رواية خطيبتي واخواتها التوأم (كاملة جميع الفصول) حصريا عبر دليل الروايات بقلم رحاب القاضي
رواية خطيبتي واخواتها التوأم الفصل السابع و العشرون 27
_الحلقه السابعه والعشرون
ـــــــــــــــــــــــــــــــــــــــــــ
ملك بحزن
انت بتتكلم معايا انا كده يا خالد؟..
خالد ساب ايدها وقال بضيق
انا ماشي وسيبهالك خالص هاتي اللي انتي عايزااه يا ملك...
ملك بحده
هتمشي تروح فين ولا اقولك انا مال اهلي اصلا براحتك...
_ما ردش عليها وسابها ومشي، وهي فضلت تعيط لاول مره بسببه ودخلت عندها علا وقالت...
علا بحزن
قولتلك بلاش اجي هو مش هيسامحني ابدا، انا همشي وانتي اعتذريله و..
مسحت ملك دموعها وقالت
ايه اللي حضرتك بتقوليه ده، انا جيبتك هنا عشان كفايه كده هو لازم ينسي ويسامحك..
علا بدموع
مش بالعافيه خالد عنيد جدا ومش هيرضي..
ملك بحده
يبقي تقلعي اللي في رجلك وتديه بيه، عشان ابنك ده معصبني وبعدين انتي ليه كيوت اووي معاه ده انتي امه يعني تشخطي تزعقي تضربيه بالجزمه وهو يقولك حاضر نعم، انما اللي هو بيعمله ده اسمها قلة ادب...
ابتسمت علا وقالت
انتي معاكي حق بس بحط نفسي مكانه فبيصعب عليا و..
ملك بهدوء
بصي يا طنط فليشهد التاريخ اني لاول مره اتكلم بعقل، بابا كان لما بنتخانق معاه ويزعقلنا ونزعل منه كان بيرجع ويقولنا انتو زعلانين مني ليه انتو لازم تبقو عارفين اني لما بعمل كده بكون خايف عليكم، انتي كده خوفتي عليه من الحربايه ابوكي..
علا بصدمه
نعم. الحربايه ابويا؟!...
ملك
والنبي ما تفصليني ما صدقت اندمجت، اللي اقصده ان زي ما بتحطي نفسك مكانه خليه هو كمان يحط نفسه مكانك، لو يكلمك بقلة ذوق اديله علي دماغه عرفيه انك امه وليكي حقوق عنده..
حصنتها علا وقالت
ايه القمر ده، كان نفسي الكلام ده اسمعه من بنتي، بجد خالد عرف يختار...
ملك ببكاء
شوفتي ابنك عمل فيا ايه اخص عليه اخص انتي ما عرفتيش تربي...
ضحكت علا وقالت
طيب تعالي بقي نجهز عشا او نطلب اكل عشان ما اكلتش حاجه لحد دلوقتي...
ملك
نطلب اكل ايه انا طابخه وعامله اكل كتير جوه...
علا باعجاب
بجد ربنا يبارك فيك يا بهاء مطلع بنات متربيه وزي العسل، تعالي بقي دوقيني اكلك...
_ وفي بار ليلي كان خالد قاعد هناك وبيفتكر طفولته اللي كانت في الملجأ ومش واخد باله من امينه اللي دخلت هي وصحابها وقعدو علي مسافه منه...
صاحبة امينه قالت
امينه هو مش ده خالد طليقك؟...
امينه بصتله وقالت.
ايوه هو خير ده ما كملش شهر متجوز..
البنت
قوليلنا هي مراته حلوه هي تقريبا اخت المذيعه اللي في الراديو اللي اسمها ناني...
امينه بغيظ
امم هي اختها بس مش حلوه زي ناني وازعه اووي، اصلا اتجوزها سد. خانه هو خالد ده يتعاشر اصلا، وبعدين هي بنت زي البنات اللي بتقعد في البيت تطبخ وتكنس كده وبس..
البنت
طيب ما تروحي تسلمي عليه وخليه يشوف هو خسر ايه...
امينه بخبث
لا لا انا هروح وانتي تصوريني وتبعتيلي الصور دي اوكي...
_وقامت امينه وقربت من خالد اللي كان بيبص لموبيله اللي بيرن برقم امجد ومش راضي يرد، وحطت ايدها علي كتفه وقربت منه اووي وقالت..
امينه
هي لحقت تخليك تطفش...
_شال خالد ايدها من علي كتفه وبعد عنها وقال بجمود...
خالد
ما اسمهاش امينه عشان اطفش منها...
امينه بغيظ
هي عجبك فيها ايه انا توقعت انك هترجعلي، بس روحت اتجوزت واحده اقل مني بس فهمتك انت كنت عايز واحده تقعدلك في البيت وتقولك حاضر ونعم..
خالد بهدوء
بالظبط لانها كده ست ما فيش منها، قدرت تفرحني وتبسطني وانتي ما قدرتيش تعملي اللي هي عملته، بنت متربيه ومحترمه ومقدره ظروفي، البنت دي تنفع تكون ام اكون مطمن علي ولادي معاها وواثق انها هتربيهم كويس زي ما هي اتربت عشان كده هي احسن منك ومن اللي زيك مليون مره...
امينه بسخريه
ده بالنسبالك صح...
خالد
اتمني ان ما حدش يشوفها غيري بس هي في نظر الكل كده، ولو حصل وجيبتي سيرة مراتي بطريقه ما تعجبنيش هتزعلي...
