رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل الخامس عشر 15
البارت الخامس عشر
رواية قسوة عشق
بقلمى /ملك عبد اللطيف
جاء الليل فى مصر وكانت الساعة عدت الساعة 12بعد منتصف الليل كانت جالسة فى غرفتها تعمل بجد ونشاط لأن غدا هناك مناقصة هامة جدا عليها ان تحضرها هى وهو ولكنها نست ان تخبره بها.
حياة بتذكر: احيييه انا ازاى نسيت اقوله ييجى بكرة على مكان المناقصة مش على الشركة هوا عصبنى وخلانى نسيت
نهضت حياة وخرجت من غرفتها وذهبت إلى غرفة نادية
حياة وهى تدخل: عاملة ايه يانادية
نادية وهى تنهض من على السرير: الحمدلله ياحياة معلش معرفتش اجى النهارده
حياة: عادى مكنش فيه شغل كتير النهاردة المهم محضرة ورق المناقصة
نادية: اه معايا عاوزاه
حياة: لا لا بس عاوزة الفايل بتاع الشراكة اللى وقعناه النهاردة
نادية: طيب ثوانى.
احضرت لها الفايل بتاع الشراكة الخاص بكنان فأخذته حياة وشكرتها ثم خرجت وذهبت إلى غرفتها
حياة لنفسها: يارب اللاقى رقمه هنا بس عشان ميتأخرش لتبحث حياة عن رقمه حتى وجدته فاتصلت به حتى استمعت إلى رده على الجهة الاخرى
على الهاتف
كنان بأستغراب: الو مين
حياة وهى تسعل حتى يعرف انها هيا
كنان بعد ان عرفها ولكنه مثل عليها: بقوول مين ماترددد
حياة: ده انا ياكنان حياة معلش بتصل فى وقت متأخر
كنان بخبث: يعنى انتى لازم تكحى عشان اعرفك ماكنتى قولتى حياة من الاول
حياة بغضب: يعنننى انتتتت عررررفت انا مييين وكنت بتستهبل
كنان بضحك: اه طبعا كنت عارفك عاوزة ايه بتتصلى فى الوقت ده ليه مش عاويدك يعنى
حياة: والله بتصل عشان اقولك متتأخرش بكرة عشان فى مناقصة مهمة عشان اناعرفاك بتمووت فى التأخير
كنان: مناقصة ايه دى مقولتليش عليها ليه النهاردة
حياة: والله مجتش فرصة من هزارك ومقالبك المهم هبعتلك موقع بتاع المكان اللى هنروح فيه فى مسج على الواتس سلام
لتقفل حياة الخط فى وجهه وتبعت له رسالة على الواتس بموقع المناقصة ليرد عليها كنان فى الرسالة
،، والله مش عارف انتى مخلوقه من ايه مش معقول تكونى بشر شبهنا فى حد يقفل السكة فى وش حد كده،،
حياة وهى تكتب،، ماعوزنى استأذنك قبل ماقفلها فئ وشك وبعدين انا قولت سلام واقفل بقا،،
لتقفل حياة الواتس وتنام ولكن تأتى انجى لها وتطرق على الباب لتأذن لها حياة بالدخول
انجى وهى تجلس على السرير:ماما ممكن انام جمبك النهاردة
حياة بحب:اكيد طبعاً ياروحى النهاردة وكل يوم كمان لو عاوزة
انجى بسعادة:هييييه بجد هنام جمبك
حياة وهى تأخذها فى حضنها:بجد ياروحى تعالى فى حضنى
ليتمددوا هما الاتنين على السرير فيقطع نومهم رنين هاتف حياة وكان كنان
حياة بغضب على الهاتف:ايه بتتصل تانى ليه
كنان:يبنتى اهدى بتصل عشان عاوزك تبعتيلى ورق المناقصة عشان اعرف التفاصيل وكدة يعنى مش معقول انا شريكك ومكنش عارف حاجه عنالمناقصة
حياة بأقتناع:فعلاً اول مرة يطلع معاك حق بص اقفل وبعتهملك على الواتس
كنان:تمام باى
لتقفل حياة الخط معه وتتجه نحو الاوراق وتصورهم وتبعتهم لكنان على الواتس وتنام بجانب انجى فى نوم عميق
ـــــــــــــــــــــــــــــــــــــــــــــــــــــــــــــــ.
