كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الاول
_يلا ي بت إنجري وبطلي لكاعة..
=ردت بخفوت ووجع بسبب إيده اللي كانت ماسكة دراعها وضاغطة عليه:ااا..حاااضر بس سيب إيدي لو سمحت..
_إمشي معايا ي بت من غير ولا كلمة..
=هو ممكن أروح للظابط يوم تاني؟
_نعم ي ختي؟ده إنتي جاية فى جريمة قتل هو إنتي جاية زيارة للقسم علشان نحددلك يوم؟
=ردت ببكاء:أنا بريئة والله وما عملتش حاجة..
_أبقى قولي الكلام ده جوا لحضرة الظابط..ده إنتي أمك شكلها داعية عليكي علشان تقعي تحت إيد أدهم باشا المنياوي ده إنتي هتتروقي النهاردة..
=ردت ببكاء:والله أنا بريئة محدش مصدقني ليه بس؟
_لما تدخلي عند الباشا أبقى قوليله الكلمتين دول ي ختي وأبقى قابليني لو صدقك لأن الباشا ما بيدخلش عليه جو العياط والصعبنيات ده والقضية ديه مش هتاخد فى إيده أكتر من يوم وبعد كدة تتقابلي إنتي وعشماوي بقى هههههههههههه
=ربنا على الظالم والمفتري..ربنا ما بيرضاش بالظلم أبدا..
_ماشي ي ست الشيخة..بلغ الباشا إني هنا ومعايا المتهمة فى قضية قتل المهندسة يارا المحمدي..ده إنتي هتتروقي بس الصبر..ههههههههههه
=ردت بحزن:هو حضرتك فرحان فيا كدة ليه؟
_ما هو ده رد الفعل الطبيعي مع الأشكال ****** اللي زيكم هو إنتم فاكرين إنكم هتعملوا المصيبة وفى الآخر هتتعاملوا معاملة كويسة؟لأ ي حبيبتي إنتم هتتعاملوا المعاملة اللي تستاهلوها..هي ديه نهاية ال**** اللي زيكم والمكان ده هو المكان المناسب لأشكالكم
=بس أنا بريئة والله..
_هههههههههه كلهم قالوا كدة ي حلوة ودلوقتي محطوط على قبرهم صبار..
=أدخل يلا الباشا مستنيك جوا..
_ساعة علشان تبلغه..
=وأنا مالي ي عم سامح ما هو الباشا هو اللي كان مشغول وبيتكلم فى التليفون..
_لولا إن القضية إتحولت للباشا مكونتش أنا جيت وشوفت خلقتك البهية ديه..
=طب يلا أدخل له أحسن تشوف وشه التاني لو أتأخرت عليه أكتر من كدة..
_مساء الخير ي باشا..ديه المتهمة ال....
=ششششششش مش عايز رغي وكلام فاضي أرجع إنت مكانك وسيبها وإياااك سامعني إياااااك تكون منتظرني برا وتتأخر عليا فى الدخول أنا مش تحت أمرك ي سامح سامعنيييييي..
_أنا آسف ي باشا..عن إذنك..
*سامح سابه معاها وخرج لقى محمود واقف برا وبيبص عليه وبيبتسم بخبث..
_زعق معاك وبستفك صح ي عم سامح؟
=ولازمتها إيه عم سامح بقى ي محمود..أنا مش عارف إحنا هنستحمل طبعه ده لحد أمتي..هو إحنا مستحملين اللي هنا لما يجيلنا ظابط تاني وكمان صعيدي..ده البت اللي جوا ديه مش هتاخد فى إيده غلوة...
_آه والله ي عم سامح ربنا يستر وتخرج من عنده سليمة..ده أنا سمعت إنها أغمى عليها النهاردة مرتين وده أول يوم ليها أصلا أومال هيحصل فيها إيه الفترة الجاية..
