كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الخامس 5
5
*فى مكتب أدهم..
_أحلى مسا عليك ي أبو الصحاب..إيه الحكاية مش هنخرج ولا إيه؟
=إنت أكيد مش طبيعي ي بني هو أنا فى إيه ولا فى إيه؟مش شايفني محتاس فى القضية تقولي مش هنخرج؟
_الله مش عايز أفرفشك علشان تحل القضية بنفس وبعدين عيب فى حق أدهم المنياوي لما يقعد كل ده فى قضية زي ديه
=هو فى سؤال رخم شوية عايز اسأله..
_خير ي حبيبي..أسأل ي أخويا..
=هو البيه ظابط بالأسم بس..إنت معندكش شغل ي بني؟
_والله ي سيادة الباشا أنا مش بحب أتكلم عن نفسي كتير أحسن أتحسد ولا حاجة بس أنا من حبهم فيا طلعت مع حملة النهاردة وأضرب عليا نار بس جات فى الوسام بتاع أسمي اللي إنت جايبهولي وأتفلق نصين فدايا طبعا فمعلش أبقى هاتلى واحد تاني وبلاش تسترخص لو سمحت أديك شوفت آخر البخل وآخر الأسبوع طالع مع حملة تانية وعندي قضيتين جوا بس التكييف بايظ ومش عارف أركز فقولت آجي أقعد عندك فى الطراوة..
=بتتكلم على ضرب النار ببرود كأنهم كانوا بيرشوا عليك مايه أنا ما شوفتش حد زيك فى حياتى..بارد وتنح ورغاي وبجح
_لأ كفاية مدح أكتر من كدة أحسن أتغر فى نفسي ي أخويا أنا بقولك أهو..
=إتكلم بغيظ:غور من وشي بدل ما أفلقلك المرة ديه رأسك..
_ولما تعمل كدة تفتكر هتلاقي راس بالحلاوة ديه تاني؟
=ههههههههههه ي بني بقي..
_أخيرا ضحكت..أروح أقعد فى التكييف بقي..
=هو مش كان بايظ ي بني؟
_لأ أنا اللي كنت قافله علشان أوفر فى الكهربا..سلام ي حبي..
=ههههههههههههه ي أبن المجنونة..
_______________________
*فى منزل الصعيد
_إتكلمت بصدمة:ناناه..مش معقول إنتي جيتي ولا أنا بحلم؟
=إتكلمت بتعب:ي بت دخليني الأول وبعدين أبقى أسألي..
_تعالي ي ناناه..أتفضلي..
*مسكت إيدها وسندتها لحد ما وصلوا لكرسي فى الصالون وساعدتها علشان تقعد وبعدين قعدت قدامها على الأرض وباست إيدها بحب وبعدين رجلها وبعدين بصت فى وشها وفضلت تبوس فيها كتير وبعدين حضنتها وجدتها كانت بتضحك عليها..
_ي بت كفاية بوس..ههههههههههه..
=إتكلمت ببكاء:لأ مش كفاية ي ناناه حضرتك وحشتيني أوووي..بلاش تغيبي عني تاني علشان فى غيابك أنا بتعب وبضيع..يمكن ببان قدامهم إني عادي ومش فارق معايا بس أنا موجوعة ومحدش بيحس بيا هنا غيرك..عارفة إن خالتو مش بتسيبني وبتعوضني كتير بس حضرتك حاجة تانية..
_ياااااه ي علا كل ده شايلاه فى قلبك ي حبيبتي؟إهدي ي حبيبتي وبطلي عياط وأنا أوعدك إني ما أبعدش عنك تاني بس المرة ديه كنت مضطرة..أنا كنت مسافرة علشان الحج..
=ربنا يبارك فى عمرك وما يحرمنيش منك ولا من حنيتك ي ناناه..
_ي رب ي حبيبتي..هو مفيش صوت فى البيت ليه؟
=كلهم نايمين..بس حضرتك ما قولتيش ليه إنك جاية النهاردة..
_حبيت أعمل لهم مفاجأة بس للأسف طلعوا نايمين..
