رواية احباء يجمعهم القدر (كاملة جميع الفصول) حصريا عبر دليل الروايات بقلم لولا
رواية احباء يجمعهم القدر الفصل الثالث الثلاثون 33
فهد فتح فونه والمسدج واتصدم من االلي قراه كانت رساله من حازم
حازم ( فهد بيه جمال اتقبض عليه حاليا وواحد من رجالته كلمني وسالني اعرف حاجه عنك ولالا قولتله لا وحاليا جاب رجاله جديده مع رجالته وبقي بيدور عليك ليل مع نهار حتي في المطارات يعني مش هتعرف تهرب برا مصر وكمان احتمال تيجي تشهد في المحكمه ولو روحت هتقتل)
ليلي بستغراب في ايه يا حبيبي
فهد قفل الفون واكمل بضحك مزيف مفيش يا حبيبتي مفيش يلا بينا ننزل
ليلي استني بس في ايه ووجهت وشه ناحيتها واكملت فهد متكدبش عليا انا ليلي ها ومفروض سرنا مع بعض ونشكي همنا لبعض
فهد تنهد بحزن واكمل جمال اتقبض عليه وطلما ده حصل يبقي العد التنازلي لحياتي بدا يا ليلي خلاص
ليلي بدموع ايه الكلام ده لا طبعا
فهد فتح الفون وراها المسدج قرتها ودموعها نزلت واكملت بعصبيه ودموع لالا انا مش هسمحلك تروح المحكمه اصلاا يا فهد انا مليش غيرك مش هقدر اعيش من غيرك ولا هستحمل يجرالك حاجه انا تعبت بقي يارب تعبت اوي
فهد حضنها واكمل بوجع وحياتي عندك ماتعيطي بلشكل ده متخافيش مش اساسي اني هروح دي تواقعات حازم بس لسه معرفش اسلام هيعمل اي
ليلي بعياط يعمل اللي يعمله المهم مفيش مرواح محاكم وخلاص مش كفايه بيدوروا علينا ليل مع نهار
فهد قلبه اتقبض واكمل بخوف انا خايف يجوا اوي يا ليلي بس مش علشاني لا انا خايف علشانك انتي مش هقدر اشوف فيكي اي حاجه وحشه مش هقدر
ليلي بعياط وهي في حضنه ولا انا وحياه ربنا مش هقدر وهموت من خوفي عليك نفسي نرتاح بقي
فهد بوجع مفيش غير حل واحد
ليلي بدموع ايه هو
فهد بدموع ووجع تبعدي عني مؤقتا
ليلي بصدمه ودموع ابعد عنك ازاي يعني
فهد بوجع هكلم فارس واخليه يبعت حد بنقاب والبسيه وروحي عيشي مع فارس في الفيلا الجديده ومتخرجيش منها لاي سبب من الاسباب لحد منا ارجعلك
ليلي بحده ودموع انت بتقووول ايه انا مستحيل اعمل كده مستحيل ابعد عنك يوم او دقيقه مش تقولي امشي لحد ماترجعلي فهد انت ازاي كده انا بجد مش هقدر ارجوك افهمني انا مش هعرف انام اصلا مش هعرف اطمن وانام احسن نومه واكل احسن اكل وابقي في امان وانت مش معايا يا فهد انا اصلا مش هحس بكل ده وقلبي هيفضل مشغول بيك وياتارا بتعمل ايه دلوقتي وبيحصل ايه انت اصلا فكل ده علشاني لالا انا معاك حتي لو علي الموت
فهد بوجع لالالا متقوليش كده وخدها في حضنه واكمل بعد الشر عنك يارب ياخد من عمري ويديكي يا ليلي اوعي تجيبي سيره الموت تاني علشان خاطري
ليلي بدموع ارجوك متبعدنيش عنك خليني هنا
فهد مسح دموعها واكمل بحزن ووجع طيب يا ليلي خليكي علي راحتك خلاص بقي كفايه عياط علشان نعمل الاكل ولا مش عايزه البيتزا
ليلي ضحكت من بين دموعها واكملت لا عايزاها
فهد بحب عيوني هدخل اخد شاور واطلع اعملهالك
ليلي لالا استني انا الاول يا فهد بطل رخامه
فهد بضحك مفيش الكلام ده انا مش قادر وحران
