رواية مهرة العز كاملة بقلم مريم عبر مدونة دليل الروايات
رواية مهرة العز الفصل العشرون 20
البارت العشرين
مهرة_العز
رفيف بصدمه:اييي......
اسر:زي مابقولك كده.....مهرة عند عز في البيت
رفيف على نفس الصدمه:ازاي وفين طب وهي كويسه.....ومقولتش ليهه
اسر:اهدي بس انتي الاول.....وايوة هي كويسه وبخير
رفيف:طب هي معاه ليه...
اسر:الموضوع ده مينفعش على الفون.....لازم نتقابل عشان احكيلك كل حاجه.....
رفيف بأمل:حاضر...
اسر:هنتقابل بكرة في كافي****الساعه 4
رفيف:تمام
اسر بابتسامه:تصبحي على خير
رفيف بابتسامه:وانت من اهله...
🦋♡♡♡♡♡♡♡♡🦋
عند شمس قلقت من النوم.....وراحت المطبخ عشان تشرب وهي خارجه لمحت باباها قاعد في الصاله وسرحان ...شمس زعلت على حال باباها ودعت ان هما يلاقوا مهرة بقى عشان باباها بيموت بالبطئ ودخلت المطبخ وشربت وراحت لسه هتدخل اوضتها مامتها شدتها من دراعها وقالتلها
عبير بخبث:شوفتي زعلان ازاي ومش بيرضى ياكل
شمس بحزن:ايوة ياماما
عبير بخبث:عرفتي بقى انو بيحبها اكتر منك
شمس باستغراب:انتي ازاي كده بجد.....انا ساعات بحس انك مش امي...انا نفسي افهم مهرة عملتلك ايه
ليه من صغرها وانتي بتكرهيها ليه بتخليني انا كمان اكرهها ليييييهههه....مهرة دي اختي ومن لحمي ودمي وطبيعي بابا يكون خايف عليها عشانها بنته والكبيرة كمان ولو انا كنت مكانها اكيد كان هيخاف عليا كده...بس ليه الحقد والكُره اللي في قلبك ده لييه
طب لو انا اللي كنت مختفيه كده...مهرة كانت هتفرح بالعكس لا دي كانت عتقلب الدنيا عشان تلاقيني بالرغم من اللي بعمله فيها لس انا متأكدة انها بتحبني واكيد بتخاف عليا......اشمعنا انا بقى كمان مش اخاف عليها
اشمعنا....ها.....سكتي ليه.....طبعا مش لاقيه رد...بس انا
عارفه انتي ساكته ليه...ومش عندك رد...عارفه ليه..عشانك انانيه ومش بتحبي الا نفسك وبس حتى انا مش بتحبيني انتي كل همك الفلوس...وبتعملي كل ده فس مهرة عشان تتنازلك عن حقها...ده لو طولتي تبيعيني عشان تاخدي فلوس...مش هتترددي ثانيه واحدة.....كفايه بقى كفايه سيبينا في حالنا انا وبابا وروحي انتي اتفسحي واشتري هدوم وملكيش دعوة بينا انا وبابا......وسابتها ودخلت اوضتها وقفلت الباب من جوة بالمفتاح وانهارت في البكاء وفضلت تفتكر مهرة وكل لحظاتهم من وعما اسه صغيرين..وقد اي كانت بتعامل مهرة وحش لحد ماكبرواا....
شمس بعياط:انا اسفه يامهرة ياريت تسامحيني بجد...والله العظيم اسفه....طب لو انتي بتعملي كده ومش عايزة ترجعي عشان كنت بزعلك اوعدك أن انا مش هزعلك تاني والله مش هزعلك....بس والنبي ترجعي بقى لاني تعبتتتت اوييييي....وفضلت تدعي ربنا شويه وبعدها نامت عشان تصحى بدري للرحله...
🦋♡♡♡♡♡♡♡♡🦋
في صباح يوم جديد على ابطالنا ○•°○•°○•°○
صحيت هديه كعادتها توضأت وصلت فرضها ولبست بلوزة صوف لونها اورنج وبنطلون جينز ازرق ورفعت
شعرها في كعكه فوضويه ونزلت عشان تفطر....
