رواية مهرة العز الفصل الثامن عشر 18 - بقلم مريم

 رواية مهرة العز كاملة بقلم مريم عبر مدونة دليل الروايات 

 رواية مهرة العز الفصل الثامن عشر 18

البارت الثامن عشر 

هديه كانت طالعه على السلم وقبل ما توصل للسلمه اللي عليها الزيت....دخل عز الفيلا وقالها....

عز:هديه استني؟

هديه لفت ليه وقالتله:ايوة.....

عز:معلش ممكن تنزلي نتكلم مع بعض شويه؟؟

هديه:تمام.....وبالفعل نزلت هديه....وراحوا في الصالون...

عز:احمم...ايه اللي مسهرك لدلوقتي؟؟؟

هديه:عادي.....كنت هطلع انام اصلا...

عز:بجد.....طب انا اسف....مكنتش اعرف انك.هتنامي يلا اطلعي...

هديه بابتسامه:لا خلاص مش مهم....هه كنت عايزني في اي؟؟

عز بتوتر:احم احم...بصي....هو انا بعتذرلك عن اللي حصل الصبح...مكنش قصدي...و...وسكت عز لما شاف هديه وشها بقى كله احمر...وقالتله 

هديه بكسوف:عادي.....انا اصلا نسيت...متحطش في بالك...

عز بمكر:امممممم.....يعني نسيتي....

هديه بخجل:خلاص بقى ياعز....هو انت كنت بتناديني عشان كده...

عز بابتسامه:لا مش عشان كده....

هديه:اومال عشان اي؟؟

عز:كنت هسالك اخدتي العلاج النهاردة...ولا نسيتي 

هديه بسرعه:لا لا اخدتها والله العظيم 

عز بضحك:طب اهدي...مالك خفتي كده ليه

هديه:عشان المرة اللي فاتت كنت هتضربني...

عز بتنهيدة:انا مستحيل أمد ايدي عليكي...انا بس بخوفك عشان تاخدي العلاج...

هديه:عز هو انت عايزني اخد العلاج ليه...هو انت عايز الذاكرة ترجعلي؟؟

عز بابتسامه:انا لو عليا مكنتش خليتك تاخدي العلاج تاني....كنت خليتك قاعده هنا طول العمر....بس انا مش هسامح نفسي لو حصلك حاجه...عشان كده لازم تاخديه

هديه بخجل:يعني انت عايزني افضل هنا...

عز وهو بيقرب منها:اممم...وطول العمر كمان...

هديه بتوتر وهي بتبعد:ع.....عز....ابعد شويه 

عز بمكر:اممم....ليه....ليه عايزاني ابعد...

هديه بتوتر:يعني عشان.....عشان يعني...هو...يعني 

عز بضحك:اي يابنتي خلاص...اي يعني يعني يعني...اللي نزلت عليكي فجأة دي😂😂

هديه بغيظ:على فكرة انت رخم...

عز:انا اي...

هديه بخوف:مش انت....والله مش انت....وقامت تجري عز مسكها من دراعها وقالها....انتي مفكرة انك هتهربي مني....ده مستحيل اخليكي تطلعي اوضتك النهاردة الا ما تعتذري مني الاول...

هديه بعناد:طب لو معتذرتش؟؟؟

عز بابتسامه خبيثه:يبقى انتي اللي جبتيه لنفسك...وفضل يقرب منها...وهي تتوتر..وتبعد...لحد ماقالها:ها...هتعتذري ولا...

هديه بخوف:خلاص خلاص انا اسفه ياعز...ابعد بقى وبطل الحركات دي...حاكم انا بقيت اخاف منك 

عز بابتسامه:لا ياشيخه.....طب واي اللي نزلك لما بتخافي مني...

هديه بتوتر:ها.....اه يعني مهو عشان

عز:خلاص خلاص....هتفضلي تقولي كده للصبح....يلا اعتذري عشان اسيبك

هديه:طب منا اعتذرت اهو

عز بابتسامه خبيثه:لا مهو انا مقولتلكش تعملي اي عشان اسامحك 

هديه:طب عايز اي يلا....

عز بخبث:عايز بو*سه....من خدي...

هديه بصدمه:انت قليل الادب......ومش محترم...

ومش شوفت بربع جنيه تربيه..ولا....قاطعها عز

عز بضحك:في اي ياستي مكنتش بو*سه هي...اللي هتعملي كل ده عشانها.....يلا بقى خلصيني عشان اطلع

هديه:انت مش عارف انو حرام اصلا أقف معاك كده لوحدنا لا وكمان عايزني ابو*سك...ده انت ندل بصحيح

عز بضحك:ايوة عارف انو حرام.....بس مش هتيجي على واحدة في خدي يعني....

