كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الثالث 3
3
*بعد فترة
_إنت فين ي أدهم؟
=أنا فى الطريق ي محسن خير فى حاجة؟
_عندي مأمورية لازم أطلعها دلوقتي والمفروض أفضل جنبها لحد ما ترجع فمش عارف أعمل إيه..
=روح إنت مأموريتك وأنا كلها ساعة وأوصل ما تقلقش..
_ماشي ي باشا..
=هي قالتلك حاجة؟
_للأسف لأ عمالة تعيط ومش عايزة تنطق بحرف واحد حتي لما تعبت ونفسها راح رفضت تتكلم وتقول حاجة ولولا إني أخدت بالي منها كان زمانها فى خبر كان..
=طب الحمد لله إنك لحقتها..أنا هقفل دلوقتي معاك علشان ما أعطلكش..
_____________________
*فى منزل الصعيد..
_صباح الخير ي توتا..
=صباح النور ي زيزو..جيت أمتي ي بني؟
_جيت إمبارح أنا وأدهم..
=ردت بصدمة:إيه ده أدهم جه؟
_طب وبالنسبة إن أنا جيت معاه مش واخدة بالك منها؟
=ي عم إنت قاعد معانا على طول الدور والباقي عليه هو..
_إيه ي جماعة هو أنا خانقكم أوي للدرجة ديه؟
=لأ ما تقولش كدة ده إنت الغالي صاحب الغالي..
_آه ما هو واضح..المهم كنتي فين إمبارح ما شوفتكيش يعني
=كنت فى الجامعة وبعدين روحت مشوار أنا وعلا ورجعنا الساعة 9 مع السواق ولما رجعنا لاقينا ماما بس اللي صاحية بس أول ما شافتنا وإطمنت علينا دخلت نامت وأنا كمان نمت على طول ولسه صاحية..
_إتكلم بذهول:إنتي نايمة من 9 لحد دلوقتي؟
=آه عادي ما أنام براحتي وبعدين بلاش إنت تتكلم ده إنت لو سابوك نايم يوم كامل هتصحي تقولهم عايز أنام تاني..
_طب غوري ي بت من وشي..
=أكيد همشي طبعا علشان أشوف أخويا حبيبي..
_أهو عندك متلقح فوق أشبعي بيه..
=إتكلمت بخبث:هشبع بيه وهفضيلك المكان وأروقلك الجو كمان عن إذنك..
_رد بإستغراب:جو إيه؟إنتي ي بت خدي ه.....
____________________
=أهلا ي أدهم باشا..
_فى حد عندها جوا ي بني؟
=لأ ي باشا..
_طب أفتح الباب ده..
=تحت أمرك ي باشا..
*أول ما دخل الأوضة إتصدم..إتصدم من شكلي ومن ريحة الأوضة هو آه محسن حكي ليه اللي شافه لكن الحقيقة حاجة تانية خالص..
_إتكلم بصدمة:إيه اللي حصل مين عمل فيكي كدة؟
*بصت عليه وبعدين بصت فى الأرض وزادت دموعها وإنهارت وإرتفع صوت شهقاتها..
=إتكلم بحدة:ردي عليا مين عمل فيكي كدة؟وإيه الريحة المعفنة ديه؟
_إتكلمت بضعف:ما أقدرش أتكلم..
=وده ليه إن شاء الله..
_علشان..علشان هددني إنه هيأذيني..
=هو مين ده؟وبعدين ما تحكي على طول أنا هسحب الكلام منك؟
_لو إتكلمت هتصدقني؟ولا هتشوفني مذنبة وبتسهوك عليك؟على العموم أنا هحكيلك واللي يريح ضميرك أعمله بعدها
=أحكي ي ريواء أنا سامعك..
____________________
_عامل إيه ي زين؟
=الحمد لله ي علا إنتي أخبارك إيه؟
_زي الفل ي سيادة النقيب..جيت أمتي؟
=جيت إمبارح مع أدهم..
_وأكيد طبعا نايم من إمبارح علشان كدة ما شوفتكش ما أنا عارفاك بتعشق النوم..