_ قال كلامه كده وسابها ومشي وهي وقفت متعصبه جدا من كلامه الي قاله علي مراته
ــــ #بقلم_الكاتبه_رحاب_القاضي ــــ
_ دخلت ثريا وقعدت مع ملك وبهاء كمان قعد معاهم وكان مدايق جدا وقاال..
بهاء
خير ان شاء الله يا مدام؟..
ثريا بتوتر
اا انا جايه احمم.. جايه اطمن علي سما..
بصت سما لبهاء بعدم تصديق وقالت
نعممم ده من امتي ان شاء الله...
ثريا بحزن
من دلوقتي من لما حصل اللي حصلك وانا.. يعني قلقانه عليكي وجيت اعمل الواجب..
جات سما ترد بس بهاء مسك ايدها وقال
كتر الف خيرك تعبتي نفسك والله، علي العموم احنا اتعودنا نقابل ضيوفنا باصلنا واخلاقنا..
ثريا بحده
علي فكره انت رديتهالي لما اتهمتني قدام ابني ان انا اللي عملت كده في مراته...
بهاء بهدوء
لو انتي عامله خير مع ابنك وانا قولت كده كان كدبني، انتي يا مدام اللي حطيتي نفسك في موضع شك، وعلي فكره لو ما كناش اناكدنا من اللي عمل كده عمر رجلك ما كانت هتعتب البيت ده ولا هتشوفي بنتي...
ثريا بغيظ
اللهم طولك يا روح...
بهاء بحده
انا مش هنسب انك مديتي ايدك علي بنتي قدامي، ده انا عمري ما عملتها ولا هعملها..
ثريا بضيق
معلش انا غلطت...
سما بصزت واطي
بتقول معلش ومش هاين عليها تقول انا اسفه..
بهاء بصوت واطي
هو مش انا قاعد يبقي تسكتي خالص...
سما بغيظ
هو انا حايشني عنها غيرك...
ثريا
علي العموم يعني دي مشاكل وارد انها تحصل في بداية الجواز لاي حد.. يعني خلاص نلم الموضوع ونرجع الاولاد يا دكتور واحنا اهل يعني و..
بهاء بخبث
موافق بس الشروط هتختلف بنتي هتقعد هنا في شقتها اللي فوق اللي ابنك اشتراها اظن انك تعرفي ما انتي قبل الجواز بعتي حد يسأل ويطقس مش كده...
اتوترت ثريا وبهاء قال
انا مش هقطعك من ابنك بس شرطي ما تجيش عند بنتي خالص وهي لوحدها...
ثريا بضيق
هو انت كده بتلم ولا بتبعزق يادكتور؟...
بهاء
بالعكس انا بلم كرامة بنتي يا هانم، هي كرامتها محفوظه بس حضرتك اهنتيها وكتير وسكت وقولت الم ودلوقتي دورك عشان تلمي وتحافظي علي بيت ابنك...
ثريا بضيق
انا يعني اا ممكن افكر وو...
سما ادايقت وبهاء ضحك وقال
ههههههه كنت متوقع، هو ابنك فين يا مدام مش واجب انك لو جايه تلمي بجد تجبيه وتيجي علي الاقل يبقي كلامي مع رجاله ولا انتو ما عندكوش رجاله اتكام معاها...
_ قبل ما ترد عليها الباب خبط وقام بهاء عشان يفتح، بس سما وقفت وقالت..
سما
خليك مرتاح يا حبيبي انا هروح افتح..
_ وراحت سما فتحت الباب وادايقت لما لقيت محمد في وشها، وابتسم وقال..
محمد
والله العظيم وحشتيني...
سما ابتسمت وقالت
اتفضل ادخل واقف عندك ليه؟..
محمد بص وراه وقال
انتي بتكلميني انا ادخل بجد والله؟...
سما بحده
ايوه ادخل خد امك وامشي وما تخلنيش اشوف وشكم تاني يا عيله مستفزه..
محمد بصدمه
هي امي جوه..
سما
علي اساس يعني انك ما تعرفش؟..
محمد
والله العظيم ما اعرف..
سما
اديك اهو عرفت خدها وامشي عشان جرقتلي دمي زيك بالظبط...
_ دخل محمد وبص لمامته بعصبيه وهي اتوتىت جدا وقال..
محمد
خير حضرتك بتعملي ايه هنا؟..
بهاء بجديه
عيب يا ولد تكلم مامتك كده قدامنا، دي حتي جايه ترجعلك مراتك..
محمد اتعجب وقال
بجد انتي جايه عشان كده بجد..
بهاء بسخريه
اومال حتي لما قولنالها شروطنا قالت هتفكر، نصيحه ليكي يا مدام هاتي كيلو لب ابيض هيساعدك في التفكير...
ووقف وقال
شرفتونا...
محمد بص لمامته بحزن وقال
انا ماليش دعوه باللي اتكلمت معاك فيه، والكلام في الموضوع ده معايا انا سما مراتي وما حدش ليه حق يدخل بيني وبينها بعد اذن حضرتك يعني...
سما بسخريه
وبعد اذن امك برضو...
بهاء بحده
بنت ما اسمعش صوتك تاني...
سكتت سما وبهاء قال
عايزه تتكلمي معاه ولا لا؟...
سما بصتله بحزن وقالت
لا مش عايزه اتكلم مع حد وانا عند قراري، انا عايزه اطلق...
بهاء بضيق
سمعت ردها ياريت بقي الموضوع ده ما يتفتحش تاني...
محمد بص لسما بحزن وقال
انا مش هطلقك يا سما لو الدنيا كلها قالتلي اطلقك انا مش هعمل كده وهترجعيلي عشان انا متأكد ان زي ما انا بحبك انتي بتحبيني...
