رواية بطة الاسر (كاملة جميع الفصول) حصريا عبر دليل الروايات بقلم تبارك عابد
رواية بطة الاسر الفصل الثامن 8
سهيله: عجبك فيها ايه لا شكل ولا استايل ..تعاالو يا شباب اتفرجو اسر المرشدي تبقي دي اخرته..بجد انا مصدومه هههههههه
نزلت دموعها وكانت سترقض للخارج ولكنه امسك بيدها بقوه
اسر بهدوء: ردي عليها.. خدي حقك.
بطه وهي تبكي وتحاول ان تذهب: سبني بقولك سبني
اسر بعصبيه: بقولك رديي عليها سمعتي قولت اييه
نظرت اليه بدموع بينما هو بإصرار وثقه وترك يدها
اقتربت بطه من تلك الفتاه ثم نزلت بصفعه مداويه علي خدها: اللي مش عجباكي دي انضف من ميت وحده من عينتك.. وانا وزني مش عاملي مشكله ولا هنزل راسي تاني واعيط عشان شويه بهايم بتفكير معقد وعنصري واحده زيك غبيه اهم حاجه عندها المظهر وبس...لا ليها اصل ولا معني بتهين في اللي قدمها بس عشان تعمل شو وتبقي البنت الروشه الواو....انتي ملكيش اي قيمه بنسبالي ولا اي كلمه قولتيها انا اللي كنت هبله لما فكرت امشي واسيب حقي الزمن ده مينفعش فيه الاحترام معا اللي زيك
بينما اقترب اسر من بطه ووضع يده علي وسطها وجذبها اليه
اسر: لولا انك بنت كنت عرفتك ازاي تتكلمي كده عن حرم اسر المرشدي...بس حظك بقي نقول ايه بس اعملي حسابك ان المره الجايه دا لو فيها مره تانيه اني مش هعمل حساب انك بنت
ثم نظر الي بطه ببتسامه: مش يلا بقي كفايه كده تمارين انهارده
بطه بشكر: تمم يلا...
دلف الي الخارج وهو ممسك بيدها وهي تنظر اليه بإمتنان وعشق
..........................
وقفت السياره امام منزلها نظرت اليه
بطه بإمتنان: شكرا لانك وقفت جمبي.. وخليت ثقتي بنفسي تزيد
اسر ببتسامه: متقوليش شكرا تاني مفيش بين الراجل ومراته شكر... وبعدين انا عاوزك من النهارده مفيش كلمه تاثر فيكي عاوزك قويه واللي يغلط فيكي متسبيهوش وتمشي قبل ما تديله الطاق طاقين فاهمه
اومت اليه بحب بينما اكمل
اسر: انتي جميله اوي يا بطه وضحكتك حلوه ااا قصدي انك طيبه ومميزه.. يلا بقي ولا هتباتي في العربيه
بطه: رخمم
اسر بضحك: هههههه عارف يلا ياابت احنا هنلم
بطه: ممكن اك
اسر: لا يا بطه خليكي معا النظام الغذائي انا بقولك اهو فاهمه
بطه: اففففففف
اسر: يلا يا بت انجزي هموت وانام
بطه بخجل: تصبح علي خير....
اسر ببتسامه: وانتي من اهل
بطه: هااا
اسر بخبث: اهل الخير
دلفت الي خارج السياره تتنهد بضيق بطه في سرها: اشمعني بتشتغل في الرويات ويقوم البطل رازع البطله وانتي من اهلي.. اشمعنا مش شغاله معايااا.. علي راي المثل قليل البخت يلاقي العضم في العيش
........................