=هو للدرجة ديه سمعتي سبقاني..
_جدا..سلام بقى علشان عندي جامعة..
=وهو إنتي هتخرجي كدة؟
_كدة اللي هو إزاي يعني؟
=هتخرجي بالروج ده؟
_روج إيه سلامة نظرك..ديه شفايفي لونها كدة...
=زين محدثا نفسه:لما هي كدة ومن غير روج أومال لو بروج هتبقي عاملة إزاي؟
_زين إنت سامعني؟
=هه؟كنتي بتقولي إيه؟
_بقولك أنا لازم أمشي دلوقتي علشان ما أتأخرش..
=طيب..خلي بالك من نفسك..
_إن شاء الله..
=زين محدثا نفسه:يخربيت جمال أمك ي شيخة..ريم كانت بتحكي ليا دايما إن أختك كانت أحلى منك بكتير فلما إنتي قمر كدة أومال هي هتبقي عاملة إزاي أكيد صاروخ..ياااه لو أقابل الصاروخ ديه إيه اللي أنا بقوله ده أنا بحب علا ومش ممكن عيني تبص لغيرها أبدا بس بصراحة لو حلوة ممكن أفكر ههههههههه
______________________
_إتكلمت ببكاء:آخر مرة كنت عندي عرفتني إني لما أحتاج حاجة أطلبها من العسكري أو الممرضة فأنا طلبت من الممرضة إنها تخلي العسكري يدخل علشان عايزاه ضروري..بس هي رفضت وأهانتني جامد وقالتلي أنا مش بساعد المجرمين ولا بساعد البنات الشمال اللي زيك وسابتني ومشيت..بعدها فضلت أنادي على العسكري وأخبط على الحيطة وأصرخ علشان يسمعني لكنه ما سألش فيا..
=وإنتي كنتي عايزاه فى إيه أصلا؟ما هو أكلك وشربك عندك وعلاجك بتاخديه فى مواعيده هتحتاجي إيه تاني؟
_ردت ببكاء:عايزاكم تحسوا إني بني آدمة مش حيوانة..أنا كنت عايزاه يشيل الكلبشات علشان أدخل الحمام وأتوضي وأصلي لكن هو مجاش وأنا كنت عايزة أدخل الحمام وللأسف.....
=للأسف إيه؟
_ردت بحزن:للأسف..للأسف مقدرتش أمسك نفسي وعملت حمام على السرير ولما الممرضة دخلت ولاقيتني كدة شتمتني وقالتلي إيه القرف ده ولما طلبت منها تغيرلي هدومي أو تساعدني أقوم وأغير أنا..رفضت وسابتني ومشيت..
=كملي..
_ردت ببكاء:بعد آذان العشا بالظبط جه هو..أول ما لاقيته فى وشي إتخضيت وأفتكرت كل ذكرياتي الوحشة اللي عشتها..كان لابس لبس دكتور وحاطط كمامة علشان محدش يعرفه وهددني إني لازم أعترف على نفسي إن أنا اللي قتلت مامي غير كدة هبقي بدمر حياتي وحياة أقرب الناس ليا مع إنه ما يعرفش إن إعترافي على نفسي أصلا وأنا معملتش حاجة أكبر تدمير لحياتي..
=هو مين ي ريواء؟
_مقدرش أقول حاجة..هيأذي أغلى ناس عندي وأنا مليش غيرهم ومش عاوزاهم يعيشوا نفس الحياة اللي أنا عشتها..هما فاكرين إني كنت عايشة ملكة لكن مش ده اللي حصل خالص..وكمان هددني إنه هيأذي أمجد..
=أمجد مين؟
_أمجد ده أبن خالي وحبيبي وصاحبي وأغلي حد فى حياتى...
=أوعدك مش هيعملهم حاجة بس أنا لازم أعرف مين عمل فيكي كدة..
_إتكلمت بخوف:لا لا إنت مش عارفه زيي..هو وحش وشرير وهيأذيهم وهيآخدهم مني..وهيأذي أمجد ومامته معندهاش غيره ولا أنا كمان ليا غيرهم.. بلاش أنا هعترف بكل اللي هو عايزه..