.....
عز صحى من النوم وتوضأ وصلى فرضه وعمل شويه تمارين ولبس قميص ابيض يبرز عضلاته وبنطلون اسود وصفف شعره وحط البرفيوم بتاعه ونزل...
(حاسه اني بوصف فتى احلامي مش عز😂😂)
عز خرج من اوضته وقابل هديه في وشه...
هديه بابتسامه:صباح الخير
عز بابتسامه:صباح النور........اول مرة تصحي بدري
هديه بغيظ:هههه...لا على فكرة انا كل يوم بصحى بدري بس بنزل متأخر.....
عز برفع حاجب:طب وايه نزلك بدري
هديه:عشان....اممممممم.....اه عشان ازدع لؤي
عز بضحك:وهو لؤي لسه هيستناكي
هديه بغيظ:طب يلا ننزل....اكيد لسه تحت.....
عز وسعلها الطريق وقالها اتفضلي....وهي نزلت الاول
وبعدين عز جز على سنانه وقالها..
عز:هو انا ليه كلامي مش بتسمع؟؟؟
هديه باستغراب:في اي مش فاهمه
عز:ايه اللي انتي لابساه ده؟؟
هديه فهمته بس حبت تستفزه.. فقالت بابتسامه؛مالو لبسي؟؟
عز بغضب مكتوم:هديه...متستفزنيش فاهمه
هديه بضحك:خلاص. ياسيدي بهزر....بس والله حلو
عز:ماهي دي المشكله...
هديه برفعه حاجب:ياسلام يعني مشكلتك اني حلوة
عز:انتي تصلا حلوة وبتحلوي اكتر لمابتلبسي حاجه من دي....انا واحد غيور ومحبش حد يشوفك حلوة غيري..فاهمه؟؟
هديه بضحك:طب يلا ندخل يلا...
وبالفعل دخلوا وصبحوا على اللي قاعدين😂
وقعدوا عشان يفطروا.....
هديه:هو لؤي مشي....
عز بضحك:معرفش ليه مش مصدقاني
سلوى بتريقه:هه ليه كان لسه هيستنى لما حضرتك تقومي من النوم....
عز بصلها بصه كتمتها..😂
منى وهي بتحرق دمها وبتقول:ايوة على فكرة لؤي كان واقف بيستناها وبيقول مش همشي من هنا الا اما اسلم على هديه بس سمع صوت اوضتك بيتفتح قام قايم وقال بلغوا سلامي لهديتي....طبعا هي متعرفش انها حرقت دم عز كمان مش سلوى بس😂
عز وهو بيجز على سنانه:مش يلا يامنى على الجامعه ولا اي...
منى بخوف:اه اه.....هقوم اهو.......وبعدين هرجع اخد هديه ونروح المول عشان نختار فساتين لعيد ميلادي
سلوى:ومش هتاخديني؟؟
منى:هو انتي هديه؟؟
احمد حاول يكتم ضحكته بالعافيه هو ونجوى...
هديه:هو انتي عيد ميلادك امتى يا منمن...
منى بابتسامه:بكرة ياحبيبتي
هديه بابتسامه:كل سنه وانتي طيبه ياقلبي
منى وهي بتقوم:وانتي طيبه ياعمري
عز طبعا كان هيعارض ان هديه تروح مع منى بس لما شاف فرحتها محدش يزعلها.....
في اسكندريه ○•°•○•°•○
شمس كانت بتتمشى على الشاطئ وسرحانه ....لؤي كان متابعها من ساعه ما وصلوا....وقرر خلاص انو يروح يقعد معاها.....
لؤي بابتسامه:مالك ياشمس حاسك مش مبسوطه
شمس بابتسامه:لا مبسوطه
لؤي:بس انا شايف عكس كده تماما
شمس:اممم وحضرتك بقى شايف اي؟؟
لؤي وهو بيقعد:شايف انك تعبانه ومخبيه حاجات كتير
وهموم كتير....صح ولا اي
شمس والدموع في عنيها:للدرجه دي باين عليا؟؟
لؤي:لو عايزة تحكي انا سامعك....صدقيني مش هقول لحد حاجه لو انتي خايفه اقول..
