رواية نفوس مريضه الفصل السادس و الثلاثون 36 - بقلم تسنيم حمدي

    رواية نفوس مريضه (كاملة جميع الفصول) حصريا عبر دليل الروايات بقلم تسنيم حمدي

رواية نفوس مريضه الفصل السادس و الثلاثون 36

َدخل فاروق الشقه وعادل اتصدم، ياسين مستضيف ابوه هنا وشكل الحفله هتكون عليه هو

عادل :بابا، اهلا هي الحفله دي بقي عليا انا مش كده، ايه يا لولا دا حوار جديد

بصلهم معتز بستغرب : انا مش فاهم حاجه، ممكن حد يفهمني هو في النهارده ، وعمي فاروق هنا ليه

ياسين : اكيد لازم تفهم يا معتز في ايه؛وانا اللي جي افهمك في ايه

في يا معتز انك سبت كل الناس المحترمه اللي في الدنيا، وملقتش غير ناس زبـ.ـاله و رخيـ.ـصه واخترت انك تعشرهم،وتعمل منهم أصحاب وتقربهم منك

في ان النـ.ـدل والخسـ.ـيس مهما تعمل معه، بيفضل خسـ.ـيس،و ناقص اللي واقف جانبك دا ، اللي عشت معه نص عمرك، وكنت ديما تدور عليه، وهو مايستهلش

فاروق بحده: بشمهندس ياسين هو في ايه،وليه بتغلط بالشكل دا في ابني،هو انت جايبنا لحد هنا، عشان تغلط فينا

ياسين :لا مقدرش،انا جيبك افرجك علي ابنك وبس

فاروق:افندم ، هو دا الشغل المهم اللي قولتي عليه

ياسين :اه طبعا، اهو اللي هيحصل دلوقتي اهم من اي الشغل ، فانا عايزك تهدي يافاروق وتتفرج،

عشان ماتخسرش،و انا مش هيرضني الخساره ليك ، عشان غلطة عيل ناقـ.ـص زي ابنك

فاروق بغضب :انت بتتكلم معايا انا كده يا ياسين

رد ياسين بتهديد واضح : انا مش شايف غيرك بكلمه يا فاروق، ابنك غلط ، وانا جيبك هنا تصلح غلطته، عشان انت تهمني و مش ناقص فضـ.ـايح، وكفايه اوي الفضيـ.ـحه اللي ابنك لسه عملها، وانت بتحاول تلمها فا هتسمعني للاخر كويس ولا تحب تروح تشوف شغلك،

بس بعدها ماترجعش تلوم عليا في اللي هعمله

رد فاروق بهدوء : قول اللي عندك يا ياسين وانا سامعك

ياسين: جدع يا فاروق روح بقي اقعد واتفرج بهدوء،وهسيب ليك الحكم في الاخر

معتز :ياسين انت عايز توصل ل فين باللي بتعمله دا ،وعادل عملك ايه عشان تغلط فيه كده هو وعمي فاروق ،وايه علاقتهم اصلا بمشكلتي دي

ياسين: هو انت لسه مفهمتش يا معتز، ياحبيبي دي مش مشكلتك انت اصلا ، انت اصلا مالكش علاقه بحمل لولا

،مش انت قولت انك ماقربتش منها يا معتز، ومش فاكر حاجه، و موضوع زي دا اكيد مابيتنسيش يعني ولا ايه

بس المشكله ان الانسه ليان حامل فعلا، فامين بقي اللي قرب

معتز بصدمه: انت بتقول ايه

رد ياسين بتهكم : صعبه مش كده يامعتز ، طيب نسهلها اكتر

قرب ياسين علي عادل واتكلم بسخريه: عادل صاحبك الجدع و الانسه المحترمه اللي اتوسط ليا عشان اشغلها عندي واوفر ليها مكان تعيش فيه، بدل الزبـ.ـاله اللي كانت جيه منها وعشان تحميها

وقعه الاتنين في غلط صغير كده،نتج عنه طفل ، وطبعا عشان صاحبك راجل و جدع ، مارضاش يسيب لولا في محنتها وقرر يدور ليها علي غبي يشيل الليله بداله

ووقع الاختيار عليك والاتنين عملوا منك لعبه يحدفوها لبعض ، ولا ايه رأيك يا عادل

عادل: ايه اللي انت بتقوله دا يا ياسين، انا معملتش حاجه، البت دي بتكدب ، ماتصدقهاش انا عمري ماقربت منها

وجهه كلامه ل لولا بغضب: انتي بدوري علي اي حد يابت انتي يشل غلطك لو مش معتز يبقي انا،

دي عايزه تشيل اي حد مصـ.ـبتها يامعتز،لو معتز ماينفعش يبقي عادل

ردت لولا بغضب: هو انت بتكدبني وانا واقفه قصادك

كل اللي قاله ياسين حصل وانت خططت لكل حاجه

وجهت كلامها ل معتز: معتز انا عارفه اني غلطت في حقك،وفي الاول انا كنت موافقه علي اللي عادل بيعمله، وكان كل اللي همي القي اب ل ابني و مش فارق معايا مين،بعد ما عادل رفض يتجوزني،بس بعد كده لما رفضت عشانك ، هو بقي يهد.دني اكمل اللي بيعمله بالغصب..

عادل:اخرس يابت، انتي فاكره انه هيصدقك، دي كدابه يا معتز، زي ماقلت ليك محدش قرب منها غيرك

لولا:لا مش هخرس يا عادل،وانا مش كدابه ، انت اللي طلبت مني اجيب معتز شقتي و جبت ليا الحبوب الغريبه اللي خلتني احطها بالعصير لي وبعد ماشربه معتز وتاه شويه

وجههت لولا كلمها ل معتز وكملت : طلب مني يا معتز اخليك تشرب كتير وخلني اقرب منك بصور معينه عشان لما تفوق تفتكر بس لحظات منها واصورك معايا عشان ماتقدرش تنفي اللي حصل تماما

وفعلا انت كنت سكران تماما و غايب عن الوعي، وبعدها حاولت تقرب مني بنفسك وتتهجم عليا، اتصلت ب عادل اللي كان اصلا مستني تحت العماره، و اول ماطلع

حقنك بمخدر،خلاك تفقد الوعي تماما

هو اللي دخلتك الاوضه عندي و قلعك هدومك ونيمك علي السرير وخلني افضل جانبك لحد ماتفوق، عشان يوهمك انك عملت فيا كده

بصلهم معتز بعدم تصديق :كل دا، طب ليه

لولا: عشان ينسب ابنه ليك

عادل:ايه الفيلم الهابط اللي بتحكي دا، معتز دي كد،ابه،دي بتقولك ابني،انت اكيد مش هتصدقها ، انا مش ممكن اعمل فيك كده