ليلي بضيق ضربته في صدره يووه ده انت باااارد اوي انا عايزه الاول
فهد بضحك خلاص تعاالي سوا وغمز
ليلي لا وماله ياروحي ادخل انت الاول عيب بردو انت الكبير
فهد بضحك ايوه كده اتظبطي
ودخل فهد خد شاور ولبس بنطلون بيتي وخرج عاري الصدر
ليلي لفت علي نفسها الملايه وقامت واكملت البس تيشرت واحترم نفسك اخوك جاب هدوم كتير اهو متفضلش كده
فهد بضيق حراان يا ليلي حراااان
ليلي بضحك قدام البحر وحران اومال المدن تعمل ايه بعدين في تقلب في الجو البس علشان متتعبش يا فهد
فهد شد وسطها ليه واكمل بحب هو القمر خايف عليا ولا ايه
ليلي بابتسامه حب هو انا لو مخوفتش علي حبيبي وجوزي هخاف علي مين
فهد بضحك اللي يشوفك دلوقتي ميشوفكيش لما اتجوزتك يالهوي وباس خدها واكمل بس الحمدلله اتغيرنا وبقينا حلوين وقمرات
ليلي بضحك طب اوعي كده علشان اخد شاور ولما اطلع ابقي عاكس مش طايقه نفسي
فهد بضحك طب تمام هنزل انا ابدا احضر ماشي
ليلي وهي بتققل الباب ماشي
ليلي لنفسها بحزن برغم كل اللي انت فيه يا فهد ووجعك وهمك اللي شايله بسبي مش عايز تبينلي وبتضحك وبتهزر عادي ربنا يقويك يا حبيبي علي شيلتك وتخلص من اللي انت فيه ده علي خير
فهد لنفسه بحزن حقيقي خوفي ووجعي مش عارف اتخلص منهم مهما حاولت ليلي ملهاش ذمب بس انا فعلا هموت لو حصلها حاجه بسببي ونفخ واكمل ارشدني يارب وساعدني بقي
بعد شويه ليلي خلصت شاور ولبست قميص لحد الركبه حماله وسابت شعرها وحطت روج ونزلت
في المطبخ
ليلي بضحك ده ايه الشطاره دي
فهد بحب ده ايه الحلاوه دي
ليلي ابتسمت بخجل ودخلت واكملت ها عملت ايه
فهد عملت العجينه وسبتها تخمر وبعمل الحشو
ليلي بحبها ب
فهد بماقطعه عارف هعمل واحده لحمه وواحده ببروني
ليلي بضحك مفروض مكنتش اتكلم مش كده
فهد بضحك اه كده
فهد فونه رن وكانت سوسن
فهد وهو بيقطع البصل اكمل ليلي ردي علي مامتك بترن
ليلي ردت
سوسن بحب واحشاني يا ليلي عامله ايه يا حبيبتي انتي وجوزك
ليلي بحب والله وانتي واحشاني اكتر يا نورعيني الحمدلله بخير
سوسن ها طمنيني عامله ايه مع فهد
ليلي بحب الحمدلله يا حبيبتي زي الفل
سوسن بحب الحمدلله يا حبيبتي ها مفيش اخبار كده ولا كده
ليلي ضحكت بخجل واكملت قولي يارب يا روحي لما ربنا يريد هيحصل
سوسن بضحك ااتكسفتي من امك يا ليلي عموما يا روح قلبي من غير حاجه انا بدعيلك
ابتسمت بحب واكملت تسلميلي يا غاليه
سوسن هاتي جوزك بقي اكلمه
ليلي حاضر استني افتح الاسبيكر بس علشان هو بيعمل الاكل
سوسن بصدمه بيعمل الاكل هو اللي بيعمل
ليلي بضحك والله هو اللي قالي بيعرف يعمل بيتزا فهيعملهاالي مش انا مفتريه وبدخله المطبخ
وفتحت الاسبيكر
سوسن مفتريه لا ازاي انتي مش مفتريه طبعا يابنتي حد يقدر يقول كده
ليلي بضحك والله يا ماما هو اللي قالي
فهد بضحك ايه في ايه
ليلي حبيبي هو مش انت اللي قولتلي هتعملي بيتزا
فهد اه انا اللي قولت علشان بعرف اعملها
سوسن بضحك ربنا يخليكم لبعض يا حبيبي انا فكراها ادلعت وقالت مش قادره فانت قومت مكانها بقي
