رواية مهرة العز كاملة بقلم مريم عبر مدونة دليل الروايات
رواية مهرة العز الفصل السادس عشر 16
البارت السادس عشر
مهرة_العز
مع اني زعلانه من التفاعل بتاع البارت الاخير بس يلا...
♡♡♡♡♡♡♡♡♡♡♡♡♡♡♡
سلوى بصدمه:اييييي......طب يعني...يعني انت مفيش
بينك وبينها اي حاجه صح؟؟
عز باستغراب:ليه السؤال ده؟
سلوى بتوتر:اصل يعني...عشان بشوفك بتهتم بيها
وبتخرج معاها..وتعملها حاجات كتير ف فكرت انك
بتحبها...بس مش اكتر....
عز:انا بعاملها كده بس عشانها صعبانه عليا مش
اكتر..وعشان حالتها دي ان هي ملهاش حد ف بحاول
اخليها متزعلش...بس مش اكتر....وانا عمري ماحبيت ولا هحب غير سلمى....
سلوى بغيرة:امممم....الله يرحمها...
عز بتنهيدة:يارب...
سلوى شافت هدية معديه من قدام المكتب ف حبت توقع بينها وبين عز....حتى بعد الكلام اللي عز قاله...لسه مرتحتش وخايفه تاخده منها....
سلوى بخبث:امممم....يعني اقدر اقول اللي انت بتعمله مع هديه....شفقه عليها..مش حب...وعشان ملهاش حد. .
عز:ايوة.....شفقه مش اكتر....وكمان انا يوم ما احب مش هحب واحدة مجهوله الهويه ومعرفش عنها حاجه...افرضي ملهاش اهل....طبعا مستحيل احبها...دي شفقه....ورجوله وجدعنه مني مش اكتر....
هديه كانت واقفه على الباب....ودموعها خانتها ونزلت وقلبها وجعها جامد من كلامه القاسي....وحست هي قد اي واحدة ملهاش لازمه.....وضعيفه وهو بيساعدها بس مش اكتر....ولسه جايه تمشي قامت العقربه اللي اسمها سلوى شهقت وقالت:هاا هديه.....انتي هنا من امتى...
عز رفع وشه وشافها وهي واقفه ووشها احمر...وعيونها مليانه دموع وعايزة تنزل...بس هي ماسكه دموعها بالعافيه.....
عز بصدمه:هديه!!.......اكيد اللي سمعتيه غلط...انا بس..قاطعته هديه بجمود...
هديه بجمود:مفيش بس....يا حضرة المقدم عز....انا مقدرة موقفك وعارفه كويس انت بتعمل كده ليه...بس اوعدك اول ما اتحسن او اعرف بس انا مين مش هتشوف وشي تاني....مع اني مغصبتش عليك اني افضل هنا ده بالعكس انا كنت عايزة امشي بس انت اللي رجعتني لهنا تاني....بس ياريت بلاش احساس الشفقه ده....لاني مش مقطوعه من شجرة...اكيد عندي أهل وبيدوروا عليا في كل مكان بس انا مش هستني ل اكتر من كده......انا بقول اكيد اهلى عملوا محضر ب اختفائي...ف ياريت نروح أقرب قسم...واعرف انا مين..
وأهلي مين...او ممكن تنزل صورتي على جروب الحوادث وتقول اللي حصل...واكيد لو حد عرفني...هيكلمك...بس احنا كده هنفضل قاعدين مبنعملش حاجه....هفضل هنا كتير...وانا بصراحه مش عايزة حد يشفق عليا....سواء انت او غيرك ياحضرة المقدم.....وسابته ومشت....وهو لسه واقف مصدوم...
سلوى بابتسامه جانبيه:امممم...طب ما تعمل زي ماهي قالت ياعز.....واهو تعرف اهلها مين وترجع لهم وانت متحسش بالشفقه تاني عليها.........ها اي رأيك....
عز بهدوء مخيف:اطلعي برا واقفلي الباب وراكي...
سلوى بحرج:ليه ياعز ده انا....قاطعها عز
عز بصوت عالي:قولت اطلعيييي براااااااا....
سلوى اترعبت منه وجرت على برا وقفلت الباب وراها..
عز ساعه ما خرجت....كسر كل حاجه في المكتب....بقى يمسك كل حاجه ويرميها....مامته جت جري عليه وقالت :في اي ياعز مالك...اي اللي حصل
عز بعصبيه:لو سمحتي يا ماما سبيني لوحدي دلوقتي
نجوي بحزن وقلق:ايوة بس.....
عز بزعيق:سبينييييييي.....مش عايز حد معايا دلوقتي..