لولا: لا يا معتز حصل، بأمرات اني كنت بعرف كل مواعيدك واي مكان تروح لي من عادل،هو اللي كان بيبعتني ليك عشان اوصلك،واقنعك اني بحبك

وهو كمان اللي اجبرني اجيلك البيت عشان اوقع بينك وبين نور، عشان يخليك تطلقها،وتخسر الوصيه

وهو اخترع فكره اني اقولك ابن عمي اتهجم عليا بالشقه، بعد ماجاب واحد فعلا عمل كده قدام العماره والبواب عشان لو سألت تصدقني،وابقي اقرب منك عشان اوقع بينك انت و مراتك بعد ماحس انك بدأت تهتم بيها

ولما فشلت ابعدكم عن بعض، وقررت امشي بعد معاملت نور الكويسه ليا، ماقدرتش ائذيكم، عادل بهدلني ومد ايده عليا وخالني بالغصب اجي المكان اللي اتقـ.ـبض علينا فيه

مش هو بردوه اللي اقنعك يا معتز تنزل اليوم اللي اتحبـ.ـسنا فيه، وقالك ان الشله كلها مستنيك هناك وعايزين يشوفك،

ماكنش فيه حد، حتي الشخص اللي ضايقني قدامك وانت ضربـ.ـته، كان عادل اللي متفق معه،وهو اصلا اللي بلغ عنك

ولما نور جت القسـ.ـم، هو اللي كلمها من تلفونك، مش كده يانور

نور: ايوه رقمك رن يومها و انا ردت فكرتك انت ،بس البني ادم دا اللي رد عليا و قالي اللي حصل

عادل بغضب: انتوا هتصدقها كلكم

لولا: ايوه ومعايا الدليل علي كل كلمه بقولها، وحتي الدكتور يا معتز اللي كان بالمستشفي عادل كان متفق معه،

ولو لحظت يا معتز اي مكان كنا بنروحه خاص بالموضوع دا، او تحصل فيه مشكله ليك، كان ديما من اختيار عادل، حتي المستشفى اللي عملنا فيها dna، انا متاكده ان عادل اللي اخدك ليها

معتز: لا لا مستحيل ، عادل انت عملت معايا كده، ليه انا عملت ليك ايه وحش عشان تعمل معايا كده

عادل : يا معتز انا صاحبك ، وانت عارفني كويس، ويعني ايه اتفق مع كل الناس دي، وعشان ايه، ما اسهل اشوف اي حد و اخليه يسجل الطفل باسمه وخلاص لو انا قربت منها ، وازاي يبقي في علاقه بيني وبين البت دي وانت متعرفهاش، دا احنا ماكناش بنتفارق

ضحك ياسين بسخريه: ايه ياض البجـ.ـاحه دي ، كل دا وليك عين تقول انا صاحبك وعرفني كويس، وهي اللي بتـ.ـكدب و بتألفه عليك،وبيصادف انه كد.بها كله صح

عادل:اه قول بقي يا ياسين، انتم كلكم اتفقتوا عليا سوا، وعايزين تلبسوني غلط اخوك صح، هو مش معتز عمل التحليل فين النتيجه، اه صح ما انا زورتها كمان بالمره، مش انتم بتقوله كده ، اخوك عايز يبدل الادوار يا معتز

ضحك ياسين بصخب : ابدل الادوار، تصدق اقنعتني، انت معاك حق، والتحليل موجود فعلا

معتز: هات التحليل يا ياسين

رمي ياسين التحليل ل معتز : خد شوف التحليل يا معتز،هو فعلا بيثبت ان الطفل دا ابنك

فتح معتز التحليل و سكت وهو بيحاول يحلل الكلام

عادل: يعني انا صح، لو شاكين فيا بقي وعايزين تعيدوا التحليل دي بتعتكم انتم، انا بره الموضوع

ياسين:لا مش محتاجين نعيد حاجه،مش قولت في فلم لازم نتفرج عليه، بس قبلها نسمع التسجيل الحلو دا

شغل ياسين التسجيل «طيب طمني يا عادل هو انت لحقت تعمل حاجه في نتيجة التحليل بعد اللي حصل معاك ولا لا، طمني انا خايفه من وقتها ل معتز يعرف ان انا ضحكت عليه، وبذات بسبب المشكله اللي حصلتلك ماتكونش اتصرفت…….»

ياسين: لسه عندك اعتراض يا عادل باشا، بنكدب عليك بردو صح، نتفرج بقي علي الفيديوا سوا، عشان نشوف هنكدب عليك فيه دا ازاي

وصل ياسين فلاشه بالشاشه وكان عليها تسجيل بكامرت مراقبه شغل الفيديو

«ظهر عادل وهو واقف مع الدكتور اللي خد العينه منهم وعادل بيتفق معه علي تزوير التحليل وتبدل العينه»

ياسين: ها يا عادل لسه بردوه بنتبلا عليك

كان عادل واقف هو و لولا ومعتز ونور و فاروق بيتفرجوا بصمت

ياسين : ايه يا باشا انت معانا ، مش نقول مبروك على حفيدك القادم، شايف نسخة التحليل دي بقي ، مش مزوره وبتثيت وجود حفيدك بعد ابنك ماسلم العينه بنفسه قدامك،فايه رأيك

فاروق: المعلومه وصلت يا ياسين، و ابني غلط وانا هعرف اصلح غلطته ، واخوك ملحقش يتورط في حاجه، اظن المشكله بقت عندي وشكرا للمعلومه

وقف ياسين مقابل لي : ببساطه كده بعد اللي عمله ابنك ، بص يا فاروق اللي بيغلط لازم يدفع نتيجة غلطه،واحنا اكبر كتير من ان عيل زي ابنك يغلط معانا،يبقي حق اخويا فين

فاروق :اللي تشوفه يا ياسين ويرضيك

ياسين:ماشي نشوف معتز رأيه ايه

نظر معتز ل ياسين و بعدها رجع ل عادل و لولا : انتوا الاتنين عاملتوا فيا كل دا

لولا: والله كان غصب عني زي ما قولتلك يا معتز ، عادل السبب كان بيهـ.ـددني ديما عشان ماقدرش ارفض لي طلب

معتز: وانت يا عادل ايه مشكلتك معايا انت كمان

رد عادل بغضب: معتز في حاجه غلط، اخوك بيـ.ـكدب

معتز: اخويا بيـ.ـكدب والتسجيل بيـ.ـكدب والتحليل كمان بيـ.ـكدب، والفيديوا اللي متصور ليك صوت و صوره بيـ.ـكدب و ليان بتكـ.ـدب، وانا هصدقك انت صح

ابتسم عادل بسعاده : لا يا معتز انا اللي بكـ.ـدب ، واه عملت فيك كل دا،واكتر وانت مش داري ،

