رواية دلالي الفصل الثاني عشر والاخير 12 - بقلم رغد عبد الله

 رواية دلالي (كاملة جميع الفصول) حصريا عبر دليل الروايات بقلم رغد عبد الله 

رواية دلالي الفصل الثاني عشر والاخير 12

الخاتمه 🩶 

دلال لابسة فستان أسمر تحت الركبة و بتشترى ورد من طفل صغير 

الطفل بدهشة بيبص للمبلغ إلى دفعته : بس دَ كتير أوى ! 

دلال بإبتسامة : لا ، عايزاك بس تدعى أن حبيبى يقوم بالسلامة .

*بيرفع إيدة للسما* : يارب يقوم بالسلامة و تتجمعوا دنيا وآخرة يا رب .. 

ثم ابتسم وغادر ، فراقبتة دلال وهى تضغط على بوكية الورد الذى كان بين يديها و تقول " آمين "

_بعد قليل فى المستشفى_

دلال فى أحد الغرف ، بتدخل بهدوء و بتفتح الستاير ..

سليم بيدارى عينة : اقفلى يا دلال.. 

*بتحط بوكية الورد جنب منة عالكوميدينو بخفة*

ثم تقول وهى تجلس بجوارة  : لا كفاية نوم بقى أنا عايزة اقعد معاك شوية .. 

سليم بضحك .. : يعنى حرام ارتاح شوية .. ؟ 

دلال بدلع : لا .. بس أنا متأكدة انى هريحك اكتر ..

سليم بنظرة اعجاب .. : دَ إية الثقة الزايدة دى ؟ 

دلال بتسندة علشان يقوم : يعنى جبتها منك .. من تصرفاتك معايا و ثقتك فيا خلتنى اشوف نفسى بنظرة تانية .. 

سليم بيتعدل .. و هو مندمج معاها فى الكلام :  وشوفتى أية ؟ 

دلال بخبث : مش هقول الا لما تاكل الأول ،  أنت معنتش بتاكل كويس خالص .. ! 

سليم بيحط ايدة عالجر"ح ، و بيقول بتذمر زى العيال : مهى رصا"صة مش شكه دبوس ، طبيعى تسد نفسى .. ! 

دلال بتمصمص شفايفها  : مسم ، بطل تلاكيك و كل .. ! 

بصلها بطرف عينه .. ، خدت الأكل و بدأت تفصصله اللحمة .. 

 بدأ سليم ياكل من ايد دلال و هى عينها علية وباين اهتمامها الشديد بية .. 

بعد صمت ، قالت دلال بحزن : أنت عملت كدَ لية ؟ لية خدتها مكانى .. كنت أنا إلى هبقى مكانك دلوقتى .

سليم .. : أنتِ بتسألى وتجاوبى على نفسك ، كنت أزاى هسيبك تبقى مكانى ؟! 

دلال : أيوة بس .. أنا كدَ أذ"يتك ، انت مش مضطر و... 

سليم بيمسك أيدها : لا مضطر ، لو كان جرالك حاجة قلبى كان هيقف .. وبعدين أنا كويس قدامك اهوة فية إية بقى ؟! 

بدأت تعيط وحطت ايدها على الجر'ح .. : بتو"جعك ؟ 

سليم وهو بيراقب ريأكشناتها .. : آه بتو"جعنى .. 

دلال : أوى .. أوى يعنى ؟!

سليم بيبص بغزل .. : تؤ ..  لو فضتلى حطا إيدك عليها كدَ هتبطل تو"جعنى..

بتشيل أيدها وبتضحك .. : بطل بقى ..

سليم بيمسح دموعها .. : متخليش دموعك تنزل الأول .. مبحبش أشوفها نازله من عيونك يا دلالى .. 

إبتسمت بحب .. ، رجع قرب حواجبه و هو بيبص على لبسها وقال بمشاكسة  : إيه دَ .. لبسه أسمر لية ، بتفولى عليا ؟! 

دلال بسرعة : لاا ..  بعد الشر عليك دَ أنا لو اطول اديلك عمرى كلة اعملها من غير لحظة تردد .. أنا قولت البس حاجة مختلفة بس لأن النهاردة يوم مميز .. 

رفع حاجب .. : لية ؟  

دلال سقفت بإيدها بفرح .. : الدكتور كتبلك خروج !  

سليم رجع ظهره براحة وهو بيقول : الحمدلله .. البيت كان واحشنى أوى.. 