نجوى خرجت وقفلت الباب....وطبعا احمد راح الشغل...
وفضل عز يكسر كل حاجه ونظرة عينيها مش عايزة تروح من باله خالص....ونبرتها وهي بتتكلم...مش قادر ينساها...وفضل يشد في شعره ويقول...غبي ...غبييي...
ليه..ليه تقول كده...ليييييهههههههه.....
وبعدها راح قعد على المكتب وبيفتكر كل كلمه بتقولها..
فجأه حس بغصه في قلبه لما فكر انها ممكن تمشي وتسيب البيت....وقال...لا لا مستحيل....طب انا ليه مش عايزها تمشي...ليييه...ليه مقولتلهاش اني عرفت كل حاجه وعرفت هي مين.....ليه خايف اقولها....لا مستحيييل مستحيل احب تاني...طب...طب هي لو عرفت هي مين...معنتش هشوفها تاني...طب وفيها اي لو مشوفتهاش.....طب ليه مش قادر استحمل زعلها مني طب هو انا ليه مش حاسس بشفقه....معقوله مكنتش شفقه من الاول...وانا اللي فاهم غلط....بس لاا...انا اتعودت اشوفها كل يوم الصبح اتعودت....على ضحكتها وهزارها...وكلامها الدبش..اللي محدش بيقوله ليا غيرها..انا مستحيل اخليكي.. تبعدي عني يامهرة مستحييييل...انتي مهرتي انا وبس....مهرة العز...وقرر يطلع يصالحها......
عند مهرة °•°•°•
اول ما طلعت فضلت تعيط جامد وتضرب نفسها وتقول انا استاهل...انا اي اللي خلاني ارجع معاه تاني...ده كل مرة بيهيني فيها بتبقى أصعب من اللي قبلها..بس انا ساكته ليه وممشت ليييه...طب ليه بغير لما بيتكلم على سلمى...ليه عايزاه يفضل معايا وميروحش الشغل...ليه فرحت لما عرفت انه اخد اجازة اسبوع..ليييه لييييه....
طب انا ليه انجرحت لما قال الكلام ده...مع ان معاه حق في كل كلمه....وهو قالي كده من اول ما شافني....ليه زعلت منه وقلبي وجعني....لا انا مستحيل اكون بحبه..وحتي لو بحبه...هو مستحيل يحبني...ده كل ما اقعد معاه مفيش الا سلمى...هو اصلا مش شايفني...ووقفت قدام المرايا وشاورت على قلبها..وقالت:انت ليه مش عندك كرامه....ليه لسه بتحبه حتى بعد اللي قاله...وعارف كويس انه عمره ما هيحس بيك او بوجودك...انت بالنسبه له شفقه مش اكتررررر...ليييييييييه...
حرام بجد .....حرااااااااااام.....ووقعت على الأرض منهارة بالعياط....لحد ما الباب خبط....مهرة قامت من على الارض ومسحت دموعها وحولت تداري شكلها عشان محدش يعرف انها كانت بتعيط....وقامت فتحت الباب.........
مهرة وعيونها منتفخه من الدموع وبتحاول تبعدها عنه
وقالتله:ها......عايز اي....
عز حس بالندم على الكلام اللي قاله لما شاف منظرها وشكل عيونها....واتمنى انو يرجع بالزمن تاني وميقولش كده ولا يجرحها بكلمه واحدة......
هديه:هتفضل ساكت كده كتير يا حضرة المقدم؟؟
عز بغصه في قلبه:من امتى يا مهر.....ياهديه وانتي بتكلميني برسميه؟؟
هديه بجمود:من النهاردة ياحضرة المقدم....اصلا المفروض كنت اتكلم معاك برسميه كده من اول ما شوفتك...بس انا اللي زودتها....انا اسفه...
عز بندم:اسفه على اي ياهديه.....انا اللي اسف..عل... هديه:اسف على اي.....ده انت ساعدتني ودخلتني بيتك وبتعالجني...وبتحاول تلطف الجو عشان محسش..اني غريبه....او ماليش حد....يبقى مين فينا اللي لازم يشكر ويتأسف للتاني انا ولا انت....
عز بهدوء:هدية...انتي فاهمه غلط
هديه بصوت عالي:واييي بقى هو الصح....ما هي دي الحقيقه ياسيادة المقدم...ولا هتنكرها...انا هنا مجرد ضيفه مش اكتر واكيد هرجع لأهلي قريب...لما نروح نسأل في الأقسام.....
عز وجن جنونه لما فكر انها مممكن تبعد قالها بصوت عالى:احنا مش هنرووووح في حته انتي فاهمه انتي مش خارجه من هنا....
