رواية نظرة امل كاملة بقلم هيام ختعن عبر مدونة دليل الروايات
رواية نظرة امل الفصل الرابع 4
لا تحزن اذا فقدت شئ ما واعلم أن الله سيعطيك أكثر مما تخيلت
وكانت جالسه أما النافذه تنظر إلي حديقه المستشفي وجاه نظرها ع تللك الطفله الجميله التي كانت تنتظرها فابتسمت اول ما رأتها
بدأت تحرك الكرسي اتجاه باب الغرفه كي تخرج الي الحديقه وجاءت إليها الممرضه واخرجتها الي الحديقه
ندي. : بابتسامه عامله اي وحشتيني
امل. : بابتسامه الحمد لله انتي كمان وحشتيني اووي عارفه انا رسمت حاجات كتير اووي حلوه عشان اوريهالك
ندي. : بابتسامه وريني
طلعت امل دفتر الرسم وكانت رسما نفسها وهي بتلعب كوره وكانت رسمه نفسها وهي بتعوم في البحر وكانت رسمه نفسها وهي بتجري
ندي. : حلو اوي وحلوه افكارك دي
امل. : انا اي حاجه بحب اعملها برسمها وبكون مبسوطه لاني عارفه اني مش هعرف اعملها في الحقيقه
ندي. : انتي بجد بنت جميله اووي
امل. : بابتسامه شكرا وانتي كمان جميله
وفي الوقت دا جاه سيف لندي وامل
سيف. : عامله اي ي ندي
ندي. : الحمد لله انت عامل اي
امل. : بصت لي اخيرا اتكلمت انتوا اتعرفتوا ع بعض
ندي. : ايوه واتفقنا أننا هنكون صحاب
امل. : وانا كمان موافقه
سيف. : انا عايز اعرفكم ع ماما
ندي. : ماشي هي فين
سيف التفت وراه وشاور لمامته وابتسمت لي وجات
نسرين. : عاملين اي
ندي. : الحمد لله بخير
نسرين. : ديما ي رب ممكن اتكلم معاكي
ندي. : طبعا وبصت لامل وسيف انا هروح اتكلم مع مامتك وراجعه تاني
وحركت ندي الكرسي المتحرك بعيد عن امل وسيف عشان تتكلم مع نسرين
نسرين. : بجد انا بشكرك انك اتكلمتي مع سيف واقتنع من كلامك
ندي. : انا ماعملتش حاجه انا حاسه بيه لاني في نفس وضعه وماكنتش متقبله وضعي لدرجه اني انتحرت بس اللي ساعدني كلام امل هي طفله بس عندها رضا وتقبل بوضعها
نسرين. : هي بنت جميله فعلا انا اتكلمت معاها وهي فعلا اتكلمت كتير مع سيف بس هو كان رافض
ندي. : الحمد لله أنه بدأ يتكلم انا وعده سيف اني اجيب ليه بلايستيشن وبتمني انك تقبلي الهديه دي مني لي
نسرين. : بابتسامه ماشي
ندي. : هو قالي كمان أنه بيدرب بيانو كملي معاه وماتوقفيش
نسرين. : ايوه هو موهوب جدا وانا ناويه اني اكمل معاه بس خايفه عليه أن حد يدايقه
ندي. : بصي احنا في مجتمع في تنمر دا رقم واحد وعارفه أن مش كل الناس هتتقبل وضعنا وتتعامل معانا كويس وبرضو عارفه أن في ناس كويسه فاحنا نحاول نتقبل الاتنين وانا هكون مع سيف وامل لأن احنا فعلا محتاجين نبقي في حياه بعض
نسرين. : بابتسامه دي حاجه تشرفني طبعا
ندي. : شكرا ليكي
واستاذنت ندي نسرين واتحركت بالكرسي المتحرك اتجاه امل وسيف وبدأ كل واحد فيهم يتكلم عن نفسه وعن حياته قبل الحادثه وان كل واحد عنده موهبه في حاجه واتفقوا أنهم يبقوا صحاب ويشجعوا بعض وندي كانت مبسوطه رغم أنهم اطفال رغم أنها حاسه بالراحه والسعاده معاهم
وكانت تنظر بعيونهم وتري هما قد اي عندهم براءه وكانت بتفكر هي هتبدا ازاي عشان توصل لحلمها فقررت انها تكلم مامتها انها تخرجها من المستشفي وأنها ترجع البيت
وفي الوقت دا جات الممرضه تاخد ندي وقبل ما تودع امل وسيف اخدت ارقامهم عشان يبقي في تواصل بينهم وودعتهم وراحت الي اوضه المستشفي
منال. : عامله اي ي حبيبتي.