ليلي بضحك يااا ظالمه انتي يا مااامي مااشي
فهد بضحك لا يا حبيبتي حرام انا دخلت من نفسي هي مقالتش وبعدين كل يوم تكلمك علشان تفضلي معاها علي الخط من اول الطبخه لاخرها حرام قولت ارحمك شويه
سوسن بضحك والله انت عسل ربنا يخليكم ويديمكم لبعض يا حبيبي وبعدين مكاالمه ليلي دي بلدنيا ده اانا لما ماتصلتش كلمتها انا اهو بصبر نفسي بصوتها وبطمن عليها برتاح لحد ماعرف اشوفكم
فهد بحب قريب باذن الله
سوسن يارب يا حبيبي ها البت دي عامله معاك ايه
فهد غمز لي ليلي واكمل بضحك زي الفل
ليلي بضحك همست اتلم واحترم نفسك
سوسن بضحك بطلت تضايقك خلاص
فهد بضحك خلاص بقي ماعرفت فيها فهد هتضايقني ليه
سوسن بضحك علي رايك والله ريحتني من المناحه اللي كانت بتعملها كل يوم في اوضتها ولا اكن في عزا
ليلي بضحك يا وليه بس بتقولي للراجل ايه عييب طلعي بنتك تقيله مش كده
فهد بضحك تقيله مع مين ها انتي هتحوري انا اصلا عارف كل حاجه خليناا ساكتين
ليلي بقي كده طيب تمام روح بقي شوف مين هينام جمبك انهارده
فهد بضحك ماشي هشوف
سوسن بضحك خلاص اهدوا ايه حسدتكم
فهد بضحك لالا عادي متقلقيش كله تمام
سوسن بحب طيب يا حبيبي يارب دايما هسيبكم بقي انا واروح اكمل ترويق الشقه
فهد تمام باي
سوسن باي
وبدا فهد في فرد العجينه وحشوها
ليلي بمرح اعمل معاك علشان خاطري يا فهد علي خاطري
فهد بضحك حاضر حاضر امسكي كيس الجنبه الموتزاريلا حطيه في الاطراف واقفلي عليه هتعرفي ?
ليلي اه هعرف وبداات فعلا تساعده
فهد حط دقيق علي صباعه وحطه علي وش ليلي وهو بيضحك
ليلي شهقت يانهارك اسود انا لسه واخده شاور
فهد بضحك عادي عادي ده وشك مش مشكله
ليلي بغيظ طب و ليه يابارد ومسكت دقيق حدفته علي صدره العاري
فهد بضحك يابنت الجزززرمه كده يا ليلي يعني انا عملت علي خدك انتي تعملي كدده
ليلي بضحك اه كده علشان قولتلك البس تيشرت مسمعتش الكلام
فهد بضحك والله انتي عايزه تتربي اهو انا كده هاخد شاور تاني
ليلي طلعت لسانها بغيظ واكلمت احسن
فهد بضحك مااشي مااشي يا ليلي اللي ميزعلش
ليلي يلا بقي ياروحي هش انت روح خد شاور ووقفت وادته ضهرها
راح فتح التلاجه بخبث وجاب ازازه مايه ساقعه ودلقها علي ضهرها
ليلي بخضه ااااه يخربتيكككك ولفتله واكملت بضحك يخربيتكككك ايه اللي عملتوا ده المايه تلللج
فهد بضحك تستاهلي يلا اطلعي انتي غيري بقي
ليلي فضلت تضربه في كتفه واكملت والله انت بارد اوي اوي اوي
فهد بضحك خلااااص ايدي هتتكسر يلا ياروحي اطلعي غيري علشان متتعابيش
ليلي دبدبت علي الاوض ومشيت بغيظ وهو فضل يضحك عليها بعدين دخل اابيتزا الفرن وطلع ياخد شاور
ونزل كانت ليلي بتطلعها
ليلي بفرح امممم ريحتها تجنن
فهد بضحك الف هنا يا حبيبتي
ليلي صح انت هتاكل ايه انت مش بتحبها
فهد لا منا هاكل لانشون وجبنه رومي حاجه خفيفه مبعرفش اكل الاكل ده قبل مانام
ليلي برفعه حاجب ايش تقصد بكلامك هاااد
فهد بضحك مقصدش الف هنا
ليلي حطتها علي السفره وجابت لفهد اكله واكملت طب دوق حته
فهد بضحك لازم انتي تاكليني منها فكل مره حاضر يا ليلي ومسك منها حته