=إتكلمت بمكر:ولا يهمك أطلعي نامي دلوقتي وبكرة صحيهم بطريقتك ي ناناه..
_آه منك ي بنت بنتي..سوسة صغيرة..
=ده أنا غلبانة ي ناناه..
_اللي تتربى على إيد أدهم ما تبقاش غلبانة ما هو كان سوسة زمان برضوا..
=إتكلمت بحزن:بس دلوقتي بقي واحد تاني ي ناناه..
_بكرة يرجع أحسن من الأول..
=مفيش غير واحدة بس هي اللي هترجع أدهم بتاع زمان وديه صعب تظهر وعلشان كدة أدهم هيفضل زي ما هو..
_جاتك القرف وإنتي بومة كدة..لأ ي ختي هيرجع وقريب كمان...
=ي ريت ي ناناه وي ريت ماما ترجع بقي وحشتني أوي لحد أمتي هتفضل بعيدة هي وبابا؟نفسي ترجع ونتجمع أنا وهي وبابا ومازن من تاني..هي ما كلمتكيش ي ناناه؟
_لأ كلمتني ي حبيبتي من كام يوم وقالت إنها هترجع قريب إن شاء الله..
=ردت بفرحة:بجد ي ناناه ي رب يكون كلامك صح وترجع المرة ديه فعلا..لأنها وحشتني جدا..أنا مش عارفة هي سافرت ليه أصلا ما كانت إشتغلت هي وبابا هنا وخلاص..
_معلش ي حبيبتي كله خير..يلا نطلع ننام وطبعا هتنامي فى حضني..
=عندك شك في ذلك ي جدتي العزيزة..
_هههههههههههههههه..
_____________________
*فى مكتب أدهم..
_مش معقول يكون ذكي للدرجة ديه أكيد فى حاجة معملش حسابه فيها وأنا لازم أعرفها علشان أعرف أوصل له..لازم أشوف الفيديوهات تاني ولازم أسأل الممرضة والعسكري..
_____________________
_إنتي ي بنتي..
=باشا..والله ما عملت فيها حاجة وحشة ي باشا ومن ساعتها أول ما تطلبني بسيب اللي فى إيدي وأروح لها
_أنا مش جايلك بخصوصها أنا جايلك بخصوص الراجل اللي كان منتحل شخصية الدكتور..
=ماله ي باشا؟؟
_تعرفي هو مين أو تعرفي شكله؟
=والله ي باشا أنا ما أعرفش حاجة عنه واليوم اللي إنتحل فيه شخصية الدكتور أنا كنت معاه فى الأوضة آه لكن أول ما دخلنا خلاني أخرج وبما إنه كان لابس الكمامة فأنا ما شوفتهوش...
_طب ولما أتفق معاكي ما شوفتهوش برضوا؟
=لأ ي باشا كان لابس كمامة برضوا ولما سألته قال إنه عنده برد ومش عايز يعدي حد..وكان واقف بيبص حواليه تقريبا كدة على الكاميرات بتاعة المراقبة من الواضح ي باشا إنه ذكي ومش سهل..
_ما لاحظتيش حاجة تانية؟يعني حاجة لفتت نظرك أو حاجة مميزة فيه؟
=أمممممم..حاجة مميزة..لأ ي باشا..
_خلاص روحي إنتي شوفي شغلك..
=لأ ثواني ي باشا أنا أفتكرت حاجة ما أعرفش هتفيدك ولا لأ بس أول مرة جه يشوفني كان لابس أسورة فضة فى إيده عليها 3 حروف بالإنجليزي وبصراحة لفتت إنتباهي أوي وكان شكلها جميل لكن المرة اللي ديه مكانش لابسها بس لفت إنتباهي وشم فى رقبته من الجنب..
_فاكرة الحروف ديه؟وفاكرة الوشم كان عبارة عن إيه؟
=أممممممم كانوا إيه ي بت سوزان كانوا إيه..أيوة أفتكرت..الحروف كانت A M A..والوشم كان وش صقر..ديه حاجة ممكن تفيدك ي باشا؟
_هنعرف بعدين..روحي شغلك يلا وعلى الله حد يعرف اللي حصل بينا دلوقتي..أي حد يسأل تقوليله بيسألني على المريضة..فااااهمة؟
=فاهمة ي باشا طبعا..
