كيف لا اعشقك وانت عمري (كاملة جميع الفصول) حصريا عبر دليل الروايات بقلم موني محمد
رواية كيف لا اعشقك وانت عمري الفصل التاسع 9
9
*بعد فترة..
_آلو ي ريم..أدهم وصل ولا لسه؟
=ردت بإستغراب:وصل فين؟هو جاي؟
_آه كلمته من شوية وقالي إنه جاي عندكم وكان تقريبا فاضل له ساعتين والساعتين عدوا من بدري
=ردت بقلق:بس هو لسه ما وصلش ي زين..
_إزاي ي ريم..طب أقفلي دلوقتي وأنا هتصرف..
=هتعمل إيه؟
_هتصرف ي ريم..أقفلي دلوقتي..
________________________
_صباح الخير ي ماما..
=صباح الخير ي حبيبي..لابس ورايح فين كدة؟
_رايح الشغل ي ماما..
=بدري كدة ي حبيبي؟
_آه ما هو هروح بدري علشان أخلص اللي ورايا بسرعة وأروح أقابل صاحبي..
=صاحبك مين؟
_من أمتي وحضرتك بتسأليني على أسماء صحابي؟
=علشان كل مرة بتقولي إنك رايح عند صاحبك فلان يعني بتعرفني أسمه إنما المرة ديه قولت صاحبك وخلاص..
_رد بكذب:رايح أقابل أحمد ي ماما..
=طب أكذب فى أي أسم تاني مش يوم ما تكذب تكذب بأسم أحمد وأحمد أصلا سافر إمبارح..مخبي عليا إيه ي أمجد؟
_لأ مرات ظابط فعلا ي نهى هانم..ماشي ي ستي هحكيلك
*قص عليها ما حدث..
_ي نهار أبيض كل ده حصل؟ي عيني عليك ي أدهم..
صحيح أوحش حاجة إن الإنسان تخونه صحته..ربنا يشفيه ويعافيه بس أقولك حاجة..ريواء هي اللي هترجع أدهم القديم..
=ما أنا قولت لزين كدة بس تفتكري مرات عمو مراد هتوافق على كدة؟حضرتك عارفاها وعارفة طبعها بالرغم من حنيتها إلا إن اللي يقرب من عيالها تآكله بسنانها وبالتالي وجود ريواء معاهم فى بيت واحد هيبقي خطر عليها..
_ووجودها هنا معانا هيبقي برضوا خطر عليها وخصوصا لما عادل يعرف باللي هيحصل...
=يعني هنرميها فى الشارع وهي ملهاش حد غيرنا؟
_ردت بإبتسامة:أدهم مش هسيبها..
=مش لما يفتكرها أصلا ي ماما..
_ردت بنفس الإبتسامة:هيفتكرها وهيخاف عليها أكتر مننا ومش هيسمح للي حصل زمان إنه يتكرر تاني..
=إنما أمرك عجيب ي ماما يعني إحنا في مصيبة وحضرتك بتبتسمي؟بس أقولك حاجة الإبتسامة ديه بتفرح قلبي مفيش مرة شوفتها إلا واللي قولتيه بيحصل فعلا كأنها إشارة..
_ردت بفخر:علشان تعرف بس إن أمك مش أي حد ي واد..
=أنا مش عارف إيه اللي حببها فيه ديه كانت بتقعد معايا أكتر منه..
_بس أول واحد شالها كان هو..كان دايما وآخدها فى حضنه ومكانش بيسيبها لحظة كأن اللي أمها كانت بتعمله معاه بيترد فى بنتها..وبعدين إنت لما كان حد يدايقها كنت تزعق لها هي على أساس إنها الغلطانة إنما هو كان بيجيب لها حقها بس فى الآخر كانت بتحبكم إنتم الإتنين بس إنت حب أخوي وهو عشق.. المهم يلا روح شغلك وخلي بالك من نفسك ي حبيبي وطمني عليك..
=حاضر ي قلبي..
_____________________
_آلو ي ريم التتبع بتاع الموبايل بتاعه بيقول إنه عندكم فى البيت..
=مفيش حد فى البيت أنا دورت عليه فى كل الأوض لكن مكانش حد موجود..
_دورتي فى أوضة الجنينة؟
=لأ طب أقفل دلوقتي وأنا هروح أشوفه فيها ولا لأ..
_لأ خليني معاكي على الموبايل..
=طيب..ثواني..
*نزلت بسرعة وخرجت من البيت وكانت فى إتجاهها للأوضة اللي فى الجنينة بس شافت القفل بتاع أوضة
المخزن مكسور..