و كنت ببقي مبسوط اوي وانا بلعب بيك،

وكل مره اعملك فيها ليك مشكله،وانت مسكين جي تشتكي ليا ، وانا بستمتع ب حزنك،وازود مشكلك اكتر واكتر ، وانا فرحان فيك، وشايفك بتلف حاولين نفسك

بصله معتز بعدم تصديق: كل دا حقد شيله جواك ليا، طيب ليه، عملتك فيك ايه ، عشان تكـ.ـرهني كده

عادل: معملتش حاجه ، اهو بكـ.ـرهك لله في لله ، ديما عايش ليا دور مش بتاعك وبتحسسني انك احسن مني، مش فاهم علي ايه، وانت عايش حياه ماتستهلهاش،

انت عارف يا معتز اللي زيك مايستحقش انه يعيش اصلا، انت عندك كل حاجه، عيله وشغلك و حياتك المثاليه بالنسبالي،

وحتي لما بتتجبر تعمل حاجه، الكل بيدور فيها علي مصلحتك الاول

،وانت مش عاجبك و عايش في دور الضحـ.ـيه ،دا انت ابن حـ.ـرام يلااا…

صوت صفعه قويه نزلت علي وجهه عادل ووقفت نور قصاده بتحدي : مافيش حد هنا ابن حــ.ـرام غيرك،بني ادم بجـ.ـح وقليل الاصل، وخايـ.ـن ورخـ.ـيص

قرب عادل منها بغضب ورفع ايده عليها:انتي بتمديد ايدك عليا يابت ال

وقف معتز قدمها ومسك دراع عادل : هتعمل ايه تاني ،انا بس عايز افهم حاجه،هو انت زبـ.ـاله اوي كده من امته، وازاي ماقدرتش اشوفك كده، انا مش لقي وصف ليك

عادل: سيب دراعي يا معتز ، وانا مش زبـ.ـالة ولا ناقـ.ـص، انت اللي ماتستهلش

لوي معتز دراعه بغضب وقرب عادل منه :فعلا انا ماستهلش، عشان عرفت واحد زيك

ضرب معتز وجهه عادل بأرسه بغيظ

لينزف انف و فم عادل بغزاره

: عارف انا كنت فعلا هتجنن وانا بحاول افتكر حصل ايه،و الحادثه اللي حصلت ليا كانت بسببك ،ودراعي اتكسر مش كده،يبقي لازم تجرب

حاول عادل يسحب ذراعه من معتز و هو بيقومه

وبحركه سرعيه من معتز ضغط علي ذراع عادل بغضب ،و اتسمع صوت تكسـ.ـير عظام ذراعه

ووقع عادل بالارض يصرخ بألم،ومعتز بيضغط علي ذراعه اكثر بغيظ وغضب متزايد

صرخ فاروق بغضب وحاول يقرب من معتز يبعده عن عادل وقف ياسين قصاده: رايح فين يا فاروق

صرخ فاروق بغضب مع صراخت عادل: ياسين، انت كده بتغلط وانا مش هعديها ليك ، فوق واعرف انت بتتعامل مع مين، وابعد اخوك عن ابني حالا

ياسين :اهدي يا باشا أعصابك هتتعب ،معتز ماعملش حاجه، دا بيربي ابنك، اللي انت نسيت تربيه يا فاروق في وسط زحمت شغلك، وبقي ماشي يخبط في الكل، بس تقريبا انتم اللي نسيتوا احنا مين، وبعدين اخويا بياخد حقه ، مغلطش يعني، ابنك يستاهل يا فاروق

صوت صراخ عادل كان مسمع بالشقه ومعتز بيضغط اكتر عليه بغضب وغيظ

استخبت لولا بخوف في نور من معتز، ونور بتبص ل عادل بحزن ممزوج بتشفي و غضب

صرخ فاروق بغضب: خلاص يا ياسين، كفايه

رد ياسين ببتسامه: كفايه

و قرب من معتز ببرود متعمد وبعده عن عادل : خلاص يا معتز بلاش تتعب نفسك في ضـ.ـربه، مايستهلش

بعد معتز ووقع عادل بالارض وهو ممسك بذراعه بألم،وبينظر ليهم بغضب و حقد واضح والعرق غطه جبينه وبينفض بألم

جز علي سنانه بغضب: هندمك يا معتز صدقني

وجهه ياسين كلامه ل عادل : عايز اشوف، وخلينا في المهم ، بما انك يا عادل، كنت مبسوط اوي وانا بقول ان المأذون جي عشان نجوز لولا ل ابوه طفلها،

فامبروك عليك،و معتز كاصديقي قديم ليكم، هيتنازل ويتكرم عليكم ويشهد علي عقد جوزكم ،انت و الانسه

ولا انت ايه رايك يا باشا يتجوزها ولا تطلع لولا علي القسم تثبت ابنها هناك بالتحليل والفديوهات، ودوشة السوشيال ميديا

جز فاروق علي سنانه :هيتجوزها يا ياسين

قرب فاروق من عادل يسنده يقف

و وقف عادل وهو ممسك بذراعه بألم وصرخ فيهم :مش هتجوزها فاهمين ، ومحدش هيقدر يجـ.ـبرني، مش هتجوزها

ياسين بتهديد: برحتك، ماتتجوزهاش، اخويا وخد حقه منك،ولو عايزين تمشوا اتفضلوا، خد ابنك وامشي يا باشا، انا مقدرش اجبر.ه

فاروق: قولتلك موافقين يا ياسين، شوف الجواز هيتم ازاي

ياسين: دلوقتي حالا و المأذون مستني، بس مهر البنت انت لسه مادفعتوش

عادل:مهر ايه اللي عايزه ، دي واحده رخـ.ـيصه

ياسين: شبهك

فاروق: اخرس يا عادل ، شوف المهر اللي يرضيكم كام

رد ياسين بتهكم: دا انا هسبها ل ذوقك يا فاروق ولا ايه رأيك يا عروسة

كتب فاروق شيك وقدمه ل ياسين:كده كويس

ياسين: قليل بس حلو ، اهو اغلي من قمية البضاعه

اتكلم بالفون: ايوه يا استاذ مكرم ابعت المأذون

دخل المأذون وكتب الكتاب بين عادل و لولا

وشهد عليه معتز تحت نظرات الغضب والحقد من فاروق وعادل،ومقابل ليها نظرات تهديد واضحه من ياسين

ياسين: مبروك يا فاروق جواز ابنك، وحفيدك اللي جي، يلا بقي مع السلامه من هنا، وخد ابنك في ايدك، الحق عالجه، وبعد اسبوع يكون مطلقها

فاروق: ماشي يا ياسين

خرج فاروق بغضب مع عادل

ياسين: فاروق

وقف فاروق من غير ما يلف لي: نعم

ياسين: لو حد فيكم شيطا.نه ضحك عليه وفكر بس مجرد تفكير انه يقرب من اخويا، هخليك تـ.ـتر.حم علي عيالك الاتنين، سلام ؤا فاروق

