كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الرابع عشر 14
14
_هتفضلي ضاربة بوز كدة كتير؟هقضي الأجازة فى نكد أنا؟
=لما أنا نكد جاي تتكلم معايا ليه؟
_أستغفر الله العظيم..أنا ما أقصدش بس أنا بحاول أخليكي تفكي شوية..أنا مش عاجبني اللي إحنا فيه ده ي تقى من أمتي وإحنا بنتعامل بالشكل ده..
=من النهاردة ي مازن ومش هتغير غير لما تسامحها وتنسي اللي حصل..
_يعني ده اللي هيثبتلك إني بحبك وما أقدرش أعيش من غيرك؟
=أيوة..
_أنا.........
_______________________
_إنتي بتحبي ي ريواء؟ي حلاوة ي ولاد وي ترى مين سعيد الحظ اللي هياخد القمراية بتاعتنا وي ترى عارف ولا لأ؟
=أصبري إيه عشروميت سؤال ورا بعض إديني فرصة أرد عليكي..
_أديني صبرت أهو..هو مين؟
=ردت بتوتر:أدهم..
_حلو الأسم ده بس مين أدهم ده يعني بيعمل إيه فى حياته ولا يقربلك إيه؟
=الموضوع يطول شرحه هبقي أكملك بكرة..
_وربنا ما هنام غير لما أعرف كل حاجة..يلا إنجري..
=حاضر هحكيلك وأمري لله..
______________________
_أنا موافق ي تقى وده بس علشان أثبتلك إني بحبك بس ده مش معناه إني أصفي ليها..
=الأهم إنك تديها فرصة إنك تسمعها الأول..وإنك تصفي ليها بعدين فأنا متأكدة إن ده هيحصل لأن قلب حبيبي جميل ومش بيزعل حد..
_دلوقتي بقيت حبيبك؟
=إنت حبيبي على طول بس اللي عملته ده علشان عايزة نرجع زي الاول نخاف على بعض ونحب بعض مفيش وقت للزعل ي مازن..
_باس إيدها وقال:ربنا يخليلي قلبك الأبيض ده والحمد لله إن أخوكي مش هنا وإلا كان نفخني لما بوست إيدك..
=ههههههههه أدهم ده السكر بتاع البيت..
_آه ما هو واضح ده لسه القفا بتاعه معلم..
=هههههههههههه أحسن..
_______________________
_لما كنت صغيرة كان عندي حبيب..كان بالنسبة ليا hero وكنت أغلبية الوقت أقوله ي سوبرمان..مكونتش بحب حد فى الدنيا ديه زيه..لكي أن تتخيلي إن طفلة عندها 6 سنين بتحب شاب عنده 16 سنة..كان بيحبني وبيحتويني وبيخاف عليا..كان دايما سند ليا وكان دايما يدافع عني..عمره ما سابني أنام زعلانة وحتى لو حصلت مرة ولا حاجة كان يراضيني ويآخدني فى حضنه..حضنه كان ملجأي وأماني وبيتي الجميل..بس فجأة كل السعادة ديه إختفت وكنا مضطرين نبعد عن بعض والسبب كان الأهل أما إحنا كنا رافضين البعد لأنه مكانش ينفع بس فى النهاية بعدت عنه وسافرت..بعد سفري بأسبوعين حاولت أتواصل معاه بس مكانش ينفع لأنه بعد سفري عمل حادثة وفقد الذاكرة حتى أنا مكانش فاكرني والدكتور منعهم من إنهم يضغطوا عليه وقال يسيبوه يفتكر لوحده بس موضوعي وعلاقتنا بلاش يجيبوا سيرتها قدامه خالص لان ده ممكن يتعبه لأن فقد الذاكرة كان بسبب الصدمة اللي أتعرضلها قبل الحادثة وهي بعدي عنه..أستنيت شهر وحاولت أتواصل معاه تاني لكن للأسف والدته قالتلي كلام وحش أوي وقالتلي بلاش أقرب منه وأبعد وأشوف حياتي بعيد عنه بس أنا مكونتش قادرة..قلبي ما دقش غير ليه..قلبي محبش غيره..كان أول ولد أتعامل معاه فى حياتى..المهم فى تفاصيل كتير حصلت هبقي أحكيهالك بعدين بس دلوقتي اللي لازم تعرفيه إنه رجعتله الذاكرة بس كان لسه ناسيني وناسي أي حد يخصني..بعد ما سيبته كنت بتفرج على صوره وأعرف أخباره من النت وده كان لمدة سنة وبعدين فجأة وبدون مقدمات لاقيت إتعملي بلوك من كل حاجة ومامي ساعتها قالتلي إنسيه بس زي ما قولتلك صعب..لحد ما قابلته تاني من جديد..