=إهدي طيب..
_ردت بتعب:مش قادرة..نفسي..آآآآه..
*سابني وخرج ينادي على الدكتور وفعلا جه وفوقني وبعت ممرضة ساعدتني علشان أغير هدومي وظبطوا الأوضة بتاعتي وبقت أفضل من الأول بكتير..
_شوية كدة وهرجعلك تاني..
_________________
=هو أدهم فين مش إنت قولت إنه جه معاك؟
_آه ي توتا وتلاقيه نايم فى أوضته..
=أنا قلبت عليه البيت كله وملهوش أي أثر..
_أومال هيكون راح فين؟
=فى إيه ي ولاد مالكم؟
_أدهم بندور عليه ومش لاقينه فى البيت..
=ومش هتلاقوه لأنه سافر القاهرة الصبح..
_رد بحدة:نعممممممممم؟سافر إزاي لوحده؟
=قال فى مشكلة فى الشغل ولازم يسافر..
_وإنتي إزاي تسمحيله ي ريم إنه يسافر لوحده ده تعب إمبارح مرتين ومكانش قادر من دماغه...
=ما هو ي بني قال فى مشكله فى شغله ولازم يرجع القاهرة وإنت عارف شغله أكتر مننا..
_أستغفر الله العظيم..أنا هروح ألبس وأسافر له مش هقدر أسيبه لوحده وهو فى الحالة ديه..
=ماشي ي حبيبي..
_ما تزعليش مني إني إتنرفزت عليكي بس أنا حقيقي قلقان عليه..
=مش زعلانة ي حبيبي..ربنا يخليكم لبعض..
___________________
*بعد فترة فى المستشفى..
_عندك خصم 5 أيام ولفت نظر..
=ليه بس ي باشا أنا عملت إيه؟
_هو أنا قولتلك ما تفكش الكلبشات بتاعة المتهمة؟
=لأ قولتلي أدخل أفكها قبل كل صلاة أو لو هي نادت عليا..وأحط الكلبشات تاني بعد صلاة العشا ولازم يكون فى ممرضة معاها جوا إحتياطي وأقفل الباب من برا بالمفتاح..
_طب ما إنت لسه فاكر الكلام أهو أومال شغل الإستعباط اللي حصل فى غيابي ده إيه؟
=أنا آسف ي باشا مش هعمل كدة تاني..
_طالما إتأسفت يبقى إنت عرفت اللي حصل..فى حاجة تاني عايز تعترف بيها ولا كدة تمام؟
=رد بتوتر:هه..لأ كدة تمام ي باشا..
_طب حيث كدة بقي مخصوملك 5 أيام تانيين وديه أقل حاجة علشان تحرم تستندل تاني..
=ي باشا ليه كل ده؟
_رد بحدة:إنت تخرس خاااالص ما أسمعش حسك..
البيه اللي المفروض يحمي الناس أخد رشوة علشان يطنش ويسكت..لما تنادي عليك تسكت..ولما تطلب مساعدتك تطنش..وده مش اللي إحنا إتعلمناه هي آه مجرمة بس مش عبدة..
=الكلام ده محصلش ي باشا..
_كدب مش عايز لأن الكلام ده حصل وكاميرات المراقبة شافتك وإنت بتعمل كدة..ده غير إن فى ممرضة أول ما شافتني جات وأكدتلي اللي أنا شوفته فى الفيديو لأن الممرضة اللي إديتك الفلوس حكت لها بحكم إنهم أصدقاء أوي وطبعا هتخبي ومش هتحكي لحد..بس الممرضة طلعت جدعة وعندها ضمير مش زيك..ولولا إنها كانت أجازة كانت ساعدتها ووقفت جنبها...أنا لفت نظرك المرة ديه وخصمتلك المرة الجاية هيبقي ليا تصرف تاني معاك..وما تنساش إنت بتتعامل مع مين أنا الرائد أدهم المنياوي فلو مش عارفه أعرفهولك حالا..
=سيادتك غني عن التعريف ي باشا..
