رواية قسوة عشق الفصل السادس عشر 16 - بقلم ملك عبد اللطيف

 رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف

رواية قسوة عشق الفصل السادس عشر 16

البارت السادس عشر 

رواية قسوة عشق 

بقلمى /ملك عبد اللطيف 

فى صباح يوم جديد تشرق الشمس معلنة عن أحداث كثيرة فى حياة ابطالنا بعضها جميلة والاخرى حزينة تدلف الشمس بأشعتها الذهبية وتلاعب خصلات بطلتنا القاسية التى فتحت عينيها بعد دخول أشعة الشمس إلى الغرفة لتنهض مبكراً عن العادة وتدلف للحمام وتأخذ حماما دافئا وتتوضأ وتؤدى فريضتها وبعد كثير من الوقت ادت فريضتها وارتدت ملابسها ثم اتجهت نحو انجى التى مازالت نائمة فأيقظتها وذهبت انجى للغرفتها لترتدى ملابس المدرسة وذهبت حياة لغرفة البنات لتوقظهم جميعاً فذهبت إليهم واوقظتهم وبعد قليل من الوقت كان الجميع متجمع على طاولة الافطار 

لمار وهى تأكل: تسلم ايدك يادادة والله على الفطار السكر ده 

الدادة بضحك: تسلميلى يبنتى بالهنة والشفة 

چانسو لحياة: حياة انا جاية المناقصة معاكى النهاردة ها 

حياة: طبعاً يعنى المناقصة هتمشى من غيرك نوصل انجى للمدرسة وبعدين نروح يلاا 

لينهضا جميعاً متجهين نحو اعمالهم ذهبت نازلى ونادية كالعادة لجامعتهم ومعهم لمار وذهبت حياة وانجى وچانسو للمدرسة ثم اتجهوا نحو عملهم للمناقصة 

حياة بعد ان وصلت ومنتظرة كنان: اووووف قولتوا ميتأخرش لكن مفيش فايدة 

چانسو بأستغراب: هوا مين ده 

حياة بسخرية: انتى لحقتى تنسى ولا ايه اننا عندنا شريك تالت 

كنان بمقاطعة من خلفهم: رابع لو سمحتى عدلى كلامك 

حياة وهى تلتفت لتلاقى امامها كنان وأمير: أخيراً اتكرمت وجيت يلا عشان نخش يلا 

ليدخلوا جميعهم ويسلم أمير الاوراق ويجلسوا منتظرين قرار من الفائز فى هذه المناقصة وكانت حياة تراجع الاوراق التى عرضتها لانها كانت امامها على الطاولة لتقرأ المبلغ التى وضعته وتصدم بشدة 

حياة بصدمة: ايييه ده انا محطتش المبلغ ده فى المناقصة الورق ده فيه حاجة غلط 

امير: ايه حاجه غلط ازاى يعنى انا خلاص سلمت الورق وهيشوفوه 

كنان ببرود: متخافوش يجماعة انا غيرت المبلغ اللى حطاه حياة 

حياة بغضب: ايييييييييه عملللللتتتتتتت اييييييه غيرتتت المبلغ لييييييييه ياكناااااااااان انت عااااااااوز توييييبناااااااا فى داااااااهية 

كنان بهدوء: اهدى اهدى المبلغ انا غيرته عشان كبير اوى علفاضى اما اللى انا حطيته مناسب 

چانسو: ايه اللى انت بتقوله ده ياكنان وغيرت المبلغ ليه يعنى ماحنا طول عمرنا بنحط المبلغ ده وبنكسب المناقصات كلها 

كنان: صدقونى ياجماعة المبلغ اللى انتو كنتو حطينه كبير اووى ومحدش كان هيوافق بيه لكن ده مناسب جداً واحنا اللى هنكسب 

حياة بغضب: ازااااااى ده انت حاطط مبلغ صغيرررر اووووى ده الحمار بنفسه مش هيوافق عليه انت هتضيعنا ياكناااااااااان انا كنت عارفة ان الشغل معااااك مش هينفع 

كنان بغضب: ماتهدى بقاااااا قولتلك هنكسب المناقصة ومش كل شوية تعلللى صوووووتك احترمى نفسكككككك شووووييية بقااااا 

