رواية احباء يجمعهم القدر الفصل التاسع و العشرون 29 - بقلم لولا

     رواية احباء يجمعهم القدر (كاملة جميع الفصول) حصريا عبر دليل الروايات بقلم لولا

رواية احباء يجمعهم القدر الفصل التاسع و العشرون 29

عمر بحده انا جوزها ومش هسمح لحد في الدنيا كلها يفكر يمد ايده عليها ورمي ايده بعيد وباس جبينها واكمل حبيبتي مش انا قولتلك تيجي تعيشي معايا يا حور بس انتي شكلك لسه زعلانه مني

حور اتصدمت من كلامه وسكتت

منير بعصبيه جوزهااا ازاي يعني هي خلاص معتش ليها كبير واتجوزت من ورانا

عمر بحده كبيرها الله يرحمه ومن بعديه ملهاش كبير غير جوزها وهي مش صغيره علشان تاخد اذن من حد هي وكيله نفسها

شريف بعصبيه واحنا ايه يضمنلنا انك جوزها مش واحد هي ماشيه معاه

عمر ضربه بلقلم بقوه فشهقت حور وعمر مسكه من قميصه واكمل بعصبيه انا مراتي اشرف منك ومن عشره زيك يا حيوان ولو سيرتها جات علي لسانك تاني او هوبت من ناحيتها بس انا هوديك في ستين داهيه

شريف بعصبيه انت ازاي تمد ايدك عليا انت فاكر نفسك مين

عمر بعصبيه واقطع لسانك واخلع عينك واكسر ايديك لو فكر يتكلم او يبص او يمد ايده علي مراتي انا مبهزرش وخاف مني احسنلك ولسه حسابي معاك مخلصش في دفاتر قديمه اوي وانا مش ناسيها

حور بدموع خلاص يا عمر علشان خاطري سيبه

عمر زقه واكمل بحده خد ابنك وغور علي براااا يلااااا

منير بحده ماشي ياحور انا هوريكي

شريف بعصبيه استني يابا ايش ضمنا ان ده جوزها اصلا يمكن كداب

عمر وقف قدامه واكمل بهدوء وثقه لما اخد القسيمه من المأذون هبقي اوريهالك وشاور ب ايده علي الباب واكمل بحده برااا ومشوفش وش اهلك هنا تاني وضحك واكمل صحيح دي مش اخر مره هتشوفني فاحفظ الوش ده علشان نهايه ظلمكم علي ايده

شريف بصله بعصبيه ومشي وهو وابوه وهو بيرزع الباب

حور بدموع انت ايه اللي جابك يا عمر

عمر مسك الورد والهديه اللي جابهم وحطهم علي التربيزه واكمل بحده سيبك مني دلوقتي الحيوان ده ايه اللي جابه هنا

حور بدموع معرفش اديك سمعت جم ليه

عمر بعصبيه هو انا مش قوووولت ام الباااااب ده يتقفل بلمفتاااح ولا هو الكلاااام مش بيتسمع

حور اتخضت من صوته واكملت بحده انت بتزعقلي ليه هو انت صدقت انك جوزي بجد لا عملت النمره دي علشان هما هنا وانا وافقت وسكت علشان اخلص منهم ومش هنسي معروفك ده خالص بس ملكش الحق ابداا انك تزعق فيا

عمر مسك دراعها جامد واكمل بحده هو انتي بجد مش بتحسي ولامش بتفهمي ولا حماره علشان افهم بس

حور بدموع ايدك يا عمر

عمر بص علي ايده لقي انه ماسكها جامد فتنهد بحزن وسابها

حور بدموع انا فعلا مش فاهمه انت ليه ساعدتني وليه جيت اصلا بس عموما شكراا يا عمر

عمر بحده شكرا يا عمر اه يارب يارب صبرني بجد بصي بقي علشان اقفل موضوع شريف ومش هفتحه تااااني وانتبه لهدومها وانها لابسه بيجامه نص كم وبنطلون برموده فاكمل بعصبيه يانهارك اسووود انتي اييييه اللي انتي لابساااه ده انتي فتحتي للزفت اللي كان هنا ده كدددده

حور اتخضت واكملت بخوف اه وفيها ايه

عمر بعصبيه هو ايه اللي فيها ايه واحد كان طمعان فيكي ونظرته ليكي زباله تفتحيله بهدوم البيت انتي اتجنتييي

حور بخوف ودموع مكنتش اعرف ان هو ووطي صوتك لو سمحت

عمر خد نفسه واكمل بهدوء تمام تمام اهدي يا عمر علشان متبوظش كل حاجه وتتعصب عليها اكتر دلوقتي وبصلها واكمل هكبر دماغي من موضوع زفت ده لوقتي ومسك ايديها واكمل بحب حور انا لازم اتكلم معاكي

حور شدت ايديها بحده ولفت وادته ضهرها واكملت مفيش بينا كلام يا عمر واتفضل علي برا انا بنت وعايشه لوحدي والبنت ملهاش غير سمعتها وانت واحد خاطب

عمر نفخ بضيق وراح لفها ليه وشال الخصله اللي نزلت علي عنيها رجعها ورا ودنها واكمل بحب انا بجد عايز اكلمك لانك غبيه اوي يا حور

حور بدموع قولت اطلع برا يا عمر

عمر وهو بيقرب منها وهي بترجع لورا لحد ماخبطت في الحيط وحاوطها بين ايديه واكمل بهمس وهو ساند جبينه علي جبينها حور انا بحبك ومحبتش غيرك

حور بصدمه ودموع فرح اييييه بتحبني انا بتحبني ازااي يعني. ..طب طب وشيرين

عمر رفع وشها ليه وبص في عنيها واكمل بحب شيرين كانت مجرد خطه علشان اتاكد من مشاعرك ناحيتي انما انا محبتش غيرك يا حور