كمل فاروق طريقه بغضب و خرج وراه عادل

……

اتنهدت نور براحه و قربت من معتز اللي سرحانه بعيد عنهم وهو بيبص في اثر عادل بعدم تصديق

نور: معتز انت كويس،

معتز:اكيد

نور: ماتزعلش عليه يا معتز، هو اللي خسرك، دا مايستهلش

معتز: في داهـ.ـيه

ياسين: صح كده، في داهـ.ـيه هو وغيره والتفت ل لولا، ام انتي بقي ياست الحسن،

وعشان خاطر نور واللي عملتي معاها، فانا هغفرلك خطأك، زي ما وعتك ، بس اللي غلط لازم يتـ.ـعاقب

ردت نور بتهجم: ياسين انت بتقول ايه

ياسين: زي ما سمعتي، اللي غلط لازم يتعـ.ـاقب

اتصل ياسين بالفون: ابعت الناس اللي عندك

لولا رجعت خطوه ل وراه: انت هتعمل ايه، نور شوفي

نور: ياسين ماتفهمنا، عـ.ـقاب ايه

خبط علي الباب، تجاهل ياسين اسألتهم وراح فتح وظهر ابوه ليان وامها

جريت ليان تستخبي في نور: لا يا نور، احنا ماتفقناش علي كده، انا اتحميت فيكي، انتي..

نور بذهول:معرفش، والله ماعرف انه هيعمل كده

فتح ياسين الباب علي اخره : ادخلوا بنتكم اهي، مستنياكم

ومد ياسين ايده بالشيك: ودا كان مهرها،واسبوع و توصلكم ورقه طلاقها ، خدوا بنتكم يلا

وبعد النهارده مش عايزها تظهر قدامي تاني،عشان لو شوفتها في اي مكان حتي و لو صدفه تبقي هي اللي جنـ.ـت علي نفسها

نور بصدمه: ياسين انت عملت ايه ليه كده، حرام عليك، انت

ام ليان : عمل ايه رجع بنتنا لينا فين الغلط، يلا يا ليان معانا

جريت ليان بعيد وهي بتبكي بخوف :لا لا ، انا مش هرجع معاكم، انتم عايزين مني ايه، حرام عليكي يا نور، انتي وعدتني تقفي جنبي مش تغـ.ـدري بيا، انا ساعتك عشان حياتك ماتتهـ.ـدش، تـ.ـهدي حياتي انا

نور:ولله ماكنت اعرف، ياسين انت اتجننت ليه كده

ياسين :اتجننت،لا يا دكتوره دي واحده قليلة الاصل، مابيطمرش فيها المعروف ، واهلها اولي بيها

قرب اب ليان منها وجذبها من ذراعها بغضب: يلاااااا

صرخت ليان بخوف: لااااا مش هرجع معاكم، انتم عايزين تعملوا فيا ايه، سبوني في حالي، مش عايزكم

مسكت نور اديها وقفت قصاد ابوها برفض :مش هتاخدها معاك،ليان مش هتمشي مع حد مفهوم

ياسين:سبيها يا نور، اسمعي الكلام

صرخت نور بحده :لأ انت ماتتكلمش خالص معايا فاهم، معتز أعمل حاجه عشان خاطري ،

لولا هي اللي كشفت عادل وهي اللي جاتلي بنفسها تحكت ليا ، عشانك، من غيرها كان زمانك دلوقتي مش عارف حاجه

ياسين:نور انتي غبيه، هي دورت علي مصلحتها من خلالك وبس عشان تخلص من شر عادل، كانت بتستغلك ل مصلحتها

نور: لا، معتز ارجوك اتكلم

رد معتز بهدوء :عايزني اقول ايه يا نور ، اخد الاستاذه من اهلها هو انا هحميها منهم

وبعدين انا عملت قبل كده معاها كل خير، والنتيجه زي مانتي شوفتي كنت مغفل وسطهم و لعبوا بيا ، سبيها ترجع مع ابوها يا نور، هو أولى بيها

نور بغضب:لأ، ليان مش هتمشي من هنا، فاهمين كلكم

ياسين : وهتفضل هنا تعمل ايه او مع مين ، ما اصل انا رفدتها من الشركه ، وتبقي تقابلني لو لقت حد يوافق يشغلها عنده تاني بعد التقرير اللي اتكتب فيها ، واظن اجار الشقه اللي عايشه فيها مش هتقدر تدفعه بعد كده،واصلا العقد بأسم معتز ،فاترجع تعيش مع اهلها افضل من الشارع

ابو ليان شد اديها بغضب:يلا بقي انتي ماشبعتيش فضايح، كفايه اللي سمعنه بسببك لحد دلوقتي

بكت لولا بخوف وجسمها اتنفض برعب من اللي ممكن تشوفه.

سحبت نور ذراع لولا وحاولت تبعدها عن ابوها : لا مش هتمشي معاك قولتلك، ومش هتقرب منها

ابوه ليان : ابعدي يا مدام انتي عنها، دي بنتي وانا حر فيها.

نظرت نور ل معتز برجاء وقرب معتز منهم

ومسك ايد نور بهدوء وبيفكها عن لولا

ولولا بتبكي برعب.وابوها بيجذبها لي

قاومت نور بغضب ايد معتز: لا لا يا معتز سبني

استسلمت لولا ل ابوها: مش مسمحاكي يا نور، علي ايه حاجه ممكن تحصلي

بكت نور وحضنها معتز من الخلف يسيطر غلي حركتها وهي بتقومه ولولا خارجت مع ابوها وامها بستسلام تمام وعينها بعين نور بتنظر ليها بكل لوم وحزن

بكت نور ودفعه معتز عنها و اللي بعد بهدوء مع اختفاء لولا واهلها،ونور عنيها علي الباب اللي خرجوا منه

ياسين : انتي بتبكي عشانها دي ماتستهلش

نظرت نور ل معتز بحزن ووجههت نظرتها ل ياسين:انا غلطانه اني طلبت منك المساعده يا ياسين، لو اهل ليان عملوا ليها اي حاجه فذنبها هيبقى في رقبـ.ـتك انت

ياسين :ذنبها على نفسها يا نور

هي اللي ضيعت نفسها و رخصتها وهي بتسلم نفسها لواحد من غير ماتخاف ربنا

هي اللي كسر اهلها لما هربت منهم وخلت اللي يسواه ومايسواش يتكلم عليهم و ضيعت اهلها ،.