اما على الناحية الاخرى بعد ان قفلت حياة السكة مع كنان وصلت له الاوراق على الواتس فأخذها وذهب لوالده فى المكتب حتى يخبره ماذا سيفعل
كنان وهو يطرق على الباب:فاضى يابابا ممكن ادخل
حازم وهو يشير له بالجلوس:اه يبنى تعالى ده انا مستنيك ها عملت ايه
كنان:انا تعبت معاها مهما وقعت بس خلاص وقعت الحمدلله بص الورق ده عن مناقصة هتعملها بكرة ايه رأيك نكسبها احنا ونخسرها وبكدة نبقا اخدنا جزء عشان فلوس البنك
حازم:لا مش هينفع المناقصة عاوزة فلوس كتير نحطها فيها واحنا مش ناقصين خساير انا عندى فكرة
كنان بأستغراب:فكرة ايه دى
حازم:بص يبنى احنا اهم حاجه عندنا تثق فيك بسرعة عشان تأمنك على كل حاجه واحنا عاوزينها تعملك توكيل بمانك شريكها فلما هيا هتحبك هتعمل التوكيل ده وهى مغمضة
كنان:بابا مابلاش حكاية الحب دى يعنى خلينا نخسرها كل شغلها من بعيد وبلاش الحب ده
حازم بأستغراب:وليه يبنى ماهيا الخطة مش هتنفع غير كدة احنا لو فضلنا نخسرها كل حاجه هتشك لان المكاسب هتبقا تبع شركتنا وهتعرف انك تبعنا لكن لو هياحبتك هتعملك توكيل بكل حاجه وانت بقا تبيعلى كل املاكها وانا اتصرف فى الباقى
كنان وضميره يقلبه بشدة:ماشى يابابا قول هنعمل ايه بكرة
ليقول له حازم الخطة تحت نظرات كنان الحزينة على حياة هوا لايريد ان يأذيها لانه حس انها بنت كويسة مش زى مابوه بيقول
حازم بعد ان انتهى: ها فهمت
كنان بحزن: اه يابابا تمام بس هيا هتتعصب من الموضوع ده
حازم: ولا هتتعصب ولا حاجه الموضوع هيبقا لصالحها اساسا وبعدين الصفقة هتبقا من طرفنا وهيا مش هتعرف يعنى متخافش نفذ انت بس وخلى الباقى عليا ولو اى حاجه عرفتها حتى لو صغيرة قولى
كنان وهو ينهض: ماشى يابابا عن أذنك انا طالع انام
حازم بعد ان مشى كنان: قربتى يابت رچدان هاخد حقى منك ومن ابوكى اللى آخد امك منى صدقونى هتدفعوا التمن كلكم انا هعرفك مين هوا الجندى
بعد ان خرج كنان من مكتب ابوه ذهب إلى غرفة يزن ليطمئن عليه ويعرف منه ما هوا موضوع الذى اخبره به
كنان وهو يدخل فجأة دون ان يطرق الباب: بتعمللل ايييه ياااض يزن بخضة: خضتنى يبنى مفيش باب تخبط عليه
كنان وهو يجلس: لا مفيش قولى بقا ايه اللى خلاك تعاكس البت اخت حياة
يزن بغضب: متجبليييش سيييرة الحيواااانة دى والنبى
كنان بضحك: والله شكلك هتعانى زى اخوك طب ماتقولى ليه عاكستها
يزن بحزن: عشان عمرو
كنان بأستغراب: عمرو؟! طب وليه مش فاهم
يزن: بص ياكنان انت عارف ان عمرو صاحبى بيعانى من موضوع اخوه وحبيبته دى وهوا من ساعت مبقا يشرب الزفت ده وانا خايف عليه فااحنا اتراهنا ان اللى ينجح يوقع بنت من دول الاول هيطلب من التانى اللى هوا عاوزه وانا.....