حور بدموع فرح والنبي انت بتتكلم جد يا عمر يعني انت انت بتحبني انااا

عمر ضحك واكمل ااه بحبك انتي يامجنونه ده انا عشقت القهوه لاجل انها كانت سبب قربني منك

حور بدموع فرح ضربته علي صدره بخفه واكملت اخص عليك يا عمر ده انا حرقتك بيها

عمر ضحك ومسك ايديها باسها واكمل بحب معنديش مشكله احارب واخاطر بحياتي واعمل اي حاجه لاجل انك تكوني في حياتي يا حور مش تقوليلي حرق حرق ايه

حور بدموع فرح انا مش مصدقه بجد انك واقف بتقولي كده انا مش قارده اصدق واكملت بغضب وهي بتمسك قميصه وطلما هي خطه انت ازاي هاا ازاي تحرق دمي كده وتبوسها انت اتجننت

عمر بضحك شيرين اختي في الرضاعه ومتجوزليش اصلا يا حور يعني انا لما بوست بوست اختي وقرب بحب وباس حور في خدها واكمل بحب وهمس انما دلوقتي بوست حبيبتي ومراتي المستقبليه وتصدقي دي طلعت اجمل بكتير

حور زقته بخفه واكملت باحراج وهي باصه في الارض يخربيتك انت ايه اللي هببته ده امشي اطلع برا ومش عايزه اكلمك علشان تعمل خطط عليا كويس

عمر بضحك كده بتطردي حبيبك يا حور اخص مكنش العشم وبعدين دي مش خطتي دي خطه شروق

حور بستغراب وصدمه اييه شروق ازاي يعني

عمر انا هقولك

فلاااش بااااك

لما عمر طلب من فارس يكلم شروق شويه

شروق اتفضل يا عمر سمعاك

عمر باحراج احمم احمم بصي هو بصراحه كده انا مش عارف ابدا منين بس انا بحب حور

شروق بفرح بتحب حور طب مقولتلهاش ليه قولها

فارس بضحك يا جدع قلقتنا وطلعت بتحب حور ده انا قولت تلاقي في مصيبه حلو اوي اشجعك حور بت جدعه وانا حاسس انها بتحبك بردو

شروق بضحك انت مشوفتش لما جيت تستلم الشغل هنا عملت ايه فضلت باصه عليك من اول مادخلت لحد ماخرجت وقالتلي ما الحسابات حلوه عندكم اهو

عمر بضحك وفرح والله بتتكملي بجد

شروق اه طبعا بجد

عمر طب بصي انا فعلا بحبها واوي كمان بس زي ما فارس قاال هي مش مبينه حاجه خالص فاحنا حاسين وانا مكدبش عليكي عايز قبل ما اتكلم معاها في اي حاجه اقطع الشك بليقين

شروق بتفكير عندي فكره

عمر قولي

شروق انا لو فضلت اسال حور من هنا للصبح مش هتتكلم بس ممكن نضغط عليها بطريقه توضحلنا

فارس ازاي بقي هتعملي كده

عمر اه ازاي وانا معاكي

شروق بابتسامه الغيره البنت مننا مهما خبت حبها مبتعرفش تخبي فكره انها غيرانه ومهما خبت هتنهار وعلي الاقل هتحكي مع اقرب حد ليها من الخنقه وساعتها هنعرف

عمر تمام وهنخليها تغير ازاي

شروق بضحك كلملي شيرين

عمر بستغراب شيرين مين شيرين بنت عمي انتي عارفاها ?

شروق اه من فتره كنت في النادي وشوفتها وهي بنت عسل اوي واتصاحبنا ومعاايا علي الواتس كمان مفيش غيرها هيساعدنا

فارس بضحك اممم خصوصا انها اختك

عمر بضحك فهمتكم تمام واتصل بشيرين واداها لشروق

شروق بحب ايه ياروحي عامله ايه

شيرين بحب بخير يا روحي وانتي

شروق بحب تمام يا قلبي بقولك

شيرين سمعاكي

شروق تعرفي تجيلي الشركه دلوقتي

شيرين بستغراب عنيا بس في حاجه

شروق بضحك ابن عمك وقع وعايزين نعرف البنت بتحبه ولالا وبما انك اخته تعالي اعملي نمره انك حبيبته وكنتي مسافره واحضنيه

شيرين بضحك يا جماعه حرام عليكم عايزين تموتوا البت

عمر بضحك اتنيلي يعني احنا عرفنا انها بتحبني اوي

شروق بضحك خلصي يابت عايزين نتأكد

شيرين بضحك تمام مسافه السكه وهكون عندكم

وقفلت معاها

عمر حقيقي مش عارف اشكرك ازاي يا مدام شروق

شروق بحب حور اختي ولولا اني عارفه انك تستاهلها وشايفه حبك ليها لولا هساعدك

فارس وهتتطلع بتحبك

عمر تفكتر

فارس بضحك افتكر اوي الغيره بلذات البنات بتتحول بسببها

عمر بضحك باين عليك مجرب

فارس يووه اسكت اسكت خليها هاديه

شروق برفعه حاجب والله ماشي ماشي

عمر بضحك ربنا يخليكم لبعض وحقيقي شكرا للفكره دي

شروق بحب قولنا دي اختي وانت زي اخويا يا عمر انا معملتش حاجه

بااااك

عمر بحب بس فهمتي بقي يا عبيطه يعني مفيش غيرك في قلبي وانتي عماله تقوليلي كلام علي البحر كان هاين عليا احضنك في وسط الشارع واقولك بس كفاياكي وجع انا بحبك ومعاكي ومسك ايديها باسها واكمل بحب حقيقي انا مش عايز حاجه غيرك يا حور وبوعدك اني هكونلك عوضك عن كل حاجه شوفتيها من انهارده انا حبيبك وابوكي واخوكي وكل حاجه ليكي مش عايزك تخبي عليا اي حاجه مهما كانت نتشارك كل حاجه سوا

