كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الثالث عشر 13
13
_مساء الخير..عاملة إيه دلوقتي؟
=الحمد لله بخير..هو أنا هخرج أمتي؟
_يومين إن شاء الله وهتبقي حرة..
=إن شاء الله..أنا متشكرة أوي لحضرتك مش عارفة من غير مساعدتك ليا كنت هعمل إيه..
_أنا معملتش حاجة إنتي إنسانة محترمة ومش مذنبة وربنا جابلك حقك من اللي ظلمك وأنا كنت مجرد سبب..
=ربنا يجعلك دايما سبب فى الخير ومساعدة الناس ي باشا..
_________________________
_الجميع:مازن!!!
=إيه ي جماعة الصدمة ديه؟بقي هو ده الإستقبال اللي كنت منتظره بعد الغياب ده؟
_إنت مش كنت جاي آخر الشهر؟
=هو بغض النظر عن السؤال اللي مكونتش متوقعه بصراحة منك ي علا هانم بس هرد عليكي ي عملي الأسود..أنا حبيت أعملكم مفاجأة بس واضح إنكم فرحانييين بحضوري خااالص....
_لأ طبعا فرحانين ي حبيبي بس صدمتنا ديه علشان كنا فاكرين إنك هتيجي آخر الشهر مش النهاردة ورد فعلنا خانا شوية..
=ولا يهمك ي ريري أنا عارف إنكم مبسوطين بس قولت أهزر معاكم..وحشتوني أووي..
*سلم عليهم كلهم ولما جه عند تقى حصل...
_______________________
_ماما أنا نازل القاهرة بكرة..
=إتكلمت بقلق:ليه ي حبيبي؟
_علشان حاجتين أولهم عندي شوية شغل لازم أخلصهم وتاني حاجة إني هشوف ريواء بكرة وأطمن عليها..
=لأ ي أمجد بلاش تسافر دلوقتي..
_عندي شغل مهم ي ماما وبقالي كام يوم هنا ومش هينفع أبعد عن الشغل كتير وحضرتك عارفة كدة كويس..
=مش مهم الشغل إنت أهم عندي ي بني علشان خاطري بلاش السفرية ديه..أقولك أستنى يومين كمان..
_طب الشغل يستنى..ريواء بقي هشوفها إزاي؟
=ريواء أدهم معاها وأنا متأكدة إنه مش هيسمح لحد يأذيها..علشان خاطري ي حبيبي أسمع الكلام..
_حاضر ي نهى هانم..نستني كام يوم كمان علشان خاطر عيونك..
___________________
_إزيك ي تقى عاملة إيه؟
=الحمد لله..إنت عامل إيه؟
_إتكلم بحب:كويس طالما شوفتك..وحشتيني..
=ردت بغيظ:وحش لما يبقي يلهفك..
_رد بإستفزاز:حبيبي تسلم..
=ماما أنا خارجة رايحة المزرعة شوية علشان أشم هوا لأن الجو هنا بقي خنقة أووي..
_ردت بخبث:وماله ي حبيبتي روحي وخدي أبن خالتك معاكي بالمرة..
=ليه هو أنا رايحة رحلة وبعدين هو صغير يعني ما يروح لوحده..
_لأ أصل أنا بقالي كتير مسافر وممكن أتوه ولا حاجة..
=ردت بسخرية:ي نوغااااااا...
_بنت عيب خدي أبن خالتك معاكي ي إما مفيش مرواح خالص..
=لأ وعلى إيه هآخده معايا وأمري لله..
=كملت كلامها بصوت خافت:ي أنا ي إنت ي مازن الكلب إن ما سيبت عليك الكلاب علشان يعملوا معاك الصح وخليتك تندم على مجيتك ديه ما أبقاش أنا تقى..
_بتقولي حاجة ي توتا؟
=لأ ي ماما مش بقول..عن إذنكم..
*سابتهم ومشيت وهو راح وراها وهو مبتسم ما يعرفش ي عيني اللي هيحصل له..
_إنتي ي ولية ياللي أسمك ريم البت توتا ديه مش مريحاني وشكلها ناوية لمازن على نية سودة..
=وأنا حاسة كدة برضوا بس أحسن يستاهل محدش هيربيه غيرها...بس تفتكري هتعمل إيه؟
_بصي هي تبان هادية وغلبانة بس دماغها سم..آخر مرة غرقناها ردتهالي فى نفس اليوم بس كانت مايه بتلج وده كان بالليل والصبح حطت ملين فى الشاي بتاعي فأنا أتوقع إنها هتسيب عليه لوز وجوز..