وهي اللي جنت علي حياه طفل لسه هيجي الدنيا من غير ذنب،وهيلـ.ـعنها كل يوم علي غلطها وهو بيكبر قدام عنيها

ماتحملنيش ذنب واحده زي دي يانور ، ماتستهلش

نور: بس هي رجعت وطلبت المساعدة، وانت وعدتها

ياسين: وكل اللي عملته دا كده مساعدتهاش، انا ردتها ل اهلها ورجعتها ليهم متجوزه من ابن فاروق،عشان ماحدش يقدر يتكلم عليها

، وابنها هيتسجل باسم ابوه و هياخد حقه في عيلته ، وانا هحميها منهم ،وكسبت بسببها عدواة فاروق،

. وطلبت من ابوها انه يصونها و يسمحها مقابل انه ارجعها لي ،

عايزني اعمل ايه للهانم تاني

، كنت اقولها خلاص انتي غلطتي واعتذرتي، الموضوع خلص

، وعيشي بقي وسطينا، انا جوزتك ل عادل عشان تثبتي ابنك لي وهطلقك منه

وبعد ما ربنا يقومك بالسلامه، هابقي اجوز ل معتز جوز حضرتك يا مدام نور عشان ينفع تفضلي وسطينا ولا ايه رأيك يا دكتوره

نور بغضب : انا مش عايزه اعرفك تاني يا ياسين ولا عايزة اشوفك، والجوازه دي فعلا كانت غلط وانا مش عايزها، ورقة طلاقي ياريت توصلني

خرجت نور بغضب من قدمهم

وواقف ياسين مقابل معتز: شوفت اخرت الصحبه الضله بتاعتك يا معتز، انت عارف الواد دا مكنش يستهل انه يضرب ،انت اللي يستاهل دا بجد ، عشان دول اختيارك وصحبتك

، ياريت تكون اتعلمت الدرس ومش كل واحد زباله وانت عارف انه زباله تقول عليه صاحب

معتز بأرهاق: خلاص يا ياسين بعد اذنك

ياسين: خلاص يا معتز،وانت ابداء بقي صح وفوق ل نفسك، وشوف النعم اللي حوليك احسن وقدرها

معتز بتعب: حاضر يا ياسين،وشكرا علي كل حاجه عملته معايا

ياسين: وانت فاكر اني مستني منك شكر يا معتز، دا انت اخويا ومايهمنيش حد في الدنيا قدك، ياحبيبي احنا مالناش غير بعض،

اخرج يا معتز من الماضي اللي عايش فيه دا، ابوك قالي انه حكي ليك كل حاجه، الماضي خلص من زمان يا معتز ، شوف مستقبلك و أبدا حياتك، مع المختله اللي كانت هنا وصعبان عليها لولا دي، هي طيبه و بتحبك وانت كمان بتحبها، عايز ايه تاني

معتز: واسيب ادم

ياسين:فكرك لو ادم فعلا عمل كده،كان ابوك صبر عليه كل دا، صلاح ماقدرش يثبت علي عمك حاجه طول السنين اللي فاتت يا معتز،

، ممكن تفهمني ليه ادم يورط نفسه بمسأله زي دي، جر.يمه قتـ.ـل، كان هيستفاد ايه من حياه غرام او موتـ.ـها ،

احنا كلنا عارفين انه طـ.ـماع، وممكن عايز يعلاج احساس النقص اللي عنده من ابوك بانه يثبت انه الافضل مش اكتر، بس مش هيضيع نفسه عشان كده

وبعدين حمد دا واللي معه ، عمر ماكان ليهم مكان معروف عايشين فيه،دول كانوا بيسرحوا في المولاد وكل يومين في مكان شكل يقلبه رزقهم فيه

وادم اكيد ماكنش عنده الوقت اللي يلف البلد كلها عليهم عشان يلقيهم،و يعرفهم بس مكان بنتهم عشان حا. قد علي ابوك ،

وبعدين امي عملت الحا.دثه خامس يوم بعد ما صلاح اتهجم علي ادم

والخمس ايام دول كان ادم متبهدل بعد ابوك ماضر.به وجدك كان جانبه،وادم ماسبش اسكندريه خالص في الايام دي ،

يبقي وصل لاهل غرام وعرفهم مكانها ازاي وقالهم امته،

وادبرت الحا.دث ل ميرفت امته و ازاي

وكمان رجعوا ل غرام عملوا فيها كده، كل دا في اسبوع واحد حصل و بالتدبير دا، مش منطقي يا معتز

وماكنش موجود ايامها التواصل السهل دا، فاهم

معتز: بس ابوك قال ان ادم هو الوحيد اللي كان يعرف مكانها وحمد دا قاله ان في حد هو اللي وصله ليها

ياسين: غلط مش ادم لوحده، ادم و صلاح كانوا عارفين مكانها ، وحمد كان شيخ جامع يعني عشان يبقي صادق بكل كلامه اوي كده، مش ممكن مثلا كان بيشكك صلاح في كل اللي حوليه،وبدليل انه مقدرش يقوله اسم حد معين وصله ب غرام

فالمنطق بيقول لو ادم قدر يرقب صلاح و يوصل ل غرام، فسهل اي حد تاني يراقب صلاح ويوصل ليها،زي ما ادم عمل

وحمد كان عارف مين صلاح، وابوك لي اسمه و معروف جدا

وحمد اسهل انه يقدر يوصله بسبب حقـ.ـده لانه خد بنتهم منهم وخطبته يوم فرحهم واتجوزها ، فأسهل ان حمد اللي راقب صلاح و انتقـ.ـم منه في ميرفت وغرام، وحمد مـا.ت وماضي وخلص فهمت

معتز: ، وليه ابوك مش مقتنع بدا

ياسين:لانه اسهل كتير انه يدين ادم،ومن انه يكون هو السبب في اللي حصل للانسانه اللي حبها، وانه يعترف ل نفسه انه فشل يحميها

معتز: يعني ايه

ياسين: يعني ايه،يعني عيش حياتك يا معتز، وابنيها غصب عن الكل،وخد حقك من الدنيا وحافظ علي مراتك غصب عن عمك و ابوك ، وانزل الشركة دا مكانك، وحقك

اثبت نفسك هناك ،والتصوير دي هوايه انت عبقري فيها، خليها جنب شغلك،و غرام راحت للخلقها وارتاحت ادعي ليها و اعمل خير باسمها، احسن للكل

معتز: مش عارف يا ياسين، انا تعبان بجد ومش قادر افكر في حاجه دلوقتي

ياسين: طبيعي بعد اللي حصل كل دا، الوقت بيداوي كل حاجه يا معتز ، خد وقتك وفوق

وانا ديما هكون جانبك اخوك الكبير بقي

، وقبل مانسي، حقك عليا يا معتز سامحني عشان رفعت ايدي عليك، بس غصب عني انت اخويا وانا عملت كده من حزني و خوفي عليك مش اكتر

حضن معتز ياسين : انا مش زعلان منك يا ياسين،ما انت قولت اهو اخويا الكبير وقدري ولازم اتحملك

شدد ياسين علي حضن اخوه: ربنا يهدينا كلنا يا عيلة صادق،صحيح انت لسه مابركتليش علي حمل هنا

بعد معتز عنه وبصله وضحك: تحب ابارك ليك،زي ما بركتلي ها

ياسين:خلي قلبك ابيض

معتز: انا قلبي طول عمره ابيض، مبروك يا سينوا، اخيرا هبقي عم

ياسين بضحك: هو انا كان مفقود فيا الامل، للدرجتي

معتز: لا مش اوي الصراحه، شويه،

بس انت كنت تخوف من شويه، انا معرفتكش كده

ياسين: اومال انت فكرك ايه، دا انا لما عرفت اللي عملوا معاك ، كان دمـ.ـي محروق منهم اوي، وكان نفسي اشوفك، عشان اطلع عليك كل الغيظ اللي جويا، عشان شوية عيال مالهمش لزمه يعملوا معاك كده

معتز: حبيبي يا ياسين، ولا يهمك انا قدامك اهو

………..