حور بدموع بجد حرام عليك بتمشي ورا شروق ماشي انا هوريها الجزمه

عمر بضحك طب ماطلع عندها حق اهو

حور باحراج وبعدين ازاي تقولك علي موضوع لما جيت اول مره وااني فضلت ابص عليك ده لما اشوفها بس

عمر مسح دموعها واكمل بحب انا مش عايز اشوف دموعك طول منا معاكي يا حور واكمل بضحك بعدين هي مغلطتش هي عايزه تعرفني انك بتحبيني يعني متخافيش مش هيقلل من كاريزمتك ولا حاجه

حور بخجل لا والله وانت مين قالك اني بحبك

عمر رفع وشها ليه واكمل بضحك قولي والله انك مش بتحبيني بس وانتي بصالي مش وانتي عنيكي في الارض كده

حور ابتسمت بحب واكملت بهمس انا بعشقك يا عمر انت الحب مش مقامك

عمر بضحك يخربيتك ايه الكلام الحلو ده ولوحدنا بتعذبيني يعني

حور بضحك اتلم ها

عمر بضحك هو انتي اللي يحبك يعرف يتلم بس معلش مؤقتا لازم اتلم

حور ابتسمت واكملت ده غصب عنك كده كده

عمر لا انا مبتعاندش انزل اكتب عليكي حالا مجنون واعملها

حور بضحك طب يلا امشي يا مجنون علشان محدش يشوفك

عمر حاوطها بين ايديه في الحيط واكمل بحب استني بس مش قبل ماعرف عرفتي ازاي انك حبتيني يا حور

حور وهي باصه في عنيه اكملت شوفت فيك ابويا اللي لو كان عايش كان هيحميني زي منتا بتعمل وحبيبي اللي كل كلامه حنين وبيغير عليا واخويا اللي بيمشي كل يوم ورايا لحد مايتاكد اني روحت البيت علشان خايف عليا

عمر بصدمه انتي كنتي بتشوفيني لما بمشي وراكي كل يوم

حور بحب اه وكنت بفرح و بقول انك بتحبني بس لما عملت خطتك قولت يبقي بتخاف عليا فعلا زي اختك وبصت في عنيه واكملت بحب وصاحبي اللي بيسمعني وقت ماكون مخنوقه انت كل دنيتي يا عمر انت الوحيد اللي حبيت حور وانت متعرفش عنها اي حاجه حتي لما عرفت اني بنت ملاجئ انت

عمر حط ايده علي شفايفها واكمل ايه بنت ملاجئ دي انتي عبيطه دي مش حاجه تعيبك ابداا بل كبرتك في. نظري اكتر لانك استحملتي وشوفتي كتير اوي وقدرتي تقفي علي رجلك متكسرتيش

حور بدموع يعني انت مش هتتكسف مني لما تقول قدام اهلك اني مليش اهل وتربيه ملاجئ

عمر بحب عيب تقولي كده وانا موجود انتي لسه موزعه عليا كل الادوار اللي ممكن اي انسان يعوزها في حياته وباس جبينها واكمل انا اهلك يا حور انا كل اهلك ومش عايز حاجه غيرك انتي وبس انا كل عيلتك وسواء كانوا معاكي او لا انا مش فارقلي انا هتجوزك انتي وبحبك انتي ومش قادر اشوف غيرك ام لاولادي مستقبلا ومسح دموعها واكمل قولت مش عايز اشوف دموعك حور انا اول مره اعرف يعني ايه حب كان علي ايديكي انا عرفت اني حبيتك لما غبتي مره من الشغل وجيت لحد هنا علي اني قريبك وسالت الجيران قالولي تعبانه كنت هتجنن وعرفت من شروق انك جالك دور برد وسخونه كنت هموت واشوفك واهتم بيكي واستغربت انا ليه حسيت بكده عرفت اني بحبك لما بقيت مش عارف اشرب القهوه وتجيلي حلوه غير من ايديكي عرفت اني بحبك لما وقفت صليت ان افضل شغاال مع فارس وفهد ميرجعنيش من رجالته علشان افضل شايفك يعني مش عايز ابعد عنك عرفت اني حبيتك لما كل مره اشوفك ابتسم غصب عني واتمني ان تبقي معايا طول العمر انا مش بس حبيتك انا عشقتك وبغير عليكي حتي من الهوا وتخيلي كنت ساعاات بحسد شروق وفارس لما اشوفك بلصدفه قاعده معاهم واقول يبختهم

حور بدموع فرح انت شايفني حاجه حلوه كده اوي يا عمر

عمر بحب انا شايفك ست البنات كلها مش حاجه حلوه ده انا شايفك نعمه وكنز في حياه اي حد حاجه اغلي واكبر من ما تتخيلي وكنت بصلي كل ليله ربنا يكتبك ليا واديه بيحصل

حور بدموع فرح حقيقي عوض ربنا اجمل من ماتخيلت

عمر بحب وانتي كمان يا حور عوضتيني عن حاجات كتير وبعدين جايبلك ورد وهديه وانتي ولا التفتي تشوفيهم اخص عليك

