراحة المطار و شمس بجواره ولكن كانت تعلم جيدا بوجود خيانة فسحبت الس*لاح وجهزته
شمس بجدية : ليث رجلك متشلش من على البنزين مفهوم
ليث : انتى مجنو*نة اذاي
شمس بغضب : انا لسه عوزة اعيش ولو العربية وقفت يبقي احنا هن*موت
ليث بغضب : مجنونة
شمس بغضب : بطئ ليث وخليك مستعد بسرعة بس خش من جهه عيلة الدهشوري
ليث بغضب : انتى مجنونة راسمي والله
شمس بغضب عارم : نفذ ليث
وبالفعل نفذ ليث اوامر شمس وجاءت السيارة و بتدو في إطلاق الرص*اص على سيارة ليث فضربت شمس عليهم وساق ليث السيارة بسرعة شديدة و بالفعل دخل من جهة عيلة الدهشوري والغريب أن سالم كان يقف مع الرجالة يحملون الس*لاح فشاور سالم للرجالة بفتح الطريق و عبرت سيارة ليث ووقفت ونزلت شمس بجبروت وقوة وصعدت على احدي الأحصنة واطلقت الرصاص على السيارة وفى لحظة واحدة كانت السيارة تعود بسرعة وتختفي لفت شمس ونزلت من على الفرسة ووقفت امام الحاج سالم الدهشوري وبتسمت
شمس الصغيرة بابتسامة : تسلم يا حاج
الحاج سالم : انتى زينة يا كبيرة
شمس الصغيرة بهدوء : نحمد ربنا على كل حاجة
الحاج سالم : الرجالة معاكي لغاية دخله العزبة توصلي بالسلامة
شمس الصغيرة بجدية : تسلم يا حاج رجالة المنشاوية وصلو
دخل عدد كبير من الرجالة وعلى راسهم والدها حامد الذي أسرع بالنزول واخذها بين أحضانة
حامد : انتى زينة يا قلبي
شمس الصغيرة بابتسامة : زينة يا بوي متقلقش انا شمس المنشاوي بردو
حامد براحة : الحمد لله الحمد لله يالا يا بنتي
شمس الصغيرة بهدوء : هركب مع ليث وانتم ورايا
مرعي : ماشي يا كبيرة طريق السلامة
🌞🌞🌞🌞🌞🌞
نشاهد شخصين لا يظهر منهم شي
شخص ١ : كيف يعني لسه عايشة
شخص ٢ : وحنا نعمل ايه ديه معجونة بمية عف*اريت
شخص ١ : وهي فين دلوقك
شخص ٢ : زمانها وصلت قصر المنشاوي
شخص ١ : ماشي روح انت للرجالة وانا هتصرف
شخص ٢ : امرك
غادر شخص ٢ وفضل شخص ١ ينظر امامه بغل و غضب و شر
الشخص : عرفتي تفلتي منى المرة ديه يا بت المنشاوية
تقدم شخص اخر ووقف امام الشخص الاول
الشخص ١ : عملت ايه بنت المنشاوية فى البندر
الشخص ٣ : فضلت انا والرجالة وقفين تحت البيت لغاية منزلت ومعاها الشاب و راحت بيت كبير مليان خلجات و وكل و شرب و مليان ناس و فضلت حوالي ساعتين زمن و خرجت وهي معاها شنط
الشخص ١ : وبعدين
الشخص ٣ : تاني يوم الشاب هو اللي خرج لحاله وهي مخرجتش واصل
الشخص ١ : غور من قدامي مشغل معايا حريم بقي عيله تلبسكم كلكم الطرح وتستغفلكم غور من وشي
جري الشخص ٣ بسرعة ووقف الشخص ١ بمفردة مرة اخري وبتسم
الشخص ١ بابتسامة : يخربيت عقلك يا بت المنشاوية عرفتي تهربي من الرجالة بدل المرة مرتين و دلوك فلتت من الم*وت بس اللي محصولش زمان هيحصل تاني و تالت و عاشر و مليون مش هسيبك يا شمس المنشاوي دلوك الح*رب بقت بينا
اختفي الشخص في سواد الليل فجأة كما يظهر فجأة
الشخص ٢ : اوف الحمد لله انه اختفي
الشخص ٣ : انا قلبي كان هيقف ايه الشر ده
الشخص ٢ : عندك حق بس احنا عبد المأمور
الشخص ٣ : يالا نروح ننام كده كفاية
توجهو إلى الجبل حتي ينعمو بفترة راحة
🌞🌞🌞🌞🌞🌞🌞🌞🌞🌞🌞
في قصر المنشاوي
🌞🌞🌞🌞🌞🌞🌞
دخل حامد و خلفة ليث و شمس فأسرع وهدان وفتح دراعه لها فرتمت شمس بين أحضانة
وهدان بقلق : انتى زينة يا بتي
شمس الصغيرة بابتسامة : الحمد لله يا جدي
شمس الكبيرة : حصل ايه معاكم يا ليث
ليث وهو ينظر لشمس : والله المفروض شمس هانم هي اللي تفهمنا كلنا
شمس الصغيرة بهدوء : انا كويسة و انت كويس يبقي خلاص انتهت الليلة انا طالعة اطمن علي زين و نام بعد كده
ليث بغضب : شمس بلاش جنان لازم نعرف مين ورا الحادثة ومين كان بير
قطع كلامه عندما نظرت شمس الصغيرة بغضب ولو كانت النظرات تق*تل لكان الجميع يتقبل واجب العزاء في ليث
شمس الصغيرة بغضب مكتوم وعيون مشتعله : انت تعبان واكيد عاوز تنام صح
ليث برجفة : صح انا تعبان و طالع انام تصبحو على خير
وهدان : استني يا ولدي كول لقمه
ليث : لا معلش بس لو سمحتي يا ستي ابعتيلي قهوة علشان مصدع
صعد ليث كام سلمه ووقف عندما سمع احدي الغفر ينده على جده وهدان
🌞🌞🌞🌞🌞🌞🌞🌞🌞🌞🌞
يتبع
إلى لقاء جديد في الحلقة القادمة
من الشخص الذي يرغب في إنهاءعيلة المنشاوي ؟
ماذا فعلت شمس في القاهرة ؟
متي سيستيقظ زين؟
•تابع الفصل التالي "رواية شمس الصعيد" اضغط على اسم الرواية