هديه بابتسامه خبيثه:بقى كده ماشي.....غمض عنيك يلا

عز غمض عنيه وقامت هديه نازله على وشه بقلم خليته يرن في ودانه😂...عز اتفاجأ وقالها 

🦋♡♡♡♡♡♡♡♡🦋

لؤي بحزن:ياعم قولتلك انا قولت لعز ومش راضي..

صاحبه:طب حاول تاني يالؤي اكيد هيوافق المرة دي

لؤي:لا خلاص.....انا مش عايزه يتعصب عليا...

صاحبه بمكر:طيب براحتك.....بس شمس كانت جايه و

لؤي بسرعه:بس مفيش مانع هحاول معاه تاني

صاحبه:اكيد هيوافق....

لؤي بابتسامه:خلاص ياعم قولتلك هقول لعز ولو وافق اكيد هاجي.....

صاحبه:طب ما تنزل تسأله يلا...

لؤي:انا مش عارف هو جه ولا لسه.......بس بص اقفل انت دلوقتي...وانا هروح اشوفه .....سلام 

قفل لؤي مع صاحبه وراح على اوضه عز عشان يقوله على الرحله...وان هو عايز يروح.....بس لما راح الاوضه ملقاش عز هناك...ف سمع صوته تحت في الصالون هو وهديه...ف نزل جري عشان يقوله....

عز:انا هعلمك الأدب....ولسه جاي يقرب منها سمعوا صوت لؤي نازل بيجري وهوووووووب.....لؤي اتزحلق في الزيت ووقع على الأرض....

لؤي:آآآآآآه.. 

عز وهديه طلعوا يجروا ناحيه السلم ولقوا لؤي وقع ومش قادر يتحرك....

عز بصدمه:لؤي.....لؤي رد عليا...

هديه بدموع:لؤي...انت كويس ...طب اي اللي حصل

لؤي بوجع:اهدوا.....مفيش حاجه..انا بس وقعت وانا بجري...بس مش قادر اقوم....

نجوى جت هي ومنى بيجروا....

نجوى بصدمه:لؤي....مالك ياحبيبي....

لؤي بابتسامه:مفيش ياحبيبتي....وقعت اتكسرت بس

منى بدموع:ياعمري...

سلوى نازله مبتسمه فجأه اتصدمت لما شافت لؤي هو اللي واقع وعز وهديه قاعدين جنبه...

سلوى:احم احم....هو اي اللي حصل؟؟

لؤي:مفيش وقعت....مش هغنيها انا.....عز حبيبي...ما تشيلني يلا وديني الاوضه بتاعتي...

هديه كتمت صوت ضحكتها وعز بص ليها وبعدين بص ل لؤي ورفع حاجبه وقاله:انت مش هتسترجل بقى يلا

لؤي بتمثيل الحزن والوجع:بقى انا عشان بقولك شيلني لاني مش قادر اقوم تقوم تقولي كده....ماشي ياعز انا زعلان منك..هه....ياوحش...

عز رفع حاجبه وقاله:وحش!!....جبتها منين دي

لؤي بضحك:هيكون من مين....سمعت هديه وهي بتقولهالك وانت متكلمتش ....ف اشمعنى انا كمان...

عز بص لهديه اللي ميته على نفسها من الضحك هي ومنى وقالها بصوت واطي محدش سمعه الا هي وسلوى اللي راميه ودانها معاهم😂😂

عز وهو بيجز على سنانه:عجبك كده خليتي برستيجي ضاع قدام العيل ده....بسبب كلامك اللي انا ساكت عليه

هديه بضحك هزت راسها وبعدين قالت:ومين قالك تسكت...

عز بابتسامه:قدري بقى اعمل اي 

سلوى كانت واقفه هتشيط منهم...

لؤي:مش وقت حب وقلوب دلوقتي....يلا طلعني وبعدين كملوا كلامكوا....

نجوى ومنى ضحكوا عليه وعز مسكه وضغط على رجله اللي بتوجعه ولؤي :ااااه براحه في اي

عز وهو بيجز على سنانه:حسابك معايا بعدين..

طبعا هديه اتكسفت من كلام لؤي وجايه تمشي سلوى شدتها من دراعها على برا وقالتلها تعالى عايزة اكلمك كلمتين.....

