رواية جميلة الفصل الخامس 5
مساء الخير للجميع 💐💐🤍💐🤍❤️
الجزء الخامس من قصه ❤️💐💐🤍❤️
(❤️جميله ❤️)
الدكتور: للأسف يا استاذ ياسين موضوع حمل المدام مستحيل
ياسين: ليه مستحيل
الدكتور: لأن عندها مشاكل في الرحم والهرمونات عندها مشاكل كتير لو حضرتك عايز تاخد الفحوصات وتروح بيها مكان تاني معنديش مانع
ياسين: طب شوف أنا الحمد لله مقتدر لو في علاج بره حتا لو تكلفته كام مش مهم المهم يكون في حل
الدكتور: للأسف الشديد مفيش اي حل
ياسين: ( خدت الفحوصات ونزلت من عند الدكتور مش عارف اقول اي ل جميله خايف عليها من رد فعلها كانت متحمسة جدا للموضوع ده وكانت بتحلم بيه ركبت عربيتي والتليفون مش مبطل رن ) ألو
جميله: اي كل ده علشان ترود عليا يا ياسين عملت اي
ياسين: جاي يا جميله سلام علشان سايق العربية
جميله: سلام ( صوت ياسين مش مريحني حاسه ان في حاجه ربنا يستر الوقت مش عايز يعدي أخيراً سمعت صوت عربيه ياسين جريت فتحت الباب ووقفت قصاده لحد ما يطلع )
ياسين: اي يا جميله في اي ادخلي جوه
جميله: اتكلم بقا يا ياسين
ياسين: جميله للأسف أنا عندي مشكله وصعب حلها حتا لو سفرت بره
جميله: ( بصدمه ) حتا لو سفرنا بره مفيش حل
ياسين: لأ
جميله: لله الأمر من قبل ومن بعد
ياسين: شوفي انتي عايزه اي وأنا مش هقدر اقو
جميله: هششش شوف اي وعايزه اي أنا لا يمكن ابعد عنك يا ياسين انتا عندي بالدنيا والله يا حبيبي وبعدين أنا عايزه اي يعني تاني من الدنيا ربنا رزقني براجل أحن عليا من أبويا أخ وزوج وأبن انتا ابني يا ياسين
ياسين: ( أنا مش عارف انا ليه قولت كده ل جميله بس ربنا كان رايد اني اقول كده علشان اسمع الكلام ده منها علشان لو في حاجه في دماغي أنساها )
جميله: ياسين بالله عليك ما تسكت كده انا اسفه والله اني ضغط عليك وخليتك تروح المشوار ده بس خلاص والله مش هتكلم في الموضوع ده تاني وعد والله
ياسين : مفيش حاجه خلاص يا جميله
جميله: طب قولي انتا عملت اي في موضوع المول اللي قولتلي عليه قبل كده
ياسين: هبدا في أن شاء الله بس لما اشوف حتت الأرض الأول
جميله: في حتت أرض جمبنا هنا والله تحفه يا ياسين
ياسين: شوفتها بس غاليه علينا اوي
جميله: مفيش حاجه تغلا عليك يا ياسين اسحب كل الفلوس اللي معانا وأبدأ في المشروع ده انتا طول عمرك بتحلم بيه
ياسين: حتا لو عملت كده مش هقدر اشطب الموقع لأن هيحصل عجز في الفلوس
جميله: ولا يهمك يا حبيبي انا ممكن أبيع بيت ----------
ياسين: لا طبعا مفيش الكلام ده
جميله: يعني هوا أنا عندي أغلا منك علشان أبيع عمري كله علشانه مش حتت بيت بعدين انتا عارف اني مش بحب البيت ده اصلا لاني بتشأم منه من ساعه ما بابا مات بعد ما بناه
ياسين: ماشي بس مش لدرجه اننا نبيعه
جميله: علشان خطري اسمع كلامي ولو عايز كمان نبيع الشقه دي ونرجع البيت القديم معنديش مانع والله كده كده أنا بحبه انتا عارف
