رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل الرابع عشر 14
البارت الرابع عشر
رواية قسوة عشق
بقلمى /ملك عبد اللطيف
وعلى الناحية الأخرى فى مكتب حازم الجندى يهاتف حازم رجل يكرهه بشدة ويحدثه بغضب
على الهاتف
حازم بغضب: انت ازااااااااى تقوووووولى كدة ياحيواااااان ده انا انسفك من على وش الدنيا
الرجل على الناحية الاخرى على الهاتف: زى مابقوووووولك كدة ياحازم بيه لو مطعتليش فلوس زيادة عشان اعالج مراتى هقوول كل حاجه للبت المشهورة دى حياة رچدان
حازم بغضب: متقدرش تقول حاجه عشان انت اللى هتتأزى مش انا انت معندكش دليل ضدى
الرجل: فكر فيها كدة ياحازم بيه حتى لومفيش دليل بس بمجرد لما احكى للبت دى اى حاجه تخص امها وبالذات ضدك انت هتصدقها من غير ماتفكر حتى
حازم بأستسلام: اه يابن ######بقالك عشر سنين بتاخد منى فلوس وفى الاخر بتهددنى ماشى بس دى آخر مرة يروووحمك
الرجل: ماشى ياباشا هنتقابل امتا
حازم: هبقا اتصل بيك اقولك
ليقفل الخط فى وجهه ويجلس بغضب ويفكر فى كيف ان يدفع لهذا المعتوه مبلغ مثل هذا والشركة ستفلس اساسا بعد ان أخذ القرض لينتقم من حياة رچدان والشركة على المحك
حازم لنفسه: انت اللى ورطت نفسك ياحازم عشان تقنع ابنك انه يخدلك ورث رچدان تروح تفلس شركتك ايه الغباء بتاعى ده انا لازم اعمل حاجه عشان اخلص من بيومى الكلب ده واوقع حياة رچدان واخلص بقا
ـــــــــــــــــــــــــــــــــــــــــــــــــــــــــــــــ
وعلى الناحيةالأخرى فى مدرسة الانترناشونال وخاصة فى قاعة الاحتفالات تجلس چانسو وبجانبها انجى للتكريم
چانسو:مالك ياانجى متوترة كدة ليه ياحبيبتى
انجى بحزن:عشان ماما مش معاياا
چانسو بحزن:بس انا معاكى وحياة معرفتش تيجى عشان عندها شغل معلش وكمان لمار ونازلى ونادية جايين
انجى بفرح:بجد نازلى ولمار جايين
چانسو:اه زمانهم فى السكة
ليقاطعهم دخول كريم وهو يجلس بجانب انجى فهوا صديقها اساسا
كريم:عاملة ايه ياانجى
انجى:الحمدلله ياكيمو مالك زعلان كدة ليه
كريم وهو يشيرلوالده الواقف بعيدا:عشان بابا جابنى بالعافية وانا مش عاوز اجى من غير ماما
لتسمع چانسو الحديث وتنظر تجاه والده لتعرفه فوراً لأنه صديق كنان
چانسو:وانت مامتك مجتش معاك ليه ياحبيبى
كريم بحزن:ماما متوفية
چانسو:طب ماانت جاى مع بباك زعلان ليه
انجى:ايوة زعلان ليه مانا جايا مع چانسو اهو ومفيش حد من اهلى معايا ولا بابا ولا ماما
ليقاطعهم صوت أمير:يلا ياكريم هينادوا على أسمك
چانسو بحب لكريم:متزعلش ياكيمو انا هطلع معاك انت وانجى وانتو بتتكرموا واعتبرنى زى ماما
كريم بفرح:بجد ياطنط
چانسو بضحك:ايه طنط دى بقا قولى ياچانسو او ياابلة بلاش طنط
ليتذكرها امير على الفور:ايه ده انتى چانسو صاحبة حياة صح
چانسو:ايوة اظن اتقابلنا قبل كدة وهنشتغل مع بعض قريب
امير:اه طبعاً بس كنان وحياة يهدوا حبة
ليقاطعهم صوت المديرة وهى تتحدث فى المايك وتنادى على أسمائهم للتكريم فتمسك چانسو يد انجى وكريم وتطلع بهم على المنصة ليستلموا جائزتهم على التفوق ويصعد معهم امير ويرى ابنه وهو سعيد عندما صعدت معه چانسو ويستلموا جائزتهم تحت تصفيق الجميع ودخول لمار ونازلى ونادية أيضاً وبعد استلام الجائزة اتجهوا نحو الخارج
امير وهو يمشى:انا مش عارف اشكرك ازاى كريم والدته ميتة من زمان وفى كل مناسبة زى دى مبيرضاش يروح وانتى يع......