هديه بزعيق:ياسلاااام.....وده ليه بقى انشاء الله
عز محاولا الهدوء:هديه اسمعيني....
هديه صرخت:مش عايزة اسمع منك حاجه....اتفضل اخرج يلا....
عز اتعصب منها وزقها لجوة ودخل وقفل الباب وراه وراح شدها من دراعها وقربها ليه وقالها:اخر مرة تعلي صوتك عليا...فااااهمه...
هديه بتوتر من قربه:ط...طب....طب ابعد عني.يلا
عز ابتسم وحب يستمتع بتوترها وقالها:مكسوفه مني
هديه وخدودها احمرت من شده الخجل وقالتله:ابعدد
عز ابتسم وزقها على الحيطه وحاوطها بايديه وقالها ....
عز بابتسامه :هه كنتي بتقولي اي
هديه بتوتر اكتر:ابعد بقى....
عز رفع وشها وفضل يبص على كل شبر في وشها من عيونها اللي بيودوه لحته تانيه..لشفاي*فها اللي بيضعف قدامها...لرموشها اللي بيتوه بينهم...لكل حاجه....
هديه بتوتر :ياحضرة المقدم ......
عز بتوهان:همممم...
هديه:ابعد بقى...
عز فضل زي ما هو...وقالها انا اسف...اسف ياهديتي على كل كلمه قولتها وزعلتك....
هديه بصدمه:هديتك!!
عز بتوهان في عيونها:امممم هديه العز....
هديه بتوهان:عز
عز:ياريتك ما قولتي اسمي....وسحبها في قُبله عميقه يعبر فيها عن مشاعره....وقد اي هو كان محتاجها جنبه
وفضل يقبلها بعمق وشغف...وبعد عنها لما حس انها محتاجه تتنفس.....وسند جبينه على جبينها وقالها:سامحيني ....سامحيني يامهرة...
طبعا مهرة كانت في عالم تاني ومسمعتش انو قالها مهرة...
وشويه وعز استوعب هو عمل اي...وبعد عنها باحراج...
هديه فاقت من التوهان...واتوترت...وقالت انت اي.اللي عملته ده انت مجنون...
عز وهو بيبص على شفاي*فها،،،،اللي بقوا فراوله وقالها بصوت متحشرج:انا انا.....انا اسف ياهديه....وبتمنى تسامحيني....
هديه لفت وشها الناحيه التانيه من الخجل...وقالتله:حاضر......بس انت ليه مش عايزني اروح القسم واعرف انا مين ليه
عز بتوتر:عشان.....عشان يعني انا ليا معارف كتير وهقول لواحد صاحبي لو عرف اي حاجه هقولك...مش محتاجه تيجي وتتعبي نفسك معايا يعني ..
هديه وهي راسها تحت هزتها وقالتله:حاضر....
عز ابتسم على جمالها...وقد اي بتطلع جميله وهي بتبقى خجوله ....وسابها وخرج وكلم أسر عشان يقابله....
بعد ما عز خرج.....شويه ونجوى طلعت فوق لهديه عشان تعرف اي اللي حصل...
الباب خبط...
هديه فكرت عز تاني...راحت عند الباب وقالتله:انت مش......هو انتي ياطنط...
نجوى بابتسامه:ايوة انا.....كنتي مفكرة مين
هديه بتوتر:لا مكنتش مفكرة حد عادي...
نجوى بابتسامه:امممم...بس هي الاوضه مالها كده...كنتي متضايقه مع حد ولا اي...
هديه بتوتر:لا عادي....كنت بنضفها...
نجوى بابتسامه:طب متعرفيش ياهديه عز ماله...
هديه بتوتر اكبر:ماله ازاي مش فاهمه...
نجوى باستعباط:مش عارفه اصل كان من شويه بيكسر في المكتب تحت ومش طايق حد....بعدها طلع على فوق معرفش راح فين ولا طلع لمين....ولسه نازل اهو من شويه...مبتسم ولا كأن حاجه حصلت من شويه...فقلت أسألك ممكن تعرفي ولا حاجه
هديه بكذب:لا ياطنط معرفش هو ماله...ومشوفتوش اصلا من ساعه الفطار....
نجوى بابتسامه خبيثه:امممم....طيب.....اومال شفاي*فك،،،، مالها ياحبيبتي...
هديه بتوتر وهي بتحط ايدها على شفاي*فها..وبتقولها مالها...في اي
نجوى بخبث:مفيش.....بس وارمه...ولونها احمر اوي فكرتك اتعورتي فيها ولا حاجه...