خالد كان قاعد مقابل ل عادل براحه وهو بيضحك بصخب بعد ما حكي لي، ياسين ومعتز عملوا معاهم

صرخ عادل بغصب وهو بيدور حاولين نفسه في الاوضه بجنون : خالد انا عايز انتـ.ـقم منهم كلها، هتجـ.ـنن بقي يعملوا معايا انا كده

رد خالد بضحك: اهدي يا دولا اعصابك هتتعب، علقه تفوت ولا حد يموت ، كبيرتي يا ناس و احلوتي وهتبقي اب

عادل :وحيات امي لادفعهم الثمن غالي كلهم ، واحـ.ـرق قلب ابن صلاح ، وهتفرجك عليهم

خالد بتسليه : يا جامد، حااسب يا عادل لتقع من طولك وانت واقف، دا انت لسه عريس ومحتاجينك

صرخ عادل بغضب فيه :هو انت ليك نفس تهزر؛ مش شايف عملوا فيا ايه، وابوك كان واقف متفرج وبس

خالد:هو انت زعلان على اللي عملوا فيك،و بالنسبه للي عملته كان عادي، دا انت بهدلته وكنت عايز تشيله عملتك عمره كله، وعايش لي دور الناصح، وبتحب في مراته، وعينك عليها وبتقولها لي عادي، دا اقل واجب يعملوا فيك، مش عجبني معتز دا لأ

بص عادل لدراعه اللي اتجبس : مستقل اللي عمله فيا دا كسرلي دراعي ، كنت عايزه يعمل ايه تاني، خالد هو انت معايا ولا معه

خالد : ولا معاك ولا معه، اولعـ.ـوا يا حبيبي انتم الاتنين، ماتفرقوش معايا

عادل :بس انا عايزك تساعدي اخد حقي منهم يا خالد

رد خالد بتسليه :تاخد حقك هو انت كمان ليك حق

،

قهقه بتسليه اكتر: قولي تاخد حقك ازاي يا دولا تحب نستنا انا وانت معتز بعد الشغل ونضربه سوا

عادل:هي قالبه معك كومديا ليه كده، وحيات امك خلص بقي فقره الارجوز اللي عملها دي

خالد : اعمل ايه انا كل ماتخيل منظرك انت وابوك، اضحك، وبعدين انت بتقولي حقك، حق ايه ياض انت، انت هتكدب الكدبه وتصدقها

عادل: عايز حق كرامتي واهنتي قدمهم، حاسس بنـ.ـار جويا، و البت اللي ضربتني بالقلم عشان معتز بنت ال…

، عايز احـ.ـرق قلبه عليها يا خالد ،عايز نور عايز مرات معتز، ولو ل ليله واحده بس ادفـ.ـعها تمن القـ.ـلم اللي نزل علي وشي منها، عايزها باي شكل يا خالد، وانت لازم تساعدني

عادل: عايز حق كرامتي واهنتي قدمهم، حاسس بنـ.ـار جويا، و البت اللي ضربتني بالقلم عشان معتز بنت ال…

، عايز احـ.ـرق قلبه عليها يا خالد ،عايز نور عايز مرات معتز، ولو ل ليله واحده بس ادفـ.ـعها تمن القـ.ـلم اللي نزل علي وشي منها، عايزها باي شكل يا خالد، وانت لازم تساعدني

خالد :عيب يا دولا تطلب من اخوك الكبير كده هو انت شايفني ازاي يا حبيبي

صرخ عادل :خالد ماتلعبنيش، هتساعدني ولا لا، انا عارف دي مش حاجه صعبه عليك،انا عايز اللي طال حنين، يطول نور وتبقي ليا، زي مانت خدت حنين

ضحك خالد بصخب: انت عبيط ياعادل ،بتقارن حنين ب نور،يابني حنين دي اهلها غلابه مالهمش حد يقف لينا وانا وابوك كان سهل جدا نكـ.ـسرهم،

انما نور ، هتلاقي الف من يقف ليها معتز و ادم وصلاح وياسين عيلة صادق مش سهله ، والغلطه معهم برقـ.ـبتك ياحلو، وانت اول واحد اصلا هتبقي مشتبه فيه لو بس نور اتخدشت

عادل: مش فارق معايا، انا عايزها وانت هتساعدني ولا اتصرف لوحدي

ابتسم خالد بتسليه: طب و ايه مقابل، لو ساعدتك هستفاد ايه

عادل: اللي انت عايزه هعمله

خالد: يبقي هساعدك ياعادل لاني فعلا محتاجك ،مش حبا فيك،بس الدكتوره كمان تلزمني ، بس وحيات امك اي غباء منك هلبسك الليله كلها، وهبقي معرفكش

عادل: نـ.ـدل وتعملها، موافق

ابتسم خالد لي بخبث ولقي اللي يشيل الليله: حبيبي يا دولا بس بلاش ترجع تعيط في الاخر،انت ماتعرفش يابني الدنيا دي صغيره قد ايه

عادل: مش فاهم

خالد: مش مهم، دا انا هبسطك ماتقلقش بس مش دلوقتي اصبر شويه الموضوع بتاعك دا يهدي الاول ونخلص من جوازك ياحلو، وبعدها هوصلك ل حبيبت القلب،

المهم قولي بتحبها بجد يا دولا

عادل: اه بحبها و عايزها بس لازم اخد حقي منها الاول، واكسـ.ـرها واعلمها الادب، وبدل ماكنت هتجوزها تستاهل اللي يحصلها، وبردوه هتكون ليا

خالد: انا عنيا ليك يا دولا بس اصبر واتعلم

………

فات شهر و حياتهم كلهم هاديه وعادل طلق لولا بهدوء وياسين بعت ل أهلها قسيمةالطلاق

رجعت نور عاشت مع ابوها وامها وتحت تسألتهم عن السبب وقلق هاله من الوصيه وبيتقابل كلامهم بالتجاهل التام من نور