حور ضحكت ومسكت الورد واكملت بحب تعيش وتجيب يا حبيبي تعبتك

عمر بحب طب بلمناسبه الحلوه دي البسي الفستان اللي جوه الشنطه ده وتعالي نروح مشوار

حور بستغراب مشوار ايه

عمر يلا يا حور انجزي وهقولك في الطريق

حور بحب تمام وضحكت واكملت بس خليك هنا ها احترم نفسك

عمر بضحك اكيد مش هاجي وراكي يعني انا في غني عن كل ده وغمز واكمل قريب يعني هانت

حور باحراج عمرررر احترم نفسك بجد

عمر بضحك حاضر يلا بس

حور ماشي وراحت غيرت هدومها ولبست الفستان كان تلت كم وماسك من عند الصدر ومزخرف باشكال رائعه ونازل واسع لتحت طويل ولونه بيبي بلو وبيلمع وفردت شعرها الاسود الطويل بشكل مموج ووقفت حطت ميكاب هادي اوي وجميل وحطت توق من الخرز فوق شعرها كانت اميره بمعني الكلمه

وطلعت

حور بحب عمر

عمر لف واكمل ايوه يا وسكت شويه وهو بيبصلها بانبهار من اول فستانها لاخره واكمل بحب واعجاب واضح تعرفي انك اسم علي مسمي حرفيااا

حور ابتسمت بخجل وسكتت

عمر راح مسك ايديها واكمل ايه ده حور من الجنه ولا اميره في الارض

حور بحب انت شايف ايه

عمر بحب انا شايف الاتنين ومسك ايديها رفعها علي كتفه واكمل بحب وهو بيحط ايده علي وسطها تسمحيلي

حور ضحكت واكملت بحب اكيد بس ازاي ومفيش اغاني

عمر سرح في جمال ضحكتها واكمل بحب انا عمري ماشوفت ضحكه قمر كده هي اكيد دعوات امي علشان انتي تكوني نصيبي بعدين مش عيب متعرفيش ان حبيبك صوته حلو

حور بفرح بجد يا عمر صوتك حلو

عمر بضحك امم بيقولوا

حور بحب طب يلا سمعني

عمر وهو باصص في عنيها وببرقص سلو معاها اكمل بحب وهو بيغني بصوت رائع

بات الامل في عيني يروي الجفن صبراا

والعشق في جسدي يجعلني ادوب

والام الشوق تروي فؤادي عطشااا

وما ادراكي وماعطش القلووب

يا اميررررتي يا جميييلتي يااا سيده كل النساااء لا تتركيني في وحدتي فا الابتعاد عنكي ابتلاء يصعب علي تحملي وحان وقت الانتهاء ساكون معكي برغبتك وكما مولاااااتي تشااااء

يا حور عين قد اكتفيت من العذااب

الله رحيم فكيف انتي لا ترحمي

سؤالي انتي وانتي الرد والجواب

حني علي قلبي قد باات مغرمي

يا اميررررتي يا جميلتييي يا سيده كل النساء الا تتركيني في وحدتي في الابتعاد عنكي ابتلاء يصعب علي تحملي وحان وقت الانتهاء ساكون معكي برغبتك وكما مولاتي تشااااء

حور حضنته واكملت بدموع فرح يا قلب اميرتك انت ربنا مايحرمني منك ابدا يا حبيبي ويديمك في حياتي بجد ايه القمرر ده انا بحبك اوي يا عمر بجد وبحب حبك لياا وبحب الاحساس اللي بحسه وانا معاك وانك بتحسسني اني مميزه ومفيش مني ولا في غيري مالي قلبك وعينك بحبك وبحب احساس الامان اللي حساه وانت جمبي واني واثقه اني هفضل انا اللي في حياتك وقلبك

عمر ضمها ليه اكتر وباس جبينها اكمل بحب وانا بموت فيكي مش بحبك بس ومش طالب فعلا غير انك متبعديش عني زي ماغنيت ليكي تعرفي كنت بسمع الاغنيه دي كتير وانا بفكر فيكي وكنت بحس كل كلمه لايقه عليكي حتي العذاب وريتهوني في بعدك عني وتقلك الزياده ده كنتي تقيله اوي و ببقي هموت واصارحك واخااف

حور بحب وانا مش هبعد عنك مهما يحصل يا عمر انا ماليش غيرك اصلا

عمر باس ايديها ونزلوا

في فيلا عمر وتحديدا في الجنينه

شروق اتاخروا اوي ماتشوفه يا فارس

فارس حبيبتي اهدي زمانهم جايين يمكن بيتكلموا شويه

شروق عمر ده مجنون ضمن منين انها هترضي تيجي معاه

فارس بضحك انتوا صنف بيضحك عليه بكام كلمه يعني حتي لو رفضت هتيجي بردو بعد كلمتين

شروق برفعه حاجب نعم يعني ايه بيضحك عليه بكام كلمه مش فاهمه

فارس حضنها واكمل بضحك مش انتي يا عمري طبعا هو انتي حد يقدر يضحك عليكي بكلام الدنيا

شروق بضحك ايوه كده

فارس فضل يضحك عليها لانه فعلا بكام كلمه سكتت واكمل بحب بس ايه القمر ده

شروق لا ياشيخ لسه واخد باالك

فارس بحب انا واخد بالي علطول بس جمالك مبقاش حاجه جديده

شروق ضحكت وحضنته واكملت دايما بتسكتني بكلامك القمر ده يا فارس

فارس ضمها ليه اكتر واكمل بحب ربنا يديمك في حياتي يارب

وبعد شويه وقفت عربيه عمر قدام فيلته

حور بستغراب ايه ده احنا فين

عمر بضحك في بيتي

حور نعم وانت جبتني بيتك ليه

عمر بضحك هتجوزك عرفي

حور بضحك عمر انا مبهزرش

عمر ضحك ونزل فتحلها الباب واكمل يلا انزلي

حور نزلت واكملت الفستان يا عمر حاسب تقفل عليه منفوش اوي حته منه في الباب

عمر شدها وقفل وحط ايديها في ايديه زي العريس والعروسه

حور بضحك بجد جايبني بيتك ليه وكمان الفستان افراح اوي يعني حسيت نفسي عروسه بيه مش خروجه خالص