شمس وزي ماتكون صدقت ان حد هيسمعها مسحت دموعها وقالتله انا وحشههه اويي يالؤي
لؤي بحزن:ليه بس بتقولي كده....
شمس:اناعندي اخت اكبر من بس من الاب من واناةاحنا صغيرين وانا بكرهها اويي....وبعمل فيها حاجات كتير وحشه ماما هي اللي كانت بتكرهني فيها بس هي كانت بتحبني اويي مهما عملت فيها كانت بتحبني وفضلنا كده لحد ماكبرتا خلاص وهي متعقده بسبب طفولتها ودخلت تربيه أطفال عشان اللي عاشته ومع ذلك ماما بردوا بتكرهها وبتكرهني فيها تعرف ان هي كامت عايزة تجوزها عشان تاخد الفلوس بتاعتها اللي مامتها سابتها ليه قبل ماتموت......
لؤي بحزن:يعني انتي متضايقه عشان كده....خلاص روحي قوليلها انك بتحبيها واكيد هي هتفرح
شمس بدموع:ياريتني......ياريت بجد يالؤي اشوفها واقولها....
لؤي باستغراب:تشوفيها ازاي......انا مش فاهم
شمس اتنهدت وحكت لهم لؤي على كل حاجه من الاول خالص لحد امبارح اللي حصل بينها وبين مامتها....
لؤي بحزن عليها وكان نفسو ياخدها في حضنوا بس رجع في كلاموا.....وبعدين قالها
لؤي بحزن:متعيطيش وحياتي عندك......انتي مش وحشه ياشمس....وبدليل انك منهارة قدامي دلوقتي
واكيد انشاء الله ربنا هيرجعها ليكوا بالسلامه صدقوني
بس انتي مش معاكي صورة ليها.....
شمس وهي بتمسح دموعها:ايوة معايا بس الفون فاصل ونسيت الشاحن اما ارجع واشحنه هبقى اوريهالك..
لؤي:طب اهلك هيطمنوا عليكي ازاي
شمس بضحكه استهزاء:قصدك بابا...مش اهلي...وعلى العموم اكيد هيرن على ياسمين....وهيطمن عليا من عندها....
لؤي بابتسامه محاولا المرح:طب يلا تعالي نتسابق....
شمس ابتسمت ومسحت دموعها وقامت....
🦋♡♡♡♡♡♡♡♡🦋
عند منى في الجامعه خلصت كل محاضراتها وخرجت
وحبت تكمل خطتها.... اتصلت ب ياسر...
ياسر:الو يامنى عامله اي
منى بابتسامه:الحمدلله وانت اخبارك
ياسر بابتسامه:تمام
منى:عندك شغل ولا اي
ياسر:لا قاعد فاضي
منى:اممممم...طب اكلت
ياسر وهو حابب اهتمامها:ايوة اكلت
منى بفضول:اكلت اي
ياسر بضحك:كشري
منى:مالك بتضحك ليه
ياسر:على فضولك..يافضوليه...
منى بضحك:اعمل اي يعني انا فضوليه الله...
ياسر:كان عندك محاضرات النهاردة
منى بفرحه:ايوة كان عندي...
ياسر:اممم
منى بتحاول تفتح اي موضوع:مش عيد الحب لسه عليه اسبوع
ياسر وهو بيتعمل من على الكرسي:ايوة صح فكرتيني...منى بما انك بنت...اي اكتر هدايا بتحبها البنات في يوم زي ده...
منى:معرفش والله لان محدش جابلي هدايا في يوم زي ده.......بس انت بتسأل ليه
ياسر:عايز اجيب هديه حلوة تعجب منه بس مش عارف اجيبلها اي...
منى بانفعال:ومتجبش ليا ليه
ياسر باستغراب:افندم
منى وهي بتحاول تهدى:قصدي يعني ان عيد ميلادي بكرة مش هتجيب ليا هديه ولا هتستخسر...