_هاه ي ريم لاقتيه؟
=قفل المخزن مكسور ي زين..
_هو ده وقته ي ريم..شوفي الواد الأول وبعدين أعرفي مين اللي كسر القفل..
=عندك حق..
*راحت الأوضة وبرضوا مكانش فيها حد..
_مش موجود فيها برضوا..
=ريم هو القفل مكسور إزاي؟
_مضروب فيه رصاص...
=إتكلم بقلق:طب شوفيه كدة جوا..
_وهو إيه اللي هيدخله المخزن أصلا وهو ما يعرفش إن عندنا مخزن فى البيت..
=لأ عرف من سليم بالصدفة..أدخلي شوفيه جوا ولا لأ
_طب حاضر..زين الباب مقفول من جوا..
=يعني إيه ي ريم؟
_بقولك الباب مقفول من جوا إيه اللي محتاج يتشرح فيها ديه؟
=طب بصي أنا هرن على موبايله وشوفي هتسمعي صوته من جوا المخزن ولا لأ..
_ماشي..
=هاه ي ريم سامعة حاجة؟
_لأ مش سامعة حاجة خالص..
=طب بقولك أبعتي البواب حالا وخليه يروح يجيب حد يفتح الباب وخلي بالك مش عايز حد يحس بحاجة وأنا هتحرك دلوقتي أنا وسليم وهنيجي عندكم..
_طيب..
*فعلا بعتت البواب وجاب حد فتح الباب وللأسف كانت صدمة عمرها لما دخلت الأوضة وشافت أدهم واقع على الأرض فاقد وعيه وواخد العروسة فى حضنه وطبعا نسيت كلام زين وفضلت تصوت والبيت كله إتجمع على صوتها بس الحمد لله مراد مكانش موجود..المهم البواب نقله لأوضته وده طبعا كان بصعوبة بسبب جسمه اللي كان ضخم شوية بحكم شغله وبعدين إتصلوا بالدكتور النفسي اللي بيتابع حالته..
_خير ي دكتور؟
=هو أفتكر حاجة؟
_مش عارفة ي دكتور بس هو دخل المخزن اللي فيه كل الذكريات القديمة ولما دخلت لاقيته حاضن العروسة اللي ليها علاقة بالبنت اللي كانت حياته كلها معاها علشان كدة كلمتك..
=يبقى أكيد أفتكر حاجة من اللي فاتت..بصي هو حاليا عنده صدمة عصبية وأنا إديته مهدئ وبكرة هاجي أطمن على حالته..
_تمام ي دكتور..
____________________
_آلو..إيه ي زوز كيفك..
=أمجد انا مسافر أنا وسليم أسيوط لأن أدهم تعبان
_إنت بتقول إيه؟
=زي ما سمعت كدة...فتح المخزن اللي فيه كل الذكريات القديمة وتقريبا عرف حاجة..
_لا حول ولا قوة الا بالله..طب خلاص أنا هحصلكم...
=ما ينفعش تظهر دلوقتي ي أمجد لأن حالة أدهم صعبة والبيت كله والع هناك..
_طب آجي البيت ومش لازم تقولوا إني أمجد وقولوا إني حد صاحبكم..
=مش هينفع ي أمجد مش من عادتنا إننا ندخل حد البيت من صحابنا علشان فى بنات فى البيت فخليك ي حبيبي وأنا هبقي أطمنك عليه..
_ما ينفعش لازم أطمن عليه بنفسي..
=أمجد ما تتعبنيش معاك بالله عليك أنا مش ناقص..
أسمع الكلام وأنا هطمنك..
_رد مستسلما:ماشي بس طمني عليه ما تنساش..
=حاضر..
_____________________
*فى المستشفى..
_مالك ماسكة قلبك كدة ليه إنتي تعبانة؟أندهلك الدكتور؟
=لأ مش تعبانة أنا قلبي واجعني شوية كدة..
_إتكلمت بإستغراب:إزاي مش تعبانة وإزاي قلبك واجعك؟
=ردت بإبتسامة خفيفة:زمان من حوالي 17 سنة كان عندي حبيب...ما أعرفش إزاي بنت فى سني تحب..بس كل اللي أعرفه إن البنت اللي كان عندها 6 سنين كانت عاشقة مش بس بتحب..مكونتش بحب حد زيه كنت دايما معاه زي ضله...كان يلعب معايا ويفسحني ويصالحني حتى لو غلطانة..ما شوفتش الحنية فى حياتى غير من 4 أشخاص وهو كان واحد منهم أو أولهم علشان أكون دقيقة..حضنه اللي كنت بستخبي فيه كان حنين أوي وكان دايما دافي وفجأة أفترقنا غصب عننا إحنا الإتنين..