=ي عيني على شبابك ي مازن..بس برضوا تستاهل أحسن علشان يبطل رمرمة ومعاكسة..
_______________________
*بعد مرور 4 أيام تم إنهاء الإجراءات وأصبحت ريواء حرة ومن حقها أن تتصرف كيفما تشاء..وأدهم جاب لها دريس من اللي هو كان شاريهم علشان تلبسه قبل ما تخرج من المستشفى..الدريس كان لونه لون السما وكان عليه طرحة بيضا وجزمة بكعب من نفس اللون وأدهم أول ما شافها إنبهر بجمالها..
_إحنا دلوقتي هنروح الشقة اللي هقعد فيها صح؟
أدهم باشا..حضرتك سامعني؟أدهم باشا..
=هه بتقولي حاجة ي ريواء؟
_كنت بقول لحضرتك إحنا هنروح الشقة اللي هقعد فيها دلوقتي؟
=أيوة إن شاء الله..إنتي خلصتي لبس صح ولا لسه فى حاجة تاني؟
_لأ خلصت ومتشكرة على الدريس الجميل ده حقيقي عجبني أووي..
=طب الحمد لله إنه عجبك..ده ذوقي على فكرة..
_ذوق حضرتك جميل..
=أدهم محدثا نفسه:والله ما فى أجمل منك ي بنت اللذينة..ي سبحان الله كأن الدريس معمول ليكي إنتي مخصوص..
*ريواء إتكسفت من نظراته وبصت فى الأرض..
_يلا علشان نمشي ي أدهم باشا..
=آه يلا بينا..
*خرجوا من المستشفي وكان زين مستنيهم بالعربية قدام الباب..
________________________
_ميزو..ي مزاميزو..هو إنت لسه زعلان منى ي مازن؟
أنا كنت بهزر معاك ي ميزو..
=ده مش هزار ده غباء..بقي أنا يتعمل فيا كدة وشوية كلاب يبهدلوني بالشكل ده؟
_على فكرة هما مقربوش منك ولا عضوك إنت بس قعادك برا مصر خلاك خرع ونساك أصلك..
=ي ريتهم كانوا عضوني ي ختي ولا عملوا فيا كدة..
أنا يخلوني أجري المزرعة كلها وفى الآخر ألبس فى شجرة وأتكعبل فى حبل وأترمي على الأرض وأقع فى الطينة بسببهم؟ده أنا وشي لحد النهاردة وارم وعضم جسمي كله واجعني..وبعدين إيه خرع ديه ي بت إنتي
_هو أنا بقول كدة من فراغ هو إنت لو كنت شجاع كنت عملت اللي عملته ده وإنت شايف على بؤقهم ماسك أصلا يعني مش هيعضوك لكن الباشا أصلا خرع وبيخاف موووت من الكلاب..
=طب أمشي من قدامي دلوقتي حالا بدل ما أقوم أوريكي الخرع ده هيعمل فيكي إيه؟
_لأ تصدق خوفت..يلا ي بتاع آلاء ونور..راجل خرع مسهوك بيموت فى التلزيق وأي حاجة مؤنثة..
=أمممممممم بس أنا فهمت ليه القلبة السودة ديه..
ي حبيبتي آلاء ونور ولاد خالتي يعني زيهم زي علا بالظبط..واخدة بالك من كلامي قولت زيهم زي علا مجيبتش سيرتك لأنك إنتي غيرهم..إنتي حبيبتي وروحي وما أقدرش أعيش من غيرك..
_يعني أفهم من كدة إنك وافقت تصالحها؟
=لأ ي تقى مش هصالحها ولا هسامحها...
_يبقي كدة ردك وصل بالنسبة ليا..ي خسارة ي مازن كنت فاكرة إني غالية عندك..عن إذنك..
=تقى ي تقى..تقى أستنى...يووووه مش مريحاني فى حياتى ولا عايزاني أكمل مع البنت اللي بحبها أنا عمري ما هسامحك على اللي عملتيه فيا..عمرررري..
____________________
_نورتي بيتنا اللطيف..
*أدهم بص له علشان يعدل كلامه..
_قصدي نورتي بيتك..من النهاردة ده مكانك وتقدري تعملي فيه كل اللي فى نفسك..
=أنا متشكرة جدا على مساعدتكم وآسفة إنكم هتسيبوا البيت بسببي..
_ما تشغليش بالك بالحوار ده وهقولهالك تاني إنتي تستاهلي كل خير ومعملتيش حاجة وإحنا كنا مجرد سبب بس.. المهم إحنا هندخل نقعد معاكي لحد ما خلود تيجي هي كلمتني وقالتلي إنها جاية فى الطريق يعني نص ساعة وتكون هنا..
