رواية جميلة الفصل الثالث 3
مساء الخير للجميع 💐🤍💐🤍❤️💐
الجزء الثالث من قصه ❤️💐💐💐🤍
( ❤️جميله ❤️)
ياسين: اي يا بنتي متخافيش اوي كده ( وبيبتسم)
جميله: اصل الكلمه طلعت مره واحده كده خوفت
ياسين : لا ياستي اي كلام تسمعي مني بلاش يدخل في دماغك أنه ليه اي علاقه بأي شيء يضرك أو يسئ ليكي اتفقنا
جميله: اتفقنا قولي بقا اي الحاجة اللي عايز مني مساعده فيها
ياسين: في محل تحت العماره مقفول المحل ده ينفع أخده ايجار
جميله: هوا المحل ده عندي اغلا من العماره دي او التانيه كمان بس بابا الله يرحمه لو كان موجود و شافك يا ياسين كان عمره ما رفض يمد ايده ليك
ياسين: الله يرحمه طب خلاص اي رأيك نتشارك في
جميله: فكره برضوه بس هتعمل في اي
ياسين : أنا خدت بالي أن مفيش هنا محلات أكل اقرب محل من الشارع هنا بعيد جدا حتا أنا معظم الوقت كنت بكسل اني اروح اشتري
جميله: فعلاً بس حاجه زاي كده عايزه ناس فهما هيا بتعمل اي
ياسين: يابنتي أنا كنت عامل المشروع ده في القريه عندنا
جميله: بجد
ياسين: اه والله
جميله: وقفلت ليه
ياسين: عندنا أصلها عيب الراجل يعمل أكل في الشارع والكلام ده إنما هنا عادي
جميله: واي العيب في كده
ياسين : أنا مش شايف فيها حاجه بس أنا قولتلك أنا من قرية ريفيه وليهم شويه عادات وتقاليد خنقه كده يعني
جميله: يعني انتا بتعرف تعمل أكل وكده يعني
ياسين : طبعاً وبكره تشوفي
جميله: أن كان كده أنا معنديش مانع خالص
ياسين : تمام يبقا اتفقنا شوفي ياستي أنا معايا مبلغ مش بطال شايله في البوسطه لأي ظرف بكره أن شاء الله أسحب المبلغ ده ونعمل دراسة جدوى اقتصادية ونعرف الموضوع هيكون متكلف كام ويبقا علينا احنا الاتنين
جميله: اي دراسة المش عارفه اي دي
ياسين: لا سيبك منها خالص إحنا ننزل بكره نسأل عن الحاجات اللي هنشتغل بيها والمبلغ علينا احنا الاتنين
جميله: لأ من غير ما انزل ولا اطلع أسأل انتا وشوف مطلوب مني اي وأنا هدفع عادي
ياسين : ده كسل منك ولا شايفه اني أد الامانه
جميله: لو مكنتش شايفه انك شخص ابن حلال و تستاهل كل خير مكنتش شاركت معاك
ياسين : تمام وبيني وبينك ربنا
جميله: يبقا شوف وقولي بعد اذنك أنزل أنا بقا
ياسين: اتفضلي ( أول ما نزلت الصبح فعلاً سحبت الفلوس من البوسطه ونزلت جري علي اقرب مكان تتوافر في الحاجات اللي هحتاجها في المحل لقيت اني هكون محتاج على الفلوس اللي معايا مبلغ تاني علشان تكون الشراكه فعلاً متساوية رجعت على البيت وكنت بفكر اقدر منين اجمع المبلغ ده اول ما دخلت كانت جميله منتظراني )
جميله: اي تاني مالك
ياسين: لا مفيش حاجه تمام
جميله: قولي بقا عملت اي
ياسين : أنا نزلت سحبت الفلوس وعرفت اسعار كل حاجه هنكون محتاجين ليها كل واحد فينا هيكون عليه ---
جميله: تمام استنا ثانيه واحده
( ودخلت جميله فتحت الدولاب طلعت فلوس وخرجت ) خد عد الفلوس دي كده
ياسين : تمام مظبوطين
جميله: قولي بصراحه بقا انتا ناقص على الفلوس اللي معاك كام
ياسين: انتي عرفتي منين أن فلوسي مش كامله
جميله: باين عليك على فكره
ياسين : يا سلام ( وبيضحك)
جميله: على فكره مش بتعرف تكذب و بيبان عليك لو في حاجه مزعلك
ياسين : انتي بتعرفي كل ده اذاي
جميله: أهو بقا ها قولي ناقص معاك كام
ياسين : ناقص ---
جميله: أتفضل عد دول كمان
ياسين: شوفي قبل اي حاجه اول فلوس هتطلع من المشروع ده هجمع ليكي منهم المبلغ ده وبعد كده تتحقق الشراكة بينا
جميله: اللي يريحك أعمله امسك بقا
ياسين : مش عارف اقولك اي والله يا جميله مفيش كلام بجد اديكي بيه حقك في كل حاجه عملتيها معايا