*كنت واقفة قدامه وأنا خايفة..خايفة إيه ده أنا كنت مرعوبة من هدوءه ونظرته ليا..أنا عمري ما دخلت أقسام لأني بخاف منهم أصلا لكن النهاردة دخلت القسم ودخلت الحجز كمان وقعدت وسط المجرمين مع إني بريئة ومستحيل أقتل وبالذات هي..ديه كانت حياتي وعمري كله
_ريواء عادل عز الدين أيوب..متخرجة من هندسة من حوالي 6 شهور..إنتي متهمة بقتل المهندسة يارا المحمدي..إيه ردك على التهمة ديه؟
=ردت ببكاء:أنا معملتش حاجة..أنا بريئة والله..وبعدين ديه حتة من قلبي أقتلها إزاي؟ده أنا إتحملت الوجع علشانها
_بس كان فى شاب معاكي يوم الحادثة وهو اللي أعترف عليكي وهو اللي بيتهمك برضوا فياريت تعترفي بالذوق أحسن ما أخليكي تعترفي بطريقة ما أظنش إنك هتحبيها..
=ردت بإستغراب:شاب؟شاب مين؟أنا ما أعرفش حد هنا لأن أنا أصلا
_إتكلم بحدة:بسسسسسسسس إنتي هتحكيلي قصة حياتك ي روح أمك؟
=مامي الله يرحمها فلو سمحت بلاش تجيب سيرتها..
_إتكلم بحدة:ولما إنتي خايفة عليها وبتحبيها كدة قتلتيها ليييه؟
=ردت ببكاء:والله ما قتلتها محدش عايز يصدقني ليه؟
_إتكلم بحدة:بصي ي بت إنتي لو فاكرة إني ظابط عبيط وهتضحكي عليا بكلمتين تبقى بتحلمي وما تعرفيش مين هو أدهم المنياوي..جو السهوكة والبراءة دول ما بيدخلوش عليا فاااااااهمة..
=_________________
=إتكلم بعصبية:ردددددددددددي..
_ردت بتعب:ممكن..لو..لو سمحت توطي صوتك..
=إتكلم بعصبية أكتر:وهو إنتي عايزانى أتكلم معاكي على مزاجك ولا إيه..إنتي إتجننتي ي بت؟
*أنا عندي فوبيا من الصوت العالي وهو كان صوته عالي جدا وده طبعا وترني ونفسي إبتدي يقل ووشي كان لونه أحمر ومكونتش قادرة أقف وعلشان كدة قعدت على الكرسي اللي كان قدامه وياريتني ما عملت كدة لأنه أتعصب فى ثواني وقام من مكانه وشدني من دراعي ووقفني وقربني ليه وصوته إرتفع أكتر وكان بيزعق جامد بس أنا مكونتش مركزة فى كلامه وكنت فى دنيا تانية خاااالص التنفس كان شبه منعدم وقلبي كان واجعني أوي كأن حد ماسك سكينة وبيغرزها فيه وعيني إبتدت تزغلل وإنتهي بيا الأمر لما أغمى عليا ووقعت جوا حضنه..فوقني وبعدين مسكني من الحجاب بتاعي لدرجة إن شعري كان هيطلع فى إيده..
_إتكلم بعصبية:مش أنا قولتلك إني مليش فى جو السهوكة ده؟هو إنتي فاكرة لما تعملي كدة هتآخدي براءة لأ ي شاطرة ده بسبب اللي إنتي عملتيه ده أيامك معايا هتبقى أسود من قرن الخروب..
=ردت بتعب وضعف:ددد..دم..دم..
_إتكلم بإستغراب:دم؟
*بص عليا شاف على بلوزتي البيضاء بقعة دم كبيرة بتزيد فى الإتساع..
=ردت بتعب:أنا..أنا كنت عاملة حادثة من 3 أيام وعندي..و عندي إصابة فى..فى كتفي و آآآآه...أرجوك..أرجوك عالجني وخلصني من الألم ده..آآآآآه..والله ما بلف ولا بتسهوك أنا تعبانة..لو لو سمحت ساعدني...وبعد كدة عاقبني زي ما تحب...آآآآآه..
**فضلت أصرخ من شدة الوجع اللي كان فى جسمي كله ما هو مش كتفي لوحده اللي كان السبب كان فى سبب تاني..أصل أنا نسيت أقولكم إني مريضة وده كان سبب إن أغمى عليا مرتين فى الحجز وبصراحة ستات الحجز قاموا بالواجب وكانوا بيفوقوني وهما بيضربوني برجلهم فى جنبي..كتر خيرهم ستات أصيلة..المهم نرجع لموضوعنا صعبت عليه فعلا وقلبه رق وحن عليا ونادي على العسكري وشالني حطني على الكنبة اللي كانت فى مكتبه وديه كانت ردة فعل غير متوقعة منه إطلاقا..
