رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل الرابع والثلاثون 34
البارت الرابع والثلاثون
رواية قسوة عشق
بقلمى /ملك عبد اللطيف
حياة بصدمة
_ صحر....!!
صحر بصدمة هى الاخرى
_ ش..ششمس!!!
لتستغرب حياة انها تقول اسم والدتها هل معقول انها تعرفها فحياة نسخة طبق الاصل من والدتها
حياة بأستغراب
_ طنط صحر انتى مش فكرانى انا حياة اللى كنت فى الشقة الفوشك وحصلت معايا الحادثة اياها
صحر بعد ان تذكرتها ولكنها مازالت مصدومة
_ اه...اه افتكرتك معلش اصلك شبهتك بحد اعرفوا
حياة بأستغراب
_ انتى اول ماشوفتينى قولتى اسم ماما هوا انتى تعرفيها
صحر بتوتر
_ اه...شوفتها مرة بالصدفة وانتى بصراحة شبهها اووى
كنان بغضب لصحر
_ احنا مش جايبينك هنا عشان تشبهى عليها يختى اظن افتكرتيها
صحر بخوف
_ اه طبعا فكراها
كنان بغضب
_ خلاص يبقا لما نيجى بكرة نسألك قدام الناس على اللى حصل هتحكى ومن غير لف ودوران فى الموضوع
صحر بإيماء وخوف
_ حح...حاضر يابيه حاضر
ليشير كنان لأمير بعينه فيطمأنه انه اخافها لهذا السبب وافقت فأخذها امير للداخل حتى تكون معهم ولا تهرب
حياة بأستغراب بعد ان مشت صحر
_ هوا فيه ايه ياكنان انا مش فاهمة حاجة
كنان وهو يمسك يدها ويجلسها
_ اقعدى وانا افهمك
لتجلس حياة على الرمال بجانبه
حياة بأستغراب
_ قعدت اهو فيه ايه بقا وايه هوا ده اللى هتقوله صحر قدام الناس
كنان
_ بصى ياحياة انا هقولك بس خلينا نتفق الاول ولا تتعصبى ولا تتوترى ولا تعيطى
حياة بضحك
_ حاضر بس فيه ايه بجد
كنان بحزن وهو ينظر فى عينيها
_ حياة انا وعدتك انى هعمل اى حاجه عشان اثبت برائتك صح
حياة وهى تهز رأسها بمعنى صح
كنان بتنهيدة
_ خلاص يبقا تعملى اللى هقولك عليه بصى انا شلت اى خبر فى الجرايد وعلى السوشيال ميديا يخصك والصحافة اقتنعت بس فيه حاجه اخيرة هتثبت انك بريئة قدام الناس كلها وانتى لازم تعمليها
حياة بأستغراب وخوف
_ و..وايه هيا بقا
كنان وهو يمسك يدها
_ انتى لازم تطلعى فى مؤتمر مع الصحافيين وتقولى قدام الناس كلها حكايتك وتفهميهم انك مظلومة
حياة بصدمة وهى تترك يده التى يمسكها
_ ايييييه ازاااى ده ياكنان انت عاوزنى احكى للناس كلها حكايتى لا وكمان مؤتمر صحفى يعنى هطلع على التليفزيون واخواتى هيشوفوه والعالم كله هيشوفوا
كنان بأستغراب من ردة فعلها
_ وفيها ايه ياحياة انتى بتثبتى برائتك مش بتعملى حاجه غلط ونا متأكد ان اخواتك هيفهموا موقفك وهيصدقوكى
حياة بسخرية ودموع اعتادت ان تنزل من عينيها
_ اخواتى يصدقونى طب وباقى الناس هتصدق ازاى بمجرد انى احكيلهم هيصدقوا ياكنااان انت بتهزر صح
كنان بتهدئة
_ حياة انا مستحيل اخليكى تطلعى المؤتمر ده وانتى مش معاكى دليل تثبتى بيه برائتك
حياة بأستغراب
_ يعنى ايه مش فاهمة
كنان وهو يخرج هاتفه
_ بصى وانتى تعرفى
ليفتح لها فيديو فتصدم حياة لأن هذا الفيديو هوا نفسه الذى انتشر فى الحفل ولكن هذا هوا الاصلى وبه صوت واضح وحياة تصرخ وتبين انها تدافع عن نفسها
حياة بصدمة
_ انت ازاى....ازاى جبت الفيديو ده...؟!