چانسو:مفيش داعى للشكر كريم زى انجى بالظبط
امير:هيا انجى بنتك ولابنت حياة
چانسو:لا اخت حياة بس هيا بتقولها ماما عشان والدتها متوفية وهى بتولدها وابوها متوفى برضو
انجى بسعادة:بص ياكيمو الجايزة حلوة ازاى وانت تقولى مش عجباك
كريم بسعادة:لا عجبانى طبعا عشان بتاعتى احلى منك
چانسو:خلاص اهدوا انتو الاتنين جايزتكم حلوة يلا بقا ياانجى خشى فصلك انتى وكريم عشان احنا هنمشى
انجى هى وكريم وهما يمشون:مااشى بااى
ليمشوا هما الاثنان فيخرجا امير وجانسوا ومعهم لمار ونازلى ونادية نحو سيارتهم ليذهبا
امير وهو يركب السيارة:اتشرفت بمعرفتك ياچانسو هانم نتقابل بكره فى الاجتماع انشاءالله
چانسو بابتسامة:وانا كمان يأمير بيه عن أذنك واشوفك بكرة سلام
لتركب سيارتها ومعها الثلاثة بنات
فى السيارة
لمار بضحك وهى تقلد اختها:اتشرفت بمعرفتك وانا كمان ننينننى نييييننننى
چانسو بغضب:بس ياحيواااانة بتتكلمى كدة ليه.
لمار بضحك:اصلى اول مرة اشوفك بتكلمى حد بالطريقة دى
نادية بمرح:بس الواد مووز الصراحة ويستاهل
نازلى:ولا حلو ولا حاجه ده دمه سم
چانسو بغضب:بس ياحيوااانة منك ليها ده شريكنا فى الشركة انا وحياة يعنى نعرف بعض بالصدفة
الثلاثة فى نفس الوقت:لا والله
ـــــــــــــــــــــــــــــــــــــــــــــــــــــــــــــــ
اما على الناحية الاخرى بعد ان ركبت حياة سيارتها ولحقها كنان وصلت حياة إلى ملجأ للايتام ولكنه كبير وللغاية ودلفت له
كنان وهو يقف امام الملجأ:ايه ده ملجأ وايه اللى جيبك هنا ياحياة ياترى بتعملى ايه انا لازم ادخل واشوف
ولكن قبل ان ينزل من السيارة لمح ورقة واقعة فى الارض فلتقطها وفتحها ولاقاها شيك بمليون جنيه ومكتوب عليه اسم حياة رچدان ففهم كنان انها جائت إلى هنا حتى تتبرع للملجأ
كنان بضحك:ههههه يعنى جاية تتبرعى وناسية الشيك انا لازم اخش وادوهلها عشان دى مجنونة وزمانها قالبة الدنيا عليه
اما بالداخل بعد ان دخلت حياة إلى مكتب مديرة الملجأ وكانت بنت فى عمر حياة تقريباً كانت حياة تجلس بمكتبها وتشرب القهوة كلمعتاد
ليلى المديرة:والله نورتينا ياحياة هانم زى كل سنه
حياة:انتى عارفة ياليلى انى باجى كل سنة فى اليوم ده يعنى دى عادتى
ليلى:اه بس انا سمعت ان شركة حضرتك هتفلس فقولت ممكن يعنى متجيش المرادى
حياة:لا مفيش حاجه من دى شركة ايه اللى تفلس دى أشاعات على العموم انا جبت الشيك اهو
لتفتح حياة حقيبتها وتبحث عن الشيك ولكن لا تجده
حياة:ايه ده فين الشيك راح فين
ليلى:انتى مش ليقاه ولاايه
حياة:بدور عليه ملقتهوش ده انا حطاه فى الشنطة من الصبح و.......