=إتكلمت بتوتر وعينها كانت على الباب وقالت:تيجي براحتها ي أدهم باشا..
_ما تقلقيش إحنا هندخل نقعد معاكي علشان بس إنتي بتخافي تكوني لوحدك وهنسيب الباب مفتوح
أنا راجل صعيدي وبفهم فى الأصول..
=حقيقي أنا لو فضلت أشكر حضرتك طول عمري مش هيكفي شكري اللي حضرتك عملته واللي لسه بتعمله معايا..وكويس إن حضرتك فهمتني...
_ممكن بقي نطلب طلب صغير..ممكن تعملي لينا قهوة عقبال ما خلود تيجي؟
=آه طبعا ثواني وتكون جاهزة..عن إذنكم
_البنت ديه محترمة جدا بس حظها وقعها فى أب جاحد وي عالم أمها كانت بتعاملها إزاي هي كمان..
=عندك حق ي زين بس أظن إن والدتها كانت كويسة معاها لأن من كلامها معايا عرفت إنها بتحبها أووي..
_إتكلم بخبث:ربنا يراضيها ويبعت لها أبن الحلال اللي يستاهلها ويعوضها خير وي سلام لو يكون الواد حسام..
*نظر إليه بغيظ..
_إيه بتبص لي كدة ليه؟بلاش أدعي للبنت يعني ولا بلاش؟
=اللي حايشني عنك دلوقتي إنها موجودة معانا وممكن تيجي فى أي لحظة غير كدة كنت قومت ظبطتك..
_حبيبي تسلم كلك واجب..
=بارد وتنح..الله يكون فى عونك ي علا
_إتفضلوا القهوة..
=يسلم إيدك..
_أممم شكلي هآجي كل يوم أشربها هنا من كتر حلاوتها..
=تنور فى أي وقت ي أدهم باشا..
_بصي أنا جيبتلك هدوم جوا علشان طبعا ما عرفناش نجيب هدومك من عند قرايبك وكمان أنا كنت حابب إنك تبدأي حياة جديدة من كله وي رب ذوقي يعجبك.
=ربنا يخليك ي باشا وشكرا على تعب حضرتك..
_مفيش تعب ولا حاجة..
=إتكلمت بتوتر:طب أنا كنت عايزة أطلب من حضرتك حاجة..أنا عايزة أنزل أشتغل..
_إتكلم بإستغراب:ليه؟
=حضرتك قعدتني فى الشقة وأنا للأسف مش معايا حتى إيجارها وكمان جيبت هدوم وخيرك كدة زاد أوي فبعد إذنك ممكن تكمل جميلك معايا وتشوفلي شغل علشان أحس إني مرتاحة أكتر وبعدين علشان محدش فيكم يكون شايل همي وأكيد طبعا حضراتكم عندكم إلتزامات تانية..
_إيه اللي إنتي بتقوليه ده ي بنتي إحنا معملناش أي حاجة..
=لأ عملتوا ي زين باشا وعملتوا كتير كمان فممكن تساعدوني آلاقي شغل أنا مهندسة..
_للأسف ي ريواء خروجك من البيت دلوقتي هيبقي فيه خطر عليكي..
=يعني هفضل محبوسة هنا طول عمري ي أدهم باشا؟
_لأ طبعا ده هيبقي مؤقتا لحد ما الدنيا تهدي ووعد مني ي ستي أول ما أحس إن الدنيا أمان هجيبلك شغل ومش أي شغل كمان ده هيبقي فى شركة والدي..
=طب هو ما ينفعش أشتغل من البيت؟
_والله فكرة هبقي أسأل والدي وأعرفك..وأهي خلود جات قبل ميعادها كمان أهو..تعالي ي خلود..ديه ي ستي خلود بنت بتدرس فى الجامعة فى 2 ألسن إنجليزي ومكافحة وبتشتغل جنب دراستها..هي مش بتروح الكلية غير على الإمتحانات أو لما بتروح تآخد المحاضرات من زمايلها..هتفضل معاكي هنا ومش هتسيبك لوحدك خالص إلا فى الضرورة والوقت اللي هتبقي خارجة فيه أنا هآجي أخدك ونخرج فى أي مكان عام لحد ما ترجع..وديه ي ستي الباشمهندسة ريواء وأنا متأكد إنكم هترتاحوا لبعض..عن إذنك..