_طب الحمد لله إنك عارف..أنا حذرتك ديه آخر مرة تتعامل بالطريقة ديه لأنها لو إتكررت صدقني مش هرحمك..فااااهم..
=فاهم ي باشا...
*خلص كلامه وسابه ومشي راح للممرضة..
_إنتي اللي مسئولة عن الحالة بتاعة أوضة 215 صح؟
=أيوة ي باشا بتاعة البت الشمال ديه..
_طب بصي ي شاطرة..كل شوية هتدخلي تطمني عليها وهتساعديها فى أي حاجة هي محتاجاها لأن شغلك هنا هو خدمة المرضي..شمال بقي ولا يمين المهم إن ديه هي شغلتك..الخدمة..فلو بس جالي شكوى تانية منها هوصل الفيديو اللي كنتي فيه مع الدكتور المزيف لمدير المستشفى فياريت تحترمي نفسك وده لمصلحتك..
=ردت بخوف:تحت أمرك ي باشا..
*بعد ما خلص كلامه مع الممرضة والعسكري مسك الفيديو الخاص بالدكتور المزيف لكن للأسف كان لابس كمامة علشان ملامح وشه ما تكونش واضحة من الواضح كدة إنه ذكي جدا وكان عارف إن فى كاميرات..بعدين دخل الأوضة لقاها بتصلي وبتعيط وهي ساجدة فضل باصص عليها شوية وبعدين حس بوجع فى دماغه فخرج برا الأوضة علشان ما تسمعهوش وهو بيتوجع وتحس بضعفه..
*فضل قاعد برا شوية وكان بيتخيل مواقف كدة مشوشة وبعدين فضل يتفرج على الفيديوهات الخاصة بكاميرات المراقبة كلها علشان يعرف مين الراجل ده..وبعدين أفتكر موقف تاني..وبعد فترة حصل..
____________________
_إتكلمت ببكاء:يارب إنت العالم بحالي وعارف إني مقتلتش حد..هو ليه بيفرح بوجعي وبأذيتي؟ليه بيكرهني؟عملتله إيه؟أنا ذنبي إيييييه؟لا بقي ليا أم ولا أب ولا حتى صحاب..كل اللي بحبهم راحوا..
راحواااااا.. أنا تعبت من كتر الظلم والإهانة وقلة القيمة..أنا لازم أرتاح من كل ده..أيوة صح لازم أرتاح وأريحهم وأهو أنا كدة كدة هموت فمش فارقة دلوقتي من بعدين..
_زين وهو يلهث:إنت كويس ي أدهم..
=آه كويس الحمد لله..مالك بتنهج كدة ليه؟
_ريم قالتلي إنك سافرت ولما سمعت كدة كنت هتجنن علشان إنت تعبت إمبارح مرتين فجيت بعربية مخصوص علشان أطمن عليك وأول ما وصلت هنا طلعت جري على السلم لأن الأسانسير مش شغال...
=رد بإبتسامة:ربنا يخليك ليا وما يحرمنيش منك..
_ولا يحرمني منك ي صاحبي..المهم إيه اللي حصل علشان تسافر فجأة..
*قص عليه ما حدث..
=إتكلم بمرح:هو أنا حسدت البت ولا إيه؟يعني يوم ما أعاكسها البت تتشلفط كدة..حد يعمل كدة فى القمر برضوا؟
_هو ده وقت هزار إنت كمان؟
=مالك ي عم قافش كدة ليه؟
_إتكلم بحزن:يعني اللي حصل فيها ده عادي؟البنت حاسة إنها مجرد حيوان..وحتي مش حيوان لأن الحيوان على الأقل بنرحمه لكن هي لأ..الممرضة والعسكري والشخص اللي هي مش عايزة تعرفني هو مين هما السبب فى وجعها ونظرتها بإنكسار ليا النهاردة لما كانت بتعرفني إنها مكانتش قادرة تمسك نفسها..أنا حاسس بالندم بسببها..من ساعة ما جيت وأنا عمال ألوم نفسي لأني سافرت وسيبتها لو كنت موجود بيتهيألي مكانش هيحصل كدة..الأول ولاء والمرة ديه الشخص المجهول وفوق ده كله أنا إتأكدت إنها بريئة بسبب الشخص اللي ظهر فجأة ده بس للأسف مش معايا دليل واحد يدينه حتى أسمه ما أعرفهوش..
