رواية جميلة الفصل السادس 6
مساء الخير للجميع 💐💐🤍 🤍🤍❤️
الجزء السادس من قصه ❤️💐💐🤍❤️
(❤️ جميله ❤️)
جميله: (وفعلاً وصلت للدكتور حجزت وبعد عشر دقائق كنت كان دوري )
الدكتور: مدام جميله مكنتش حابب اقولك أنه صعب جدا بس فعلاً أنا آسف مفيش حاجه ينفع تتعمل
جميله: ولا علاج ولا سفر ولا اي حاجه تنفع
الدكتور: للأسف زوج حضرتك من رابع المستحيلات يكون أب في يوم من الأيام أسف لحضرتك
جميله: ( خدت الفحوصات وخرجت علي أد ما أنا زعلانه جدا جدا اني مش هكون أم علي أد ما أنا حزينه جدا علي ياسين بس اكيد ربنا ليه حكمه في كده رجعت البيت تاني حاولت اكون طبيعية علي أد ما اقدر علشان ياسين زمانه )
ياسين: عامله اي يا حبيبتي
جميله: الحمد لله تمام انتا عامل اي طمني عليك
ياسين : تمام التمام تعالي عايزك
جميله: اي
ياسين : انتي ناسيه النهارده اي
جميله: الله العقد ده علشاني
ياسين : كل سنه وانتي طيبه يا حبيبتي النهارده عيد ميلادك
جميله: والله كنت ناسيه يا حبيبي ربنا يخليك ليا يارب وتفضل فاكرني كده على طول
ياسين : اللهم امين ياله بقا علشان ناكل بره النهارده
جميله: طب ما نقضي اليوم هنا مع بعض
ياسين : يا سلام لأ طبعا أنا حجزت الدور الأخير كله لينا النهاردة أصلا
جميله: لأ أن كان كده يبقا ربع ساعة وهكون جاهزه
تليفون ياسين بيرن
ياسين: ألو
مها : مستر ياسين استاذ طارق هنا وعايز يقابل حضرتك
ياسين: يا مساء العكننه قوليله النهارده مش فاضي بكره شوفي ميعاد فاضي وقوليله
مها : تمام اللي حضرتك تشوفه
ياسين: سلام
جميله: مين دي ياسين
ياسين: دي السكرتيرة
جميله: سكرتيره أول مره تقولي انك جبت بنت تشتغل معاك يعني
ياسين: مجتش مناسبه بس مش اكتر
في جانب آخر
طارق : انتي بتعملي اي
مها : بشوف ميعاد فاضي بكره لحضرتك تيجي في
طارق: ليه هوا ياسين فين
مها : مستر ياسين مش فاضي النهارده علشان عيد ميلاد مدام جميله
طارق : اي ده هوا جميله عيد ميلادها النهارده
مها : اه حضرتك تعرفها
طارق : طبعاً
مها : مستر ياسين حاجز الدور الأخير كامل علشان العيد ميلاد ده
طارق : الله حلو اوي بعد اذنك
مها : على فين استاذ طارق استاذ طارق
في جانب آخر
جميله: أنا جاهزه
ياسين : اي الجمال ده هوا في كده
جميله: تعاله بقا نروح نشوف ست مها دي علشان مش مرتاحه
ياسين : ( بيضحك ) حرام عليكي
جميله: طب ياله يا حبيبي ياله
ياسين: ياله بينا
في جانب آخر
طارق : ألو
محمد : ألو مين معايا
طارق : ازيك يا محمد انتا مش فاكرني
محمد: لا والله معلش مش واخد بالي مين حضرتك
طارق : أنا طارق سالم
محمد : اهلا يا استاذ طارق عامل اي
طارق : تمام وانتا
محمد : تمام خير يا استاذ طارق
طارق : قولي يا محمد مش نفسك تكون صاحب فروع ومحلات ذاي ياسين كده
محمد: طب ما أنا صاحب فروع ومحلات وسنتر كمان
طارق : سيبك من الكلام ده أنا بقولك تبقا بتعتك بجد مش بالكلام
محمد: استاذ طارق ياسين اخويا وكل حاجه أتبنت علي كتفي وكتفه هيا فعلاً بتعتي وبتعته وعلي العموم لا مش نفسي وبعد اذنك لو حابب توقع ياسين في مشاكل حط في دماغك اني اخر واحد ممكن يساعد حضرتك ياله سلام
طارق: طب فكر
محمد : طارق بيه سلام
طارق: سلام
في الوقت ده كان وصل ياسين وجميله الي المطعم
جميله: فين بقا مها دي
ياسين : جميله مالك في اي انتا شاكه في حاجه ولا اي
جميله: لا طبعاً بس حقي أسأل ولا مش من حقي
ياسين : حقك
حسن عامل المطعم: مستر ياسين تطلب اي
ياسين : ابعت حد ينده مها وشوف مدام جميله عايزه اي