كنان وهو ينظر فى عينيها
_ انا قولتلك قبل كده اوثقى فيا ياحياة مش مهم جبتوه منين المهم عندك دليل تقدرى تخرجى بيه قدام الناس
حياة بدموع وهى تمسك يده
_ شكراً ياكنان انا مش عارفة اقولك ايه لولا وقوفك جمبى ودعمك ليا مكنتش هعرف ابقا قوية كدة ولا حتى كنت زمانى عايشة دلوقتي
كنان بحزن
_ متشكرنيش ياحياة لأن ده واجبى المهم دلوقتي روحى انتى ارتاحى عشان موالك طويل بكرة
حياة وهى تنهض
_ معاك حق وانت كمان نام تصبح على خير
كنان
_ وانتى من اهله
لتذهب حياة ويأتى امير لكنان
امير
_ خلاص ياكنان كل حاجه جاهزة والولية دى مستعدة تعمل اى حاجه بس منموتهاش
كنان
_ تمام اووى كدة بس اوعى تعرفها انى ابن حازم الجندى وألا هتقول لبابا وكل حاجه هتبوظ روح انت نام دلوقتي عشان بكرة موالنا طويل
امير بإيماء
_ ماشى تصبح على خير
ليقوم كنان ويتصل برئيس الجريدة فى الصحافة ويقول له ان المؤتمر غداً ثم يدخل للشاليه ويصعد لغرفته حتى ينام فيرى أمير مازال مستيقظا لأنه ينام معه بنفس الغرفة
كنان بأستغراب وهو يجلس على السرير
_ مالك يبنى صاحى ليه..؟!
أمير بشرود ودموع نزلت من عينه
_ كل شوية افتكرها ياكنان مش عارف هيا ليه عملت كدة
كنان بحزن على صديقه
_ انت مفيش فى مرة أثرت معاها ياامير وصحيح احنا منعرفش هيا ليه انتحرت بس ده مش ذنبك
أمير بدموع
_ بس كنت بحبها ياكنان كان نفسى نكمل مع بعض ونربى كريم سوا بس هيا فجأة كدا انتحرت ليه ياكنان ليه
كنان وهو يضع يده على كتفه بحزن
_ انساها بقا ياصاحبى انساها هيا متستهلش حبك ليها لو كانت بتحبك مكنتش سابتك وسابت كريم
وكمان قول الحمدلله ان ربنا سابلك عيل زى كريم
امير وهو يمسح دموعه
_ الحمدلله على كل حال الحمدلله معلش وجعتلك دماغك وانت فيك المكفيك
كنان بضحك
_ ياعم بطل هبل انت اخويا مش صاحبي ولو مشتكتش ليا هتشتكى لمين واصلا انا علطول بوقعك فى المصايب بسببى
امير بضحك
_ فى دى معاك حق يلا تصبح على خير
كنان
_ وانت من اهله
لينامو الاثنان فى نوم عميق حتى يستعدا لغدا
ـــــــــــــــــــــــــــــــــــــــــــــــــــــــــــــــ
وعلى الناحية الاخرى فى مكتب حازم الجندى
يتحدث بغضب فى الهاتف مع احدهم
حازم بغضب
_ انت بتقوووول اييييه يعنى ايييه مش موجود دور كويس
بيومى بتوتر
_ والله مش لاقيه ياباشا دورت كتير
حازم بغضب
_ دور تانى يغبى اقولك روح للواد فى اوضته خد منه شعرايه او اى حاجه وانا هعمل التحليل وجبلى الرسالة
بيومى
_ حاضر ياباشا تحت امرك
ليقفل معه السكة بغضب ويصدم عندما رأى العمرى امامه وينظر له بغضب
حازم بتوتر
_ مالك ياعمرى واقف كدة ليه
العمرى بغضب وهو يجلس
_ انا اللى عاوز افهم انت ليه باعت بيومى على بيتى ياحازم
حازم بتوتر
_ انا وليه بقا انشاء الله
العمرى بغضب
_ مش يمكن عشان انا بهددك بالرسالة وانت بعتوه عشان يجبها
حازم بغضب
_ ايوة ياعمرى وهاتها بقا وخلينا حلوين مع بعض