ليلي اصل انت عامل اتنين كتير ليا اتنين
فهد لا مش كتير هما مش كبار اوي ولو فاض شيليها في الكيس الحراري اللي جوا وتاكليها بكره
ليلي ماشي وداقتها واكملت بحب وفرح اامممم طب والله فعلا حقها تولين تحبها منك تحفههه اوي تسلم ايديك يا حبيبي
فهد بحب الف هنا يا غاليه
ليلي كل بتاعتك كده
فهد قطم منها واكمل حلوه فعلا
ليلي يلا كل معايا بقي
فهد بضحك لييليي
ليلي بضحك ايه يا قلب ليلي منتا كل مره بتاكل حته وبتعمل الشغل ده بعدين انا بصمم وباكلك معايا
فهد بضحك حاليا لا دي بس علشان اعرف انام
ليلي ليه محسسني اني جاموسه منا هنام بردو
فهد بضحك لا طبعا يا عمري مقدرش الف هنا
وفضلوا ياكلوا بحب وبعدين طلعوا نامو
فهد بضحك الله منتي جيتي نمتي جمبي اهو
ليلي وهي بتضمه اكتر اكملت بنوم اه سيبك مني انا بحب ارغي كتير علشان برستيچي قدام الوليه وكده
فهد ضحك عليها وباس راسها وناموا
————————————
في اوضه تولين
تولين قاعده علي السرير بتعيط بصمت وضامه رجليها لصدرها وفاجاه سمعت صوت توب اتحدف علي البلكونه بتاعتها
تولين بخضه بسم الله ايه ده وقامت بتتسحب وراحت فتحت البلكونه
تولين بتفاجئ سيف
سيف بضحك اه يا قلب سيف هو انتي فاكره لما تقفلي الفون انا مش هعرف اجيبك مثلا
تولين بخوف يخربيتك انت واقف كده ازاي وقربت منه
سيف بضحك اتسحبت زي الحراميه والله يا تولين علشان اطول بلكونتك كويس مش بعيده اوي
تولين بخوف سيف انت مجنون كنت تيجي زي الناس تعالي ومسكت ايده واكملت اطلع يخربيتك هتقع
سيف طب امسكي الورد ده تولين خدته منه فمسك حديد البلكونه ونط وقف قدام تولين واكمل بضحك انا ظابط متعود علي الكلام ده كله متخافيش يا حبيبي
تولين بحده همست مخافش ايه انت مجنون لو وقعت هنا بعد الشر يحصلك حاجه ماكنت تيجي زي البشر العاديه مابتيجي مش من البلكونات زي الحراميه
سيف بضحك الناس نامت هاجي اخبط ازاي يعني عليكم بعديين ماهو لو الهانم تفتح فونها مكنتش جيت
تولين حطت الورد علي التربيزه اللي في البلكونه وااكملت بحزن مش هتفرق كتير افتحه او لا جاي ليه ياسيف
سيف مسك ايديها واكمل اقعدي يا تولين علشان الامن لو شافنا ميصحش
تولين قعدت معاه علي الارض واكلمت انت دخلت ازاي اصلا ما لازم يكونوا شافوك
سيف بضحك من فوق السور
تولين بصدمه يخربييتك انت ايه اللي هببتوا ده
سيف بضحك عماله تخربيه من ساعه ماجيت بتخربيه ليه ماهو بيتك انتي كمان
تولين برفعه حاجب لا والله طب قصر عايز ايه
سيف باس ايديها واكمل بحب عايز اصالح اميرتي مقدرش انيمها زعلانه مني مهما حصل
تولين بدموع هونت عليك يا سيف
سيف مسح دموعها واكمل بحب عمرك ماتهوني عليا وعلشان كده لما معرفتش اكلمك فون اصالحك جيت الساعه 3 بليل زي الحراميه علشان اصالحك بس مقدرش انام وانتي زعلانه مني ولا انيمك زعلانه ودموعك علي خدك
تولين بدموع انت اتغيرت اوي يا سيف
سيف زعلانه مني ?
تولين بدموع اممم
سيف بحب عاتبيني انا قاعد اهو
تولين بدموع مش كل حاجه ينفع نعاتب فيها فين كرامتي يعني ?
