رواية جميلة الفصل الخامس عشر 15
مساء الخير للجميع 💐💐🤍💐🤍❤️
الجزء ١٥ من قصه ❤️💐💐💐🤍❤️
( ❤️جميله ❤️)
ياسين : ( قفلت مع محمد اتصلت بالفرع اللي قال عليه رد عليا واحد من الموظفين)
الموظف: ألو مستر ياسين
ياسين : مين معايا
الموظف: أنا عادل حضرتك
ياسين : عادل امبارح كان عندك حد من الاداره
عادل : مين بالظبط
ياسين: محمد كان عندكم امبارح العصر كده
عادل : اه فعلاً استاذ محمد كان هنا امبارح بس يا دوب حل المشكله اللي كانت موجودة وراح الفرع بتاع ------------
ياسين : تمام ماشي يا عادل في اي حاجه تانيه عندك
عادل: لا الحمد لله كل حاجه ماشيه تمام التمام
ياسين : خلاص ماشي يا عادل سلام
عادل: ألف سلامة على مدام جميله يا مستر ياسين
ياسين: الله يسلمك عرفت منين
عادل: كنت في المطعم النهارده بخصوص موضوع كده بس مش وقته ف عرفت من هناك
ياسين: موضوع اي
عادل: مش وقته يا مستر ياسين ربنا يعيين حضرتك علي اللي انتا في
ياسين: يابني قول متوجعش قلبي
عادل: يعني لو ينفع اخد راتب الشهر بتاعي النهارده يبقا جميل مش هنسا لحضرتك طول عمري
ياسين : ينفع بس ليه
عادل: والله يا مستر ياسين ولدتي تعبانه جدا وكنت عايز اروح بيها لأي دكتور
ياسين : تعرف مستشفى ---------
عادل : اه طبعا عارفها
ياسين : سيب اللي في أيدك وخد اي سوق من عندك وروح هات ولدتك وخد رقمي من عندك أول ما توصل المستشفى أتصل بيا
عادل : لا مش عايز اتعب حضرتك معايا كتر ألف خيرك والله يا مستر ياسين
ياسين : ياض متوجعش قلبي ياله أنجز مستنيك سلام
عادل : خلاص ماشي سلام
جميله: مستني مين
ياسين : مفيش ده عامل من فرع ------------
جميله: في حاجه ولا اي
ياسين : مفيش ولدته تعبانه وعايز يروح بيها لدكتور ضروري قولتله هاتها وتعاله
جميله: ربنا يبارك فيك يا حبيبي وتفضل بتساعد الناس على طول كده
ياسين : اللي بيفتح باب للناس ربنا عمره ما يقفله باب يا جميله
جميله: ونعمه بالله
ياسين : معلش بقا شويه كمان لحد ما عادل يجي نطمئن على ولدته ونخرج مع بعض
جميله : موفقه بس بشرط
ياسين : اي
جميله: انزل معاك مش هقعد هنا في الغرفه لوحدي
ياسين : كده كده هخدك معايا
بعد مرور ساعه تليفون ياسين بيرن
ياسين : ألو
عادل : مستر ياسين أنا قصاد باب المستشفى
ياسين : طب وقف ليه ادخل
عادل : مش عايز يدخلني قبل ما أدفع تلات ألف جنيه تحت الحساب
ياسين : أنا جاي سلام
جميله: استنا خدني معاك
ياسين : تعالي
في جانب آخر
عادل : استني يا حبيبتي نازل اهو
الأم: معقول يكون هنا فعلاً وينزل علشانه يا عادل
عادل : والله ياما أنا من أول يوم نزلت شغل تحت أداره الراجل ده بسمع عنه كل خير
الأم: ربنا يجبر بخاطره يارب ويفرح قلبه
عادل: اهو جاي هناك أهو استني أروح أجيبه علشان ميعرفش شكلي
الأم: ولا حتا يعرف شكلك ومستنينا هنا
في جانب آخر
عادل : مستر ياسين أنا عادل
ياسين : عامل اي يا عادل
عادل: الحمد لله تمام
ياسين : ولدتك فين
