رواية ام البنات كاملة بقلم اسراء محمد عبر مدونة دليل الروايات
رواية ام البنات الفصل الرابع و العشرون 24
سمير اخد البنات وراحوا لاياد
اياد : ازيكم يا بنات وحشتوني اوي
ديما : احنا جايين نسمع منك عملت فينا كده لي
اياد : اللي حصل اني وحيد امي بسبب ان ابويا ماكنش بيحب البنات وكانت كل ما تحمل ويعرف انها حامل في بنت يجبرها تسقطها لحد ما اخر مره وهي بتعمل العمليه حصلها نزيف و الدكتور اضطر يشيل الرحم وابويا لما عرف انها شالت الرحم ولايمكن تخلف تاني طلقها وسابني وسابها وراح اتجوز عشان يخلف ولاد كتير وبسبب اللي حصل ده هي كرهت البنات وكرهتني فيهم لحد ما قابلت سهر كانت احلي حاجه حصلتلي واقنعتها بالعافيه انها توافق اتجوزها ولما اتجوزتها وخلفت بدل البنت ثلاثه معرفتش اسيطر علي مشاعر كرهي ليكم مع اني كنت ببقي مبسوط أن هيبقي ليا بنت تحلي ايامي بس للاسف امي كانت دائماً بتفكرني باللي بابا عمله فيها وانه سابنا عشان كده كنت بعاملكم وحش وفي الاخر اتخليت عنكم زي ما هو عمل
فينا بس والله العظيم والله العظيم وحياتكم عندي انا ماكنتش عايز ده كل يحصل
ديما : طب ولما هي بتكره البنات اوي كده كانت لي عايزه تجوزك كل شويه
اياد : مين قالك انها كانت بتحب اللي بتجوزها
ريما : اومال اي
اياد : هما كانوا بالنسبه لها اداه مستخدمه لخلفه الولد مش اكتر
البنات بعد ما عرفوا اللي هما عايزنه استأذنوا ومشيوا من غير ما يسلموا على اياد
سمير : متزعلش منهم بس اللي حصل النهارده ده خطوه حلوه لقربكم لبعض
اياد : انا مش زعلان منهم انا زعلان من نفسي اني في يوم قسيت عليهم
سمير : كل حاجه هتتصلح متقلقش ، المهم دلوقتي هنزل عشان ميقفوش كتير في الشارع لوحدهم
اياد : ماشي ، وشكراً اوي بجد
سمير : مفيش شكر بينا
وسابه ونزل
اياد صعب علي البنات وحسوا انه ضحيه لأفكار غلط بس لسه مسامحوش
رجعوا البيت
سمير : السلام عليكم
سهر : ها عملتوا اي
سمير : طب ردي السلام الاول
سهر : وعليكم السلام ، عملتوا اي بقي وزعلانين لي يا بنات
ديما : بعدين يا مامي
وسابتها وقامت
سهر : احكي انتي يا ريما مالكم
ريما : انا عايزه اتغدا
سهر : انا معملتش اكل عشان المفروض ان سمير قال هتجييوا الاكل وانتم جايين
سمير : نسيت معلش ، طب قوموا ريحوا شويه يا بنات عقبال ما اطلب
البنات قاموا فعلا من غير ما يتكلموا
سمير : فين باقي العيال
سهر : في اوضه اللعب بتاعتهم
سمير : طب كويس هطلب الاكل وندخل نتكلم في الاوضه عقبال ما يجي
سهر : ماشي
وسمير فعلا طلب الاكل ودخل هو وسهر الاوضه
سهر : في اي والبنات مالها يا سمير
سمير حكالها كل حاجه
سهر بصدمه : انا مش مصدقه اللي بسمعه
سمير : لا صدقي لان هو ده الكلام اللي قاله واكيد مش هيكدب ويطلع أبوه وحش عشان يقرب من بناته
سهر : يعني في الاخر هو طلع ضحيه زيننا
سمير : للاسف اه كلكم ضحيه لمعتقدات وافكار غريبه من ابوه واتنقلت لامه بسبب اللي حصلها
سهر : طب والبنات كان ردهم اي
سمير : سمعوا ومشيوا ومن ساعتها وهما في حاله صمت زي ما شوفتيهم
سهر : طب اي انا لازم اتكلم معاهم واخرجهم من اللي هما فيه
سمير : سيبيهم مع نفسهم يومين
سهر : يعني اي
سمير : يعني متتكلميش معاهم في الموضوع ده هما هيقعدوا مع نفسهم ويفكروا ولما يوصلوا للقرار هيتكلموا
سهر : ماشي مع اني مش مقتنعه
وعدا اسبوعين وسهر كل ما تحاول تكلم البنات في موضوع اياد سمير يقفل الكلام
لحد ما في مره سهر وسمير قاعدين في الريسبشن
دخلوا عليهم البنات
ديما : احنا عايزين نتكلم معاكم شويه
سمير : اقعدوا واتكلموا
قعدوا
ديما : احنا اللي فتره اللي فاتت دي كنا بنفكر في اللي حصل مع اياد
سمير : قولت قبل كده اسمه بابا مش اياد
ديما : كنا بنفكر في اللي حصل مع بابا
سهر : ووصلتوا لاي
ديما : قررنا نحاول ننسي اللي فات ونبدأ معاه من جديد عشان طلع ضحيه زينا
سمير : عين العقل بس عايز اسمع الكلام ده من اخواتك
ريما : انا موافقه علي كلام ديما
ريتا : وانا كمان موافقه
سمير : حلو اوي يبقي هكلمه يجي بكره وتقعدوا مع بعض وتعرفوا بنفسكم انكم سامحتم
ديما : احنا مش سامحنا احنا بس قررنا نديله فرصه يمكن يثبت فيها انه ضحيه فعلا زي ما بيقول ولو اثبت انه بجد عايزنا وندمان علي اللي فات يمكن ساعتها نسامح
سمير : ماشي اقعدوا معاها وقوليله كده
ديما : ماشي
تاني يوم
جه اياد وقعد مع البنات وقالوله انهم هيديلوا فرصه بس لسه مسامحوش وهو فرح ان في امل أن علاقته بيهم تتصلح
وسمير قرر يمسكه اداره المطعم معاه
وعلاقته بالبنات اتحسنت اوي بس لسه مسامحوش
وبعد مرور سنتين
كانوا كلهم متجمعين عند سهر وسمير واياد معاهم
الجرس رن
سمير قام فتح وكان أحمد ومشيره
دخلوا وسلموا
وقعدوا
سهر : مش كنتي قولتي مش هينفع تيجي النهارده اي اللي حصل
مشيره : مكنتش هعرف اجي وانا صاحبتك
سهر بعدم فهم : اومال انتي جايه وانتي اي
مشيره : جايه وانا ام العريس
- يتبع الفصل التالي اضغط على ( رواية ام البنات ) اسم الرواية