في اليوم التالي صباحآ
اقتربت بطه من ولدها وجلست بجانبه
محمد ببتسامه: صباح الخير يا حبيبتي جيت امبارح لقيتك نايمه مردتش اصحيكي اخبارك فيه في المذاكره والتمارين
بطه بسعاده: كويسه اوي يبابا... امبارح حصل موقف عاوزه احكيه لحضرتك
محمد: اي حصل
قصت عليه بطه ما حدث في صاله التمارين
محمد: انا فخور بيكي انك فهمتي اخيرا ان المشكله مش فيكي المشكله فيهم هما اللي مش بيفهمو وتفكيرهم معقد.. مكنتش متخيل ان استاذ اسر من يومين يعمل كل ده.. وانا اللي بحاول من سنين فشلت
بطه وهي تقبل يد ولدها : متقولش كده يا بابا.. انت عمرك ما فشلت بالعكس انت بنيت اسره نجحه ومتعاونه.. وانا واخويا متفوقين درسيآ والكل بيشهد بي اخلاقنا وكله بس عشان احنا ولادك انت شرف ليا انا وعلي انت بالنسبه لينا البطل الخارق اللي بيحميني ديما حتي لما كبرنا ربنا يديمك لينا انت وماما يارب
ناديه: يارب يا حبيبتي واشوفك متهنيه في بيت العدل ان شاء الله
عند هذه الكلمه تخيلت بطه انها تسكن هي واسر في منزل وحدهم وهو يصارحها بعشقه لها ولكنها فاقت علي صوت هاتفها
بطه: الو
اسر: انا تحت يلا عشان اوصلك الجامعه
بطه: حاضر
ناديه: مين يابطه
بطه ببتسامه: دا اسر يا ماما تحت عشان يوصلني الجامعه
ناديه: امم ماشي يا ستي ابقي سلميلي عليه... ايه رايك يامحمد لما نعزمه علي الغداء النهارده
محمد: مفيش مشكله هكلمه اعزمه
........................
دلفت الي السياره ببتسامه: صباح الخير.
اسر: صباح النور... عامله ايه
بطه بتوتر : الحمد لله..
اسر: اممم.. خايفه من ايه بقي
بطه بإستغراب: عرفت ازاي
اسر بسخريه : انتي كتاب مفتوح يا بطه بيبان عليكي يا حبيبتي
بالرغم من ان نبرته كاتت تحمل السخريه الا انها تمنت ان يناديها حبيبتي حقا كما هي جميله وهي تسمعها منه احست وكأن كهرباء تسير بكامل جسدها
اسر: ياابنتي بكلمك بقالي ساعه ايه سرحانه في ايه ثم وجه نظره لها راها تنظر اليه بشرود اشار امام عينيها بيده
بطه بإرتباك بعدم نظرت امامها : هاا بتقول ايه
اسر: بقول صباح الخير
بطه: لا والله... قول بقي كنت بتقول ايه
اسر: لما اعرف الاول كنتي سرحانه في ايه. لظرجه دي انا حلو
بطه بخجل: لا.. قصدي حلو لا. اه قصدي لا يعني اففف.. بص انا مكنتش سرحانه فيك.
اسر بضحك: ماشي ماشي اهربي بس مسيرك تقعي تحت ايدي.. المهم خايفه من ايه
بطه: يعني احنا هندخل الجامعه سوا والناس وزميلي هيقولو عليا ايه
امسك اسر بيدها: يقولو اللي عاوزينه الكلام لا بياكل ولا بيشرب.. كل واحد يقول اللي عاوزه المهم انتي لا بتعملي حاجه عيب ولا حرام وايكي يابطه اشوفك بتعيطي تاني وقتها هقوم رزعك قلم خماسي الابعاد فاهمه...
نظرت بطه الي يده التي تحتضن يدها وسارت كهرباء بسائر جسدها
بطه بخجل : فاهمه.. ب بس ايدي
اسر بضحك وهو يترك يدها: مالك قلبتي طماطم كده كل ده عشان مسكت ايدك ثم اكنل بخبث امال لو بوس
بطه بخجل وهي تضع يدها علي وجهها تخفيه: باااااااااس. اسكت اسكت
اكمل اسر الطريق وهو يضحك حقآ هي مختلفه لم يندم علي مساعدته لها ابدا... ف بطه تستحق الكثير والكثير
..............................