ياسر :بجد عيد ميلادك بكرة
منى:امممم
ياسر:كل سنه وانتي طيبه يامنمن
منى بتوهان:انت قولت اي
ياسر فكر انو ضايقها بالكلمة دي فقالها:مفيش انا اسف
منى:طب هتيجي بكرة
ياسر:ايوة وهجيب منه معايا كمان
منى بشرار:امممم منى بنت عمك
ياسر بضحك:ايوة وحبيبتي
منى وهي بتتحرق:حاضر.....سلام بقى
ياسر"سلااام
منى وهي بتشيط:حبيبتك......حبك برص....مش عارفه انا بحبك على اي
ومشت عشان تاخد هديه......
🦋♡♡♡♡♡♡♡♡🦋
أسر قاعد مستني رفيف.....وشويه ورفيف وصلت
أسر بابتسامه:اخيراااا....كل ده تأخير
رفيف بابتسامه:انا اسفه....بس الزحمه بقى
اسر:ولا يهمك ياقمر
رفيف:افندم
اسر باحراج:احم احم.....تشربي اي
رفيف:قهوة ساده على روحك يابعيد
اسر:نعم
رفيف بابتسامه مزيفه:ههه بهزر
اسر:اممم.....
رفيف:طب مش هتحكي بقى....لاني على اخري
اسر:بصي ياستي.......
وحكى اسر كل حاجه من ساعه الحادثه لحد عبير ماشافتهم في المول عشان كده عز كان خايف عليها ومش عايز يرجعها قبل ما يعرف حكايتها وهو مش هيرجعها الا اما يشوف طريقه يبعد فيها عبير عن مهرة
رفيف بحزن وفرحه في نفس الوقت:بجد انا مش عارفه اقول اي لعز صاحبك ده....بجد كلمه شكرا مش مكفيه
وبجد العقربه عبير دي انا مكنتش مستغراباها في حاجه زي دي......دي فاتها فرحانه دلوقتي ان مهرة فقدت الذاكرة.....ياحبيبتي يامهرة......بس انا عايزة اشوفها والنبي يا أسر....
اسر:طيب هتشوفيها بس كأنك قريبتي وهتتعرفي عليها عادي....اتفقنا
رفيف بابتسامه:اتفقنا....
🦋♡♡♡♡♡♡♡♡🦋
عز راح مكتبه لانه معتش طايق القعده في البيت...
وطول ما هو قاعد كل اللي شاغل تفكيره مهرة
وعايز يرجع البيت تاني بس مينفعش.....
العسكري دخل عليه وفضل ينادي عليه وهو سرحان
العسكري:يافندمممممم
عز فاق على صوته:اييييي ايييييه...ما توطي صوتك شويه
العسكري:منا بقالي ساعه بنادي عليك يافندم
عز بجمود:عايز اي
العسكري:سياده اللوا عايزك
عز:تمام...قوله هيجي اهو.....
عز خبط وبعدين دخل
عز بابتسامه:خير يافندم
اللوا بابتسامه:شايفك بقيت كويس وقطعت الاجازة ونزلت الشغل...............للدرجه دي الشغل وحشك
عز بابتسامه:اه والله وحشني......اصل انا زهقت من البيت وقعده البيت عشان كده نزلت...
اللوا بابتسامه:طول عمرك بتحب الشغل...زي باباك بالظبط مش بيحب البيت خالص
عز بضحك:حصل........احم احم....لو حضرتك توافق طبعا ياريت تشرفنا بكرة في البيت عاملين حفله عيد ميلاد منى بكرة
اللوا:اكيد طبعا هاجي
عز:هستني حضرتك بكرة.........هستأذن انا بقى
اللوا:اتفضل...
🦋♡♡♡♡♡♡♡♡🦋
منى رجعت البيت وخدت هديه وراحوا مول عشان ينقوا فساتين لبكرة وفضلوا يلفوا ساعتين لحد ما كب واحده اشترت حاجتها وخرجوا....
(هسيب الهدوم مفاجأه لبكرة😂)
منى:اي رأيك نروح كافي
هديه بتعب:اشطا......
وراحوا قعدوا في كافي قريب منهم....