=قابلتيه فين؟
_إتكلمت بحزن وكسرة:لبست قضية ظلم ومن بين كل الظباط ربنا إختاره ليا علشان يحقق هو معايا..
=ردت بصدمة:يعني حبيبك ده يبقى هو أدهم باشا؟
_أيوة..
=طب وعرفتيه إزاي؟
_أول يوم شوفته لمحت أسمه اللي كان موجود على المكتب بس قولت جايز بيتهيألي وإنه تشابه أسماء مش أكتر..لما كنت أبص فى عينه كنت أحس بأمان وأحس إنها مش غريبة عليا..كانت بتحصل تصرفات منه تخليني أقول إنه هو..ألوان الهدوم اللي جابهالي هي نفس الألوان اللي بحبها..تصرفه معايا فى المستشفى..إحساس الدفا اللي حسيته وأنا جوا حضنه كان هو نفس الإحساس اللي كنت بحسه زمان
بس كل ده كنت بكدبه لحد ما إتأكدت...
=إزاي؟
________________________
_ميزو..
=نعم ي قلب ميزو..
_أنا عايزة أخرج..
=وأنا عايز أتجوزك..
_بجد مش بهزر أنا عايزة أخرج..
=وأنا مش بهزر أنا عايز أتجوزك وإن شاء الله هكلم عمو النهاردة وهتصل بأدهم كمان..
_إتكلمت بحزن:وهتخطبني وتسيبني وتسافر؟
=يعني لازم تحرقي المفاجأة؟أنا كنت ناوي أرجع بس مش هعمل كدة لأني مش هقدر أبعد عنك تاني ي تقى الفترة اللي فاتت فى غيابك إنتي وعلا مكانتش حلوة
ربنا يخليكوا ليا وما يحرمنيش منك..
_ردت بفرحة:ولا يحرمني منك ي أحلى ميزو فى الدنيا..
_____________________
_هقولك ي ستي..يوم ما جيتي هنا أول يوم طلبت منك الفون علشان أتكلم مكالمة مهمة..
=أيوة صح أنا فاكرة اليوم ده حتى ساعتها خلصتيلي الكارت الفكة..
_هجيبلك غيره إن شاء الله..
=ي بنتي أنا بهزر معاكي..فكي بقي شوية..المهم كملي
_بصراحة دورت على رقمه عندك لأنه قالك لو إحتاجتي حاجة كلميني فلما لاقيت رقمه دخلت على الواتس لاقيت صورة ليه لوحده وبالتالي أنا مش هعرف حاجة فقولت أدخل على الفيس وأدور عليه أو على الإنستا..الإنستا كان قافل الصفحة والفيس لاقيته بسهولة لأن لحسن حظي كان لسه مسميه بنفس الأسم..أدهم عزالدين..ده طبعا مش أسمه بس هو كان كاتبه كدة لأني أنا اللي قولتله كدة زمان..لما دخلت لاقيت صور ليه ولزين وتقى وريم وعمو مراد
ساعتها إتأكدت إنه هو..كنت مبسوطة إن لما قلبي دق تاني دق ليه هو برضوا بس أنا دلوقتي فى نارين نار القرب منه زيادة لأني متأكدة إن قربه مني هيخليه يفتكر ولو أفتكر هيتعب وأنا مش هتمني ليه حاجة وحشة والنار التانية هي نار البعد..أنا مش هقدر أبعد عنه تاني بعد ما قابلته...أنا بحبه أوي ي خلود وربنا يعلم كنت فى بعده عاملة إزاي..
