رواية وقعت اسيرة الشيطان كاملة بقلم لؤلؤة محمد عبر مدونة دليل الروايات
رواية وقعت اسيرة الشيطان الفصل الثامن 8
كانت سماح في العربيه مع عمران مش عارفه موديها فين أصلا
وقفت العربيه قدام عماره نزل عمران وسماح عمران اداها مفتاح
عمران / الدور ال15 هتطلعي بالأسانسير وده المفتاح أي حركه غلط أختك التمن
سماح وهي بتاخد المفتاح / أنا مبتهددش أنا اللي جابني فضولي يا كلب سيدك
بصلها عمران بضيق من طولة لسانها ولكن كبر دماغه منها
دخلت سماح العماره وبصت للأسانسير ومسكت فونها ورنت على حد / اعمل اللي اتفقنا عليه
قفلت سماح الخط وركبت الأسانسير وصلت الدور ال15 وراحت عند الشقه وفتحت ودخلت وقفلت الباب وراها وفضلت تلف بعيونها في المكان شقه شيك راقيه ألوانها هاديه وشكلها حلو
مالك / أول مره تشوفي حاجه نضيفه
سماح بسخريه / لا وانت الصادق أول مره أشوف الزباله ليها مكان تاني غير المقلب
مالك بغضب / اتكلمي عدل يابت انتي ولمي لسانك
سماح بصتله بسخريه وبعدين بدأت تبص حواليها وبدأت ترمي كل حاجه في الأرض وتكسر كل اللي أيدها تطوله ومالك واقف باصصلها بصدمه مش فاهم هي بتعمل كده ليه
وقفت سماح تبص برضا عن الشكل اللي الشقه أصبحت بيه
مالك كان لسه هيتكلم قاطعه خبط على الباب بطريقه فظيعه راح فتح بسرعه وبص بصدمه للي على الباب
مالك / فيه حاجه يا حضرة الظابط
الظابط / مطلوب القبض على حضرتك بتهمة اختطاف أنثى
مالك برفعة حاجب / أفندم أنثى ايه اللي أنا خاطفها أنا مالك الأنصاري انت اتجننت
الظابط / لو سمحت يا مالك بيه بهدوء ومن غير شوشره حضرتك متهم بخطف الأنسه سماح راضي الأنصاري بنت عم حضرتك وكمان مكتوب بلاغ إنك بتطاردها بقالك فتره وبتئذيها فلو سمحت اتفضل معانا بهدوء
مالك كان لسه هيتكلم
طلعت سماح بسرعه وهي بتصوت وهدومها متقطعه / الحقوني يا حكومه الحقوني ياناس خطفني وعاوز يقتلني هي مش الحكومه في خدمة الشعب برضه والا أنا بيتهيألي
الظابط بهمس جنب ودن سماح / لأ الشرطه في خدمة نفسها في المواقف دي شكله هيفترسنا
سماح بهمس / هو هيهوشك والا ايه يلا انشف كده وخده كلابوش
الظابط بحمحمه / لو سمحت يا مالك بيه اتفضل معانا
مالك / اتفضل
لبس مالك نضارته الشمس وشد سماح من ايدها وراه وماسابلهاش فرصه تتكلم وصلوا قسم الشرطه وقعد مالك وهو حاطط رجل على رجل وسماح قاعده على الكرسي المقابل ليه
الظابط / أقوالك ايه في اتهامك بخطف الأنسه سماح راضي الأنصاري
مالك ببرود / ولا أي حاجه هو فيه واحد بيخطف مراته
سماح برقت وفتحت بؤها بصدمه / هااا
الظابط / مراتك ازاي
مالك / أنا طلبتها من جدي وكتبنا الكتاب امبارح وكان جدي وكليها
سماح بصدمه / انت بتقول ايه يا جدع انت
مالك بهمس / اخرسي بدل ما أقص لسانك اللي فرحانه بيه ده
الظابط / احنا أسفين لسوء التفاهم ده يا مالك باشا
مالك وهو بيقوم/ مش مشكله وشد سماح وخرج بسرعه
أما الظابط مسك فونه ورن على حد / مش تقولي انه اتجوزها
مجهول / ايه انت بتقول ايه اتجوزها ازاي
الظابط / بيقول جده كتب كتابهم امبارح
مجهول / طب اقفل وأنا هتصرف يا محسن
محسن الظابط / ماشي
____________________________
عند مالك شد سماح وراح باتجاه العربيه
عمران / فيه حاجه يا باشا
مالك بغضب / اركب يا عمران خلينا نغور من هنا
ركب سماح من الباب ولسه هيركب كانت فتحت الباب التاني ونزلت بسرعه وجريت جري مالك وراها مالحقهاش
مالك بغضب / يابنت ال…….