ندي. : الحمد لله انا عايزه أخرج من المستشفي انا زهقت من هنا
منال. : ماشي نكلم الدكتور ونشوف هيقولك اي
ندي. : ماشي
وطلبت منال من الممرضه انها تروح تتكلم مع الدكتور وفعلا اتكلمت معاه ووافق أن ندي تخرج من المستشفي بس اهم حاجه تبعد عن اي حاجه تدايقه عشان ماتحاولش الانتحار تاني وفعلا اخدت منال ندي وروحوا البيت
اول ما دخلت غرفتها وقعت عيناها ع صوره خطبتها هي وياسين فنزلت دموعها غصب عنها وانتبهت منال للصوره الموضوعه ع الحائط فذهبت لتحميلها من ع الحائط وخرجتها الي خارج الغرفه
ندي. : النسيان صعب اووي انا قلبي وجعني ومش عارفه أنساه في ذكريات كتير اووي بينا هنساها ازاي
منال. : كل حاجه وبتاخد وقتها ادي لنفسك فرصه وساعدي نفسك انك تنسي ابداي من جديد واشغلي نفسك بالرسم وجيبي كتب واقري وخدي كورسات وهتلاقي نفسك مع الوقت نسيتي
ندي. : ماشي كنت عايزاكي تجيبي حد عشان يساعدك في خدمتي لانك لوحدك مش هتقدري
منال. : حاضر ي حبيبتي
ندي. : هو فين موبايلي
منال. : معايا بس انا شايفه أن الأفضل نجيب موبايل جديد
ندي. : لا انا عايزه موبايلي ومتخافيش انا مش هعمل اللي عملته تاني انا فعلا نويت اني اغير من حياتي وحكون رضي ع اللي انا في
منال. : ماشي هجيب للك الموبايل..
وجابت منال للموبايل لندي ونقلتها ع السرير وخرجت تعمل لها اكل ومسكت ندي الموبايل وفتحت الشات بينها وبين ياسين وفضلت تقرأه وكانت دموعها تنزل مثل الشلال وكان قلبها موجوع من اللي حصل وكان عقلها بيقولها مايستهلش انك تنزلي دمعه واحده عليه انسيه وعيشي وكان قلبها بيقولها مش هتعرفي انتي بتحبيه ممكن حد ضغط عليه أنه سسيبك هو اكيد بيحبك وكان عقلها بيقولها اللي بيحب حد مابيبعدش عنه وبيقبله زي ماهو ومستحيل حد يعرف يأثر عليه وفضلت في صراع بين قلبها وعقلها
من الصعب انك تنسي شخص بتحبه لأن مشاعرك بتبقي مسيطره عليك وبتدخل في صراع بين قلبك وعقلك وديما بتلاقي قلبك بيحن لي ويشتاق
نرمين. : انا جيت
وقلقت اول ما شافت ندي بتعيط جريت عليها
نرمين. : مالك في اي
ندي. : بصوت باكي صعب عليا اووي أنساه ي نرمين قلبي وجعني اووي انا كاره افتح اي حاجه ع الموبايل
نرمين. : اخدتها في حضنها طيب اهدي انتي قويه وهتعدي
ومسكت نرمين الموبايل وعملت لياسين بلوك من كل الابلكيشن اللي ع الموبايل ومسحت كل الصور
نرمين. : انا مسحت كل حاجه بينكم وعملت بلوك ونحاول مانفكرش في تمام
ندي. : تمام
نرمين. : انا سمعت أن بقي عندك صحاب تأنين غيري احكي لي
ندي. : بابتسامه ايوه سيف وامل بقولك ي نرمين انا كنت عايزاكي تجيبي بلايستيشن عشان ادي لسيف
نرمين. : ماشي
وفي الوقت دا دخلت منال
ندي. : كويس انك جيتي كنت هنادي عليكي عشان تدي لنرمين فلوس تجيب بلايستيشن لسيف
منال. : حاضر فيروز جايه تشوفك
ندي. : ماشي
ومر الوقت وجات فيروز بنت خاله ندي وقعده معاها هي ونرمين وفضلوا يضحكوا ويهزرو ووسط الكلام نرمين قالت إن ندي موهوبه في رسم تصاميم الازياء شافت فيروز رسومات ندي وكانت معجبه بيهم جدا