حياة: لا مش هحترممممم واااااحد زيك هيضيعنا انا لازم اتصرففف وااااعمل حاااااجة احنا كدة هنخسرررر

كنان وهو يمسك يدها حتى يوقفها: اقعددى ياحيااااة وصدقييينى لو خسرنا المناقصة دى انا مستعد الغى شراكتنا ودلوقتى 

امير: خلاص اهدوا بقا انتو الاتنين هيقولوا اهو مين اللى كسب 

ليجلس الجميع فى القاعة ويسمعوا ان شركة رچدان هيا من فازت بالمناقصة وهيا من سيفعلون معها الصفقة لتصدم حيااة وبشدة كيف سعر قليل كهذا وافقت به اللجنة 

چانسو بسعادة: الحمدلله ماخسرناش اهو كنتوا مكبرين الموضوع عالفاضي 

كنان: والله صحبتك اللى كانت مكبراه كالعادة 

حياة بغضب: احنااا صحييييح كسبناااا وانا مش عارفه جات ازااااى دى بس انتتتت ازااااااى تتصرف كدة من غيييييير ماتااااااخد رأى حد مننااااا احتبر كنااااا خسرنااااا 

كنان: محتبرش عشان احنا كسبنا وانا كنت واثق اننا هنكسب 

حياة بسخرية: يسلام واثق وجبت الثقة دى منين 

كنان: طول مااحنا حاطين السعر الكبير ده مكنش حد هيوافق احنا هنعمل الصفقة بسعر قليل لكن لما نصدر البضاعه برة البلد هتجيبلنا اضعاف اللى حطناه فى المناقصة دى 

وهذه كانت خطة كنان وابيه ان يغير رقم المناقصة ويتفق مع احد اللجان الذين يقولون رأيهم حتى تربح شركات رچدان وهكذا تثق فيه حياة 

چانسو: والله تفكيرك حلو ومعاك حق احنا ازاى مجتش الفكرة دى فى دماغنا قبل كدة 

حياة بغيظ: يسلاااااااام يختى عملللل معجززززة الاستاااااذ يعنى 

كنان بضحك: مش عااااارف انتى لييييه حقودة كدة يبنتى 

حياة بغضب: انااااا حقوووودة؟؟!!! 

أمير: خلاص بقا هنعيد الخناق تانى انتو مبتهزهقوش كفاية بقااا ويلا نركز فى شغلنا عشان الصفقة الجديدة دى اللى هيعملوها معانا هيجولنا النهاردة الشركة عشان نتفق على التفاصيل 

حياة وهى تخرج لتركب سيارتها: يلااا ياچانسو نسبقهم احنا على الشركة 

لتركب حياة و چانسو معا ويلحقهم بسيارتهم كنان وأمير 

بعد ان وصلوا إلى الشركة دخلت حياة إلى مكتبها ومعها كنان بالطبع لأنه شريكها حتى فى المكتب اما أمير ذهب ليحضر مع چانسو اوراق الصفقة 

كنان وهو يجلس على مكتبه: والله المكتب بقا فيه روح لما بقيت انا موجود 

حياة بسخرية: اه طبعاً ياريت ياكنان تركز فى الشغل وبص فى الورق اللى قدااامك وملكش دعووة بياااا عشان انا مش طيقااااك 

كنان: والله انتى علطول مش طيقااااانى هوا انا وحش للدرجادى ده حتى ربنا خالقنى فى احسن صورة 

حياة بنفاذ صبر: اووووووووووف بسسسس بقااااااااااااا انت مبتزهقش من الهزار ده 

كنان بأسفزاز وضحك: ههههههه لا فيه حد يزهق من طبعه أنا طبعى كدة بكره النكد بتاعك ده 

ليقاطعهم رنين هاتف حياة وكانت عمتها من أمريكا لتتفاجئ حياة وتفرح فى نفس الوقت لانها ستحدث اختها 

حياة وهى تجيب علئ الهاتف: الو عاملة ايه ياعمتو 

العمة: الحمدلله يحبيبتى انتى عامله ايه واخواتك عاملين ايه 

حياة: الحمدلله كويسين كلنا والبت سيلين عاملة ايه هاتيها اكلمها الحيوانة دى من ساعت ماسافرت وهيا مش بتكلمنا 

