رواية زوجة رجل ضعيف الفصل الثاني عشر 12
وفي اليوم التالي حضر خالد وسيد ومصطفي كالمعتاد وجلسوا مع شادي يلعبون الورق حتي جاءت دعاء وجلست بجوار زوجها في مواجهة خالد وظلت تحاول أشغاله بنظراتها وابتساماتها حتي لاحظ خالد ما يحدث وفطن للعبتهم عليه وللخطة المحكمة التي تحاك ضده فقام سريعا وأشهر سلاحھ في وجههم أه يا ولاد …… أنتوا بتشتغلوني ومقعدين ال…… دي قدامي علشان تشغلني وأنتوا بتسرقوني !!! طلعوا فلوسي يا ولاد ال …….
حاول شادي امساك يده وأخذ منه السلاح بينما حاول زملاؤه ضربه والسيطرة عليه وتصاعدت الأصوات وملأ صوت الشجار كل جنبات المنزل و كل أرجاء الشارع !!!
تجمع الجيران لمعرفة ما يحدث و أستطاعوا فك الأشتباك بينهم .
تهامس بعدها الجيران علي شادي وزوجته دعاء الذين جعلوا منزلهم وكر للعب القماړ وسهرات الأشقياء والمسجلين خطړ وما خفي كان أعظم .
جاء صاحب المنزل وأعطاهم مهلة ثلاثة أيام لترك المنزل !!
جلست دعاء حزينة تبكي شوفت يا شادي !! هو ده اللي كنت خاېفة منه !! عجبك الڤضيحة دي ! أنا ياما قولتلك أني حاسة أن الموضوع ده مش هيخلص علي خير .
شادي فيه أيه مالك بتندبي كده ليه !
دعاء من الڤضيحة وكمان اتطردنا من البيت اللي أوينا !!
شادي بكره الصبح هناخد شقة ننقل فيها أحسن من دي كمان أنتي ناسية أننا معانا فلوس يا بت !
دعاء أنا كده أتبهدلت معاك يا شادي .
شادي أتبهدلتي معايا !!! دي كلمة تقوليها لي !! ده أخرة حبي ليكي !!
دعاء أحنا أتسرعنا يا شادي لما هربنا وأتجوزنا .
شادي أنتي بتقولي أيه !! أنتي ندمانة أننا أتجوزنا
دعاء لأ مش قصدي .
شادي ده معني كلامك .
دعاء لأ أنا قصدي الطريقة اللي اتجوزنا بيها .
شادي لو عايزاني أطلقك قولي يا دعاء .
دعاء لأ طبعا ده مش قصدي أنا قصدي ..
شادي طيب خلاص يا دعاء كفاية كده أنا داخل أنام وفكري مع نفسك لو مش عايزة تكملي معايا قولي وأنا مش هعيش معاكي ڠصب عنك .
دخل شادي الغرفة وأغلقها علي نفسه وجلس يتناول الحبوب المخدرة بينما جلست دعاء تفكر في حالها وما ألت اليه من مصير مظلم !!!
وظلت تفكر مترددة دلوقتي أنا مش عارفة أعيش مع شادي اللي أتبهدلت معاه !! من بداية ما اشتغلت معاه في المطعم ومديره اللي أغتصبني لحد طمع اللي يسوي واللي ميسواش فيا !!! وأخر حاجة يخليني أشاغل زميله علشان يسرقوه في اللعب !!! هي دي الحياة اللي كنتي بتتمنيها يا دعاء !!! هي هو الانسان اللي سيبتي أهلك علشانه !! وفوق ده كله أتعودت علي البرشام اللي بياخده !!! دا أنا دماغي دلوقتي هتطير من الصداع !!! لازم أتطلق منه وأرجع لأهلي تاني .
ثم تذكرت والدها وما يمكن أن يفعله بها !! معقول هرجع لأبويا تاني !!! أبويا لو شافني ممكن يموتني !!! اذا كان ياسر ابن عمي قابلني المقابلة دي وشمت فيا !! أبويا ممكن يعمل فيا أيه رجوعي لأبويا معناه مۏتي ده شئ اكيد !!
وظلت تفكر بتردد وتكاد أن يفتك الصداع برأسها حتي حسمت أمرها ودخلت غرفة شادي .
هات برشامة ولا اتنين يا شادي .
شادي مش كنتي عايزة تبطليه !!
دعاء خلاص يا شادي مبقاش ينفع .
شادي يعني ايه
دعاء يعني أنا مشيت في طريق ولازم أكمله للأخر .
ابتسم شادي وضحك ضحكة عالية من تأثير المخدر ثم قال حبيبي يا دودو تعالي في حضڼي يا بت .
وفي صباح اليوم التالي نزل شادي وبحث عن شقة للايجار ثم عاد وقال لها خلاص يا دودو لقيت شقة حلوة أوي تعالي نتغدا وبعدين نروح نشوفها مع بعض يارب تعجبك .
وبالفعل انتقلوا للشقة الجديدة التي كانت أكبر من الأخري وايجارها اعلي !! سألته دعاء الشقة دي أيجارها أعلي من الاولي هنقدر ندفع ايجارها يا شادي أزاي
شادي أنا نسيت أقولك أن في واحد صاحبي لقالي شغل .
دعاء بجد الحمد لله ألف مبروك يا حبيبي .
شادي الله يبارك فيكي يا حبيبتي .
دعاء في شركة ولا محل ولا هتشتغل فين
شادي لأ مش شركة أنا هشتغل في نايت كلوب .
