رواية التقيت بمن عوضني (كاملة جميع الفصول) حصريا عبر دليل الروايات بقلم رحمة محمد
رواية التقيت بمن عوضني الفصل الرابع 4
البارت الرابع من التقيت_بمن_عوضني
ساب مازن جمال اللي كان ماسكه من ياقه جلبيته وقال
هجبها ي عمي وهتجوزها تاني وهتشوف
ي ابني ارحمني بقا وارحمها عاوز منها اي
بحبها وعاوزها
نعم بتحبها مش انت اللي طلقتها عشان مبتخلفش وروحت اتجوزت، اصلا نور عرفت انو انت اتجوزت
ي عمي لو سمحت قولي هي فين هنرجع نعيش حياتنا تاني سوا ومش هزعلها ابدا ولا هقول كلمه تضايقها
لو بتحبها بجد سيبها في حالها بقي
اتكلم بزعيق
مش هسيبها ي عمي وهلاقيها
ونزل ورزع الباب وراه
............
عند نور
شافت روزان الصغيره اللي عندها٧ شهور وهي وشها احمر من كتر السخونيه وشفايفها ازرقت
قعدت عملتلها كمدات وخففتلها هدومها
وقولت لاستاذ احمد ينزل يجيب لها الدوا اللي الدكتوره قالتلي عليه لاني كلمت صحبتي واستشارتها
وادتها الدوا والسخونيه نزلت ورجعت روزي احسن من الاول
اتفضل روزان اهي بقت احسن الحمدلله
انا اسف بجد تعبتك معايا لحد ما الساعه بقت ٥
ولا تعب ولاحاجه احنا عنينا لروزان
لحظه ممكن اسال سؤال
اه طبعا اتفضلي
هي مامت روزان فين
مامت الله يرحمها وهي بتولدها
الله يرحمها
وانتهي الكلام هنا
دخلت نمت كام ساعه بس وصحيت روحت الكافيه
ها اعمل اي ي مني اسمك مني صح
ايوه شوفي الاستاذ اللي هناك ده عاوز يشرب اي
تمام
صباح الخير ي فندم طلب حضرتك
كوبايه قهوه مظبوطه عشان تناسب ڤيو العرابيات ده
تمام اي اوامر تانيه
لا شكرا
مني كوبايه قهوه مظبوطه بسرعه
خمس دقائق واحلي كوبايه مقهوه هتبقي موجوده
اتكلمت مني وهي بتعمل القهوه
بس انتي شكلك بتاخدي علي الناس بسرعه
يعني بس طبعا بحدود وكل واحد بديلوا مكانته ولا اكتر ولا اقل
عندك كام سنه ي نور
٢١سنه
صغيره علي كده بقي مخطوبه مثلا او مرتبطه
اتنهدت
كنت متجوزه واطلقت
مطلقه وي ترا ليه يعني
مش عاوزه ادخل في تفاصيل لو سمحتي
ابتسمت بسخريه وقالت
اهه خدي القهوي ي مطل
نور
لفيت واتصدمت كان مازن
مازن انت اي اللي جابك هنا وعرفت مكاني ازاي
صدفه ي نور شوفتك من ازاز الكافيه ومصدقتش عيني اني لقيتك بسرعه شوفتي حتي الصدف عاوزه تجمعنا تاني
امشي لو سمحت من هنا
انا لازم اتكلم معاكي
مفيش حاجه نتكلم فيها
مسك ايدي غصب عني وكان بيشدني عشان اخرج اتكلم معاه
سيب ايدي ي مازن
هوب هوب بتعمل اي ي شبح انت سيب ايديها
ضر، به مازن في كتفه
وانت مين انت
ابتسم يونس بسمه انا مفهمتهاش
ملكش دعوه انا مين وسيب ايديها وده احسن ليك يعني
مراتي وانا حر فيها
لا انا طليقتك
ضر، به يونس بالكو، ميه في بطنه
يعني طليقتك وماسك ايديها ي اخي انت متعرفش الحرام والحلال
الناس بدات تتفرج علينا
والعمال الباقيين بداوا يتجمعوا ويفرقوهم
انا همشي دلوقتي ي نور بس هاجيلك تاني فخافي بقي
اوف علي اليوم الوحش بقا
يونس حتي مبصش في وشي ومشي راح يشوف طلبات الزباين
شفتي اهو المطلقه ديه مبتجبش غير المشاكل
طب خليكي في نفسك بقا بتفكيرك ده
ومالو تفكيري ي مطلقه
مني والله انا مفيقالك
بس صدقيني لو كلمتيني كده تاني هوريكي وش مش هيعجبك
الله قوليلي عملتي اي عشان تطلقي
خونتي جوزك مثلا
اخرصي وحده عديمه الربايه
حرفيا كلام الناس بيبقي صعب وبالاخص الناس الحشريه اللي زي مني كده بتبقي عوزه تعرف الاسباب يعني انتي مالك اصلا انا متجوزه ولا مطلقه ولا حتي مخطوبه وبعدين حتي لو مطلقه ليه ي ام مناخير كبيره تحشري نفسك وتبقي عوزه تعرفي سبب طلاقي او لي حتي تطلعي اسباب بمزاجك
قفلتني من الشغل من اول يوم بس كان لازم اشتغل عشان ادفع الايجار واصرف علي نفسي
خلص اليوم وروحت عند عمتي
ازيك ي بسمله
نورتي بجد انا كويسه وانتي
مين ي بسمله
ديه نور ي ماما
نور ازيك ي بنتي
الحمدلله ي عمتي
تعالي خشي واقفه علي الباب ليه كده
دخلت وعملتي كوبايه شاي
حقك عليا ي نور انا اسفه بجد
اني عاملتك كده وطردك انا بجد الحقد عماني
وانا مسمحاكي ي عمتو واي حد مكانك كان هيعمل كده وبابا غلطان بس بالله عليكي سامحيه
مسمحاه ي بنتي هو في الاخر اخويا
اهو الحج بيسلم عليكوا
الله يسلمه
هتباتي عندنا بقي النهارده
لا ي بسمله انا هروح
والله ما انتي راحه في حته وهتباتي معانا عاوزين نسهر سوا كده
اتكلمت بضحك
والله شكله مفيش مفر اشطا والله لاانا بايته ان شالله مع عن حد نام
نزلت انا وبسمله واشترينا مقرمشات وعمالنا اندومي بقي واتفرجنا علي فلم كده بجد السهره كانت حلوه اوي عوضتني عن الاربع شهور وحده قررت اني هكتر من زيارتي لعمتي عشان القعده معاهم سكره
عمتي دخلت اوضتها نامت وانا وبسمله دخلنا نكمل فرجه علي فلم رعب
انا خوفت ونمت بس بسمله ام قلب جامد كملت فرجه
صحيت في وقت معرفش كانت الساعه كام
بس بسمله كانت قاعده بتكلم حد
اتكلمت بترقيب
بسمله انتي بتكلمي مين
يتبع
رايكم
انا من دلوقتي بقولكم محدش يزعل من النهايه
دعوه حلوه من قلبكم
البارت الخامس هينزل الصبح وبليل هيبقي السادس وهيبقي طويل واحداثه حلوه
•تابع الفصل التالي "رواية التقيت بمن عوضني" اضغط على اسم الرواية