كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل الثامن 8
8
_الحمد لله على سلامتك ي حبيبي..كل ده بعد ي أمجد؟
=الله يسلمك ي أمي..معلش حقك عليا ي حبيبتي بس إنتي عارفة إن كان عندي ضغط فى الشغل وإن الشغل فى الفرع اللي فى إيطاليا مكانش مظبوط خالص وكان لازم أسافر أحل المشاكل اللي هناك...
_ربنا يديك الصحة ي حبيبي ويبارك فيك ويحفظك من كل شر..
=اللهم آمين ي أمي..هو البيت هادي كدة ليه مش بعادته يبقى كدة وريواء فيه هي نايمة ولا برا؟
_ريواء...اااا..أصل أصل..
=أصل إيه ي أمي؟فى إيه قلقتيني...
*قصت عليه ما حدث...
_إتكلم بعصبية:وما كلمتنيش ليه؟وليه خبيتي عليا لما كنت أسأل عليها؟
=مكونتش عايزة أشغلك ي بني عن شغلك..
_لأ ي ماما مفيش حاجة عندي أهم منكم إنتم الإتنين وحضرتك عارفة كدة كويس بس حضرتك رفضتي تقوليلي علشان عارفة إني لو عرفت هسيب شغلي وأرجع وهقلبها جحيم عليهم كلهم وأولهم عادل باشا..
=آه خوفت عليك لأني معنديش إستعداد أخسرك زي أبوك...
_وأنا كمان معنديش إستعداد إني أخسرها..
=إتكلمت بعصبية:أنا مالي بيها ما تغور فى داهية أنا محدش يهمني غيرك...
_وأنا مش أناني ي ماما..والمفروض كمان إن حضرتك مش أنانية لكن دلوقتي أنا شايف حد تاني غير أمي اللي أنا أعرفها..
*صفعته على وجهه بشدة
_إتكلمت بعصبية:أخرس ي ولد وأفتكر إن اللي بتكلمها ديه والدتك مش واحدة من الشارع..
=فى الأول سكت علشان حضرتك كنتي خايفة عليا وكمان علشان هي مكانتش متضررة وكانت فى أمان
لكن المرة ديه مش هسكت ومش هتخلي عنها ومش هيهمني خوفك علشان ريواء محدش هيخرجها من القضية ديه غيري ودليل برائتها معايا ولو لسه باقي فى العمر يبقى أعيش راجل زي بابا اللي كان بيحارب الفساد وساعد عمتو على آخر لحظة قبل وفاته ولو مليش عمر يبقى على الأقل أعمل الصح قبل ما ينتهي
_وأنا مش هسمحلك تضيع نفسك..عادل مش سهل ي أمجد...عادل شيطان..
=وأنا راجل مش جبان..ومن النهاردة مش هخاف منه ولا هعمله حساب..من النهاردة نهاية عادل هتتكتب بإيدي أنا..عن إذنك..
_لو خرجت دلوقتي مش هتبقي أبني ولا أعرفك..
=إتكلم بعصبية:إيه اللي حضرتك بتقوليه ده؟مش ديه ريواء اللي كنتي بتحبيها؟مش ديه اللي كانت بتصعب عليكي؟مش ديه اللي كنتي هتتجنني عليها لما أمها ماتت وهي تعبت وكانت شبه بتموت؟خلاص ما بقتيش تحبيها؟ما بقتيش تخافي عليها؟مش ديه برضوا اللي بابا وصاكي عليها قبل ما يموت؟هي ديه الوصية اللي حضرتك بتعملي بيها؟ساكتة ليه ردي عليا؟مش خايفة عليها تكون تعبت وهي فى الحبس
_طب خلاص ساعدها بس وإنت بعيد مش عايزة حد يعرف إنك إنت اللي واقف جنبها...
=ده اللي هو إزاي؟
_أبعت الدليل على القسم وخلاص للظابط اللي ماسك القضية..
=لأ طبعا أنا اللي هبعت الدليل بنفسي أنا مش هضحي بيه بسهولة وأبعته مع أي حد للقسم..
_ده آخر كلام عندي..لو روحت القسم هتتأذي..عادل جالي من كام يوم وهددني إني أبعد أنا وإنت من سكته وإني لو معملتش كدة أترحم عليك...
=تمام...هو كدة مستعجل على نهايته...أنا هخلي أحمد صاحبي ياخد الدليل ويروح بيه للظابط اللي ماسك القضية وإحتياطي هعمل نسخة تانية تبقى معايا..