عمر بضحك ماقولنا يلا يابت وخلصي

ودخلوا البيت كان هادي

حور لالالا انت مشيت اهلك انت اتجننت

عمر بضحك يلا يا عاقله اهلي في الجنينه جوه

ودخل بيها ومجرد مادخل حتي سقف كل الحاضرين وورد نزل عليهم واغاني اشتغلت

حور بصدمه ممزوجه بفرح فضلت تبص علي كل اللي حواليها مش مصدقه واكملت بدموع فرح ايه ده يا عمررر

عمر ضحك ورفع ايديها باسها واكمل بحب هتلبسي دبلتي الليله يا حور وعملت كل ده علشان افاجئك وافرحك

حور بدموع فرح وهي داخله معاه وسط تسقيف الناس اكملت انا انا لساني عجز عن التعبير بس .. بس بجد انا مبسوطه اوي وفضلت تعيط

عمر لالالا ايه ده هو انا مش قولتلك بلاش عياط يا حور هتزعليني منك ليه ومسح دموعها وباس جبينها واكمل العيون الحلوه دي اتخلقت علشان تفرح وبس

حور بحب وهي مبتسمه اكملت طول ماهي شيفاك مش هتعرف غير الفرح فعلا يا عمر

عمر ابتسم وباس ايديها واكمل ايوه كده شاطره

وفاء ام عمر راحت حضنته وباركتله وبصت لحور واكملت بحب وفرح ايه ده ايه العروسه الجميله دي ياناس وضحكت واكملت مكنتش اعرف زوقك حلو كده. يا عمر وحضنتها

حور بدموع فرح حبيبتي دي عنيكي والله اللي حلوه يا طنط

وفاء اخص عليكي طنط ايه ماما بقي

حور بحب باست ايديها واكملت ماما ولا تزعلي يا ست الكل

وفاء بفرح ربنا يحميكي يابنتي وبصت لعمر واكملت في عنيك يا عمر باين عليها بنت حلال وطيبه اياك تزعلها زيها زيك عندي من انهارده

عمر بحب في قلبي مش عنيا بس يا ست الكل

حور. بدموع فرح حقيقي انتي طيبه وجميله اوي ربنا يخليكي لينا

وفاء بحب ويخليكي لينا يا قمرايه يلا شدي حيلكم بقي وشويه وتتجوزوا وتجبولنا بيبي قمر زيكم كده

عمر بحب امين يارب

حور ابتسمت بخجل واكملت بحب يارب يا حبيبتي

شروق بفرح عروستنااا القمر ياااا يا ناااس

حور بتمثيل حزن بت امشي مش عايزه اشوف وشك كده تفضحيني قدام الواد

شروق بضحك شوف البت جايه تعملي فيها عندك كرامه قدامه ده الشرررركه كلهااا عارفه ان ست حور واقعه في عمر

حور باحراج هو انا باينه اوي كده

فارس بضحك اوووي

حور ضربتها واكملت بس بردو فضحتيني

شروق ضحكت وحضنتها واكملت بحب وفرح مبروك يا قلب اختك تستاهلي الفرحه وان ربنا يعوضك بعد كل ده يا حور والله انا عملت كده لاجل حبي ليكي ومعزتك عندي وكمان عارفه ان عمر مش اي حد

حور بحب ربنا يخليكي ليا يا حبيبت قلبي بجد

فارس حضن عمر واكمل بحب مش هوصيك علي حور لان واضح في عنيك حبك الكبير ليها يا عمر حقيقي انت لو دورت في الدنيا كلها مكنتش هتلاقي زيها

عمر بحب اكمل حقيقي اه و هي في قلبي ومستحيل ازعلها مهما حصل ومن انهارده هبقي انا ليها كل حاجه

فارس بحب ربنا يخليكم لبعض يا حبيبي

عمر بحب يارب يا غالي

فارس بضحك ده فهد هيعلقك علشان تخطب وهو مش موجود

عمر بضحك والله كنت هخليها كتب كتاب علشان مسبش حور لوحدها بس قولت هستني فهد يرجع الاول علشان ميزعلش ده مهما كان اخويا وصاحبي من زمان وبيحبني وبيعزني اوي مقدرش اعمل خطوه زي دي من غيره

فارس بحب اصيل طول عمرك يا عمر وبص لحور واكمل الف مليون مبروك يا احلي عروسه في الدنيا ولو زعلك الحيوان ده قوليلي اعلقه

حور بضحك الله يبارك فيك يا فارس يارب وعنيا حاضر هقولك انت اكيد

شيرين بمرح مراااات اخوياااا موزه اوي يا جدعااان اييه ده

حور اممم مرات اخوكي اه

شيرين بضحك شوف البت كرهتني ازاي منك لله يا شروق

شروق بضحك تشكري يا جزمه

شيرين بحب حور حقيقي اناعملت كده علشان عمر طلب مني وهو اخويا وصاحبي ولما شوفت نظرتك بعد كده انا هزقته بعدها وقولتله يصالحك علطول ربنا يعلم صعب عليا انك تتوجعي قد ايه حقك عليا

حور بفرح وحب خلاص محصلش حاجه وحضنتها

شيرين بفرح ايوه كده بقي

وفاء بحب وهي بتزغرط اكملت يلا يا عمر لبس عروستك الدبله

عمر مسك منها الدبله ومسك ايد حور لبسها الدبله وباس ايديها وحور لبسته دبلته وهي مبسوطه اوي وبتضحك من قلبها

عمر بضحك ياخرابي الواحد مكنش متخيل ابدااا انه هيتدبس التدبيسه دي في يوم

حور برفعه حاجب بقي كده

عمر باس ايديها واكمل بحب بس احلي تدبيسه في الدنيا عقبال ماتتكتبي علي اسمي يا نورعيني

حور ابتسمت بحب وعيونها دمعت واكملت اللهم امين يارب وبصتله واكملت انت كنت حلم بعيد اوي يا عمر بس الحمدلله انك بقيت نصيبي متخيلتش ابدا يكون كل دي خطه

عمر بحب انتي اللي كنتي بنسبالي حلم بحلم بيه كل يوم وعايش علي امل انه يتحقق يا حور

حور ابتسمت واكملت بمرح بجد شكلي حلو ??