_ قال كلامه واخد امه ومشي وسما فضلت قاعده زعلانه، وبهاء قعد. جنبيها وقال..
بهاء
والله لو الدمعتين دول نزلو ما هتجرا حاجه، بدل ما انتي بقيتي زي القلم الرصاص...
سما بدموع
مش هعيط عليه هو ايوه ما خانيش بس..
بهاء بحده
بس نبطل عند حماتك انا هعرف اربيها انما محمد ده انا بحبه بصراحه ومش هطلقك منه..
سما
انا عندي حل ارجعله انت انا مش هرجع لحد....
قالت كده وسابته وقامت وبهاء قال
يلا يا بت يا قليلة الادب والله انا ما عرفت اربي واحده فيكم..
ـــــ #بقلم_الكاتبه_رحاب_القاضي ــــ
_ وتاني يوم في قرية شهابنه...
كان اياد قاعد مع غاده بره المستشفي علي الارض وقالها اللي حصل من منه وهي ردت عليه وقالت...
غاده
يعني من الاخر البت بستفتك..
اياد بضيق
بطلي كلامك. ده انا غلطت في ايه، انا عاملتها فعلا زي اخت مش اكتر...
غاده بجديه
اياد انت كنت عارف هي بتحبك ولا لا؟..
اياد
كنت عارف بس عشمتهاش بحاجه..
غاده بحده
لا يا حلو عشمتها كونك عارف ان في واحده بتحبك ومش مديها فرصه تبعد عنك يبقي عشمتها بحاجه يا اياد، لما البنت تحارب نفسها عشان تبعد لما انت تهملها وتيجي ترجع تاني وتكلمها وهي تستسلم وتدمر كل خططها عشان ترضيك وانت عارف كده يبقي عشمتها يا زميلي...
اياد بضيق
هو الموضوع عادي بس كلامها مدايقني واوووووي كمان..
غاده ضحكت وقالت
هههههه عشان كشفتك علي حقيفتك انت متعود ديما ان منه دي علي الرف تبعد اهي مرزوعه لما ابقي فاضي اتسلي، يمكن من غير ما تقصد اذيت حد يا اياد...
اياد بدموع
من غير ما اقصد وانا اتأذيت بقصد من اقرب حد. ليا، من ابويا اللي ما هانش عليه يشوفني فرحان..
غاده
ابوك برضو معاه حق، حط نفسك مكانه انت عايز تجيبله بنت واحد هو قتل ابوها طخ طيخو يا بني ادم وعايزه يحط ايده في ايدها ازاااي ده انا عشان زمان عذبت قطه وطفشت مني بقيت كل ما اشوف قطه اقول دي من عيلتها وجايه تنتقم مني...
ضحك اياد وقال
هههههه بس مش بالطريقه دي يا ناني... يووه قصدي يا غاده...
غاده
صح افتكرت في واحد فوق في المكتب يبقي صاحب ابوك اسمه علاء مستنيك فوق..
اياد وقف وقال بعصبيه
الله يخربيتك يا غاده بقي سيادة اللواء فوق وانتي مقعداني امص قصب معاكي علي سلم المستشفي...
غاده
الله نسيت يا جدع في ايه...
_وطلع اياد وقعد مع علاء اللي قال ليه وهو مدايق...
علاء
سيبتك فتره وقولت هترجع من نفسك وما رجعتش بس كفايه..
اياد بضيق
يا افندم انا مش عايز ارجع بجد هنا راحة بال...
علاء بجديه
بص يا ابني انا جايلك بنفسي ودي مش قليله وقولت معلش ابن معتز ابني، وهنصحك نصيحه لوجه الله واتمني تقبلها مني...
اياد بهدوء
اتفضل يا افندم...
علاء
احنا يا ابني ما جيناش الدنيا عشان نريح بالنا، كل واحد. اتخلق ومعاه رساله لازم يكملها للاخر عشان لما يقابل ربنا يقوله انا عملت في حياتي اللي انت امرتني بيه اهتميت بنفسي وبعملي واتجوزت وخلفت وربيت كويس، لو الكل عمل زيك كده وريح باله ما كانش في حد اتقال عليه ناجح والناس تفتكره بعد سنين كتير عدت عليه ويقولو فاكرين فلان ده مثلي الاعلي في الكفاح والعمل والنجاح..
ابتسم اياد واتنهد وقال
تقدر حضرتك تشرفني في بيتي ونرجع بكره مع بعض القاهره عشان نبدأ شغل...
فرح علاء وقال
لا انا هسبقك وهستناك يا بطل، طلعت فعلا راجل زي ابوك وجدك يا اياد...
_ومشي علاء واياد ووقف اياد قدام الشباك واتنهد بحزن وقال لنفسه...
اياد
لازم ما تقفش يا اياد في حاجات كتير سعادتها واقفه عليك لازم تكمل...
جات غاده وراه وقالت
واد يا ايدووو هو انت ما قولتليش ليه انك فسخت الخطوبه مع بابا...
اياد
ايه زعلتي مثلا؟..
غاده
بلا نيله انا اصلا مش بتاعت جواز، اتجوز ازاي واسيب الكرشات بتوعي والولاد الحلوه دي اسيبها لمين..
اياد بغيظ
كلامك ده بيتفهم غلط يا بومه انتي...
غاده
طيب يلا يا خفيف بره عشان عندي شعل يلااا..
ضحك اياد وطلع بره وبصتله غاده بحزن وقالت
ربنا يسعدك يا اياد، انت فعلا تستاهل كل خير حتي لو ما كنتش من نصيبي هفضل ديما ادعيلك تبقي مبسوط يا اول واخر حب... ايه ده ايه الاوفر اللي انا فيه ده بلا نيله، انتي ياااا بت دخلي العيان ابن العيان اللي عندك...