*جاب كرسي وحطه جنب الكنبة وقعد عليه وبص عليا وكان ساكت وإستغربت هدوءه لتاني مرة وبعدين لاقيته مسك دماغه بإيده وكان بيحركها يمين وشمال بعصبية وبعدين بص عليا تاني لاقاني بقفل عيني..
_خليكي معايا..أوعي تغمضي عينك..أوعي..
=ردت بتعب:أنا تعبانة أووي...الآلم فظيع...آآآآه..
_الإسعاف هتيجي حالا تآخدك..
=ردت بتعب:مش..مش قادرة...آآآآه..أنا بريئة..أنا معملتش حاجة..مامي أنا تعبانة..مش إنتي قولتيلي مفيش..مفيش تعب تاني..
_إتكلم بإستغراب:مامي؟هي بتخرف ولا إيه؟
*حط إيده على خدي لاقاني سخنة وجسمي إبتدي يرتعش والنزيف بيزيد ووشي شاحب..
_ي نهار أبيض إنتي ناوية تموتي هنا وتجبيلي مصيبة ولا إيه..
*حظي الحلو إن كان جنب القسم مستشفى فما أخدوش وقت علشان يوصلوا...جات الإسعاف وأخدوني وهو حصلنا بالبوكس..بعد فترة فوقت لاقيت نفسي فى أوضة وإيدي مربوطة بالكلبشات فى السرير ففضلت أعيط على حالي وعلى مستقبلي اللي إتدمر فى ثواني..من مهندسة لمجرمة..
_أنا فين؟
=إنتي فى المستشفى..
_إتكلمت بتوتر:هو هو أنا هرجع القسم تاني؟
=آه طبعا بس لما تتحسني علشان تقدري تستحملي اللي هيجرالك لأن من الواضح كدة إنك فافي خالص..
_إتكلمت بتعب:ممكن أطلب من حضرتك طلب؟
=رد بسخرية:أممممممم..خير ي هانم..
_ممكن لما أرجع القسم أقعد فى مكان لوحدي؟
=إتكلم بحدة:ليه ي روح أمك فاكرة نفسك فى فندق؟بت إنتي أنا مش فاضي للدلع الماسخ ده وأنا غلطان أصلا إني أنقذتك يآكشي كنتي تموتي ولا تغوري فى داهية أنا مالي..
_ردت بتعب وضعف:صوتك..صوتك لو سمحت أنا عندي فوبيا من الصوت العالي..وو..وأنا مش بتدلع أنا تعبانة..ولما..ولما طلبت منك أقعد لوحدي فده علشان أصلي براحتي لأن الستات فى الحجز بيفضلوا يغنوا ويضحكوا بطريقة وحشة وكانوا بيضربوني...وأنا خايفة..خايفة أرجع لهم..
=إتكلم بحدة:مين ضربك جوا الحجز؟
_ردت بضعف:وو..وو..
=إتكلم بحدة:إنطقيييييي..
_وو..آآآه..
=مالك؟
_كتفي بيوجعني..آآآآه..
*بص على كتفي لقاه بينزف تاني فنادي على العسكري علشان يروح للدكتور..
_عقبال ما الدكتور يجي مين اللي ضربك ي ريواء؟
=_______________
=مين اللي ضربك؟إنطقي..
_وو..ولاء..
*خلصت كلامي وأغمي عليا والدكتور جه كشف عليا وبلغه إني لازم أبعد عن أي ضغط عصبي الفترة ديه..
_إتكلم بتوعد:ماشي ي بنت الجزمة ي ولاء أنا هوريكي إزاي تطنشي كلامي وتتصرفي من دماغك..
*على الرغم من عصبيته إلا إنه يكره وبشدة أن يتعدى أحد من داخل الحجز أو من خارجه على أي مجرم فهو من يتعامل معهم ويعرف من يستحق العنف ومن يستحق التهديد فقط وريواء لا تستحق العنف لأنه تأكد من إنها لديها شخصية ضعيفة بمجرد تهديدها والضغط عليها ستعترف بكل شئ ولكن يحتاج الموضوع لقليل من الصبر...