العمرى بغضب
_ هوا انت اييييييييه يااخى شيطان فى جسم بنى أدم ليييه بتعمل كل ده قولتلك انا مش هعمل بالرسالة دى حاجه انا كنت بهددك بس عشان متعملش لبنت رچدان حاجه تانى ولو كنت بهددك بجد كنت وريتها لابنى من ساعت موووت مراته اللى انتحرت بسببك
حازم بضحكة شريرة
_ والله انا مقولتلهاش تحبنى وتعمل معايا علاقة وكمان تجيب منى عيل وهيا على زمة ابنك
العمرى بغضب
_ لاااااااااااااا ياحازم انت السبب لو كنت وقفتها عن اللى هيا بتعمله مكنش حصل كل ده لكن انت اتمديت معاها وهى على زمة ابنى وكنت عارف انه بيعشقها واحمد ربنا انى لما شوفت رسالتها اللى كتباها قبل ماتموت مورتهاش لأمير كان زمانه قاتلك دلوقتي
حازم بضحك
_ اه وعشان تحمى ابنك المصون مورتهوش الرسالة صح
العمرى
_ ايوة مورتهوش عشان ميقتلكش ويودى نفسه فى داهية ياحازم كفياك شر بقا اذيت رچدان وبعدين اذتنى واذيت ابنى حتى ابنك احمد اذيته لما موت حبيبته ودلوقتي عاوز تأذى كنان حراام عليك ياحازم
حازم بضحك
_ ههههههه متقولش اذيت رچدان اوعى تنسى انك انت كنت معايا ساعت ماموت شمس
العمرى
_ لا فاكر بس انا كنت معاك بالصدفة وانت اللى موتها مش انا
حازم بغضب
_ بس لو انا انكشفت فى يوم من الايام مش هروح فى داهية لوحدى ياصاحبى
العمرى بتنهيدة
_ مفيش فايدة فى الكلام معاك انا ماشى
ليذهب العمرى ويضحك حازم بشر على افعاله التى لا تنتهى هذا الشيطان فى جسد بنى أدم
ـــــــــــــــــــــــــــــــــــــــــــــــــــــــــــــــ
وعلى الناحيةالاخرى فى الاسكندرية وخاصة فى المطعم الذى به نازلى ويزن
يزن بأستغراب
_ وايه هوا انشاء الله...؟!
نازلى
_ اول شرط وده اهم واحد فيهم ولو منفذتهوش صدقنى مش هسامحك ومش هكمل اصلا فى اللعبة اللى مع صاحبك دى
يزن بغضب
_ ماتقولى وتنجزى يانازلى من غير مقدمات
نازلى
_ حاضر بص لو خليت البت الصفرا دى تعتذر منى قصاد كل اللى اهانتنى قدامهم انا هسامحك
يزن بضحك وسخرية
_ هههههه انتى عوزانى اخلى البت الصفرا.... احم قصدى غرام تعتذر منك لا وكمان قدام الناس
نازلى بغضب
_ يعنى انا اتهان قصاد الناس وهيا متعتذرش قصادهم ليه يعنى تكون مين ست الصفرا دى
يزن بضحك
_ يبنتى مش هوا ده الحوار انا قصدى ان غرام لو هتموتيها متعتذرش مستحيل
نازلى بغضب
_ خلاص يايزن انا كنت عارفة انك مش هتعرف توقفها عند حدها البت دى انا بقا هتصرف معاها ولما اشوهلك وشها الحلو ده متزعلش
لتقول جملتها وتقف
يزن بضحك وهو يمسك يدها حتى يجلسها
_ اقعدى يهبلة واهدى
نازلى وهى تجلس
_ ادينا اتنيلنا قعدنا قول
يزن
_ بصى انا عندى فكرة تخلى غرام تعتذر غظبن عنها
نازلى بأستغراب
_ وايه هيا بقا دى ياعم الفليسوف
يزن بتفكير
_ لو عوزاها تعتذر يبقا لازم تعملى اللى هقولك عليه الاول لازم تعملى نفسك انك حبيبتى
نازلى بغضب
_ نعممممممم ياخويااااا هوا انت استحليتها ولا ايه الاول تقولى اعملى حبيبتى قصاد عمرو ودلوقتي قصاد الصفرا دى