ــــــــــ #بقلم_الكاتبه_رحاب_القاضي ــــــــــ
_في القاهره...
_ وفي النادي كان معتز ومريم قاعدين مع عزه وعزت، ومريم ميلت علي معتز وقالت...
مريم
دي مش طلعت البنت نحيفه عشان ما بتاكلش دي طلعت وراثه شايف امها معضمه ازاي...
معتز بغيظ
اتلمي يا مريم مش هقول تاااني اتلمي واسكتي..
مريم بقلق
الله مش بتطمن علي مستقبل الواد، وبعدين يرضيك يجبولنا عيال العضمه علي الجلده كده؟..
معتز
مش عاجبه ابنك احنا مالنا، اسكتي بقييي...
عزت
انا مبسوط اني شوفتك يا مدام مريم، ما تعرفيش انا بكون مبسوط ازاي وانا بتعامل معاكي...
مريم ابتسمت وقالت
ده من ذوقك يا عزت بيه والله من القلب للقلب..
اتنهد معتز بصوت عالي وقال
طيب يعني احنا جايين نتعرف علي بعض، واتشرفنا بحضرتك يا مدام عزه....
عزه
الشرف لينا يا معتز بيه، بس ليه ما جيبتوش الولاد معاكم..
مريم
ولاد مين يا اختي اللي نجيبهم هما عيال، دول كبرو وكل واحد بقي في مشاغله..
عزت بهدوء
والله غريبه يا مدام مريم ما يبانش عليكي انك مامت اياد وانس ده انتي تباني اختهم والصغيره كمان...
مريم وهي بترمي شعرها لورا وقالت بثقه
الجمال ده جمال الروح وبينطبق علي المظهر الخارجي..
معتز بحده
ده انا اللي هقوم اطبق علي زمارة رقبتك اخرسي، وانت يا عم عزت قوم معايا لو سمحت...
عزت ضحك وقال
انا بقول كده برضو ونسيب الستات علي راحتهم، فرصه سعيده يا مدام مر...
قاطعه معتز وهو بيزقه بعيد وقال
هي زفت اسعد اتفضل لو سمحت بقي...
_ ومشي عزت ومعتز ومريم قالت لعزه بخبث...
مريم
قوليلي بقي يا حبيبتي هي جني بتعرف تطبخ..
عزه بحماس
ايوه طبعا دي ديما كل ما تشوفني في المطبخ تفضل تقولي عنك يا ماما انا هعمل وارتاحي انتي..
مريم
اممم وياتارا بقي هتكون مع حماتها كده ولا لا؟...
عزه بهدوء
اكيد طبعا لو حماتها كويسه معاها، جني بنتي واخده طيبة ابوها الله يرحمه ما بتعرفش تزعل من حد...
مريم بسخريه
لا ما هو واضح بقالها اد كده منكده علي الواد السهونه الصغيره دي طلعالك اكيد يا ام اربعه واربعين انتي...
عزه
نعم بتقولي ايه مش سامعه حضرتك...
مريم ابتيمت وقالت
بقول طبعا طبعا دي زي القمر ونسمه كده في نفسها...
ــــــــــ #بقلم_الكاتبه_رحاب_القاضي ــــــــــ
_ تاني يوم في الاسكندريه..
في بيت خالد. دخلت ملك اوضة الا وقالت وهي متعصبه جدا...
ملك
شوفتي ابنك عمل نفسه غضباان وهو بيخوووني...
علا بقلق
اهدي طيب وبعدين خانك ازاي خالد ما يعملش كده؟...
ملك ببكاء
عمل وربنا عمل ومع مين مع امينه طليقته الوتكه اللي كان متجوزها..
علا بضيق
يا بنتي اهدي وفهميني كويس انتي مين قالك الكلام الفارغ ده؟..
ورتها ملك الفون وقالت
الهانم بعتالي الصور وبتقولي لحقتي تطفشيه بالسرعه دي يرضيكي...
ضحكت علا وقالت
ههههه لا طبعاً بس هي متغاظه منك يا عبيطه وبتعمل الحركات دي عشان تعمل مشاكل بينك وبين خالد..
ملك بحده
ومين قالك بقي اني مش هعمل مشاكل لا هعمل وكتير كمان...
علا بجديه
غلط يا بنتي غلط وستين غلط كمان عشان المفروض تبقي واثقه في جوزك اكتر من كده...
ملك
يعني اعمل ايه طيب دلوقتي؟...
علا بهدوء
يعني تستني جوزك لما يرجع وتستني هو يقولك واتعاملي عادي ما تبقيش خايبه..
ملك قربت منها وقالت
قوليلي يا طنط هو انتي اطلقتي ليه؟..
ضحكت علا وقالت
اطلقت لانه كان ديما فاكر اني بحب غيره، تقدري تقولي من كتر ما حبني وكان بيغير عليا ما قدرش يتخطي اني زي اي بنت في مراهقتي حبيت غيره هو كان عايز يبقي هو الاول والاخير عشان كده كنا ديما بنختلف، كان اي حاجه بعملها بيربطها بحبي القديم حتي لما رجعتله قالي انتي رجعتي عشان تغظيه هوو..
ملك ببكاء
هما الرجاله كلهم صنف واطي معادا بابا بصرلحه ما شوفتش في اخلاصه...
ضحكت علا وحضنتها وقالت
ههههه انتي طيبه اوووي يا ملك اللي زيك خلصو من زمان ومن حظ ابني انه اتجوز بنت زيك...
