رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل السادس والعشرون 26
البارت السادس والعشرون
رواية قسوة عشق
بقلمى /ملك عبد اللطيف
فى مكتب حازم الجندى يجلس ويكلم احدهم بغضب فى الهاتف
حازم بغضب
_ يعنى ايه معملتش حاجه زعقتلك بس يعنى مشتكتش لكنان
حسام بغضب
_ لا ياحازم مشتكتش لكنان قولتلك هيا مش بتثق فيه للدرجادى عشان تقوله اللى انا عملته فيها امبارح
حازم
_ ماانا عاوزها تثق فيه وتحبه ونخلص ياحسام بقا مش عارف كنان ليه موقعهاش لغايت دلوقتي
حسام
_ اقولك على حاجه ياحازم ومتزعلش
حازم
_ قول ياحسام انت ابن صاحبى وزى ابنى
حسام
_ بما انى برضو قريب فى السن من كنان انا بعرف اللاحظ برضو نظراته ليها اسكان هيا حب ولا هوا بجد بيمثل عليها
حازم
_ يعنى ايه قصدك ايه....؟
حسام
_ انا خايف بصراحة كدة ان السحر يتقلب على الساحر وابنك هوا اللى يحبها ويقع فى شباكها وبصراحة البت حلوة وتتحب وكمان ابنك مش مقتنع بكذبك ده
حازم
_ لا لا ابنى مش بتاع الكلام ده ياحسام ومش بالسهولة دى هيحب البت دى لا لا مستحيل
حسام
_ مفيش حاجه مستحيل ياحازم كمان انت مش قايله حاجة مقنعة تخليه يكرها ويبقا عنده سبب مقنع انه ينتقم منها ولا عشان انت اللى غلطان فى الحكاية دى
حازم بغضب
_ لا مش انا بس الغلطان وبعدين كنت هقوله سبب مقنع ايه اكتر من اننا هنفلس بسببها وكمان جالى مرض القلب بسببها وممكن اموت ماهوا دهه اللى خلاه يوافق
حسام
_ طب ياحازم يعنى هنعمل ايه عشان هيا تثق فيه
حازم بتفكير خبيث
_ هيا عشان تثق فيه يبقا لازم نعملها مشكلة وهوا يحلها وبكدا تثق فيه
حسام
_ ايه هيا المشكلة دى بقا....؟!
حازم بخبث
_ اسمعنى كويس بقا وركز كدا معايا...................
ـــــــــــــــــــــــــــــــــــــــــــــــــــــــــــــ
فى إحدى الكافيهات التى بالقرب من كلية الفلسفة وعلم النفس تجلس هيا وصديقتها بتذمر ينتظران يزن
نازلى بغضب
_ انا زهقت ايه القرف ده قالنا تعالوا قبل المحاضرةعشان نتقابل ومجااش الاستاذ
نادية بتهدئة
_ اهدى يانازلى زمانه جاى ممكن يكون الطريق زحمة ولا حاجه
يزن من خلفهم
_ فعلاً الطريق زحمة وصاحبتك دى مش هتجبها البر معايا
نازلى وهى تدير وجهها حتى تراه
_ اهلاً بالأستاذ كل ده تأخير ياخويا
نادية
_ خلاص بقا مقالك السكة كانت زحمة
نازلى بغضب
_ ناااادية انتى متأكدة إنك صحبتى ولا اتحولتى كدا فجأة وبقيتى صحبته
يزن بضحك
_ خلاص بقا هتتخانقوه عشانى خلينا فى المهم يجاامعة
نادية بأستغراب
_ انت مقولتلناش جايبنا هنا ليه....؟!
