كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الثاني 2
2
_إتكلم بخوف:جري إيه ي أدهم مالك؟أهدى ي جدع مش كدة ده أنا بهزر معاك والله علشان ما تركزش فى اللي تاعبك وتتعب أكتر..أهدى كدة وما تتهورش ده أنا صاحبك وأبن خالك وأخوك وبحبك والله..أدهم نزل البتاع ده وبلاش جنان..طب أستنى طيب لحد ما أخش دنيا وبعدين أتجنن براحتك..
=هههههههههههه..جبان أووي..
_منك لله وقعت قلبي ي أبن المجنونة..
=يعني إنت تصدق إني ممكن أعمل فيك كدة ي صاحبي؟
_بصراحة إنت بقيت عصبي الفترة ديه ومحدش بيتوقع اللي ممكن تعمله..
*بص عليه وتنح وعينه كانت بتطلع شرار..
_وبصراحة برضوا إحنا أخوات ومستحيل تأذيني..
=ههههههههههه مش بقولك جبان..ده اللي عملك ظابط ظلمك بس برضوا إنت أجدع أخ وصاحب فى الدنيا ربنا يخليك ليا ي صاحبي..
_ويخليك ليا ي حبيبي ويبارك لي فى صحتك ويوسع فى رزقك ي ضنايا ويسترها معاك دنيا وآخرة ي أدهم ي أبن بطني...
=هههههههههههه..ده إنت مصيبة..
_________________________
_لو سمحتي ممكن تنادي العسكري اللي برا؟
=ليه ي ختي هو أنا شغالة عند أهلك؟
_بس حضرتك هنا علشان لما أحتاجك تساعديني..
=لأ ي حبيبتي أنا بساعد الناس النضيفة المتربية مش بساعد مجرمين أنا ولا بنات شمال..
_ردت بحزن:طب معلش بعد إذنك ناديه علشان أنا عايزاه ضروري..
=قولتلك مش بساعد الأشكال ال**** اللي زيك..باي باي ي مزة
_إتكلمت ببكاء:حرام عليكم ليه بتعملوا فيا كدة..ليه بتعاملوني كمذنبة وأنا اللي بريئة أصلا ومظلومة..
طب أعمل إيه دلوقتي؟طب فين الممرضة التانية؟أكيد مشيت..
*فضلت أخبط على الحيطة بإيدي وأنادي عليه علشان يسمع بس للأسف مكانش سامعني فقولت أصرخ يمكن يسمعني بس للأسف كل محاولاتي فشلت..
__________________________
*فى اليوم التالي وبالأخص فى الصعيد..فى منزل العائلة الخاصة بأدهم..حيث يعيش داخل البيت والدته ووالده وجدته وأبناء خالته وأخواته..
_السلام عليكم..
=عليكم السلام ي حبيبي..الحمد لله على سلامتك..
_الله يسلمك ي أمي..
=وحشتني أوي ي أدهم..
_وإنتي أكتر والله ي ست الكل..
=وأنا مفيش وحشتني ي زيزو..
_وأقولك ليه وأنا أصلا بشوفك كل أسبوع مرة وخانقني فى الفون رغي قد كدة ولما بتيجي بتقعد معايا يومين وبتقرفني الدور والباقي على اللي مش بشوفه غير كل 3 شهور مرة وي ريته حتى لما بيجي بيقعد ده هما يومين ويقولي الشغل ي ماما وما ينفعش وما يصحش..
=رد بحزن مصطنع:بقي كدة ي ريري يعني مش عايزة تشوفيني؟
_وأنا أقدر برضوا ي قلب ريري ده إنت حبيبي ي زين..
=حيث كدة بقي خدي حضن كبير...
_لأ أبعد عن أمي ياض..
=لو هي أمك فهي عمتي ومش هبعد عنها بقي..
_لأ هتبعد
=رد بتحدي:مش هبعد ي أبن ريم إيه رأيك بقي؟
*خلص كلامه وحضنها وطلع لسانه لأدهم وريم كانت بتضحك على مناقرتهم لبعض اللي ما بتخلصش مهما كبروا بس للأسف كانت مفتقدة وجود شخص معاهم..بس ي ترى هو فين..
