رواية كيف لا اعشقك وانت عمري الفصل السادس عشر 16 - بقلم موني محمد

 كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد

رواية كيف لا اعشقك وانت عمري الفصل السادس عشر 16

16

_طب أنا هشوفها تاني إزاي؟أنا غلطان كنت روحت لهم تاني المستشفى..كانت جامدة بنت اللذينة..

=هي مين ديه اللي جامدة ي باشمهندس؟

_هه؟ديه قرية ي ماما..

=وي ترى القرية ديه حلوة ولا نص نص؟

_بصراحة جامدة جمدان مفيش بعد كدة..

=طب أبقى أعرف هي ساكنة فين علشان نروح نتقدم لها...

_هي مين ديه اللي نروح نتقدم لها؟

=القرية ي روح أمك..

_مش هتبطلي تكشفيني ي نهى هانم؟

=لأ مش هبطل..المهم عايزها فعلا نروح نتقدم لها؟

_بصراحة أنا لسه ما أعرفش عنها حاجة أول ما أعرف أنا اللي هاجي أطلب منك إننا نتقدم لها..

=خلاص ي حبيبي اللي يريحك..تليفونك بيرن هي أخدت عقلك لدرجة إنك مش سامعه؟ 

_هههههههههه خلاص بقي ي ماما..ده زين..حبيبي ي زيزو..

=إحنا فى مصيبة..

_رد بقلق:خير فى إيه؟

=أدهم أخد ريواء وسافر أسيوط..

_طب تمام..بتقول إيييييه؟ده كارثة..ديه الحرب هتقوم فى بيت ريم النهاردة..طب هتعمل إيه؟

=هسافر طبعا مش هينفع أسيبها لوحدها وسطهم ده ممكن ريم تآكلها ومش هتعمل إعتبار لأي عشرة..

_طب قابلني ونروح سوا..

=أمجد انا بكلمك علشان أعرفك اللي حصل مش علشان تقولي هاجي معاك..الدنيا أصلا هتبقي والعة هناك عايز تروح معايا علشان تولع أكتر؟

_طب خلاص أنا هسافر أنا وماما النهاردة وهنرجع البيت على الأقل أبقى قريب منك..

=مفيش مشكلة المهم ما تظهرش قدام ريم..

_أشطا..

_____________________

_أنا مش هدخل البيت ده؟

=رد بإستغراب:ليه؟

_مش..مش هينفع أدخل البيت هنا لأني لمحت الأسم اللي برا وعرفت إنه بيت أهلك وأنا مش عايزة أسبب لحضرتك مشاكل..أنا ممكن أقعد أنا وخلود فى أي مكان تاني..

=وأنا مش هسمح إنك تبعدي عني تاني..ااا أقصد إني مش هينفع أسيبك لوحدك تاني..لازم تكوني فى مكان آمن وهنا هو أحسن مكان ليكي..

_وأنا مش هدخل..

*كانت بتحاول تتنفس بشكل طبيعي بس مكانتش عارفة وإتوترت جامد وخلود كانت بتحاول تهديها لأنها كانت عارفة سبب رفضها إنها تدخل البيت ده.. 

_إتكلم بقلق:إهدي ي ريواء مالك؟ 

=ردت بتعب:نفسي مش قادرة.. 

_طب تعالي ندخل جوا علشان ترتاحي.. 

=أدهم؟

_إتكلمت بصدمة:خالتو؟

_______________________

_يعني إيه اللي إنت بتقوله ده أنا مش هسمح إن ريم تأذيها...هي ريم إتجننت ولا إيه ديه بنت أختها ومحتاجة حنية وحب.. 

=ماما هي خايفة على أبنها زي ما حضرتك كنتي خايفة عليا وكنتي رافضة تخليني أدافع عنها وأقف فى صفها.. 

_أنا عمري ما كرهتها ي أمجد ولما حسيت إنها هتضيع لو ما ساعدنهاش وافقت على اللي إنت عايز تعمله أنا مش قاسية ي أبني وربنا يعلم ريواء غالية عندي إزاي ولو كنت هختار زوجة ليك مكونتش هختار حد غيرها بس هي قلبها مع أدهم وإنت بالنسبة ليها أخ..وصدقني لو ريواء تعبت أو جرالها حاجة بسبب ريم هوريها وش عمرها ما شافته مني..لو هو أبنها فهي بنتي واللي يجي عليها هآكله بسناني وهقرقش عضمه

=حبيبتي ي ماما..ربنا يبارك فى عمرك..يلا جهزي الشنط علشان نرجع أسيوط.. 

