رواية ذات 17 عام ولكن (كاملة جميع الفصول) حصريا عبر دليل الروايات بقلم ايه طه
رواية ذات 17 عام ولكن الفصل الثالث 3
البارت3
وانا عارف انه موجود وبيكبر كمان صح يلا سلام بقى.
جاسر:استنى عندك انا مخلصتش كلامى ومش دا الموضوع اللى كنت عايزك فيه اصلا.
فريد:طب ممكن نأجل كلام لحد مارجع بليل علشان انا متاخر دلوقتى.
جاسر:بليل ايه يابو بليل انت بترجع وش الفجر بنكون كلنا نايمين انت فاكر انى نايم على ودانى ومش عارف حاجه انا بس اللى سيبك علشان مش فاضيلك الفتره دى وبعدين هما كلمتين احترم نفسك مع بنت عمك.
فريد:احترم نفسي،ازاى يعنى وانا عملتلها حاجه.
جاسر:يعنى مينفعش تحضنها تانى تخلى فى حدود فى المعامله بينكم دى خلاص هتقيم هنا وانا مش عايز وجع دماغ.
فريد:لا والله حدود ليه يعنى مهى بنت عمى انا مش فاهم ايه المشكله.
جاسر:بنت عمك دى كبرت يبقى مينفعش تتعامل معاها على اساس انها لسه صغيره وكدا وخصوصا ان انتم سنكم قريب من بعض مفهوم.
فريد:انت مكبر الموضوع اوى هى فعلا اختى الصغيره وبتصرف على اساس كدا مليش دعوه انا بقى بعقدك دى وعقليتك اللى مش عايزة تتطور.
جاسر:احترم نفسك بعصبيه ومتنساش انى اكون اخوك الكبير واللى انا قولت عليه يتنفذ ولو شوفت تجاوز تانى انت حر مفهوم.
فريد بزهق:ماشي مفهوم فيه حاجه تانى ولا امشي وسابه ومشي.
نيجى بقى اعرفكم على الشخصيات(زين ثابت كبير عيله ثابت صاحبه اكبر شركه عقارات فى مصر والشرق الاوسط.رهف حفيده زين ثابت بنت ابنه محمود المريض بسرطان الرئه وحالته متاخره عندها 17 سنه شعرها بنى طويل وعيونها رصاصي وملامحها طفوليه وبشرتها بيضاءوالدها ووالدتها انفصلو وهى تزوجت من شخص اخر ياسين المنشاوى وعنده ابن وائل المنشاوى شاب عنده 21 سنه كان بيضايق رهف زى ما كان واضح فى السابق الاحداث جاسر حفيد زين ثابت من ابنه الكبير الله يرحمه هاشم شاب عنده 28 سنه طويل جسده رياضي وشعره اسود وكثيف وعيونه بنيه وقمحى البشره وهو مدير شركه ثابت للعقارات واخوه فريد22سنه طويل جسده رياضي لكنه مستهتر عديم المسئوليه نرمين والده جاسر وفريد شخصيه طماعه وانانيه)
دخل جاسر المنزل ويدخل على جده المكتب.
جاسر:خلاص ياجدو انا كلمت كذا مدرسه هيردو عليا فى اقرب وقت وموضوع الحساب دا بكرا حد هيجى من البنك علشان عمى لازم يمضي على شويه اوراق تخص الموضوع دا.
زين:ماشي يابنى كتر خيرك.
جاسر:مالك ياجدو ايه اللى مضايقك انا قولت الابتسامه مش هتفارق وشك طالما رهف هنا.
حكاله زين على اللى قالته رهف واكد عليه انه ميفتحوش الموضوع ادامها لانه حساس جدا بالنسبه ليها وهو تفاهم دا.
فى غرفه رهف اخذت شاور وغيرت ملابسها ولبست فستان قصير لبعد الركبه بشويه لونه ازرق وربطت شعرها بطريقه عشوائيه وفرغت حقائبهاسمعت خبط على الباب.
رهف:ادخل.
زين:الجميل ازيه دلوقتى.
رهف:الحمدلله ياجدو.
زين:طب يلا بينا على غدا.
رهف:يلا.
ونزلو على السلم وجلسو على الطاوله.
رهف:مساء الخير يامرات عمى.
نريمين:مساء النور ياحبيبتى.
زين:هو فين جاسر مش هيتغدا معانا ولا ايه.
نريمين:هو حضرتك معدتش عليه وناديته على غدا زى رهف ولا ايه هما الاتنين احفادك على فكره وهو الكبير وكمان هو اللى شايل الشغل كله يعنى يستحق منك التقدير اكتر من كدا ياعمى بصراحه.