ــــــــــ #بقلم_الكاتبه_رحاب_القاضي ــــــــــ
_ في القاهره...
_دخلت جيلان النادي ومعاها جني وقالت جني وهي مدايقه جدا...
جني
يووه يا جيلان والنبي نمشي مش عايزه اجي هنا..
جيلان
علي فكره انا باجي هنا كل يوم ومش بلاقيه هنا، فاطمني وبعدين انتي فاضلك كام يوم وهتسافري خليكي بقي معايا شويه...
جني
ما انا معاكي في البيت لازم يعني نيجي هنا..
جيلان
طيب استنيني هنا هسلم علي واحده صحبتي وهجيلك علي طول...
_ مشيت جيلان وجني راحت قعدت علي ترابيزه لوحدها، وفجأه جه انس وقعد قصادها وقال...
انس
وحشتيني.....
جني بضيق
يا تقوم من هنا يا انا اللي هقوم امشي..
انس بحزن
يا ستي انا غلطت وانا اسف بس حطي نفسك مكاني يا جني...
جني بدموع
مش هنحكي في اللي عدي، عشان انت لو كنت مكاني مكنتش هتقول كده..
انس بحده
لا حطيت نفسي مكانك وعشان كده جيت واعتذرت يا جني، وعشان بحبك مستعد اعتذر بدل المره الف...
جني بسخريه
ومستعد برضو في لحظة زعل منك تهيني وقدام اي حد ومش هيفرق معاك مشاعري. ومدام ما فرقتش معاك مشاعري يبقي انت ما حبتنيش اصلا...
انس بعصبيه
لا لا انتي مش من حقك تقولي انا بحبك ولا لا، وانتي لو بتحبيني بجد كنتي هتعدي اللي حصل ده عشان نكمل وانا اعتذرت يا جني واعترفت بغلطي..
وقفت جني وقالت
وانت لو كنت بتحبني كنت عملت حساب لمشاعري كنت وثقت فيا مش حسستني اني رخيصه واني...
سكتت ودموعها نزلت وقالت
لو زي ما بتقول كده ما كنتش جرحتني ووجعتني كده يا انس، انا عمري ما هنسي كلامك ليا وقتها والاحساس الوحش اللي انت حسستهولي..
جات تمشي بس مسك ايدها وقال
ما تسبنيش يا جني بالله عليكي، والله مش عارف اعمل اي حاجه من غيرك وحياتي كلهة واقفه...
_ سحبت ايدها منه ومشيت وجيلان اللي كانت واقفه بعيد راحت وراها وهي بتبص لانس بحزن...
ــــــــــ #بقلم_الكاتبه_رحاب_القاضي ــــــــــ
ـ في بيت امجد البحيري...
_ دخل امجد ونسمه البيت واستقبلتهم صفاء اللي قالت..
صفاء
كل ده عند الدكتور يا حلو انت وهي..
امجد بسخريه
يا سلام عايزه تعملي فيها حما بجد. مش لايق عليكي..
ضحكت صفاء وقالت
يا حبيبي بهزر معاكم، المهم اتبسطتو؟..
امجد. بصوت واطي
كان ناقص اوديها القمر وشايفه قالبه وشها ازاي..
نسمه
انا هطلع اغير هدومي وانام تصبحو علي خير...
طلعت فوق وصفاء قالت لامجد
معلش نصيبك بقي تصالحها في وسط هرمونات الحمل..
امجد بضيق
خلاص بقي نأجل ام الصلح ده...
صفاء
اوعي تبوظ اللي انت عملته ده يا امجد، هي مراتك انت ومعاك انت وتفكيرها انت بايدك تخليه فيك وقلبها ليك برضو..
امجد ابتسم وقال
وكأنك بتقري افكاري يا ماما، هروح انام انا كمان عشان الشغل...
صفاء بخبث
عشان الشغل برضو ولا عشان افرجت عنك وخلتك تقعد معاها في اوضه واحده...
امجد.
اقسم بالله انتي فاهمه شغل الحموات ده غلط، ده بيبقي عليها هي مش عليا انا...
_ ضحكت صفاء وامجد طلع فوب ولاقاها غيرت هدومها ونامت، اتنهد بضيق وقال...
امجد
هو انا ايه اللي عملته طيب يخليكي تدايقي كده؟..
قعدت نسمه وقالت بدموع
تحب افكرك كويس باللي عملته فيا...
امجد بحده
انتي هتجننيني وبعدين انا فاكره كويس وقولنا هننسي ونبدأ من الاول...
نسمه بسخريه
النسيان ساهل ليك عشان انت اذيت مش اتأذيت في فرق كبير يا امجد بيه..
قرب منها امجد وقال
امشي روحي مكان ما عايزه مدام مش قادره تسامحي، انما جو عايزه ومش عايزه ده ما يمشيش معايا...
نسمه بدموع
كل ما افكر اصفالك واتعامل معاك عادي، بشوف كل لحظه عشتها معاك قبل كده قدامي...
امجد بجمود
والمطلوب؟!...
نسمه ببكاء
انا ااا انا هبقي مهزأه لو قولتلك اني بحبك مش كده؟...
بصلها امجد وابتسم وقال
لا ما تخفيش انا مش هقول لحد...
نسمه اتوترت وقالت
علي فكره انت مستفز وانا عايزه انام..
مسك امجد ايدها وقال
استني بس هو بعد الاعتراف ده هيبقي في نوم، ده حلم سنين واتحقق وكنت هضيعك من بغبائيي..
بعدت عنه نسمه وقالت
محتاجه وقت انت بالنسبالي شخصين وو...
امجد بهدوء
براحتك خاالص انا معاكي للاخر كفايه انك جنبي وعارف ان مشاعرك ليا...
