كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الرابع 4
4
_مالك ي أدهم سرحان فى إيه؟
=إفتكرت شوية مواقف كدة مش مفهومة كالعادة..
_رد محاولا أن يغير الموضوع:صحيح هي عاملة إيه دلوقتي؟
=هي حاليا نايمة من شدة التعب..
_أنا قلقت لما لاقيتها قربت الإزاز من إيدها بس قولت الحمد لله إنها أغمى عليها ووقعت بس بعد كدة قلقت أكتر لما لاقيت وشها غرقان دم بسبب الإزاز اللي وقعت عليه..
=ربنا يشفيها ويقدرني وأجيب حقها من اللي ظلمها..
_إنت قدها ي صاحبي وأنا متأكد إنك هتوصل للحقيقة قريب أوي كمان..
=ربنا يقدرني..المهم أنا النهاردة شوفت نفس البنت اللي شوفتها قبل كدة بس المرة ديه كانت لابسة سالوبيت جينز وكانت عاملة ضيفرتين بس برضوا وشها مكانش باين مش عارف إيه السبب وده كان أول موقف..أما فى الموقف التاني كانت بتعيط جامد وكنت واخدها فى حضني كأني بحميها من حد وسبحان الله أول ما دخلت جوا حضني مسكت فى هدومي وبطلت عياط وبعدين بعدت عني وأنا كنت واقف فى مكاني مش قادر أتحرك وأروح وراها كأن فى بينا حاجز..وهي كانت بتترجاني إني ما أسيبهاش
_زين محدثا نفسه:لأ أنا لازم أشغله بأي حاجة مش هينفع كدة خالص..
_إنت مش هترجع القسم ولا إيه؟
=هو أنا كل ما أجيب سيرة المواقف تدخل فى حوار جديد؟هو أنا آه عارف إن معندكش دم بس مش للدرجة ديه يعني..
_ما أقصدش حاجة والله بس أنا مش عايزك تشغل بالك بالمواقف ديه..كبر دماغك وما تركزش لأن أكيد المواقف ديه بسبب التوتر اللي إنت فيه..
=لأ مش هكبر دماغي..البنت ديه أكيد أنا أعرفها وأكيد علاقتنا كانت قوية وطالما كل مرة بتظهر حاجات جديدة فأنا هستني لحد ما أعرف هي مين..
_وماله اللي يريحك..
_زين محدثا نفسه:ربنا يستر لما تفتكر..
_____________________
=مالك ي علا سرحانة فى إيه؟
_مش سرحانة فى حاجة ي تقى..
=عليا برضوا الكلام ده؟محدش فاهمك زيي ي بنتي..
_ردت بحزن:ياريت هي كانت فهمتني زيك وقدرت موقفي..
=إنتي ومازن ظالمينها على فكرة..هي ملهاش ذنب فى كل اللي حصل وحاولت أكتر من مرة إنها تفهمكوا لكن للأسف إنتي رفضتي ومازن رفض وحتى لما قررت تيجي هنا وتواجهكوا مازن بهدلها وطردها من البيت وحظه الوحيد ساعتها إن بابا وماما وأدهم وكمان ناناه مكانوش موجودين لأنهم لو كانوا فى البيت مكانوش هيسمحوا باللي عملوا خالص..لأنك عارفة هما بيحبوها إزاي..لو إنتم تعبانين مرة هي تعبانة أكتر منكم فبلاش تقسوا عليها وسامحوا بقي..
_عندك حق..خلاص أنا هتصل بيها وهسامحها وإن شاء الله نرجع لبعض ونبقى أحباب..
=إن شاء الله ي حبيبتي..المهم هو ده اللي مدايقك بس ولا كان فى حاجة تانية..
_ردت بتوتر:ااا..بصراحة كدة وحشني..
=وحشك؟هو لحق يوحشك ي بت؟
_إتكلم بحب:آه لحق ي ختي وبعدين هو ما لحقش يقعد المرة ديه أصلا..نظرة عينه بتخطف قلبي..حنيته وخوفه وغيرته وقلقه عليا..شخصيته وهزاره وعصبيته كل دول خلوني أعشقه مش بس أحبه..يارب يكون هو كمان بيحبني لأنه لو مش بيحبني هقتلك أخوكي..
