رواية احببت دكتوري (كاملة جميع الفصول) حصريا عبر دليل الروايات بقلم حبيبه سيد
رواية احببت دكتوري الفصل الحادي عشر 11
يلا افكركم بالجزء الي فات ونبدأ مع بعض الجزء الجديد ونشوف الاحداث الجديدة الي بتمني تعجبكم بجد 💕
ركزوا بقا كدا وخليكوا صاحيين من اولها يلا بينا
رحمه : مش هينفع افضل هنا برضو انت ناسي اني ......
بدر : متكمليش بصي انا عارف الناس هتقول اي علي الوضع بس عشان تبقي براحتك وعشان ريم انا هتجوزك
رحمه : نعم انت بتقول اي
بدر : جواز علي الورق بس يا رحمه عشان ريم
رحمه : ايوا بس
بدر : عشان محدش يقول عليكى كلمة وكمان ريم تبقي معاها لاني مش ببقي دايما معاها بحكم شغلي زي مانتي عارفه بعد كلام كتير من بدري بيقدر يقنعها وبتوافق عشان ريم وفعلا بيتجوزوا
بيعدي كذا يوم بدر بيكون علطول ف الشغل وبيرحع يقعد مع ريم شويه وينام ويصحي يكمل شغل ورحمه الي مع ريم علطول قاعده معاها
ريم بتكون قاعده مع رحمه بتتفرج علي فيلم وريم بتنام وشويه وبدر بيدخل الشقه بيشوف رحمه قاعدة بتتفرج وريم حاطه راسها علي رجل رحمه ونايمه
بدر : هي نامت امتا
رحمه : من شويه
بدر : بيقرب وبيشيل ريم يدخلها اوضتها وبيخرج تاني
رحمه : انا ....احم انا كنت
بدر : عايزه ايه اتكلمى
رحمه : بصراحه كدا كنت عايزه انزل شغلي بقا
بدر : تقدري تنزلي من بكرا
رحمه : تمام
تاني يوم
ريم : صباح الخير يا بابا
بدر : صباح العسل يا قلب بابا
رحمه : بتخرج من المطبخ
ريم : صباح الخير يا رحومتي
رحمه : صباح الجمال
بيقعدوا علي الترابيزا
ريم : ايوا بقا ما شوفناش الدلع والكلام دا من زمان
رحمه : اي رايك الاكل حلو
ريم : مش انتي الي عملاه لازم يبقي حلو انا عرفت دلوقت اي الي كان مخليني اتعب
رحمه : اي يا ست اللمضة
ريم : أكل بابا
بدر : بقا كدا يعني مجرد ما رحمه تعمل الفطار تقولي علي أكلي وحش وبيبص لي رحمه مشوفتهاش دي وهي بتقولي الله اكلك حلو يا بابا تسلم ايديك
ريم : كنت مضطره عشان الاقي اكل
بدر : يا حلاوة ماشي يا ريم
بيخلصو اكل وبينزلو يركبوا العربيه بدري بيوصل ريم المدرسه وبيوصل رحمه علي الشغل وبيطلع علي الكليه
ف المستشفي
يوسف : أخيرا جيتي
رحمه : انا بقالي سنه ولا اي
يوسف : لاء يا حضرت الممرضه يلا عشان وراكى شغل كتيير والمرضي بتوعك عايزينك وفعلا
رحمه: بتبدأ شغل بتمر علي المرضي وتتابع الحالات وتكتب تقارير بتخلص وبتروح لي يوسف المكتب بتخبط علي الباب
رحمه ممكن ادخل
يوسف : اتفضلي
رحمه : تقارير المرضي يا دكتور يوسف
يوسف : اي النشاط دا كله
رحمه : بنعوض الاجازه بقا
يوسف : طب كويس اوي
رحمه : ف حاجة ولا اي
يوسف : حاجة اي
رحمه : حاسه انك عايز تقول حاجة
يوسف بيقرب منها : بصراحه يا رحمه كنت مفتقدك الفترة الي فاتت كنت علطول معايا وفجأة اختفيتي
رحمه : ف اي يا يوسف
يوسف : مكنتش حاسس ولا عارف ان وجودك بيفرق معايا وف حياتي كدا
رحمه : اي الي بتقولو دا هو ف اي وتقصد اي بالكلام دا
يوسف : أنا معجب بيكى
رحمه : انت بتقول اي يا يوسف
يوسف : بقولك بحبك يا رحمه
رحمه : مينفعش يا يوسف
يوسف : لييه
رحمه : عشان
يوسف : ف حد تاني
رحمه : بعد اذنك انا لازم امشي وبتخرج واول ما تخرج داليا بتدخل
داليا : فاضي يا دكتور
يوسف : اتفضلي
داليا : اي الي شاغلك اوي كدا
يوسف : ف اي يا داليا
داليا : انت الي فيك اي
يوسف : انا تمام عايزه اي
داليا بتقرب منه : عيزاك انت يا يوسف انا
يوسف : سبق وقولتلك مستحيل افكر ف واحده عرضت نفسها عليا
داليا : انا بحبك وبتقرب منه يوسف ادينى فرصه بس
يوسف : داليا ريحي نفسك
داليا بتقرب اكتر : ازاي وانت بعيد عني يوسف انا ...