*سابني نايمة وساب برا الأوضة عسكري ورجع القسم تاني..دخل القسم وهو متعصب وكل اللي كانوا موجودين كانوا مرعوبين من نظراته..وأول حاجة عملها إنه راح لعنبر السيدات بنفسه..
_إتكلم بحدة:أفتح ي أبني..
=أوامرك ياباشا..
_إتكلم بحدة:ولاااااااااااااء
=ردت بخوف:تحت أمرك ي أدهم باشا..
*بص عليها بهدوءه المعتاد الذي يسبق العاصفة وبعدين ضربها بالقلم ومسكها من شعرها وقربها ليه وقال...
_قولتلك كام مرة قبل كدة إن إيدك مش عايزها تتمد على أي حد سواء جديد أو قديم..
=___________________
_إتكلم بحدة:رددددددي قولت كام مرة؟
=ردت بخوف:كتير يا باشا..كتير..
_ولما أنا قولت كتير كلامي مش بيتسمع ليه؟ده آخر تحذير ليكي ي ولاء بعد كدة هتشوفي مني وش تاني مش هيعجبك نهائي..
_سابها وزقها على الأرض وبص عليهم وكمل كلامه وقال:
الكلام ده لأي واحدة منكم برضوا..أنا آه مش بمد إيدي على ستات بس اللي تعصي أوامري وتحاول تلف وتدور عليا وتفتكر إني مختوم على قفايا..أدفنها فى مكانها ولا يهمني..وأديكم شوفتوا عينة بسيطة خالص من رد فعلي قدام عينكم فياريت نحترم نفسنا أحسن بدل ما أقلبها غم عليكم..فاهميييين
=فاهمين ي باشا..
*سابهم وخرج وهو عفاريت الدنيا بتتنطط قدام عينه..
_كل اللي حصل ده علشان خاطر البت المفعوصة اللي جات النهاردة؟أنا يتعمل فيا كدة بسبب بت مسهوكة زي ديه عاملالي فيها الخضرة الشريفة وهي أصلا جاية فى جريمة قتل هي وعشيقها وحياة مقاصيصي دول لأعرفها مين هي ولاء على حق بقى..
=ي بنتي ملكيش دعوة بيها وأتقي شره..أدهم باشا محدش يعرفه زينا وعارفين إنه لما بيهدد بينفذ تهديده ولما صبره ينفذ مش بيهمه حد..
_على نفسه ي حبيبتي مش عليا..زي ما أنا وإنتي عارفينه فإنتي كمان عارفاني وعارفة إني مش بسيب حقي..
=إنتي حره بقى أنا حذرتك..
__________________________
*فى اليوم التالي فى مكتب أدهم..
_مالك ي أدهم متعصب ليه؟أنا أول مرة أشوفك متعصب بالشكل ده..
=رد بضيق:مفيش حاجة ي زين..
_لأ ده فيه وفيه أوي كمان هو أنا مش عارفك ولا إيه ده إحنا عشرة عمر وأفهمك من غير ما تتكلم أصلا..
*أدهم قص عليه ما حدث..
_وإنت من أمتي بتهتم بالأشكال اللي زي ديه وبتتعصب علشانهم؟
=أنا مش متعصب علشانها أنا متعصب بسبب اللي عملته الحيوانة اللي أسمها ولاء..مش أول مرة تعمل كدة وأنا بقى هتصرف معاها بطريقتي بعد كدة..كانت عندي من فترة وقعدت 4 أيام وبعدين خرجت ورجعت تاني ومن ساعة ما جات المرة ديه وهي كل يوم لازم تعمل مصيبة..حاجة تقرف
_ي عم ما تشغلش بالك وبلاش العصبية اللي إنت فيها ديه ي بني صحتك أهم حاجة عندي ي صاحبي..أرجع هادي وبارد زي ما كنت ي أدهم
=إتكلم بوجع:أنا تعبان أوي ي زين..أنا عمري ما كنت عصبي بس الفترة اللي فاتت صعب أوي إن حد يستحملها..كانت فترة ما أتمنهاش لأعدائي لولا وجود ربنا ثم إنت وسليم أخويا جنبي مكونتش هعرف أعديها...