أما سماح فضلت تجري جامد في الشوارع لحد ما وصلت مكان معين وكان بيت خبطت وهي مش قادره تاخد نفسها من الجري الباب اتفتح
سماح / جليله جاتلك يا خالتي
جميله / أيوه جوه أهيه تعالي احكيلنا عملتي ايه
سماح / هحكيلكم وأنا باكل
جليله / ثواني ويكون الأكل جاهز
_____________________________
كانت ياسمين خارجه من كليتها كلية هندسه وواقفه مستنيه هاني هيجي ياخدها وفجأه عدى موتيسيكل عليه شابين واحد منهم شد شنطتها فضلت تصوت وتعيط
هاني وكان وصل / ياسمين خلاص أهم حاجه انك بخير تعالي نعمل محضر ونروح
وأخدها وراحوا القسم هاني / لو سمحت مكتب محسن باشا فين
* الدور الثالث رابع مكتب على ايدك الشمال
طلعوا الإتنين وكانت ياسمين منهاره
هاني خبط وفتح الباب / محسن باشا اللي ناسينا
محسن وهو بيقوم من مكانه / هاني الأنصاري مره واحده ليك واحشه يا صاحبي
هاني / والله انت أكتر بقولك عاوزين نعمل محضر بسرقة شنطة أنسه ياسمين ومستلزماتها الشخصيه
محسن بص لياسمين اللي كان حتى عياطها بطريقه رقيقه خطفت قلبه / احنا تحت أمرك انت والأنسه ياعم هاني الشنطه كان فيها البطاقه الشخصيه بتاعتك يا أنسه
ياسمين بدموع / لأ بطاقتي في جراب الفون
محسن / والفون كان في الشنطه
ياسمين / لأ الفون في ايدي أهو
محسن / طب الشنطه كان فيها فلوس دهب ايه مستلزماتك الشخصيه اللي كانت في الشنطه
ياسمين وهي بتنهار في العياط / كان فيها الشوكلت بتاعتي والإندومي
محسن وهاني بصولها بصدمه
هاني / كان فيها ايه ياروح أمك
ياسمين / الشوكلت والإندومي
محسن / طب فلوسك فين
ياسمين / في جراب الفون
محسن / لأ انتوا كده جايين تهزروا للأسف يا أنسه هنضطر نحجزك بتهمة ازعاج سُلطات
ياسمين بخوف وقفت ورا ضهر هاني
هاني بضحك / بس يالا متخوفش أختي عامة حصل خير نبقى نتقابل يوم بقى بره الشغل
محسن بضحك / ماشي ياعم
هاني / يلا مع السلامه
محسن / سلام
هاني / قدامي يا خيبتي
__________________________
رامي كان في الشركه ورفع السماعه / تعالي يا هاله لو سمحتي
هاله / حاضر
خبطت هاله ودخلت / تحت أمرك يا رامي بيه
رامي بضيق / مش قولتلك أكتر من مره متقوليش بيه دي
هاله / احنا هنا شغل يعني حضرتك المدير وأنا السكرتيره أما في البيت اخوات
رامي بضيق / اخوات !؟ انتي ليه مش عاوزه تفهمي اني بحبك يا هاله
هاله بحزن وضيق / لو سمحت يا أستاذ رامي التزم حدود الأدب معايا
رامي وهو بيقوم من مكانه بغضب / لأ أنا عاوز أفهم دلوقتي أنا استنيتك ٤ سنين على أما تخلصي كليتك وكنا بنحب بعض جدا وخلاص كلمت بابا وعمي وطلبت ايدك ليه ترفضيني أنا كل ما افتكر عقلي بيقف انتي كنتي بتتفنني ازاي تقوليلي بحبك بطريقه جديده يومياً فجأه كده بقيت أخوكي فهميني فيه ايه يا هاله
هاله ببرود / فيه اني محبتكش يا رامي فيه اني كنت بضحك عليك عشان أثبت للكل أهو رامي اللي كان مقطع السمكه وديلها أنا وقعته وضحكت عليه شكلك حلو أوي وانت أهبل
حلت الصدمه عليها وعليه كمان لما ضر’بها بالقلم جامد
رامي بقرف واشمئزاز / قد ايه انتي حقيره اطلعي بره يا زباله واياكي تخليني أشوف خلقتك دي تاني