سيف بحب تولين احنا واحد ايه كرامتك وكرامتي دي احنا كرامتنا من كرامه بعض علي فكره وانا اكيد مش هفهمك غلط او اقول معندهاش كرامه علشان قالتلي كذا. وكذا ايه الجو ده
تولين بدموع مينفعش اعاتبك علي انك اتغيرت ياسيف وبطلت تهتم بيا
سيف بتنهيده عارف اني مقصر في حقك وعارف اني من يوم ماخطبتك مجتش هنا وعارف ان مش بشوفك غير مره في الاسبوع وعارف ان حقك تغيري وتزعلي من هنا علشان انا اغلابيه الوقت معاها وبترني تلاقيني ويتنج وشوفتي شات حقيقي انا مقدر رده فعلك عليه وعارف اني مبقتش زي الاول وغلطان يا تولين انا مش برر انا حقيقي غلطت
تولين بدموع اديك قولت كل اللي عايزه اقوله كويس انك عارف ان مفيش مبرر لكل ده غير انك بطلت تح
ولم تكمل حتي حط ايده علي شفايفها يمنعها واكمل بحب كله الا الكلمه دي انا صح. غلطت واستاهل اي كلام تقوليه بس معادا دي انا عمري مابطلت احبك ولا هبطل تولين انتي الحاجه الوحيده اللي بتهون عليا اي صعب عارف ان انتي متعوده بشوفك كل يوم وبتجنن لو مشوفتكيش بس اضطريت الفتره دي وتعرفي بستني اليوم اللي هقابلك فيه ده بفاارغ الصبر والاشتياق وباس ايديها واكمل حبيبي انا مقدرش اعيش من غيرك ولا اقدر ازعلك مني وابعدك عني لحظه بس شغلي صعب جداا وانتي عارفه كمان ساعات بتعرض لناس خطيره ازاي فيه انا بتشتغل ليل نهار علشان انا كلمت فارس عايز شهر بلكتير واكتب عليكي وبشتغل كتير الفتره دي عايز اخلص اي عمليات تقيله علشان افضالك بقي واعوضك بس مش بطلت احبك وتهوني عليا ايه الكلام ده ربنا يعلم يا تولين حبك واصل في قلبي لفين ياريتك تدخلي جوايا تشوفي بموت فيكي ازاي وحياه غلاوتك عندي غصب عني وماحبيت ولا هحب غيرك
تولين بابتسامه كلها حب خلاص هسامحك المره دي يا سياده الرائد
سيف بضحك والله انتي قلب سياده الرائد ايه يا خواتي الضحكه القمر دي
تولين ابتسمت بخجل طب يلا امشي دلوقتي روح
سيف بضحك استني بس ده انا هقتلك علي الاستوري اللي نزلتيها مجرد ما طلعتي اوضتك دي
تولين فضلت تبص حواليها وعامله نفسها مش واخده بالها واكملت انهي استوري دي ياروحي
سيف استعبطي استعبطي وفتح فونه واكمل وهو بيقرا الاستوري
(( كنت نجما يزين سمائي وما اجمل السماء وهي صافية) ) وبصلها وهو رافع حاجبه
تولين بتوتر ايه في ايه
سيف برفعه حاجب والله وايه المعني بقي??
تولين بضحك عديها يا سيف همسحها والله خلاص
سيف لا والله تصدقي كنت فاكرها هتفضل سؤال بس هو انتي متعرفيش غلاوتك عندي للدرجه دي توصل بيكي ان من خناقه مهما كانت كبيره او صغيره مش هتفرق تنزلي استيت زي ده بيعبر عن اني مبقتش في حياتك ??