زين بعصبيه:انتى مش ناويه تجبيها لبر صح انا مش قولت ونبهت مليوون مره عليكى ماتتدخليش بينى وبين احفادى متخلنيش اوريكى الوش التانى منى يانرمين.
على نزول جاسر.
جاسر:خير ياجماعه في ايه صوتكم عالى ليه.
نرمين بدموع تماسيح:مش عارفه ياجاسر يابنى جدك مش طايقلى كلمه وكمان بيزعقلى قدام اللى يسوا ولا مايسواش وهى تنظر لرهف.
زين:احترمى نفسك انتى كدا زودتيها اوى اتفضلى فوق على اوضتك ومطتلعيش منها نهائي مش عايز اشوفك النهارده سامعه واللى مش،عجباكى دى حفيدتى يعنى ليها فى البيت زى مالايكى بالظبط ويمكن زياده يبقى تتعودى عليها وعلى وجودها علشان دا هيبقى احسن ليكى واذا كنت بعديلك حاجات وبفوتها فكان علشان جاسر وفريد لكن هتسوقى فيها هتشوفى منى حاجه تانيه مفهوم.
جاسر:اهدى بس ياجدو الموضوع مش مستاهل اكيد امى متقصدش اللى حضرتك بتقوله دا صح يا امى.
نرمين:لا طبعا مقصدش وانا هضايق من رهف ليه يعنى دا انا بحبها زى بنتى تمام انا كنت اقصد على الخدم كدا انا مش هعرف احكمهم ولا يسمعولى كلمه وعلى العموم انا طالعه اوضتى زى ما حضرتك طلبت.
رهف:لا استنى والنبى يامرات عمى متطلعيش.علشان خاطري ياجدو هى مكنتش تقصد ومحصلش حاجه لكل دا وانتو وحشنى كلكم وعايزه نتجمع مع بعض كعيله وناكل سوا علشان خاطري ياجدو.
زين:خلاص يانرمين اقعدى محصلش حاجه وانت ياجاسر يابنى يلا اقعد علشان ناكل.
نرمين:لا معلش اتغدو انتو انا طالعه على اوضتى مليش نفس.
زين:انا مش،بعيد كلامى مرتين قولت خلاص يبقى خلاص مفهوم.
جاسر مسك ايد نرمين:خلاص بقى يا امى يلا علشان ناكل.
اقعدت نرمين وهما بياكلو.
جاسر:المدرسه ردت عليا ياجدو ورهف هتكمل دراستها من اول الاسبوع اللى جاى.ب
س المدرسه ليها طلبات وكدا هبعت حد يجيبهم ويجيبهم على البيت هنا.
رهف:لا معلش انا بحب اجيب حاجتى بنفسي.
جاسر:خلاص شوفى انتى عايزة تروحى امتى وانا ابعت السواق معاكى.
رهف:خلاص تمام ممكن بعد الغدا انا كدا كدا لابسه علشان كنت عايزه اجيب حاجات من برا ابقى ابعتلى ياابيه بس طلبات المدرسه علشان اجبها.
جاسر:تمام.
بعد الغدا طلعت رهف لغرفتها لارتداء الكوتشي والشنطه ونزلت وسلمت على جدها وهو جالس مع جاسر بيشربو القهوه.
رهف:عايز حاجه ياجدو انا طالعه.
زين:سلامتك ياحبيبتى بس متتاخريش يكون بابا خلص الجلسه بتاعته علشان تشوفيه وخلى بالك من نفسك.
رهف:حاضر ياجدو ممكن ياابيه تبعتلى طلبات المدرسه على فونى عقبال مااجيب رقم مصري.
جاسر:خلاص تمام ويرفع عينه ليرا رهف ويصرخ بها:ايه اللى انتى لبساه دا ياهانم وعايزة تطلعي بيه.
رهف بخوف من صوته العالى:فى ايه يا ابيه مهو فستان واسع وحلو اهو ماله بس.
جاسر:والله اخدتى بالك من انه واسع وماخدتيش بالك من انه قصير.
رهف:هو نظامه كدا الموديل بتاعه كدا وبعدين دا مش قصير اوى يعنى حبه صغيره صح ياجدو.
زين:جاسر عنده حق يارهف انتى هنا فى مصر ياحبيبتى وفيه عادات وتقاليد معلش المرة دى اطلعى كدا وخلى بالك المره الجايه من لبسك ماشي.
جاسر:معلش،ياجدو بس هى مش خارجه من البيت بالمنظر دا
•تابع الفصل التالي "رواية ذات 17 عام ولكن" اضغط على اسم الرواية