رواية غيرتني صعيدية الفصل الرابع و العشرون 24 - بقلم اية علي الشربيني

  رواية غيرتني صعيدية كاملة بقلم اية علي الشربيني عبر مدونة دليل الروايات

 رواية غيرتني صعيدية الفصل الرابع و العشرون 24

أستغفر الله العظيم الذي لا اله الا هو عدد خلقة ورضا نفسه وزنة عرشه ومداد كلماته

تركتة وذهبت وهو في حالة من الغضب الشديد ورد وقال وهو ينظر لشادى :

البت دى والله ما هسيبها وهكسر غرورها دة انت شفت عملت ايه البت دى لازم أخليها تتدايق وهعمل كل حاجه تخنقها لازم انتقم منها

نظر له شادى وقال :

أنت اتجننت هتنتقم من بنت عمك ياحازم مهما كان دى بنت مينفعش الا بتعمله دة

رد حازم بعصبية وقال له :

يعني عجبك الا عملته دى لسانها عاوز قطعه وانا هقطعه

وترك شادى وذهب

خبط شادى يد علي يد وقال ربنا يشفيك يابني البت خلته يفقد عقله وانضم الي الباقية وجلسو في حالة من الحب والسعادة وذهبه الي السيارة للوعودة الي الفيلا ونظر حازم الي رهف نظرة تحدى وبدلته نظرة تحدى وانتصار وصلو الي المنزل ونزل الجميع الي الداخل وقبل ما رهف تنزل حازم قفل باب العربية ونظر إليها وقال :

بقيتي حبيسة مش هتعرفي تخرجي

ردت رهف بهدوء وقالت :

عادى الجاعدة حلوة جوى بس لو تخرج من العربية

رد حازم وقال لها :

لا انا اقعد براحتي مش انتي الا هتأمريني

ردت رهف بشموخ وقالت :

اسمع ياولد الهواري أني رهف اتربيت علي الجيم والأخلاج معنديش جلع البنات اتعلمت ركوب الخيل واضربت مليح اتعلمت كل حاجه المفروض تكون للرجالة بس بتعرف ليه اتعلمت اجدة علشان أني بمليون راجل وميهزنيش الا عم تعملو دلوجت لاني خابرة زين أخرك

رد حازم بشدة وقال :

هتشوفي يارهف الا هعمله فيكي اصبري علية يابتاعه الجيم انتي هعرفك أني مفيش حد يقدر يقف قدامي

ردت رهف بثقة وقالت :

عتعرف ياحازم مليح جوى أنك طلجتني

سرح حازم حين نطقت اسمة وفاق علي جملتها وقال :

أنتي فرحانه بقا

ردت رهف بثقة وقالت :

العيشة امعاك شينه مرة تخلي البنية تكره نفسيها

رد حازم بغضب وقال :

بطلي طولة لسان بقا هو علشان سكت ولا ايه

ردت رهف وقالت :

أني اجدة لو مش عجبك متتحددش معايا وياله وجتي خلص افتح العربية

نظر له حازم بغيظ وقال :

انا هفتح لاني مش عاوز ارتكب جريمة

ردت رهف وقالت :

جرب اجدة تعملها مبخافش

حازم بعصبية :

انزلي دة انتي باردة

نزلت رهف ونظرت له وحطت ايدها في خصرها وقالت :

مفيش ابرد منيك وتركته وذهبت

ونظر هو وابتسم علي حركتها وقفل العربية وذهب حيث يمكثون وظل نظرو يدور حولها ولكن لم يراها وتركهم وغادر الي غرفته وجلس علي السرير وظل يتذكر ما حدث وهاتفة رن ورد وقال :

الووو

ردت هايدى وقالت :

انت فين ياحازم سيبني النهاردة ولا حتي رنيت عليه

رد حازم وقال لها :

مشغول شوية

ردت هايدى بخبث وقالت :

كدة تنشغل عن دودي حببتك مش وحشتك ولا ايه

رد حازم وقال لها :

لا طبعا وحشتيني

ردت هايدى بدلع :

وانت وحشتني اوووى اووى يابيبي

رد حازم وقال لها :