ليقاطعها دخول كنان وهويقول:بتدورى على ده ياحياة
لتنظر حياة بستغراب إلى الشيك الذى بيده:ايه ده ايه اللى جابه معاك وانت جيت هنا ازاى
كنان وهو ينظر للمديرة بدهشة:ايه ده ليلى مش معقووول
ليلى بدهشة اكبر:كنااان ايه ده انت
كنان وهو يتجه ليسلم عليها بفرح فهيا كانت صديقته فى الجامعة فى أمريكا:عاملة ايه يبت ياليلى مش باينة من ساعت ماتخرجنا من الجامعة
ليلى وهى تسلم:والله مشغوله زى ماانت شايف انت اللى فين مسمعنلكش حس من ساعت الموضوع اياااه
كنان بضحك:يستى انتى لسة فكرة ده انا نسيت
حياة بأستغراب:فيه ايه مش تفهمونى وايه اللى جابك هنا ياكنان وجبت الشيك ده منين
كنان:اهدى اهدى أولا انا مجتش وراكى انتى نسيتى الشيك معايا فى العربية فانا جبتهولك ثانياً انى انا وليلى نعرف بعض من زمان كانت زميلتى فى الجامعة ومتربين مع بعض
حياة وهى تأخذ الشيك:ماشى ماشى خدى ياليلى الشيك اهو انا هروح اشوف الاولاد
ليلى:ماشى ياحياة هانم
لتمشى حياة وهى غير مبالية إلى كنان وليلى فبعد ان مشت جلس كنان مع ليلى
ليلى بضحك:مقولتليش بقا تعرف منين حياة رچدان
كنان:دى شريكتى يبنتى فى الشركة
ليلى:اووووه كنان بذات نفسه بيشتغل وكمان شريك حياة رچدان
كنان:اه يختى مش انتى لوحدك اللى عندك شغل
ليلى بضحك:متغيرتش ياكنان زى اماانت من خمس سنين حتى بعد الموضوع اياه
كنان:متفكرنيش بقا ياليلى مش كل شويه تجبيلى السيرة دى
ليلى:انت لسة منستش ياكنان الموضوع انت ملكش ذنب فيه
كنان وهو ينهض بغضب:بقووووولك قفلى على الموضوع ياليلى وبعدين فين حياة مشت ليه
ليلى:راحت تشوف الاولاد بتوع الملجأ هيا متعودة تجيلهم فى اليوم ده كل سنة
كنان:ماشى انا ريحلها عن أذنك
ليمشى كنان بغضب متجه نحو فناء الملجأ الموجود فيه حياة والاولاد ويسمع صوت ضحكات عالية فينظر ويلاقى امامه حياة تضحك وتلعب مع اطفال الملجأ بسعادة وتعطى لهم هداية بحب ليبتسم كنان على هذه البنت التى يكتشف فيها اشياء غريبة ويقف ويراقبها من بعيد وهى تلعب وتضحك
حياة وهى تلعب استغماية تحت نظرات كنان من بعيد:استنو استنو بالدور تعالوا نعمل قرعة ونشوف مين اللى فيها
حبيبة احد اطفال الملجا وتبلغ من العمر 6سنوات:لا ياابلة انتى كل مرة بتبقى انتى اللى فيها المرادى احنا اللى هنستخبا وانتى تدورى علينا
كنان وهو يقاطعهم:طب ماانا عندى فكرة احسن
لتنظر حياة خلفها وترى كنان:انت حتى هناااا مش راحمنى وجاى ورايا
رحمة احد اطفال الملجأ أيضاً:مين ده ياابلة انتى اول مرة تجيبى حد معاكى يعنى
كنان بهمس لحياة:والله ليا الشرف انى اكون اول شخص ييجى هنا معاكى
حياة بهمس هى الأخرى:صدقنى لو ممشتش دلوقتي من قدااامى هتشوف حاجه عمرك ماشوفتها
محمد احد الاطفال أيضاً:انتو بتقولوا ايه يلاااا نلعب بقا وعرفينا مين ده ياابلة
كنان بضحك:ياعم اعتبرنى اى حاجه بص انا حبيبها