عادل : هناك اهي
ياسين : طب روح هاتها ياله عبال ما ادخل أنا الحسابات
عادل : ربنا يبارك فيك يارب
ياسين : ( خلصت مع الحسابات و أتصلت على دكتور خالد طلبت منه ينزل يشوف ولدت عادل نزل الإستقبال علي طول )
الدكتور خالد كشف علي الأم
خالد : استاذ ياسين ممكن ثانيه
ياسين : اتفضل يا دكتور
خالد : الناس دي معرفه
ياسين : أبن الست دي شغال معايا ليه
خالد : الست دي لازم تعمل عمليه قسطرة قلب حالا يا هتموت
ياسين: طب مستني اي خدها علي العمليات بسرعه
خالد: أنا جايب حضرتك هنا علشان اقولك أن العمليه دي بره اقل تكلفه من هنا بكتير اوي لو حضرتك حابب وهتكون بتساعد برضوه
ياسين: دكتور خالد لو كانت جميله أو أنا اللي مكان الست كنت سألت نفس السؤال
دكتور خالد: أسف ل حضرتك أنا بس قولت أقول لحضرتك أنها ممكن تتعمل بره
ياسين : لو كان الشاب ده عنده سكه تانيه غيري كان راح ليها وعلشان ربنا عالم أنه مش قد مصاريف عمليه ذاي دي جالي أنا وربنا اختارني أنا علشان أمد أيدي ولا حضرتك يا دكتور خالد شايف حاجه غير كده
خالد: أنا شايف اني اخدها على العمليات بسرعه
ياسين : ربنا معاك يارب
عادل : في اي هوا واخد امي ورايح فين في اي يا مستر ياسين
ياسين : اهدا وهقولك كل حاجه
عادل : طب في اي طيب
ياسين : ولدتك محتاجه عمليه قسطرة قلب بسرعه مش بتاخد وقت متقلقش اهدا انتا بس
عادل : ( بدأ ينهار ويبكي علي ولدته خوفاً عليها )
جميله: متقلقش والله الدكتور خالد ممتاز جدا وقال إنها مش خطر بعدين الحمد لله انك وصلت في الوقت المناسب
عادل: ربنا يخليكي يارب ويبارك ل مستر ياسين معلش والله أنا عارف اني بتعبكم معايا وهكلف مستر ياسين جامد
جميله: اي اللي بتقوله ده المهم أمك تقوم بالسلامه
عادل : يارب
ياسين : ( نزلت الحسابات دفعت فلوس تحت الحساب وكمان دفعت فلوس الغرفه اللي هتتحجز فيها لمده تلات ايام بعد العميلة وطلعت تاني بعد أقل من ساعه خرجت أم عادل من العمليه وكانت الحمد لله كويسه وبخير دخلت غرفه تحت الملاحظه )
الدكتور خالد: متقلقش أمك أن شاء الله بعد العمليه دي هتكون بخير وتنزل السلم وتطلع وتجري كمان لو عايزه ( وبيضحك)
عادل: ربنا يخليك تعبتك معايا يادكتور خالد معلش
الدكتور خالد: لا بصراحه اللي فعلا محتاج الشكر ده استاذ ياسين مش أنا خالص أنا بعمل شغل باخد فلوس عليه إنما اللي عمله مستر ياسين ده أنا مشفتش حد بالكرم والأخلاق دي بصراحه ربنا يجعله في ميزان حسناته
عادل: اللهم امين بعد اذنك يا دكتور خالد هخرج أشكره قبل ما ياخد مدام جميله ويمشي
دكتور خالد: اتفضل
في جانب آخر باب غرفه جميله بيخبط
ياسين : ادخل
عادل : أنا قولت ألحق حضرتك قبل ما تمشي
ياسين : تعاله خير في حاجه
عادل : لا والله أبدا أنا جاي اقولك أن والله ما في كلام يتقال يوصف أنا عايز أشكرك ازاي علي كل اللي حصل النهارده ده
ياسين : يابني علي اي هوا أنا عملت حاجه
عادل: ياخبر يا مستر ياسين كل ده وعملت حاجه