_ قال كلامه وقام من قدامها عشان يغير هدومه وهي رجعت نامت ومش عارفه تطمنله ولا تخاف منه زي زمان...
ــــــــــ #بقلم_الكاتبه_رحاب_القاضي ــــــــــ
_ وفي القاهره...
_ كانت جني قاعده في اوضتها وبتقلب في صورها هي وانس ودموعها علي وشها ودخلت عندها عزه وقالت..
عزه بجمود
انا عايزة اتكلم معاكي...
جني بضيق
انا رايحه انام..
عزه بحده
لا اصحي احنا لازم تكلم..
جني
نعم يا ماما في ايه؟...
عزه بضيق
انا فكرت واخدت قراري خلاص في موضوع سفرك مع عمك...
جني اتنهدت وقالت
سواء فكرتي او لا انا خلاص اخدت قراري انا هرجع البلد يعني هرجع البلد...
عزه بحده
وانا قولت لا ما فيش رجوع البلد تاني فاهمه ولا لا؟...
جني بسخريه
انتي عايزاني اقعد هنا ليه،ايه مصلحتك يا ماما،عشان انتي طول عمرك بتعملي كل حاجه لمصلحتك وبس...
عزه بدموع
انتي هتقعدي هنا عشان مصلحتي انا فعلا،بس عشان الحزن اللي علي وشك ده يختفي..
جني دموعها نزلت وقالت
لو سمحتي انا عايزه انام ممكن...
عزه
هطلع حاضر بس انا كلمت عمك وقولتله بنتي مش هتسيبني وهتفضل تحت عيني لاخر لحظه في عمري،تصبحي علي خير يا حبيبتي...
_ طلعت عزه وجني قفلت النور وراحت تنام، بس افتكرت كلام انس معاها وانها خلاص قفلت معاه كل الابواب وفضلت تعيط لحد ما نامت...
ــــــــــ #بقلم_الكاتبه_رحاب_القاضي ـــــــــ
_ في الاسكندريه
_ في مكتب فؤاد كان بيكلم في بهاء وقاله..
فؤاد
ايوه يا دكتور بهاء نعم برضو مش فاهم انت عايزني اعمل ايه..
بهاء
تهدي وتصبر المواضيع ما بتجيش قفش..
فؤاد بضيق
لا بتيجي كده بقولك في واحد رخم كده جه سلم عليها وفضلو يضحكو مع بعض..
بهاء ضحك وقاال
الغيره بتخرب العلاقات بص انت روح سلم عليهم واعرف هو مين يمكن اخوها..
فؤاد
يا دكتور ما عندهاش اخوات ولاد اصلا، وده باينله واحد كده مش كويس بيبصلها وو بص انا هروح اقولها كل حاجه ولو رفضتني والله العظيم مش هقعد في اسكندريه يوم واحد..
_ قال كده وقفل مع بهاء وطلع راح اوضة مكتب ناني ودخل من غير ما يخبط ولقاها نايمه علي الكنبه وحاطه السمعات في ودنها ومغمصه عينيها، ابتسم وقرب منها وقال..
فؤاد
انا عارف انك مش سمعاني دلوقتي و...
سكت شويه واتنهد وقال
هو انتي ازاي قدرتي تخليني احبك كده، كنت بستعجب ازاي حد بيحب ويعشق من طرف واحد واقول ازاي لحد ما شوفتك وكل حاجه جوايا اتغيرت انا نفسي اتغيرت بقيت من غير ما اخد بالي بهتم بيكي وبس، سيبت القناه اللي عملتها من الصفر في القاهره وجيت هنا وانا عارف انك بتحبي غيري وانك احتمال كبير جدا ما تشوفيش مشاعري بس..
_فتحت ناني عيونها بصتله بعدم تصديق وهو اتوتر وقال...
فؤاد
انتي مش سامعه حاجه صح؟...
ناني
كنت بسمع الورد بتاعي وو وخلص وسمعتك..
وقف فؤاد وضحك بتوتر وقال
يانهار اسود علي التوتر احم طيب يعني انا اا انا اسف...
طلع فؤاد بره وناني قعدت ووشها قلب احمر وابتسمت، وفجأه دخل فؤاد تاني وقعد قصادها وقال..
فؤاد
هو مين بقي الواد اللي كان هنا؟....
ناني بتوتر
دد ده رؤوف كان معايا في الجامعه و..
فؤاد قاطعها وقال
بصي عشان بجد. تعبت واول مره في حياتي واحده تعمل فية كده انا بحبك يا ناني وعايز اتجوزك وخدب وقتك وفكري ولو موافقه انا هكلم اختي تيجي واخبطك علي طول.. قصدي اخطبك..
وقفت ناني وقالت بتوتر
اا انا يعني انت فجأتني والامور ما تجيش كده..
فؤاد
معاكي حق هو كمان قالي كده، بس اللي بيحب بجد ما بيعرفش يداري وخدي وقتك وفكري يا ناني بعد اذنك...
_طلع فؤاد وناني قعدت علي الكنبه واتملت عيونها دموع وفتحت الموبيل بتاعها علي صورتها هي واياد وقالت...
ناني
اعمل ايه انت رد عليا انت اللي خلتني احبك وخوفتني من الحب معاك...
ــــــــــ #بقلم_الكاتبه_رحاب_القاضي ــــــــــ
ـ وكانت الساعه 12 نص الليل ودخل خالد بيته وقرب من الاوضه اللي قاعده فيها علا وفتح الباب بهدوء ولاقاها نايمه، وظهرت ابتسامه خفيفه علي وشه ورجع قفل الباب وراح اوضته هو وملك واول ما دخل كان النور مقفول واول ما فتحه لقي ملك واقفه في وشه...