يوسف بيبعدها عنه : اطلعي برااا
داليا : اسمعني بس
يوسف بعصبيه : قولتلك اطلعي برااا حالا
داليا بتطلع برا ويوسف بيقعد يكمل شغل
بدر بيخلص شغل وبيرجع علي الشقة
ريم : كل دا تأخير
بدر : معلش اصل كان عندي شغل
ريم : طب ما أنا كمان عندي شغل ومش بتاخر اشمعنا انت بتتأخر
بدر : نعم شغل اي دا
ريم : مش الدراسه بتاعتي شغل برضو ولا انا بتهيألي
بدر : خلاص يا ريم ف اي
ريم : ف اننا قاعدين جعانين ومستنين حضرتك يا سي بابا عشان تأكل معانا
بدر : حاضر اتفضلو كلو
بيقعدوا ياكلو وريم بتقعد مع رحمه عشان تزاكر وبدر بيدخل اوضته
ف يوم الساعه 1 بالليل
رحمه بتكون ف اوضتها والفون بتاعها ف الصاله وبدر بيكون قاعد بيخلص شغل وف الوقت دا يوسف بيبعت مسدج علي فون رحمه **بعيدا عن ان اني معجب بشغلك واتعودت علي وجودك معايا ومفتقدك جدا بس حقيقي انا معجب بي شخصيتك وبحبك اوووى مكنتش عارف ان وجودك مهم ف حياتي غير لاما بعدتي ومبقتيش تيجى الشغل زى الاول بجد وجودك فارق اوي **
طبعا الي بيشوف المسدج بدري
تاني يوم
رحمه بتصحى تلبس وتخرج من اوضتها
بدر : صباح الخير
رحمه : صباح النور
بدر : معلش مش هينفع تروحي الشغل النهارده
رحمه : ليه
بدر : ريم عندها امتحان وعايزه حد معاها يذكر لها
رحمه : تمام ماشي
بدر : اسف بس مش بإيدي عندي شغل و....
رحمه : خلاص تقدر تفطر وتروح شغلك وانا معاها
بيقعدوا يفطروا وبدر بينزل علي شغله ورحمه بتقعد تزاكر لي ريم بتفضل معاها طول اليوم وبيحى الليل بينامو
تاني يوم الصبح
بدر بيدخل لي رحمه اوضتها وبتكون نايمه بيسرح ف ملامحها الجميلة وبيقرب يلمس وشها بإيديه براحه
رحمه بتفوق : ف اي ريم كويسه
بدر : صباح الخير
رحمه : صباح النور
بدر : اها ريم كويسه
رحمه : طب انت هنا لييه
بدر : بصحيكى عشان تيجى معايا الكليه
رحمه : نعم قولت اي
بدر : يلا فوقي والبسي عشان هترجعي الكليه ولا مش عايزه تكملي
رحمه : انت بتتكلم بجد
بدر : ايوا بجد
رحمه : بس ازاي الورق
بدر : انا قدمتلك تاني عادي
رحمه : احنا داخلين علي امتحانات يعني السنه بتخلص
بدر : ممكن متفكريش ف اي حاجة وانا معاكى هتذاكرى الفتره دي وخلاص
رحمه : ازاي يعني
بدر : هتحضري بس وهنا انا هنزاكر ليكى
رحمه : بدر انت بتتكلم بجد يعني انا هكمل دراسه هرجع الكلية تاني
بدر : ايوا هترجعي وهتلحقي الامتحانات وهتجيبي تقدير كمان بمجهودك وتعبك
رحمه بتقوم تلبس وتحضر فطار وبتاكل هي وبدر وريم وبعدين بينزلو يركبوا العربيه بيوصل ريم علي مدرستها وبعدين بيكمل علي الكليه هو ورحمه وقبل ما ينزلو من العربيه
بدر : بقولك اي يا رحمه
رحمه : متقلقش محدش هيعرف اننا متجوزين مجرد جواز علي ورق وبتنزل وتسيبوا بتدخل الكليه تشوف جدولها وبتحضر اول محاضرة وبتخلصها وتحضر التانيه وبتلاقي يارا صحبتها بتدخل تقعد
يارا : عامله اي وحشاني
رحمه : انتي اكتر هو انتي بتعملي اي هنا مش المفروض فرقة تالته دلوقت ولا انا الي دخلت هنا غلط
يارا : لاء انا ف اولي معاكى حصلت ظروف ومقدرتش اكمل بعدها بس كلو تمام دلوقت ، قوليلي بقا انتي عامله اي جبتي نونه ولا لسه
رحمه : كويسه
يارا : جبتي نومه اكيد هي فين
رحمه : لاء انا مخلفتش واطلقت