___________________

_إنتم تعرفوا بعض؟ 

=ردت ريم بسرعة:لأ طبعا أنا عمري ما شوفتها قبل كدة.. 

_ردت بحزن:إحنا ما نعرفش بعض بس هي شبه خالتو أوي ومن شدة حبي وإفتقادي ليها أفتكرتها هي أنا آسفة ي طنط.. 

=لا عادي ولا يهمك.. 

_أتفضلوا... 

=لأ أنا هقعد فى الجنينة شوية.. 

_اللي يريحك البيت بيتكم..ماما تعالي عايزك فى موضوع مهم عن إذنك... 

=إتكلمت ببكاء:أنا عايزة أمشي ي خلود من هنا..

أرجوكي مشيني أنا مش هستحمل أقعد ثانية كمان هنا..صعب عليا أوي إنها تتعامل معايا كدة وأنا محتاجاها... 

_طب هنعمل إيه وهنروح فين وإنتي تعبانة كدة؟ 

=إتكلمت بتعب:بصي أنا لسه معايا مفتاح الشقة هنسافر ونخلي البواب يركب لنا كالون جديد وهنزل أشوف شغل كويس وبكدة مش هنحتاج لحد.. 

_سفر إيه اللي هنسافره دلوقتي إنتي مش شايفة نفسك؟ده إنتي مش قادرة تتكلمي وبتآخدي نفسك بالعافية.. 

=أرجوكي ي خلود أسمعي كلامي..

_طب هنمشي إزاي إحنا ما نعرفش حاجة هنا.. 

=اللي يسأل ما يتوهش.. 

_طب وشنط هدومنا اللي جوا؟ 

=فى هدوم فى البيت أنا ما أخدتش كل هدومي نبقى نقسمهم بينا وكدة كدة مقاسي نفس مقاسك يلا بقي.. 

_ماشي ي ستي..أمري لله..يلا بينا.. 

____________________

_سمعني تاني كدة بتقول إيه؟ 

=بقول إن البنت اللي كانت فاكراكي خالتها ديه أنا بحبها وعايز أتجوزها..هتقعد هنا فترة بس لأن والدها عايز يأذيها ولما الدنيا تهدي هطلب إيدها وهتجوزها

_على جثتي لو الجوازة ديه تمت ي أدهم.. 

=ليه ي أمي؟ 

_أنا مش مرتاحة ليها..

=هو حضرتك لحقتي تعرفيها علشان تقولي مش مرتاحة ليها؟

_أول ما شوفتها قلبي إنقبض وما إرتاحتش وبعدين بتقول أبوها عايز يأذيها إحنا مالنا ندخل نفسنا فى مشاكل ليه..

=أبوها عايز يأذيها علشان أب جاحد مش مقدر النعمة اللي معاه ده حتى لبسها قضية ق...

_ي لهوووووي عايز تتجوز واحدة كانت محبوسة؟ما فكرتش فى منظرك قدام زمايلك؟إنت إتجننت ي أدهم وشوف بقي الهانم كانت محبوسة فى إيه وعملت إيه أصلا فى حياتها وحش علشان تحصلها كل البلاوي ديه..

=ماما لو سمحتي ريواء بنت محترمة ومعملتش حاجة غلط وكانت محبوسة ظلم وي ريت قبل ما تتكلمي على بنات الناس بالسوء إفتكري إن عندك بنت

وأنا لو ما إتجوزتش ريواء مش هتجوز نهائي وحضرتك ليكي حرية الإختيار..

_لو إتجوزتها لا هتكون أبني ولا هعرفك..

=ماشي ي أمي..عايز أقولك حاجة بس قبل ما أمشي أنا حياتي ما بقيتش حلوة إلا فى وجودها وعلشان كدة هتجوزها وعمري ما هفكر أختار حد غيرها..عن إذنك..

_إتكلمت بغيظ:ماشي ي بنت عادل بقي بتقوى أبني عليا؟ماشي أنا هوافق على قراره بس أوعدك إنك مش هتشوفي يوم حلو معاه..

__________________________

_عم إبراهيم..

=أيوة ي أدهم باشا أؤمرني...

_البنات اللي كانوا هنا راحوا فين؟

=أنا دخلت شنطهم جوا وبعدين روحت مشوار ولسه راجع..