يزن
_ بصو اصلك عمرو ذكى وممكن يشك فينا ولو عرف اننا بنمثل عليه اول حد هيتضر فى الموضوع ده هوا انتى
نادية بصدمة
_ انااا...!؟ ليه بقا
نازلى بمقاطعة ليزن
_ بص ياعم الحج انت احنا وافقنا عشان صحبك صعب علينا تيجى دلوقتي بقا وتقولنا نادية اول واحدة هتضر ومش عارفة ايه وكدا يبقا لا منعطتلكش ياباااااا
نادية بغضب
_ ماتهدى بقا يانازلى وخلينا نشوف هنعمل ايه وفعلاً عاوزين فكرة ندخل بيها عليه عشان بس ميحسش بأننا بنعمل كدة عشان يتعالج
يزن
_ عليكى نور بصو زى ماقولتلك احنا كنا متراهنين وهوا اصلا كان متراهن عليكى انتى فاانا هخليه يخش عليكم كأنه معجب وانتو توافقوا وانتى يابت انتى لازم تمثلى انك بتحبينى او حتى تبقى صديقتى قدامه عشان انا اللى اكسب الرهان ويكون هوا وثق فى نادية فاهمين
نادية
_ اه فهمنا بس انا دورى ايه برضو مش فاهمة
يزن
_ بصى يانادية انا هقولك بصراحة انا صاحبى عمرو اساسا بتاع بنات حتى من قبل مايحب البت اللى خانته دى وانتى اول مهمة ليكى إنك تبعديه عن اى بنت وكمان عن صحابه السيئين دول وكمان لو قالك يعنى تخرجى معااه وكدة مترفضيش
نازلى
_ اه قول كدة بقاااا ياحلو انت وصاااحبك انت يااااض بتحسبنا مغفلين ولا بنات فى كى جى توو بص ياحلو انت انسا حاجة زى دى اصلا قال خروج قال
نادية
_ نازلى قولتلك اسكتى حبة وفيها ايه يعنى المهم يثق فيا ويبطل الهباب اللى بيشربه ده بس يعنى اظن انكو هتبقوا معانا صح
يزن
_ ايوة انا والبت دى هنبقا معاكى ومش هسيبك واظن بقا انتى هتبقى عارفة الباقى وهتعملى ايه يعنى وعيه فهميه انصحيه مثلاً انتى عارفة بقا
نادية بتفهم
_ اه فاهمة هنستأذن احنا بقا عشان ورانا محضرة ولما تبدأ فى الخطة قولنا
يزن وهو ينهض
_ اساسا لما تلاقونى واقف معاه تعرفوا اننا هنبدأ وانتى يابت انتى حسنى تصرفاتك معايا حبة عشان عارفة لو هوا شك فى حاجه هيبقا بسببك
نازلى وهى تلوى فمها كالاطفال
_ انشاء الله ده لو اصلا معتطلكش بوكسين فى خلقتك واخلص
نادية وهى تشدها حتى ينهضوا
_ يلاااااا يانازلى يلااا مفيش فايدة فيكى عن أذنك يااستاذ يزن
لينهضا الاثنان ويمشوا ويتركوا يزن بمفرده
يزن بتنهيدة
_ ربنا يستر بقاا ونعرف نخليه يبطل يارب
ـــــــــــــــــــــــــــــــــــــــــــــــــــــــــــــــ
فى شركة حياة رچدان تجلس جانسو وتعمل بجد ونشاط ومعها أمير لانهم يحضرون ورق لتسليم الشحنات غدا
جانسو بتعب
_ اوووف انا تعبت هخلى السكرتيرة تكمل كفاية كدة
امير
_ تمام 👌 وانا كمان جبت زياد سكرتير كنان هيساعدنا اووى فى الشغل
جانسو
_ طب كويس هروح اودى الورق للسكرتيرة وهروح اتغدى تيجى معايا
امير
_ ماشى يلاا
ليذهبا الاثنان للأسفل متجهين نحو مطعم بالقرب من الشركة وفى نفس الوقت صعد زياد للأعلى حتى يبدأ عمله فى هذه الشركة او بالاصح انتقامه من جانسو اتجه زياد نحو مكتب السكرتير ليستلم وظيفته انه سكرتير امير وكنان
وعلى الناحية الاخرى فى جامعة الهندسة تجلس لمار فى المدرج بتأفف من هذه المحاضرة التى تكرها وبشدة
الدكتور الخاص بالمحاضرة
_ النهاردة عندنا...........................
ليبدأ الدكتور بشرح المحاضرة وبعد ساعتين تقريباً ينتهى من الشرح ثم يقول
_ اكيد طبعاً عارفين ان فيه اعمال سنة وانا مش هديها لأى حد كدة وخلاص اللى عاوز الدرجات بتاعته كاملة لازم يتدرب فى شركة خاصة بأعمال الهندسة لمدة اربع شهور ويجيب درجة عالية من الشركة دى اظن فاهمين
ليتكلم جميع من فى المدرج مع بعضهم عن هذا الموضوع وتغضب لمار وبشدة لأنها تكره هذه الكلية التى دخلت بها بالغصب بسبب اختها
لمار بغضب وهى تخرج
_ اوووف بقاا الواحد مكنش عاوز اصلا يخش ام الكلية النحس دى لا وكمان مش هيدينا اعمال سنة غير لما نتدرب فى شركة.....شركة ايه دى اللى تقبل بواحدة زيى
لتفكر قليلا ثم يخطر على بالها شركة اختها او بالاصح مجموعة شركات حياة رچدان وهيا ليدها قسم خاص بالهندسة
لمار بتفكير
_ انا ازاى نسيت ان حياة وجانسو عندهم اكبر شركات فى العالم فى قسم الهندسة اهى دى الشركة الوحيدة اللى هتقبل بواحدة زيك يالمار وعلى الاقل هخلى اختى تدينى الدرجات ونخلص
لتخرج من الكلية بسعادة متجهه نحو شركة حياة رچدان ولكنها لا تعرف مصيرها فى هذه الشركة ماذا سيحدث ياترى وماهو الذى سينتظرها فى حياتها........؟!
