رواية جميلة الفصل الثاني 2
مساء الخير للجميع 💐💐🤍💐🤍❤️
الجزء الثاني من قصه ❤️💐💐🤍💐
(❤️ جميله ❤️)
ياسين: ( نزلت لقيت فعلاً في مشكله بين جميله وحد من السكان)
جميله: يعني أنا مش هعرف أطلعك من الشقه
الساكن: ده اللي عندي
جميله: أنا مش عاوزه اكتب ليك عقود بيتي وانا حره ازي يعني عايز تقعد في. عافيه
الساكن : انتي كل شهر تعملي نفس القصه اتفضلي يا ست انتي انزلي وشقق مش طالع واللي عندك اعملي
ياسين: ياعم انتا عيب تمد ايدك دي واحده ست
الساكن : طب خدها وانزل بدال ما تبقا معاك انتا كمان ياسيدي
ياسين : يعني انتا شايف علشان معاك اتنين رجاله تستقوي على خلق الله ياعم صاحبه المال بتقولك مش عوزاك لو انتا عايز تقعد يبقا بالأصول اشوف الست زعلانه مني ليه ونتكلم
الساكن : لأ من غير حل وخدها وانزل بقولك
جميله: ( بصراحه تدخل ياسين حسيت في وجوده اني في أمان وكمان لما الموضوع كبر وخدني ورا ضهره وشد مع الساكن هوا وأولاده هوا صحيح دماغه اتعورت بس فش غلي منهم ضربهم علقه كان نفسي تحصل من زمان بس مكنتش اقدر طبعاً اعمل كده وخصوصاً أن الراجل ده وعياله بيعشقوا المشاكل بس بسبب العلقه دي لا يمكن تقوم ليهم قومه تاني بعد ما الموضوع انفض ) اي ده تعاله نروح مستشفى
ياسين: مستشفى اي مش مستهله
جميله: لا اذاي بس
ياسين: معلش ملوش لازوم أنا بس طالع علشان دايخ شويه
جميله: طب تعاله اسندك طيب
( مكنش ينفع يمشي لوحده بعد اللي عمله معايا خصوصاً اني حاسه بالذنب جدآ بسبب اللي حصل ده طلعت مع ياسين كنت قلقانه برضوه بصراحه لاني أول مره اكون لوحدي مع شاب معرفش أخلاقه ) اي ده انتا اللي عملت كده في السطح
ياسين : اه امبارح بليل
جميله: الله بقا جميل جدا تسلم ايدك بجد
ياسين : تسلمي اتفضلي اقعدي متقلقيش المكتب ده جديد مش متبهدل
جميله: وحاطت المكتب بره الاوضه ليه
ياسين : ملوش مكان جوه أصلا
جميله: طب اشتريته ليه وكلفت نفسك
ياسين : اذاكر عليه
جميله : انتا بتدرس
ياسين: لأ أنا خلصت
جميله: أما اي تذاكر دي
ياسين: يعني مراجعات مش اكتر
جميله: يعني متعلم كمان
ياسين: اه الحمد لله أنا خريج تجاره
جميله: اه جدع
ياسين : وانتي
جميله: لأ أنا معايا دبلوم وبابا قالي خليكي في البيت بقا
ياسين : ليه
جميله: أصله الله يرحمه كان بيخاف عليا اوي من اي حاجه
ياسين: نفس فكر الأرياف والصعيد
جميله: منا بابا الله يرحمه كان صعيدي أصلا
ياسين: لا والله
جميله: اه من -------------
ياسين: أنا من--------------
جميله: احسن ناس
ياسين : انتوا احسن
جميله: بس غريبه اي اللي جابك كل المسافة دي
ياسين: علشان اشوف فرصه
جميله: وليه معملتش ده في بلدك وسط أهلك
ياسين: علشان الفرصه عندنا اصعب من هنا مليون مره بسبب أن القريه صغيره ومفيش فيها اي اماكن تنفع التخصص بتاعي
جميله: اه