_ماشي ي حبيبي..
=طبعا ما روحتيش زورتيها أو إطمنتي عليها..
_مكانش ينفع أعمل كدة..بس أنا بعت صاحبتي للقسم وقالتلي إنها تعبت جامد وجرح كتفها نزف ومحجوزة حاليا فى المستشفى..
=رد بصدمة:نعممممممم..لأ أنا لازم أروح أشوفها..
_إتكلمت ببكاء:وأنا مش هسيبك تعمل كدة..أرجوك أنا مليش غيرك فى الدنيا ديه ي أمجد..لو بعد الشر جرالك حاجة أنا هموت بعدك..
=أستغفر الله العظيم..طب إهدي طيب بعد الشر عليكي أولا..ثانيا لازم نطمن عليها وتقف جنبها لأن هي كمان ملهاش حد غيرنا..
_ردت بحنية:والله ي بني هي صعبانة عليا بس أنا مفيش فى إيدي حاجة أعملها خالص وسمحتلك تساعدها أكتر من كدة مش هوافق..
=عادل هيبقي مراقب البيت وأنا هخاف على أحمد أحسن حد يراقبه ويعرف..بصي أنا هروح بنفسي وأرجوكي بلاش تعترضي أنا هخلي الظابط يأمني كويس وهعرفه إنه هددك وما تقلقيش ربنا هيحمينا..
_ماشي ي أبني..أمجد ااا...أمجد أنا معايا تسجيل بتهديده القديم والجديد..
=معاكي تسجيل وساكتة ي ماما؟يعني لو مكونتش إتكلمت كنتي هتفضلي ساكتة ومخبياه؟
_كنت شايلاه للضرورة ووقته جه زي ما وقت الدليل اللي معاك جه..
=تمام ي أمي..عن إذنك..
_______________________
_إتكلم بتعب:بقولك إيه ي زين ارجع إنت الشغل أنا هروح المستشفى وبعدين هروح البيت علشان مرهق شوية..
=طب تحب آجي معاك؟ولا قادر تسوق؟
_لأ هقدر أسوق إن شاء الله..خد إنت بس سليم معاك فى سكتك...
=عينيا ي حبيبي..خلي بالك من نفسك..
_إن شاء الله..عن إذنك..
*أدهم سابهم ومشي...
_أنا مش عارف مالي..بس عرفت أنا جعان...
=نعممممممم..ده تالت طبق فول ينزلك وده طبعا غير الطعمية والبيض وبتقولي جعان؟
_جري إيه ي سليم إنت قاعد باصص لي فى اللقمة ي عم؟
=مش باصص بس يعني الطبق كبير وبيشبع
_لأ أنا الأكل الحلو مش بشبع منه والفول هنا طعم أوووي ده أنا بفكر آخد طبقين وأنا مروح..
=هو سؤال بس..الأكل ده بيروح فين ي حبيبي؟
_فى بطني مش محتاجة فقاقة يعني..
=وهي فين بطنك ديه أصلا..أنا أول مرة أشوف حد بيآكل كمية الأكل ديه وجسمه مظبوط بالشكل ده
_الله أكبر ي عم..إيه النبر ده هتحسد كدة وأنا بالنظرة
=لأ ما تقلقش أنا مش بحسد وعيني مش وحشة..
_طب يلا ي أخويا..
*زين قام وإتكعبل وهو ماشي قدام بنتين وعلشان يداري كسفته عمل نفسه بيعمل ضغط..
_بركاتك ي أبن ريم..سوري ي بنات بس الكابتن قالي أعمل التمارين فى حتة طراوة والمكان عندكم هنا تكييف..
=ههههههههههههه..
_قام وقال:اللهم صل على النبي..لأ أنا آجي كل يوم هنا بقي..
=إتكلم بخفوت:وربنا لأقول لعلا عليك..
_علا مين..آه سوري طب عن إذنكم ي بنات وآه قبل ما أمشي ريحة البرفان بتاعكم تحفة...
=ههههههههههههه..
_ماشي ي زين الكلب أبقى تعالي قابلني لو جوازتك مشيت ي أبن منال..