خالد بفزع
بسم الله الرحمن الرحيم يا ملك في ايه حد. يخض حد. كده؟....
ملك
اخص عليك يعني شوفت عفريت...
خالد
هو انتي لسه بالاسدااال..
ملك
لا طبعا بس كنت لابسااه بصلي القيام ومستنيه الخيبه بتاعتي تيجي...
خالد ضحك وقال
الخيبه ده اللي هو انا مش كده..
ملك بجمود
هي في خيبه غيرك يا سي خالد...
_خالد ماردش عليها وراح يغير هدومه وهي قربت منه ملك ومسكت موبيلها وقالت..
ملك
لا لا لا مش معقول شوفت الحادثه اللي حصلت في بني سويف..
خالد بهدوء
وانا ايه اللي هيوديني بني سويف يا ملك..
ملك
اسمع بس بيقولك واحد اتخانق مع مراته اللي زي النسمه وراح خانها مع طليقته فقطعته ووزعت وعملته لحمه مفرومه و..
خالد بخبث
اكملك انا اكلته للكلاب مش كده؟...
ملك
لا دي وزعته علي جنود الجيش الإسرائيلي ما فيش ابشع من كده يعني حته مش كلاب اللي اكلتها دول يهود...
ضحك خالد بصوت عالي وقال
هههههههه وصلتك الصور مش كده،يا بت هو انتي متجوزه دكتور اسنان ده انا ظابط مخابرات وكنت عارف اللي هي هتعمله بالظبط ومستني اشوف ردك؟...
ملك بغيظ
بص انا لا عاقله زي ما امك قالتلي ولا هبله زي اختي اسيب البيت واطفش...
خالظ بقلق
طيب اهدي وانا اااه يا بت المجنونه..
_ وقع خالد علي الارض بعد ما طلعت ملك ايد الهون من هدومها وخبطته علي دماغه وقالت..
ملك
بقي انا تخوني انا يا خاااالد...
خالد
وربنا ما خونتك افهمي انا قروتي جابت د*م يخرب بيتك...
ملك طلعت سكي*نه كمان وقالت
هو انت لسه شوفت حاجه ده انت يومك اسود...
_ طلع خالد بسرعه وقفل عليها الباب، وملك صوتت وقالت..
ملك
افتح يا خالد ما انت هتتعور يعني هتتعور...
خالد
ده اللي يطلعك من الاوضه اصلا يا مجنونه انتي...
طلعت علا من اوضتها وهي مفزوعه وقالت
في ايه يا خالد ايه اللي عمل فيك كده؟...
خالد بغيظ
عملي الاسود او دعواتك عليا ايهما اقرب...
ملك بحده
افتح يا خالد احسنلك...
خالد بخوف
مش هفتح يا بنت المجانين...
ضحكت علا وقالت
ههههه هات طيب المفتاح انا هفتح واهديها...
خالد
انتي ايه اللي جابك، ما تسبيني في حالي...
علا بحده
اتلم واتكلم معايا كويس انا امك..
خالد بسخريه
لا والله لسه فاكره يا ست هانم انك امي..
علا
لا انا فاكره كويس، انت اللي نسيت اني امك وقلبك اسود اووي من ناحيتي حتي لو اللي عملته كان غلط امك جاتلك واعتذرت وانت كنت بتعمل ايه بتهينها وتقلل منها قدام اللي يسوا واللي ما يسواش...
خالد بدموع
وفري علي نفسك الاهانه دي وسيبيني في حالي انتي بالنسبالي مش موجوده اصلا واللي يربطني بيكي هي اختي وبس...
علا دموعها نزلت وقالت
حاضر يا خالد انا مش هجيلك تاني وانت لما تحتاج امك انت عارف طريقها فين....
_ قالت كلامها ودخلت اوضتها، وخالد خبط علي باب اوضته وقال...
خالد
ملك ملوكه انا بخاف من هدوءك ده...
_ وفجأه خبط باب الشقه استغرب خالد مين اللي هيجيلهم دلوقتي، وراح فتح الباب واتصدم لما لقي ملك في وشه وخبطته في وشه بالمكنسه...
خالد وقع علي الارض وقال بخوف
يامااا سلام قول من رب رحيم انتي بتطلعي منين؟...
ملك قرلت منه وقالت بخوف
يا نهار اسود دي جات في عينك انت شايفني يا خالد..
خالد بعد عنها بخوف وقال
ابعدي عني يا ملك انتي ملبوسه وربنا انا كنت حاسس..
ملك
ملبوسه ايه ده انا نطيت عند الجيران من البلكونة بتاعتنا لبتاعتهم وخليتهم فتحولي..
خالد بصدمه
ياريتك كنتي ملبوسه كان اهون من اللي عملتيه ده انتي يومك اسود...
_ فضلت ملك تجري وخالد وراها...
ــــــــــ #بقلم_الكاتبه_رحاب_القاضي ــــــــــ
_عدي شهر واكتر وفي بيت بهاء كانو البنات التلاته متجمعين في اوضة سما وبيتكلمو...
سما
والله حرام عليكي اللي انتي عملاه في الراجل ده يا ملك...
ناني
انا لو مكانه اطلقك ويبقي الكسبان، بقي دي حركات تعمليها فيه..
ملك
كان لازم اصالحه علي مامته...
سما
وانتي مالك اهلك فعلا ما شالله عنهم ما اتصالحو، في الاخر لو اتصالحو هيبقي حبيب امه وانتي الشريره اللي في الحكايه...