جميله: أنا مش عايزه اي حاجه غير انك تكون مبسوط كده ع طول
ياسين: ( استغرب من كلمه جميله و ابتسم )
جميله: ( اتكسفت من اللي قالته ) هقوم اعملك شاي
ياسين : لالا خليكي أنا نازل اتفق على الحاجه علشان من النهارده أن شاء الله أبدا في التحضيرات
جميله: ربنا يوفقك يارب
ياسين: ربنا يخليكي ( وفعلاً نزلت اتفقت على كل حاجه هكون محتاج ليها وكنت عامل كل الاحتياطات علشان ابدأ كبير وكنت متأكد أن المحل ده لا يمكن يفشل أن شاء الله اتفقت مع كل أصحاب الحجات اللي اشتريتها أن ميعاد الاستلام كمان يومين ورجعت على المحل علشان ابدا اعمل الاستعدادات في خلال اليومين فعلاً كنت عملت كل حاجه ممكن تتعمل علشان أبقا جاهز وفعلاً استلمت الاجهزه وبدأت في تجهيزات كل حاجه وفعلاً الموضوع ماشي وكل حاجه كانت فوق التمام لدرجه اني في أربع أيام فقط كنت جمعت المبلغ اللي أخذته من جميله )
جميله: طب خلي الفلوس معاك يمكن تحتاج تكبر الموضوع اكتر
ياسين : لا متقلقيش الحمد لله الدنيا ماشيه تمام جدا جدا جدا
جميله: بس انتا كده بتتعب اوي انا شايفه انك محتاج حد معاك
ياسين: فعلاً ماشاء الله الموضوع تطور اسرع مما كنت متخيل علشان كده بفكر اجيب جمبي حد تاني
جميله: صح علشان تقدر توفر لكل واحد طلباته من غير تعب أو مجهود زياده عن طاقتك
ياسين : المهم خودي خلي الفلوس دي عندك
جميله: فلوس اي دي
ياسين : ده صافي ربح المحل خلي عندك
جميله: طب انتا مش محتاج فلوس تمشي بيها
ياسين: لو احتجت هقولك خليهم معاكي
جميله: ماشي اللي تشوفه
ياسين: ياله أنا نازل
جميله: أتفضل
ياسين : ( نزلت لقيت محمد جاي طلبت منه شاي ولما جه لقيته كان زعلان جدا)
ياسين : مالك يا بني في اي
محمد : والله يا عم ياسين زهقت من المعامله في القهوه وعايز امشي بس مفيش قصادي حاجه تانيه
ياسين. : لا في طبعاً بكره الصبح تكون عندي هنا
محمد: بجد والله يا عم ياسين
ياسين : اه والله انتا بتاخد كام في القهوه
محمد : باخد --
ياسين : هديك الضعف بس تشغل دماغك معايا و هخليك تقف جمبي كمان
محمد : أنا هعمل كل اللي تقولي عليه
ياسين: انتا كده كده من هنا صح
محمد : اه منتا عارف
ياسين: حلو اوي عايز معاك كمان واحد تاني من سنك كده بس يكون محترم ذايك انتا فاهم
محمد: موجود
ياسين : وعايز اربع شباب من اللي هما معاهم موتوسيكلات دول
محمد: بتاع الدليفري
ياسين: اه تعرف تجبهم
محمد: أنا كل أصحابي معاهم مكن أصلا لو عايز عشرين واحد اجبلك
ياسين: لا خلي العشرين لما اقولك
محمد: بكره من النجمه اكون عندك فوق
ياسين: فوق فين خد المفتاح ده طلع عليه نسخه تانيه و هاتوا بسرعه
محمد : طياره
ياسين : ( وطلعت صح محمد غلبان وعايز يشتغل وعيل رغم صغر سنه إلا أنه جدع ودماغه حلوه اتعلم في اقل من شهر ومساعدة أصحابه اللي خدتهم كلهم في خدمه الدليفري المشروع بقا كل يوم يكبر عن اليوم اللي قبله رغم اني كنت متأكد أن اي حاجه جديده ذاي كده بتحتاج لفتره عبال ما تتعرف بس اختيار المكان المناسب بيفرق جدا إسم المحل بقا مسمع جدا ناس بتيجي تاكل في المحل تقولي أنا جاي من مكان كذا أو منطقه اسمها كذا وكل منطقه ابعد من التانيه بقيت اكتب أسامي المناطق دي في ورقه وأيام الاجازه انزل اروح الاماكن دي اخد لفه فيها وفي يوم لقيت محل في مكان منهم بسعر كويس جدا جدا رجعت على جميله على طول)