حياة بغضب:نعمممممممم ياخوياااااا حبك برص ياكناااان
حبيبة بضحك:بجد يااابلة وأمتى هتتجوزوا
حياة بصدمة:احيه وكمان خليت البت نطقت وبتقول جواز منك لله ياكنان
كنان بضحك:هههههههههه وانا مالى مهما بيقولوا انا مين يحتبرونى حبيبك بقا وخلاص ياحنفى
ليضحك جميع الاطفال على هذا الاسم فيتجه كنان نحوهم ويجمعهم حوله تحت نظرات حياة الغاضبة
كنان وهو يشير لحياة:ماتيجى يبنتى انتى جاية هنا عشان تلعبى مع العيال ولا عشان تقلبيها نكد وغضب بقاا وعارفك انا مجنونه يعنى
حبيبة وهى تمسك حياة من يدها لتشدها:ايوة ياابلة بقا تعالى العبى معانا واسمعى كلام جوزك
حياة بصدمة:جوزى!!!انتى ماصدقتى ياحبيبة
كنان بضحك:يلا يلا اعملوا القرعة عشان نلعب
ليفعلوا القرعة جميعاً ويقع الاختيار على كنان هوا الذى سيلعب دور القطة العمية
حياة وهى تعطيه شال ليغطى عينه:خد ياخويا علله يتمر
كنان وهو يأخذه بأستغراب:ايه ده مش المفروض استغماية مالكم قلبتوها القطة العمية ليه
حياة بسخرية:والله انا عارفة انك مش فالح فى حاجه بص انت امشى واتكل على الله وسيبنى انا بقااا هنا معاهم ياريت
كنان بضحك:حد قالك انى مبعرفش العب القطة العمية ولاايه ده انا كنت مولود اعمى وفتحت
حياة بغضب:ياريتك مافتحت ياكنان ياريت
ربط كنان الشال على عينه بضحك حتى يلعب فأستخبى الجميع دون صوت وفضلوا يمسكونه ويضربونه هنا وهناك وهو مغطى عينه فكانت حياة تقف بعيد بقدر المستطاع حتى لا يحس بها كنان ويمسكها فعندما كانت حبيبة تجرى من كنان الذى يغطى عينه قامت بدفع حياة نحوه حتى تستخبى هيا فأمسك كنان بيد حياة وكانت ستقع عليه لولا هوا امسكها فى آخر لحظة
كنان وهو يشيل الرابط على عينه:شوفتى خسرتك كمان
حياة وهى تستند عليه قبل ان تقع فكانت كما يقولون فى حضنه:حبيبة اللى زقتنى لولا كدة كنت هتخسر
كنان وهو يتطلع بعينها الجميلتان:بجد والله هنشوف ليقول آخر جملته وهو يبتسم فتتوه حياة فى بسمته هيا تراه كثيراً يضحك ولكن ليس من هذا القرب فخفق قلب حياة وبشدة بعد هذا القرب بينهم فكنان يسند حياة من خصرها وهى تتشعبط به من كتفه حتى لاتقع
وكل هذا تحت نظرات الاطفال الضاحكة فيقولون جميعاً فى صوت واحد:بوسها بوسها بوسها بوسها بوسهابوسها
حياة وهى تلتفت لهم:اييييه ده انت ازاى مسكنى كدة
كنان:يبنتى كنتى هتقعى قوليلى شكرا طيب على انى نقذتك
حياة بغضب:كناااان سيب ايدى ونزلنى يلاااااااا
كنان وهو يتركها بضحك:اهو يستى
فبعد ان تركها كنان وقعت حياة لانه كان يسندها اصلا
حياة بألم من الوقعة:اناااااا مكنش قصددددى تسيبنى يعنننى توووقعنى اههههه يخربيتك
كنان ببرود:والله انتى محددتيش اسيبك ازاى
حياة وهى تنهض:والله لوريك مش انا خسرت وكدة انا اللى عليا الدور هات بقا هوريك
كنان وهو يطعيها الشال:والله انتى عيلة خدى خدى