تولين بحزن مش كده والله حقك عليا بس هو انا كنت مضايقه اوي منك وبصراحه كنت ناويه اخد موقف منك ومكلمكش الفتره دي
سيف اممم ولما جيت وكلمتك
تولين ابتسمت بخجل لا خلاص نسيت كل حاجه مزعلاني كلعاده زي الهبله
سيف بضحك ده مش هبل ده حب وانك فعلا قدرتي موقفي وفهمتيه وفوق كل ده وصلك صح وصدقتيه انا اعمل اي حاجه علشانك يا تولين حتي وصل بيا اجيلك في وقت زي ده بورد وشيكولاته واتسحب زي الحراميه
تولين مسكت الورد وشافت الشيكولاته اللي فيه وشكله وابتسمت بحب وفرح واكملت بجد ميرسي يا سيف حلوين اوي يا روحي تعيش وتجيبلي
سيف بحب تعيشي يا ست البنات
تولين بضحك وبعدين صحيح علي اخر الزمن حرامي يا سياده الرائد والله عيب
سيف مسك ايديها باسها واكمل بضحك سياده الرائد يعمل اي حاجه علشان خاطر الاميره تولين
تولين بصتله بحب وفرح واكملت بجد بحبك
سيف بحب وانا اكترر بكتير واكمل وهو بيضحك وبعد بحبك دي انا همشي لان بسمعها منك مشاعري بتتحرك معرفش بيحصلي ايه
تولين ابتسمت بخجل واكملت يلا علي تحت زي ماجيت
سيف بضحك ماشي ماشي مسيرك تقعي تحت ايدي وغمز
تولين بضحك اتلم هوقعك
سيف اهون عليكي
تولين بحب لا طبعا
سيف بضحك شوفتي ومسك الحديد
تولين بخوف بقولك ايه تعالي هنزلك طبيعي زي الناس بلاش شغل النط ده
سيف بضحك يابت متخافيش والله عادي
تولين بقلق سيف اابوس ايدك لحسن تقع المسافه مش قريبه بردو
سيف باس جبينها واكمل بحب والله ماتخافي ومسك الحديد وخرج برا
تولين بقلق خلي بالك من نفسك
سيف حاضر يا حبيبي
وابتدا يتسحب وينزل وهي شيفاه وخايفه اوي
تولين بخوف حاسب يا سيف
سيف بهمس متخافيش والله
وفعلا فضل كده لحد مانزل وبعدين راح عند السور وطلعه بمهاره وخرج من برا وبقي وشه بس باين وبصلها و شاور بايده
تولين بضحك باي يا مجنون
سيف ضحك بعدين نط للشارع
وتولين ابتسمت بفرح ودخلت رمت نفسها علي السرير بفرح واكملت والله بحبك فوق الوصف يا سيف
————————————
عند حور وعمر تحت بيت حور
حور بحب بجد يا عمر اتبسطت اوي انهارده ربنا يخليك ليااا يا حبيبي
عمر بحب ويخليكي ليا يا ست االبنات ولسه يا حور اللي جاي احلي وهعوضك. عن كل تعب شوفتيه
حور بحب من يوم ماحبيتك وانا خلاص ربنا عوضني ومش عايزه حاجه تاني
عمر باس ايديها واكمل وربي بعشقك عايزك بقي تحضري نفسك بكره عندنا مشوار مهم
حور بستغراب مشوار ايه ده
عمر بحب هتعرفي بكره
حور بابتسامه حب تمام ياروحي يلا باي هطلع انا تصبح علي خير
عمر باس جبينها واكمل بحب وانتي من اهلي يا اميرتي
وحور طلعت وهو فضل كلعاده لحد ماتاكد انها طلعت ومشي بلعربيه
————————————
تاني يوم الصبح عند جمال في السجن حد جيه يزوره
جمال بعصبيه انتي تروحي تسقطي اللي في بطنك ده انا مش ناقص وش يا اميره
اميره اتخضت واكملت ممكن تهدي في ايه انا جيت اقولك فكراك هتفرح
جمال بحده افرح ايه وزفت ايه انا في ايه ولا ايه يا اميره وبعدين ده ابن حرام مالك فرحانه بيه ليه كده مش فاهم
اميره بدموع ووجع حتي لو يا جمال ده ابني وابن الراجل الوحيد اللي حبيته ومش هنزله
جمال بحده مسك دراعها واكمل بت انتي انا مش ناقص قرف سبيني في اللي انا فيه ولو مسقطيش بلذوق هخلي واحد من رجالتي يسقطك بلعافيه وغمز طبعا انتي فاهمه ازاي
اميره اتصدمت واكملت بدموع ووجع اييه انت حقير للدرجه دي عايز ترميني لواحد من رجالتك اومال عامل فيها ليه بتغير عليا ومش بتاخدني معاك حتي اي حفله او تجمع منتا هترميني دلوقتي اهو