ياسين: يعني لو أنا مكانك مش هتعمل كده معايا
عادل: بعد الشر على ولدت حضرتك
ياسين: الله يرحمها
عادل : أسف والله مكنتش اعرف
ياسين: على اي ولا يهمك المهم تعاله أقولك حاجه
عادل: حاضر بعد اذن حضرتك يا مدام جميله
جميله: اتفضل وألف سلامه على ولدتك يارب تقوم بخير
عادل: الله يسلمك يارب
ياسين: ياض تعاله بقا تعبت قلبي ( وبيبتسم)
عادل : نعم يا مستر ياسين
ياسين: أمسك خلي الفلوس دي معاك
عادل: يا خبر اي كل ده لا والله كفايه اللي حضرتك دفعته ده كله
ياسين : يابني امسك انتا قاعد هنا تلات ايام مع ولدتك جبت أكل جبت شرب خلي الفلوس معاك وحساب المستشفى لحد ما هتخرج من هنا خالص وكمان راتب الشهر بتاعك ملكش دعوه بي خالص زاي ما هوا
عادل: والله يا مستر ياسين أنا مش عارف اقولك اي
ياسين: متقولش حاجه المهم بس أول ما ولدتك تخرج من هنا أن شاء الله تعزمنا في البيت عندكم ولا هتنفض
عادل: ياخبر تنور الدنيا كلها والله
ياسين: ياله بقا روح خليك جمب ولدتك لحد ما تفوق مش عايزك تشيل هم حاجه اي حاجه الدكتور يطلبها منك موجوده سيبها لله اتفقنا
عادل: الله يكرمك والله يا مستر ياسين وألف سلامه على مدام جميله
ياسين: الله يسلمك ياله سلام
عادل : سلام
ياسين: ياله بقا ولا اي
جميله.: جميله اي ده انتا مش هتستنا الست دي لما تفوق ولا اي
ياسين: هتابع عادل في التليفون ياله بينا
جميله: ياله بينا
ياسين ( خدت جميله رجعنا على البيت أول ما وصلت )
جميله: انتا رايح فين
ياسين: نطلع ولا هنقضي باقي اليوم في الشارع
جميله: لا هقولك شايف السنتر ده
ياسين: اكيد شايفه ده ف وش البيت
جميله: في واحد بتاع تسألي روش علينا بقا يا قمر انتا
ياسين: قمر انتا ماشي يا ستي أستني هنا عبال ما أرجع
جميله: أمرك يا مستر ياسين يا قمر انتا
ياسين: ( بص ل جميله وضحك) في التثبيت مفيش ياما ارحميني
جميله: والنبي ما تثبيت انتا اللي قمر فعلاً
ياسين: لأ أنا أمشي علشان ننجز وقت الجو تلج أصلا
جميله: ماشي ياله بسرعه بسرعه بسرعه بسرعه
ياسين:( دخلت المحل والمحل ده في وش باب البيت اللي ساكن فيه طلبت منه الحاجات اللي جميله كانت عايزها لقيته سألني )
صاحب المحل: مش حضرتك ياسين بيه بتاع محلات الأكل
ياسين: اه في حاجه
صاحب المحل: أصل بصراحه امبارح كنت شايف حكومة وكده سألت عرفت اللي حصل مع المدام بتاعت حضرتك فتحت كاميرات المحل اللي فوق راس حضرتك دي لقيت واحد شكله غريب طالع البيت قولت اقولك وانتا لوحدك علشان بيني وبينك بخاف من الحكومة والشغل ده
ياسين : فين الفيديو اللي بتقول عليه ده
صاحب المحل: تعاله شوف بنفسك في الشاشه أهو
ياسين: ( دخلت معاه بلهفه فتح الفيديو وبقا عمال يرجع بالوقت لحد ما لقيت قصادي علي الشاشه ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️ ❤️ الي اللقاء في الجزء القادم ❤️❤️
✍️ليل ادم 💐❤️
•تابع الفصل التالي "رواية جميلة" اضغط على اسم الرواية