_واد إنت مش عايزين كآبة على المسا إنجز هنسهر فين النهاردة
=رد بيأس:شوف أنا بكلمك فى إيه وإنت بتتكلم فى إيه يلا خلي عند أهلك دم وحس بمشاكلي زي البني آدمين..
_والله لو مش عاجبك طلقنييي..هيهيهيهيه..
=مش هتتغير أبدا..ههههههههههه..
_بطل رغي بقى وقولي هنسهر فين؟
=لأ أنا مش هسهر النهاردة أنا لازم أروح المستشفى علشان أشوف حالة المتهمة وصلت لإيه..
_متهمة إيه؟
=ي بني المتهمة اللي كنت بحكيلك عنها دلوقتي..اللي قتلت مامتها..
_آآآآه معلش نسيت..
=إتكلم بإستغراب:نسيت؟إنت ظابط إزاي ي بني؟ي خوفي تكون بتتلغبط بين القضايا وبتلبسهم كلهم فى بعض..
_هههههههههه لأ ما تقلقش أنا تايه فى كل حاجة إلا الحاجة اللي تخص شغلي ي صاحبي..
=طب ما هو ده تخصص شغلك..
_بس مش قضيتي...
=لأ رد مقنع..ربنا يستر..
_طب بقولك إيه هروح معاك تعرف حالتها وصلت لإيه وبعدين نخرج سوا ونروح نقعد قدام الكورنيش
=اشطا
_____________________
_إتكلمت بقلق:مالك ي ريواء مين اللي عورك بالشكل ده؟
=ردت ببكاء:كنت بعب(بلعب) مع العروسة تاعتي
(بتاعتي) وبعدين روحت لبابي علشان أعب(ألعب) معاه بس هو رفض وزعق فيا جامد ي مامي وزقني فوقعت على الأض (الأرض) ورأسي إتخبطت فى التبيزة( التربيزة)
_إتكلمت بحدة:إنت هتفضل همجي كدة لحد أمتي؟بقى البنت تكون عايزة تلعب معاك وتعمل فيها كدة؟
=بقولك إيه أنا لا فايقلك ولا فايق لبنتك ولآخر مرة هقولهالك أنا بكرهها..سمعتي بكرههااااااا..
_وأنا كمان مش بحبك ي بابي أنا بكرهك علشان إنت وحش..
*سمع ردها فقرب عليها وضربها بالقلم..
_إنتي بنت مش متربية
=بنتي متربية أحسن تربية الدور والباقي على الناس اللي معدتش عليهم التربية بالصدفة حتى أظن فاهمني طبعا..
*خلصت كلامها فلاقيته إنقض عليها وكان بيضرب فيها بوحشية وريواء كانت بتصرخ وبتحاول تدافع عنها..
_سيبها..سيب مامي..سيبها..كفااااااية..عااااااااا
=إتكلم بخضة:فى إيه؟
*أول ما فتحت عيني لاقيته قدامي وبيبص عليا..
فضلت ساكتة ومتنحة وباصة فى عينه..
_كنتي بتحلمي ولا إيه؟
=للأسف آه..آنا عايزة أشكر حضرتك علشان ساعدتني إني آجي المستشفى قبل ما يفوت الأوان..
_الشكر لله..شدي حيلك كدة علشان نكمل تحقيقنا بقى..
=حاضر..ممكن تناديلي الممرضة وتشيل الكلبشات ديه من إيدي؟
_نعم ي أختي؟
=إتكلمت بتعب:أنا عايزة أقوم أصلي ومش هعرف أصلي وهي فى إيدي..ما تخافش مش ههرب..الأوضة ما فيهاش مخرج وأنا صحتي ما تساعدنيش إني أهرب أصلا بس أنا فعلا مش هعرف أصلي بيهم..
*بصلي بإستغراب وبعدين بص لصاحبه اللي كان معاه..
_ماشي...زين روح نادي للممرضة..
