رواية وقعت اسيرة الشيطان كاملة بقلم لؤلؤة محمد عبر مدونة دليل الروايات
رواية وقعت اسيرة الشيطان الفصل السادس 6
جليله بغضب وخوف / انت عملت ايه في أختي ياجدع انت
بصلها مالك بجنب عينه وتخطاها ودخل القصر وحط سماح على أقرب كرسي
جليله وهي بتشد مالك من چاكت البدله بغضب / انت عملت فيها ايه أقسم بالله لأكون مطلعه روحك الزباله دي في ايدي
مالك وعيونه بدأ يتغير لونها من الأخضر للإسود ومسك ايدها الإتنين بإيد واحده وضغط عليهم جامد لدرجة أنها صوتت من وجع ايدها وبعدين زقها بقوه وقسوه وقعت على الأرض بصلها ببرود ومشي
أما جليله لا بل الجميع كان ينظرون له بصدمه من قسوته وقوته في التعامل فاقت جليله من صدمتها وقربت من أختها بسرعه
جليله / سماح سماح يا حبيبتي فوقي يا حبيبتي
قربت ياسمين بكوباية مايه وخديجه ببرفان
خديجه / اتفضلي عشان تفوقيها
أخدت جليله البرفان وبدأت تشمم سماح من البرفان وسماح بدأت تفوق قومتها جليله وشربتها مايه لحد ما سماح استعادت كامل وعيها
سماح / جليله احنا فين
الجد سعيد / انتي في بيت جدك يابنتي
سماح بصت لجليله بغضب / مش دول اللي أذوا أبونا وأمنا يا جليله رجعنالهم ليه يابنت أبويا
جليله / أنا مرجعتش بخاطري يا سماح أنا رجعت عشان هما اللي كانوا يقدروا رجعوكي مكان ماكنتي أله بصحيح هتاخديني في دوكه قوليلي كنتي فين ياواكله ناسك انتي
سماح بهمس ولكنه وصل لماسمع الجميع / هتفضحينا قدام الأجانب يابنت المفضوحه
جليله بهمس هي الأخرى / قوليلي كنتي فين بدل ما أسقف على وشك بالجزمه
سماح / طول عمرك مستنيه جنازه عشان تشبعي في تسقيف لكن واللي خلق الخلق لو مديتي ايدك عليا يابنت راضي لأكون باطحاكي وفاتحه دماغك
الكل ضحك عليهم وجليله حست باحراج
جليله بهدوء / ماتقولي بقى كنتي فين
سماح / والله يا جليليو أنا كنت مخطوفه حمزاوي المعفن قال ايه كان خاطفني وأنا بقى ضربته وكنت ههرب لكن هو مسكني وكان هيضربني لكن خير اللهم اجعله خير في دبابه دفع رباعي كسرت الباب وكسرت عضمه كمان وشالني على المدفعيه كده زي شوال البصل الضارب اه والله
الكل ضحك عليها وعلى تعبيراتها وتشبيهها لمالك
رامي بضحك / والله انتي رهيبه يا سماح
سماح بمرح / ياخويا خلي البساط أحمدي وشيل الألقاب
رامي باستغراب / ألقاب ايه
سماح وهي بتحط رجل على رجل / قولي يا هانم
هاني / وكده البساط أحمدي أومال لو هتتكبري كنتي عملتي ايه
سماح / أومال فين الدبابه
جليله / قومي يا سماح وبطلي رغي وصداع خلينا نمشي
عثمان / تمشوا تروحوا فين بس يابنتي
جليله / بيتنا وبيت أبونا
رجب / هنا بيتكم وبيت أبوكم يابنتي
جليله بغضب / احنا ملناش هنا قشه والدليل الحاج اللي قاعد هناك ده لما طرد أبونا
سعيد بهدوء / مفيش خروج من هنا
جليله بغضب / ليه محبوسين والا ايه
سعيد / تقدري تعتبريه كده وسابهم ودخل أوضته
جليله بغضب / لااااا يبقى انت لسه متعرفش مين هي جليله راضي يلا يا سماح
ومشيت جليله بغضب لدرجة انها مخدتش بالها إن أختها فضلت مكانها متحركتش قربت جليله بغضب من باب القصر وكانت لسه هتخرج بس فجأه اترمت على الأرض بقوه لدرجة إن راسها كانت هتتخبط في ترابيزه موجوده قريبه من باب القصر من جوا الكل اتنفض بفزع وخوف وصدمه كمان من اللي حصل واللي على وشك إنه يحصل
- يتبع الفصل التالي اضغط على ( رواية وقعت اسيرة الشيطان ) اسم الرواية