=لا حول ولا قوة الا بالله..بس أقولك حاجة ما تبعديش..أنا شوفت نظرات الباشا ليكي كانت عينه هتآكلك بس أنا ساعتها قولت عادي وما ركزتش أوي بس بعد اللي قولتيه أنا متأكدة إن فيه جواه شعور ناحيتك..وعلى فكرة لو إفتكر ممكن يتعب شوية بس بعد كدة هيرتاح..ما تقلقيش مش هيحصله حاجة وحشة إن شاء الله..تآكلي فشار؟
_هو ده وقته؟
=ده عز الطلب ونجيب كارتون على التليفزيون ونقضيها...
_مقعدين معايا طفلة ي ربي..بس بصراحة أحلى طفلة فى الدنيا..
=والله مفيش أحلى منك ي مزة ي قمر إنتي..
__________________
_وربنا فى حاجة غلط والظاهر إن البنت ديه سرها باتع فعلا..
=فى إيه ياض مالك؟
_فى إن أدهم باشا طلع الجيتار اللي ما أستخدمهوش من سنين فمستغرب بصراحة..
=وتستغرب ليه يعني؟
_أصله ما طلعش غير لما هي ظهرت..
=إنت عارف لو ما قومتش دلوقتي هعمل فيك إيه هكسر الجيتار ده على دماغك..
_لأ وعلى إيه أنا هسكت بس سمعنا حاجة وحشنا عزفك والله..
=عايز تسمع إيه؟
_أيها الراقدون تحت التراب...
=أمشي ي حيوان من هنا..
_خلاص خلاص ما تبقاش قفوش..سمعني كدة حاجة رومانسية على ذوقك..
=هسمعك أغنية حلوة أوي..
"أوعدني ما تسبنيش ولا ليلة تنساني وليك عليا أعيش وأموت ي حبيبي وأنا وياك..جنبك على طول
_ي حلاوتك ي أدهومتي ي جامد إيه الحلاوة ديه والله ي بني إنت عريس لقطة..إحترام وأدب ومركز مرموق وشاطر فى شغلك ومُز فى نفسك أوي وبتعرف تلعب على الجيتار وصوتك حلو وبتلعب رياضة وكمان بطل فى الملاكمة..
بصراحة لو كنت بنت كنت إتجوزتك وش..
=واد إنت أنا مش مرتاحلك..ما تظبط ياض كدة..
_ما أنا مظبوط أهو ي أدهم باشا..هيهيهيهيهيه..
=ي أبن الجزمة..
___________________
_هو إنتي جاية تقعدي معايا علشان تنامي ولا علشان نتفرج على التليفزيون؟وبعدين إنتي عاملة كدة ليه؟
*ريواء كانت بتتفرج على الكارتون ومركزة وخلود كانت نايمة قدامها على الأرض وحاطة طبق الفشار قدامها وبتاكل منه وبعد فترة ريواء بصت ناحيتها شافت خلود رأسها واقعة فى طبق الفشار وشعرها منعكش ودراعتها مفرودة زي فيلم تيتانك كدة..
_طب وأنا أقومك إزاي باللي إنتي عاملاه ده؟خلود..
خلود..إنتي ي بنتي..قومي بقي
=أمممممممم عملت صينية الفراخ وحطيتها فى الفرن
_صينية فراخ وفرن إيه دلوقتي؟ي بنتي قومي وفوقي كدة..من كتر حبك فى الفشار واقعة بوشك فى الطبق..قومي بقي
=شهقة الملوخية ديه أنا برنسيسة فيها..
*شهقت جامد لدرجة إن ريواء إتفزعت..
_ي بنتي حرام عليكي فزعتيني..ملوخية إيه وفراخ إيه هو إنتي نايمة ودماغك بتفكر فى الأكل برضوا؟قومي بقي..خلووووود..
=قامت من مكانها بشكل مفاجئ ومسكت طبق الفشار وكانت تقريبا شبه حاضناه وإتكلمت بفزع:إيه فى إيه؟البيت هيقع؟أنا كنت حاسة كان فى شرخ صغنن قد كدة فى المطبخ أكيد ده اللي وقع العمارة..
_ههههههههههههه وهو لو العمارة بتقع فعلا متبتة فى طبق الفشار كدة ليه خايفة عليه يموت؟إنتي إيه حكاية الأكل معاكي وي ريته بيبان..
*إستوعبت اللي عاملاه فى نفسها وفضلت تضحك..