عمر بحب حلو ?? ده انتي قمر قليله عليكي

حور بضحك اصل اول مخرجت من اوضتي انت سكت كده قولت يالهوي هو انا طلعت وحشه ولا ايه

عمر بضحك لا طبعا مش كده انا سكت كنت بتامل جمالك اصل قريت مقوله مره بتقول. فإذا وقفت أمام حسنك صامتا

فالصمت في حرم الجمال جمال

حور ابتسمت بفرح واكملت يابني هقع من كلامك الحلو مره فخد بالك

عمر بضحك وانا موجود علشان اشيلك عادي

حور ضربته واكلملت بضحك قليل الادب صحيح

ورقصوا مع بعض سلو وبعدين الحفله خلصت وعمر خدها روحها

تحت البيت

حور بحب شكرا علي كل حاجه انهارده بجد يا عمر عمري ماتخيلت افرح كده في حياتي

عمر بحب ده شكرا ليكي انتي لوجودك في حياتي يلا علي فوق وبكره هعدي اخدك علشان الشركه

حور بحب تمام ماشي تصبح علي خير

عمر باس ايديها واكمل بحب وانتي من اهلي

ابتسمت وطلعت وهي مبسوطه جداا وفضل باصص عليها لحد ماطلعت ومشي بعربيته

————————————

في الفيلا

شروق بتعب ياختي مش قادره اقف اتهديت من الشركه للخطوبه بجد

فارس شالها بين ايديه فشهقت فاكمل بضحك مالك يا مجنونه في ايه

شروق بضحك نزلني بلذمه لو حد طلع دلوقتي يقول علينا ايه

فارس بضحك كله نايم فكك ولو صاحين قرب من وشها واكمل بهمس مراتي حبيبتي ومش قادره تقف فشيلتها ومحدش ليه دعوه بينا

شروق ابتسمت بخجل طب اطلع يلا

في اوضتهم

فارس دخل وحط شروق علي السرير

فاكملت هي بوجع ااه ااه بجد مش قادره

فارس بقلق مالك يا حبيبتي في ايه

شروق بتعب حاسه جسمي كله واجعني وعطست واكملت ااه تعبت الحمدلله

فارس قولتلك بلاش اافستان ده الفتره دي بيحصل فيها تقلب في الجو مسمعتيش الكلام اديكي تعبتي

شروق بتعب فارس حبيبي الفستان بكم ومحترم عادي بس خامته مريحه وخفيف شويه انا فكرت انك مش عايزه بصراحه بسبب كده

فارس لا طبعا مش بسبب كده مانا شوفته مش مبين جسمك ولا حاجه ومحترم وواسع بس خامته متنفعش للجو ده وحط ايده علي جبينها واكمل يالهوي شروق انتي دافيه

شروق عطست واكملت بتعب الحمدلله يعني ايه

فارس بحده يعني الهانم تعبت علشان مبتسمعش الكلام

شروق بخوف من صوته اكملت اهدي كده وروق انا هاخد شاور واكيد اكيد وعطست واكملت بتعب واكيد هتحسن

فارس ضرب كف في كف واكمل بحده يا حول الله يارب انا لو كلامي يتسمع مكنش كل ده حصل تلبسي تقيل يوم تلبسي خفيف يوم مع تقلب الجو لازم تتعبي

شروق بتعب وهي بتحاول تقوم خلاص انا هقوم اخد شاور وهفوق والله متقلقش وقامت ورايحه تمشي كانت هتقع فارس لحقها واكمل بخوف في ايه مالك

شروق بتعب دايخه وتعبانه شويه

فارس شالها بين ايديه ودخل الحمام قعدها وشغل المايه السخنه في البانيو

شروق بتوتر انت .. انت بتعمل ايه

فارس بعمل ايه يعني هساعدك في الشاور علشان انتي تعبانه

شروق بتوتر لالا مين قالك كده انا زي الفل لعلمك

فارس بضحك ربنا يهديكي ياشروق

شروق بتوتر فارس ارجوك اخرج

فارس وهو بيشيل طرحتها وفك توكه شعرها اكمل بلا مبالاه حاضر حاضر بس كده عنيا

شروق بتوتر مبهزرش علي فكره

فارس وهو بيحط ايده علي ضهرها وبيفتح سوسته الفستان اكمل ولا انا بهزر علي فكره وباس خدها

شروق شهقت لما فتح السوسته ومسكت في قميصه

فارس بضحك مالك يابت في ايه

شروق غمضت عنيها واكملت بتوتر مفيش

فارس ساب الفستان وقع وشالها حطها في البانيو وباس جبينها بحب واكمل سلامتك يا نورعيني

شروق بخجل الله يسلمك

فارس ضحك علي كسوفها واكمل بحب شروق علي فكره احنا واحد ها مفيش سبب للكسوف ده كله

شروق ابتسمت وسكتت

وفارس شمر اكمام قميصه وعملها شعرها وهما بيتكلموا سوا علشان يخفف عنها توترها وبعدين ساعدها تخلص كل الشاور وهما بيتكلموا وبيهزروا وبعدين شالها من البانيو ونشفها وساعدها تلبس دريس بيتي قصير وسندها وخرج قعدها علي السرير