=وأخويا ماله ي بنتي..
_مش صاحبه..
=وربنا إنتي مجنونة..
_ههههههههههه المهم الواد هيموت عليكي أقوله إيه؟
=قوليله لأ لو آخر واحد فى الدنيا مش هوافق عليه..
_ليه بس ي تقي ده مازن بيحبك وبيحبك من زمان كمان..
=الكلام ده قبل ما يحصل اللي حصل لكن دلوقتي أنا مش موافقة على أخوكي..
_ي بنتي هو إيه وجع القلب ده؟الواد بيحبك وشاريكي..
=إتكلمت بخبث:والله بقي لو لسه بيحبني يثبتلي الحب ده..
_وده يثبته إزاي؟
=لو صالحها وسامحها هفكر فى الموضوع من تاني..
_إنتي بتطلبي المستحيل..مش معنى إن أنا وافقت يبقى هو هيوافق..
=والله هو ده اللي عندي..بلغيه بكلامي ده وخليه يفكر براحته ويقولي رده لما ينزل أجازة وكدة كدة خلاص أجازته قربت..تقريبا قدامه شهر وينزل مصر..
_إتكلمت بخبث:ده أنا اللي أسمي أخته ما أعرفش هينزل أمتي من الواضح كدة إنك مركزة معاه أوي وشاغل بالك..
=أنا...خاااالص ده أنا عرفت بالصدفة..
_آه صدفة طبعا..يلا ي بت روحي ذاكريلك كلمتين يمكن ينفعوكي..
=وإنتي مش هتذاكري؟
_ردت بغيظ:لأ أنا معنديش حاجة النهاردة أذاكرها وعلشان كدة هطلع أنام براحتي بقي..
=ما جمع إلا لما وفق فعلا إتنين بيحبوا النوم أكتر من أي حاجة أنا من رأيي نجيب لكم تابوت بدل السرير هيبقي أريح أكتر..
_ههه خفة..يلا ي بت من هنا هش..
=لولا إني عندي مذاكرة قد كدة كنت رديت عليكي..
_ردت بسخرية:لأ والبت مقطعة المذاكرة أوووي..
=باردة..
__________________
_آلو ي عمتو..
=ردت بإستغراب:طالما قولت عمتو يبقى فى مصيبة..
_عندك حق فعلا..أدهم بيفتكر ي ريم..
=إتكلمت بحدة:طب ما تمنعه ي زين..
_حاولت بس لما عملت كدة قال إني معنديش دم وصمم إنه لازم يستنى لحد ما يفهم الموضوع من المواقف اللي بتظهر له وكان متأكد إن فى علاقة قوية بينه وبين البنت اللي بيشوفها دايما..
=أستغفر الله العظيم..طب وهنعمل إيه ي زين؟
_لازم نسأل الدكتور وهو أكيد اللي هيساعدنا لو الموضوع ده خطر عليه..
=إتكلمت بحزن:أنا مش عايزة أبني يضيع مني تاني..
_ما تقلقيش مش هيجراله حاجة إن شاء الله
_______________________
_صباح الخير ي ريواء..
=ردت بشكل طفولي:صباح الخير ي نوني..أمجد هنا؟
_آه موجود جوا ي حبيبتي ومستنيكي علشان تلعبوا سوا..
=شاورت ليها بإيدها علشان تنزل لمستواها وقالت:
خالو أحمد حبيبي فين؟
_ردت بغيظ:إنتي مش هتبطلي تعاكسي جوزي ي بنت إنتي؟
=وإنتي مش هتبطلي تغيري منها ي نهى..
*ركضت نحوه بفرحه وإحتضنته فحملها بين ذراعيه..
_وحشتني أوي ي خالو..البيت كان وحش من غيرك خاااالص خاااالص..
=إنتي أكتر ي قلب خالو..
_إتكلمت بزعل:هتسافر تاني وتسيب ريواء لوحدها؟
=رد بحب:أنا ما أقدرش أبعد عنك ولا أبعد عن العيون الحلوين دول بس إنتي عارفة إني ظابط والظابط لازم يحمي البلد ويحافظ عليها يرضيكي يقولوا خالو أحمد جبان؟
_ردت بسرعة وتلقائية:لا لا حضرتك شجاع أوي وأنا لما أكبر هتجوز ظابط زيك..بس أنا بحبك وبخاف عليك...
