رواية جميلة (كاملة جميع الفصول) حصريا عبر دليل الروايات بقلم ليل ادم
رواية جميلة الفصل الاول 1
بعد ما خلصت الدراسة مبقاش ينفع أفضل موجود في الأرياف كان لازم أتحرك وأبدا طريقي وبما أن الحياة منغلقة جدا جدا في الأرياف يبقا كان أول خطوة لازم أخدها أننا انزل القاهره أنا ياسين خريج كلية تجارة أربع سنين الحمد لله أول دفعه ٢٨ سنه حالياً وطبعاً مش محتاج اتكلم عن الحاله الماديه لأنها لو كانت تمام مكنتش جيت كل المسافة دي علشان اشتغل صحيح الشغل مش عيب واي راجل لازم يشتغل حتا لو كان معاه كل مال الدنيا بس مش ده قصدي أنا أقصد أن الفلوس يعني الوسطه وعلشان دي مش موجوده قولت أنزل القاهره يمكن تكون الحياة هنا اكتر عدل وتفتح من الأرياف وبعد رحله طويله الحمد لله وصلت أول حاجة كانت مفاجأة بالنسبة ليا الإيجارات في القاهره مبالغ فيها جدا جدا طول النهار لف فى الشوارع لحد ما جبت اخري من اللف والدوران ومفيش فايده لحد ما رجلي خدتني لمنطقة شعبية بس كانت تعتبر نص شعبيه بصراحه مش للدرجة اللي بنشوفها في افلام التلفزيون قعدت على قهوه كنت بريح رجلي شويه بس كنت بتابع الاماكن اللي ممكن ألقي فيها حاجه أسكن فيها وأنا قاعد دخلت على الشاب اللي شغال في القهوه سألته
ياسين : لو سمحت متعرفش لو في هنا شقق للايجار بس تكون الأسعار في المتناول مش مبالغ فيها
عامل القهوه : بص انتا ممكن تسأل في العماره العاليه دي صاحبه البيت ست كويسه جدا وتعرف ربنا لو عندها حاجه فاضيه هتقدر حالك وممكن تعمل معاك مصلحة كمان في الإيجار
ياسين : دي ألقيها فين دي
عامل القهوه: سكنه في نفس البيت الدور الارضي ده كله بتاعها
ياسين : طب تكسب فيا ثواب خلي الشنط دي عندك بدال ما أنا رايح جاي بيهم كده
عامل القهوه: سبها تحت المكتب هنا و متشغلش بالك
ياسين : ألف شكر بعد اذنك
عامل القهوه: اتفضل
ياسين : ( روحت فعلاً البيت اللي قالي عليه دخلت لقيت الدور الارضي ده كله معمول شقه واحده وقفت خبطت على باب الشقه بس مفيش حد بيرود عليا زهقت قولت شكل مفيش حد جوه لسه هطلع من باب البيت لقيت الباب اتفتح وخرجت منه ست في قمه الجمال)
جميله: ( وقفه ورا الباب لما لمحت راجل غريب وقف قصاد الباب ) مين
ياسين : أنا ياسين كنت جاي أسأل حضرتك لو في حاجه فضيا عندك اقدر اعيش فيها
جميله: هوا حالياً بصراحه مفيش إلا اوضه فوق السطح ودي بقالي فتره كبيره محدش بيطلع فيها ولا حد يعرف عنها حاجه ف اكيد مش هتعجب حضرتك
ياسين: طب ممكن أشوفها طيب
جميله: انتا منين
ياسين: أنا من قرية -----------
جميله: بص هوا بعيداً عن انك محترم وكويس أنا بقلق من حتت سكن الشباب علشان انتا عارف اللي بيحصل اكيد
ياسين : حضرتك أنا ولا ليا أصحاب ولا اعرف حد هنا أنا هقعد لوحدي ولا حد هيسأل عني ولا أنا رايح عند حد من الحته دي ريحي نفسك لو حضرتك فعلاً تقدري تقفي معايا اني اخد الاوضه دي تبقي كسبتي فيا ثواب أنا مش جاي من بلدي على هنا علشان اعمل اي مشاكل مع حد أنا جاي أكل عيش
جميله: استنناني ثواني طيب
ياسين : خدي وقتك مستني حضرتك هنا