_خلاص روح إنت..ي ترى روحتوا فين..بس لاقيتها..

___________________

*بعد فترة..

_ريواء بلاش موضوع السفر ده إنتي شكلك تعبان أوي..

=ردت بتعب:لأ أنا كويسة وهسافر..

_ي بنتي أسمعي الكلام إنتي جرحك لسه جديد والسفر هيتعبك..

=أنا كويسة ما تقلقيش...

_ما أقلقش إزاي إنتي مش قادرة تمشي أصلا..

=خلود لو مش عايزة تسافري معايا خليكي هنا..

_مين قال كدة أنا بس خايفة عليكي..

=وأنا كويسة ما تقلقيش...

_إيه المزز الحلوة ديه؟إنتم شكلكم مش من هنا..طب ردوا علينا وعبرونا طيب..

=جري إيه ي روح أمك إنت وهو ما تتلموا...

_أنا يتقالي ي روح أمك وإتلم؟إنتي ما تعرفيش أنا أبن مين ولا إيه ي حلوة؟

=ما أعرفش ومش عايزة أعرف..

_لأ لازم تعرفي..أنا حسام عبدالعال...أسألي بس عليا فى المنطقة وإنتي هتعرفي مين هو حسام..

=أقولك حاجة...طظظظظظ..

_لا جريئة وعجبتيني بصراحة بس فى حاجة عايز أعرفهالك...أنا مش بسيب حقي ولا بسكت لأي حد بيغلط فيا وعلشان كدة..

*حسام خلص كلامه ومسكها من حجابها وريواء كانت بتدافع عنها باللي باقي عندها من قوة لكن للأسف زميل حسام مسكها من حجابها وقربها ليه جامد وكان عايز يتهجم عليها وخصوصا إن الشارع اللي كانوا فيه كان شبه مقطوع والدنيا كانت إبتدت تليل وريواء أفتكرت كل اللي حصلها فى القاهرة ومن خوفها مناخيرها نزفت كالعادة وكانت خلاص قوتها ضعفت خصوصا إن جرحها نزف وإنتهي الأمر إنه أغمى عليها وخلود كانت بتقاوم لوحدها وللأسف محدش حس بيهم لأن حسام كان كاتم بؤقها...

_هههههههههههه البت اللي معاك فرفرت بسرعة كدة ي خسارة مع إنها وتكة..

=ما هو اللي معاك بطل برضوا..

_بص لها بخبث وبجرأة وقال:عندك حق وكمان شرسة وأنا أموت فى النوع ده أوي..يلا بينا على المكان بتاعنا..

=وأنا هعمل إيه مع اللي أغمى عليها وبتنزف ديه..

_سيبها مكانها ي تموت ي تلاقي حد يساعدها وتعالي نشوف هنعمل إيه مع البطل ديه..

=ي خسارة مع إنها بطل أكتر من اللي معاك بس مش مهم أهم حاجة الليلة ما تبوظش...

_________________________

_كلمت زين وعرفت إيه اللي حصل؟

=لأ ي ماما قولت أستنى شوية لأنه حاليا سايق وأنا مش عايز أشغله...

_ربنا يسترها ي بني والدنيا تبقى هادية وريم ما تتجنش لأني عارفة ريواء كويس لو الوضع خنقها مش هتستحمل وهتمشي وصحتها ما تستحملش البهدلة ولا الإجهاد...

=ربنا يسهلها ي أمي..إحنا أول ما نوصل إن شاء الله هكلم زين وأعرف اللي حصل..

________________________

*خلود عافرت معاه وضربته بالكوع فى بطنه وجريت وهي بتجري منه خبطتها عربية...

____________________

_زين!!إيه اللي جابك دلوقتي ي بني؟

=عرفت إن أدهم هنا فقولت آجي نقعد كلنا سوا..

_جاي علشان أدهم ولا علشان عارف إن ريواء معاه؟

=ريواء مين؟

_زين لو عايز تستعبط يبقى بلاش تستعبط معايا أنا لأن محدش بيفهمك زيي..

=بصراحة جيت علشان عارف إن الدنيا هتولع فى وجودها..

_هو ده اللي نبهتك عليه؟قولتلك بلاش تخليه يفتكر تقوم تسيبه معاها؟أدهم عايز يتجوزها ي زين فاهم يعني إيه؟يعني هيفتكر وهيتعب وأنا معنديش إستعداد أخسر أبني..