دعاء يعني أيه
شادي كبارية يا بت متعرفيش يعني ايه كباريه
دعاء نهارك أسود هي حصلت كمان يا شادي !! هتشتغل في كبارية وتجيب فلوسك اللي هنعيش بيها من الرقص وشرب الخمړة !!
شادي فيكي أيه يا بت !! مالك
دعاء هناكل من فلوس حرام يا شادي
شادي مفيش حد بيبص لحلال وحرام دلوقتي وبعدين حرام ليه هو أنا هسرق ده أنا هشتغل وأتعب بالفلوس اللي هقبضها .
دعاء بس الفلوس دي جاية من الحړام يا شادي وأخرة الحړام سودة .
شادي بعصبية أنا مش عارف أعمل معاكي أيه أنتي غلبتيني معاكي !! لو قعدت من الشغل تقولي عايزين فلوس أنزل أشتغل !! ولما أشتغل بردو مش عاجبك وتقوليلي حرام وحلال !!! طيب أعمل ايه
دعاء طيب يا شادي اللي تشوفه أعمله أحنا حياتنا كده كده خربت .
بدأ شادي عمله الجديد في الملهي الليلي وكل يوم يخرج من منزله في التاسعة مساء لا يعود حتي السابعة صباحا .
دخل شادي عالم ربما جديد عليه !!
نساء اشباه عرايا يبدين زينتهن وفتنتهن لراغبي المتعة واللهو ورجال يملكون اموال طائلة يحتسون الخمور وينفقون مالهم بكل سهولة .
عرف هناك معني السهرات الحمراء وبنات الليل لأول مرة .
كان يعمل في نظافة المكان وكان عمله يحوله لكائن أعمي أبكم أصم بمجرد دخوله اليه !! يري ويسمع ولا يتكلم !!!
بعد مرور أيام قليلة وجد شادي أنه لا يحصل من هذا المكان الا علي الفتات بعد بذل الجهد الوفير كل ليلة بينما فتيات الليل يعدن لمنزلهن كل صباح معهن الالاف من الجنيهات !!!
كانت السيدة منهن عملها طوال الليل مقتصر علي ارتداء الملابس الفاتنة وعمل الميكاب الصارخ والرقص والتمايل طوال الليل بينما توزع ضحكاتها الماجنة ونظراتها الساخنة بين رواد المكان !!!
وزائر زبون هذا المكان كلما حصل علي ابتسامة او نظرة من احداههن دفع المال وتطلع لما يليها فيتطلع للمسات أو ربما قضاء سهرة حمراء .
وبعد عدة أسابيع لم يستطيع شادي مقاومة رغبته في الحصول علي الكثير من المال الحړام وعاد صباح أحد الايام تملأ وجهه مظاهر الهم والحزن وبمجرد أن شاهدته دعاء سألته بشغف مالك يا شادي ! فيه حاجة حصلت
شادي أنا حاسس أن أنا عاجز .
دعاء ليه يا حبيبي بتقول كده ألف بعد الشړ عليك أنت زي الفل .
شادي كل ليلة يطلع عيني في الشغل وفي الأخر باخد ٢٠٠ جنيه و٥٠ ولا ٦٠ جنية بقشيش .
دعاء وايه المشكلة انت اللي اخترت الشغل ده !! واهي الفلوس دي بنعيش بيها وخلاص .
شادي يا بنتي فلوس ايه دي !! أنتي مشفتيش الفلوس اللي بجد .
دعاء مش فاهمة !! أنت عايز ترجع للعب القماړ تاني
شادي لأ مش قصدي .
دعاء اومال تقصدي ايه
شادي أنتي مشفتيش الفلوس اللي في الكبارية كتير ازاي !! ده اقل واحدة هناك بترجع كل يوم معاه ٣ او ٤ الاف جنية .
دعاء بتتكلم بجد يا شادي
شادي ايوه وممكن ترجع معاها اكتر !!!
دعاء ليه !! هي بتعمل ايه هناك علشان تاخد الفلوس دي كلها !!!
شادي ولا أي حاجة بتلبس لبس مغري وميكاب جامد شوية وتضحك لده شويه وترقص لده شوية وتهزر مع ده شوية وكل واحد يعطيها اللي فيه النصيب .
دعاء بتاخد كل الفلوس دي من غير ما يعمل معاها حاجة !!
شادي أيوه ماهو لو وصل للي هو عايزه مش هيجيلها تاني وحنفية الفلوس هتتقفل !! مش قولتلك قبل كده شووء ولا تدووء !!! هي بس بتدلع عليه وتعشمه وتاخد منه فلوسه وهو زي الجردل بيعطيها كل اللي عايزاه وزيادة علشان يوصل للي هو عايزه وفي الأخر بردو مبيوصلش لحاجة .
دعاء انت عايز تقولي ان اللي شغالة في المكان ده بتحافظ علي شرفها !
شادي أنا معرفش بقي بتحافظ ولا لأ لكن أنا بقولك اللي بشوفه .
دعاء طيب واحنا مالنا ومالهم ! خلينا احنا في حالنا ولو مش عجباك الشغلانة دي سيبها وشوف شغل تاني .
شادي يا دعاء أنا مش متعلم ولا معايا شهادة ولا حتي اتعلمت صنعة اشتغلها !! عايزاني أشتغل ايه
دعاء أنا احترت معاك يا شادي ومش عارفة أعملك ايه
شادي أنا فكرت في فكرة ممكن تغير حياتنا كلها .
دعاء فكرة ايه
شادي تيجي تشتغلي معايا في الكبارية .
دعاء نعم !!!!! أنت بتقول ايه
- يتبع الفصل التالي اضغط على ( رواية زوجة رجل ضعيف ) اسم الرواية