هديه:في اي....بتشدي جاموسه...

سلوى بعصبيه مكتومه:انا هحذرك اهو....عشان متجيش وتقولي انا محذرتكيش....ابعدي عن عز....متحاوليش تاخدي حاجه مش بتاعتك....فاااهمه

هديه بعصبيه:وانتي مالك اصلا ....وبعدين انتي بتدخلي في حياتي وتقوليلي ابعد او مبعدش انتي مالكيش دعوة بحياتي...فااااهمه...

سلوى:لو مفكرة ان عز بيحبك او البو*سه اللي ادهالك دي يبقى معجب بيكي...ف احب اقولك انك غلطانه...لان عز بيلعب بيكي وفي الاخر ملوش الا أنا 

هديه باستفزاز:طبعا مالوش غيرك عشانك اخت المرحومه وهو بيراعي ربنا فيكي مش اكتر...

سلوى بغل:تمام هنشوف مين اللي هيضحك في الاخر..وهترجعي وتقولي ياريتني كنت سمعت تحذيرها 

بس اوعدك هتندمي اويييي....لان عز بتاعي انا وبس...فاهمه انا وبس....ودخلت وسابت هديه واقفه ومتوتره منها وبعدين قالت انا لازم اقول لعز...وبعدين رجعت في كلامها وقالت لا انا مش هدخله في مشاكل تافهه كفايةالمشاكل بتاعته....ودخلت وطلعت على اوضه لؤي لس وهي طالعه لمحت ان الأرض واقع عليها زيت....ف طلعت عشان تقولهم....

في اوضه لؤي كانوا كلهم موجودين ماعادا سلوى....

هديه:احم احم......بقيت كويس يالؤي..

لؤي بهزار:هو انا لحقت...ومنى ضحكت وعز بصلهم وخلاهم يخرسوا....

عز:كنتي فين ياهديه...

هديه:مفيش روحت المطبخ عشان اشرب....بس وانا طالعه لقيت ان في زيت واقع على السلم..

نجوى باستغراب:زيت!!......واي اللي هيجيب الزيت على السلم...

لؤي:قدري بقى نعمل اي....

منى:صح غريبه.......يبقى هو اللي وقعك يالولو...

لؤي بغيظ:قولتلك مليون مرة بلاش زفت لولو ده

هديه بضحك:بس حلو اوييي....من النهاردة هقولك يالولو...اي رأيك

لؤي بابتسامه:خلاص....ده هيبقى حلو اويي الاسم ده

نجوى ومنى وهديه ضحكوا عليه...وعز بص لهديه اللي بتضحك وخلاها تخرس....

لؤي:احم احم....زوزو..بقولك اي مش هتوافق بقى

عز بعصبيه:عشان اللي انت قولته ده مش موافق

لؤي بتمثيل الحزن:حرام عليك ياعز....ده انا حتى مكسور مش قادر تجبر بخاطري...

نجوى:هو في اي؟؟

لؤي بسرعه:مفيش كان في رحلة طالعه وانا عايز اروح بس عز مش راضي.....والنبي خليه يوافق يانوجه...

نجوى:رحله اي وبتاع اي دلوقتي مفيش زفت ويلا اتخمد وجعت دماغنا....وسابته وخرجت ومنى فضلت تضحك.....

منى:طب ما توافق ياعز على الاقل يغور من وشنا ونرتاح منه شويه...

لؤي وهو بيساعدها:اه والنبي ياعز...على الاقل ترتاح مني ومن طلباتي...

عز بجمود:انا قولت لا....يعني لا....وراح يقف عند الشباك

ومنى مسكت الفون عشان تنفذ الخطه وقعدت وسرحت في الفون...وهديه قاعده بتفكر في كلام سلوى

بعد شويه°•°•°•

لؤي بصوت واطي:بسس...بسس..

هديه باستغراب:في اي يالؤي...مالك بتوشوش كده لي

لؤي بصوت واطي:هسسس....تعالي قربي

هديه استغربت منه وراحت قربت منه وقالتله:ها عايز اي؟؟؟

لؤي بابتسامه:انا اصلا ماليش غيرك في البيت ده...

هديه بابتسامه:لا ياشيخ......بلاش لف ودوران وقول يلا عايز اي

لؤي:بصي كده انا من الاخر عايزك تقنعي عز ان اروح الرحله...