_هو أنا عكيت الدنيا وأنا نايمة ولا إيه؟
=لأ خالص هو كان حوار عن الأكل تقريبا كدة كنتي هتعملي رز وملوخية وصينية فراخ فى الفرن مين اللي كان هيآكل بقي الله أعلم..
_ي كسوفي..أصل أنا بعشق حاجة أسمها مطبخ بحب أطبخ وبحب أحط التاتش بتاعي فى أي أكل بعمله علشان يبقى خاص بيا أنا..وبحب كل أنواع الأكل..الأكل ده لما بينزل معدتي بحس بسعادة كأني مليونيرة..
=وي ريته بيبان عليكي..فكرتيني بأبن خالي على الرغم من إنه ولد بس كان عامل زيك كدة بالظبط كان بيحب الأكل والإختراع..كنا نقعد بالليل سوا نخترع أي حاجة وعمرها ما طلعت وحشة..
_أبن خالك ده حلو ي بت؟
=هو من ناحية حلو فهو قمر عينه ملونه وشعره بني بالعربي كدة هو وسيم..
_خلاص أنا موافقة عليه..
=هو بغض النظر إننا بنهزر بس فعلا لو هختار حد لأمجد مش هختار له حد غيرك ي خلود..
__وهو مين قالك إننا بنهزر أنا بتكلم جد على فكرة وبعدين هو المحروس أسمه أمجد..حلو مش بطال وي ترى ننوس عين أمه شغال إيه بقي؟
=أمجد ي ستي خريج هندسة وعنده شركة خاصة بيه..
_يعني رجل أعمال لأ ي ستي مش موافقة..
=إتكلمت بإستغراب:مش موافقة ليه بقى ي ست هانم؟
_إتكلمت بحزن:أنا أهلي فلاحين وناس على قدهم وساعات كانوا بيناموا من غير أكل فأنا معنديش إستعداد إني أتجوز حد يعايرني بأصلي ي ريواء أنا عايزة حد محترم عنده أصل مهما زادت مكانته يكون متمسك بأصله إنه بني آدم عادي جدا وما ينفعش يدوس على الغلبان اللي أقل منه..
=إنتي عبيطة على فكرة لأن أمجد محترم وعمره ما إتعامل مع حد بتكبر وبسبب كلامك ده إنتي كبرتيها فى دماغي علشان أقربكم من بعض لأن بجد أنا لو لفيت مش هلاقي لأمجد بنت زيك..
_وأنا مش عايزاه ي ريواء وأعتبري كلامي اللي قولته من شوية هزار..
=مش هعتبره هزار ي خلود وبمجرد ما نتقابل أنا وهو هعرفكوا على بعض ده لو مكانش هو هيتعرف عليكي أصلا لوحده لأن إنتي قمر وتسحري أي حد..
_ردت محاولة تغيير الموضوع:أنا هقوم أنام عن إذنك
*سابتها ومشيت ودخلت أوضتها وريواء كانت حاسة إن خلود هتعيط فدخلت وراها على طول..
______________________
_أدهم..دومة...أدهومتي..
=عايز إيه ي تنح؟
_بصراحة كدة أنا جعان أوي ما تيجي نشوف البنات اللي تحت دول عاملين إيه؟
=إنت معندكش مخ ياض؟بنات إيه اللي ننزل لهم الساعة 2 الفجر؟
_ي عم ما هو أنا جعان وإنت مانعني آخد أكل من أم نيفين والمحل اللي متعودين على أكله قفل وأنا مش بعرف آكل من حد غيره..
=طب قوم شوف لك أي حاجة فى التلاجة وأطفح..
_لأ ما هو أنا حابب أقولك حاجة بس أستحي..
=قول ي حبيبي..قول ما تتكسفش...
_هو مفيش أكل فى التلاجة..
=ده اللي هو إزاي يعني؟مش ريواء كانت باعتة النهاردة طبقين رز ونص فرحة وبطاطس..
_لأ ما هو أنا إتغديت بيهم لما لاقيتك إتأخرت عليا وحاليا بقي أنا جعان ومفيش أي حاجة فى التلاجة ولا حتة جبنة حتى..
=لأ ده أنا محتاج إعانة من الدولة علشان أكفي أكلك..