*زين وأدهم سابوهم وخرجوا..خلود وريواء كل واحدة فيهم لقت اللي ناقصها عند التانية..ريواء كانت بتخاف تقعد لوحدها بس خلود طمنتها وخلود كانت خايفة من معاملتها بس مشافتش أطيب منها..كانوا بيعملوا كل شغل البيت مع بعض..البيت بقي فيه روح ودايما نضيف..الإتنين لما إتجمعوا مع بعض نسيوا الوحدة اللي كانوا دايما عايشين فيها لأن خلود كانت بنت وحيدة ل 4 أخوات شباب بس كل واحد عايش لنفسه وبيجيب مصاريف الإلتزامات اللي عليه بالعافية ووالدها ووالدتها فلاحين وعلى قد حالهم بس كلهم نفسهم عزيزة وما يقبلوش أي مساعدة من حد وريواء كانت عايشة فترة لوحدها وبعدين قعدت مع أمجد ووالدته بس برضوا كانت حاسة بالوحدة..
*بعد مرور 4 أيام
_واد ي أدهم هي الشقة ديه هي نفس الشقة اللي كنا قاعدين فيها؟ده إحنا مكناش عايشين ي جدع ديه الشقة بقت ولا القصر والسيراميك حاسس إنه بقي مراية..
=عندك حق والله فعلا البيت اللي فيه ست بيبقى مملكة..
_أهلا بيكم نورتوني...
=ده نورك ي ريواء ومعلش جيت من غير ميعاد بس كان فى حاجة كدة لازم تعرفيها...
_حاجة إيه؟
=أنا كلمت والدي ووافق إنك تشتغلي من البيت وطلب مني أقولك إنه عايز شوية تصاميم كدة زي...... علشان يحدد إذا كنتي مستعدة للشغل ولا لأ..
_تمام مفيش مشكلة...
=خلاص إشتغلي عليهم وأنا هآخدهم منك وأبعتهم وإن شاء الله خير..عن إذنك..
_ثواني إنتم ما شربتوش حاجة..
=مرة تانية إن شاء الله علشان مستعجلين..
____________________
_مالك ي ريواء زعلانة ليه؟
=بصي أنا هتكلم معاكي بصراحة يمكن يكون عندك حل أنا فى موضوعين شاغلين تفكيري واحد النهاردة والتاني بقاله مدة..
_وأنا ي ستي كلي آذان صاغية..
=يعني مش هعطلك عن مذاكرتك ي خلود؟
_لأ طبعا أنا فاضية ومش ورايا حاجة ولو مش فاضية أفضالك ي جميل..
=حقيقي أنا مش عارفة أقولك إيه..أنا أعتبرتك أختي ومبسوطة إنك ظهرتي فى حياتى..
_وأنا ربنا يعلم حبيتك إزاي..إنتي جميلة وتستاهلي كل خير..المهم قوليلي مالك بقى..
=أدهم باشا طلب مني إني أعمل تصاميم علشان يبعتها لوالده..
_طب وفيها إيه أعمليها وأنا متأكدة إنك قدها وهو هينبهر بيها وهيقوله هاتها فورا علشان أشوف القمر اللي عمل الحلويات ديه..
=هههههههههه والله إنتي عسل..
_أيوة كدة أضحكي محدش واخد منها حاجة..
=المشكلة مش فى عمل التصميم ي خلود المشكلة إني مش معايا فلوس أصلا علشان أشتري خامات للشغل وبصراحة إتحرجت أقوله كدة كفاية اللي عمله معايا وأنا بصراحة فكرت أبيع السلسلة اللي فى رقبتي بس صعب عليا أوي لأنها كانت هدية من مامي فمش عارفة أعمل إيه...
_طب والخامات ديه تكلف كام؟
=يعني فى حدود 1000 أو 1500..
_بسيطة ي ريواء أنا معايا المبلغ ده خديه وهاتي اللي محتاجاه..
=لأ طبعا أنا مستحيل أعمل كدة وأنا بحكيلك مش علشان تقوليلي كدة أنا بحكي علشان نلاقي حل سوا..
_ي حبيبتي أستنى وأنا هفهمك..أدهم باشا إداني جزء من مرتبي وأنا كنت شايلة فلوس على جنب للضرورة وأنا حاليا مش محتاجة أي حاجة منهم أنا قاعدة فى مكان بآكل وبشرب وبنام ومش بدفع ولا مليم والجامعة مش بروحها وإنتي محتاجة الفلوس أكتر منى والحاج عبد الدايم رباني إن لما يكون حد محتاج حاجة وأنا معايا أساعده إن شاء الله لو آخر جنيه فى جيبي ما أتأخرش أبدا عن الشخص ده..