_مكملة بحزن:حتى الإتصال بينا كان ممنوع وده كان بأمر من والدته لأنها بلغتني إنه عمل حادثة كبيرة بعد ما سافرت وسيبته وبسببها فقد الذاكرة والدكتور منعهم إنهم يجيبوا حتى سيرتي قدامه لأن أنا ذكرى مؤلمة فى حياته..تخيلي طفلة فى سني تسمع الكلام ده وتبقى حاسة بالكره من أكتر ناس المفروض إنهم بيحبوها بس أنا جيت على نفسي وأحترمت رأيها ما هي أم وخايفة على إبنها بس أنا كمان حبيبة وخايفة عليه ومش هتمني ليه الشر بس قولت لازم أسمع الكلام وأقول حاضر..ومن وقتها كل ما قلبي يوجعني بالشكل ده أعرف من ماما إنه تعبان أو مش بخير..قلبي بيوجعني وجع مش طبيعي كأن فى حد ماسك سكينة وبيغرزها فيه بس مكانش فى إيدي حاجة أعملها علشان أداوي بيها تعبه..تفتكري ممكن تحصل صدفة وأشوفه تاني؟
=الممرضة مبتسمة:هتشوفيه وكل واحد فيكم هيعوض التاني
_ياااارب أشوفه...وحشني أوووي..آآآآه..أسكت بقي كفاية وجع..كفاااااية..
=تحبي أندهلك الدكتور؟
_مش هيعملي حاجة...آآآآآآه مش قادرة..
______________________
_صباح الخير ي دومة..
=صباح القشطة والعسل ي قلب دومة..
_ردت بطفولة:أنا قلبك؟
=إنتي قلبي وروحي وحبيبتي وصديقتي..
_ردت بفرحة:الله يعني أنا كل دول؟يعني إنت بتحبني
=رد بحب:أنا مش بحب حد فى الدنيا زيك ي ريري..
_وأنا كمان بحبك أوي أوي ي دومتي ي جميل..
=هههههههههه على آخر الزمن أبقى نوع جبنة وأسمي دومتي؟
_إتكلمت بزعل:إنت زعلت من الأسم ده؟
=رد بزعل مصطنع:بصراحة آه أنا راجل وما ينفعش يبقي دلعي مايص كدة..قوليلي حاجة تانية..
_أممممممم..لاقيتها إنت سوبر مان..
=إشمعنا سوبر مان؟
_علشان هو hero وبيساعد الناس وبينقذهم ومش بيخلي حد يأذيهم أو يزعلهم زي ما إنت بتعمل معايا
إنت بتدافع عني ومش بتخلي بابي يزعقلي أو يضربني وكمان بتحبني فأنا من النهاردة هسميك سوبر مان إنت وأمجد علشان أنا بحبكم إنتم الإتنين...
*مسكها من إيدها وقربها ناحيته وإتكلم بحدة وهي كانت مغمضة عينها وكانت بتعيط بصمت من خوفها ووجع إيدها
_إنتي بتحبيني أنا وبس والكلمة ديه مش هتتقال لحد غيري..
=خلاص ي بابي مش هعمل كدة تاني بس ما تضربنيش..وسيب إيدي علشان وجعتني..
_إتكلم بهدوء:أستغفر الله العظيم..أفتحي عينك..
=تؤتؤ..
_ريري أفتحي عينك بقولك..
=فتحت عينها اللي لونهم أشبه بلون الرماد وقالت:
نعم..
_لو أنا روحت حبيت حد تاني غيرك ولعبت معاه هتعملي إيه؟
=هزعل منك خالص ومش هكلمك طول عمري..
_وأنا كمان لو لاقيتك بتحبي حد غيري هزعل منك ومش هكلمك طول عمري..
=أنا آسفة مش هحب غيرك ومش هقول سوبر مان لحد تاني غيرك..وعد..
_وأنا كمان آسف علشان زعقتلك ووجعتك..ومش هزعقلك تاني وده وعد..ممكن توعديني بحاجة تانية
=أوعدك بإيه؟
_ممكن العيون الحلوة ديه ما تعيطش تاني؟
=أنا عيط علشان إنت زعقتلي ومسكتني من إيدي جامد وهي وجعتني..
_وأنا وعدتك إني مش هزعقلك تاني..
=وأنا أوعدك إن عينيا الحولين دول مش هيعيطوا تاني..
_هههههههههه لأ هما مش حولين هما جمال أوي..