=رد بإستعباط كأنه ما يعرفش حاجة:إيه اللي إنتي بتقوليه ده هو إتجنن ولا إيه؟ما تقلقيش أنا هكلمه وهعقلهولك بس هو فين؟

_خرج يدور على المحروسة لأنه وهو بيتكلم معايا تقريبا طفشت هي والبنت اللي معاها يآكشي تغور فى داهية وما نشوفش خلقتها تاني..

=زين محدثا نفسه:ده واضح الدنيا مشعللة أوي..ربنا يستر عليكي ي ريواء فى البيت ده..

_____________________

_خلود!!أنا آسف ما أخدتش بالي حصلك حاجة؟

=ردت وهي تلهث:لأ أنا كويسة بس ريواء مش بخير

_بقي بتجري مني علشان خاطر ده؟

=أدهم باشا الواد ده ضرب ريواء وكان عايز يتهجم عليها..

*أول ما سمع اللي حصل إتحول وضربهم جامد وسابهم مكانهم مش قادرين يقوموا وركب العربية هو وخلود وراحوا للمكان اللي موجودة فيه ريواء ولما وصلوا حالتها كانت صعبة أوي وكان تحت جسمها بركة من الدم..وأدهم لما شاف حالتها إتصدم وخلود صرخت وللحظة حس إنه ممكن يفقد البنت اللي قلبه إتفتح لها فشالها وحطها فى العربية وطلع على المستشفى وفضلت محجوزة فيها يومين وأدهم وخلود ما بعدوش عنها لحظة وزين كان معاهم بس طبعا من غير ما حد يعرف اللي حصل..

_طب إنتي بتعيطي ليه دلوقتي؟

=علشان هي صعبانة عليا..كتير أوي اللي بيحصل لها ده ديه ما بتلحقش تفرح..وللأسف لتاني مرة واحد يتهجم عليها..

_ما تقلقيش بكرة تتحسن وتبقي بخير..

=ي رب تبقى بخير ي زين باشا..أول ما تفوق وتبقى كويسة هنرجع القاهرة وجودها فى البيت والمكان ده هيدمروها وخصوصا لما خالتها تعاملها بنفس الطريقة ديه..

_خالتها؟

=أنا عارفة كل حاجة ي باشا وأظن إن حضرتك كمان عارف..

_صدقيني أنا عمري ما شوفت أدهم مبسوط بالشكل ده إلا فى وجودها..رجوعها غير حاجات كتير بس للأسف ريم مش فاهمة ومش هتفهم..والدنيا هتولع أكتر خصوصا لما يعرفوا إن مامتها إتقتلت ومش بعيد يحملوها الذنب..

=علشان كدة بقولك لازم نرجع القاهرة..

_أول ما جيت سكتوا ليه؟ 

=مفيش حاجة ي باشا.. 

_لأ فى حاجة..ممكن تتكلمي من غير ما تتعبيني؟ 

=بصراحة ي أدهم خلود عايزة ترجع القاهرة هي وريواء.. 

_مفيش رجوع للقاهرة..إنتم هتفضلوا هنا وأنا هقدم طلب أجازة وهفضل معاكم ولما أحس إن الدنيا تمام تبقوا ترجعوا..

=ي باشا بس..

_خلود أنا قولت اللي عندي..من النهاردة مش هسمح لها إنها تغيب عن عيني لحظة...

=ماشي ي باشا اللي حضرتك شايفه..

_لسه ما فاقتش ي أدهم؟

=فاقت وكانت منهارة وكانت بتخترف بالكلام وحاولت أهديها وبعدين نامت..

_ربنا يتم شفاها على خير...

=إيه إتبريت من أهلك ومش عايز تشوفهم علشان خاطر الست هانم؟

_ماما؟؟

______________________

_مالك ي أمجد؟

=تايه ومش عارف أعمل إيه؟أنا عامل زي اللي متكتف فى أوضة ضلمة ومش عارف حتى يشوف النور علشان يفكر هيهرب إزاي..لا عارف أروح أشوف ريواء ولا عارف أطمن على البنت اللي خطفت قلبي..

_طب ما كلمتش زين؟

=كلمته وقالي أدهم عامل زي ضلها ومش بيسيبها نهائي..

_طب ما تروح لهم المستشفى ولما يشوفك مش هيشك لأنه شافك قبل كدة وما شكش فيك..

