رواية الجحيم هو انت الفصل الثاني عشر 12
يمكن تقريبا أنا من الستات القليلة اللي فرحت اووي بطلاقي …محستش أنه طلاق قد ما حسيت اني بتحرر من سجـ ن فنيت فيه عمري ….كانت الابتسامة مش مفارقة وشي وانا بحضر شنطي عشان امشي مع امي ….ياااه اخيرا خلصت من الهم ده ….
……
قضيت اسبوع سعيدة في بيت اهلي. …بابا رجع يعاملني كويس وبقيت بهتم ببناتي …أنا خلاص مش عايزة حاجة تاني خالص ….أنا بقيت سعيدة …حسيت أن أخيراً ارتاحت …اخيرا السو اد من حياتي انتهى….بس كنت غلطانة جدا ….
…
بعد أسبوع جلال جه لاهلي عشان يرجعني …
-أنا مستحيل ارجعلك فاهم …مستحيل مش هرجعلك يا جلال …
كنت بقولها بقوة لاول مرة وانا ببص لعينيه بحاول ادور على اي معزة ليه في قلبي مش لاقية …كنت فعلا بكر هه…مش طايقاه ولا طايقة اشوفه ….
كان بيبصلي بحزن وعيونه مدمعة وقال:
-أبوس ايديكي يا شروق ارجعي معايا ….أنا ندمت والله…ابوس ايديكي انا مش قادر اعيش من غيرك…صدقيني هتغير …مستعد احلفلك على المصحف
هزيت رأسي وانا بقول ليه بقوة :
– عمري ما هصدقك ….أنت عمرك ما هتتغير …هتفضل في القر ف طول حياتك …وانا الحمدلله قررت أخرج من القر ف ده أنا وبناتي وانت اعمل اللي انت عايزه …كده كده اتطلقنا وانتهينا ولو فكرت تردني هرفع قضية خـ لع واخلي اللي ما يشتري يتفرج عليك ….
أتدخلت امي وهي قاعدة براحة على الانتريه وقالت:
-سمعت بنتي بتقول ايه صح ؟!يالا دلوقتي روح من هنا مش عايزينك. ..يالا روح ….
بس جلال قرب منها وفضل يبوس ايديها ويقول وهو بيبكي :
-أبوس ايديكي خليها ترجعلي…أنا همو ت من غيرها. …والله همو ت ….
-ولما بتحبها كده …بتخو نها ليه؟!بتضر بها ليه ؟!قولي هو ده حبك ؟!
كانت اني متعصبة فرد هو :
-والله عرفت غلـ طي وند مت…بس خليها ترجعلي …ابوس ايديكي….
اتنهدت ماما بس انا أتدخلت وقولت:
-أنا الوحيدة اللي عارفة حقيقتك يا جلال …أنا مستحيل. ..مستحيل ارجعلك ولو فيها مو تي…..
….
بس محاولات جلال موقفتش هنا …جلال فضل شهر يحاول يرجعني …وصلت أنه باس ايدي عشان ارجع وانا رفضت …كان بيبات في شارعنا حرفيا…كان بيكلمني في التليفون وهو بيعيط عشان ارجعله … لحد ما فعلا اقنع ابويا اللي بدوره طلب مني ارجع. ..
…
-لا يا بابا مش هرجعله ولو قتـ لتني …برضه مش هرجع لانسان زيه …مستحيل !!!
قولتها وانا بعيط فرد هو ؛
-لا هترجعيله يا شروق …والا اقسم بالله أخليكي هنا خد امة لكل البيت حتى ولاد عمك ….
وبالفعل ابويا خلاني خد امة لبيت العيلة …خد.مت الكل من أكبر واحد لأصغر واحد….أنا كنت هكمل خد امة فعلا …ده كان اهون من أني ارجعله بس تهد يد ابويا كل شوية أنه هيدي ليه البنات خلاني اخاف واستسلمت من كتر التهد.يد والإها نة ….
…….
كان جلال ماسك ايدي وفرحان واحنا راجعين على بيتنا وقال:
-متتخيليش أنا فرحان قد ايه يا حبيبتي برجوعك ..
بس انا شيلت ايدي وقولت؛
-متفرحش اووي كده …لأن رجوعي صوري …
-يعني ايه ؟!
قالها بحيرة فرديت :
-يعني أنا مش هتلمسني …هنرجع عشان البنات بس !!!!
…..
رجعت البيت وبالفعل رفضت اخليه يلمسني ….عشت شهر من غير ما اخليه يقرب مني …بس في يوم ….
….
كنت نومت البنات اخيرا وقررت اروح انام أنا كمان وارتاح وخرجت من الاوضة عشان اشرب … لما فجأة جلال دخل البيت ….
-العشا على رخامة المطبخ…أنا هنام دلوقتي …
وفعلا قررت اروح على اوضتي مع البنات وانام …
بس فجأة مسك ايدي وهو بيقول بعصبية:
-كفاية كده …
-كفاية ايه ؟!
قولتها بر عب فقال:….
-كفاية تجاهل لحد كده …أنا استحملت كتير …أنا جوزك !!!
صرخت وانا بحاول اهرب منه بس شالني وقال :
-أنا هاخد حقي برضاكي أو غصب عنك !!!
- يتبع الفصل التالي اضغط على ( رواية الجحيم هو انت ) اسم الرواية