كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل السابع 7
7
_مالك ي ريم قاعدة حزينة كدة ليه أبوكي الله يرحمه مات تاني؟
=عارفة ي بت لو فضلتي واقفة قدامي ثانية واحدة كمان هديكي بالشبشب اللي فى رجلي..
_مالك ي ريم بقيتي قفوشة كدة ليه؟هي ديه ريم بنت الأكابر اللي متربية طول عمرها فى مدارس لغات؟
=بت إنتي ما تعصبنيش أنا مش فايقالك ولحد دلوقتي عاملة إحترام لأختي اللي هي أمك فما تخلنيش أخسرها بسببك..
_ردت بحزن:ده على أساس إننا فارقين معاها أوي؟
=آه فارقين معاها وبتحبكم وما بتحبش حد فى الدنيا زيكم..ده اللي حاولت أفهموا ليكي إنت ومازن بس إزاي لازم حضرتك تجادلي والبيه يتعصب ويرفض يسمع حتى...أنا أختي أحسن واحدة فى الدنيا ومحدش منكم حس بوجعها..عايزين تفهموا وأحكي لكم اللي أعرفه تمام..مش عايزين برضوا تمام بس ساعتها حسك عينك إنتي وهو تجيبوا سيرتها بالسوء
_ردت بحزن:أنا آسفة ي خالتو..بس أنا حقيقي محتاجة لوجودها جنبي..
=وهي محتاجة ليكم برضوا بس فى ظروف مانعاها من كدة..
_طب هو ممكن تحكيلي ي ريم..
=هحكيلك بس لما يجي الوقت المناسب..أقولك لما مازن يرجع هحكي لكم وهو هيسمع غصب عنه ورجله فوق رقبته...
_إن شاء الله خير..نفسي ترجع تاني وناناه قالتلي إنها هتنزل أجازة قريب بس أنا خايفة أتعشم ي ريم..أنا بحبها ومسامحاها على كل حاجة بس اللي مش ضامنة ردة فعله هو مازن..
=ما تقلقيش إن شاء الله هترجع زي ما ماما قالتلك ومازن ده بقي حسابه هيبقي معايا أنا..
_أعملي فيه اللي إنتي عايزاه..المهم إنتي كنتي زعلانة ليه بقى؟
=قلبي واكلني على أدهم..قلقانة عليه أوووي..
_طب ما تكلميه وأطمني عليه...
=وهو أنا لسه هستني لما تقوليلي أنا كلمته بس موبايله مغلق للأسف..وزين موبايله جرس ومحدش بيرد..
_طب جربي تاني كدة..
=هجرب..أدهم موبايله لسه مغلق..لما نشوف سي زين
آلو..آلو ي زين...
_______________________
*دخل الحمام لقى أدهم قاعد على الأرض وضامم رجله لصدره وماسك دماغه وبيتألم وجسمه كله بيرتعش...
_إتكلم بخضة:أدهم مالك؟
=رد بتعب:شوفتها تاني ي زين..كانت بتترجاني علشان أساعدها وكانت منهارة من العياط..دموعها وجعت قلبي كأنها موجودة قدامي فعلا وبتعيط..قالتلي إنت قربت توصل للحقيقة بس ركز وقالتلي إنها واثقة فيا وعارفة إني مش هخذلها..أرجوك لو عارفها وعارف مكانها قولي علشان أساعدها..
أرجوك ي زين..
_إهدي طيب إنت كدة هتتعب أكتر..
=رد بحدة:ما تقوليش إهدي..البنت محتاجة ليا ومحتاجة لوجودي جنبها..أنا قلبي واجعني عليها لحد دلوقتي..ساعدني ألاقيها..
_أنا آه عارفها بس صدقني ما أعرفش هي فين..
=طب هي مين طيب؟
_مش هقدر أتكلم علشان ما تتعبش..
=وهو أنا كدة مش تعبان؟أنا بموت من الألم اللي فى رأسي ومن الوجع اللي فى قلبي ي زين..أرجوك إتكلم بقي..
