رواية عمياء وسط الذئاب الفصل الثاني والخمسون 52 - بقلم محمد طه

 

 رواية عمياء وسط الذئاب الفصل الثاني والخمسون 52 - بقلم محمد طه 

 _داليا بضحكه مكر…ومالو.. لما يوصل العمده..

هنشوف هتقدري تقاومي.. ولا هتضعفي من أول لمسه

إلا قوليلي تحبي أخليه يبدأ معاكي بالب،وس..

ولا التح،رش.. ولا أخليه يجيب من الآخر

_نهله بخوف ودموع…أبوس إيدك إرحميني..

ومتخليش حد يلمسني..أبوس ايديكي والنبي

_داليا…حاضر مش هخلي حد يلمسك..

بس أنا عايزه مقابل

_نهله بدموع…وربنا هقولك كل اللي إنتي عيزاه

_داليا بغضب…البت العميا فين وأوصلها إزاي

_نهله بدموع…فيه ظابط من المخابرات..

جا أخدها من المستشفي..قالنا عايزينها..

ف كلمتين وهيرجعها تاني

_داليا…برافو عليكي أنا مصدقاكي..

بس كل دا أنا عرفاه..يلا بقى كملي..

اللي أنا ما أعرفهوش..بعد ما راحت مع الظابط..

وبعدين هربت من الظابط راحت فين

_نهله باندهاش وخوف…هربت..نور اللي مش بتشوف..

هربت من ظابط المخابرات..طب إزاي

_داليا…إنتي هنا بقي..عشان تقوليلي إزاي هربت..وراحت فين

_(في الغرفه الخاصه) _ (المدير والدكتوره)_

_المدير…ها يا سناء قررتي إيه..يلا سمعيني صوتك

_(الدكتوره تبص عليه بنظره إحتقار وقرف وما تردش)_

_المدير…أهلنا زمان كانو بيقولو..

إن جالك الغصب..خدو بالرضا..

ومن الغباء إنك تقف قدام القطر

_الدكتوره بقرف…وهوا اللي زيك ليه أهل..

ولا حتي شاف تربيه أصلاً ..إنته شيطان..شيطان

_المدير…هقوم أحضرلك الحقنه التانيه..

ولحد ما أحضرها..فكري تاني..

عشان دي آخر فرصه ليكي

_الدكتوره بحسره…هوه أنا إزاي كنت بقولك يا بابا..

إزاي كنت مخدوعه فيك السنين دي كلها..

إزاي كنت بحس بالأمان ف وجودك..وأنته الشر ذات نفسه..

إزاي أنا كنت باكل وبشرب..

من فلوس شغلك المقرف ده

_(بقلم…محمد طه عبد المجيد)_

روايات الشاعر🖋✨️🥇

_المدير وهوا بيحضر الحقنه…أهو إنتي قولتيها بلسانك..

أكلتي وشربتي من فلوس شغلي..

مش بس كده..ولما كنتي بتتعبي..

كنتي بتتعالجي من فلوس شغلي..

واتعلمتي وبقيتي دكتورة..من فلوس شغلي..

يعني إنتي كلك ملك لشغلي..

يعني وقت ما شغلي يحتاجك..يلاقيكي تحت الأمر..

ومع ذالك أنا كنت باعدك عن طريق شغلي خالص..

بس إنتي اللي خبطتي على باب شغلي..ودخلتي..

ودلوقتي ما بقاش قدامك غير الطريقين..

اللي قولتلك عليهم..يا تشتغلي معانا..

يا هنستعمل جس،مك ف شغلنا..

لحد ما يبقاش عليه طلب..وبعدين ندف،نك..

ها قولتي إيه عشان الحقنه خلاص بقت جاهزه..

نفضيها ف الهوا..ولا نفضيها جنب أختها

_(في عربية سمير) _ (سمير ونور)_

_نور وهيا شبه منهاره…أنا مش هقدر..

استحمل حاجه تحصلهم بسببي

_سمير يهدئها…نور إحنا لازم نهدي عشان نعرف..

نفكر هنعمل إيه

_نور بعياط…يا تري هما فين ومع مين وهيعملو فيهم إيه ..

يارب ساعدهم يارب..يارب ما يحصلهم حاجه

_سمير يكلم نفسه بصوت عالي…حسابك معايا بيتقل..

يا داليا..وأنا متأكد إنك ليكي يد ف اللي بيحصل ده..

بس يا تري إيد مين اللي بتنفذلك يا داليا..إيد مين

_نور بعصبيه…سمير أنا عايزه أروح عند داليا..

سلمني ليها..هيا عيزاني أنا..

مش عيزاهم هما..وهما مالهمش ذنب ف حاجه..

خدني لأختك دلوقتي وبسرعه

_سمير…حاضر يا نور هسلمك ل داليا..

وهسلم نفسي ل داليا..ونبقي كلنا تحت رجليها..

تعمل فينا اللي هيا عيزاه

_نور بعصبيه…قول بقي كده..إن إنته خايف على نفسك..

يا سمير باشا لو خايف على نفسك..نزلني هنا وأمشي..

وكلم أختك عرفها مكاني..تبعت رجالتها ييجوا ياخدوني

_في الوقت اللي نور بتتكلم فيه..

سمير بدأ يحضر حقنه..

ونور طبعاً لا شيفاه ولا حاسه هوا بيعمل إيه..

ما حستش غير وفيه إبره بتنضرب ف وريد..

من رقبتها………

  •تابع الفصل التالي "رواية عمياء وسط الذئاب" اضغط على اسم الرواية