كنان: خلاص فهمتك هتطلب منه ينسى ويتغير ويبطل البتاع ده صح
يزن بتأكيد: ايوة بس انا متردد بصراحة البت دى مش هتيجى سكة وحاسس انى هخسر الرهان وانا خايف على صاحبى
كنان: بس انك تلعب بمشاعر بنات انت وصحبك ملهمش ذنب عشان تصلح من حاله ده غلط يايزن
يزن:طب اعمل ايه انا لو خسرت الرهان ده مش هعرف اغيره واخليه يبطل يشرب
كنان:بص انتو اتراهنتوا انكم تخلوا البنات دى تحبكم واللى تحبك الاول يبق الكسبان صح
يزن:اه وانا عاوز البت العصبية دى تحبنى واخلص
كنان:خلاص اتفق معاها وقولها انت نيتك ايه يمكن توافق
يزن بأستغراب:ازاى ده معقوول توافق
كنان:فهمها حالة صحبك وانك عاوزها تمثل انها حبتك عشان تكسب انت الرهان وكمان انت متراهنين على صاحبتها التانية ويمكن صاحبتها التانية دى تغير صاحبك ويحبها بجد
يزن بتفكير:طب والله ممكن بس على حسب البت بقا هتقولى ايع
كنان:متخافش هتوافق لأن هيا هتساعدك فى حاجه خير يعنى وبكدة انت مش بتأذى حد
يزن:طب ماانا كدة هأذى صاحبتها وممكن متوافقش بسبب كدة
كنان:يبنى ماانت لو اقنعتها انها تمثل انكو حبيتوا بعض هتكسب انت الرهان فى ساعتها ويمكن صاحبك يحب البت التانية بجد وبكدة نبقا غيرناه وكمان خليناه يحب تانى
يزن باقتناع:فعلاً معاك حق يارب توافق
كنان وهو ينهض:هتوافق يبنى هتوافق استعطف مشاعرها انت بس تصبح على خير
يزن وهو يعانقه:شكرا ياكنان مش عارف اقولك ايه
كنان بمرح:مالك يبنى قالبتها فيلم دراما كدة احنا اخواات يهبل عقبال التانى اللى فى أمريكا ده يتصلح حاله
يزن:وانت الصادق انت اللى يتصلح حالك ياخويا
كنان وهو يخرج:انشاءالله قريب
ليتجه كنان نحو غرفته وينام على السرير ويفكر فى النصيحة التى اعطاها لأخاه وهوا اصلا يفعل عكسها
كنان لنفسه بحزن:ايه اللى انت بتعمله ده ياكنان يعنى انت بتقول لأخوك متلعبش بمشاعر حد عشان صحبك وانت هتخلى البت تحبك عشان ابوك عاوز كدة لالا مستحيل حياة تحبنى اصلا الموضوع مش بالسهولة دى وانا ملاحظ انها مبتفتحش قلبها لأى حد كدة وخلاص وهيا لو فتحت قلبها ليا اكيد هتبقا بتحبنى لو انا غدرت بيها بعد كدة هأذيها انا لازم اتصرف لازم اعمل حاجة تخلينا نعرف ناخد ورث ابويا وننتقم بس من غير ماجرحها عشان انا عارف الموضوع ده هينتهى بكسرة حد فينا يأما هيا عشان هتحبنى يأما انا اللى هتجن واحبها
ليكلمه عقله ويقول:اييه فووق مش انت اللى تحب انت البنات بتتمنالك ترضى او نظرة واحدة منك بس هتروح تحب عدوة ابوك
ليحدثه قلبه:طب البت دى فيها حاجه شدانى انا مش عارف ايه هيا يمكن عشان تقيلة فى تصرفاتها ولا عشان غير اى بت انا عارفتها كنان انت البنات كلها اللى فى حياتك رخيصة اصلا
كناان بغضب:اووووف تعبت انا هنام احسن من التفكير ده
لينام كنان وهوا يفكر بها كثيراً ويخشى ان يقع فى حبها قبل ان تقع هيا
ولكن ماذا سيحدث ياترى وهل للقلم بتاع روايتنا تفكير آخر سنعرف فى الحلقات القادمة
ـــــــــــــــــــــــــــــــــــــــــــــــــــــــــــــــ
انتهى البارت انا حبيت يكون خفيف شوية عشان اللى جاى تقيل اووى
•تابع الفصل التالي "رواية قسوة عشق" اضغط على اسم الرواية