ليضحك كنان على طريقة كلام حياة حتى اختها لا ترحمها من شتايمها لتنظر له حياة بغضب وتوعد وتكمل المكالمة مع عمتها 

العمة: يبنتى انا كنت لسة هسألك عليها هيا سيلين مجتش ليه 

حياة بصدمة: اييييه يعنى ايه هيا سيلين مش عاندك 

العمة: لا مش عندى انا روحت على المطار عشان اجيبها استنيتها كتير ومجتش قولت يبقا غيرتو رأيكوا 

حياة بغضب: عمتوووووو متهزريييييش ايييييه الكلام ده هوا اناااا لو هغير رأييى مش هقوووولك يعنى فييييين سييييلين 

العمة: والله مش عندى يبنتى 

حياة بخوف وقلق: ازاااااى ده احنا وصلناها المطار بأيدينا معقوول تكون مسافرتش طب اتأكدى ياعمتو 

العمة: ازاى يبنتى قوليلى وانا اتأكدلك 

حياة: أسالى المطار أكيد عندهم مين اللى وصل عندهم ومين لأ روحى كدة وشوفى مهما انا احاول اتصل بيها 

العمة: ماشى يبنتى سلام 👋

لتقفل حياة الخط بغضب ودموع ترقرقت إلى عينيها عندما حست أن اختها فى خطر هيا الآن ضائعة 

كنان بأستغراب: فيه ايه ياحياة مالك هيا اختك كويسة 

حياة بغضب: لاااااااااااا مش كويسسسة مش عاااااارفة اصلا اسكاااان كويسة ولا لأ 

كنان بتهدئة: طب اهدى كدة وفهميني فيه ايه 

جلست حياة وحكت له كل شيء من بداية وصول اختها للمطار ومكالمة عمتها لها 

كنان: طب يمكن وصلت أمريكا وتاهت هناك ولا حاجه او مثلاً فى حاجه حصلت معاها 

حياة بخوف : ماهو ده اللى مخوفنى معقوول يكون حصلها حاجة 

كنان: لا لا متخافيش انا هعرفلك وصلت ولا لا امريكا 

حياة بأستغراب: ازااى ده هتعمل ايه؟ 

كنان بتهدئة: مش مهم هعمل ايه بس اوثقى فيا صدقينى هلاقيلك اختك 

حياة بغضب: طب ماتقوووولى هتعملل ايييييييه هتسيييبنى قااااعدة كدة 

كنان: حتى وانتى قلقانة مش مريحة نفسك بصى انا ليا معارف هناك كتير وبالذات فى المطار هسألك اسكان اختك عدت من هناك ولا لا ولو عدت هنا ممكن يعرفوا هيا راحت فين 

حياة: طب يلاااا طب كلم اللى تبعك دوووول انجز 

كنان بتهدئة: مااااشى متخافيش اهدى انتى بس 

ليمسك كنان هاتفه ويقوم بأجراء بعض الاتصالات ويتأكد ان سيلين مرت من المطار وهيا الأن فى امريكا وهناك شخص أيضاً قال لها انه من الممكن ان يرسل له سجلات الكاميرات امام المطار ومنه يعرف اين ذهبت سيلين ومع من ؟ 

كنان لحياة: زى ماقولتلك اختك عدت من المطار ووصلت أمريكا بس هيا مقابلتش عمتك 

حياة: ازاى ده انا قيلالها متتحركش من مكانها لغايت ماعمتها تيجى تاخدها 

كنان: ماهو ده اللى هنعرفه فيه واحد هيبعتلى تسجيلات كاميرا قصاد المطار وبيها هنعرف اختك راحت فين متخفيش 

حياة: طب الموضوع ده هيطول 

كنان بتهدئة وهوا يعيطها الماء: لا نص ساعة بالكتير وهيبتعلى التسجيلات خدى اشربى انتى واهدى 

لتأخذ حياة المياة وتشربها بخوف ولكنها اطمأنت قليلا عندما قال لها كنان ان اختها مرت من المطار وبعد نصف ساعة كان يقف الجميع فى مكتب حياة منتظرين التسجيلات چانسو وبجانبها حياة وأمير ومعه كنان ثم بعد قليل وصلت التسجيلات فى ماسج على الواتس على هيئة فيديو 