يزن بتهدئة
_ اهدى ياغبية واسمعى للآخر هوا انا يعنى ميت فيكى يختى انا بقول كدة عشان غرام تغير عليا منك وانا هخليها تعتذر منك بالطريقة دى ومنها برضو هخليها تحبنى
نازلى بحزن
_ يعنى اللى همكك تخليها تحبك برضو
يزن بضحك
_ اكيد يعني نازلى انا مش بهزر انا بحب غرام بجد وعاوزها تحبنى وده عن طريق غريتها منك وانتى هتستفادى برضو ماهخليها تعتذر منك
نازلى بأستغراب
_ اشمعنا انا يعني مافى مليون بنت حواليك
يزن
_ ماانتى متعرفيش تفكير غرام زييى هيا مبيهمهاش أى بنت انا معاها لانها متأكدة انى بحبها بس انتى غيرهم عشان هيا بتكرهك اصلا وكمان هنستفاد برضو انى هكسب الرهان وعمرو هيضطر يبطل شرب
نازلى بتفكير وخبث
_ ماشى موافقة ماانا كدا كدا هستفاد
يزن بفرحة
_ شكراً يانازلى انا عارف انك بنت جدعة ومش هترفضى
نازلى بضحك
_ الله يخليك ياعم عد الجمايل بقا
ليقاطعهم رنين هاتف يزن برقم عمرو
يزن وهو يجيب
_ الو ياعمرو
عمرو بتعب وهو يسعل
_ كح كح كح ي.. ييزن الحق نادية تعالى بسرعة الحقنااااااا
يزن بفزع وهو ينهض
_ عمرو مالك فيه ايه انت فين الو الو عمرو الو
لينقطع الخط فينهض يزن بسرعة ويتجه للخارج وتلحقه نازلى وهى لا تفهم شئ
نازلى وهى تجرى ورائه
_ يزن استنى فيه ايه
يزن وهو يركب السيارة
_ معرفش عمرو كلمنى وبيقولى الحقه هوا وناديه
نازلى وهى تركب معه
_ ايييييه نادية جرالها حاجه
يزن وهو يقود
_ معرفش يانازلى هنروح ونشوف
ليقود بسرعة تجاه الكلية لأنه توقع ان يكون هناك
ـــــــــــــــــــــــــــــــــــــــــــــــــــــــــــــــ
وعلى الناحية الاخرى فى شركة حياة رچدان
وخاصة فى الغرفة التى بها لمار وزياد
لمار بصدمة بعد ان رأت وجهه
_ااااا انت اييييه اللى جابك هنااا
زياد وهو يشد منها الهاتف
_ والله قدرى المنيل اللى حابسنى مع واحدة مجنونة زيك فى نفس الأوضة
لمار بسعادة لأنها تعرفه فمن الممكن ان يساعدها فى التدريب
_ طب والله قدر زى الفل ومفيش احسن منه يسطااا
زياد بأستغراب وهو يحاول تشغيل العداد
_ وليه بقا انشاء الله
لمار بغباء
_ عشان طلعت اعرفك يعنى تعملى المعروف وانت عارفنى احسن ماتكون ماتعرفنيش
زياد بغضب
_ هوا انتى بتحسبى بعد كل المصايب دى هخليكى تدربى هنا تبقى بتحلمى بقا
ليظل يحاول حتى يستطيع ان يشغله فيأتى النور
لمار بفرحة
_ هييييييه النور جااااه
زياد بغضب وهو يفتح الباب
_ اطلعى يامجنونة اطلعى
ليخرجا من الغرفة فيروا امامهم جميع الموظفين تنظر إليهم بأستغراب
إيمان
_ انتى بتعملى ايه هنا يابت انتى
لمار بغضب
_ بس ياعروسة المولد انتى خليكى ساكته احسلك عشان مشوهلكيش وشك اكتر ماهو متشوه كدا
زياد بغضب
_ بس يالمااااااااار كفااااية بقا واطلعى برة الشركة وعلله تخطى رجليكى هناااا تانى فااااااهمة
لمار بغضب
_ ليييييييه بقا انشاء الله انت عارف انا مين وا...............