_يلا ي حبايبي علشان نآكل سوا أنا مجهزة الأكل من بدري ومستنياكم على نار..عقبال ما تغيروا هدوكم يكون مراد وسليم رجعوا من برا..وبعد ما نخلص أكل نتجمع ونقعد مع بعض بقي زي زمان
=إتكلم بتردد:لأ ما هو..ما هو أصل أنا..
_فى مصيبة صح؟أشجيني ي أدهم باشا..
=بصراحة كدة أنا لازم أرجع القاهرة النهاردة..
_نعممممممممم..سمعني تاني كدة إنت قولت إيه؟
=إتكلم زين بصوت خافت:هي أمك هتتحول ولا إيه؟هي ديه بنت الأكابر اللي كانت متربية فى جاردن سيتي
_والله أنا مستغرب ردة فعلها أكتر منك ديه قلبت على طنط غادة..
=آه والله عندك حق..
_طنط غادة فى عينكم ي اللي ما شوفتوش ساعة رباية..
*غادة هي سيدة فى عمر ريم وتسكن بجوارهم لكن تتعامل بطريقة سيئة وأساليب وقحة ودائما صوتها مرتفع وتتشاجر مع أي شخص يقف أمامها..
=عيب كدة ي أدهم ريم مش زي طنط غادة..
_حبيب قلب ريم إنت والله..
=ريم شبه الصول صبحي اللي عندنا في القسم..
*ضربته بالقفا..
=آآآآه هو الصول صبحي فعلا..نفس القفا اللي بياخده المجرمين منه..
_ههههههههههههه..والله إنت مصيبة..المهم نتكلم جد بقي أنا فعلا لازم أرجع القاهرة النهاردة..
=ليه ي أدهم؟هو إنت لحقت ي بني تقعد لما تقولي هترجع..
_ماما أنا ماسك قضية مهمة والمتهمة فى المستشفى لأسباب صحية ولازم أباشر حالتها وأراقب الوضع هل بتفكر تهرب ولا الموضوع هادي لأن ديه مسئولية عليا..
=طب ما تكلم ي بني أي ظابط من القسم يراقبلك الوضع لحد ما ترجع إنت..وبعدين إنت بتقول إنها فى المستشفى يعني مفيش تحقيق دلوقتي..
_آه صحيح ي أدهم ما تشوف الحوار ده مع محسن ويشيلك زي ما إنت دايما بتشيله وبعدين تلاقيه خلص أجازته أصلا
=أيوة أعمل كدة ي أدهم إنت واحشني أوي وعايزة أقعد معاك
_حاضر ي أمي علشان خاطرك بس..هروح أكلمه أنا بقي..
=هي البت علا فين ي ريري؟
_ردت بخبث:وإنت عايز منها إيه؟
=هه؟لأ ولا حاجة بسأل عادي يعني مش بنت عمتي فلازم أطمن عليها...
_لأ مش عادي ي أبن منال..
=بصراحة بقي كدة وعلى السكة والدوغري بحبها..
_طب ما أنا عارفة..
=هو مفيش حاجة بتغفلي عنها أبدا..ده أنا خايف تكوني شغالة مع الشرطة ومش قايلة..
_لا وإنت الصادق إنت اللي مفضوح ي أبن منال...ده إنت أول ما بتشوفها عينك بتطلع قلوب وبتبقي هتطلع من مكانها..
وبعدين هو إنت فاكر إنك بتيجي كل أسبوع وبتكلمني يوميا حبا فيا ي واد ده إنت بتيجي وبتكلمني علشانها
=شكلي بقي وحش أوي..طب ما تقفي جنب أبن أخوكي وتعرفي منها إيه الدنيا..
_إبتسمت وقالت:على الرغم من إنها كتومة بس مش بتخبي حاجة على تقى وأنا سمعتهم مرة وهما بيتكلموا وعرفت إنها بتحبك وجدا كمان..