هديه:طب وانا مالي....اكيد مش هيسمع مني..ولا هيوافق 

لؤي:لا لا....صدقيني هيوافق لما انتي تكلميه صدقيني 

هديه:وايه اللي يخليك واثق اوي كده

لؤي بابتسامه:عشان انتي غير اي حد....واكيد هيسمع منك...صدقيني.....جربي بس.........يلا بقى

هديه بتوتر:عارف لو شتمني او عمل حاجه...هاجي اكمل عليك....فاااهم

لؤي بضحكه:طب يلا روحي....

هديه قربت من عز اللي واقف سرحان وقالت:احم احم 

زوزو مالك سرحان في اي

عز بصلها وقالها انتي قولتي اي اصل انا مسمعتش

هديه بتحدي:قولت زوزو....في اي....ده حتى الاسم حلو اوي..

عز:اقصري الشر ياهديه ويلا روحي نامي

هديه:بس انا مش عايزة انام

عز:اومال عايزة اي

هديه بخبث:مفيش....كنت جايه اقولك هو اما لو.طلبت منك طلب هتوافق ولا لا...

عز:على حسب الطلب...

هديه:طب ما توافق ياعز ان لؤي يروح الرحله نفسي افهم انت مش موافق ليه...

عز:وهو بقى اللي خلاكي تيجي وتقولي كده عشان ارضى صح..................بس انا مش موافق ياهديه 

هديه:ليه ياعز طب ما.....قاطعها عز 

عز بصوت عالي:وانتي مالك.....تبقى مين عشان تقوليلي كده انتي مالكيش دعوة فاهمه...انتي مفكرة انك واحدة من العيله...عشان تتدخلي في أمورنا الشخصيه...

هديه بدموع:انا اسفه....مش هتتكرر تاني...وسابته وخرجت وهو بص عليها وكلم نفسه وقال:غبي غبي...دايما يامهرة بتيجي في الوقت الغلط اللي بكون متعصب فيه....قاطعه لؤي وهو بيقول...

لؤي بلوم:على فكرة ياعز انا معتبر هديه اختي عشان كده انا اللي قولتلها...بس كل مرة انت بتجرح فيها هديه

بجد انا لو مكانها مكنتش قعدت معاك ولا ثانيه واحدة 

عز:انا كنت متعصب وهي جايه تكلمني....وانت عارف ان محدش بيجي يكلمني وانا متعصب...

منى:بس مكنتش تجرحها بالكلام ده وتخليها تعيط ياعز

عز اتنهد وقال:انا هروح اصالحها....وسابهم وخرج

لؤي بغمزة:مش بقولك اخوكي واقع

منى:ليه يعني

لؤي:طب من امتى وعز بيروح يصالح حد او يعتذر منه

من يوم ما هديه جت وهي غيرت عز خالص..بقى بعتذر ويصالح ويضحك ويهزر....عز حب هديه يامنى

منى بابتسامه:يارب يبقوا من نصيب بعض

عز وهو رايح لهديه لقى باب اوضه سلوى مفتوح...

راح دخل وقفل الباب وراه....

سلوى قامت مفزوعه:في ايي ياعز

عز فضل ساكت

سلوى بتوتر لأنها فكرت ان هديه حكتله:ع...عز..في اي

عز بجمود:انا عارف كويس ياسلور انك انتي اللي حطيتي الويت على الأرض لأنك كنتي مستهدفه هديه

سلوى بخوف:ز..زيت ....زيت اي...انا مش فاهمه حاجه

عز:لا انتي فاهمه....وكويس اوي....وانا عارف انتي بتعملي كده ليه.....بس لو هديه حصلها حاجه ياسلوى متلوميش الا نفسك وقت ساعتها....فااااهمه

سلوى:ليه.....اشمعنى هي.....طب وانا ياعز...انا

عز بجمود:انتي اختي يا سلوى ومش هشوفك غير سلوى اخت سلمى الله يرحمها...مش هشوفك حاجه تانيه...إنما بقى اشمعنا هديه....ف دي حاجه متخصكيش

دي تخصني انا وهي.....فااااااهمه

سلوى بخوف:فاهمه....

عز سابها وخرج....

وهي اتكلمت بحقد وقالت:اخرتك على أيدي ياهديه..

عز راح خبط على اوضه هديه وهي فتحت وعنيها وارمه من العياط....

عز دخل وقالها:هو انا كل كلمه اقولهالك تعيطي وتعملي كده في عيونك 

هديه بجمود:عايز اي....

عز:بحبك ❤️

هديه بصدمه..........

يتبع........

• يتبع الفصل التالي اضغط على ( رواية مهرة العز ) اسم الرواية