جميله: ( يوم بعد يوم كنت بحس أن في حاجه بتكبر جوايا إتجاه ياسين شاب محترم وجدع إبن بلد وسيم جدا أمين رغم أنه كل يوم داخل خارج عندي في البيت إلا أني عمري ما شوفت في عينه نظره مش كويسه بس مهما يكون طالما مفيش منه مبادره بالكلام أنا عمري ما هبدا واعترف بس بعد المكالمة اللي وصلت منه من شويه لما قالي عايزك ضروري وموضوع مهم وكان فرحان جدا حسيت أنه شكله جاي يتكلم في الموضوع أخيراً قومت لبست و تجهزت على أساس كده وكنت طايره من الفرح الباب بيخبط)
ياسين: اي كل ده علشان تفتحي
جميله: معلش اتأخرت عليك
ياسين : طب اجي كمان شويه لو مش فاضيه
جميله: لأ أنا مستنياك ادخل
ياسين : عندي ليكي خبر مفرح جدا
جميله: قول ( بفرحه)
ياسين : لقيت محل لقطه
جميله: ( بصدمه وسكوت بتهز رأسها)
ياسين : اي ده مفرحتيش ليه
جميله: لا أكيد فرحانه بس هتعمل بي اي
ياسين : هعمل سلسله للمحل
جميله: طب انتا هتقدر تبقا هنا وهنا اذاي
ياسين : لأ ما انا خلاص هفضا للمحل التاني لأن ده بقا مشهور ووقف علي رجله وكده كده بقالي اكتر من شهرين من ساعه ما مسكت محمد ووليد شغل المطبخ والناس اعتادت أن أي حد وقف في المكان الأكل بيكون نفس الجوده إنما هناك لسه جديد ف هشرف عليه بنفسي ممكن بس اخد حد من الناس القديمه هناك معايا
جميله: هتمشي تروح هناك طب وانا
ياسين : انتي اي انتي معايا شريكه برضوه هوا أنا اقدر اعمل حاجه من غيري
جميله: ( للأسف فهم معنا كلامي غلط )
ياسين: اي رايك
جميله: اللي تشوفه يا ياسين أنا بثق في دماغك
ياسين : هاتي كده الفلوس اللي معاكي
جميله: ثواني ( قامت لحد الدولاب ورجعت) خود ده جزء من الفلوس باقي الفلوس في البنك علشان المبلغ كبير جدا خوفت اسيبه هنا في البيت
ياسين: انتي صح وكده كده المبلغ ده هيكفي أن شاء الله ( خدت الفلوس وخرجت رجعت على مكان المحل التاني وخلصت في وعملت افتتاح اكبر من المحل القديم وكان أكبر من حيث المساحة ومع الوقت فعلاً المحل كبر وكان بيحصل نفس الموضوع مع كل محل ادخل في لحد ما بقا في ست فروع في القاهره للمحل بقا كل يومي لف وسط الفروع حتا محمد بقيت ابعته هنا وهنا يراقب كل حاجه وكل المحلات وبقا ناجح جدا في ده بس اكتر حاجه كانت شغله تفكيري هوا اني بقيت أحس أن جميله مستنية تسمع مني اي كلمه بخصوص موضوعي معاها كنت حابب الخطوه دي تيجي متاخره عن كده بس اللي خلا الخطوه دي تحصل هوا محمد لما جه قالي أن في ناس كتير من المنطقة بقيت تتكلم عن دخولي و خروجي عند جميله في أوقات متأخره رغم أن جميله متكلمتش في الموضوع ده إلا اني بقيت أحس أن كلامها معايا بقا حدود حتا اخر مره كنت عندها جيت ادخل خرجت هيا بره البيت من كتر انشغالي بالفلوس والأحلام حتا مسألتش نفسي هيا ليه عملت كده خدت عربيتي ورجعت على البيت عند جميله)
جميله: أول ما افتكرت تسأل عني يا ياسين
ياسين : حقك عليا غصب عني والله
جميله: مش انتا مبسوط والحياه معاك تمام
ياسين: بلاش بقا الكلام ده
جميله: كلام ليه انتا من ساعه ما خدت شقه ---------- وأنا ولا بقيت اشوفك ولا اسمع عنك حاجة حتا الأول كنت بتيجي تقولي الدنيا ماشيه معاك اذاي وتطمئن عليا الوقتي بقيت تجيلي رساله على التليفون أن في فلوس دخلت حسابي وخلاص على العموم
ياسين:هششششش تتجوزيني ❤️❤️❤️❤️❤️❤️❤️❤️❤️❤️❤️❤️❤️❤️
💐💐 إلي اللقاء في الجزء القادم ❤️❤️
كل الشكر والتقدير لكل واحد افتكرني النهارده سواء أن كان بالكتابة على يومياتي أو برساله خاصه أتمنا تكون سنه جديده علينا جميعاً واتمنا ليكم كل الخير والسعادة يارب ❤️❤️
✍️ليل أدم 💐❤️
•تابع الفصل التالي "رواية جميلة" اضغط على اسم الرواية