_ي ترى الحروف ديه معناها إيه؟َوالوشم ده كمان عادي ولا وراه طرف الخيط اللي هيوصلني ليه..
*خلص كلامه وراح للعسكري..
_ندهت عليك النهاردة؟
=لأ ي باشا من إمبارح ما سمعتش صوتها فقلقت وروحت أنادي على الممرضة علشان تشوفها فلاقيتها نايمة وقالتلي ما أقلقش من نومها لأن سببه هو كمية المسكنات اللي هي وخداها..
_طب ركز معايا فى اللي هتشوفه ده..
*أمجد وراه الصورة بتاعة الدكتور المزيف..
=ده دكتور صلاح..الدكتور النفساني اللي كان جاي يعالج المتهمة..
_دكتور نفساني!!
=آه الممرضة قالتلي ده أحسن دكتور نفساني موجود فى المستشفي وإن المدير بيشهد بيه وبشغله وبيثق فيه جدا...
_أمممممممم..طب إنت شوفت وشه؟
=لأ ي باشا لأنه كان حاطط كمامة زي ما حضرتك شايف فى الصورة..
_طب مكانش فيه حاجة مميزة لفتت إنتباهك؟
=البالطو اللي كان لابسه كان مكتوب عليه الدكتور صلاح عبد التواب إبراهيم إستشاري نفسي..
_تمام أووي كدة..روح إنت القسم وأبعتلي إبراهيم يقف مكانك..
=أنا متشكر أوووي ي باشا..
_أنا هستني لحد ما العسكري يجي وبعدين هروح القسم أفكر بروقان..
*جه فى باله فكرة فطلع موبايله وبعدين بص بصدمة قدامه وبعدين حط الموبايل فى جيبه ورجع للممرضة تاني...
_بت إنتي هو فى دكتور هنا فى المستشفى أسمه صلاح عبد التواب إبراهيم إستشاري نفسي؟
=ردت بتوتر:ااا..م..ااااا...
_إتكلم بحدة:رددددددي...
=أيوة ي باشا..
_يعني هو اللي ضرب المتهمة اللي جوا؟
=ما هو أصل..
_ما تنطقي أنا هسحب منك الكلام؟
=بص ي باشا هو الدكتور فعلا شغال هنا بس مش هو اللي ضرب المتهمة..الدكتور صلاح فى أجازة بقاله أسبوعين ومن الطبيعي إنه يسيب البالطو بتاعه ولما جه الراجل ده وأتفق معايا قولت نلبسه بالطو دكتور من المستشفى علشان محدش يكشفنا وكمان لأن الدكتور صلاح والدكتور المزيف كانوا فيهم شبه من بعض يعني نفس الجسم والطول..وبعد ما عمل اللي عمله كلمني وقالي إنه رمي البالطو فى صندوق زبالة جوا المستشفى وأنا روحت رجعت البالطو وحطيتوا مكانه ولا كأن حاجة حصلت..
_أنا مش عارف أقولك إيه؟نهاية جشعك دمرت حياة بني آدمة ملهاش ذنب..على العموم كلامي مش هيفيد بحاجة غير إنه ممكن يغيرك ويخلي عندك ضمير وده طبعا مش أكيد مع الأشكال اللي زيك..فى حاجة تاني حصلت وأنا ما أعرفهاش؟
=لأ ي باشا مفيش..
*بص عليها بإستحقار وسابها ومشي وروح البيت لقى زين قاعد مستنيه..
_إتكلم بمرح:مش تقول إنك راجع بدري ي سي أدهم علشان كنت أحضرلك العشا ي أخويا..
=ههههههههههه والله محدش بيضحكني غيرك الواحد بيبقى موده زفت يشوفك الدنيا تضحك له..
_يآكش تقدر مجهودي..