فيروز. : الله بجد ي ندي تحفه جدا عارفه علي صاحب مازن اخويا لسه مكلمني وكان عايز حد يشتغل معاه ويبقي في شراكه
ندي. : لا انا لسه مش جاهزه
نرمين. : لا انتي جاهزه ولازم توافقي ولازم تبداي بقي
ندي. : انا لسه ماجربتش أخرج من البيت
نرمين. : نجرب واحنا بنقابل علي وبنتفق معاه
فيروز. : أكلمه بقي
ندي. : استني بس
نرمين. : يلا ي بنتي رني
وفعلا رنت فيروز ع علي وحددت معاه معاد عشان يتقابل هو وندي ومر الوقت روحت نرمين وفيروز وبقت ندي لوحدها وكان عقلها هيبدا يفكر في ياسين بس في الوقت دا دخلت منال وقعدت جنبها واخدتها في حضنها وناموا واتا نهار مشرق وقامت ندي وكان جواها خوف أنها دي اول مره هتقابل فيها حد غريب بعد الحادثه
وجات نرمين عشان تساعد منال في لبس ندي ونزولها واختارت مع ندي اللبس اللي هتلبسوا ودي كانت اول مره تخرج فيها وكانت متوتره جدا وخائف من الناس ونزلوا وراحوا العنوان اللي فيروز بعتته
علي. : اهلا وسهلا
الجميع اهلا بيك
علي. : وجه نظره لندي عامله اي
ندي الحمد لله تمام
علي. : فيروز قالتلي انك موهوبه ممكن توربيني التصاميم
طلعت ندي الدفتر اللي رسمه فيه تصاميمها وكانت ضربات قلبها سريعه جدا من التوتر ومدت ايديها بالدفتر لعلي واخد منها علي الدفتر وبدأ يتصفح الرسومات وكان منبهر بالتصاميم
علي. : مشاء الله التصاميم حلوه جدا احنا من النهارده شركاء
ندي. : بابتسامه طيب افهم اي النظام طيب
علي. : انا بفتح دار أزياء ورأس المال اللي معايا مش هيكفي فمحتاج شريك بس يكون عنده خبره في المجال فكلمت مازن اخو فيروز لانه في المجال فقالي أنه مسافر واني اكلم فيروز تساعدني فكلمتها ولاقتها بتقولي عليكي
ندي. : تمام انا دا حلمي من زمان بس ماكنش عندي الجراءه اني اخد الخطوه دي لوحدي فأنا معاك
علي. : تمام يبقي اتفقنا اديني بقي رقمك عشان التواصل يبقي بينا
وفعلا عطيت ندي رقمها لعلي واخدت رقمه واتناقشوا في كل الحاجات اللي تخص المجال بتاع الازياء وبعد ماخلصت مع علي صممت نرمين أنهم يتغدوا بره وكانت ندي معترضه بس طبعا كالعاده نرمين مشت رأيها وفعلا راحواا مطعم سمك ع البحر وكانت الصدمه لما شافت ياسين وكان معاه سلمي نظرت لي ندي نظرات كلها حزن وجع وكسرها وبدأت دموعها تنزل غصب عنها وكانت من وجعها عايزه تروح تقوله انت ليه عملت معايا كده لي كسرتني ووجعت قلبي وانت عارف اني بحبك وانك كل حاجه في حياتي للدرجه دي هونت عليك وكمان مبسوط معاها وانا مافرقتش معاك ولا حتي زعلت عليا دا انت ماضيعتش وقت سيبتني وارتبط ع طول ومسحت دموعها بس انا قويه وهنساك ي ياسين لانك فعلا ماتستهلش الحب اللي حبته ليك ربنا لا يسامحك ع كسره قلبي منك لله
وافقات ع صوت منال
منال. : تحبي نمشي نروح مكان تاني
ندي. : هزت راسها وقالت لا خلينا عادي
بصت منال لنرمين واستغربوا رد فعل ندي وكانوا قلقانين عليها