انتهي اليوم سريعآ وها قد دلف الي خارج السياره ف محمد قد هاتفه وطلب منه القدم الي الغداء
دلفا سويا الي الشقه قابلهم علي بسرعه
علي: اخيرا جيتي لدي قنااابل
بطه: احكي احكي حصل ايه في غيابي
علي: عمك اتصل وطلب من بابا اننا نسافر عشان جدك تعبان.. وعاوز يشوفنا
بطه: بجد.. طيب وهنسافر امتي يا حبيبي يا جدو
ناديه: اهلا يا اسر يا ابني نورتنا والله
اسر: بنورك يا امي...
بطه: جدو مالو يا ماما
نظرت ناديه الي علي بضيق: يابني انت مبيتبلش في بوقك فوله حرام عليك زهقتني...
علي: الاه مش اختي حبيبتي ولازم تعرف اللي بيحصل في البيت من وراها
بطه: هاا يماما جدو مالو... وهنسافر امتي
ناديه: عمك بيقول انه تعبان وعاوز يشوفنا واحنا هنسافر علي بكره بالليل علي ما ابوكي ياخد اجازه من الشغل بكره
اسر: ان شاء الله خير وربنا يقومه بسلامه
كلهم في صوت واحد: يارب
.................................................
اتي محمد ووضعو الغداء وبعد انتهاء الغداء جلس كل من اسر ومحمد في البلكونه
محمد: بطه حكتلي اللي حصل في صاله التمارين. مش عارف اشكرك ازاي يا ابني
اسر: متقولش كده يا عمي..
رن هاتف محمد
محمد: الو.. ايوا.. لاحول ولا قوه الا بالله... الحمد لله انك كويس يلا ربنا يعوضك ان شاء الله.. في رعايه الله.... في رعايه الله
ثم اغلق الهاتف
اسر: خير ان شاء الله
محمد: السواق اللي كان هيوصلنا البلد عمل حادثه والعربيه اتخبطت منه ومش هيقدر يشتغل بيها قال هيوديها الصيانه
اسر: طب هتسافرو ازاي
محمد: هنروح بالقطر ان شاء الله
اسر: طب قطر ليه ما انا عربيتي موجوده
محمد: كتر خيرك يا ابني مش عاوزين نتعبك وبعدين المشوار طويل والقطر موجود..
اسر: والله ما يحصل انا خلاص حلفت.. ان شاء الله هاخد. بكره اجازه ليا انا كمان من الجامعه واجي عشان واصلكم
محمد: اصل يا بني بصراحه انا مش معرف حد بموضوع مشروعك ومساعدتك لي فاطمه.. انا قايل انك دكتورها ومعجب بيها واتقدمت واحنا وافقنا
اسر: وانا مفيش مشكله عندي.. ولسه عند كلمتي هنتحرك بكره الساعه كام
محمد: مصمم يعني
اسر ببتسامه: هاا الساعه كام
محمد: بإذن الله الساعه 6 بعد المغرب
اسر: بإذن الله..هستاذن انا عشان ورايا شغل مهم الحق اخلصه
محمد: ماشي ياابني
بطه: اي دا انت ماشي دا انا عملت عصير
اسر: مره تانيه بقي
بطه: انت عارف السكر بكام انهارده... تعرف الكوبايه الواحد اخدت كام معلقه سكر...يابني دا احنا بنطلعه في المناسبات بس...
اسر بضحك: يخربيتك فصلتيني حاضر هشرب العصير.. ثم تناول منها الكوب في اثناء ذلك تلامست ايديهم نظر اسر الي بطه نظره مطوله وهي ايضا تاهت في عيناه الي ان حمحم محمد
انتبه اسر وتناول الكوب وارتشف منه
اسر: تسلم ايدك يا بطه... العصير جميل
بطه بخجل: بالف هنا
وضع اسر الكوب ثم ودعهم وذهب
...................
بينما في مكان اخر....
_شكلك مش شايف شغلك كويس لاني مش شايف اي جديد
-قولتلك اديني وقت الموضوع مش بسهوله دي
_انت حر بس الورق قصاد روحها.. فاهمني طبعا
......... انتهي البارت يا حلوين يارب يعجبكم هتابع الكومنتات لانها بتشجعني اكمل. ♥
•تابع الفصل التالي "رواية بطة الاسر" اضغط على اسم الرواية