🦋♡♡♡♡♡♡♡♡🦋
اسر اخد رفيف وراحوا على الفيلا ورفيف مصدومه من جمال الفيلا وأسر لاحظ ده
اسر بضحك:مش متعودة انتي على حاجه من دي
رفيف بغيظ:اممممم
اسر بابتسامه:انا بيتي كده بردوا
رفيف:وانا اعمل اي
اسر:لو تحبي اخدك لفه لهناك
رفيف بغيظ:وانا اروح بيتك بصفتي اي انشالله
اسر بدون وعي:مراتي
رفيف بصدمه:نعم...قطع كلامهم دخول نجوى
نجوى بابتسامه:اهلا اهلا ياسي اسر...معدناش بنشوفك يعني ...
اسر وهو بيسلم عليها:اعمل اي يعني...مش ابنك اللي محذر عليا..لو جيت هيقطعلي رجلي...وانا بصراحه مش مستغني عن رجلي ابدا....
نجوى بضحك:وحشني هزارك والله.......بغمزة اومال مين القمر اللي معاك دي يا أسر
اسر:اه صح نسيت اعرفك....دي رفيف بنت خالي
ولسه جايه من ألمانيا ونش عندها اصحاب هنا ف جبتها تتعرف على منى وهديه عشان يبقوا مع بعض
وكمل كلامه لرفيف:ودي بقى ياستي...مامت عز اللي حكتلك عنه....اللي اعز من اخويا كمان
نجوى:اهلا وسهلا ياحبيبتي
رفيف بابتسامه:اهلا بيكي ياطنط
نجوى:بس هديه ومنى مش هنا
رفيف بصدمه:نعم
نجوى باستغراب:في اي ياحبيبتي
اسر بيحاول يخبي الموضوع:ههه مفيش ياخالتي بس هي كده لما مش بتلاقي حد هي عايزاه بتقول نعم
نجوى ضحكت عليه وبعدين نزلت سلوى بغرور وقالت
سلوى:امممم في ضيوف عندنا ولا اي
اسر بيحاول يغيظها:انتي نسيتي انك ضيفه انتي كمان ولا اي
سلوى بغيظ منه:ههههه دمك شربات
رفيف بفضول:اومال هما فين
سلوى:مين دول
رفيف:منى ومه....قصدي هديه فين
سلوى برفعه حاجب:وانتي تعرفي هديه منين
اسر:حكتلها عنها.....في مانع
نجوى:هما في المول بيجيبوا شويه هدوم عشان عيد ميلاد منى بكرة...فاتهم جايين هما بقالهم كتير
اسر:اه تصدقي نسيت كنت هنسى اجيب هديه لمنمن
كويس انك فكرتيني
نجوى بضحك:اه والله عشان انت عارف لو منمن بتاعتك دي عرفت انك نسيت كانت هتاكلك وفضلوا يضحكوا ورفيف حست ببعض الغيرة والحزن لأنها فكرته مرتبط ب منى....
رفيف بحزن مكتوم:هي منى تبقى حبيبتك
اسر بيحاول يغيظها:اممممم واكتر كمان....مش صح يانوجه
نجوى بضحك:ايوة صح...وقطع كلامهم دخول عز
عز:صح على اي؟؟
اسر بضحك:منى حبيبتي وغمز لعز وعز فهمه وضحك
عز:ايوة صح....
نجوى :هروح اعملكم حاجه تشربوها واجي
رفيف في بالها:يعني فيلا طويله وعريضه زي دي مش هاين عليهم يجيبوا خدامين...
اسر ميل عليها وقال:تؤ عشان احنا مش بنحب نشغل حد بنحب نعمل كل حاجه ب ايدينا محدش يعملهلنا
رفيف بصدمه:انت عرفت ازاي اني بفكر في كدا
اسر بغمزة:عندي الحاسه السادسه
قطع كلامهم دخول منى وهديه وعي بتقول
هديه:عسليه تعالي شوفي احنا اشترينا اي
(عسليه اللي هي نجوى بس بتدلعها😂)
رفيف بفرحه جرت عليها وحضنتها وقالت:مهرة وحشتيني اوييي
هديه بصدمه:مهرة
- يتبع الفصل التالي اضغط على ( رواية مهرة العز ) اسم الرواية