حياة وهى تربطه ولكنها لا تعرف بسبب شعرها فيمسكه كنان من يدها ويقف امامها ويربطه لها حول عينها فيخفق قلب حياة وبشدة ولاول مرة ولكن لا تعرف لماذا كل هذا الخوف عندما يقترب منها كنان
بعد ان ربط كنان الشال حول عين حياة فضلت حياة تجرى وراء الاطفال وهى مغمضة العينين ولكن صفر كنان لجميع الاطفال وجمعه حوله وطبعاً حياة لاترى شيئاً
كنان بهمس للأطفال:بصو ايه رأيكم احكيلكوا حكاية
الاطفال بسعادة:هيييييه
كنان بخبث:هشششش بس عشان حياة متسمعناش اطلعوا انتو فوق واستنونى انا وحياة عشان احكيلكوا حكاية بس قبل ما تمشوا عاوزكم تصوتوا كلكم وتقولوا اسمى
الاطفال بأيماء:حاضر
اما حياة فكانت تمشى وهى مغمضة العينين وتبحث عن الاطفال وتقول:انتو فين كلكوا مش باينلكم صوت ليه
فتسمع حياة صوت صريخ من الاطفال وهم يهتفون بأسم كنان وصعدوا بسرعة كما قال لهم كنان لتفزع حياة من هذا الصريخ فتشيل الرابط من على عينيها وترى ماذا يحصل لترى امامها كنان على الارض ومغمض العينين كانه مغمى عليه
حياة وهى تجرى على كنان:كناااااان كناااااان مالك فيك ايه
لتنظر حولها بخوف وتبحث عن الجميع ولكن لا احد فتستغرب وتحاول ايقاظ كنان بخوف
حياة وهى تهز كنان حتى ينهض:كناان قوم كناان ايه اللى حصلك مش معقووول تكون مت لالالالالا انا بتخيل شكلى لتقول آخر جملتها وهى تتخيل انه من الممكن انه ماات لتنزل دمعة من عينيها وهى تصرخ وتقول:كنااااااااااااااااااااااااااااااااااااااااان
ليفزع كنان وبشدة هوا كان يمثل عليها فعندما طلب من الاولاد ان يصعدوا لغرفهم فى الملجأ كان ينوى ان يمزح معها كانه صار له شئ ولكنها صدقت وخافت عليه بشدة ففتح عينه عندما صرخت بأسمه
فاندفعت حياة بمشاعرها وحضنته عندما رأته فاتح عينه
حياة ببكاء وهى تضمه بقوة: انت كويس ياكنان مالك ايييه اللى حصل
كنان وهو يضمها ويشتم رائحتها الجميلة:متخافيش ياحياة انا كويس انا كنت بهزر بس انتى طلعتى بتخافى عليا اووى كدة
فتحت حياة عينيها بصدمة من كلامه هذا معقوول انه يمزح هيا خافت عليه وبشدة حتى انها بكت ولاول مرة من عشر سنين تبكى هكذا هيا لا تعرف لماذا خافت ممكن لانها رأت هذا المنظر من قبل مع امها ام خافت عليه هوا
حياة وهى تبتعد عن حضنه بغضب:بتأيييييييييه بتهزرررررر انت حيوااااااااااان لدرجة تخلييينى اخااااف كدة
لتقول آخر جملتها وهى تدفعه وتضربه فى صدره بغضب وتبكى أيضاً
كنان وهو يحاول الامساك بيدها حتى لا تضربه:اهدى اهدى خلاص والله ماكان قصدى انا كنت بهزر واصلا عارفك انى مهمكيش بحاجة بس شكلى غلطان
حياة بغضب وهى تحاول الافلات بيدها منه:انت فعلاً متهمنييييش فى حاجه انا خوفت تجبلنا مصيييبة ابعددددددد بقااااااااا
كنان وهو يقترب اكتر منها حتى لصقها فى الحيطة:وليه خوفتى ياحياة مش انتى بتكرهينى؟!!