=ماما أدهم ذكي جدا ولو المرة اللي فاتت ربنا سترها معانا ي عالم إيه اللي هيحصل المرة ديه ثم إني ما أعرفش هما فى مستشفى إيه..

_طب والحل؟

=الحل إن أدهم يفتكر ونخلص من القرف ده كله..

__________________

_حضرتك عرفتي منين إن أنا هنا؟

=زين إمبارح جه البيت علشان يآخد هدوم وكان بيتسحب وفاكر إن محدش واخد باله لكن أنا شوفته وخليت السواق يراقبه وعرفت إنكم هنا علشان خاطر الهانم..

_رد بصوت خافت:ظابط فاشل..

=وأنا أعملك إيه ما أمك اللي عاملة فيها المفتش كرومبو...

_ممكن حضرتك تسيب الهانم وتيجي معايا على البيت علشان تقعد معانا شوية وترجع على شغلك علشان مستقبلك اللي ناوي تضيعه بسببها ده ولا دلوقتي حبيت أسيوط؟

=حبيت أسيوط علشان هي موجودة معايا فيها وزي ما قولتلك قبل كدة هقولك تاني..أنا بحبها ومش هقبل بحد غيرها وهتجوزها سواء حضرتك وافقتي أو لأ لأن من النهاردة أنا هدور على سعادتي أنا وبس وسعادتي معاها..تشوفيني اناني بقي أو بحب نفسي وبس مش فارقة بس هو ده اللي هيحصل..

_ده آخر كلام عندك ي أدهم؟

=آه ي ماما آخر كلام عندي..

_وأنا موافقة ي أدهم على جوازك منها 

=رد بفرحة:بجد موافقة؟

_آه موافقة بس قبل ما ناخد أي خطوة رسمية لازم أتكلم معاها...

=وماله إتكلمي معاها زي ما حضرتك عايزة..

_دلوقتي..عايزة أتكلم معاها دلوقتي..

=بس هي تعبانة شوية..

_وأنا مش هتعبها ما تقلقش أنا بس عايزة أتكلم معاها شوية...

=ماشي تعالي معايا..

*سابهم وراح معاها وخلود وزين كانوا بيبصوا لبعض ومش مصدقين اللي حصل..

_طول عمري أعرف إن العمة بتبقي حرباية بس لا مؤاخذة يعني أول مرة أشوفها...أنا مش مرتاحة للولية ديه ي زين باشا ولا مرتاحة لقرارها المفاجئ ده

=هي مش عمتي؟بس أنا برضوا مش مرتاح له وحاسس إن اللي جاي هيكون سواد علينا كلنااااا..

لازم أدهم يفتكر بأي طريقة لأن محدش هيقدر يدافع عن ريواء غيره..هو الوحيد اللي يقدر يوقفهم كلهم عند حدهم..

_طب وهنعمل إيه؟

=مش عارف..بس أكيد هعرف اتصرف قريب..بقولك إيه تعالي نروح نشوف ريم عايزاها فى إيه.. 

______________________

_ريواء ماما كانت جاية تتطمن عليكي وكانت عايزة تتكلم معاكي شوية..

=ردت بخوف وقلق:تسلمي على حضورك وأنا جاهزة إني أسمع الكلام اللي حضرتك عايزة تقوليه. 

_ممكن تسيبنا مع بعض شوية ي أدهم لأن ده كلام بنات وما يصحش تبقى موجود هنا.. 

=مفيش مشكلة خدوا راحتكم عن إذنكم...

___________________________

*راحوا ناحية أوضة ريواء.. 

_عرفت عايزاها فى إيه؟ 

=هعرف بعد ما تمشي إن شاء الله.. 

_وهتعرف منين ي أبو العراف بقي ريم مش هتقولك حاجة وأظن إن ريواء مش هتقولك حاجة هي كمان.. 

=قبل ما تكملوا كلامكم أنا الفضول قاتلني وهموت وأعرف حضرتك عرفت المكان بتاعنا إزاي؟ 

_آه صحيح ي أدهم عرفت مكانهم إزاي؟ 

=مش بقولك اللي عملك ظابط ظلمك..طب الباشا عبيط أنا هكون زيه ي خلود؟ 

_رد بكسوف:إيه الإحراج ده بقي؟ 

=هتعرفوا كل حاجة بس فى الوقت المناسب كل اللي أقدر أقوله دلوقتي إني صاحي ومركز مش نايم وعامل حساب لكل خطوة بتحصل... 