وفاجاه جات مسدج من غاده علي فون فارس فمسكته شروق وفتحت الباسورد اللي كان بتاريخ ميلادها لقيتها بعتاله ورق تبع الشغل فاكملت بحده فارس خد رد علي الزفته دي

فارس وهو بيفك زراير قميصه اكمل مين دي وقرب عليها واكمل سيبك منها ارد بكره

شروق برفعه حاجب والله ومتردش قدامي ليه

فارس بصدمه نعم انتي قولتي ايه

شروق ماقولتش خلاص ورمت فونه علي التربيزه اللي جمب السرير ورايحه تفرد جسمها علي السرير فارس مسك ايديها واكمل بحده لا سمعيني قولتي ايه علشان اعرف ارد عليكي كويس شكلك اتجننتي يا شروق

شروق بدموع من فضلك سيب ايدي جسمي كله واجعني

فارس سابها وغمض عنيه بعصبيه و خد نفسه واكمل بحده انا لحد دلوقتي عمري مامديت ايدي عليكي يا شروق ومتخلنيش الجأ للحل ده لان صبري هينفذ ومش هفضل طول الوقت مستحمل كلامك وتشكيك فيا غاده كانت قدامي ليل نهااار قبل حتي ما اشوفك تاني بس مبصتلهاش انا مقدرش اعمل كده لو علي موتي مش بس علشان محبتش غيرك لا علشاااان انا بخاف ربنا وعارف الصح من الغلط كويس اوي يا هانم وقعد جمبها علي السرير ورجع ضهره لورا ومسك فونه

شروق دموعها نزلت وسكتت وحست انها فعلا اتسرعت وغلطت في حقه فنفخت بضيق ومسكت المشت تسرح شعرها وبعدين بدات تعمل الضفيره اللي فارس بيعملها ليها. بس معرفتش وهو شايفها بطرف عينه وبيضحك علي انها مش عارفه تعملها بس مكسوفه تقوله يعملهالها بسبب انها زعلته

شروق بتعب والله مش نقصاكي انتي كمان وسابت شعرها ورايحه تريح ضهرها لورا لقيت فارس قعد وراها ومسك شعرها وبدا يسرحه وعملها ليها وربطها من الاخر. بلتوكه فعيطت اكتر لانه بيحبها اوي وبيهتم بكل تفاصيلها وهي تجرحه كده ورايح يمشي شروق لفت ومسكت ايديه واكملت بدموع فارس انا اسفه

فارس بهدوء تمام اوعي

شروق بدموع والله حقك عليا متزعلش مني بجد انا مكنتش اقصد اضايقك يا حبيبي وحضنته وفضلت تعيط

فارس بضحك يعني هو مين اللي المفروض يزعل دلوقتي علشان انتي عماله تعيطي

شروق بعياط انا بعيط علشان زعلتك مني وانا بجد بحبك ومبحبش تزعل مني

فارس مسح دموعها وقرب باسها بحب واكمل انا بزعل من الموقف شويه وعارف انه لحظات قليله وهنتصالح تاني انما مقدرش ازعل منك انتي او اخد موقف ابدا يا شروق انا ربنا يعلم بحبك قد ايه

شروق باست خده واكملت وهي بتحضنه وانا بموت فيك بجد وحقك عليا

فارس خلاص يا حبيبتي محصلش حاجه وحط ايده علي جبينها واكمل بتنهيده السخونه هديت شويه استني اجيب مايه وقماش واعملك كمادات

شروق لالا خليك جمبي

فارس حبيبتي انا جمبك طبعا بس هنزل دققتين وطالع علشان متتعبيش اكتر بس

وفعلا نزل وطلع وبدا يعمل لشروق الكامدات لحد مانامت وخدها في حضنه وباس جبينها ونام

———————————–

تاني يوم عند فهد وليلي

ليلي صحيت من النوم لقيت نفسها في حضن فهد ابتسمت بحب وباست خده وخرجت براحه ووطت التكيف ودخلت خدت شاور ولبست قميص حمالات قصير وسرحت شعرها وحطت مكياب هادي ونزلت تحضر الفطار

بعد شويه قام فهد لانه حس ب حر شويه واستغرب ان ليلي مش جمبه فقام خد شاور ولبس بنطلون بيتي وتيشرت ونزل

فهد بحب ده اي الجمال ده كله يا خواتي

ليلي بحب شوفت علشان تعرف اني طباخه شاطره وضحكت واكملت بعيدا عن عني اتصلت بماما وخلتها معايا علي الفون لحد ما خلصت

فهد قرب منها وشدها ليه واكمل بحب تسلم ايديكي تعبتي نفسك ياروح قلبي بس انا اقصد الجمال اللي بين ايديا ده

وصح انتي وطيتي التكيف ليه صحيت من الحر

ليلي ابتسمت بخجل واكملت اااه قولتلي طب اوعي علشان الاكل ميبردش ووطيته علشان البيه بينام صدره عريان

فهد باس خدها واكمل بحب تعبتي نفسك يا حبيبي صباحيه مباركه علي احلي واجمل عروسه شافتها عيني

ليلي ابتسمت بخجل واكملت الله يبارك فيك يا روحي يلا بقي علشان الاكل وبعدين مفيش تعب ولا حاجه

ورايحه تعد فهد شدها ليه واكمل بحب اكل ايه بس تعالي علشان عايزك في موضوع مهم

ليلي بضحك طب اتلم وسبني عايزه اكل

فهد بضحك هتندمي ده موضوع مهم جداا

ليلي بضحك عارفه انا مواضيعك المهمه دي بس مش وقتها

فهد بضحك بقي كده طب ماشي ياست ليلي

ليلي قعدت وهو قعد جمبها وبدائو ياكلوا سوا بحب وفرح واضح في عنيهم وكلامهم

وبعد شويه خلصوا وليلي دخلت تغسل المواعين وفهد جيه حضنها من ضهرها وباس رقبتها واكمل بحب مش هتيجي تشوفي الموضوع بردو