=دومة ممكن نبقى أنا وأمجد friends بس علشان خاطري؟
_موافق علشان خاطرك...
*ريواء حضنته جامد وهي فرحانة..
_بس friends بس أوعي تحضنيه كدة..
=حاضر...أنا همشي بقي علشان عندي النهاردة تمرين فى المايه..
_رد بإستغراب:تمرين فى المايه؟إيه التمرين الجديد ده؟
=مامي قالتلي إحنا هنروح ال pool علشان هنزل أضرب المايه..
_هههههههههه يخربيت كلامك الضايع ده أولا إسمها تتدربي مش تضربي ثانيا إسمه تمرين سباحة مش تمرين فى المايه..
=أيوة أيوة أفتكرت أبقى ركز بعد كدة بقي..
_أنا برضوا اللي أركز؟بس عارفة أنا بحبك بالخلطبيطة اللي إنتي فيها ديه..ي ريت تفضلي بريئة كدة وما تغيركيش الأيام..
=أوعدك هفضل بريئة ومش هتغير أبدا أبدا..تيجي تتفرج عليا وأنا بعوم زي ال fish..
_هتعومي زي الfish مرة واحدة وماله ي قلبي..
خليكي هنا وأنا هطلع أغير هدومي ومش هتأخر عليكي..
=دومة ألبس التيشيرت الأبيض اللي عليه star علشان تبقى لابس زيي..
_وأنا موافق بس بشرط عقبال ما أنزل تكوني سيبتي شعرك زي ما بتعمليه لأن ديل الحصان ده مش حلو إنتي شعرك كيرلي وأنا بحبه مفرود..
=حاضر من عيوني ي دومة..
_تسلملي عيونك ي قمري...
___________________________
_أدهم بحزن:حياتنا كانت جميلة أوي وهي كانت قمر.. ياريت ترجعيلي تاني علشان النار اللي فى قلبي ديه تهدي...ي ترى شكلك بقي عامل إزاي دلوقتي؟أكيد أحلويتي بزيادة...
_____________________
_الحمد لله على سلامتكم ي ولاد..
=هو فين ي ريم؟
_فى أوضته ي زين..أطلعوا شوفوه يمكن يكون صحي
=ماشي..
*طلعوا الأوضة لاقوه صاحي بس سرحان..
_أدهم..أدهم..أدهممممممم..
=هه؟إنتم إيه اللي جابكم هنا؟
_يعني معقولة تكون تعبان ونسيبك ي صاحبي برضوا؟
=ربنا يخليكم ليا..
_إتكلم بمرح:إيه ي باشا مصر مالك؟يعني إنت مش بتيجي البيت ده غير كل سنة مرة ويوم ما تيجي تتعب..
=النصيب بقي..
_المهم إنت عامل إيه دلوقتي؟
=الحمد لله بخير...هو إيه اللي حصل إمبارح لأني مش متذكر أوي..
_حصل.............ممكن أفهم بقي إيه اللي خلاها تضرب فى دماغك إمبارح وتقرر إنك تسافر وتدخل المخزن؟
=سليم بعد إذنك ممكن تسيبنا لوحدنا؟
_آه طبعا عن إذنك..
=إتفضل..
_هاه أديه مشي..ممكن ترد عليا؟
=أنا جيت هنا علشان أجيب دليل براءة ريواء..
_والدليل إيه اللي جابه هنا؟
=لأ أبوس إيدك مش طالبة غباوة..أنا تعبان ومش قادر أتكلم أصلا..
_خلاص هحاول أفهم..
=ي ريت...بص ي سيدي لما كنت فى المستشفى سألت الممرضة والعسكري على أي ميزة ممكن يكونوا لاحظوها فى الشخص اللي بيهدد ريواء فالممرضة قالتلي إنه عنده وشم على شكل صقر ولابس أسورة فضة عليها 3 حروف A M A..
_وطبعا لما لاقيت الأسورة فى إيد سليم والوشم على رقبته شكيت فيه..
=بالظبط بس بعد كدة إستبعدته لأنه شاب واللي راح كان راجل كبير فأنا...
_شكيت فى أبوك لأن الأسورة أصلا بتاعته وكان رافض إن سليم يلبسها...
=عليك نور..
_ده إنت اللي عليك نور..إيه ي جدع الدماغ ديه ده أنا اللي معاك فى القضية من البداية ما ركزتش فى كل ده
=بس أنا ركزت لأني وعدتها إني هثبت برائتها وعلشان كدة قررت آجي المخزن بما إنه يعني فيه ذكريات طفولتنا فقولت يمكن آلاقي حاجة تفيدني زي إني أعرف الأسورة ديه كانت بتاعة بابا ولا بتاعة حد تاني..