لتصمت لمار وتتذكر انها ممنوع التعريف عن شخصيتها الحقيقية
إيمان بضحك
_ ههههههه ماتكملى يختى ايه اتقطع لسانك ماقالك خلاص اطلعى برة ياحلوة
زياد بغضب
_ إيمااااااان تعالى عااااوزككك وكل واحد يروح على شغله
لتذهب إيمان معه وتتجه لمار وتجلس على كرسى إيمان او بالاصح كرسى السكرتيرة
لمار بتعب
_ اوووف الواحد عمل كل ده وفى الاخر مش هتدرب هنا برضو ربنا يسامحك ياچانسو
ليقاطعها صوت فتاة وهى تنادى عليهآ
الفتاة
_ لوسمحتى انتى السكرتيرة هنا
لمار بضحك
_ احتبرينى يختى مش مهم
الفتاة وهى تصدقها
_ طب ممكن اعرف فين مكان التدريب
لمار وهى تمسك يدها بسرعة
_ هوااااا انتى متدربة هنااا
الفتاة بإيماء
_ ايوة بس مش عارفة اروح فين
لمار بتفكير وخبث
_ ااه فهمت بس معلش العدد اكتمل والله انتى جيتى متأخر
الفتاة بحزن
_ طب عن أذنك هروح شركة تانية وامرى لله
لتذهب وتقفز لمار من سعادتها وتفكيرها الشيطانى لأنها جعلت الفتاة تمشى حتى لا يكتمل العدد وتدخل هيا فى التدريب لأن هذه هيا حجتهم
زياد من خلفها
_ انتى لسة ممشتيش مقولنالك معندناش مكان ليكى والعدد اكتمل اطلعى برة يلاااااا
لمار بأستفزاز
_ لا مظنش انه اكتمل
زياد بأستغراب
_ يعني ايه...؟!
لمار وهى تغيظ إيمان
_ عد كويس وانت تعرف انا عدتهم لقيتهم مكتملوش هوا انتو عاوزين تطفشونى وخلاص
زياد وهو يعدهم
_ هنشوف دلوقتي
ليعدهم ويرى ان العدد لم يكتمل ومازال هناك شخص فيعلم ان إيمان من فعلت هذا فيغضب بشدة
زياد بغضب
_ إيمااااان انتى ليه قولتى ان العدد اكتمل وكذبتى
إيمان بتوتر لأنها فعلاً كذبت لأن الفتاة التى جائت كانت لم تعرف بها إيمان
_ يازياد انا.........
زياد بغضب
_ مش لسة هستناكى تكذبى تانى روحى خلى البت دى تسجل اسمها معاهم فى التدريب بسرعة مش ناقصين عطلة اكتر من كدة
إيمان بغيظ
_ حاضر يازياد
لتنظر للمار بغيظ فتخرج لمار لها لسانها بضحك وتذهب حتى تسجل اسمها فى التدريب
ـــــــــــــــــــــــــــــــــــــــــــــــــــــــــــــــ
.... اما فى أمريكا......
وصلا كلا من احمد وعمار إلى الكلية
احمد وهو يقف امام الباب
_ احنا ازاى هنخش اوضة الكاميرات مش هيسمحولنا اصلا
عمار بتفكير
_ مفيش غير حل واحد
احمد
_ وايه هوا...؟!
عمار
_ انك تستخدم اسمك ياذكى وهما هيدخلوك اول مايعرفوا انك ابن الجندى
احمد بغضب
_ عمااااااار انت عااارف انى ممكن اعمل اى حاجه غير انى استعمل اسم ابويااااا
عمار بتنهيدة
_ يااحمد المرة دى مش عشانك ده عشان سيلين لأنها كدة يحتبر مظلومة وانت من واجبك تثبت برائتها
احمد بتأفف
_ ماشى ماشى خش وانا هتصرف
ليدخلا إلى الكلية ويتجه احمد إلى مكتب العميد ويحكى له كل شئ وبالطبع وافق ان يعطى له الأذن لأنه ابن الجندى فيدخلا للغرفة حتى يرا الكاميرات
احمد وهو يشاهد االفيديو الخاص بالكاميرات
_ عدى كدة ياعمار جيب بعد الامتحان ده ملهوش لازمة
ليجرى عمار مشاهد من الفيديو ويقفوا عند مشهد صدمهم فيروا ريماس تتجه نحو رجل الامن وتعطى له نقود فيعطى هوا لها كارنيه الغرفة الخاصة بالكمبيوتر فتدخل هيا عليه وتقوم بتغيير درجة سيلين من على الكمبيوتر
احمد بصدمة وغضب
_ يعنى سيلين مظلومة بجد بس مين البت دى وعاوزة منها ايييييه
عمار بأستغراب
_ احنا مش عارفين علاقتها ايه بيها بس أكيد سيلين عارفة انا هتصل بيها اقولها تيجى
ليخرج هاتفه ويتصل عليها فتقفل هيا الخط فى وجهه كلما اتصل فهيا مازالت تبكى
عمار بصدمة
_ دى بتقفل السكة فى وشى....!!
