رواية زوجة رجل ضعيف الفصل السابع عشر 17
رواية زوجة رجل ضعيف
للكاتب عادل عبد الله
الحلقة السابعة عشر
شادي قومي يا دعاء الليل قرب يلا قومي علشان ناكل لقمة ونروح نشوف شغلنا .
دعاء فتحت أعينها و لم تنطق بكلمة واحدة وظلت صامتة .
شادي أنا بكلمك يا دعاء مبترديش ليه
عاء أنا هقوم أعملك تاكل أنما أنا مش رايحة تاني الشغل ده .
شادي ليه
دعاء أنت عارف كويس مش محتاج اقولك ولا أنت بتستهبل .
شادي متخليش موقف حصل وأنتهي يضيع اللي بنحلم بيه .
دعاء موقف أنتهي !!! أحلم لوحدك أنا مش ناوية أحلم تاني .
شادي يعني أنتي مش هتروحي الشغل معايا تاني
دعاء لأ .
شادي طيب أنا هسيبك علي راحتك لغاية اعصابك لما ترتاح .
ذهب شادي الي عمله وفوجئ صاحب الكباريه بعدم حضور دعاء مع شادي !! فسأله دعاء مش جات معاك ليه النهاردة
شادي تعبانة شوية .
تعبانة فعلا ولا الموقف اللي حصل النهاردة مأثر فيها
بصراحة أيوه أنا قولت أسيبها يومين لما أعصابها تهدا .
طيب سيبها ترتاح يومين ولو مش رضيت ترجع الشغل قولي علشان أتصرف .
مر يومين ودعاء وشادي شبه متخاصمين الكلام بينهما لا يتعدي الكلمات الضرورية القليلة حتي جاء شادي وقالها ممكن أعرف أنتي مخصماني ولا أيه
دعاء لأ .
شادي أومال مش بتتكلمي معايا ليه
دعاء هكلمك في أيه مفيش حاجة نتكلم فيها .
شادي ياااه للدرجادي مفيش كلام بينا .
نظرت له دعاء في صمت وأدارت وجهها للجهة الاخري .
ابتسم شادي مش عايزة برشامة تعلي دماغك ونعيش ساعتين رايقين
دعاء لأ بطلته خلاص .
شادي مش ممكن مستحيل تبطليه بسهولة كده !!!
دعاء مفيش حاجة اسمها مستحيل المستحيل ده عندك أنت بس علشان ضعيف أنما أنا عندي أرادة وصممت أبطله .
شادي كان غيرك أشطر كتير بيقولوا كده وبيرجعوله تاني !!!
دعاء لكن أنا مش هرجعله تاني أنا قررت أبطله يعني هبطله .
شادي هتتعبي ومش هتتحملي التعب وهترجعي تطلبيه مني تاني .
دعاء مش هيحصل ولو تعبت أوي هروح أتعالج ولا أكون ذليلة للكيف .
شادي ماشي يا حبيبتي ربنا يوفقك خلينا في المهم بقي هتنزلي الشغل النهاردة معايا
دعاء هو أنت مبتفهمش !!! قولتلك مش رايحة الشغل ده تاني .
شادي يا دودو متضيعيش كل حاجة في لحظة زعل أحنا خلاص بينا وبين حلمنا خطوات قليلة !!
دعاء ده قراري ومش هرجع فيه تاني .
قامت دعاء وجهزت له الطعام ثم دخلت غرفتها وأغلقتها ثم أتصلت بوالدتها وكلمتها بصوت منخفض أزيك يا ماما وحشتيني اوي .
الأم أزيك انتي يا بنتي عاملة ايه
دعاء مستنية ردك عليا يا ماما جسيتي نبض بابا علشان أرجع
الأم أوعي ترجعي يا دعاء دلوقتي !! أبوكي لسه ناره مولعه من ناحيتك وبمجرد ما فتحت السيرة من بعيد وبقوله نفسي دعاء بنتي ترجع تاني قام وكان هيضربني وقالي مش عايز اسمع سيرتها تاني دي ماټت وشبعت مۏت !!!
دعاء پبكاء يعني خلاص يا ماما مفيش أمل بابا يغير رأيه
الأم الأمل في ربنا وحده .
دعاء ونعم بالله .
أنهت دعاء المكالمة و عاد اليأس يدب في أركان جسدها مرة أخري .
ذهب شادي لمحل عمله وعندما شاهده صاحب الكباريه سأله أخبار دعاء ايه لسه مش عايزة تنزل الشغل
شادي أيوه يا باشا ده انا حتي لسه مكلمها النهاردة ومصممة متنزلش الشغل هنا تاني .