كنان وهو يشير لحياة: تعالى ياحياة شوفى اختك فين يمكن نلاقيها 

لتقترب حياة منه وتمسك الهاتف وتنظر فى الفيديو وتبحث عن اختها بعينيها وبعد قليل من الوقت لمحت حياة سيلين وهى تتشاجر مع احدهم وذهبت له وتركت حقائبها ثم رجعت ولقيتهم مسروقة ففهمت حياة ان سيلين تعرضت للسرقة 

چانسو: بس مين الشخص اللى معاها ده خدها بعد ماتسرقت وركبوا تاكسى 

لينظر كنان فى الفيديو ويرى اخيه احمد مع سيلين ليتذكر ان اخيه سافر فى نفس اليوم بالصدفة فيعلم ان سيلين بخير 

كنان بتهدئة: اهدوا يجماعة اتحلت خلاص انا عرفت سيلين فين 

حياة: فييين قوووول وكل ده ساااكت ليييه 

كنان: الشخص اللى مع سيلين ده يبقا اخويا احمد وهوا سافر نفس اليوم اللى سافرت سيلين فيه وشكلها لما هيا اتسرقت هوا ساعدها 

حياة بصدمة: ايييه اخوك طب انت معااك رقمه يمكن سيلين عنده 

كنان: اكيد عنده احمد ميسبش حد عاوز مساعدة وميساعدهوش استنى هتصل بيه 

ليمسك هاتفه ويرن عليه وبعد قليل من الوقت يرد احمد عليه 

على الهاتف 

أحمد: لسة فاااااكر تتصل ياحيواااااان ده انا بقالى تلت ايام مسافر ومسقلتش 

كنان بضحك لأنه فاتح السبيكر: والله ده انا نااااسى ان عندددى اخ المهم انا بتصل بيك عشان فيه موضوع مهم كدة عاوزك فيه 

حياة بغضب: انت لسة هتقووووول مقدمات هااات ياكنان الو 

احمد بأستغراب: ايه ده مين معايا 

كنان وهو يشد الهاتف منها: هاتى يبنتى افهم منه الاول ايوة ياحمد بص انت تعرف بنت اسمها سيلين قابلتها فى المطار 

احمد: اه اعرفها دى حتى عندى فى البيت انت ايش عرفك انت بتراقبنى ولا ايه 

كنان بضحك: لا يهبل بس اختها بتدور عليها وعمتها قالبة الدنيا عليها عندكم 

احمد: وانت عرفت اختها منين دى حياة رچدان 

حياة وهى تأخذ الهاتف: ايوة انا حياة رچدان ولو سمحت لو اختى عندك هات اكلمها ويبقا اخوك يعرفك يعرفنى منين انجز 

احمد: حاضر ثوانى بس انادى عليها 

لينادى عليها احمد ويخبرها انها اختها تريد ان تكلمها 

سيلين: ايوة ياحياة عامله ايه 

حياة بدموع: ايوة ياسيلين انتى كويسة انتى اللى عامله ايه 

سيلين: كويسة متخافيش ابو عضلات مخلينى عنده لغايت مايلاقوه حاجتى اللى اتسرقت 

أحمد بغضب: بتتتتتتتت اتلممممممى هااااااااااااااا بلااااااااش الاسم ده 

سيلين بخوف: خلاص اسفة بصى ياحياة قولى لعمتى على عنوانا وخليها تيجى تاخدني انا لسة مروحتش الجامعة اصلا 

حياة بغضب: لااااااا ياسيييلين انتى هترجعى مصرررر 

سيلين بصدمة: ايييييه لا طبعاً مش بعد كل المرمتة دى وارجع مصر مستحيل 

كنان وهو ياخذ الهاتف من حياة: الو ياسيلين بصى انا أخو احمد متقلقيش مش هترجعى مصر سيبك من اختك الهبلة دى هاتى احمد وانا هقوله يعمل ايه عشان يوصل لعمتك هناك وترجعى الجامعة 

سيلين بضحك: والله انا مش عارفه انت جبت الجرأة دى منين عشان تشتم اختى بس شكلك هتفيدنى فى حكاية هترجعى دى 