=طب وإنت واثق فى كلامها ومتأكد إنه هددها فعلا ولا ديه لعبة معمولة علشان تبان إنها البريئة والمظلومة واللي ي عيني الدنيا جاية عليها..
_لأ واثق فى كلامها ي زين..ومتأكد كمان إنها مش بتكذب وصادقة فى كل كلمة بتقولها..أنا مش عبيط ولا عيل صغير أنا عندي الخبرة الكافية اللي تعرفني الكداب من الصادق..وكمان أنا فى كذا حاجة فى دماغي كدة بس أول ما أوصل لهم هعرفك...
=إن شاء الله خير..إهدي إنت بس كدة وهي هتتحل..
وخليك متأكد إنه مهما كان ذكي فلازم يسيب دليل وراه حتى لو كان بسيط...
_ي رب آلاقي الدليل..القضية ديه فيها لغز كبير..
=إتكلم بإستغراب:لغز إيه ده؟
*كان هيتكلم بس حصل....
_إتكلم بإستغراب:هو إيه صوت الصويت ده ي زين؟
=رد بلا مبالاه:يمكن حد مات ولا حاجة؟
_إتكلم بقلق:ممكن..طب ثواني كدة..
=رايح فين؟
*أدهم سابه ودخل الأوضة بتاعة ريواء وزين دخل وراه...
_إتكلم بخضة:إنتي بتعملي إيه؟
*ريواء كانت واقفة وماسكة قطعة من إزاز الشباك اللي هي كسرته بالكرسي وكانت بتحاول تقربها من شراينها..
=إتكلمت ببكاء:أنا بريئة..والله بريئة ومعملتش حاجة؟مش حضرتك بتدور على الحق؟هاتلى حقي من كل اللي ظلموني من ولاء والممرضة والعسكري..
هاتلي حقي منه علشان هو السبب فى كل اللي أنا فيه ده؟هو السبب ربنا ينتقم منه ويوجع قلبه زي ما وجع قلبي ودمرني..
=كملت وهي تايهة وقالت:لأ أنا مش عايزة حقي خلاص..أصل أنا..أصل أنا هموت نفسي فبلاش تتعب نفسك..بس أقولك حاجة قبل ما أموت إنت ظابط جدع ي بخت الداخلية وأهلك بيك..عارف أنا كان نفسي أخويا يبقى زيك..كان نفسي يخاف عليا ويحبني ويآخدني فى حضنه ويهون عليا اللي شوفته..بس حضرتك لحد النهاردة بتساعدني
_مكملة ببكاء:بس أرجوك بلاش تخليهم يقولوا عليا شمال..أنا مش كدة أنا بنت محترمة وبنت ناس والله..وي ريت حضرتك ما تقوليش كلمة سهوكة ديه أنا مش بتدلع ولا بتسهوك ولا ديه أخلاقي..عارف كلامك ده وجعني وحسسني إني زبالة أوي بس أنا والله مش كدة..أنا متربية..لما أخف هحكيلك كل حاجة ومش هكدب عليك والله فى أي كلمة بس توعدني إنك هتصدقني..
=رد بتلقائية:أوعدك..
_إبتسمت:شكرا ي سوبر مان...
_كملت بتوتر:اااا أنا آسفة..شكرا ي أدهم باشا..
_مدت إيدها ليه وقالت وهي بتتنفس بصعوبة:
توعدني كمان إني أبقى زي أختك وتخاف عليا وتطمني..أنا محتاجة أطمن ومحتاجة الحنية..
=نزلت إيدها وقالت:بس إزاي أختك تكون مجرمة زيي؟لأ أنا مش لازم أتعشم فى حد تاني..أنا لازم أموت علشان أرتاح وعلشان أنا مش عايزة أرجع الحجز لولاء..أيوة لازم أموت..
•تابع الفصل التالي "رواية كيف لا اعشقك وانت عمري" اضغط على اسم الرواية