=ربنا يديه الصحة ويبارك فيه..وحقيقي بشكره على التربية الجميلة اللي رباها ليكي..ماشي أنا موافقة بس بشرط تخلي السلسلة بتاعتي معاكي لحد ما أرجعلك الفلوس بس بليز حافظي عليها
_الحاج عبد الدايم برضوا قالي لما تساعدي ما تنتظريش إن الفلوس تتردلك تاني رجعت خير وبركة ما رجعتش هترجع برضوا بس بصورة تانية..عيب ي ريواء اللي إنتي بتقوليه ده أنا عينيا ليكي ولو كان معايا أكتر مكونتش هتأخر عليكي فى حاجة خدي الفلوس ووقت ما تحسي إنك قادرة ترجعيهم ترجعيهم لكن لو هتبقي مضغوطة فى رجوعهم أنا مش هقبلهم...
=شكرا ي خلود..حقيقي شكرا..
_الحمد لله حلينا أول موضوع إيه الموضوع التاني بقي؟
=ممكن أسألك سؤال قبل ما أتكلم فى الموضوع التاني؟
_آه طبعا إتفضلي..
=إتكلمت بحزن:هو أنا ليه بابي محبنيش؟ليه كان دايما بيكرهني مع إني معملتش حاجة..إيه اللي يخلي أب يكره بنته من قبل ما تتولد حتى ويقولها كمان كدة فى وشها بدل ما يخبي عليها..ليه لبسني القضية وخلاني أقضي أسود أيام حياتي فى مكان كل اللي فيه مختلف عني..أنا شوفت المر معاه..ضرب وشتيمة وإهانة ليا ولمامي..أنا شوفت الحنية من الغريب لكن هو لأ..ليه ي خلود عمل فيا كدة؟ليه خلاني أبص دايما بحزن لأي علاقة بين أب وعياله؟أنا لما إتكلمتي عن والدك أفتكرت وجعي..أفتكرت إنه عمره ما علمني حاجة أصلا لا صح ولا غلط..أنا مش قصدي حاجة والله ولا فى جوايا أي غيرة..ربنا يبارك فى والدك ويديه الصحة..بس أنا حقيقي موجوعة أوووي ي خلود وهو السبب هو اللي خلاني أبص لأي علاقة حلوة وأسأل نفسي مليون سؤال ليه أنا مش زيهم بس عمري ما حقدت على حد بالعكس بعد ما أتوجع كنت بدعيلهم أكتر بالسعادة وأدعي إني أعيش زيهم وأكون مبسوطة..
*خلصت كلامها وعيطت جامد وخلود حضنتها
_إتكلمت بوجع:كل واحد بيآخد رزقه ي ريواء..يعني أنا رزقي الحلو فى والدي ووالدتي لكن أخواتي مش كويسين معايا خالص بالرغم من إن بابا مربيهم كويس بس الأربعة جواهم شك فيا دايما..أقولك حاجة لما جيت أشتغل هنا أحمد أخويا فضل مراقبني وأنا عملت نفسي مش واخدة بالي علشان بس أثبت له إني مش بعمل حاجة غلط..وكل الشك اللي جواهم ده ملهوش أي تفسير وخصوصا لأني عمري ما عملت حاجة غلط..خطيبي سابني لأنه شك فيا هو كمان وكل ده علشان عرف إني بشتغل فى البيوت وده معناه إني مش كويسة وبسمح بالغلط بس طبعا أهلي ما عرفوش السبب ده هما عرفوا إنه مش مرتاح معايا وخلاص..اللي بتحكيه أنا عشت جزء منه جايز والدك ما حبكيش بس من كلامك فهمت إن والدتك كانت بتحبك وأكيد قرايبك حبوكي وبكرة تلاقي الحبيب اللي يعوضك خير..كل واحد ليه رزقه ي ريواء ومحدش بيآخد رزق حد..
=حقيقي كلامك ريحني أوووي وبمجرد ما أشتغل ويبقى معايا فلوس هأجر شقة ونقعد فيها سوا أنا مستحيل أخليكي تبقى بعيدة عني بعد ما لاقيتك
إنتي حقيقي جوهرة فى حياة أي حد..ربنا يخليكي ليا ي أحلى أخت فى الدنيا..
_وما يحرمنيش منك ي ريري ي لدغة ي أم نص لسان
=هههههههههههه ماشي..
_المهم ما تآخدنيش فى دوكة إيه الموضوع التاني بقي؟
_نعممممممممممممممم
•تابع الفصل التالي "رواية كيف لا اعشقك وانت عمري" اضغط على اسم الرواية