ياسين: لا يا جميله البيت لوحده اصلا ينهي موضوع الفرع ده خالص
جميله: خلاص يبقا من بكره أن شاء الله نشوف مشتري للبيت
ياسين: أن شاء الله
جميله: فك بقا بالله عليك بلاش تزعل نفسك
ياسين: ( ضم جميله في حضنه ) صدقيني والله يا جميله أنا لو لفيت الكون كله مش ممكن اشوف واحده ضهر وسند ذايك كده
جميله: ربنا يخليك ليا يارب يا ياسين
ياسين : يخليك ليا يارب يا قلب ياسين
جميله: ادخل ألبس بقا واجي معاك نقعد شويه في المحل
ياسين : حاضر
جميله: بس المحل اللي في المنطقة القديمة اتفقنا
ياسين : حاضر ياله
جميله: عشر دقائق وهكون قصادك
ياسين : ( عمرها ما كانت بتحب تروح ولا محل ولا غيره بس أنا فاهم دماغ جميله هيا عارفه اني هكون زعلان ف عايزه تكون جمبي طول الوقت علشان تراقبني لو زعلان أو حاجه رد فعل جميله كان قوي جدا اتأكدت اني كنت صح لما قولت أن المشكله عندي أنا مش عندها هيا مش عارف جائز ربنا عمل كده علشان اشوف رد الفعل ده اللي أهم من الخلفه نفسها)
جميله: أنا خلصت ياله ننزل
ياسين: ( و بعنا البيت وعملت الفرع اللي كنت بحلم بيه عبارة عن مبنى كبير اربع طوابق في كل طابق براند لينا من أكل وشرب حتا ألعاب الأطفال وأماكن للسهر كل حاجه موجوده في وكل شيء كان ماشي كويس لدرجه اني نسيت الموضوع ده خالص انشغلت جدآ)
محمد: اي ياعم ياسين السكرتيرة بتعتك دي صعبه اوي
ياسين: متعرفكش معلش
محمد : طب قولها بقا دي ناقص تفتشني وأنا داخل
ياسين : ( مبتسم ) لا مش للدرجادي وعلي العموم استنا
محمد : بتعمل اي
ياسين : بكلمها أهو
مها : ألو يا مستر ياسين
ياسين: تعالي يا مها عايزك
مها : حاضر
ياسين: قولي بقا الشغل في الفروع عامل اي
محمد : تمام التمام الحمد لله
ياسين: ادخل
مها : افندم يا مستر ياسين
ياسين: مها أعرفك على محمد اخويا الصغير
مها : سوري يا مستر مكنتش اعرف
ياسين: منا عارف علشان كده قولتلك
مها : اسفه يا مستر محمد
ياسين.: لا مش لدرجه مستر يعني
محمد: لا لأ حلوه مستر دي سبها تقولي مستر
ياسين: ( بيضحك ) ماشي يا مستر
محمد: اي اخبار الشغل هنا
ياسين: تمام اتفضلي انتي يا مها شكرا ليكي
مها : تمام ماشي بعد إذن حضرتك
ياسين: اتفضلي
محمد : اي الدنيا هنا ماشيه حلو
ياسين: والله يا محمد تمام بس بيني وبينك نفسي في حتت عيل بقا بأي شكل
محمد : ربنا يديك يارب يا ياسين أن شاء الله ربنا هيراضيك انتا مش بتسيب اي حد محتاج مساعده إلا لما تقف جمبه
ياسين : أن شاء الله بس بيني وبينك حاسس ان الموضوع مستحيل فعلاً كل الدكاترة نفس الكلام
محمد: ربنا يشفيك يارب يا ياسين
ياسين: يابني أنا مفيش حاجه المشكلة عند جميله اصلا
محمد: جميله اذاي انتا مش قولت أن المشكله عندك انتا
ياسين : لأ أنا كنت بعمل كده علشان خايف على جميله
محمد: لا انتا بتهزر صح قول صح علشان دماغي لفت بجد