هايدى حبيبتي انا تعبان وهتجنن وانام

ردت هايدى وقالت :

وتسيب دودى لوحدها

رد حازم وقال لها :

معلش ياقلبي بس عاوز انام

ردت هايدى بتأفف وقالت :

اوكي يابيبي تصبح على خير

رد حازم وقال :

وانت بخير

وقفل وغير ملابسة ولبس تيشرت وشورت وجلس في غرفته وهو يتذكر تلك الشرسة التي تهرب انفاسة حين تتكلم من قبل ان يراها وظل جالس حتي طلع ليشم هواء ونظر لقي تلك الحورية جالسة في التراز هي وورد وتتحدث معاها وقالت :

اتوحشته جوى ياورد عدا يوم من غير ما اشوفه جلبي حزين جوى مجدرش علي فراجة

ردت ورد وقالت لها :

دة أول يوم يارهف عاوزاكي ياخيتي تفرحي معانا وبعدين هو كمان اتوحشك جوى

ردت رهف وقالت لها :

عتعرفي ياورد لما كنت هتجوز حازم كنت شايلة هم اني افارجة جوى

ردت ورد ب ابتسامة وقالت :

عارفة ياخيتي وعتعرفي وهو كمان كان حزين علي فراجكك بس كل شئ جسمة ونصيب وبعدين حازم الخسران

ظل حازم مركز وينظر بغضب من هو الذي تتحدث عنه هي بتحب حد تاني وكانت هتتجوزني وظل هكذا حتي سمع رهف تقول :

دة مغرور ومتعجرف وشايف نفسه جوى عتعرفي الحزين حبسني في العربية وفكرني عخاف منه ميعرفش مين رهف الهواري متخافش واصل

ردت ورد بضحك وقالت :

هو فعلا ميعرفكيش يارهف عتعرفي حازم لو يعرفك عن جرب كان عشجك انتي تباني جدام الكل قوية بس جواكي طفلة عتعرفي سيف ولد الجبالي

ردت رهف بتأفف وقالت :

هو دة الكل عيعرفه واد شين جوى وميستحيش واصل خنجني كل ما يشوفني يجولي حن ياجمر

ردت ورد بضحك وقالت :

علي اساس انك بتسكتي ياخيتي دة الواد بجا بيخاف يجرب منك اخر مرة رفعتي عليه السلاح وطخيتي عيار جنبة خليتي الواد يجول حجي برجبتي

ردت رهف وقالت :

لانه اتحداني ياورد شفتي لما جال متجدريش تطخي حتي عيار وبعدين هو جليل الرباية فاكرني زى البنات الا عيكلمهم هو مجلع وفاكر أن هجولة شبيك لبيك رهف بين يدك تتجطع يدو الشينة دى جبر يلمة

ردت ورد وهي تضحك وقالت :

والله ما كدبة أهل البلد لما سموكي ملكة الصعيد ولا فاكرة وانتي في الجامعة الشباب كيف كان هيموته عليكي بس بصراحة أنتي جادرة خليتهم كلهم ولا حاجه والواد المخربط الا عامل الزعيم جال بس كان جليل الرباية جوى شوفتي مسك ايد البت مريم ازاي والبنت صعبت جوى علية بس أنتي مسكتيش واصل الواد ايدو اتجبست ومكنش عجبك كمان

ردت رهف بضحك وقالت :

يستاهل اكتر من اجدة هي بنات الناس لعبة في يدو كان لازم يعرف اني مهسكوتش واصل جرب يعمل اجدة معايا بس خليته ميرفعش راسة في الجامعه كلياتها

ردت ورد وقالت لها :

طول عمرك جوية ومتخافيش واصل جادرة طول عمرك

ردت رهف وقالت :

تصدجي اتوحشه الارض والمصنع جوي ومهجة حبيبة جلبي دة أني لو عودت ولجيت فيها حاجه هعلج رماح من رجبته

ردت ورد بضحك وقالت :

رماح علي جد ما يحبك علي جد ما يخاف منك جوى

ردت رهف وقالت :

اني احب كل حاجه بنظام ياخيتي ورماح مليح بس عجله طاير هبابة

ردت ورد وقالت لها :