وبداء معتز ينزل الشركه مع ياسين وهو محافظ علي شغله و بيتعامل مع الكل بجمود تام

بعد معتز عن نور تماما في الشهر اللي فات و حاسس بحاجز بنهم هيقرب ازاي وهو بيشك في ابوها،و فكره انه ياخد حقه من ادم مابتفرقوش دماغه، وان في إحتمال يكون لي ادم يد باللي حصل لغرام مسيطر عليه

، برغم كلام ياسين اللي ديما بيحاول يثبت لي ان ادم مستحيل يكون لي يد باللي حصل

و حاول ياسين كتير يتواصل مع نور ولكنها رفضت اي تواصل معاهم بسبب احساسها بالذنب و الخوف علي ليان،و انها ماكنتش قد وعدها ليها، وانقطاعت اخبار ليان كليا، وكمان احساسها ان معتز ماصدق طلبت الطلاق وبعد عنها تماما، ودا كان بيزيدها غضبها وحزنها

وكل مره تفتكر ليان وهي بتمسك اديها ومعتز بيقف ويبعدهم وليان بتمشي مع ابوها بخوف ونظرتها كلها لوم ل نور كانت بتزيد حزنها

……….

بداخل المصحه

خبط باب مكتب جاسر وسمح بالدخول

دخلت نور مكتبه وهي بتتنهد بحزن واضح،

قاعدت نور علي الشزلونج قصاده وسندت ظهرها

جاسر: اهلا يا نور ، مالك كده

اتنهدت نور بتعب وهي بتنظر الي السقف: مخنوقه

جاسر: عشان معتز، قولتلك اتصلي اسألي عليه انتي ، وافهمي ايه اللي بيحصل معه وبعدها خدي قرارك

نور:هو مسألش فيا، مصدق خلص مني، اه زهقت من كل اللي بيحصل معايا،حياتي كانت هاديه كتير قبل ما يدخلها،ودلوقتي مهما احاول انساه،مش عارفه،مجرد ماسمع اسمه بس ببقي عايز اعرف كل حاجه عنه،و بيضيع كل اللي بحاول اقنع نفسي بيه

جاسر: طيب فهميني يانور ايه اسبابك عايزه تنسي جوزك ليه هو بيحبك علي فكره وانت بتحبيبه من كلامك عنه، ليه عايزه تبعدي وبتختاري السهل،ماتقربي

نور:و لولا اعمل فيها ايه، مش قادره اتخيل ممكن يكون حصل معاها ايه بسببي، وانا اتعايش عادي

جاسر:نور انتي غبيه صح عايزه تبعدي عن جوزك عشان واحده زي دي ،لولا مين،انتي شغله دماغك بيها ليه،ياسين عمل الصح و رجعت ل اهلها، شوفي انتي حياتك بقي

نور: انا غبيه، تصدق يا جاسر انت خسره فيك الفزياته اللي لسه دفعها بره والله لاخده وانا خارجه

ضحك جاسر بخفه:زعلانه عشان بقول الحق صح

نور: المفروض انك دكتور نفسي تدعمني وتساعدني افكر بطريقه افضل، مش تشـ.ـتمني

جاسر: انا بقول الحقيقه،انتي استسهلتي و خدتي من موقف معتز وغيابه اللي فاتت حاجز تتحمي فيه من ضعف شخصيتك مقابل اهلك عشان توفري علي نفسك مجهود موجهتهم وتختاري البعد و النسيان اسهل،

وانتي تبقي غبـ.ـيه لو فاكره انه بالكام يوم دول ، تقدري تنسي حبك ل جوازك ، وعلاجك الوحيد يا نور انك تواجهي اهلك باللي انتي عايزه و محتاجة تعملي لانك مابقتيش صغيره و مستنيه رايهم في كل حياتك وهم يقرره عنك، وبعدها لازم تتواجهي انتي و معتز و تفهمي سبب الحاجز اللي ظهر فجأ بنكم، و تقرر حياتك هتمشي ازاي

نور: انا خايفه اخسر أهلي عشان معتز مش عايزه كده ،وخايفه اكون مجرد محطه ل معتز وبعدها يسبني واخسر الكل في الاخر

جاسر: نور معتز اتغير كتير عشانك وحبك زي مانتي،ومكلبش تتغيري، برغم كل عقدك، واعترف ليكي ب حبه اكيد في حاجه حصلت وهو مشوش بسبب اللي عرفه عن امه واحساسه بالذنب اتجاها، وكمان زادت بالناس اللي عاش معهم عمر كامل وخذلوا وبدل ماتبقي جانبه و تدعمي، قررتي تبقي في طرف واحد من اللي خذلوا دول و تطلبي الطـ.ـلاق في وقت غريب وبسبب اغرب،او اقول حجه

نور: يعني انت كنت عايزني اعمل ايه

جاسر: تعملي اللي انتي عايزه، وتقربي من معتز و تبقي جانبه، نور لو كنتي بتحبيه ، معتز مش شخص وحش،برغم انك اتفرضتي عليه من الاول واتجوزك مضطر ،اتعامل معاكي كويس وماستغلكيش،و لما حبك كان صريح معاكي، يستاهل تحاولي عشانه

هو واجهه الكل بيكي ابوكي و ابوه بصراحه،في وقت انتي كنتي بتخافي حتي تعترفي بينك وبين نفسك انك بتحبيه

نور: جاسر الموضوع مش سهل احنا مش هنقدر نعيش مع بعض طول ما اهلنا رفضين دا

جاسر:انا قولت اللي عندي و برحتك بقي

نور: انا تعبانه اوي وبابا و ماما كل اللي فارق معاهم الوصيه وخلاص مابقاش عندي طاقه حتي افكر انا تعبت.