دلال بصتله وقالت بحب  : وهو وحش من غيرك اصلا .. 

بصلها : مجاوبتنيش يعنى ؟ 

دلال : على إية ؟

سليم : بقيتى شايفة نفسك أزاى ؟

دلال بخجل .. : يعنى بقيت شايفة نفسى احلى و استاهل أنى اتحب ..  مـ ، مدام عملت كل دَ علشانى فأنا لازم اكون قد حبك .. 

سليم مسك إيدها و قال بعد صمت لبرهه .. : أنا.. آسف يا دلال أنا السبب .. ، مكنش لازم اسلِّم بالسهولة دِ .. ، كانت الحقيقة قدامى طول الوقت ، و أنا كنت مغمى عينى ، زى الاعمى رافض أشوفها ..

دلال بحب .. : احنا اتعذ"بنا كتير .. ، لكن جايز وقتنا مكنش لسة جه .. و دَ الوقت المناسب لـ لم شملنا ، و لتحقيق امنيه دعينا بيها كتير .. أننا نبقى سوا  .. " بصتله بحب " و همست .. : بحبك . 

رفع إيدها وباسها ، ثم قال .. : وأنا بعشقك .. وعد منى مش هخلى دمعة تنزل من عيونك دِ تانى .. 

_________ 

*كان خبر مفاجىء على آذان كل من سمعوة سليم بية هيخطب دلال الخدامة عندة ! * 

أمام الصايغ اتفتح باب العربية و سليم بيقول .. : يلا علشان ننقى الشبكة .. 

دلال نزلت وعلى وشها ابتسامة .. دخلوا المحل. 

الصايغ : أنا حاسس أنى شوفتكوا قبل كدا ؟ 

سليم .. :  آه .. أحنا جينا فعلا 

دلال بمقاطعة : بس دلوقتى قلبى مش بيو"جعنى .. 

سليم بندم ..: آسف . 

دلال : إلى فات ما"ت .. أنا لو مكانك كنت هعمل كدَ ، دلوقتى أحنا على مشارف حياة جديدة هنسطرها سوا .. 

" فات سنين و سليم بيحاول يسطر كل الكلمات الجميلة إلى تخطر على بالك فى كتابهم .. و بذرة حبهم بتكبر يوم عن يوم ، و بتثبت نفسها اكتر فى تربة الاحباب "

_فى أحد الأيام_

دلال بتناول فنجان القهوة لسليم و بتقول بحدة .. : شادى بطل تضايق اختك وتبوظلها لعبها .. لسة شاكيالى منك 

شادى : ماهى إلى بتستفزنى ! 

سليم بيسيب الجرنان إلى فإيده .. و بياخد منها القهوة وهو بيقول بحب " تسلم أيدك " .. ثم بيبص لشادى و بيقول بدهشة .. : بتستفزك ؟ دِ كلمة كبيرة أوى نادى بصوت عالى : يا دلاال ..

دلال بنتهم الصغيرة جت من اوضتها وهى لاوية بوزها و بتجر عروستها المبهدله على الأرض .. 

سليم .. : بتستفزى اخوكى لية .. ؟ 

دلال بسخط : كل دَ علشان بكلم ميدو .. ! 

دلال الكبيرة ضر"بت على صدرها .. وهى بتقول بصدمة : مييدووو ! ..  ميدو مين يا بت ؟!! 

شادى .. :  الهانم مصحبالى عيل فالحضانة أسمة ميدو ومشيالى معاة .. ،  لو أنت هتسكت يا بابا أنا مش هسكت .

دلال الصغيرة : وفيها إية مش المفروض نتعرف على بعض قبل ما نتجوز " بصولها بصدمة " .. أردفت بغرور : آه مـ أحنا اتفقنا نتجوز لما نكبر .. مش يا بابا وانتِ يا ماما اتعرفتو على بعض الأول ؟! 

شادى بحماس نسى الموضوع الأساسى وقال : آه صح يا ماما انتو عرفتو بعض أزاى ؟ 

دلال الكبيرة قر"صت ودن بنتها وهى بتقول : لاا .. دى قصة كبيرة أوى هربيكوا الأول و بعدين نبقى نحكيها .. ! 

     -_-_ -_-_-_-_-_-_-_-_-_تمـت-_-_-_-_-_-_-_-_-_-_-_- 

لقراءة ومتابعة روايات جديدة وحصريه انضم الينا هنا:- اضغط هنا 

  •تابع الفصل التالي "رواية دلالي" اضغط على اسم الرواية