حسن: تحت أمر حضرتك
جميله: ممكن حد يبعت ل استاذه مها الأول
حسن : تحت أمر حضرتك بعد أذنكم
ياسين: أتفضل يا حسن
ياسين: ينفع كده يا جميله مش ممكن بصراحه
طارق: مدام جميله تعمل اللي نفسها في كل سنه وانتي طيبه وعبال مليون سنه اتفضلي
جميله: ( بصدمه وعنيها على رد فعل ياسين)
ياسين: هوا حد عزمك يا طارق
طارق: تفتكر طارق سالم محتاج دعوه علشان يجي يبارك ل مرات اخوه
ياسين: بس أنا مش اخوك يا طارق من فضلك خود رساله الوالي اللي انتا جاي بيها دي وشوف رايح فين
طارق: رساله والي اي بس ده عقد البيت
ياسين : بيت اي
طارق: البيت اللي جميله باعته علشان تساعد مستر ياسين يكمل بنا المطعم الفخم ده كله
ياسين: انتا جبت العقد ده منين يا طارق
طارق: مش مهم المهم أنه هديه بسيطه ل مدام جميله أنا عارف أد اي البيت ده قريب من قلبها علشان كده قولت يتقدم هديه بسيطه ل مدام جميله
ياسين: بس احنا مش محتاجين للبيت ده
جميله: استاذ طارق من فضلك لو كان البيت مهم عندي اكيد كان زمان ياسين أشترى ذاي ما باعه مش أنا اللي بعته لأن كل حاجه حتا أنا ملك ياسين
طارق: والله يا بختك بيها حقيقي على العموم خلي بالك منه علشان ده ميضمنش بصراحه وكل سنه وانتى طيبه وعبال مليون سنه للمره الثانيه
ياسين: عرض كتافك بقا يا طارق
طارق : اهو حلو كده
ياسين: أوي
طارق: ( بيضحك ) سلام
في جانب آخر
مها : كل سنه وحضرتك طيبه يا مدام جميله اسفه جدا مقدرتش اجيب لحضرتك حاجه بمناسبة عيد ميلادك بس مكنتش اعرف أن مستر ياسين هيطلب مني اكون موجوده
جميله: لأ ولا يهمك
ياسين: مين قال ل طارق أن النهارده عيد ميلاد جميله
مها : لا مش عارفه بصراحه
ياسين: تمام بعد كده اي معلومه تخرج بره مكتبك انتي المسؤوله قصادي تمام
مها : حاضر
ياسين: اتفضلي كملي شغلك انتي يا مها
جميله: ياسين مالك اي العصبية دي كلها
ياسين: الواد ده يظهر بس في حياتي بتجنن
جميله: سيبك منه خليك معايا أنا
ياسين: حاضر
في جانب آخر
مها : بلاش بقا كلام تاني عن ياسين ولا جميله علشان قلب وشه عليا
طارق: يعني هوا أنتي بتقولي حاجه ببلاش ثما أنا لما جيت كنت بكلمك ولا كأني أول مره أشوفك
مها : يا طارق منا مش عايزه حد ياخد باله لحسن ياسين من ساعه ما نزلت من عنده وهوا مش طايق نفسه
طارق: متقلقيش كل حاجه معمول حسابها
في جانب آخر
ياسين: جميله ياله نكمل السهره في البيت
جميله: طب ممكن تهدأ شويه طيب
ياسين. : لا بجد مش هبقى كويس الا لو رجعنا البيت
جميله: طب قوم ( وخد ياسين جميله ومشي فعلاً على البيت )
حسن عامل المطعم: ( شاف تليفون جميله على الترابيزه خده وخرج جري بس للأسف الشديد كانت عربية ياسين وجميله مشيت)
حسن : مها تليفون مدام جميله نسيته على الترابيزه
مها : لا بجد وريني كده
حسن : خودي علشان أنا نازل المطعم وخلي الفون معاكي
مها : خلاص هات انزل انتا
مها : ( خدت الفون وكان من الصدفه أنه ملهوش باسورد فتحته قعدت أقلب فيه شمال ويمين لحد ما لقيت في صور غريبه جدا تقريبا تحاليل وفحوصات طبعاً كلمت طارق )
طارق: ألو
مها : أنا معايا حاجه تسوى كتير اوي اوي اوي
طارق: معاكي اي
مها : معايا تليفون جميله شخصيا وأنا بفتش في لقيت حاجه غريبه اوي
طارق : لالالا سيبك من اللي لقيته ده خالص أنا عايز التليفون ده بأي ثمن وفي اقرب وقت ممكن و هديكي اللي تطلبي حالا ❤️❤️❤️❤️❤️❤️❤️❤️❤️❤️🖤🖤 إلي اللقاء في الجزء القادم 🖤🖤
✍️ليل أدم 💐❤️
•تابع الفصل التالي "رواية جميلة" اضغط على اسم الرواية