_طب قوم معايا أغسل وشك وفوق كدة علشان نخرج لسليم قبل ما يحس بحاجة وبعدين نبقى نتكلم..
=ماشي..بس هتحكي..
_هحكيلك ي أدهم..هحكيلك...
____________________________
_ماما إزيك عاملة إيه؟
=سليم!!هو مش ده تليفون زين..بيعمل إيه معاك ي بني؟
_أنا رجعت من السفر النهاردة وروحت أقابلهم وأقعد معاهم قبل ما آجي البيت..
=طب هما كويسين؟برن على أدهم تليفونه فاصل وزين كان جرس ومحدش بيرد
_الحمد لله زي الفل ما تقلقيش هما فى الحمام بس وأدهم موبايله فصل وإحنا فى الطريق وزين إنتي عارفة بيعمل موبايله صامت أغلب الوقت
=طب الحمد لله إنكم بخير..إنت هتيجي أمتي؟
_هقعد معاهم النهاردة وهتحرك من هنا بكرة الصبح..
=تيجي بالسلامة ي حبيبي..خلي بالكم من نفسكم..
_حاضر ي أمي..
=الفلوس سليمة وزي ما هي ياض ولا قلبت حاجة..
_أنا مش هرد عليك إحتراما لأخويا الكبير...
=لأ والواد محترم أوووووي..
_طبعا ي أدهم باشا هو إنت عندك شك فى حاجة ولا إيه؟
=لأ طبعا وديه تيجي؟
_المهم عاملين إيه فى الشغل..أنا شايف إن مش وراكم حاجة خالص..
=بالنسبة ليا أنا آه بس يومين كدة وعندي مأمورية إنما بالنسبة لأدهم باشا فهو مفحوت حرفيا ومعاه قضية مجنناه ومجنناني معاه..
_قضية إيه؟
*قص عليه ما حدث..
_أدهم مكملا:قضية غريبة الشكل..أصلا القضية ديه حصلت من حوالي 6 شهور بالظبط ولما راجعت ملف القضية حسيت إني تايه شوية..الشقة اللي حصلت فيها الجريمة كانت إيجار مش تمليك..أجرها زوج القتيلة قبل ما تحصل الجريمة بسنة والشقة اللي كانت قصادهم كانت ساكنة وباقي العمارة كان يإما الشقة مش ساكنة يإما اللي ساكنين فيها فى شغلهم وما بيرجعوش غير بالليل يإما مكاتب وطبعا ليهم أيام أجازة بيقفلوا فيها ويوم الأجازة بتاعتهم حصلت الجريمة بالظبط بعد العشا فى صالة الشقة...وبعد الكشف والتحريات النيابة وصلت للحقيقة واللي هي إن القاتل كان عامل صيانة ودخل الشقة عادي علشان يصلح التكييف وإن بنت القتيلة هي اللي فتحت له الباب ولما سألوا الزوج كان فين وقتها قال إنه فى الوقت ده كان عند جاره اللي فى الدور اللي فوقيه ولما واجهوا الجار أكد كلام الزوج وكان معتقد إن زوجته فى الشقة مع بنته لكن الزوجة كانت عند جارتهم ولما سألنا الجارة أكدت على الكلام وإن يارا كانت قاعدة فعلا معاها..والبنت لما فتحت الباب كانت رافضة يدخل لأنها لوحدها لكنه دخل الشقة وكتم نفسها وكان بيحاول يعتدي عليها لأنها كانت شاغلة باله وحلوة فى عينه وأمها بعد فترة
رجعت الشقة وكان معاها المفتاح الخاص بيها ولما دخلت وشافت الوضع جريت علشان تبعده عنها راح مطلع مطواه من جيبه ودبحها وساعتها بنت القتيلة كانت هتصرخ لكن صدمتها منعتها فهو لحقها وضربها بحاجة على دماغها فأغمي عليها وهرب بس للأسف محدش شافه وهو بيهرب حتى وهو نازل بهدومه الداخلية لأنها مكانتش ملفتة يعني ينفع يتنزل بيها قشطة ومحدش يشك فيه وللأسف مكانش فيه كاميرات مراقبة وبعد حوالي نص ساعة البنت فاقت وصوتت وبسبب الصريخ ده الشارع كله إتجمع فى الشقة وكمان الزوج وجاره نزلوا يشوفوا فى إيه..ولحد كدة القضية تمام والمشتبه فيه هو الشاب عامل الصيانة لأنهم لقوا هدومه وبطاقته وبصماته فى كل مكان تقريبا..بس الغريب بقي إن الشاب بعد ما إتحكم عليه بالإعدام غير أقواله خالص..