=مقدره ي أخويا..فى أكل إيه أحسن أنا ميت من الجوع..
_فى محشي وفراخ..
=إتكلم بإستغراب:محشي وفراخ؟؟ودول جبتهم منين أكيد مش إنت اللي عاملهم...
_أكيد لأ طبعا إنت عايزنا نقضي الليلة فى المستشفى فى العنبر اللي جنب المتهمة ولا إيه؟
=أومال مين اللي عملهم..
_خالتك أم نيفين اللي فى الشقة اللي قصادنا وكمان عملتلك عصير جزر باللبن..قصدي موز باللبن..بص أنا مش متذكر بصراحة هو كان موز ولا بلح بس بصراحة كان طعمه يقرف كويس إنك ما شربتهوش..
=طب كويس إنك رميته مش ناقصة وجع بطن..
_لأ ما أنا ضحيت بنفسي وشربته بصراحة علشان حرام نرمي النعمة برضوا وعلي رأي المثل وجع البطن ولا كب العصير ي عم..بس مش عارف مالي من ساعتها حاسس إني عايز أكمل اللي باقي من حياتي فى الحمام..
=رد بإستغراب:وده ليه إن شاء الله؟
_زين مسك بطنه وقال:ي ريتني كنت كبيت العصير ي عم..آآآه..
*خلص كلامه وجري على الحمام وأدهم كان بيضحك على منظره وبعد نص ساعة أدهم عمل له مشروب سخن وجاب له دوا وزين بقي أحسن..
_منك لله ي أم نيفين..أنا من ساعة ما دخلت العيلة بتاعتكم ديه وأنا ما بشوفش غير مصايب..بلاوي..
مشاكل منك لله ي أبن ريم..
=وأنا مالي ي عم؟
_ما العصير كان معمول ليك إنت مخصوص وكانت محرجة عليا ما أشربش منه نقطة حتى وقالتلي خليك إنت فى الأكل..
=وبم إنك طفس فشربت الكوباية لوحدك طبعا..
_لأ ما هو مكانتش كوباية..ده كان شفشق..
=طب كويس..نعممممممم..شربت شفشق؟وبتقولي طعمه يقرف؟والله أنا مشفق على معدتك ي بني..
_تفتكر الولية ديه كانت حاطة إيه فى العصير؟
=وأنا آيش عرفني..المهم إنك ما تآخدش منها حاجة تاني..وبطل رمرمة..يلا تصبح على خير..
_إنت مش هتآكل المحشي والفراخ؟
=لما العصير بهدلك كدة أومال الأكل هيعمل فيا إيه ي عم؟أنا هروح أطلب دليفري أحسن..
_اللي يريحك..وأنا هقوم أكمل المحشي أصله طعم أووييي..
*أدهم بص له وضرب كف على كف وسابه ومشي...
___________________
_مالك ي بت ي نيفين حاطة إيدك على خدك كدة ليه؟
=علشان الناس خيبتها السبت والحد وأنا خيبتي ما وردتش على حد..
_إيه اللي حصل بس؟
=بقي بذمتك ي شيخة فى واحدة زيي يبقى ساكن قدامها إتنين شباب ظباط زي الورد وما أعرفش أوقع حد منهم؟
_ما إحنا حطينا له حاجة فى العصير علشان يقرب منك ي بت..
=مش بقولك بنتك موكوسة وخايبة؟إحنا حطينا دوا إسهال ي ماما..
_ي عيني عليك ي بني..
=ي عيني عليا أنا ي ماما..ي حظك المنيل ي نيفين..
بقولك إيه يا ماما تعالي بخريني..
_وماله ي ضنايا وما تقلقيش من موضوعك بكرة أعمله عصير تاني وهما أصلا شباب متغربة وأول ما زين باشا بيشوف الأكل عينه بتطلع قلوب من الفرحة..بس إنتي عايزة أدهم ولا نعمل العصير لزين وخلاص..
=لأ أنا عايزة أدهم باشا بس..
_بس ي بت ده قفل ومكشر دايما خلينا فى زين أحسن..
=لأ أنا عايزة أدهم..