طايرتي عجل الرجل وعجل كل الا عرفك ياجمر انت

وظلو يضحكون حتي ذهبه الي الغرفة وذهب حازم علي سريره وقال :

ايه البنت دى سلاح وخيل ومش بتخاف وكمان ملكة الصعيد انتي ايه حكايتك يابنت الهواري خليتي مخي كله بيفكر فيكي وظل يفكر حتي غط في ثابت عميق

في صباح يوم جديد تشرق الشمس لتعلن عن يوم جديد علي ابطالنا فاقت رهف وورد وغيرو ملابسهم وذهبة حيث يمكث الجميع وجلس الجميع علي السفرة والكل بيفطر ونزل حازم وهو يلبس بدلته وعطره المميز الذي يغترق انف كل من يراه نظرت ورد وغمزت لرهف وضربتها رهف جلس معاهم حازم وفطر وذهب الي عمله ومعه شادى وذهب معهم أمير وجلس الباقيين حتي ذهبت سعاد وقالت :

ياله ياقمرات جهزو نفسكم علشان هننزل نجبلكم حجاتكم

تجهزو الجميع وذهبه الي المول وظلو يشترون كل ما يحتجونه ونظرت ورد لرهف ووعد وقالت :

ياابوي اي جله الرباية دى مستحيل البس اجدة واصل

ردت جميلة وقالت لها :

ايه ياحزينه دى حجات للبيت ولجوزك

ردت ورد وقالت لها :

ياعيب الشوم ياما عاوزاني البس لرجل غريب الحجات دى

ردت جميلة وقالت لها :

عيني عليك ياشادى ياولدى اتبليت واتبست خالص

ضحكت حورية وسعاد وقالت سعاد :

ياحبيبتي الحجات دى للبيت ياله اخترو انتي وهي

ردت وعد وقالت لها :

لا مش هجيب دة

ردت سعاد وقالت :

لية ياوعد دة جميل

ردت وقالت :

مش هلبسة لازمتها ايه اجيبه

ردت ورد وقالت لها :

واني مش هلبس الحاجات الماسخة دى

اتاهم صوت شادى وهو يقول :

دى اهم حاجه ياقمر انت وغمز لها

ورد أمير وقال :

متجبوش غير الحاجات دى وغمز لوعد

ونظرو الجميع بصدمة ووعد وورد خبه وشهم من الكسوف ونظر حازم الي رهف الواقفه بعيد تنظر الي الملابس واقترب منها وقال :

ياكبير مينفعش تتفرجي علي الحاجات دى

ردت رهف بعصبية وقالت له :

أنت مش بتفهم واصل بجا بعد عني ياحازم وملكش صالح بية

رد حازم وهو مغيب ف اسمة منها بيسرق قلبه وقال :

تعالي اخدك علي قسم الرجالي افضل ليكي يشبة الدبش الا بترمية

ردت رهف وقالت له :

ابعد ياشاطر لان وجتي ضيج الساعتي وبلاش اهنية ننشر غسيلنا خليها لما نكون في البيت علشان منظرك جدام الخلج

رد حازم وقال لها :

هقطع لسانك دة قريب وتركها وذهب الي شادى وامير اشترو كل منهم ملابس وعطور والبنات كذلك وذهبه جميعم الي القافية ونظرت الي الطولة وانصدمت وذهبت الي حيث يمكث وقالت :

بيبي انت هنا مقولتليش ليه

نظر الجميع في صدمة ورد حازم وقال لها :

انا مع شادى وامير بيشترو حجات الفرح

نظرت هايدى للجالسين وعيونها اتسمرت علي رهف وقالت :

مش تعرفنا طيب

رد حازم وقال لها :

عمتي جميلة ودى ورد بنتها ومرات خالي أدهم ورهف بينتها وسعت اعين هايدى وقالت :

اهلا وسهلا بيكم والف مبروك

ردت جميلة وقالت :

الله يبارك فيكي عجبالك بس مين دى ياولدى

ردت هايدى سريعا وهي تنظر لرهف وقالت :

انا هايدى خطيبة حازم

الجميع انصدم ونظرو اليه والي حازم وقالت سعاد :