=ربنا يطمن قلبك..روحي ي شيخة ي رب تحجي..
_ههههههههههه..طب إيه هتفرح قلبي ولا هتخيب ظني زي أدهم
=لأ هفرح قلبك وهخطبها قريب إن شاء الله بس هستني لحد ما مازن ينزل أجازة..البت ديه صعبانة عليا والله كل عيلتها بعيد عنها حتى أخوها سافر وسابها..
_مازن كان عايز يحقق ذاته وكان حابب يسافر وفضل يتحايل عليها علشان تسافر معاه لكنها رفضت..
=حقها ترفض هو شاب يستحمل الغربة إنما هي بنت وهتبقي أغلب الوقت فى جامعتها أو مستنية مازن يرجع من جامعته أو شغله يعني مش هيبقي مركز معاها فوجودها هنا وسطنا أفضل ليها..
_عندك حق..
=إنتم لسه بترغوا؟
_وإنت كل ده بتكلم محسن؟
=لأ أنا خلصت كلام مع محسن من بدري بس كنت بعمل كام مكالمة كدة بخصوص الشغل..
_طب يلا غيروا هدومكم عقبال ما أجهز الأكل..
________________________
*فى المستشفى..
_حضرتك رايح فين؟
=داخل أشوف الحالة اللي جوا..
_ردت الممرضة:ده دكتور صلاح أحسن دكتور نفسي عندنا هنا فى المستشفى وأكتر حد المدير بيثق فيه..
=معلش ي باشا اللي ما يعرفك يجهلك بس ديه أوامر وأنا بنفذها..
_رد بإبتسامة:وأنا مبسوط منك إنت شاب محترم وجدع..عن إذنك..
=إتفضل ي دكتور...
________________________
_أهلا أهلا وأنا أقول البيت منور ليه أتاري خيرة شباب البلد موجودين عندنا..إزيكم ي ولاد
=الحمد لله ي بابا..الحمد لله ي عمو..
_عاش من شافك ي أدهم باشا..
=والله ي مراد باشا أبنك طالع عينه فى الشغل المجرمين خلاص هيطيروا الجزء اللي فاضل من عقلي..
_ههههههههههه بس إنت قدها ي سيادة الرائد..
=كله بفضل ربنا ثم دعواتكم ليا ي بابا..
_حبيبي دايما رافع راسي عقبال ما أفرح بيك وإنت عريس..
=طب ليه السيرة اللي تسد النفس ديه بقي؟
_هو فى حد يتسد نفسه من موضوع زي ده؟
=آه أنا..الموضوع ده بيخنقني ويسد نفسي..
_طب إيه السبب ي حبيبي؟
=رد بحدة:مفيش سبب ي بابا..أنا مش عايز أتجوز ولا عايز حد يجيبلي سيرة الموضوع ده تاني ممكن؟
*للأسف بقت ديه ردة فعله لما حد يتكلم معاه فى الموضوع ده..
_خلاص ي حبيبي اللي يريحك..كمل أكلك..
=رد بزعل:أنا آسف ي بابا إني إتنرفزت عليك حقك عليا ما تزعلش مني..
_أنا عمري ما أزعل منك ي أدهم أنا مش بتمنى حاجة غير سعادتك وراحة بالك ي بني..
=ربنا يبارك فى عمرك ويخليك لينا ي حاج..
_ي رب ي حبيبي..
=زين محاولا تخفيف الأجواء:وأنا مش عايز تفرح بيا ي حاج؟
_والله ي بني أكيد نفسي بس بصراحة هبقي مشفق عليها علشان هتتجوز راجل تنح زيك...
=مش قولتلك إنهم بيحبوني ي أدهم..
_ههههههههههه..ما هو واضح..أومال سليم فين؟
=للأسف سافر الصبح فجأة علشان الشغل وزعل أوي إنه مش هيعرف يشوفك..
_عادي ي حبيبي تتعوض وربنا يقويه..