=وده ليه بقى؟
_غير أقواله لأنه كان متهدد من بنت القتيلة..
=رد بإستغراب:إزاي يعني؟
_قال إنه كان على علاقة بيها وديه مش أول مرة يقابلها ديه تقريبا كانت خامس مرة لأنه شغال فى شركة صيانة ولما بيخرج يصلح حاجة بيبقى معاه وصل والتواريخ اللي كانت فى الوصل كانت كلها فى الشهر اللي قبل الجريمة وأخرها المرة اللي حصلت فيها الجريمة وقال إنها يوم الجريمة كلمته بالنهار الصبح وبلغته إنها عايزاه وإن البيت هيبقي فاضي وكانت مصرة إنه يجي وهو طلب منها تكلم الشركة وتبلغ ولما راجعنا إكتشفنا إنها فعلا بلغت عن عطل فى التكييف ولما وصل فتحتله ودخلته وأثناء ما هما منسجمين مع بعض دخلت القتيلة وكانت مصدومة من اللي بيحصل وكانت بتزعق فالبنت طلبت منه إنه يقتلها ويخلص منها وهو من خوفه من الفضيحة عمل كدة وحتى ساب سلاح الجريمة وهدومه وهرب ولما سألناه قال إنها هددته قبل ما يمشي إنه لو بلغ عنها ولا جاب سيرتها هتنتقم من أهله وإن هي سهل جدا تأذيه وعلشان كدة خاف ومشي وقبل ما يمشي طلبت إنه يضربها على رأسها علشان تبان إنها ملهاش دخل بالموضوع خالص بس للأسف نسي هدومه وسلاح الجريمة والقضية لبسها بس لما لقى إن الموضوع جد وإن هو هيتعدم ومش هو اللي خطط أصلا وإن هي اللي كانت بتقنعه آخر مرتين إنه ينفذ وهو كان بيرفض بس وافق لما وعدته إنها هتكمل معاه وده طبعا من خلال علاقة غير شرعية..كلم الظابط اللي فى السجن والظابط وعده إنه هيحمي أهله وبالتالي مجري القضية إتغير وكمان البنت بعد الحادثة حصلها مضاعفات بسبب الضربة اللي أخدتها على رأسها والضرب اللي كان متفرق فى جسمها كله واللي بان فى الأول إنه إعتداء بس بعد تغيير الأقوال أصبح إعتداء بس بالطلب..
=إزاي يعني إعتداء بالطلب؟
_يعني هي اللي طلبت منه كدة أثناء وجودهم مع بعض علشان يبان إن فى إعتداء عليها وتطلع من القضية سليمة من غير ما حتى حد يشك فيها والشاب المسكين اللي ساعدها فى خطتها من حبه ليها وتصديقه لكلامها ووعودها وإنه كان فاكر إنه لما يقتلها ويعمل كدة فيها مش هيبقي مذنب وهتحميه وهتحبه أكتر بس هي بعد ما نفذت خطتها بقت واحدة تانية غير اللي هو عرفها بصت له بشر وهددته إنها هتأذيه لو جاب سيرتها بحرف وإن أعترافه بالحقيقة ده لمصلحته وإنه لو عمل كدة مش هيتعدم وبعد كدة إتكلمت معاه بدلع شوية لدرجة إن الشاب نسي إنه عامل جريمة أصلا من حلاوة كلامها وقالتله يضربها ويهرب بسرعة قبل ما حد يجي خصوصا إن والدها كان بيرن على موبايلها وكان ممكن يجي في أي لحظة..ولأن وضع الشاب مكانش يسمح للتفكير فضربها ومشي فعلا من غير ما يركز إنه نسي بطاقته فى الهدوم وإن بصماته على كل حاجة وإنه هيتجاب هيتجاب حتى لو أختفي فين..