كنام بضحك: متخافيش هتكملى تعليمك فى أمريكاااا حياة دى بتستهبل هاتى احمد بس 

احمد وهو يأخد الهاتف: ايوة ياكنان فهمنى فيه ايه بقا 

كنان: بص انا هبعتلك رقم عمة سيلين على الواتس وكلمها وابعتلها عنوانك خليها تيجى تاخد سيلين وكمان فيه راجل هيجيلك تبعى هيطلع لسيلين بطاقة جديدة بدل اللى اتسرقت وبسبور جديد وكمان هيحضرلها اوراق جديدة للجامعة بدل اللى اتسرقت 

احمد: بس المفروض الموضوع ده بياخد شهر بلقليل اووى 

كنان: لا هياخد اسبوع الراجل ده انا عرفوه وهيمشى الامور وانا بعتله عنوانك عشان يجيلك ولما كل حاجه تجهز كلم عمة سيلين وودهالها 

احمد: ماشى ياكنان هنشوف اخرتها وبعدين أنت تعرف حياة رچدان منين 

كنان: هبقا اقولك بعدين مع السلامه 

ليقفل الخط معه وينظر لحياة ليلاقيها تنظر بغضب جحيمى لأنه اتصرف دون ان يستشيرها حتى 

حياة بغضب: انت ازاااااى تتكلم كدة من غير مااقول انا موافقة ولا لأ انا مش هخلى اختى تقعد هناك اكتر من كدة 

كنان: يعنى انتى عاوزة اختك تيجى من أمريكا بعد ماسفرتيها هناك عشان تاخد شاهدتها وتكمل تعليمها ياشيخة حراام عليكى تحطمى طمووح البت 

حياة بغضب: وانت مااالك يعنى اسيب اختى هناك ومش عارفه ممكن يحصل معاها ايه 

كنان: طب ماهيا هتبقا عند عمتها والحمدلله المرادى عدت علي خير متقعديش الموضوع انتى 

چانسو: كنان معاه حق ياحياة سيلين هتزعل اووى لولا رجعتيها من غير ماتكمل تعليمها هناك ده حلمها متحطمهوش معلش 

حياة بسخرية: خليكى انتى كل حاجه يقولها الاستاذ ده معاه حق ياحياة يختى عليكى انتى محسسانى إنك صاحبته هوا مش صاحبتى انا 

كنان بضحك: ههههههههههه مش بقولك انتى حقودة عليا اوووى وفيها ايه بتقف فى صفى يعنى 

حياة وهى تجلس وتنظر فى الاوراق بغضب: كل واااااحد على شغله يلااااا الموضوع خلص 

لتذهب چانسو ومعها أمير للعمل وكنان يجلس على مكتبه ويعمل وينظر لحياة وهى تعمل بغضب ووجهها احمر من شدة الغضب ليكتم ضحكته حتى لاتنفجر عليه وبعد ساعة ونصف من العمل الشاق جاء موعد الغداء ليذهب الجميع إلى الغداء ماعدا حياة وكنان 

كنان بجوع: هوا احنا منزلناش نتغدى ليه زى بقيت الموظفين 

حياة وهى تنظر للاوراق: انا مش جعانة لو جعان انت انزل كل معاهم 

كنان: يعنى انتى مش هتاكلى بعد كل الشغل ده 

حياة: لا مش واكلة انزل كل انت 

كنان بضحك: والله اناعاوز حد يفتح نفسى علي الأكل انا هنزل اجيب حاجه ناكلها احنا الاتنين 

حياة: جيب لنفسك انا قولتلك مش واكلة 

لينزل كنان إلى الاسفل فى مطعم الشركة ويشترى سندوتشات لهم هما الاتنين ويصعد مرة أخرى 

كنان وهو يعطيها الأكل: خدى وقوليلى رأيك جايبلك على زوقى هواانا مش عارف انتى بتحبى ايه بس كلى وخلاص