خرجت هاله جري وهي بتعيط ومنهاره روحت وصلت البيت وجريت على أوضتها رمت نفسها على السرير وقعدت تعيط بانهيار وحزن / انت اللي خاين وغشاش حبيتك من كل قلبي وفي الآخر طلعت زباله
_________________________
وصل هاني القصر ونزل وهو هيموت من الضحك على ياسمين اللي متعصبه منه ومن تريقته عليها طول الطريق
هاني وهو بيقلد صوت ياسمين / الشوكلت والإندومي أحرجتيني مع الراجل ياللي تنشكي
ياسمين وخلاص جابت أخرها / والله أضربك يا هاني
هاني بسخريه / يابت ده انتي مبتعرفيش تضربي صرصار يا جبانه
ياسمين / مين قالك كده ده أنا لسه مموته صرصارين امبارح
هاني / طب حلو يعني مش هتخافي من الصرصار اللي على كتفك
اتنفضت ياسمين من مكانها برعب وهي بتصوت
وهاني وقع على الأرض من الضحك أما ياسمين فهمت اللي عمله بصتله بخبث / بقى كده طب قابل بقى اللي هيحصلك من فؤشه
تلقائي عيون هاني راحت على بلكونة أوضة عائشه شافها واقفه عيونها بتطلع نار اتنهد بتعب وربع رجله
قعدت ياسمين جنبه نفس القاعده على الأرض / لما انت بتحبها كده مش بتقولها ليه
هاني / لأنها ولا مره قالتلي انها بتحبني
ياسمين بضيق / عاوزها تقولك بحبك عشان تعمل معاها زي ما ابن عمك عمل معايا
هاني بضيق / أنا مش غبي زي مروان يا ياسمين وبعدين انتي معززتيش نفسك الحب عاوز عزة نفس
ياسمين بتغيير للموضوع / طب ماتطلبها من بابا
هاني / كنت لسه هطلبها بس دخلنا في حوار رجوع مالك وبنات عمك راضي ومبقتش عارف أتكلم
ياسمين وهي بتتحرك من مكانها / يلا ربنا يقدم اللي فيه الخير
__________________________
فادي كان بيتكلم في الفون / انتي وحشتيني أكتر يا حبيبتي ……… صدقيني في أقرب وقت هجيبك عندي وأعرفك على عيلتي وتفضلي جنبي طول العمر …………. ماشي ياروحي خلي بالك من نفسك سلام يا حبيبتي
كانت روضه سمعت كلامه وجريت بسرعه قبل ما يشوفها وعيونها مليانه دموع دخلت الأوضه عند اخواتها لقت عائشه منيمه ياسمين في الأرض بتضرب فيها
عائشه / بقى انتي يا أنثى الكلب عماله تتكلمي مع المز بتاعي وتضحكي كده من غير لا حيا ولا خجل
ياسمين وهي بتعض ايده عائشه / مز ايه ده شبه رجل الكرسي اللي طالع من بيت محروق
عائشه بغضب وضيق / والله ما محروق غيرك يابنت المحروقه
روضه بضحك ودموعها نازله على خدها / والله هم يبكي وهم يضحك
ياسمين بقلق / مالك يا دودو بتعيطي ليه يا حبيبتي
عائشه بقلق / مالك يابت اتكلمي
انهارت روضه في العياط وحكتلهم كل حاجه أخدوها في حضنهم وبقوا يهدوها
____________________________
عند سماح / وطلع جدك الراجل أبو ربع كم ده جوزني لابن عمك اللي شبه تمثال الشيطان اللي بيحرقوه في المسلسلات الهنديه في عيد الألوان ده
خالتهم جميله وجليله ضحكوا جامد على كلام سماح
جميله / طب وهتعملي ايه في موضوع الجواز ده
سماح / طبعاً هستخدمه صح عشان أنفذ الخطه
جليله / قلبي مش مرتاح يا موحه
سماح / سيبيها على الله واجهزي عشان هتبدأي تنفذي الجزء بتاعك من الخطه بكره
جليله / بإذن الله هقوم أنام بقى عشان أصحى بدري
سماح وجميله / واحنا كمان
واليوم خلص وبانتظار يوم جديد بأحداث جديده
- يتبع الفصل التالي اضغط على ( رواية وقعت اسيرة الشيطان ) اسم الرواية