_________________________
*فى صباح اليوم التالي..فى منزل الصعيد..
*إستيقظت الجدة من نومها وخرجت من غرفتها بمساعدة علا ووقفت بجوار غرفة ريم ومراد وطرقت عدة طرقات على باب الغرفة..
_ريم بنعاس:مين!!
=الجدة وهي تقوم بتشغيل مقطع صوتي:قومي بسرعة فى أمر من النيابة بتفتيش البيت..
_ي لهوي..مراد أصحى البوليس فى البيت..
=بوليس إيه بس هيدخلوا إزاي وإحنا هنا ما إتحركناش تلاقيكي بتتخيلي..
_تلاقي عفاف الشغالة فتحت لهم..
=أفتحوا حالا يإما هنكسر الباب..
=بتخيل برضوا..قوم نشوف فى إيه؟
_أفتحواااااااا
*خرجوا من الأوضة لقوا الجدة وعلا قدامهم وكانوا بيضحكوا على منظرهم لأن مراد خرج من الأوضة وهو لابس بنطلون بيجامة وعليه فانلة بنص كم وريم كانت لابسه روب ونسيت تحط طرحة وخرجت بشعرها وكان شعرها متنعكش..
_ماما؟الحمد لله على سلامتك ي حبيبتي..
=الله يسلمك ي بنتي..
_حضرتك مش ناوية تكبري على الحاجات ديه بقي؟
=طول ما العيال السوس دول حواليا وطول ما فيا صحة يبقى مش هكبر ي ريم..
_ربنا يديكي الصحة وتفضلي دايما معانا بس بلاش خضة بعد كدة..
=آه علشان خاطري ي حماتي لأنها بتفزعني أسبوع بعدها بسبب الكوابيس وحضرتك شوفتي شكلها لما بتصحي من النوم بتبقى عاملة زي القنفد..
_أنا قنفد ي مراد؟آه ما إنت متغاظ علشان أقرع ومعندكش شعراية واحدة تجبر بخاطرك..
=ما هو طار من اللي بيشوفه..
_عاجبكم كدة؟ماشي ي ماما..ماشي ي علا الكلب..
طب إيه رأيكم بقي إني مش قاعدة لكم...
=علا مكملة:فيها وأبقوا وروني هتعيشوا من غير وجودي وهتتصرفوا إزاي وبكرة تقولوا ولا يوم من أيامك ي ريم..ما هما الناس كدة ما يحسوش بقيمة الجوهرة اللي فى إيدهم غير لما تضيع منهم..ي عيني على حظك ي ريم ربنا رازقك بزوج شعره زهق منه وطار وشباب بشوفهم فى حياتى بالصدفة..أنا ليه ما إتولدتش فرخة هما حبة علف ومايه وطول اليوم راقدة على البيض..
_الجميع:هههههههههههههه..
=طب بذمتك ي ريم تسيبي البيت وفى بنت قمر كدة قاعدة فيه؟
_بصراحة ي مراد ما أقدرش أبعد عنكم ولا عنه..
ذكرياتي الحلوة والوحشة كلها هنا..هنا أنا عشت أحلي لحظات حياتي معاك..
=جري إيه ي ست شادية ناناه جعانة وأنا أكتر منها وعايزين نفطر مش وقت لفلفة ي أم أدهم..
_أم أدهم فى عينك..أنا ريم أو ريري هتقولي غير كدة هديكي بالشبشب اللي فى رجلي..
=حلاوتك ي ريري وإنتي متعصبة..
_طب يلا ي لمضة ننزل علشان نحضر الفطار..
=لأ إنزلي حضري إنتي لأن إحنا عندنا طالعة تانية..
_لأ بلاش توتا ديه تروح فيها..
=ما تقلقيش عليها إحنا هنهزر معاها هزار خفيف خالص..
_مع إني مش مرتحالك ي سوسة بس ماشي..
=يلا ي ناناه..جيالك ي توتاااااااا..
•تابع الفصل التالي "رواية كيف لا اعشقك وانت عمري" اضغط على اسم الرواية