حياة:ايه ده انا مبكلش اللحوم انا نباتية وبعدين قولت مش جعانة

كنان بضحك:ايه نباتية دى انتى خروف ولاايه

حياة:لا ياظريف بس انا مبكلش الحاجات اللى فيها دهون دى شاورما والكلام ده مليش فيه 

كنان:خلاص انا غلطان يستى انزلى انتى جيبى لنفسك النباتى بقا ده لولقيتى اصلا

حياة بجوع:بس انا جعت هوا مفيش حاجه فى المطعم تحت 

كنان:مفيش غير اللى جبتهولك كلى وخلاص بقا

حياة وهى تأخذه ولكنها خائفة من اكله لأنها تعانى من اكل اللحوم:هاكل وامرى لله 

لتاخذه وتأكله لأنها كانت جائعة وبشدة ولكنها كانت تعاند كنان فقط 

كنان بتفاجئ:ماانتى اكلتى اهو ماايه مش جعانه مش جعانة دى 

حياة بوجع:ملكش فيه 

كنان بقلق:مالك فيكى ايه وشك اصفر كدة ليه

حياة بألم فى بطنها من اللحمة لأنها عندها تعب فى القولون من اللحوم:مش عارفة بطنى وجعاااااانى اووووى اه اه

لتصرخ حياة بوجع فيفزع كنان ويقترب منها بخوف:حاسة بأيه طيب اوديكى للدكتور 

حياة بوجع:حاسة بطنى بتتقطع اههههههههه

ليحملها كنان بسرعة على يديه وينزل بها لسيارته ويقودها بسرعة وهى تتألم من الوجع ويذهب بها إلى المستشفى وبعد قليل من الوقت وصل كنان إلى المستشفى وحملها وادخلها إلى الطبيب حتى يكشف عليها 

الطبيب:متخافش ياكنان بيه هيا عندها التهابات فى القولون وممنوع عنها اللحوم عشان كدة تعبت هيا اكلت لحمة ولا حاجه

كنان:اه اكلت شاورما 

الطبيب:عشان كدة تعبت متخافش هيا نايمة دلوقتى عشان انا عطتلها إبرة تهدى الألم وفيها منوم وحاول تخليها متاكلش لحمة خالص او اى حاجة حادقة

كنان وهو ينظر لها بحزن:حاضر 

ليخرج الطبيب ويترك كنان مع حياة فى الغرفة كانت نائمة بهدوء مثل الاطفال على السرير فاقترب كنان منها ووضع كرسى بجانب السرير وجلس عليه يتأمل منظرها وهيا نائمة ماهذا هيا تبدو حقا جميلة مثل الاطفال وهى نايمه لا لا انها كالملاك حقا انها ليست حياة التى اعرفها تغضب وتزعق وتتعصب بشدة ياليتها تبقا هكذا مثل الملاك دائماً هادئة وغير عنيدة هذا ماحدث كنان به نفسه 

كنان لنفسه وهويزيل إحدى خصلا شعرها من على عينيها:ياااااااه ياحياة لو تفضلى هادية كدة علطول اللى يشفوك كدة ميشوفكيش وانتى بتتعصبى وتبقى عاوزة تكسرى اللى قدامك مجنونة والنعمة ليقول آخر جملة بصوت عالى سمعته حياة 

حياة وهى تفتح عينها:سمعتك علفكرة انت اللى مجنوون مش انااا

كنان بصدمة:هوا انتى كنتى صاحية يبنتى ارحمى أمى بقا 

حياة وهى تنهض بتعب:هوا انا ايه اللى جابنى هنا

كنان:انا جبتك هنا لما تعبتى وبطنك وجعتك

حياة بتذكر:اههه انت السبب خلتنى آكل لحمة

كنان:هوا انتى قولتى انها بتتعبك كدة وانا اكلتهالك هتتبلى عليا بقا

حياة بضحك وهى تحاول ان تقوم:ههههه لا لا مش قصدى بس بعصبك حبة بس لتقول آخر جملتها وهى تنهض فتتدوخ فجأة وقبل ان تسقط لحقها كنان ومسك يدها حتى لا تقع واصبح يحاوطها من خصرها وهو يسندها فتقابلت عيناهم مجدداً فتاه كنان من غير مقدمات فى عينيها الجميلتين وهو ينظر لملامحها الجميلة البريئة التى تصبح غاضبة فجأة اما هى فكانت تائهة فى عينيه البنيتين وقلبها كان يخفق بشدة تطاولت النظرات بينهم كثيراً وهما غير ملاحظين كل واحد منهم فى عالم آخر لا يعرفه فقاطعت هذه النظرات دخول الممرضة فترك كنان حياة وبسرعة 