=ليه بس ي عم كدة؟
_هو إنت عايزني أشوفك واقف بتعاكس فى بنات وأوافق إنك تآخد بنت خالتي كدة بسهولة؟
=هو أنا بعاكس قدام حد غريب؟وبعدين أعاكس من قدامك أحسن ولا أعاكس من وراك؟
_لأ فكرة برضوا..طب تحب أعرفك حاجة كدة محدش يعرفها غيري؟
=حاجة إيه؟
_رد بخبث:البت علا فى شاب معجب بيها وهي كمان معجبة بيه وجه كلمني أكتر من مرة وأنا بصراحة شبه وافقت أصله شغال دكتور وماسك إدارة مستشفى وحد كدة رزين وعاقل..
=مسكه من لياقة قميصه وقال:ورحمة أمي ي سليم لو ده حصل لأكون خاطفها ومتجوزها غصب عنها وعن أي حد..علا مش هتكون لحد غيري..فاااااهم..
_هههههههههههه..ولما إنت بتحبها وميت عليها كدة بتعاكس غيرها ليه؟
_إتكلم بجدية:لما قولتلك إن فى حد معجب بيها قلبك وجعك وإتجننت..حط نفسك بقي مكانها لما تعرف إنك بتعاكس بنات شوف إحساسها هيكون عامل إزاي
علا رقيقة وإتظلمت كتير وإتحرمت من الحنية بسبب بعد والدها ووالدتها عنها..فبلاش الجرح والكسرة يجوا منك إنت لأن علا بتحبك..
=والله ي سليم أنا عيني ما بتشوفش غيرها وقلبي ما حبش ولا هيحب غيرها..بس أنا وآخد الموضوع هزار وضحك وشقاوة بس أوعدك من النهاردة إن حتى الهزار فى الموضوع ده مش هيحصل..
_ماشي ي حبيبي..
=بس أعمل إيه طيب ما هو البنات هي اللي حلوة..
_ياااااارب الصبر..
________________________
_عاملة إيه دلوقتي؟
=ردت بتعب:الحمد لله ي أدهم باشا..
_أنا إبتديت أوصل للحقيقة..فترة قليلة والموضوع هيخلص..
=أنا مش عارفة أشكر حضرتك إزاي..
_تشكريني يوم ما تخرجي براءة من القضية ديه لكن دلوقتي أنا لسه معملتش حاجة..هو إيه اللي فى وشك ده؟
=فى إيه؟
_مناخيرك بتنزف..
=ردت بإبتسامة:لأ عادي ما تآخدش فى بالك..
_هو الموضوع ده عادي بالنسبة ليكي؟
=آه..لما بخاف مناخيري بتنزف..
_وإنتي خايفة من إيه؟
=خايفة منه..خايفة من مواجهته...كحححححح..
معلش أنا مش قادرة أتكلم..كححححححح..
_تمام..أنا همشي...
______________________
_لو سمحت عايز أقابل الظابط اللي ماسك قضية قتل يارا المحمدي..
=للأسف أدهم باشا مش موجود..
_طب مفيش حد تاني موجود؟
=ممكن أدخلك لزين باشا جايز يقدر يفيدك..
_وماله مفيش مشكلة..
=دخل المكتب وألقي التحية وقال:زين باشا فى حد كان عايز يقابل أدهم باشا بس هو مش موجود فقولنا ندخله لحضرتك..وديه بطاقته
*بص فى البطاقة وإتصدم لما قرأ الأسم..
_تمام مفيش مشكلة خليه يدخل..
=السلام عليكم..
_وعليكم السلام..إزيك ي أمجد..عامل إيه واحشني
=هو حضرتك تعرفني؟
_طبعا..أقرأ أسمي اللي على المكتب وإنت هتعرف..
=زين يوسف عبدالعزيز أحمد..مش معقول إنت زين أبن عمي؟
_أيون أنا زين أبن عمك بشحمه ولحمه
*زين جري ناحيته وحضنه وأمجد بادله الحضن..
_كنت فاكر إنك هتكون ناسي أسمي خصوصا إن والدي ووالدك أخوات من نفس الأم بس..
=عمري ما أنساك ي صاحبي بس ربنا يسامح اللي منعني عنكم بقي..المهم إنت عامل إيه والواد أدهم عامل إيه؟
_أنا كويس ي حبيبي لكن أدهم اللي مش بخير خالص
=إتكلم بقلق:ليه ماله؟
*قص عليه ما حدث..
_زين مكملا:ومش لازم يعرف إنك ظهرت ومش لازم يشوفك دلوقتي خالص..هو ممكن ما يفتكرش أسمك بس إنت شكلك ما أتغيرش أوي وممكن يعرفك..