ليلي بضحك لا واتربي شويه يا فهد

فهد بضحك انا اتربيت مع الكل الا انتي

ليلي خلصت ورست الطباق ولفتله واكملت بضحك لا والله واشمعنا انا

فهد بحب اشمعنا انتي ده انتي الحاجه الوحيده اللي حلال في حياتي يا ليلي خلتيني دوقت معاكي طعم الحلاال اللي عمري ماكنت اعرف طعمه ايه وغيرتيني ورجعتيني شخص انا مكنش في بيني وبينه شبه غير الاسم وغيرته كمان بس رجعتي ورجعتي فهد معاكي وحقيقي حولتي الشيطان لملاك

ليلي حضنته بحب واكملت ومش هنقف علي كده يا فهد لسه زي ما اتغيرت علشاني في ربنا اهم مني لازم تتوب من قلبك وتتغير علشانه

فهد بتنهيده حزينه انا اخرتي معروفه يا ليلي وبعدين انا رضيت بلجنه اللي علي الارض وبين ايديا اهي انما جنه الاخره انا مش

ليلي طلعت من حضنه وحطت ايديها علي شفايفه واكملت بدموع اوعي تقول كده لو عايز صح ربنا يسندك ويقويك علي جمال وغيره من صعاب جايه ارجعله يا فهد هو مستنيك وانا معاك وربنا رحيم وبيغفر وحطت ايديها علي صدره واكملت بس المهم توب من قلبك

فهد بدموع انا هتكسف يا ليلي اصلا اقف قدام ربنا بعد كل اللي عملته

ليلي بحب وكفايه احساسك ده وضميرك اللي وجعك وانبك يا فهد ومتتكسفش وياما ناس غلطت واكتر من كده ورجعت لربنا ودلوقتي حياتهم احسن

فهد بدموع تفتكري

ليلي باست خده ومسحت دموعه واكملت ده اكيد مش افتكر وانا جمبك ومش هسيبك وهنتغير سوا ونقرب لربنا وانت بايدك اللي هتشدني للجنه

فهد بحب سند جبينه علي جبينها واكمل ربنا كرمني بخير الزوجه والحبيبه يا ليلي حقيقي يبخت قلبي بيكي

ليلي حضنته واكملت بحب ده يبختي انا بيك يا روح ليلي انا اتكتبت ليك يا فهد ودي اكتر حاجه مفرحاني

فهد بحب وربنا كتبك ليا لانه عارف ان محدش غيرك هيرجعني ليه

ليلي بحب نرجع ليه سوا مفيش انسان كامل

فهد بحب تمام وانا معاكي ونشجع بعض

ليلي بحب حلو اوي

وسمعوا صوت اذان الضهر

فهد بحب ايه رايك البدايه من دلوقتي

ليلي بمرح موافقه جدا

وفعلا طلعوا

اوضتهم وليلي لبست اسدال فوق القميص وفهد وقف امام ليها وصلوا جماعه وليلي لاحظت ان فهد طول الصلاه عينه موقفتش دموع وبوقه مبطلش يتكلم وصوت عياطه مليان ندم وحرقه وكانت بتبتسم. بدموع وهي شيفاه كده وبتدعي ربنا يثبته علي الصلاه ويقربه منه ويغفرله ويحميه

بعد شويه خلصوا خلاص وليلي قلعت الاسدال واكملت بحب بقيت احسن

فهد مسح دموعه واكمل بحب الحمدلله حقيقي ارتاحت اوي يا ليلي حرما

ليلي بحب دي البدايه بس يا روحي جمعا يا غالي

فهد شدها ليه واكمل بحب حقيقي يا ليلي ربنا يديمك نعمه في حياتي وغمز واكمل ها مش ناويه تعرفي الموضوع المهم اللي عايزك فيه

ليلي بضحك فهدد

فهد بضحك قلب فهد من جوه وقربها منه اكتر وباسها

————————————

عند وائل وغاده

غاده قعدت قدامه واكملت بردو مش هتعرفني هتعمل ايه علشان تخلي شروق ترضي وهتنفذ امتي

وائل انتي زنانه ليه ها ??

غاده منتا مش شايف الحب والمياصه اللي طول اليوم فا دي مهما تعمل انت مش هترضي

وائل بضحك مش عليا انا الكلام ده وعموما انا مش هنفذ دلوقتي هنفذ لما ارجع من السفريه اللي رايحها لامريكا في شغل

غاده تمام ازاي بقي ???

وائل بخبث طلع علبه دوا من خزنته وحطها قدامها واكمل بضحك ده

غاده مسكته واكملت بستغراب ايه ده

وائل بضحك ده هيخليها في عالم تاني وتايهه ومهلوسه ومش دريانه بحاجه حواليها

غاده بضحك حلو بس ده هيخليها تسمحلك تقربلها ?

وائل بضحك اه عادي هكلمها علي اني فارس وهي اصلا مش هتبقي مركزه ولا شايفه حلو ولا قادره تقف وتسند طولها وهخليه يجي شوفني وانا معاها وهيبقي واضح عليها اوي انها متقبله اووي ومش رافضه ولا حتي بتدافع عن نفسها ومفيش راجل هيشوف مراته كده هيخليها علي ذمته دقيقه واحده وعصبيته وتهوروه هيسيطروا عليه فهيضربها قلمين ويطلقها ويبقي انتي عملتي اللي انتي عايزاه وانا عملت اللي انا عاوزه

يتبع…..

  •تابع الفصل التالي "رواية احباء يجمعهم القدر" اضغط على اسم الرواية