طيب هات رقم تليفونها وأنا هكلمها وأقنعها .
أخذ صاحب الكباريه رقم هاتف دعاء التي فوجئت باتصاله !!!!
مساء الخير يا دودو .. قصدي يا مدام دعاء .
مساء النور مين
أنا رامي صاحب المحل اللي بتشتغلي فيه أنتي وشادي جوزك .
مساء الخير يا استاذ رامي .
ايه بقي الجميل زعلان ولا ايه
لا ابدا .
اومال مش عايزة تنزلي الشغل ليه
يا استاذ رامي انت شوفت اللي حصل أخر مرة وبصراحة انا من البداية كنت مش مقتنعة بالشغلانة دي .
لكن أنتي دلوقتي بقالك شهرين شغالة والدنيا ماشية معاكي حلو وعملتي زبون كويس متخليش موقف من واحد زي ده يعطلك عن مستقبلك .
مستقبل ايه يا استاذ رامي !! هي الشغلانة دي لها مستقبل !!!!
أيوه طبعا انتي في فترة قليلة بقيتي شاطرة في شغلك ومسيرك بعد فترة قصيرة يبقي معاكي فلوس ويمكن تفتحي محل وتنافسينا كمان .
لا يا استاذ رامي معلش أنا مش عايزة المستقبل ده .
طيب سيبك من المستقبل وخلينا دلوقتي من الاخر كده أنا مقدرش أستغني عنك في الشغل وهزودلك مرتبك للضعف ده غير أن ليكي هدية عندي لو شوفتيها هتجننك من الفرحة وتخليكي تغيرك رأيك وتكملي شغل معانا .
هدية ايه
لأ دي خليها مفاجأة بقي وفي حاجة كمان .
خير
لما تنزلي الشغل هتبفي في حمايتي انا شخصيا ها يا ستي أيه رأيك ولا أقولك هسيبك تفكري لبكره علشان متستعجليش في قرارك بكره هنتظر منك انتك تيجي مع شادي .
ربنا يسهل يا استاذ رامي .
سلام دلوقتي وبكره معادنا مع المفاجأة .
انهت دعاء المكالمة مع صاحب الكباريه و تذكرت كلمات أمها لها وتحذيرها من بطش ابيها في حالة العودة لهم !!!
وظلت تفكر في كلمات الرجل وكلمات امها !! لم تهتم بالمفاجاة التي أعدها لها الرجل بقدر أهتمامها و خۏفها من تحذير أمها لها !!!
بدأت تفكر في العودة للعمل خاصة مع وعود الرجل لها بالحماية ولو لفترة مؤقتة حتي تستطيع ترتيب أوراقها أو تحين الفرصة للخروج من هذا القاع الذي سقطت فيه !!!
في اليوم التالي فوجئ شادي بدعاء تعد نفسها للذهاب معه الي العمل .
ذهبا سويا وكانت تملؤه السعادة والفرح !!
أستقبلها صاحب الكباريه بالترحاب وقال لها المكان ده مكانك ومټخافيش من أي حاجة وأي حد هيتعرضلك أنا عارف هتصرف معاه ازاي .
ابتسمت و أومأت دعاء برأسها بالمافقة .
ثم قال لها يلا أتفضلي استلمي شغلك وفي اخر الليل المفاجأة اللي وعدتك بيها هتكون جاهزة .
دخلت دعاء وأستلمت عملها بينما وقف شادي مندهش ثم قال لصاحب الكباريه انا نفسي أعرف حضرتك أقنعتها أزاي تنزل الشغل تاني !
روح شوف شغلك يا شادي انا مش فاتح المكان ده من سنين من فراغ !! ده شغلي وأنا بعرف أمشيه أزاي والشغلانة دي أنا وارثها عن أبويا مش جديدة عليا يعني .
حاضر يا كبير اوامرك .
وفي نهاية الليلة وعندما بدأ الجميع في ترتيب أنفسهم للأنصراف نادي صاحب الكباريه علي دعاء التي ذهبت اليه بشغف وعيونها تترقب المفاجئة التي أعدها لها .
زوجة_رجل_ضعيف
#ألف_قصة_و_قصة
#الكاتب_عادل_عبد_الله
تابعوا الرواية بجد مش هتندموا 👌
لسه باقي احداث مثيرة جداااااا💯👍
الرواية كاملة للي مستعجل الاحداث موجودة في اول تعليق 👇👇
- يتبع الفصل التالي اضغط على ( رواية زوجة رجل ضعيف ) اسم الرواية