ياسين: لا والله بتكلم بجد
محمد : يا خبر يا ياسين دي جميله لو عرفت ممكن يحصل ليها حاجه
ياسين: علشان كده خبيت عليها
محمد: وبعدين هتعمل اي
ياسين: هعمل اي يعني بيني وبينك موضوع طارق سالم ده شاغل تفكيري اوي
محمد: هوا لسه بيخرب وراك برضوه
ياسين: اه لسه جيلي من ورا اتنين مليون جنيه ضريبة
محمد: يا خبر وبعدين
ياسين : مش فاهم هوا عايز اي بس مننا
محمد: منتا عارف هيموت ويتشارك معاكم في المكان
ياسين: نجوم السما اقرب ليه
محمد: يبقا هتفضل طول الوقت تحت الضغط ده يا تقعد معاه وتوصل لحل وسط
ياسين: لا من ساعه المشكله اللي حصلت معاه ساعه ما فضل يلف حولين جميله و ضربته وهوا عايز يوقعني بأي شكل
محمد: م بصراحه يستاهل
ياسين: منا عارف علشان كده مش ندمان ولو حصل الزمان رجع تاني هضربه تاني برضوه
محمد: لأ بقا دنتا اللي عايز تضربه ( وبيضحك )
ياسين: ياله ياض روح شوف شغلك
محمد: ماشي يا سيدي سلام صحيح
ياسين: اي
محمد: في بنت كده كنت عايز اخدك معايا انتا وجميله الاسبوع الجاي نقرأ عليها فاتحه
ياسين : وماله ياعم محمد نروح كلم جميله بس أكد عليها علشان تفكرني
محمد: ماشي وفي حاجه تانيه أصلا
ياسين: اي
محمد: أنا جاي اصلا اديك الشيك ده
ياسين : هات يا عم المسطول انتا
محمد: سلام
ياسين: محمد
محمد: نعم
ياسين: الشيك ده مكتوب بأسمي خلي بالك انتا عارف اني قولت مليون مره اي حاجه تتكتب تكون بإسم جميله مش باسمي
محمد: معلش مش هتحصل تاني بس ممكن اعرف السبب
ياسين: علشان أنا ضامن جميله بس مش ضامن نفسي
محمد: لا معلش أفهم
ياسين: يعني أنا ممكن دماغي تضحك عليا إنما جميله لا علشان كده بضمن حقها في كل الفلوس فهمت
محمد: اكدب عليك لو قولت اني فهمت
ياسين: امشي ياض
محمد : سلام
في جانب آخر
جميله: ألو
ياسين: اي يا حبيبتي
جميله: انتا فين
ياسين: في الشغل
جميله: طب اجي اقعد معاك شويه
ياسين تعالي وهاتي معاكي مفاتيح الخزنه علشان نسيت أخدها الصبح
جميله: ماشي سلام
ياسين: سلام
جميله: ( بعد ما لبست خدت المفاتيح الشيطان دخل في دماغي قالي افتحي الخزنه ليكون بيعرف حد عليكي وفي اي دليل في الخزنه رغم اني مش بشك ف ياسين ولا في أخلاقه بس هيا غيره عليه مش اكتر فتحت الخزنه لقيت فيها أوراق كتير خاصه بالشغل ولقيت كمان كشف الفحوصات اللي كان عامله ياسين لينا إحنا الاتنين عند الدكتور قولت اخده اصور الدرجات والتقييم بتاع الفحوصات واحطه تاني مكانه يمكن لما اروح لدكتور تاني من ورا ياسين ألقي حل وفعلاً صورت الورق بس بدال ما اروح ل ياسين اتصلت بيه قولتله معلش يا حبيبي انا تعبانه شويه ومش هقدر أجي وقولت أروح للدكتور يمكن يكون في حل أن شاء الله) ❤️❤️❤️❤️❤️❤️❤️❤️❤️❤️❤️❤️❤️❤️❤️ إلي اللقاء في الجزء القادم ❤️❤️
✍️ليل أدم ❤️💐
•تابع الفصل التالي "رواية جميلة" اضغط على اسم الرواية