=أوعدك إنه مش هيشوفني غير لما إنت تعرفني إن الدنيا تمام..
_ماشي ي حبيبي..بس إنت كنت عايز تقابل أدهم ليه؟
=أنا جاي أقابل الظابط اللي ماسك قضية يارا المحمدي..
_ما هو أدهم ي بني هو اللي ماسك القضية..
=نعممممممم..يعني إنت عايز تفهمني إن أدهم هو اللي بيحقق مع ريواء؟
_وهو يحقق معاها ليه؟
=علشان للأسف متهمة فى قتل يارا المحمدي اللي هي مامتها وفى نفس الوقت تبقى عمتك..
_رد بصدمة:ديه تبقى مصيبة..يعني المتهمة اللي أدهم شاغل باله بيها بقاله فترة ومتأكد من برائتها تبقى بنت خالته وحبيبته القديمة اللي إتدمر بسبب بعدها..
=للأسف أيوة...هنعمل إيه دلوقتي وهنبعدها عنه إزاي؟
_مش عارف أنا دماغي فى حالة صدمة دلوقتي..لازم القضية ديه تتحول لظابط تاني..
=وتحولها ليه أنا معايا دليل برائتها وبالتالي مش هتبقي محتاج تتحجج وتحول القضية لحد تاني وبمجرد ما تخرج براءة أنا هآخدها عندي فى البيت وبالتالي مش هيعرف حاجة..
_إنت ناسي أدهم ودماغه ولا إيه؟أدهم دماغه سم وحاليا بيدور على أي ثغرة فى القضية بإيده وسنانه أينعم والدك ويارا ونيرمين كانوا من أب ومامته وبابا كانوا من أب تاني بس لو وصل للأصل ورجع للجدة هيعرف كل حاجة..
=طب والعمل؟ما هو مسيره هيعرف وإنت بتقول إنه بيفتكر والسبب فى كدة وجودها جنبه وكمان هو حابب يفتكر..
_بس لو أفتكر ممكن يتعب وإحنا ما صدقنا إنه بقي كويس..
=وتفتكر هو كدة مش تعبان؟إنت ناسي كان بيحبها إزاي؟ده كان بيضربني علشان خاطرها وياما زعلنا من بعض بسببها..من رأيي سيبه يفتكرها ي زين جايز يبقى ده أحسن ليه...
_عندك حق..بس أنا هبلغ ناناه وريم بالخبر ده إزاي؟
يعني أبوك وأبويا الله يرحمهم وريم ربنا يديها الصحة ونيرمين مسافرة والأمل الوحيد اللي كان فاضل لهم هو وجود يارا جنبهم أهي حصلت أبوك وأبويا هي كمان..
=ناناه مش هتستحمل ولا ريم وبالتالي لازم نصبر شوية..
_تمام..المهم فين الدليل اللي معاك؟
=أهو..
_وريني كدة..
*زين كان بيتفرج على الفيديو وهو مش مصدق اللي شايفه..
_طب أمشي إنت دلوقتي لأني لازم أشوف أدهم حالا ومش هينفع أشوفه وإنت هنا..
=ماشي ي حبيبي..وده الكارت بتاعي بلغني بأي جديد لأني مش هعرف آجي هنا تاني وكمان ممكن يكون عادل مراقبني..
_ما تقلقش ي صاحبي أنا هبعت حد يراقبك من بعيد وطول ما أنا وأدهم موجودين مش هنسمحله إنه يقربلك...
=تمام..عن إذنك..
_____________________
_آلو ي زين..خير؟
=عايزك تيجي القسم دلوقتي حالا..
_إشمعنا؟
=معايا دليل براءة ريواء..
_إيه؟إزاي؟
=لما تيجي هفهمك..
_مش هينفع آجي دلوقتي..
=ليه إنت تعبان؟
_لأ أنا فى الطريق مسافر لأسيوط..
=وده ليه إن شاء الله؟
_خلي بالك من الدليل وأنا هرجع بكرة من هناك ولما أرجع هفهمك كل حاجة..
=بس أنا عايز أفهم دلوقتي..
_زين أنا مش فايقلك سلام..
=آلو..آلو..ي أبن الجزمة..ماشي ي أدهم لما أشوفك..
ي ترى ناوي على إيه ي أبن ريم؟
________________________
•تابع الفصل التالي "رواية كيف لا اعشقك وانت عمري" اضغط على اسم الرواية