الممرضة:الحمدلله على سلامتك ياهانم

حياة:الله يسلمك هوا انا هطلع دلوقتي صح

الممرضة:لو ممكن تقعدى النهاردة كمان عشان نطمن عليكى اكتر

حياة:لا لا ملهوش داعى وكمان انا عندى شغل يلا خلينا نروح

كنان بغضب وهما يخرجان من المستشفى:شغل ايييييييبه ده اللى همك ارحمى نفسك حبة بقا يبنتى انتى مش قادرة تمشى حتى واللى همك الشغل

حياة بأعتراض وهى تركب السيارة:اه طبعا ماهيهمنى ايه يعنى وبعدين اناكوي...........

ليقاطعها كنان وهو يضع يده على فمها حتى يسكتها:هشششش مفيش اعتراض انا هوصلك البيت ترتاحى وبكرة نبقا نشتغل الشغل مش هيطير 

لييزيل يده من على فمها وتصمت حياة بتفاجئ من كنان انه اصبح شخص كويس فجأة معاها حتى انه ساعدها فى موضوع اختها وهيا لم تشكره ثم اخذها للمستشفى أيضاً فلهذا صمتت حياة حتى وصلوا لبيتها 

حياة وهى تنزل:شكرا ياكنان 

كنان بصدمة:ايه انتى قولتى ايه؟

حياة بضحك:ههههه بقولك شكراً ايه اطرشت

كنان بضحك:يابركة دعاكى ياما انتى حياة ولا شبيهتها ولا الإبرة اللى عطهالك الدكتور دى قصرت عليكى 

حياة بغضب:والله اظن قولتلك شكرا ايييييه البعيد مبيسمعش انا ماشية 

كنان وهو يمسك يدها حتى يوقفها:خلاص خلاص سمعتها قوليها تانى بقا كدة

حياة بضحك:لا إله إلاالله بقولك شكراً ياعم خلاص 

كنان بمرح:عفوا عفواً ده واجبنا برضو 

حياة بضحك من طريقته:هههههههه طب عن أذنك بقا مع السلامه

كنان بضحك:مع السلامة ياحنفى 

حياة بغضب ولكنها تمثل هذه المرة:كناااااااااااااان لمممممم نفسسسككككككك 

كنان بخوف مصطنع:خلاص خلاص ياحياة خشى بيتك ياشابة يلا

لتدخل حياة إلى القصر بضحك ولأول مرة 

كان كنان يتابعها حتى اختفى اثرها عندما دخلت فركب سيارته متجها إلى الشركة ويبتسم كلما تذكرها وهى تغضب وهى تضحك وعندما كانت نائمة كل تفاصيلها يتذكرها ويضحك عليها 

ليقول لنفسه بضحك:عملتى فيا ايه يبت انتى الله يخربيتك ياكنان شكلك وقعت وماحدش سمى عليك

ـــــــــــــــــــــــــــــــــــــــــــــــــــــــــــــــ

فى الاسكندرية وخاصة فى شقة من احد شقك الزمالك تنادى هذه البنت التى فى العاشرة من عمرها على أمها بصوت عالى كالمعتاد 

الام وهى تجرى:فيه ايه بت خضتينى مالك فيه ايه؟

جورى:مفيش ياماما بجرب صوتى بس 

الام بغضب وهى تضربها:اتصدقى انى غلطانه لمارديت عليكى يبت انتى هتعقلى إمتى 

جورى بمرح:لما يطلعلى درس العقل ههقهقهقهف 

الام بقلة حيلة:انا همشى من وشك السعادى عشان انتى هتجبيلى الخفيف

مازن وهو أبنها الكبير ويبلغ من العمر 25عاماً:بعدالشرعليكى ياماما انشالله عدوينك

لتجرى عليه جورى:مزوووووووونة حبيبى جبتلى ايه النهارده 

مازن بضحك:هههه شيكولاتة زى ماوعدتك خدى اهيه وروحى ذاكرى بقا

لتذهب جورى إلى غرفتها وتذاكرى 

مازن بعد ان ذهبت جورى:ماما عملتى ايه فى موضوع ابو جورى 

الام:والله يبنى كلمته مش عاوز يظهر نفسه ليها 

مازن:انا مش عارف اازاى ظهر بعد كل السنين دى

الام:مازن انت عارف ان جورى ملهاش اب وبصراحة صعبت عليا ان ابوها موجود ومش عاوز يشوفها ويبقا معاها