حياة بتوتر وهى تنظر فى عينيه:اه...بك..ره..ك واوى كمان انت واحد معندكش دم ابعد لتقول آخر جملة وهى تدفعه وتجرى بسرعة إلى اعلى تحت نظرات كنان الضاحكة
صعدت حياة إلى غرف الاطفال بالملجأ لتنظر لهم بأستغراب عندما راتهم متجمعين كأنهم منتظرين شئ
حياة وهى تجلس حولهم:فيه ايه متجمعين كدة ليه وبعدين ليه سبتوا اللعبة تحت وطلعتوا هنا
حبيبة:اصلك ابيه كنان قالنا نطلع هنا عشان هيحكيلنا حدوتة وقالى انه هيجيبك وييجى
حياة لنفسها بغضب:ماااشى ياكنان والنعمة لأوريك يعنى ضحكت على العيال عشان تمثل عليا انك موت ماشى
ليقاطعها صوت الاطفال وهم يهتفون بأسم كنان مجدداً ولكن لأنه وصل حتى يحكى لهم الحكاية
الاطفال:يلا ياعمو احكيلنا الحدوتة مش انت وعدتنا
كنان وهو يجلس بجانبهم فكانوا جميعهم حوله وكل واحد منهم جالس على الارض وممددين جسمهم على الارض وحياة بجانبهم ولكنها جالسة عادى ليست نائمة على الارض جلس كنان وجمعهم حوليه وبدأ يحكى:كان يامكان فى قديم الزمان بس مش اوى يعنى كان فيه شاب غلبان اووى وطيب ومش بتاع مشاكل كان ماشى فى أمان الله لقى بت واقفة فى نص الطريق وباين عليها عاوزة مساعدة راح كان هيساعدها وهيا رفضت ولما هوا اصر انه يساعدها فضلت تضربه وتضربه لغا.............