احمد بضحك
_ عشان تعرف الست سيلين بيطلع منها ايه جرب تانى يمكن ترد لما تلاقيك بتتصل كتير
ليحاول مرات عديدة ولكنها كل مرة تقفل فى وجهه
السكة فيضحك احمد على عمار المصدوم فتأتى فى باله فكرة
احمد بضحك
_ استنى انا لو اتصلت بيها من موبايلى اكيد هترد
عمار بأستغراب
_ وازاى ده بقا وهيا مش طيقاك وبتحسبك انك انت اللى سقطتها
احمد بضحك وسخرية
_ ماهو ده اللى هيخليها ترد عشان تهزقنى وتشتمنى بكلمتين انا عارف سيلين مش بتسكت يعنى
ليتصل عليها وبسرعة وبدون مقدمات اجابت سيلين على الناحية الاخرى
_ انت عاااااااوز اييييييييييه ياحيوااااااان ياللى معندكش دم بعد اللى عملتووه ده
ليضحك عمار لأن كلامه صحيح وكأنها كانت تنتظر مكالمته تلك ولأن احمد يفتح السبيكر كان يسمع عمار حديثهم
احمد بغضب
_ بطلى لساااانككك اللى اطول منك ده وموديكى فى داهية علطول كدة
سيلين بغضب وتأفف
_ اوووووف عااااااااوز ايييييييييه ياااحمااااااااد
احمد
_ مش عايز يختى عمار هوا اللي عاوزك
ليصدم عمار من الذى فعله احمد فيضحك عليه احمد ويعطيه الهاتف
_ ايوة ياسيلين بصى احمد ملهوش دعوة بالموضوع دهه وانتى ظلماه و...........
سيلين بغضب ومقاطعة
_ لوسمحت ياعمار مترربش غلطت صاحبك
عمار بغضب
_ سيليييين اسمعينى بقا عشان انا زهقت منكم انتو الاتنين ولا اقولك تعالى الكلية دلوقتي وانا هوريكى كل حاجه قصادك وهعرفك ان احمد برئ
سيلين بتفكير
_ ماشى ياعمار بس صدقنى لو ورتنى حاجه مأقنعتنيش هخلى صاحبك يندم على اليوم اللى عرفنى فيه
لتقفل السكة فى وجهه وتهنض وترتدى ملابسها حتى تذهب إليهم
احمد بغضب وهو يقلدها
_ هخلى صاحبك يندم نييييينيييننننى بتحسب نفسها مين دى
عمار بضحك
_ ربنا يهديكم والله مش عارف اقول حاجة غير كدة مجانين واتلموا على بعض ياربى
وبعد قليل من الوقت تأتى سيلين ويصطحبها عمار إلى غرفة الكاميرات وترى سيلين الفيديو بصدمة وهى لا تصدق ان بنت عمتها تفعل شئ كهذا
سيلين بصدمة
_ معقووول ريماس تعمل كدة
احمد بأستغراب
_ انتى تعرفيها البت دى
سيلين بدموع
_ اه مع الاسف ريماس تبقا بنت عمتى
عمار بصدمة
_ ايه بنت عمتك وتعمل فيكى كدة دى لازم تتعاقب انا هقول للعميد يرفدها
سيلين وهى توقفه
_ لا ياعماااااااار ريماس اكيد عندها سبب عشان تعمل كدة وانا هعرفه وكمان دى بنت عمتى وانا مستحيل أءذيها
احمد بغضب
_ يعنى هيا تأذيكى وانتى متأذيهاش ياسيلين انتى هبلة
سيلين بدموع
_ لا يااحمد مش هبلة بس ربنا قال نسامح ومنعاملش حد بالمثل وانا مسمحاها لأنها بنت عمتى
احمد بأعجاب بشخصيتها الغريبة
_ مع انك فعلاً هبلة بس ساعات بتثبتيلى انك بتفهمى ياسيلين وعاقلة
سيلين بضحك على كلامه
_ ومع انك بتشتم وبتمدح فى نفس الوقت بس شكراً وكمان أسفة انى اتهمتك من غير دليل قصادى
احمد بغرور كالعادة
_ والله الاعتذار ميكفنيش
سيلين وعمار فى نفس الوقت
_ احمااااااد بطل غرورك ده
احمد بضحك