_طب لما دخلت جوا لاقيت إيه وإيه اللي وصلك للحالة ديه...
=هقولك..
"فلاش"
*بعد فترة وصل أدهم إلى المنزل ولكنه لم يجد أحد أمامه فى جنينة المنزل فأستغل الفرصة ودخل غرفة المخزن بكل سهولة لأنه قام بكسر القفل بمسدس خاص به ولكنه كاتم للصوت وأحضره معه لهذا السبب فقط ودخل الغرفة وأغلق الباب خلفه من الداخل حتى لا يلاحظ أحد وجوده كما إنه لما يفتح النور وأستعان بكشاف صغير وكأنه يخطط لسرقة المنزل
*بدأ يبحث داخل المخزن فوجد ألعاب خاصة بهم وعروسة صغيرة بشعر أصفر لفتت إنتباهه وظل ينظر لها بشدة فتذكر إنه رأي تلك العروسة مع البنت التي كانت تظهر فى أحلامه فوضعها جانبه حتى يأخذها معه..ووجد ألبوم صور فقام بفتحه ومشاهدة ما بداخله فرأي صور له ولسليم وزين وتقى وعلا ومازن ولبنت وولد آخرين لم يعرفهم لكن لحظة دول نفس البنت والولد اللي بيظهروا فى أحلامه..نفس شعرها الكيرلي القصير ونفس الفستان اللي كانت لابساه فى الحلم بس غريبة إن مفيش صور تجمعه بأخته لوحدهم زي ما فى صور كتير تجمعه مع البنت ديه وكأنها هي اللي أخته مش تقى..كان كل ما يشوف صورة ليهم يبتسم لحد ما ظهر صورة ل 3 أشخاص واقفين جنب بعض وبعد ما شاف الصورة ديه إتصدم وفضل يقلب فى باقي الصور وهو مش مصدق وبعد ما كان فاكر إنه وصل للحقيقة الموضوع إتعقد أكتر وبقي تايه ومش عارف يعمل إيه..
"باااك"
_صور مين اللي إنت شوفتهم؟
=شوفت صورة ل 3 رجالة بس للأسف مكانش باين وشهم خالص لأنهم كانوا مصورين إيدهم ولسوء حظي الثلاثة كانوا لابسين نفس الأسورة بنفس الحروف والصورة التانية كانت ل 3 أشخاص برضوا بابا وأبوك وحد تاني بس مش قادر أفتكره وجنب الشخص اللي مش قادر أفتكره ده قطع لبقية الصورة وده معناه إن كان فى حد 4 بس مش عايزينه يبقى معاهم فى الصورة...وآخر صورة كانت مستخبية ولاقيتها بالصدفة وكانت لشخص راسم وشم صقر فى رقبته ومتصور وهو متخرج من كلية التجارة والأسم اللي كان موجود على الوسام هو عادل عز الدين أيوب اللي هو والد المتهمة ولما شوفت شكله تعبت جامد وجالي صداع شديد وقبضة فى قلبي فرجعت كل حاجة مكانها علشان محدش يعرف إن حد لعب فيهم وعرف حاجة وقررت أخرج لأن الصداع كان فظيع محدش يقدر يتحمله بس فجأة أغمى عليا..المهم فين الدليل اللي كان معاك ي زين؟
_بعته للمعمل الجنائي علشان يتأكد من صحته
=وإنت إزاي تعمل كدة من غير ما تعرفني؟
_حالتك ما تسمحش إنك تشوف اللي فى الفيديو..
=ليه هو فيه إيه؟
_جريمة قتل كاملة..
=بعد إذنك ما تتصرفش من دماغك بعد كدة..
_حاضر..
=يلا بينا..
_على فين؟
=على القسم علشان لازم أكمل اللي بدأته..
_لما تتحسن حالتك أنا بنفسي اللي هآخدك ونروح..
=أنا قولت كلمة ومش هرجع فيها..هرجع القاهرة النهاردة غصب عنك وعن أي حد..
_تمام اللي يريحك..
*بعد محاولات كثيرة وافق الجميع على عودته وبعد مرور 3 أيام ذهب إلى المستشفى...
_أنا عرفت مين اللي ضربك واللي حضرتك بتتستري عليه وخايفة منه..
=ردت بخوف:عرفته؟إزاي؟
_مكانش صعب إني أعرفه ي ريواء..
ري
•تابع الفصل التالي "رواية كيف لا اعشقك وانت عمري" اضغط على اسم الرواية