=ردت بخفوت:طب وطي صوتك علشان طنط نهى ممكن تولع فينا دلوقتي..
_هههههههههههههههه..خلاص هسكت..ممكن تنزلني علشان أروح ألعب مع أمجد..
=حاضر ي ستي وأنا تحت أمرك..
*قبلها فى وجنتها ثم أنزلها وذهب تجاه زوجته..
_أوعي تكوني زعلانة..ديه طفلة ي نهى..
=لأ طبعا ي أحمد أنا بحبها جدا وأمجد كمان بيحبها والبنت هادية خالص أصلا..وكمان ديه بنت أختك ومفتقدة الحنية ديه وأنا ببقى مبسوطة إنها بتلاقيها معاك..مهما كان معاملة يارا ليها مش هتعوضها عن حنان الأب..
_عندك حق..ربنا يهديه ويصلح حاله..لو بس يارا تساعدني كنت إتصرفت معاه بطريقتي..
=بلاش نتدخل فى حياتهم ي أحمد..هما أدري بيها وعارفين إيه اللي يبسطهم وإيه اللي يزعلهم..وبعدين يارا بتحبه..
_للأسف يارا معمية بحبه ي نهى..وعادل إتغير عن زمان كأنه بقي واحد تاني مش ده صاحبي اللي أعرفه..مش ده صاحبي اللي كنت معاشره وواكلين عيش وملح سوا..على العموم ربنا يهديهم..أنا نازل رايح الشغل عايزة منى حاجة؟
=عايزة سلامتك ي حبيبي..خلى بالك من نفسك..
_ريواء..
=ردت بخضة:فى إيه؟إنت مش هتبطل تخضني؟
_وإنتي مش هتبطلي تتصنتي على كلام بابي ومامي..
=إتكلمت ببراءة:ما هما كانوا بيتكلموا على بابي وبيدعوا إن ربنا يهديه..وكمان هما زعلانين منه أوي علشان بقي وحش
=أكملت كلامها بحزن وعيون دامعة:هو ليه بابي مش حنين زي خالو..ليه بيعاملني وحش ي أمجد؟كل يوم بيضربني أو بيضرب مامي..ليه مش بيضحك ويهزر معانا..ليه مش بيفسحني زي ما خالو بيعمل معانا؟ليه مش بيجي ياخدني من ال school زي صحابي..
_بلاش تعيطي طيب أنا مش بحبك تعيطي..وأنا لما بابي يرجع من الشغل هخليه يزعق له جامد علشان ما يضربكيش ولا يضرب عمتو خالص وكمان هخلي بابي يقوله إنه لازم يبقى حنين معاكي ويفسحك..وكمان هخلي مامي تودينا عند عمتو النهاردة..
=نظرت إليه بعيون دامعة وقالت:وعد ي أمجد؟
_وعد..ممكن تضحكي بقي..
**************
*إبتسمت لما أفتكرت اللي حصل..
_إتكلمت بحزن وبكاء:وحشتني أوي ي خالو..
ووحشتني نوني ووحشني أمجد..ي رب فك كربي وخليني أشوف حبايبي من تاني..
=صباح الخير..
_مسحت دموعها بسرعة وقالت:صباح النور ي أدهم باشا..
=إنتي كنتي بتعيطي؟فى حد دايقك تاني؟
_لأ أبدا بس أنا أفتكرت موقف كدة فعيط..
=أمممممممممم..برضوا مش عايزة تعرفيني مين الشخص اللي عمل فيكي كدة؟
_ما أقدرش أقول..قولت لحضرتك إنه هيأذي أقرب ناس ليا..
=لو أعترفتي على نفسك هتبعدي عنهم الأذية وممكن ما تعرفيش تشوفيهم تاني ولو قولتيلي هو مين هحميكي إنتي وهما وهيبقي عندك فرصة كبيرة إنك ترجعي ليهم تاني..