_أيوة برضوا بعد الكلام ده كله أنا هآكل إيه؟
=ي رب صبرني على البلوة اللي فى حياتى ديه..كلم السوبر ماركت يجيبلك أي حاجة خفيفة إن شاء الله لو كيسين إندومي..
_وهو أنا بتاع إندومي برضوا؟أنا نفسي رايحة لصينية رقاق باللحمة وصينية مكرونة بالبشاميل وبانيه..
=دلوقتي؟عايز تاكل رقاق وبشاميل دلوقتي؟لله الأمر من قبل ومن بعد..بص علشان أنا خلاص فاض بيا رقم السوبر ماركت على التليفون كلمه وإتفاهم معاه..أنا داخل أنام..
_ي لهوي عليك ي أدهم بقيت قفوش أوي ي جدع..
يلا مش مهم ألحق أكلم السوبر ماركت بقي..آلو سوبر ماركت الأصدقاء..
=أيوة ي فندم..تحت أمرك.
_عايز نص فخدة..
=نعم ي فندم؟
_قصدي نص جبنة رومي ونص لانشون ونص بسطرمة و10 بيضات وكيسين عيش وإزازة بيبسي 2 لتر..
=تمام ي فندم ساعة وتكون الطلبات عند حضرتك..
_ساعة إيه الأكل ده لو إتأخر عن ربع ساعة هاجي آكله فى المحل عندكم..
=نعم ي فندم؟
_مستنيك ي حبيبي ما تتأخرش..سلام..
=إيه الزبون الغريب ده؟هو مش ده تليفون أدهم باشا برضوا؟بس ده مش صوته مين المجنون اللي كان بيتكلم من تليفونه ده؟
_________________________
_ممكن أفهم بقي بتعيطي ليه؟مش كنا بنهزر دلوقتي؟
=مفيش حاجة أنا بس مخنوقة شوية ي ريواء..
_ومخنوقة من إيه بقي؟
=هو مش أنا قولتلك إني كنت مخطوبة وخطيبي سابني علشان الشك..
_آه قولتيلي كدة..
=هو فعلا سابني علشان الشك بس كان فى سبب تاني
الأستاذ كان دايما يعايرني بأهلي وبمستوانا بس بطريقة غير مباشرة وأنا كنت بطنش لأن كلامه مكانش صريح لحد ما جه فى يوم وصارحني بشكه وإنه مش شايف إننا مناسبين لبعض فى كل حاجة حتى المستوى وأنا أستحمل أي حاجة ي ريواء إلا إن حد يهين أهلي ويغلط فيهم علشان كدة بعدت عنه ورفضت أقول السبب علشان ما أجرحهمش..ودلوقتي بقولهالك أنا معنديش إستعداد إن حد يعايرني بأهلي تاني..
_طب إهدي طيب وكل حاجة هتتحل وإن شاء الله ربنا هيعوض صبرك خير مش ده كان كلامك ليا؟
=ونعم بالله..
_قومي بقي علشان نآكل لأني جعانة أوي..
=تصدقي وأنا كمان..يلا بينا..ريواء..
_نعم ي حبيبتي...
=شكرا ي أحلى أخت فى الدنيا..شكرا علشان ربنا رزقني بيكي..شكرا على وجودك جنبي..
_أنا اللي المفروض أشكرك..يلا بقي أنا جوعت..
*بعد فترة كان أدهم فى المكتب بتاعه وقاعد قصاده زين..
_مالك ي أدهم؟
=مش عارف ي زين قلبي مقبوض النهاردة من قبل ما ننزل من البيت..
_لأ حول ولا قوة الا بالله طب إطمنت على ريم والبنات؟
=هكلمهم أطمن عليهم أمتي بس أنا مكونتش هنزل النهاردة أصلا بس إنت عارف مدحت باشا وتحكماته ده غير المأمورية اللي أجبرتنا إننا ننزل إحنا الإتنين ونسيب البنات لوحدهم..إيه ده خلود بتكلمني..
_طب ما ترد عليها مستني إيه..
=أستر ي رب..آلو ي خلود..
_ردت بتعب:أدهم..إلحق......
=ريوااااااااء..
•تابع الفصل التالي "رواية كيف لا اعشقك وانت عمري" اضغط على اسم الرواية