=فى حاجة غلط فى الموضوع..الواد ده بيكدب فى حاجة..وهو عارف إنه هيتعدم أصلا لأنه مجرم وقاتل إشمعنا دلوقتي قرر يعترف ما تقنعنيش إنه كل ده بسبب التهديد وكلامها اللي دوخه..وأقولك كمان أنا ما أتوقعش إن واحدة بشخصيتها ديه تقدر تعمل ده كله..
_والله ده نفس إحساسي..أكيد فى حاجة مش مظبوطة وبعدين هو بيقول إن البنت هددته..وهي بتقول إن فى راجل بيهددها وإنت عارفني كلب بوليسي بشم الكذاب..وهي مش كدابة لكن الواد بيحور..لأنه للأسف غلط غلطة كدة تكاد تكون بسيطة ليا وليه ويمكن محدش أخد باله منها لكنها غلطة بفورة وأنا عرفتها...
=وديه غلطة إيه بقي ي سيادة المحقق كونان؟
_هتتريق عليا ي زين مش هكمل كلام..
=خلاص ما تبقاش قفوش..كمل ي سيدي..
_الكدب ملهوش رجلين..جايز تبقى حافظ كلمتين وتقولهم بس لو إتسألت سؤال مفاجئ هتحور وهتنسي إنت قولت إيه فى كل مرة وكذلك الطبع غلاب واللي إتعود على حاجة صعب يغيرها..وده اللي إحنا بنلعب عليه فى التحقيقات..
=ما تنجز ي عم الرغاي وتقول غلطات إيه ديه؟
_أدهم ما ردش عليه ووجه كلامه لسليم كأنه مش موجود معاهم وقال:القاتل كان أشول والشاب ده لما جه يمضي المحضر فى بداية القضية مضى بالشمال لكن بعد ما غير أقواله مضى باليمين وده إن دل على حاجة فيدل إنه مش هو القاتل لكن فى حد هدده إنه يعمل كدة..ممكن تكون بنت القتيلة بس برضوا بنت القتيلة بتمضي باليمين..وكمان تقرير الطب الشرعي لضربها اللي عمله محسن على الرغم من إنها رفضت تحكيله حاجة هيفيدنا بس هو نتيجته لسه مطلعتش بس وقت ما تطلع هتوضح حاجات كتير..
=ي أبن اللعيبة ي أدهم ده إنت دماغ ي بني بس لما معاك دليل زي ده قولتلي إنك مش معاك دليل ليه؟
_أنا فعلا لسه ما وصلتش للدليل لأن اللي أنا بقوله دلوقتي ده مجرد ملاحظة وبس..ملاحظة عرفتني إن البنت والولد مش مذنبين وبالتالي الشك هيروح ناحية الراجل اللي هدد البنت ولما أوصل له يبقى كدة معايا دليل فعلا...
=ربنا يوفقك وتوصل للحقيقة...
_ي رب ي حبيبي..المهم هو إيه اللي فى إيدك ده ي سليم؟
=رد بإستغراب:إيه اللي فى إيدي؟قصدك الأسورة الفضة ديه؟
_آه هي..جيبتها منين ديه وبعدين أنا أول مرة أشوفك لابسها...
=ديه حكايتها حكاية ي عم ديه تاريخية..