مازن بأستغراب:ماما انا ليه حاسس انك مخبية عنى حاجة مش انتى قولتيلى انك لقتيتى جورى زمان على باب الجامع واخدتيها وربتيها وبعدين ابوها ظهر فجأة كدة كان فين طول السنين دى 

الام بتوتر:اي..وة يبنى ظهر اعمله ايه بقا بس هوا مش عاوزها تتعلق بيه

مازن:طب ليه ده حتى ابوها يعنى

الام بغضب:معرررفش بقااااا ياماازن وحتى لو هوا هيعوز ياخدهاا انا مش هسمحله جورى بنتى قبل ماتكون بنته

مازن:انا مش قصدى ياماما انتى عارفة انا بحب جورى قد ايه بس الموضوع مش داخل دماغى الصراحة

الام بغضب:مااااازن قفل على الموضوع ده وانسااااه عشان جورى متسمعناش وتفتكر ابوها تانى

مازن بأيماء:حاضر ياماما براحتك 

ليذهب مازن وتدخل الام وهى تدعى صحر وتدلف إلى غرفتها وتمسك هاتفها 

على الهاتف

صحر:الو ايوة ياحازم 

حازم:ايه ياصحر بتتصلى تانى ليه بيومى كلمك تانى

صحر:لا مكلمنيش بس انا بتصل عشان بنتك ياحازم كل يوم تسأل عليك ومازن ابنى عرف ان ليها اب وكل يوم يقولى عليك 

حازم بغضب:وانا اعمل ايه يعنى 

صحر:يعنى ايه تعمل ايه انت ظهرت وقولتلها انا ابوكى وبعدين تمشى وتسيبها كدة

حازم:انا كنت مضطر لما هيا تعبت فصيلة دمى كانت زى فصيلة دمها وانا عشان انقذها اطتريت ابين نفسى ليها 

صحر:طب البت بتسأل عليك كل يوم ياحازم 

حازم بغضب:قوليلها اى حاجه مشغووول او موت مثلاً لكن اظهر نفسى تانى وناريمان تعرف دى اللى مستحيل 

صحر:اه ماانت خايف من الست مراتك تغضب عليك وتسحب منك كل املاكها صح طالما انت خايف كدة عملت عملتك ليه زماان ياحازم هاااا

حازم بغضب:كنت بحبهاااااا افهمووووو بقاااااا كنت بحبهااااااا

صحر بغضب:وعشان بتحبهااااا ترمى بنتها كدة بص ياحازم جورى دى اعز عندى من مازن واعتبرتها زى بنتى واكترر ولسة بعتبرها بس اشوف البنت زعلانة كدة ومعندهاش حد ده اللى مش هسمح بيه حتى وديها لأخواتها يأخى 

حازم:اه عشان خواتها يعرفوا كل حاجه واروح انا فى داهية صح

صحر:طب انا اقولهم ادينى رقم البت اختها وانا اكلمها واخترعلها اى حاجه حتى بس البت تحس ان عندها اهل حرام عليك

حازم:طب ماانتى اهلها انتى ومازن ماانا جبتهالك ليه زمان مش عشان تفهميها إنك امها

صحر:حازم انا آخر مرة هحذرك ياتخلى جورى تعيش حياة الأسرة اللى اتحرمت منها طول عمرها يإيما انا هروح لأختها فى القاهرة وهقولها انتو مش اربع بنات انتو خامسة واظن انت فاهمنى مع السلامة لتقفل السكة فى وجهه بغضب وتتذكر الماضى 

ـــــــــــــــــــــــــــــــــــــــــــــــــــــــــــــــ

انتهى البارت وهنبدأ من الحلقة الجاية الفلاش بااك قبل عشر سنين اجهزوا

  •تابع الفصل التالي "رواية قسوة عشق" اضغط على اسم الرواية