ملك بغيظ
لا معلش طلعي عقدك علي حد غيري وافهمي، لما اخلف انا وهو ويبقي عندنا بيبي والبيبي ده يشوف خالد وهو بيتعامل مع مامته هيتعامل معايا انا ازاي اكيد هيقلد باباه...
ناني حضنتها وقالت
يا خراااااشي علي الناس اللي اتجوزت وعقلت يا نااااس...
ملك ضحكت وقالت
ههههه المهم قوليلي ايه اخبارك انتي وفؤاد مش ناويه تبقي في خطوبه...
ناني بضيق
تصدقوني لو قولتلكم اني معيشه الواد معايا في نكد...
ملك
لا بتهزري ليه يا بنتي..
سما بثقه
بتطبق نصايحي هع هع هع...
ناني
لا لا طبعا اكيد. مش هاخد نصايح من سما، كل الحكايه اني اتسرعت في فكىت اننا ناخد وقت نتعرف اكتر اخدت فؤاد كوبري عشان انسي اياد بس اللي حصل اني ظلمت حد. معايا اووي، مطالب مني اكون معاه مبسوطه واهزر وافرح بس مش قادره اعمل كده..
سما
الحل انك تقولي لبابا وتخلي فؤاد يتقدم رسمي..
ملك
انتي غبيه بتقولك مش عارفه تتعامل معاه...
سما بسخريه
يا شيخه اتنيلي انتي وهي فكرتوني بنفسي زمان لما كنت ابقي عايزه اعمل دايت وانا قدامي كوارع...
ضحكت ملك وقالت
تصدقي بقيت اطبخ كوارع دلوقتي عشان خالد بيحبها...
ناني
بطلي رغي ده دوري اتكلم، بصو انا حابه اهتمام فؤاد وحابه انه بيحبني بس مش عارفه اكون معاه زي ما كنت مع اياد..
سما
اهو اهو اياد هو فين اياد ده، واحد نسي اصلا انك عايشه وانتي موقفه حياتك عليه..
ملك
هي معاها حق انتي لازم تشوفي الواقع يا ناني..
دخل بهاء وقعد وسطيهم وقال
انا ما اعرفش اساس الحوار ايه وبتتكلمو عن مين، بس سمعت اسم الاكس بتاع الهانم...
ناني بتوتر
اسفه يا بابا انا مش قصدي وو..
بهاء بهدوء
واجهي لو هتقدري تواجيه واجهيه وقولي كل اللي جواكي عشان تقدري تنسي...
ملك بخبث
طيب وبالنسبه للهانم التانيه اللي لا هي متجوزه ولا هي متطلقه...
بهاء بخبث
اسكتو مش محمد خطب...
سما بحده
نعم يا عينيا مين ده اللي خطب وخطب مين؟...
بهاء ببرود وهو بياكل شيبسي
خطب الجمعه اللي عدت في المسجد. متدين اووي الواد ده...
_ضحكو كلهم معادا سما اللي ادايقت، وبهاء بصلها بلوم وقال....
بهاء
لو فضلتي راكبه دماغك كده، اللي خايفه منه هيحصل...
ناني
حرام عليكي بجد الواد ساب سغله في شركه كبيره وكمان قالك مستعد يسكن معاكي هنا وموافق علي كل شروطك وانا بحب محمد..
ملك
ايوه وانا كمان بحب محمد والنبي ارجعيله بقي...
سما بضيق
ممكن تسيبوني براحتي، غصبتوني اتجوز يا بابا وحطيتني في الامر الواقع ممكن بقي اخد وقتي واشوف المره دي انا عايزاااه بجد. ولا لا...
بهاء
ماشي يا حبيبتي اللي يريحك اعمليه واحنا معاكي فيه...
ــــــــــ #بقلم_الكاتبه_رحاب_القاضي ــــــــــ
_ في بيت امجد البحيري رجع امجد. البيت ولقي مامته واقعه علي الارض وايدها متكتفه قرب منها بسرعه وقال..
امجد.
في ايه با ماما الحراس كلهم مايتين بره هو ايه اللي حصل؟..
مسكت صفاء ايدها بالم وردت عليه ببكاء وقالت
فوزي الحيوان جه وعمل اللي عمله ده واخد نسمه..
اتنفض امجد. بخوف وقال
ازاي هي نسمه مش فوق ازاي خدها يعني ايه؟.....
- افتكرو هيعمل ايه فوزي مع نسمه وهل امجد. هيلحقها ولا لا؟...
ــــــــــ
_ في الوقت ده في القاهره كان خالد واقف قدام بيت علا واتردد يخبط، بس في الاخر رن الجرس وفتحت منه وقالتله..
منه
ايه ده هو انا بحلم ولا ده بجد؟...
حضنها خالد وقال
عامله ايه يا احلي مزيعه في مصر..
منه باستغراب
اا كويسه الحمد لله، خالد انت كويس.؟...
خالد بهدوء
ايوه طبعا كويس، فين ماما؟...
منه بصدمه
مم ماما ده انت وصغير عمرك ما قولتها هتقولها دلوقتي..
خالد
بطلي دبش بقي، امك فين؟...
منه بتوتر
احمم ماما في مقابله بره، هو انت ما تعرفش انها هتتجوز...
خالد بعصبيه قال
نعمم يا اختي مين دي اللي هتتجوز؟؟..
_تفتكرو منه بتتكلم جد ولا لا، وايه اللي هيحصل لابطابنا؟....
ــــــــــــــــــــــــــــــــــــــــــــــــــــ
•تابع الفصل التالي "رواية خطيبتي واخواتها التوأم" اضغط على اسم الرواية