جميله: بعد اذنك ( وقفلت الباب وبعد مرور ربع ساعة خرجت ) هوا مين بعتك على هنا
ياسين : في شاب صغير شغال في القهوه اللي في وش البيت دي
جميله: اه محمد
ياسين : لا بصراحه معرفش اسمه
جميله: طب ممكن تنده عليه بعد اذنك
ياسين : اه طبعا مفيش مانع ثواني ( روحت فعلاً ندهت على محمد بسرعه ورجعت تاني)
محمد : نعم يا ست جميله
جميله : محمد خد الاستاذ معاك فرجه على الاوضه اللي فوق السطح
محمد : ماشي هاتي المفتاح
جميله: خد المفتاح أهو
محمد : تعاله معايا
ياسين: تعاله ( طلعت مع محمد أول ما دخلت السطح نور السطح كله مقفول مفيش اضاءه خالص و الغرفه كانت فيها تراب جامد جدا عايزه تنضيف كتير اوي)
محمد: اي ده دي خرابه
ياسين : خلاص ماشي حلوه
محمد : بجد عجبتك
ياسين : هعمل اي بس دي اكتر حاجه تنفع ظروفي المادية بس يارب يكون الايجار بتاعها كويس بس
محمد: لا متقلقش الست جميله تعرف ربنا وست بنت اصول
ياسين: على البركه تعاله ننزل تاني
محمد: تعاله
ياسين : ( نزلت تاني ل جميله علشان اعرف هتاخد كام في إيجار الاوضه دي )
جميله: اي تمام
ياسين: اه تمام هيا بس عايزه شويه حجات بس كويسه المهم إيجار الاوضه دي كام
جميله: شوف الأول اعمل الحجات اللي بتقول عليها في الاوضه وبعد كده نتكلم في قصه الايجار علشان اخصم اللي هتصرفه من الإيجار
ياسين : طب اعرف بس علشان ارتاح
جميله: يا سيدي اسمع الكلام وأنا مش خلاص يعني دي اوضه
محمد: ياسين رايح نفسك وشوف الأول هتعمل اي وهتصرف اي وبعدين فعلاً حل القصه دي
ياسين : تمام ماشي بعد اذنك يا ست جميله أنا خارج اجيب الشنط بتعتي
جميله: أتفضل خليك انتا يا محمد عايزاك
محمد : حاضر
ياسين: طب بعد اذنكم أنا
جميله: انتا واثق في ياسين ده يا محمد
محمد : معرفش والله بس شكله ابن حلال
جميله: طب أما انتا متعرفش عنه حاجه بعتهولي هنا ليه
محمد: والله م اعرف بس أنا لقيته شكله كويس قولت يمكن يكون ليه نصيب هنا مش اكتر
جميله: خلاص ماشي روح شوف شغلك
ياسين : ( خرجت جبت سلك و لمض وشويه حجات للتنظيف وطلعت تاني للسطح أول حاجة عملتها نورت المكان ونضفته خليته ينفع يتعاش في بقا تمام التمام عبال ما خلصت كان النهار قرب يطلع وكنت سايب الشنط بتعتي في القهوه نسيتها خالص قولت أنزل اجيب الشنط وبعد كده اطلع أنام )
محمد : ياسين انتا لسه صاحي
ياسين : اه هعمل اي الاوضه كانت مش نافعه
محمد : أنا لقيتك قولت كويسه قولت خلاص هوا ادرا بحاله
ياسين : بس خليتها اي تحب تطلع تقعد في السطح من جماله
محمد : الله ينور عليك
ياسين : معلش نسيت الشنط عندك من امبارح
محمد : اه تحت المكتب خدهم
ياسين : خلاص ماشي ياله تصبح على خير بقا
محمد: وانتا من أهل الخير
ياسين : (خدت الشنط وطلعت علي فوق حطيت كل حاجه مكانها و نمت من التعب صحيت على صوت دوشه جامده جدا فتحت باب الاوضه وخرجت الصوت جاي من الدور اللي تحت مني على طول في تقريباً مشكله أو خناقه بقيت قاعد أفكر انزل اشوف في اي ولا لأ بس لما سمعت صوت جميله قومت نزلت على تحت على طول 💐💐💐💐💐💐💐💐💐💐
❤️❤️ إلي اللقاء في الجزء القادم ❤️❤️
✍️ليل أدم 💐❤️
•تابع الفصل التالي "رواية جميلة" اضغط على اسم الرواية