جاسر: تصدقي يانور انكم عيله حقيـ.ـره اوي وكل اللي يهمكم الفلوس، و معتز دا اجدع مافيكم

ردت نور بسخريه:احنا عيله حقيـ.ـره،

انا قولت من الاول انت خساره فيك الفلوس اللي دفعتها

جاسر: فلوس ايه يامعـ.ـفنه ماتخلنيش اغلط فيكي ، هو حد طلب منك فلوس.. انت اللي بتصري كل مره تدفعيها وفالاخر بعزمك بيها علي اكل في الكفتريا

نور: انت بتذلني ياجاسر ، وبعدين مش انا باخد من وقتك وبقعد اوجع دماغك بمشاكلي

جاسر: اظن ان احنا اصدقاء ولا كمان الصداقه مابتعترفيش بيها

نور: لا مابعترفش بيها الصراحه، وبذات الصداقه بين الراجل والست ماتنفعش،و انا اصلا عمري مكان ليا اصدقاء من اي نوع ، غير جاك

جاسر: خلاص يا ستي احنا زملاءه في الشغل،كويس كده، وماتبقيش تدفع هبقي اعتبرها صدقه عن صحتي

نور: صدقه، لا يا دكتور كل واحد ياخد حقه احسن، رواح اتصدق بعيد عني

جاسم: عرفتي ليه بقولك ان معتز اجدع مافيكم،من كلامك عنه الفلوس مش فارقه معه، انما اهلك واهله عمله كل حاجه عشان يوصله للفلوس دي وبعدين لسه هيعملوا كل حاجه عشان يطلقكم لما المصلحه تخلص ،وانتي واقفه تتفرجي عليهم ، زي الكامبرس الصامت بيحركوكي زي ما هم عايزين

نور:هو انت يادكتور حد مسلطك عليا،هو انا مستحملك كل دا ازاي

جاسر: معاكي حق ماتتحملنيش، يلا شوفي انتي رايحه فين عشان انا هروح لحنين

نور: حاضر، هي صح حنين عامله ايه دلوقتي، انا شايفه ان الدكتور اتعلق بحالته زياده عن اللزوم، وحنين كمان استجابت معاك بسرعه انا شوفتها لما جت معاك هنا مره

جاسر: طبيعي،حنين دي حبيبتي عمري يابنتي، وان ماتعلقتش بيها هتعلق بمين يعني ،وبعدين انا حالاتي كلها لازم تستجيب معايا بسرعه عشان انا شاطر و قلبي حنين مش زي ناس

نور: ايه الثقه دي يا دكتور ، خلي بالك بقي من حنين وبلاش تضغط عليها بزياده يادكتور ، عشان هي لسه ماتعفتش كليا والمشاكل اللي عندها كلها مرهونه برجوع ذاكرتها لانها ماتعلجتش لسه يا ابو قلب حنين، سلام

بصلها جاسر بغيظ وهي خرجه من عنده ببتسامه انتصار

……

دخل ياسين المكتب علي معتز بالشركه وهو مشغول وحتي مانتبهش لي

ياسين: عامل ايه يامعتز قادر تفهم الشغل

انتبه معتز لي ورد بجديه : اه اهو بتعلم

حس ياسين بضيق من تغيير معتز وجديته الغير معهوده، وكان روحه انطفت: انت لسه ماحولتش تكلم نور

معتز: لا، هي كان معاها حق، الوصيه تخلص وكل واحد يروح ل حاله افضل

ياسين بغضب: ليه، مش انت قولت بتحبها و عايزها

معتز: مش هقدر اعيش معها وانا شاكك في ابوها ديما، مش عايز اظلمها، ولا احطها في اختيار بيني و بين أهلها، ولسه حسابي انا و ادم مانتهاش

ياسين: هو انت يابني هتفضل حاطت الفكره دي بدماغك ،

معتز: لما اقدر اثبت عكسها

فكر ياسين : مش هتقدر وهتكون انت خسرت نور، لانها طلبه الطلاق منك، وشكلها كده ظهر حد تاني غيرك في حياتها، وخليك بقي عايش انت في الماضي

رد معتز بغضب: يعني ايه ظهر في حياتها حد غيري وازاي عايزه تطلق والوصيه

ياسين: معرفش، هي مصره علي الطلاق، شوف انت بقي، وحقها تبداء حياتها يعني، وانت بقي شوف حياتك

معتز: ياسين انت تعرف حاجه بجد

ياسين: انا عندي شغل مش فضيلك سلام، ونبقي نتجمع بكره عشان تطلقها

سابه ياسين و خرج ببتسامه انتصار و هو شايف غضب معتز، وانه قدر يكسر هاله البرود اللي معتز حاول يرسمها ل نفسه وحوطها بي

لم معتز حاجته بغضب وخرج من المكتب: والله ما مكمل شغل، وام اشوف بنت ادم، لقت بديل بسرعه كده ازاي، وعايزه تطلق، ماشي يا نور

خرج معتز من الشركه والغضب والغيظ مسيطر عليه وكلع بعربيته علي المستشفى. وهو بيحاول يهدي غضبه عشان يقدر يفهم قبل ما يتهور عليها

……..

بداخل المصحه اتفتح مكتب نور بهمجيه ووقف معتز مقابل ليها

صرخ معتز بغضب:انتي طلبه الطلاق فعلا، عشان حد تاني

بعدت نور بتوجس : انت ازاي تدخل المكتب بالطريقه دي،وايه اللي بتقوله دا

معتز:ردي عليا ،انتي عايزه تسبيني عشان راجل تاني

نور:انت بقالك شهر غايب ويوم مافتكرتني ، جي تتهمني باني اعرف حد تاني، انت فيك ايه مالك

معتز: يعني انتي مش عايزة تطلقي مني عشان، تتجواز واحد تاني

نور:ولا تاني ولا تالت انا مش فاهمه حاجه

عض معتز علي شفايفه بغيظ: ياسين،

نور: معتز مالك

معتز بحرج: انا اسف يا نور بس يظهر اني فهمت غلط، واسف علي طريقه كلامي ودخلولي مكتبك كده، بس حد ابن حلال السبب

نور: تمام، برغم اني مش فاهمه حاجه

معتز : طيب انا همشي محتاجه مني حاجه

نظرت نور لي بحزن: شكرا

خرج معتز من المستشفى بغضب و كلم ياسين: بقي بتشتغلني يا ياسين

ياسين بضحك: يعني ماستحملتش مجرد كلام وخرجت زي المجـ.ـنون من المكتب، طيب لو دا حصل فعلا هتعمل ايه

، فكر فيها يا معتز، سلام

و قفل ياسين الخط في وشه

…….

خرجت نور من المستشفى بحزن و ركبت تاكسي

تروح البيت وهي مستغربه ظهور معتز بالشكل دا قدمها وخروجه

وفجأ حست التاكسي بيقف

نور بستغرب: ليه حضرتك واقفت هنا هو في مشكله

السائق: تقريبا العجله نامت هشوفها مالها

وقبل مايخرج السائق من العربيه ، ركب اتنين ملثمين التاكسي من البابين الخلفي وحصروا نور بالوسط

وقبل ماتصرخ نور او تعمل رد فعل كمم واحد منهم فمها بايده وثبتها للاخر

وحقنوها بأبره احست نور بتخترقها رقبتها وألم قوي وهي تقاومها، دقايق وهدأئة حركتها بين ايديهم و غابت تماما عن الوعي

………..

استقظت نور بألم واخذت. تنظر للغرفه المظلمه، بصعوبه فالروئيه امامها مازلت مشوشه

فركت عينيها بألم، وانتبهت لمن يئن بجوارها

التفت اليها

همست نور بتعب: حنين

 

    •تابع الفصل التالي "رواية نفوس مريضه" اضغط على اسم الرواية