ـــــــــــــــــــــــــــــــــــــــــــــــــــــــــــــــ
جاء الليل فى الغردقة..............
وفى هذا الوقت كانت حياة تجهز نفسها للحفلة بتوتر من ان تقابل هذا الشخص مجدداً ولكنها اطمأنت لأنها لم تبقا بمفردها فى هذه الحفلة سيكون معها كنان
حياة وهى تجهز نفسها وتنظر فى المرأة
_ وانتى مالك مطمنة كدة لما افتكرتى كنان
لتصمت قليلاً وتتذكر مواقفهم معا وتضحك عندما تذكرت اليوم الذى مثل فيه عليها فى الملجأ انه مات ومرات عديدة اخرى غيرها فعل بها اشياء مضحكة
حياة بضحك
_ والله كنان ده عامل زى العيال كل اما افتكر مواقفه اضحك بس برضو مش عارفة ليه مطمنة عشان هيبقا معايا النهاردة على الاقل مش هبقا لوحدى يلا هروح اشوفه جهز نفسه ولا لا
اما فى غرفة كنان كان يجهز نفسه وارتدى بدلة كاجوال سوداء وكان فى غاية الوسامة والاناقة ثم اتجه للمرأة ليرى مظهره
كنان وهو ينظر فى المرأة
_ حاسس ان فيه حاجه هتحصل النهاردة مش عارفة ليه بس يارب ميجيش الرخم باسل ده مش عارف طالعلى منين
قاطعه صوت طرقات على الباب الغرفة ففتح الباب وانصدم بشدة لأنه رآها هيا التى كل يوم تخطف قلبه مرة تلو الاخرى حتى ذابت مشاعره بجمالها هيا حياة كانت ترتدى فستان اخضر ستان وله حمالات رفيعة
لم يستطع ان يزيح نظره من عليها حتى انه لم يتفوه بأى كلمة
حياة وهى تشير بيدها امام عينه حتى توقظه
_ كناااااااان مااااالك مبحلق كدة انت مش ناوى تيجى معايا ولا ايه
كنان
_ جاى طبعا يلااا
ليذهبا هما الاتنين نحو المصعد حتى يركباه فترى حياة باسل وهو متجه نحوهم
باسل وهو يتجه نحوهم
_ عاملين ايه....؟
حياة
_ زى اما انت شايف اهو رايحين الحفلة دى
باسل
_ اظن مفيش مانع يعنى لو جيت معاكم
لتلاحظ حياة من حديثه انه يريد ان يأتى معهم حتى يحمى حياة من ان يتعرض لها هذا الحقير مجدداً
حياة
_ والله ياريت تعالى يبنى اهو تسلينا شوية
كنان فى سره
_'لسة كنت بقول انه مش هيبقا معانا انا نحس اقسم بالله
ليكمل كلامه بصوت مسموع
_ اكيد طبعاً والله هتونسنا اووى فى القاعدة
حياة
_ يلا بقا انجزوا هنتأخر
ليركبا بالأصنصير ثلاثتهم ثم يتجهوا نحو سيارة كنان ويقودها متجها نحو الحفلة الذى سيحدث بها اشياء لا يتوقعها احد
ملحوظة
انتم لم تروا شيئاً بعد...........؟!!!!
ـــــــــــــــــــــــــــــــــــــــــــــــــــــــــــــــ
البارت انتهى ياجماعة انا هنزل البارت اللى جاى بعده فساعتهاا عشان طوييل يعوضكم عن البارتين القصيرين اللى فاتوا استعدوا للى جاى يحبايبى 😂🥺🥺
•تابع الفصل التالي "رواية قسوة عشق" اضغط على اسم الرواية