_ خلاص خلاص اعتذارك مقبول انتى ملكيش ذنب
عمار بضحك وتنهيدة
_ الحمدلله يارب المعركة خلصت اخييه عليكم كنتم عاملين زى مشكاح وريما
احمد بغضب
_ طب يلاا بقا يابارد عشان نمشى
ليذهبا ثلاثتهم ويذهب عمار لمنزله ويقوم احمد بتوصيل سيلين للمنزل
سيلين وهى تخرج من السيارة بعد ان اوصلها
_ شكراً على التوصيلة يسطااا تعبناك معانا
احمد بضحك
_ بغض النظر عن يسطااا دى بس العفو يستى ليكمل كلامه بجدية هتعملى ايه مع بنت عمتك
سيلين
_ زى ماقولتلك ولا حاجه بس طبعا هعرفها انى عرفت خطتها وعهحذرها بس مش هأذيها يااحمد
احمد بأبتسامة على طيبة قلبها
_ ماشى اللى تشوفيه صحيح النتيجة بتاعتك هخليهم يعدلوها ويدوهالك بكرة
سيلين بأبتسامة
_ شكراً يااحمد يلاا تصبح على خير
احمد
_ وانتى من اهله ومتتأخريش على المحاضرة بكرة عشان مطضرش اهزقك تانى
سيلين وهى تذهب
_ هههههه حاضر حاضر يامعلمى
لتذهب وتدخل البيت ويضحك احمد عليها وعلى مرحها فيركب سيارته ويتجه إلى منزله
ـــــــــــــــــــــــــــــــــــــــــــــــــــــــــــــــ
اما على الجهة الاخرى فى مصر..........
وصل يزن ونازلى إلى الكلية وظلا يبحثان عن عمرو ونادية ولكن لم يعثروا عليهم فركبا فى السيارة وظلوا يبحثون فى الطرق التى بجانب الكلية
وعندما كان يقود يزن السيارة ويبحث عنهم لمحت نازلى عمرو وهو فى شارع جانبى ويقع على الأرض
نازلى وهى تشاور بيدها على عمرو
_ يزن اقف اقف عمرو اهو
لينظر يزن ويقف بسرعة وينزلا من السيارة ويتجهوا نحو عمرو
يزن وهو يجعل عمرو ينهض
_ فيه ايه ياعمرو انت كويس
عمرو بتعب
_ كويس كويس متخافش
نازلى وهى تبحث بعينيها عن نادية
_ اوماال فين نادية ياعمرو وايه اللى وصلك للحالة دى
عمرو بخوف
_ يزن احنااا لازم نلحق نادية مصطفى خطفهااااا
نازلى ويزن فى نفس الوقت
_ ايييييييييييييييييه
ـــــــــــــــــــــــــــــــــــــــــــــــــــــــــــــــ
انتهى البارت يارب يكون عجبكم وياريت ياعالم انتو تعلقوا على الرواية والنبى عشان اتشجع حتى لو بالنقض عليا انا عاوزة اعرف عيوب روايتى يعنى ايه اللى مش عاجبكم فيها عشان انا اصلحوا يعنى مثلاً الشخصيات مين احسن كابلز عاجبكم ومين الكابلز اللى مش عاجبكم يعنى قولولى رأيكم وكدا
من الافضل ككابلز....؟!
حياة وكنان
ام احمد وسيلين
ام نازلى ويزن
ام لمار وزياد
ام عمرو ونادية
ام چانسو وأمير اللى لسة قصتهم هتبدأ
ومن الافضل كشخصية عاشقة....؟!
كنان
ولا احمد
ولا يزن
ولا زياد
ولا امير
ولا عمرو
ومن افضل بطلة...؟!
حياة
ولا سيلين
ولا نازلى
ولا نادية
ولا لمار
ولا چانسو
ومين افضل قصة أثرت فيكم وحبيتوها
ياريت الجميع يجاوب على اسئلتى فى كومنتات ولو لقيت تفاعل هنزل البارت اللى بعديه فى ساعتها
لأنى محضراه وكتباه فيلاا بقا ورونى جمالكم
ـــــــــــــــــــــــــــــــــــــــــــــــــــــــــــــــ
•تابع الفصل التالي "رواية قسوة عشق" اضغط على اسم الرواية