ومسكت ندي المنيو واختارت الاكل اللي عايزاه وهكذا منال ونرمين وبعد ما مر الوقت قامت سلمي وسابت ياسين ووجه نظره لندي اللي هربت بعيونها من نظرات عنيه عشان ماتضعفش ومايشوفش الحزن في عينيها وهو بكل برود قام واتجه للتربيزه اللي قاعده عليها ندي
ياسين. : عامله اي ي ندي
ندي. : بابتسامه بداري بيها وجعها الحمد لله بخير مبروك ع الخطوبه
ياسين. : انا مبسوط انك خرجتي من البيت وانا ماكنش قصدي اني اجرحك بتمني انك تسامحني
ندي. : اسامحك ع اي ع كسرتك ليا ووجع قلبي ولا ع انك اتخليت عني في اكتر وقت كنت محتاجه للك في ولا ع ايامي اللي ضاعت معاك
ياسين. : انا حاسس بالذنب عشان خاطري سامحيني
ندي. : لا ي ياسين مش حسامحك واتفضل بقي امشي قبل ماخطبتك ترجع وتعمل معاك مشكله
ووجهت نظرها اتجاه البحر ومشي ياسين وكان مدايق أن ندي رفضت تسامحه ومر الوقت وكانت ندي بتحاول انها تكون مبسوطه عشان تداري الوجع اللي جواها ولما روحت كلمت امل تطمن عليها
ندي. : عامله اي
امل. : الحمد لله انتي عامله ايه
ندي. : الحمد لله بخير وحشتيني
امل. : انتي كمان وحشتيني انا عندي جلسه علاج طبيعي وحزيناعلشان مش هعرف اشوفك لانك خرجتي من المستشفي
ندي. : انا ممكن اجي للك عادي
وفي وقت الكلام رن هاتفها باسم علي
ندي. : بقولك هكلمك تاني عشان معايا مكالمه شغل
وانهت المكالمه مع امل وردت ع علي
علي. ‘ عامله اي
ندي. : الحمد لله تمام وانت
علي. : الحمد لله تمام اسف لو اتصلت في وقت متأخر
ندي. : لا عادي ولا يهمك
علي. : ممكن تبعتي لي التصاميم ع الواتساب
ندي. : حاضر
علي. : ماشي اصبحي ع خير
ندي. : وانت من اهل
وانهت ندي المكالمه مع علي وكانت في مكالمه تانيه بين فيروز ومازن
مازن. : عامله اي
فيروز. : الحمد لله تمام وانت
مازن الحمد لله اي علي كلمك
فيروز. : ايوه وهيشتغل مع ندي
مازن. : ندي مين
فيروز. : ندي بنت خالتك
مازن. : بعصبيه انتي اتجنيتي مالاقتيش غير ندي
فيروز. : في أي مالك ي مازن مالها ندي البنت موهوبه
مازن. : انا عارف انها موهوبه بس ماتنفعش مع علي
فيروز : مازن انت لسه بتحبها
مازن. : ايوه ي فيروز وكنت بدعي ربنا يجعلها من نصيبي ومازلت
فيروز. : حتي بعد اللي حصل لها
مازن. : حتي بعد اللي حصلها انا بحبها هي مش بحب شكلها انا بحب روحها الجميله وقلبها الطيب وبرائتها اللي بتشبه الاطفال بحب كل حاجه فيها واللي حصل معاه ماثرش على حبي ليها بالعكس انا اصلا نازل عشان اكون جنبها انا زعلت من ماما أنها ماقلتليش يوم ما حصل لها الحادثه عشان كنت جيت
فيروز. : انت واعي لكلامك وعارف انت هتبقي داخل ع اي
مازن. : ايوه واعي وبحبها
فيروز. : فكر تاني ي مازن الوضع هيبقي صعب
مازن. ‘ اقفلي ي فيروز وقتك خلص باي
وانهي مازن المكالمه وكان بيفكر في ندي وكان مبسوط أنها سايبت خطيبها وكان بيدعي ربنا أن الاسبوعين يعدو وينزل من دبي عشان يبقي معاها لانه فعلا بيحبها رغم ظروفها
الحب اجمل شعور في الدنيا لما بتحب وتكون مشاعرك صادقه بتبقي متقبل الشخص اللي بتحبه زي ماهو بعيوبه وبمميزاته وكل حاجه فيه
يتبع…..
- يتبع الفصل التالي اضغط على ( رواية نظرة امل ) اسم الرواية