*جات الممرضة ودخلت ساعدتني وبعدين فضلت أصلي كتير أوي وأدعي وأعيط وهي فضلت قاعدة جنبي مستنية إني أخلص وكانت باين عليها إنها طيبة لأنها كانت بتعيط علشاني وبعدين ساعدتني إني أطلع على السرير تاني وأول ما طلعت نمت..
_بقى القمر ديه تتسجن؟عيون رمادي توقع أي حد من سحر جمالهم ولدغة فى حرف الراء وبتصلي ومحجبة..وبصراحة ملامحها حلوة وهي مزة أووي..
=رد بحدة:جري إيه ي زين من أمتي بنعاكس المجرمين وبنعجب بيهم؟
_بص أولا أنا أول مرة أعمل كدة بس البت فعلا تستاهل إني أتغزل فيها ثانيا أنا مش متعاطف معاها بس البت ديه ما تقتلش..أكيد فى حاجة غلط
=وأنا كمان شايف زيك كدة بس التحقيق معاها هو اللي هيأكد لنا كل حاجة
_إطمنا خلاص ممكن نخرج بقى؟
=ممكن..
_نشوف لينا بنتين علشان نطري القعدة ولا بلاش؟
=بنتين ونطري القعدة..إمشي ي حيوان قدامي بدل ما أتغابي عليك..
_طب إنت وليك حب قديم أنا بقى لا ليا قديم ولا جديد..
=رد بإستغراب:حب قديم إيه؟
_رد بتوتر:هه..حب قديم إيه مين قال كدة إنت وقعت على ودنك وإنت صغير ي أدهومتي ولا إيه؟
=بص له بغيظ لأنه بيدايق من الأسم ده وقال:غور من وشي أحسن هتغابي عليك والله لو فضلت ثانية كمان قدامي
_لأ وعلى إيه أنا مش مستغني عن حياتي ي عم أنا لسه شباب بالعواف ي سي الأستاذ..
=هههههههههه وربنا إنت مجنون..
*زين محدثا نفسه:الحمد لله كنت هبوظ الدنيا...
*راحوا قعدوا قدام الكورنيش وأدهم كان قاعد سرحان
_أدهم...أدهم...يسطاااااااااااا
=فى إيه؟؟بتجعر كدة لييييه؟
_بنادي عليك وإنت مسافر شكلك كنت بتصيف باين..
=أبو ظرافة أهلك...أنا مش عارف أنا مستحملك كل السنين اللي فاتت ديه إزاي؟
_رد بثقة:علشان بتحبني وعلشان أنا اللي فى القلب..
=رد بشرود:آه طبعا هو أنا ليا غيرك ي صاحبي..
_أنا عمال أهزر معاك من الصبح علشان تفك وإنت بتضحك وخلاص وبتجبر بخاطري..مالك ي أدهم فى إيه؟
=مش عارف ي زين حاسس إني مش مظبوط بقالي كام يوم وإمبارح حسيت بوجع جامد فى دماغي وكمان كان فى مشاهد تخيلتها بس كانت مشوشة مش واضحة أوي ومكونتش قادر أفهم منها حاجة..
_يعني إنت أول مرة تحس بكدة؟
=رد بكذب:لأ كنت بحس بيها قبل كدة وعرفت إن ديه حاجة طبيعية وبقالها حوالي 3 سنين مش بتحصل وحتى لما كانت بتحصل كانت بتبقى كل فترة كدة يعني ممكن فى السنة 6 مرات بس لكن الموضوع ده حصل معايا إمبارح مرتين والنهاردة مرة كمان..
_يلهوي على الجمال والحلاوة..هو فى قمر كدة ي جدعان..
=رد بإستغراب:جمال وحلاوة؟إنت بتشقط وإنت جنبي؟
_أشقط قدامك أحسن ولا أشقط من وراك وتنفضح بسببي فى الداخلية ويتقال صاحب المشقوط أهو..ااا قصدي الشاقط
=يعني أنا بحكيلك اللي تاعبني وإنت بتاعكس؟إنت اللي بيجري جوا جسمك إيه دم ولا مايه؟
_رد بتلقائية:نسوااان..
*أدهم مسك المسدس بتاعه وبعدين شد الزناد وصوبه ناحية زين
•تابع الفصل التالي "رواية كيف لا اعشقك وانت عمري" اضغط على اسم الرواية