_أدهم محدثا نفسه:أكيد في حاجة غلط..مش ممكن أخويا يكون هو اللي عمل كدة فى ريواء أكيد ديه أسورة شبهها وبعدين تلاقيها مع ناس كتير كمان..ي نهار أبيض..ده عنده وشم على شكل صقر..لا لا إستحالة..
=أدهم..إنت ي بني..
_هه؟
=سرحت روحت فين؟
_معاك ي حبيبي..إيه حكاية الأسورة ديه بقي..
=بص ي سيدي من شهرين بالظبط بابا قالي تعالي نروق المخزن اللي فى البيت وفعلا روحت معاه..كنت حاسس إني فى مغارة على بابا..بابا حرفيا كان محتفظ بحاجات من عمرنا تقريبا..لعب تخصنا وحاجات تخصه هو وألبومات صور ولما سألته إيه الكركبة ديه قالي ديه ذكريات إيش فهمك إنت..
المهم وإحنا بنروق لفتت نظري الأسورة ديه أول ما مسكتها خطفت قلبي أوووي ما إنت عارفني بحب الفضة فلبستها فى إيدي وكنت منبهر بيها أوي ولسه بوريها لأبوك لاقيت أبوك إتحول وزعق جامد وأنا إتخضيت وقولتله..
"فلاش"
_فى إيه ي بابا بتزعق ليه؟
=إنت مين قالك تلبس الأسورة ديه؟
_عجبتني ولبستها عادي ي بابا يعني..
=لأ مش عادي أقلعها حالا..
_بابا أنا مش فاهم حاجة..بتاعة مين الأسورة ديه وإيه اللي عصب حضرتك لما لبستها؟
=علشان ديه بتاعتي وإنت عارفني مش بحب حد يلبس حاجتي نهائي حتى إنتم..
_بس هي حلوة أوي وعجباني ي بابا وكانت مركونة هنا أصلا وحضرتك مش بتلبسها فخليها معايا بعد إذنك..
=خلاص خليها معاك بس حافظ عليها..
_ده أنا هحطها فى عيني..بس حروف مين اللي عليها ديه ي بابا؟
=لأ بقولك إيه أنا سمحتلك إنك تلبسها هترغي كتير وتصدعني هآخدها منك..
_لا لا خلاص مش مهم أعرف المهم إنها بقت بتاعتي خلاص..
"باك"
_بس ي سيدي ومن ساعتها وأنا لابسها ومش بقلعها نهائي وهي تبان إنها جديدة أصلا كأن محدش كان بيلبسها لأن أبوك كان شايلها فى علبة بس بما إنك مش بتشوفني فما شوفتهاش قبل كدة..
=طب والوشم ده بتاع إيه؟
_أولا ديه رسمة عادية بتتمسح لأن الوشم حرام ثانيا ده صقر..أسم الشركة بتاعة بابا وشركاؤه وبما إني شغال فيها فحبيت أرسم صقر على رقبتي من باب الإنتماء والفشخرة يعني..
=هو بابا عنده شركة أسمها الصقر وكمان مع شركاء؟
_هو كان معاه شركاء بس حاليا بابا لوحده وبرضوا لما سألته عليهم مكانش حابب يتكلم..وآه عندنا شركة إسمها الصقر بس إنت اللي مش مركز معانا ي باشا..
=تكونش ديه كانت هدية من حب قديم وأبوك مخبيها من ريم ي أدهم؟
_ههههه وربنا ما ناقصة ظرافة أهلك دلوقتي ي زين خالص..وبعدين هو أبويا حب قبل ماما أصلا؟
=آه ريم قالتلي إنها زمان قفشت أبوك مع 4 بنات خلال سنة بس طبعا بعد كدة إتعدل..أهو أنا دلوقتي عرفت أنا مش محترم وبعشق النسوان لمين..