جمال بضحك وفيها ايه هو انتي مين يعني هو انا علشان كنت بعتبرك المفضله عندي وبغير شويه ومقعدك في بيتي هتنسي نفسك
اميره بدموع وبحده حقيقي انا اللي رخصت نفسي لما هربت وسبت اهلي علشانك صحيح كنت بتذل من عمي وخالي كل شويه واحد يرميني للتاني بس علي الاقل كنت بشرفي وعماله اقول بحبك وخسرت شرفي ونفسي وقبلت انك تقربلي واعيش معاك حقيقي دي غلطتي من الاول يا جمال وبرغم كل خيانتك ليا مع كذا ست انا بردو جيتلك وقولت هتفرح منا حبيبتك بقي وانت 33 سنه ومبقتش اب لسه فلما تعرف اني حامل هيهون عنك محنتك لاني فكرتك حبتني بس انت فعلا حقير وزبااله وانا اكتر منك
جمال ضربها بلقلم واكمل بحده انتي اتجننتي يابت انتي بتشتمي مين
اميره بعياط بشتمك انت يا جمال ولو عليا مبقتش عايزاك خلاص ولا عايزه اعيش معاك تاني بس علشان ابني يتسجل باسم ابوه صلح غلطك واتجوزني انا محدش غيرك لمسني وانت عارف كويس اوي اني مش البنات دي انا من بيت اهلي لبيتك حتي انت مكنتش بتخرجني منه ولا كنت بشوف حد نهائي
جمال بضحك اه ايه اتجوزك بت انتي هبله ولا عبيطه اتجوز مين انا مش بتاع جواز
اميره بعياط انا اصلا مش عايزاك بس علشان اللي في بطني مش ذمبه انك مقرف ومتتجوزنيش ليه هاا منا سبت كل اهلي علشانك وانا لسه انسه ووافقت ورضيت وعشت معاك مع انك مش جوزي بس علشان حبيتك
جمال بضحك علشان رخيصه مش علشان حبتيني
اميره بدموع ووجع حقيقي رخيصه حقيقي ما اللي تقبل راجل يلمسها وتعيش معاه 6 سنين تحت سقف بيت واحد تبقي فعلا رخيصه روح منك لله ربنا ينتقم منك ومش مسمحاك ولا مسامحه قلبي اللي حبك وللاسف لسه بيحبك ولا نفسي اللي ضيعتها وخلتها خسرت حياتها كلهاا انا مسافره وسيبالك البلد كلها يا جمال وعارفه انك مش هتطلع منها وفهد ده راجل وابن حلال علشان عمل فيك كده
جمال بعصبيه ضربها بلقلم واكمل برااا يا زباله مش عايز اشوف وشك تااااني غوررررري براااا
اميره طلعت وهي بتعيط
ودخل احد رجاله ليه
جمال بحده عاصم روح معاها انت والرجاله وصلوها البيت واميره متتحركش منه ولا تسافرر وتخلوا بالكم منها مفهوووم
عاصم مفهوم يا فندم
جمال ها طمني ايه اخبار زفت
عاصم متقلقش يا باشا بندور ومش سايبين حته
جمال بحده اسرع وقت يا عاصم تلاقيه لازم انتقم منه
عاصم بخبث نقتله صح
جمال بضحك بلظبط بس قبل ماتحبس كنت انا هديلو هديه واكمل بخبث بس طلما اتحبست ليلي مش خساره فيك انت والرجاله
عاصم بضحك تمام يا فندم
جمال قدام عنيه تعملوا كده بعدين يموت
عاصم امرك يا فندم اي اوامر تاني
جمال لا روح انت
————————————
في بيت اميره
اميره بحده هو ياخويا منك ليه مواركوش حاجه غيري ولا ايه
عاصم اتفضلي حاجات جمال بيه وفونه شيليهم
اميره مسكتهم رمتهم علي الكنبه واكملت بحده انا مش هفضلكم هنا كتير انا هغورر من البلد كلها حاجته متخصنيش
عاصم طب اتفضلي جوه يا مدام اميره
اميره اوووف وقفلت في وشهم الباب
خاالد بفرح عاصم انت ياض يا عاصم
عاصم ايه في ايه يازفت
خالد بفرح ليلي البطل اتكتبلنا نقضي معاها يوم خلاص
عاصم بضحك عرفت بس مش لما نلاقيها الاول
خالد بفرح اومال انا فرحان ليه رجالتنا الجديده قلبت الدنيا وسالت كتير بلصور بتاعتهم وفي الاخر عرفنا مكانه موجود في حته مهجوره علي البحر
عاصم بفرح يا ولاد الايه ده البيه هيفرح اوي
اميره من ورا الباب خبطت علي صدرها بخوف واكلمت يااا نهاار اسود
يتبع…..
•تابع الفصل التالي "رواية احباء يجمعهم القدر" اضغط على اسم الرواية