*أدهم مسك دماغه تاني وإتألم بصوت خافت..
_إتكلم بقلق:مالك ي أدهم؟
=دماغي وجعاني ي زين..
_تلاقيها من إرهاق السفر..خلص أكلك وأطلع إرتاح..
=لأ أنا شبعت..عن إذنكم..
_هو ماله ي زين؟شكله مش عاجبني..
=بقاله يومين بيجيله صداع وتخيلات بس مشوشة ي ريم وأنا كنت هعك الدنيا معاه وهفكره بحبه القديم ولحقت نفسي على آخر لحظة ودلوقتي أظن إنه جاله نفس الصداع وتكرار الموضوع ده معاه فى خلال يومين أكتر من 3 مرات على الرغم من إنه كان بيحصل 6 مرات بس فى السنة حاجة ما تطمنش..
_إنت كدة قلقتني عليه..
=ما تقلقيش ي ريم أنا معاه وزي ضله ولو الموضوع ده إتكرر تاني أنا اللي هآخده بنفسي وهروح للدكتور..
_منه لله اللي كان السبب فى اللي هو فيه ده دلوقتي..
ربنا ينتقم منه الظالم المفتري..ضيع أبني..وضيع ناس كتير أوي..
=أبنك راجل ي ريم وطول ما ربنا معاه ما تخافيش..
_ربنا يسترها معاه ي مراد..
=طب أنا هطلع أطمن عليه ي ريم..
_ماشي ي زيزو..
*دخل عليه الأوضة لقاه ماسك دماغه وبيتألم جامد..
_إتكلم بخضة:مالك ي أدهم فى إيه؟
=رد بوجع:دماغي ي زين مش قادر..صداع وتخيلات
_والتخيلات مش واضحة برضوا؟
=هي أبتدت توضح بس أنا مش فاهم حاجة..آآآآآه..
_أستني أدورلك على أي مسكن..
*أخد المسكن وهدى شوية..
_بقيت أحسن دلوقتي؟
=الحمد لله..زين وأنا بتخيل شوفت بنت صغيرة لابسة فستان شبه لون السما وشعرها بني قصير لكن للأسف وشها مكانش واضح..ممكن تكون تقى أو علا..
_ممكن بس تقي وعلا شعرهم أسود ومش قصير..
=يمكن كان زمان قصير واللون ده ممكن يكون تخيلته غلط يعني...
_رد بتوتر:آه آه ممكن..على العموم إرتاح إنت دلوقتي..
=خليك جنبي لحد ما أنام..
_حاضر..من عيني ي سي أدهم..
=ههههههههههه ده إنت نكتة..
*بعد فترة..
_إلحقوني..فى مصيبة ومش عارف هنتصرف فيها إزاي ي ريم؟
=مصيبة إيه ي زين..
_أدهم تخيل................
=ي لهوي لأ ما ينفعش يفتكر ي زين..ما ينفعش..
_المشكلة إنه وهو بيحكي كان مبتسم..يعني اللي شافه مفرحه
=علشان خاطري ي زين خليك معاه ولما تحس إنه هيفتكر إتكلم معاه فى أي حاجة وأبعده عن الموضوع ده..
_حاضر ي ريري بس إنتي أهدى..
__________________________
*فى اليوم التالي داخل المستشفي..
=أفتح ي بني الباب..
_تحت أمرك ي محسن باشا..
_إيه الريحة المعفنة ديه هو إنت فاتح لي باب المشرحة؟
=رد بقرف:مش عارف ي باشا إيه الريحة ديه..
*دخلوا الأوضة وشافوا.......
_أنا لازم أمشي دلوقتي ي ماما..
=تمشي إزاي يعني إنت متفق معايا تقعد يومين..
_فى مصيبة حصلت فى الشغل ولازم أمشي..
=مصيبة إيه؟
_هبقي أكلمك بعدين وأعرفك..سلام..
•تابع الفصل التالي "رواية كيف لا اعشقك وانت عمري" اضغط على اسم الرواية