_وأنا عرفت دلوقتي إن حياة أبويا وأمي ما أعرفش عنها حاجة كأنها إتبخرت من دماغي..وبعدين أمي تحكيلك ليه أصلا حاجة زي كدة؟
=أصل أنا كنت بعاكس صاحبة تقى لما جات البيت وده طبعا من 4 سنين باين وريم قالتلي إنت عينك زايغة زي مراد وحكيت لي بقي..
_هههههههههههه وربنا إنت مسخرة..
=إسمها إيه صاحبة تقى ديه؟
_والله ي سليم أنا ما بعتمدش أسامي ي أخويا طالما البت حلوة بعاكس وخلاص بس الشهادة لله هي بصت لي بقرف وسابتني ومشيت وقالتلي إنت بني آدم زبالة وحقير..
=ليه إنت قولتلها إيه؟
_قولتلها طول عمري أعرف إن الأبطال فى كأس العالم والأفلام بس أول مرة أقابلهم...
=سليم بشك:هي أسمها إيه طيب؟
_يادي النيلة على إسمها اللي مجننك..بص على ما أتذكر لأنك عارفني ذاكرتي ذاكرة fish هي كان إسمها إيه ي واد ي زين..بص هي ولاء صفاء علياء حاجة زي كدة يعني..بس أفتكرت إسمها دعاء..
=مسكه من لياقة التيشرت وقال:نعممممممم إنت بتعاكس البت بتاعتي ياض؟
_رد بخوف مزيف:والمصحف ما كنت أعرف إنها تخصك ي باشا..حقك عليا ي بيه أرجوك ما تأذنيش..أنا بجري على يتامى ي باشا...
=هههههههههه طب أتعصب عليك وآخد موقف منك دلوقتي إزاي؟
_هو ده زين فى المصايب بيحولها لضحك..
=علشان تقدروا بس مجهوداتي فى إسعادكم...بس صحيح من أمتي وفى حب فى حياتك ده أنا قولت هتكمل حياتك سنجل زينا..
_أولا قصدك سنجل زيه مش زيكم لأنك مش سنجل وبتحب البت علا..
=يادي النيلة كل العيلة عرفت هو أنا مفضوح أوي للدرجة ديه؟
_جدااااااااا..
=مش قولتلك ي زين باشا..
_رد بغيظ:آه منكم ي ولاد ريم...
=ثانيا بقي أنا مش عارف حبيتها أمتي أصلا بس فجأة لاقيت نفسي بحبها واللي مانعني عنها إنها مش عايزة إرتباط دلوقتي خالص ولا حتى خطوبة علشان ما تنشغلش عن دراستها وأنا محترم ده ومش بعطلها خالص ولا حتى بكلمها وبعتمد إني أحاول أظبط أجازتي مع اليوم اللي هي بتيجي فيه البيت وكلامنا بيبقى محدود خالص فياريت بلاش تقرب منها تاني علشان ما نزعلش من بعض..
_عيب عليك ي صاحبي ديه هتبقي مراتك وأختي ده أنا أشيلها فى عيني وفى قلبي..
=آه ي أبن الجذمة..معلش ي منال بس أبنك محتاج تربية من أول وجديد بصراحة..
*سليم وزين كانوا بيهزروا مع بعض أما أدهم..
*أدهم محدثا نفسه:الممرضة قالت إن الشخص كان لابس أسورة فضة شبه ديه وقالت إنه عنده وشم زي ده..بس هي مقالتش إنه شاب..حتي جسم الشخص فى الفيديو مكانش فى حجم جسم سليم خالص..كان فى حجم جسم...لا لا مش معقول..بابا هو اللي قتل وضرب ريواء؟لا لا مش معقول بس هو إتعصب لما سليم لبسها مع إنه بيديني حاجته عادي..لأ أنا لازم أعرف الموضوع ده وبعدين بابا من أمتي وهو عنده شركاء فى شغله..طول عمره لوحده ولا فى حاجة أنا ناسيها بسبب تعبي؟
_عمري
•تابع الفصل التالي "رواية كيف لا اعشقك وانت عمري" اضغط على اسم الرواية