________________________

*داخل الغرفة..

_صباح الخير ي ريواء ولا نقول ي بنت أختي؟

=والله اللي عايزة تقوليه ي ريم قوليه مش فارقة كتير فى كلا الحالتين المعاملة هتبقي واحدة..ياريت تختصري الكلام وتقولي اللي جاية علشانه وبلاها السلامات اللي مش طالعة من قلبك ديه..إنتي جاية علشان خاطر أدهم صح؟

_لسه ذكية زي ما إنتي تربية أبني بقي..

=كنت تربية أبنك زمان لكن حاليا الزمن هو اللي بيربيني..الزمن هو اللي مخليني قاعدة قدامك دلوقتي وعاجزة مش لاقية كلام أقوله غير إن ي ريت تبعدوا عني وتسيبوني في حالي مش طالبة أكتر من كدة..

_وفرتي عليا كتير والله كويس إنك ناوية تبعدي عن أبني..

=بس أنا مقولتش كدة..أنا قولت تبعدوا عني مش يبعد هو عني..أنا عارفة إن أدهم تعبان وما ينفعش يفتكرني..مش مهم المهم إني أكون جنبه..أدهم حب طفولتي ومراهقتي وشبابي..قلبي ده ما دقش لحد غيره..إستحالة أسمح إنه يبعد عني ي ريم..

_وأنا مش موافقة على القرب ده..جايز زمان كنت حاباه لكن بعد ما أبني تعب رفضته رفض تام وصدقيني ي ريواء لو قربتي أكتر منه وأفتكر وتعب مش هرحمك ومش هعمل حساب لأي قرابة بينا..

=ردت بوجع:أنا لو بعدت عن أبنك دلوقتي هيتعب أكتر لأنه من بين كل الناس اللي يعرفهم أختارني أنا..

قلبه دق ليا أنا وكأن قلبه مربوط بيا وحابب حبي ليه

لو إنتي موجوعة على أبنك وخايفة عليه أنا كمان موجوعة علشان مش فاكرني وخايفة عليه..خايفة أخسره..خايفة لما يفتكرني يكرهني لو إنتي خايفة عليه مرة أنا خايفة عليه مليون مرة لأنه حتة من قلبي

_أنا وافقت على علاقتكم لأن أبني أتهبل وعايز يتجوزك ولو ما نفذش اللي في دماغه هيتجوزك غصب عننا فأنا جاية النهاردة علشان تبلغيه إنك إنتي اللي مش عايزاه..

=إنتي بتقولي إيه؟

_لو الرفض جه من ناحيتك هو مش هيقدر يعمل حاجة..زي لما سافرتي وبعدتي ومكانش قادر يعمل حاجة

=هههههههههه ضحكتيني..

_ردت بإستغراب:وإيه اللي فى كلامي يضحكك؟

=زمان لما بعدت هو كان صغير ومفيش في إيده حاجة يعملها إنما النهاردة أبنك رائد وذكي وشجاع ومش هيتخلي عني تاني..

_وأنا معنديش إستعداد إني أناسب عادل..معنديش إستعداد إن أحفادي يبقى جدهم رد سجون..معنديش إستعداد إن مرات أبني تكون سوابق حتى لو طلعت براءة..خلاصة الكلام أنا ما يشرفنيش إنك تكوني جزء من عيلتنا ولو مش هتبعدي عن أدهم بالذوق هتبعدي بالعافية وهنشوف كلام مين اللي هيمشي ي بنت يارا

=ردت ببكاء:ليه القسوة ديه؟عمرك ما كنتي كدة معايا

ليه عايزة توريني الوش اللي عمري ما شوفته؟

_هتستحملي الكلام اللي هقوله ولا الصدمة هتجيب أجلك ونخلص منك؟

=ردت بصدمة:إنتي مين؟معقولة إنتي ريم اللي انا اعرفها؟لا لا أكيد فى حاجة غلط إنتي إستحالة تكوني ريم اللي كانت بتخاف عليا من الهوا الطاير..

_ردت بجمود:لأ هي ريم بس إنتي اللي كنتي شايفاها بطريقة تانية..تحبي تسمعي السبب اللي مخليني مش عاوزاكي فى حياتنا؟

=ردت بخوف:قولي..

  •تابع الفصل التالي "رواية كيف لا اعشقك وانت عمري" اضغط على اسم الرواية