هديه بتوتر:ااا.....اا.....اااااه...اه...اتعورت...وانا باكل عضيت نفسي بالغلط...
نجوى بابتسامه خبيثه:ياحبيبتي...متخافيش كلها دقايق وهتبقى زي الاول....مش بتفضل كده كتير اساليني انا...
هديه بتوتر:أسألك ازاي مش فاهمه
نجوى وهي بتضحك وبتقوم عشان تخرج قالتلها:منا عضيت نفسي قبل كده بردوا وضحكت وخرجت...وهديه فهمت انها عرفت اي اللي حصل وشها احمر...وحطت ايديها على وشها بكسوف وفضلت تضحك وتتنطط زي الاطفال.....
عند سلوى كانت واقفه على الباب وسمعت كل حاجه ودمها اتحرق من هديه واقسمت انها هتعلمها الأدب...وراحت على اوضتها وهي بتتوعد لهديه....
(نتعرف بقى على السوسه سلوى.....
هي متوسطه الطول وقمحيه وشعرها قصير لحد كتفها هي اللي قصاه وصبغاه نبيتي لايق على لون بشرتها وعيونها بنيه وعندها ٢٧ سنه وبتعشق حاجه اسمها عز
ومتكبرة ومغرورة جداااا...)...
🦋♥︎♥︎♥︎♥︎♥︎♥︎♥︎♥︎🦋
رفيف خرجت من الكليه وهي تعبانه وبتفكر في مهرة وقالت تروح تقعد شويه في الكافي اللي جنب الجامعه
وراحت وطلبت نسكافيه عشان عندها صداع....وفي نفس الكافيه ده أسر كان قاعد بيستنى عز فيه...
أسر قاعد زهقان وبيبص حواليه لقى رفيف قاعده قدامه وماسكه راسها ابتسم بخبث وقال مسير الفار يدخل المصيدة....واخيرا هجيب حقي منك يابنت ال...
رفيف كانت قاعده بتفتكر مهرة وكل لحظه عاشوها سوا
وضحكت لما افتكرت مهرة كانت بتطفش العرسان ازاي
وبعدين ابتسمت بحزن لما افتكرت الحادثه والراجل اللي اخدها وهما ميعرفوش عنه اي حاجه وقاعده تقول يارب رجعها بالسلامه هيكون مين ده...وهياخدها فين بس ياربي....قاطعها أسر وهو بيقول:اهلا بالقطه
رفيف فضلت تبصله شويه تفتكر شافته فين قبل كده
وبعدين اتعصبت وقالتله:هو انت.....عايز اي...هههههه ياحضرة الظابط ...
أسر برفعه حاجب:دي تاني مرة تغلطي فيا...
رفيف باستفزاز:نينينينييييي.....هتعمل اي يعني...
أسر اتعصب عليها وقالها:انا عمر مافي بنت كلمتني كده...ده البنات بتتمنى بس بصه مني...
رفيف باستهزاء:هه وانت مش بتبص ليه بقى...عند عمى الوان...ولا عمى أشكال.....وبعدين تعالى هنا ...انا يوم ما أعجب بحد...هعجب بيك انت يامعفن،،،
أسر بغضب:معفن،،،انتي بتقولي ليا كده
رفيف:لا للي جنبك....اتفضل يلا هوينا....
أسر وهو بيتوعد ليها:تمام....اعتبري من النهاردة مش هتشوفي يوم حلو
رفيف بحزن:هه...فرقت....منا من ساعه ما سابتني وانا مشوفتش ولا يوم حلو...ولا حتى عارفه انام....هتيجي على النهاردة كمان...
اسر استغرب وقالها:هي مين دي...
رفيف:صحبتي....من يوم ما مشت وانا مش بشوف يوم حلو من بعدها...
أسر بحزن:الله يرحمها...
رفيف بعصبيه:الله يرحمها اي مجنون....مهرة مش ماتت
هي اختفت بس معرفش راحت فين وكملت بدموع وقالت...مهرة وحشتني اوييي....اوييي
أسر كان هيعيط وقالها:انشاء الله هترجع...طب معاكي صورتها...
رفيف بعصبيه:وانت عايز اي من صورتها انشاء الله
اسر:منا ظابط كنت ممكن ادورلك عليها واعرفلك هي فين!!
رفيف بتعصب:وانا انشاء الله مش هلاقي غيرك تساعدني...اتفضل امشي يلا مش عايزة مساعده منك
أسر بغضب تصدقي أن انا غلطان....ولسه هيقوم...
عز.جه من وراه وقاله....اسرر....
رفيف بصدمه:انت😳
- يتبع الفصل التالي اضغط على ( رواية مهرة العز ) اسم الرواية