حياة بمقاطعة وغضب:ايييييييه اللى انتتتت بتقووووله ده محصلش ياكذاااااب
كنان بخبث:ليه انتى تعرفى حكاية الشاب الغلبان ياحياة لو تعرفيها احكيها انتى
حبيبة:لا ياعمو شكلها متعرفهاش كملنا انت البت عملت ايه فى الواد الغلبان ده اكيد ضربته الشريرة صح
حياة بغضب:لا مش صح قصدى يعنى مضربتهوش من غير سبب يعنى
كنان بخبث:والله انا لسة مكملتش ايه اللى حصل
الاطفال:كمل ياعمووو
كنان وهويكمل:بعد مافضلت تضربه وتضربه دى حتى مسبتش فيه حتة سليمة واوجع ضربة بصراحة وكانت هتموت الشاب ده لما هيا ضربته تحت الحزام
لتسمع حياة آخر جملة وتضحك بشدة لانه يتحدث على نفسه وعندما التقوا لأول مرة ضربته تحت الحزام كما يقولون
كنان:بتضحكى على ايه
حياة بخبث:على البت اصلها قوية اووى والواد يستاهل بصراحه
حبيبة بغضب:لا ياابلة دى شريرة ضربته من غير سبب
كنان بتمثيل:والله ماهكمل هوا انتو بتعلقوا على كل جملة ليه
حياة بخبث:كمل كمل وطلع القطط الفطسانة فيا كمل
كنان بخبث اكبر:وبعدين لما ضربته هوا اتعصب وبصراحة كان عاوز يموتها من الضرب لولا فيه ظابط سمع صوتهم وجاه وخادهم وكان عاوز يحبسهم وكل ده بسبب البت الشريرة اللى كانت بتحسب الشاب الطيب بيعاكسها
حياة بغضب:كنااااااااااان اتلمممم هااااا انت واحد كذاااب هواا انت مكنتش ناوى تعاكس ساعتها هوا انا ضربتك من غير سبب
كنان بضحك:يبنتى انتى بتاخدى الكلام على نفسك ليه؟
حياة بخبث:طب انا اللى هكمل الحكاية دى للعيال بقا
كنان:لا انا اللى هحكى انتى هتفننى انا عارفك وهتجبينى انا اللى غلطان فى الأخر وايوة مكنتش ناوى اعاكسك علفكرة
حياة بغضب:لا والله مكنتش نااااوى طب خلينا نسأل الاولاد مين اللى يحكى الحدوتة انا ولا انت بص.......
لتقول آخر جملتها وهى تنظر للأطفال وتراهم ناموا جميعاً عندما كان حياة وكنان يتعاركون ذهبوا هم فى نوم عميق
كنان بصدمة:دول نامو شوفتى من صوتك المزعج
حياة:انااااا من صوتى المزعج اناا مش عارفه انت ايه اللى جابك هنا وقعدت كان يوم اسود يوم ماعرفتك ياكنان
كنان وهويعدل الاولاد ويغطيهم:والله كان يوم مطلعتلهوش شمس عندك حق
حياة بغضب وهى تمشى:انااا ماشية مش هقدر استحملك اكترر من كدة
كنان وهو يلحقها ومسك يدها:استنى هوصلك الوقت اتأخر
حياة وهى تفلت يدهامنه:ابعد إيييدك دى وبعدين انا معايا عربيتى
لتقول آخر جملتها وتركب العربية وتذهب بسرعة تحت نظرات كنان الضاحكة فركب سيارته هوا الأخر وذهب إلى البيت
ـــــــــــــــــــــــــــــــــــــــــــــــــــــــــــــــ
فى أمريكا جاء الصباح فى الوقت التى كانت فيه مصر ليلا وخاصة فى بيت أحمد فتحت سيلين عينيها الجميلتان ببطأ وهى تظن انها فى غرفتها كان يقف أحمد حتى يحاول ان يوقظها وبعد ان فتحت عينها صرخت وبشدة
سيلين: اعاااااااااااااااا انت مين وانا فييين هوا انا مكنتش بحلم
أحمد بغضب: لا مكنتيش بتحلمى هوا انتى بقا كل يوم هاجى اصحيكى تقوليلى انت مين
سيلين بمرح: ياعم دى اختى نفسها مببقاش عارفة هيامين هفتكرك انت اللى بقالى عرفاك من يومين
احمد: طب يلا قومى علشان نفطر وننزل نشوف البوليس لقا حاجتك ولا لا عشان انا عندى شغل مش قاعدلك هنا