يارا بزعل : ولا يهمك بكرا ربنا يعوضك بحد يستاهلك بجد بدل الحيوان الي كنت معاك
رحمه : ايش عرفك انه حيوان
يارا : شرير كمان عشان حرمني من صحبتي الوحيدة بيحضنو بعض وبعدها الدكتور بيدخل يشرح نقط معينه ف المحاضرة وبيخلص
رحمه بتخلص وبتروح لي بدر المكتب بتخبط وبتدخل بس إما بتفتح الباب بتلاقي بنت قريبه اوى من بدر
رحمه : اناااا...... انا آسفه معرفش ان حضرتك مشغول وبتطلع برا من غير ما تتكلم
بتقعد مع يارا شويه وبعدين بترجع الشقه طول اليوم بتتجنب الكلام مع بدر
بالليل بعد العشا
بدر : رحمه
رحمه : افندم ف حاجة
بدر : الي شوفتيه دا
رحمه : متكملش انت حر ف حياتك مش مضطر تبرر اي حاجة
بدر : يارحمه صدقينى انتي
رحمه بزهق : خلاص يا بدر قولتلك مش مضطر تبرر اي حاجة انت اتجوزتني بس عشان ريم مع اني من غير جواز كنت معاها
بدر : لازم تعرفي ان ولا يوسف ولا غيرو هياخدك مني بعد الي حصل بينا مش هتبقي لغيري انتي فاهمه
رحمه : انت الي مش فاهم يا دكتور ان احنا جوازنا علي ورق بس ومحصلش بينا اي حاجة عشان تقول الكلام دا وكمان يوسف ملوش علاقه باي حاجة
بيعدي اسبوع علي نفس الحال رحمه بتتجنب الكلام مع يوسف وموجودة مع ريم ديما
ف يوم بتكون رحمه قاعده مع ريم بتذاكر لها
بدر : ريم كفايه مذاكرة يلا ادخلي نامي
ريم : بس انا لسه مخلصتش وكمان لازم احل كذا تدريب عشان الدرجات بتاعتي
بدر : بس رحمه كمان عندها مذاكره
رحمه : متشغلش بالك بيا اهم حاجة ريم وبعدين عادي اخلص معاها وبعدين ابقي اذاكر
ريم : خلاص يا بابا معدتش فاضل غير حته صغننه اخلصها واسيب رحومه تذاكر
بدر : ماشي يا ريم خلصي يلا وانتي يا رحمه بسرعه عشان عندك مذاكرة انتي كمان
ايوا ياختي يا بخت الي جوزها دكتور جامعي بتقفل امتيازات وهي مغمضه مش زينا عالم فقر 😂😂😂😂
رحمه بتخلص مع ريم وبتبدأ المذاكرة بتاعتها بدر بيقعد يفهمها كذا حاجة بس بيلاحظ انها اتلخبطت خالص
بدر : رحمه انتي فاهمه الي انا شرحته اكمل ولا اي
رحمه : اهااا تمام كمل
بدر : بيشاور علي مسأله طب قوليلي كدا دي بتتحل
ازاي
رحمه : انا مش قادرة استوعب حاجة
بدر : طب براحه وانا معاكى اهو ركزى شويه بس وبيبدأ يشرح تاني ورحمه بتحل كذا تمرين وبتخلص
بتروح علي اوضتها وبتفتح الباب وتدخل وبتقفل الباب لحظات وبدر بيسمع صوت صرخه من اوضه رحمه بيطلع يرجى الباب بيبقي مقفول بيخبط جامد برجليه بيتفتح
بدر : مالك ف اي
رحمه : بتبقي واقفه فوق السرير ومش قادره تتكلم بتشاور بإيديها علي الارض
بدر بيبص مكان ما بتشاور بيلاقي 🐍 بيجري عليها بيشيلها يطلعها برا الاوضه وبيدور علي حاجة يقتل بيها ال🐍 وبيقرب من رحمه
بدر : متخفيش خلاص مات
رحمه : ف اللحظه دي بتحضن بدر جامد
بدر : بيبادلها نفس الحضن عشان يطمنها انا جنبك متخفيش
رحمه بتبعد
بدر : بيقرب منها بيحط ايديها علي خدها براحه وبيبوسها ف شفايفها ف اللحظه دي ريم بتخرج من اوضتها وبتشوف بدر وهو قريب من رحمه و........يتبع
يا تري اي هيحصل تاني استنوني ف الجزء الجاي احداث جديدة ومشوقه جدااا مستنيه رايكم يارب الجزء دا يكون عجبكم مستنيه كومنتات حلوه شبهكم متنسوش رايكم ف الكومنتات وتوقعات الجزء الجديد ❤
•تابع الفصل التالي "رواية احببت دكتوري" اضغط على اسم الرواية