ياسين. : انتي عايشه هنا لوحدك
جميله: يعني اي
ياسين : مالك خوفتي من اي خلاص بلاش السؤال ده ( وبيضحك)
جميله: لا والله مش قصدي حاجه بس أنا بخاف اوي
ياسين : من اي
جميله: من اي حاجه وخصوصاً لاني اتصدمت في ناس كانت المفروض انها اقرب حد ليا ف علشان كده عندي على طول مخاوف من التعامل مع الناس
ياسين : يعني افهم من كده انك عايشه لوحدك
جميله: من يوم ما الله يرحمه بابا وانا لوحدي أصل أنا وحيده أصلا ماما ماتت بعد م ولدتني ملحقتش اقعد معاها أصلا بس بابا خد دور الأب وآلام معايا وكان بيخاف عليا جدا وبصراحه أنا من نوعيه البنات اللي مبتحبش تسأل
ياسين : يعني اي مش بتحبي تسألي
جميله: يعني مثلاً بابا قالي بلاش تقعدي مع البنت دي خلاص مش هقعد معاها تاني ابدا ومن غير ما اسأل ليه كمان
ياسين : طب سؤال تاني معلش بقا
جميله: أسأل
ياسين : عندك كام سنه
جميله: ٣٢ وانتا
ياسين : ٢٨ بس ليه لحد الوقتي متجوزتيش يا جميله
جميله: رغم اني بكره السؤال ده بس هقولك
ياسين : قولي
جميله: أنا من أربع سنين اتخطبت مكنتش اعرف بقا دماغه اي بس كانت كل طلباته غريبه وكل كلامه غريب
ياسين : وبعدين
جميله: طلب مني في مره أربعين ألف جنيه
ياسين : ليه يعني
جميله: مش دي القصه الموضوع أنه عمل حوار كبير كده وكان عايز يخليني ابيع البيت ده والبيت التاني ونخرج بره المنطقه ونقعد في مكان راقي و لما رفضت قالي عايز المبلغ ده اعمل بيه مشروع وهرجع الفلوس تاني والله
ياسين: وطلع نصاب
جميله: للأسف
ياسين: وبعدين
جميله: مفيش بس كل واحد يقرب مني بشوف الطمع في عينه علشان كده مش بقبل وقولت لوحدي أحسن
ياسين: بس ده مش حل
جميله: اكون لوحدي عندي أهون من اني اكون مع انسان طماع عايز يوصل وخلاص
ياسين: ربنا يهدي الجميع
جميله: شوف أنا فعلاً مهما قولت مفيش حاجه توفي وقفتك معايا النهارده دي أنا بجد متشكره ليك جدا
ياسين: لا طبعا اللي أنا عملته ده اي راجل حر مكاني كان هيعمله ويعمل اكتر منه كمان
جميله: لا منا كل شهر كنت بعمل نفس المشكله دي ومحدش كان بيتدخل أصلا
ياسين. : السكان كلها كانت بتعمل مش سمعه
جميله: أصل انتا مش عارف الناس دي عامله اي في الشارع كله هنا
ياسين: عاملين اي يعني
جميله: ياعم دول بتوع مشاكل وكل يوم خناقه
ياسين : ربنا يهدي الجميع
جميله: بس مش عايزك تخاف
ياسين: لا متقلقيش عليا مش بخاف أنا من حد الحمد لله طالما عملت الصح مش بقلق من اي حاجه في الدنيا
جميله: ربنا يبارك فيك والله
ياسين: اللهم امين يارب
جميله: ياله أنا نزله عايز حاجه
ياسين: لا ربنا يخليكي
جميله: سلام
ياسين: سلام( جميله وهيا فعلاً جميله كل حاجه فيها تتحب حتا طريقه كلمها اللي فيها كل الحنان والعقل فوووق يا ياسين انتا فين وهيا فين انتا مش سامع بتقول علي اي حد بيقرب منها أي عايزها تقول عليك طماعان فيها انتا كمان )
