رواية اسيرة قسوته كاملة بقلم ساسو خليل عبر مدونة دليل الروايات
رواية اسيرة قسوته الفصل السابع 7
شريف ما اكل سما وصلها البيت
وهي طلعت ودخلت اوضتها
وشويه وكريم طلع سمع صوت في اوضه سما
داخلها علي طول
سما كانت قاعدة على السرير ماسكه التليفون و اتفاجئت
لما شافت كريم داخل عليها قالت بعصبيه :انت اللي دخلك
هنا اطلع بره
كريم مسكها قومها : هو سوال واجب تجاوبيني عليه
سما باصه في ناحيه تانيه وهو كمل :انتي بتحبيني
سما بصتله وبعدين رجعت بصت تآني الناحيه التانيه.
كريم :ردي عليا يا سما بتحبيني
سما بصتله وقالت :كنت كنت بحبك قبل ما تتجوز عليه
كنت بحبك حتى كل مره ترجع فيها البيت تطلع غلبك فيا
من زعيق و تكسير وقرف وأنا كنت بدوس علي نفسي
بقول مش مشكله يا بت هو ممكن يكون مدايق من شغله
ولا حاجه حد مدايقه بيطلع عصبيته فيكي كنت بستحمل
علشان حبي ليك وكمان علشان مخربش بيتي إللي كنت بحلم
انو يبقي في شخص يحبني ويخاف عليا
كنت بحبك قبل ما تضربني علشان وأحده أصلا كانت لسه
مدخلتش بيتك أنا عارفه إنك كنت مغصوب عليا بس مش
بعد 3 سنين جواز تيجي تقولي أنا هتجوز عليكي
بعد ما اتعلقت بيك تيجي تقول كده جرحتني بالكلام
لما قولت إزاي مراتك حملت وانتو لسه مكملوتش اسبوعين
متجوزين وإنت عارف إن الحمل ده بايد ربنا مش بأيد
العبد بس إنت مش فارق معاك أنا زي مانت عايز تبقي
اب انا كمان عايزه ابقي أم بس إنت أناني الشرع محلك
اربعه ماشي علي عيني وعلي راسي بس لما تكون مراتك
مش مرتاح معاها ومتقدرش تخلف لكن الدكتور قالي فرصه
الحمل عندك ضعيفه بس في امل مقليش مش هتقدري
تخفلي خالص لكن إنت حتي مسالتش الدكتور قالي إيه
آنتي بس علشان جيت معايا مرة وكمان المرة إللي جيت
معايا فيها مكنتش برضاك وسمعت الدكتور بيقول
فرصه الحمل عندي ضعيفه يبقى خلاص مش هخلف
بص يا كريم أنا مش عايزه افتح في كل ده لأنني حقيقي
مخنوقه منك ومن الكلام معاك وغير كده ختمتها النهاردة.
بضربك ليا بالقلم قدام كل الناس أنا عايزه أسألك سوال
لو إنت وسط ناس كنت هتقدر تعمل كده مع مراتك
كريم فضل ساكت
سما كملت بسخريه :متقدرش صح علشان إنت ب بتحبها
وأنا كنت مجرد شماعه بتعلق عليها خنقتك وهمومك
أنا بجد بكره قلبي اللي حبك يا كريم وهقدر اشيل حبك
من قلبي لأنك ببساطه متستهلش حبي أبدا ليك إنت اكتفيت
بحب رحمه علشان كده في أقرب وقت هسبلك البيت
أشبع بيه وأنا هرجع بيت أبويا بس لما انفذ حاجه الأول
كريم :حاجة إيه
سما :ملكش دعوه هتعرفها مع الوقت أتفضل اخرج علشان
أنا تعبانه وعايزه أنام ومتخشش اوضتي تآني لحد ما نتطلق
كريم بندم :سما أنا
سما بعصبيه :بلا سما بلا زفت خلاص خلصنا أتفضل إطلع
بره كان هيجي يتكلم تآني اديتلو ضهرها وهو طلع بره
وهي بصت عليه وهو خارج دموعها نزلت بس مسحتها علي
طول ونامت
دخل اوضته
رحمه كانت هتقرب منه بس هو بعد عنها :رحمة انا مش فايق
دلوقتى
رحمه :يعني مش فايق يا كيم
كريم بعصبيه :يعني مش فايق يا رحمه تعبان
رحمه بعصبيه : أكيد الهانم قلباك عليا صح
كريم مسك أيدها :ملكيش دعوه بسما يا رحمه لو عملتها
حاجة أنا إللي هقف ليكي ماشي ويلا نامى ولو مش هتنامى
أخرجي بره
رحمه :كده يا كريم ماشي وخرجت
كريم قعد علي السرير وقال : إيه إللي خلاني اتجننت لما
شوفتها قاعده مع إبن خالتها ممكن حمقي كراجل
بس لا بس انا أنا معقول انا حبيت سما
قام وقف من علي السرير بسرعه : أنا بحب سما
ههه وقال بفرحه :معقول انا بحب سما ياااه
اوعدك يا سما هصلح كل حاجه وارجعك لحضني تآني
أنا اتأكدت إني بحبك بجد هرجعك ليا تآني يا سما
بس كله مع الوقت
- يتبع الفصل التالي اضغط على ( رواية اسيرة قسوته ) اسم الرواية