اهلا ياهايدى بس معزمتونيش علي الخطوبة ليه

ردت هايدى بتوتر وقالت :

لسه ياانطي انا بقصد اني في مقام خطبته

رد حازم وقال :

جاية هنا ليه

ردت هايدى وقالت له :

هعمل سوبينج يابيبي كويس أنك هنا

رد حازم وقال لها :

مينفعش اسيبهم

ردت وقالت :

خلاص هقعد معاكم

جلست هايدى وهي تقول لشادى :

عروستك قمر ياشادى

رد شادى وقال لها :

عارف طبعا

الجميع كتمه ضحكتهم وردت هايدى وهي تنظر ل أمير وقالت :

وحضرته مين

ردت وعد بثقة وقالت :

دة خطيبي

ردت هايدى وقالت لها :

مبروك ياقلبي

ردت وعد وقالت لها :

الله يبارك فيكي

ردت هايدى بمكر وقالت :

عقبالي انا وزومي بقا الدور علينا ثم نظرت بمكر لرهف وقالت :

وانتي بقا في عريسك

انصدم الجميع من وقاحتها فالجميع يعلم بنوايها ورد حازم بغضب وقال :

هايدى ياريت تسكتي افضل

ردت هايدى وقالت :

هو انا قولت حاجه غلط بصت لرهف وقالت سوري ياقلبي

ردت رهف بثقة وقالت :

لا متتأسفيش لاني مش بجبل الأسف من الا زيك

انصدم الجميع من رد رهف لها وقالت هايدى :

انتي بتتكلمي معايا كدة ليه

ردت رهف وقالت لها :

لانك ماكرة وخبيثة وعتعرفي زين أني مين بس أنتي كيف الحيه

ردت هايدى وقالت :

شايف يازومي بتقول ايه كنت هتتجوز دى ازاي

اشتعلت نيران الغضب في اعين رهف وقالت :

اسمعي ياعجربة انتي اني غير اي حد وغيرك ياملونه انتي روحي بصي لخلجتك في المرايا لاني اتخضيت ومعرفش زوج حازم جليل اكدة

رد حازم وقال :

هايدى ايه الا بتقولي دة اتفضلي روحي

ردت هايدى ببكاء وقالت :

بتزعقلي ياحازم علشانها وهي الا بهدلتني

رد حازم وقال لها :

لانك وجهتيلها كلام ف روحي ياهايدى

ردت هايدى بتمثيل وبكاء :

كدة ياحازم علشانها تعمل فيه كدة انا هريحك مني خالص

قلق حازم من تصرفها وقال :

اهدي طيب خلاص

الجميع ينظر ب ااستغراب واخذها حازم علي جنب وهي واقفه بجانبه ليقول لها :

اعتزري منها وبلاش تجيبي سيرة موضوعي معاها

ردت هايدى وقالت :

حاضر يابيبي انا اسفة بجد مش هزعلك تاني

رد حازم وقال لها :

لا ياقلبي مش زعلان اهدى بس انتي وروحلها

ذهبت هايدى اليها واقتربت منها وقالت :

انا اسفه بجد والله غصب عني وظلت تبكي بتمثيل

ردت رهف علشان محدش يفكر انها غيرانه وقالت :

اسفك مجبول

اقتربت هايدى اكتر لكي تحتضنها وقالت في اذن رهف :

قلبي معاكي سابك وجالي وخلي بالك مش هيقدر يرجعلك عارفة ليه لاني لبسة خاتم وميقدرش يبعد عني متفكريش اني اتأسفتلك لا علشان بس مضيعش زومي

وتركت رهف وهي مصدومه منها واتاكدت ان فعلا تلك الهايدى خبيثة وحازم مضحوك عليه ردت رهف بصوت عالي وقالت :

ربنا يسعدك ياخيتي

نظرو الجميع في حيرة من رهف ومن هدؤها الواضح علي ملامحها ولكن من تعرفها كويس هي ورد وامير أن سكوتها يلي عاصفة ستمحي هايدى ومن يتصدر لها

• يتبع الفصل التالي اضغط على ( رواية غيرتني صعيدية ) اسم الرواية