سيلين بتذكر: احييييييييييييه ازااااى نسيييت
احمد بخضة: فيه ايه الله يخربيتك
سيلين: انا مروحتش الجامعة المفروض اول يوم ليا النهاردة
احمد بتفاجئ: انتى جاية هنا عشان تدرسى طب مقولتيش ليه من الاول
سيلين: وكنا هنستفاد ايه مابطاقتى مسروقة والحاجات اللى تثبت انى فى جامعة كامبريدج برضو اتسرقت
احمد بتفاجئ اكبر: وكمان مقدمة فى جامعة كامبريدج بت انتى غنية ولا ايه
سيلين بمرح: يبنى ده انا اخت حياة رچدان مسمعتش عننا ولا ايه
احمد بصدمة:انتى اخت حياة رچدان معقوول طب ماقولتيش ليه من الاول
سيلين:هوا احنا ممكن نتصل بيها صح
احمد:اه طبعاً معاكى رقمها
سيلين:لا مش حفظاه بص ممكن ابعتلها على الايميل بتاعها
احمد وهو يعطيها هاتفه:خدى اهو التليفون وكلميها وخليها تبعتلك فلوس ولا حاجه وكمان اوراق جديدة عشان تخشى الجامعة ماانتى مش معقول جاية هنا على الفاضى
سيلين وهى تبحث فى الهاتف:معاك حق هشوف كدة صفحتها
لتبحث سيلين عن صفحتها فى الفيس بوك والانستاجرام لتلاقى حياة قفلة الحساب بتاعها نهائياً
سيلين بحزن:حياة قافلة الاكونت بتاعها مش هعرف اوصلها
احمد:طب شوفى كدة يمكن كاتبة رقمها على الاكونت
سيلين:لا خفياه وهيا اصلا قافلة الاكونت
احمد:خلاص خلاص قومى البسى عشان نفطر ونروح نشوف البوليس عمل ايه ويمكن نعرف عنوان عمتك
سيلين:انت كل شويه تقولى البسى البسى كأن هدومى معايا يعنى ماهيا اتسرقت ياخويا
احمد بتذكر:اه صحيح نسيت استنى طب
ليذهب احمد إلى غرفته ويفتح الدولاب ويخرج منه فستان احمر طويل للغاية وجميل كان بتاع حبيبته سيلين التى توفت
احمد لنفسه:سامحينى ياحبيبتى بس مضطر البنت معندهاش حاجه تلبسها
ليذهب لغرفة سيلين ويعطيها اياه
سيلين وهى تنظر للفستان:ايه ده انت جبت الفستان ده منين
احمد بغضب:ملكيييييش فيه المهم جبتلك حاجه تلبسيها يلا انجزى
سيلين وهى تشير له ان يخرج:طب اطلع برة بقااااا
وخرج احمد وبدلت سيلين ملابسها وارتدت الفستان وخرجت للأفطار معه فانصدم أحمد بجمال الفستان عليها تبدو جميلة به حتى اكثر من حبيبته السابقة فجلست لتناول الافطار
سيلين وهى تأكل:الاكل الحلو ده طالبوه من انهى مطعم يابو عضلات
احمد بغضب:بتتتتت انتى متقووووليش خرة ابوعضلاااات وبعدين انااا اللى عامل الاكل يختى علله يتمر فيكى
سيلين بتفاجئ:هههههه ده انت عامل آكل احلى من بتاع دادة فاطمة وبعدين ماله ابوعضلات مش احسن ماسميك ابو قرون كرتون لما بتيجى بتتعصب بتبقا طالع من ودنك نااار كدة زى الكرتون شكلك كيوووت اووى
احمد بغضب:سيلييييييييين اخررررررسى
سيلين بخوف:حا..ض..ر
وبعد وقت تناوله الافطار وذهبوا إلى المخفر حتى يعرفوا ان عثروا على الاشياء ام لا فقال لهم الضابط انهم لم يعثروا على شئ فذهب احمد بسيلين إلى البيت واحضر لها خادمة انجليزية تجلس معها وذهب هوا إلى شغله فى الجامعة هوا يعمل كدكتور فى الجامعة كامبريدج بعد ان ترك العمل مع ابيه قرر الذهاب إلى هناك
ـــــــــــــــــــــــــــــــــــــــــــــــــــــــــــــــ
انتهى البارت يارب يكون عجبكم بااااى
•تابع الفصل التالي "رواية قسوة عشق" اضغط على اسم الرواية