_وممكن يموتوا وأخسرهم..أنا هريحه وأعمل اللي هو عايزه ولو جرالي حاجة أبقى بلغهم إني كنت بحبهم
=إنتي اللي هتبلغيهم بنفسك وطالما إنتي مش عايزة تعترفي وتقولي هو مين..فأنا هعرفه بطريقتي ي ريواء وأوعدك يوم ما أوصل له وأقبض عليه هيكون هو نفس اليوم اللي هتخرجي فيه من القضية ديه..
_وعد؟
=وعد ي ريواء..أدهم المنياوي لما بيوعد بيوفي وبيساعد المحتاج وبيرجع الحق لأصحابه وبالذات لما بيتأكد إنهم مش مذنبين...وأنا متأكد إنك بريئة..
_إبتسمت وقالت:شكرا لحضرتك..
*خلصت كلامها ومسكت مكان جرح كتفها وإتألمت..
_مالك؟
=الجرح شد عليا شوية ممكن بعد إذنك تنادي الممرضة علشان تجيبلي مسكن؟
_حاضر...
________________
*بعد فترة..
_بقيتي أحسن دلوقتي؟
=الحمد لله..
=إتكلمت بتوتر:هو هو أنا لما أخف هرجع الحجز تاني؟ما ينفعش حضرتك تحقق معايا هنا؟
_للدرجة ديه خايفة ترجعي هناك؟
=أنا مش عايزة أرجع هناك تاني لو سمحت..
_أممممممم طب لما تخفي نبقى نفكر فى الموضوع ده..إنتي لسه قدامك بتاع 4 5 أيام عقبال ما تتحسني ونعرف نحقق معاكي وبعدين مش أنا اللي هحقق ديه النيابة..
=ردت بصدمة:نيابة!!
_ما تقلقيش لحد ما تتحسني هكون وصلت لبرائتك ومش هتوصل للنيابة إن شاء الله
=إن شاء الله خير..
_أنا هسيبك دلوقتي وهبقي أرجعلك تاني والعسكري برا لو إحتاجتي حاجة والممرضة أنا وصتها عليكي..
=شكرا جدا لحضرتك..اللي حضرتك عملته معايا عمري ما هنساه...
_أنا معملتش حاجة ده واجبي..
_______________________
_نعمممممم ي ختي أ إيه؟أسامح؟هي تقى إتجننت ولا بتستعبط؟
=ي مازن إهدي وفكر بالعقل لو لمرة..البنت بتحبك وإنت بتحبها وهي عايزاك تسامح فيها إيه ديه إن شاء الله؟ما أنا سامحت عادي..
_فيها كتير ي علا..أنا مستحيل أسامحها ولو إنتي سامحتيها ديه حاجة ترجعلك..إنما أنا لأ وألف لأ..أنا لا يمكن أنسى اللي هي عملته فينا..لا يمكن أنسى العذاب اللي إحنا إتعذبناه بسببها..
=يبقى كدة بتخسر تقى ي مازن..تقى من ساعة اللي حصل وهي بتخاف منك..بتخاف حتى تتكلم معاك أحسن تعاملها نفس المعاملة..لو كنت خسرت زمان اللي بتحبهم غصب عنك فبلاش تخسر دلوقتي بمزاجك..راجع نفسك وفكر براحتك قدامك شهر بحاله وي تقول موافق ي ترفض وإنت حر بقي..
_رد بضيق:طب أقفلي دلوقتي ي علا..
=ما أقدرش أقفل وأسيبك كدة..
_إتكلم بحدة:قولت إقفلي ي علا..
=هقفل دلوقتي بس هرجع بالليل علشان أكلمك وأطمن عليك..
_لأ شكرا ي ختي...سلام..قال أسامح قال هما إتجننوا ولا إيه؟
=إتكلمت بغيظ:ماشي ي مازن الكلب تصدق محدش هيظبطك فعلا غير تقى..
=إتكلمت بخبث:بس هتوافق علشان إنت بتحبها ومش هتقبل بخسارتها وطالما إتنرفزت أوي كدة يبقى كلامي صح ووجعك وجه على الجرح لأنك لما بيكون مش فارق معاك بتتكلم بهدوء أخويا وعارفاك..مين اللي بيخبط دلوقتي ده؟
*راحت فتحت الباب وفضلت متنحة وبتفرك فى عينها يمكن تكون بتتخيل...
•تابع الفصل التالي "رواية كيف لا اعشقك وانت عمري" اضغط على اسم الرواية