في جانب آخر وبعد مرور شهرين
جميله: ( بعد اللي حصل بين ياسين والساكن اللي كان كل شهر يعمل معايا مشكله ساب الشارع ومشي رغم اني كنت فاكره أنه مش هيسيب ياسين وكنت قلقانه عليه جدا بصراحه فعلاً لازم تعاشر الشخص علشان تعرفه بقالي شهرين اعرف ياسين مفيش منه مشكله ولا اي حاجه عايش مع نفسه بس بخاف من فكرة اني بقيت أراقب مواعيد ياسين اشوفه وهوا نازل وهوا طالع بحاول افتح معاه كلام مش عارفه ليه بس حاسه أنه حد قريب مني من ساعت ما دخل البيت وبقيت بحس اني في حد هنا من عائلتي في ضهر في حاجه بس بمسك نفسي وبتحكم في تصرفاتي على الأقل قصاده علشان مش حبه اغلط نفس الغلطه الأولي )
جميله: ياسين مالك في حاجه
ياسين: ازيك يا جميله لا الحمد لله تمام
جميله: لا تمام اي وشك مش بيقول كده خالص في حاجه وكبيره كمان
ياسين : بيني وبينك مش عارف قفله معايا اوي
جميله: ليه كده بس حصل اي
ياسين : مش لاقي شغل ولا بالشهادة ولا من غيرها
جميله: طب اي يعني دور تاني وسلمها لله إنما تنكد على نفسك كده
ياسين: اعمل اي بس يا جميله أنا أصلي لازم القي شغل قبل ولا بلاش
جميله: بلاش ليه
ياسين : مفيش عادي بعد اذنك
جميله: على فكره يا ياسين أنا زاي ما بخاف من الناس اللي بتطمع فيا بقدر برضوه اعرف الناس الكويسه اللي بتتعامل معايا بقلب صافي وانتا منهم وعلشان اثبتلك كلامي أتفضل ادخل اشرب معايا الشاي
ياسين: كمان لأ دنتي قلبك بقا جامد اوي
جميله: شوفت بقا ياله تعاله ادخل وبالمره نتكلم عن موضوع الشغل ده
ياسين : لا معلش خليها مره تانيه
جميله: مش هضغط عليك شكلك جاي تعبان
ياسين : اه والله فعلاً ياله بعد اذنك
جميله: أتفضل ( طريقه تدوير ياسين على الشغل حتا لو بره مجال تعليمه طريقه واحد مفيش معاه فلوس ومحتاج مساعده بصراحه مفكرتش لقيت نفسي بمد ايدي في الدولاب بطلع فلوس وطالعه على ياسين )
ياسين: جميله اقعدي ثواني هلبس حاجه وخارج
جميله: ماشي أنا على المكتب بتاعك هنا
ياسين: اتأخرت عليكي
جميله: ولا يهمك أنا اصلا طلعت على غفله
ياسين : لا طبعا تنوري في اي وقت
جميله: خود يا ياسين
ياسين : اي ده
جميله: ده مبلغ صغير خليه معاك لحد ما تلاقي شغل وردهم تاني اتفقنا
ياسين : جميله أنا مش عارف اشكرك ازاي بس بعد اذنك خودي فلوسك وبلاش نتكلم عن الموضوع ده تاني ممكن
جميله: ليه كده انتا محتاج الفلوس دي وكده كده أنا ركنه الفلوس دي ركنه بركنه خليها معاك مش محتاجه ليها والله
ياسين : وأنا والله مش محتاج ليهم لو فعلا عايزه تساعديني أنا محتاج حاجه تانيه
جميله: ( بخوف) حاجه تانيه انتا عايز اي ❤️❤️❤️❤️❤️❤️❤️❤️❤️❤️❤️❤️❤️ إلي اللقاء في الجزء القادم ❤️❤️
✍️ ليل أدم 💐❤️
•تابع الفصل التالي "رواية جميلة" اضغط على اسم الرواية